|
الجوازات السعودية تلغي ورقة الخروج والعودة والنهائي
|
الرياض - فهد اللويحق
أكدت المديرية العامة للجوازات انه اعتبارا من تاريخ 1/11/1434ه سيتم الغاء ورقة بيانات تأشيرات الخروج والعودة والخروج النهائي والاكتفاء بالمعلومات المتوفرة على الموقع الإلكتروني (WWW.PASSPORTEVISA.COM) والتي توضح حالة التأشيرة وصلاحيتها.
وقال المقدم احمد اللحيدان المتحدث الرسمي للمديرية العامة للجوازات: ان هذه الخطوة تأتي ضمن خطوات المديرية العامة للجوازات في سبيل تحقيق توجيهات الحكومة الرشيدة بالانتقال الى الحكومة الإلكترونية وإنفاذا لتوجيهات صاحب السمو الملكي وزير الداخلية بأهمية تنظيم العمل وخدمة المواطن والمقيم بكل يسر وسهولة.
وأضاف اللحيدان يقول: إن هذه الخطوة سوف تسهل عملية إصدار التأشيرات عن طريق خدمات الجوازات الإلكترونية (أبشر) وستحقق الاستغناء الكلي عن المعاملات الورقية في هذه الخدمة كما أكد انه قد تم إبلاغ ذلك التاريخ لجميع الجهات ذات العلاقة ومنها الخطوط الناقلة ولن يحتاج المقيم المسافر أن يحمل معه ورقة بيانات التأشيره للمغادرة او القدوم حيث سيكتفى بالبيانات الموجودة في النظام الآلي والتي يمكن الاطلاع عليها عبر الموقع الإلكتروني (WWW.PASSPORTEVISA.COM.
الرياض
|
|
|
|
|
|
|
|
Re: الجوازات السعودية تلغي ورقة الخروج والعودة والنهائي (Re: بدرالدين الطائف)
|
قطعوا خطوات كبيرة فى موضوع الحكومة الالكترونية
قبل كم يوم مشيت اجدد الرخصة .. عملت لى ملف كبير خطاب من الكفيل مصدق من الغرفة التجارية ورقه المعمل لفحص النظر وفصيلة الدم صورة من الاقامة صورة من الرخصة صور شخصية ايصال السداد فى البنك ووووووووووو
مشيت المرور ... قال لى العسكرى ده كلو شيلو معاك .. ادينى بس الرخصة المنتهية وفى خلال 10 دقايق سلمنى الرخصة الجديده
واكتشفت انو سداد البنك بنزل عندو فى السستم تجديد الرخصة بنزل عندو فى السستم الفحص الطبى بنزل عندو فى السست الصورة الشخصية محفوظة عندو فى السستم
كل (الكمونية) بقت مربوطه فى الاجهزة الحكومية
| |
|
|
|
|
|
|
Re: الجوازات السعودية تلغي ورقة الخروج والعودة والنهائي (Re: وضاح عبدالرحمن جابر)
|
Quote: واكتشفت انو سداد البنك بنزل عندو فى السستم تجديد الرخصة بنزل عندو فى السستم الفحص الطبى بنزل عندو فى السست الصورة الشخصية محفوظة عندو فى السستم
|
سلام يا وضاح من خلال إشتراكي فى نظام ابشر قبل سنة إكتشفتة إنه المعقبين ديل قاعدين يخموا الناس ساكت الاقامة تاخد اسبوع فى التجديد والخروج والعودة كم يوم؟ الخروج والعودة من الجوازات سابقاً بعد ما تدفع الرسوم وتملا الاورنيك ما بياخد منك اكتر من دقيقتين فى الشباك . الان لو كفيلك اداك اليوزرنيم والباسوورد بتاع ابشر حقو موضوعك منتهى تمشى الجوازات تستلم الاقامة بالنسبة للتجديد. والخروج والعودة من الكمبيوتر تشيل شنطتك وتمشى على الطيارة عدل.
| |
|
|
|
|
|
|
Re: الجوازات السعودية تلغي ورقة الخروج والعودة والنهائي (Re: بدرالدين الطائف)
|
Quote: سلام يابدر.تحياتى
البقنع ناسنا هناك منو؟المغتربين.
طبعاً ممكن تطبعها من الموقع مباشرة وتشيله معاك.
ناسنا لسه ماقادرين يربطوا السفارة بالمغتربين..ورق فى ورق.
تحياتى |
سلام يا سمعة واخبارك. ناسنا مافى غير الختم حق الدخول يقتنعوا بيهو غير كدة مافى حل. ما كل الكفلاء ممكن يعملوا ليك الورقة ممكن ببساطه يضحك عليك ويقول ليك ايش اسوى لك انا ده نظام البلد .
| |
|
|
|
|
|
|
Re: الجوازات السعودية تلغي ورقة الخروج والعودة والنهائي (Re: Hafiz Bashir)
|
Quote: لكن الكلام دا مش كان المفروض يكون منذ أمد بعيد ؟ ولا كانوا بيطبخوا علي الحاسوب ؟؟ |
مرحب ست البنات
انت تاتى متاخرا خيرا من لا تاتى .
السعودية ماشة فى تطور كبير بالنسبة لتحسين اوضاع المقيمين فيها . وكل يوم بيضيق الخناق على مخالفي الانظمة بيتم فيهو تحسين اوضاع العاملين بصورة نظامية مطابقة للضوابط والانظمة الجديدة.
| |
|
|
|
|
|
|
Re: الجوازات السعودية تلغي ورقة الخروج والعودة والنهائي (Re: بدرالدين الطائف)
|
Quote: اخونا بدر الدين تحياتي
الاصل في الاشياء الاباحة إذن الأصل هو حرية الإنتقال و السفر و الإستثناء أن يتطلب السفر إذن من الكفيل
|
سلام يا حافظ نعم الاصل فى الاشياء هو الاباحه ولكن هناك اشياء لابد من وضع ضوابط وانظمة لها. العلاقة بين الدولة واى وافد لها لابد وان تحكمها ضوابط وانظمة. نحن فى السودان عندنا لا يسمح للاجنبى بالتنقل من مدينة لاخرى بدون تصريح مسبق حسب علمي الا اذا كان هناك نظام جديد.
| |
|
|
|
|
|
|
Re: الجوازات السعودية تلغي ورقة الخروج والعودة والنهائي (Re: بدرالدين الطائف)
|
بدر الدين .. سلام ....
نحنا عندنا في الشركة بنطبع تاشيرة الخروج والعوده المفرده من السيستم مباشرة ونديها للموظف دون الرجوع للجوازات .... الا ان التاشيرة المتعدده يتطلب الرجوع للجوازات .... ويتم منحها آلياَ دون طباعتها .. وانا ما عارف المشكلة وين لو تم طباعتها . حيث واجهتنا مشكلة مع السفارة الالمانية عندما طلبنا الحصول على تاشيرة شينقين .. لان من ضمن الشروط ابراز تاشيرة الخروج والعوده . كذلك كما قال الاخ اسماعيل .. ادارة المغتربين في السودان .. كما جبت ليهم ما يثبت انك راجع السعوديه ... لن يمنحوك تاشيرة خروج ... ونحنا لمتين ... ناخد تاشيرة خروج عشان نطلع من بلدنا ؟؟؟؟؟؟ اعتقد السودان الدولة الوحيده في العالم .. تشترط على رعاياها الحصول على تاشيرة مسبقة للسفر... منتهى التخلف ..
تحياتي ,,,
| |
|
|
|
|
|
|
|