|
Re: اخيراً قررت ان ( أدبل) .... سجن سجن .... غرامة غرامة (Re: hamid brgo)
|
Quote:
أحلى حاجة فى المحس بحبوا بصدق نسوانن ومخلصين وبموتوا ويحيوا سواء محظوظة البتتزوج محسي |
طيب يا وضاحة ما تجي نديك واحد محسي علم و وجاهة وعايش في بلاد الفرنجة وفوق دا كله شباب ما سبق أن تزوج
نقاوة يعني
ولو لما في بريمة دا .. ليه لو لما نكلمه عديل نقول ليه بريمة دا أمسكه دقو دق العيش
ما تقولي كمان هو جسم رياضي وملاكم هاوي بالإضافة إلى إنه مهندس
وكمان نفس الأفكار ضد تعدد الزوجات! ____________
رايك شنو !
| |
|
|
|
|
|
|
Re: اخيراً قررت ان ( أدبل) .... سجن سجن .... غرامة غرامة (Re: Asim Fageary)
|
عاصم فقيري: المرة ما فايتة ليها نص حصان _______________________________
بصراحة يا صديقي اول مرة اعرف انو قوة المرة نص حصان اها قوة الرجل كم ؟ يعني حصانين عشان مسموح ليهو زواج 4 نسوان
غايتو الواحد لو ما كان ود ناس شديد و كده ،،، كان قال ليك في فرق بين الحصان النيجيري و الحصان الصيني ؟
ياخي دي لذيذة
| |
|
|
|
|
|
|
Re: اخيراً قررت ان ( أدبل) .... سجن سجن .... غرامة غرامة (Re: hamid brgo)
|
الف الف مبروك وبيت مال وعيال وسعاده يا اخ حامد .. غايتو نحن عايزين وملاوزين كدي ورينا الطريقه كيف علشان نتبعها ,, وسجن سجن غرامه غرامه .. يا وضاحة المحس فعلا بحبو نسوانهم بصدق لكن اها مثى وثلاث ورباع دي عندك فيها كلام ؟؟ بالمناسبة انا محسي لكن ما رطاني يعني تايوان ,, غايتو انت ياخونا عاصم فقيري ده جابها ليك مقنطرة اوعك تأبيها مملحة .. لووووووووووولز
الف مبروك مرة اخرى وعقبالنا وعقبال جميع من زينا ..
تحياتي : ياسر العيلفون
| |
|
|
|
|
|
|
Re: اخيراً قررت ان ( أدبل) .... سجن سجن .... غرامة غرامة (Re: A.Razek Althalib)
|
Quote:
أبشر بالخير يا عريس ووسع أبواب رزقك.. |
صاحبي عبد الرازق العربي
إنت ما تورينا وتبشر لنفسك كمان مالك ما عندك أبواب رزق عاوز توسعها
ولا ما عندك أصابع تبشر بيها
ولا فالح تتراجل لي في الكلام الفاضي بتاع بريمة
ما تعرس ودبل وتبشر وتوسع أبواب الرزق !
.....
يا حامد يا عريس
أنا ما تخاف علي نحنا واحدة ما بنزيدها
لو وضعونا الشمس على يميني والقمر على يساري لكي أمارس ما تسمونه بالتدبيل لما فعلت !
أرى أن التعدد فيه ظلم للمرأة ويخلق كثير من المشاكل الإجتماعية
| |
|
|
|
|
|
|
Re: اخيراً قررت ان ( أدبل) .... سجن سجن .... غرامة غرامة (Re: Asim Fageary)
|
عاصم فقيري: ارى ان التعدد فيه ظلم للمرأة و يخلق الكثير من المشاكل الاجتماعية
__________________________
قمة الانبطاح الاجتماعي لكن لو تصدق فان خطوتي هذه و الخطوات السابقة كلها خدمة للمرأة و حلا للكثير من المشاكل الاجتماعية و الاقتصادية أيضاً
بالتأكيد ستقف كثيرا عند جزئية حل المشاكل الاقتصادية لكنها حقيقة و لا يعلمها غير المجربين
| |
|
|
|
|
|
|
Re: اخيراً قررت ان ( أدبل) .... سجن سجن .... غرامة غرامة (Re: عبدالعزيز عثمان)
|
د.حامد
شايف محمد سليمان سألك من قلبك ...
انا والله قلت من الأمانه اني احكي ليك قصة عمك المشي اتزوج بت صغيره فوق لي أم عيالو .....!!
اها عمك بعد اسبوعين من العسل .... قلبو قرب يقيف ...
العروس جابت ليهو الاسعاف ... وزاغت ما مشت معاهوا الاسبتاليه ... خايفه من وليداتوا ...
عمك لحقوهوا بي الله و يامين ... ومرق منها ...
وطبعا ام العيال ماجات زعلانه ... والعروس الجديده ما جات ... خايفه ...
بعد عشره يوم ... عمك كتبو ليهو خروج ...
جاهو ولدو الكبير وقال ليهو بالراحه كده ...
كتبو ليك خروج يا بوي ... تحب نوديك عند زوجتك الجديده ... ولا نوديك بيت أمي ؟؟؟
عمك بي صوت محشرج كده ... قرب ولدو وقال ليهو ...
لا دي ..لا دي يا ولدى ... ودينى عند أمي انا ده ..!!!
| |
|
|
|
|
|
|
Re: اخيراً قررت ان ( أدبل) .... سجن سجن .... غرامة غرامة (Re: عبدالعزيز عثمان)
|
Quote: أنا ما تخاف علي نحنا واحدة ما بنزيدها |
أهلك العرب بيقولوا شيمة الرجال الطمع يا فقيري.. مالك جاري واطي ..؟.
Quote: ما تعرس ودبل وتبشر وتوسع أبواب الرزق ! |
السعيد يا فقيري بيشوف في أخوانو ناس حامد برقو..
ناس حامد برقو هم السابقون وود الطالب (نحن) اللاحقون بإذن الله الواحد الأحد..
ما تبوظ الحفلة يا فقيري بالحسادة ساكت..
| |
|
|
|
|
|
|
Re: اخيراً قررت ان ( أدبل) .... سجن سجن .... غرامة غرامة (Re: hamid brgo)
|
انه جواز سفر من دولة ST KITTSandNEVIS
يعطي فرص السفر لحوالي 127 دولة بما فيها منطقة دول الشين جين و كندا دون الحاجة الي التأشيرة
التحية لجميع المتداخلين و المتداخلات
ربي يحفظكم و يحفظ عائلاتكم الكريمة من الفتن و المشاكل
للذين لم يحالفهم الحظ ( او لم يرغبوا) في الحصول على الجوازات الغربية ، جربوا فرص الجواز الثاني ان رغبتم ان يملك الانسان اكثر من جواز سفر امر مفيد
و السلام حامد
| |
|
|
|
|
|
|
Re: اخيراً قررت ان ( أدبل) .... سجن سجن .... غرامة غرامة (Re: عبدالعزيز عثمان)
|
عزيزي عبد العزيز عثمان شكرًا على الإطراء الكبير في حقي المتواضع جداً
----------- ياخي اخوك حاول يتجرجر مع الناس شوية - لكن بيني و بينك كدا خفت من السودانيين رغم انه في اتفاق مسبق مع المدام على الموضوع لكن المانع شنو السودانيين ديل يقوموا يقولوا ليها وحيات حبوبتك اليابانية الراجل قاصد الشي زااتو - يعني عرس حقيقي اها نبقى في تلتلة حجوزات الطيران من أقصى جنوب افريقيا الي جنوب شرق اسيا - فقط لأشرح موقفي من البوست
عشان كدا قلت أحسن ارجع الخمسة جنيه و أقول الحقيقة عملا بمبدأ قريبي الفلاتي
هاهاها
تحياتي
| |
|
|
|
|
|
|
Re: اخيراً قررت ان ( أدبل) .... سجن سجن .... غرامة غرامة (Re: hamid brgo)
|
ناس حامد برقو خلونا (اتزوجنا) القضيه و هم يدبلوا في النسوان!!
النبي فيكم شفتوا نجاضة الدارفورين ديل؟!
يا حامد برقو يا اخي ما تخليك زي ياسر عمار...الراجل فضل متزوج القضيه للستين من عمره...هههههههه
النضال عندكم غايتو يا اولاد دارفور
شيء زواج
وشيء بزنس
وشيء دبيل
وبكره شيء وزارت و شيء امارات....قادر الله الزيكم منو.
اها نقول مبروك يا حامد برقو... لا......لا.....نحن جندريات.... ما بنقبل بالتعدد...يا زول ما بنقول مبروك.....يسمك.
| |
|
|
|
|
|
|
Re: اخيراً قررت ان ( أدبل) .... سجن سجن .... غرامة غرامة (Re: حسن حماد محمد)
|
صديقي من زمننن الصين .. د. حامد برقو .. كيفك و كيف ايامك و صديقنا الجميل معتز تروتسكي ..
لك مني اجمل التحايا و بيتين للمال و العيال انشاءالله
------------------------------------ manubia
---------------------------------------
الواحد ما عارف لييييه بخش بوستات التدبيل دي و بكون اخر انشراح و انبساطة و بكتب بابتسامة ... ما صفراء و الله
| |
|
|
|
|
|
|
Re: اخيراً قررت ان ( أدبل) .... سجن سجن .... غرامة غرامة (Re: hamid brgo)
|
يا حامد المثل بقول السواي ما عواي
بعدين أحيلك قصة
واحد من عندنا مشى تزوج _يعني دبل_ وجاء لعمته الكبيرة آخر الليل عشان يشاروها في الموضوع هل يشهره أم لا
فقالت ليهو يا ولدي الداير يسرق ليهو شيء ما بتكلم بيه
وإنت يبدو إنك مش عاوز تسرق ولا حاجة
لكن لقيت هبوب سودانيزأونلاين وعاوز تضري
عموما بعدين أحكي لنا تجربتك
بعدما تجرب طبعا
وأبشر ياكمون بالروا
قش
| |
|
|
|
|
|
|
Re: اخيراً قررت ان ( أدبل) .... سجن سجن .... غرامة غرامة (Re: فتح العليم محمد أبوالقاسم)
|
فتح العليم
Quote: نصيحة يا زميل اصرف نظر عن هذا القرار لمصلحتك ونومك هائناً ومصلحة ابنائك الزمن صعب وماحا تقدر على العدل . الله اهون عليك ان كنت جاد وان كنت مازحا الله استر عليك |
اخي فتح العليم اخوك خلاص اتورط ممكن ارسل ليك تلفون النسابه عشان تحاول تقنعهم يعني ممكن تقول ليهم : انا حامد ده بعرفو من الابتدائي ,,,, واحد مهبلس- و قاعد يمشي الديسكو و احتمال يكون كوز
هاهاها
| |
|
|
|
|
|
|
Re: اخيراً قررت ان ( أدبل) .... سجن سجن .... غرامة غرامة (Re: Osman Musa)
|
Amna.A Mukhtar
Quote: ياخي تدبل وللا ما تدبل ..إحنا مالنا عامل لينا غاغة ؟!!....ما تدبل من سكات ، أصلو من كلمة ( تدبل ) دى شكلك كوز ..وقديم ومصدي كمان |
يا آمنه في واحد ود اخوي كل ما يطلع من البيت بيرجع بي فلقة - سألوه ليه بتعمل كده في نفسك قال بعمل و بعمل مش بي قدرتي ؟؟ ياخي انا برضو ادبل و ادبل مش بي قدرتي هاهاها
بعدين كوز عرفنا و قديم عرفنا - مصدي يعني شنو ؟؟
_________________________ الحبيبة آمنة مختار انتي و الحبيبة تراجي ياخي لما عاوزين تدخلوا المنبر ارخوا الفرامل لكن ما تفكوها بالمرة انتي عارفة اكبر مشكلة واجهت شركة تايوتا في السنة دي كان مشكلة كوابح
| |
|
|
|
|
|
|
Re: اخيراً قررت ان ( أدبل) .... سجن سجن .... غرامة غرامة (Re: د.نجاة محمود)
|
تعرف يا حامد اخوي كسنا نمرقك ، لكن شكلك يومك تمه,, جماعتنا اصلو ،،بتاتا ما بدبلو. واحد تزوج قريبتنا،،ومبسوطين،، الله ما قسم ليهم ذرية.. والعمر تقدم بهم ،، وهم رضيانين... جو ،، جماعتك،،يازول كلامك اعوج،، يا زول سو ذرية.. قال ليهم ، ياناس العرس هين،، ده اقلاها داير ستة مليون.. مرقو ،، اتخيل نفسو انفكا منهم،، وبكريتا جوهو بدري شايلين دقشة قروش،، قالو ليهو يالله،،،قال ليهم ديل كم،،قالو عشرة مليون.. قاليهم اجماعة استهدوا بالله والله العشرة دي كان دخلناها في ام الحسين دي،، تتصلح في امان الله،، شالو قريشاتن ومرقو قاضبين.... حامد اخوي،،،انا بعرفك زول عاقل،،،دحين مرة اخري،،مبروك الجواز. اكرر،الجواااااز.
| |
|
|
|
|
|
|
Re: اخيراً قررت ان ( أدبل) .... سجن سجن .... غرامة غرامة (Re: عبدالعزيز عثمان)
|
Quote: تعرف يا حامد اخوي كسنا نمرقك ، لكن شكلك يومك تمه,, جماعتنا اصلو ،،بتاتا ما بدبلو. واحد تزوج قريبتنا،،ومبسوطين،، الله ما قسم ليهم ذرية.. والعمر تقدم بهم ،، وهم رضيانين... جو ،، جماعتك،،يازول كلامك اعوج،، يا زول سو ذرية.. قال ليهم ، ياناس العرس هين،، ده اقلاها داير ستة مليون.. مرقو ،، اتخيل نفسو انفكا منهم،، وبكريتا جوهو بدري شايلين دقشة قروش،، قالو ليهو يالله،،،قال ليهم ديل كم،،قالو عشرة مليون.. قاليهم اجماعة استهدوا بالله والله العشرة دي كان دخلناها في ام الحسين دي،، تتصلح في امان الله،، شالو قريشاتن ومرقو قاضبين.... حامد اخوي،،،انا بعرفك زول عاقل،،،دحين مرة اخري،،مبروك الجواز. اكرر،الجواااااز. |
عبد العزيز يا اخوي ناس المنبر مصائب لي يومين افتش لي البيحللني من البوست المهم(على قول تبارك).. في واحد قريبي ,,,قديما قال: المرة و اللوري النيسان لو لقوا زول مهتم اصلا ما بيقدموا
والله ترى حكمة
| |
|
|
|
|
|
|
Re: اخيراً قررت ان ( أدبل) .... سجن سجن .... غرامة غرامة (Re: د.نجاة محمود)
|
Quote: مهما اتمصلت واتفلفصتا ياكا ما تظنه تراجي.. تراج تنجر وتصدق وتاني يبقى في الهارد ديسك |
يا دكتورة شكلك ما زرتي بوست مرض الرئيس سلفا كير ياخي الحبيبة تراجي ندمتني اليوم ال سمعت فيهو بي ما ما ربيكا - خليك من د. جون قرنق و الرئيس سلفا كير
Quote: يو كانت هيلب ا فول |
انا حتى في البيت قاعد اقول ليهم يعملوا عدس بدل الفول ولا انتي ما قاصدة كدا ؟
العزيزة د. نجاة لك التحية
| |
|
|
|
|
|
|
|