|
|
|
 Re: بوست هتافي استفزازي (Re: عبدالحفيظ ابوسن)
|
زولا فقران ,, ساكن جمب واحد طغيان وغنيان ,, اها الزول الفقران يوماتي بجي شايل صينيتو فيها فرد ملاح وسلطة ,, مرة ام رقيقة ومراتن ملاح قرع وكدة
وسيد البيت وعيالو ,, صينيتم عمرانه , ملاحين وسلطه وغموسات ومراتن لحمه يا رز ,, يا كاسترد باللبن
اها الزول الطغيان ده , كرهان الرجل الفقران في غداهو معاهو ,,,
وزولنا الفقران رجل عادي , بشبه معظم السودانين , البقولو ليك
بارك الله في طعام كثرت فيه الايادي
والاكل براي ده بغلبني تب
كايس الرفقة بس
| |
 
|
|
|
|
|
|
|
|
Re: بوست هتافي استفزازي (Re: عبدالحفيظ ابوسن)
|
اها
التغيان غلب حيله في الفقران ,, نعمنو زول بسيط , وبحمل التصرفات والتعريضات محمل حسن النية ,
مرة عيال التغيان بإتفاق مع ابوهم ,, قال واحد فيهم
امبارح صحيت من النوم ,, شايف الشمش مرقت من ورا ,, وانا نايم في ضهر الحيطة صحتني من النوم
الفقران قال ليهو
ها ود كلامك ده ما صاح
الود قال ليهو
آي صاح , وانا مخسوس بنوم في ضهر البيت ,, شان الشمش ما تجيني
الفقران قال ليهو
الشمش بتمرق من الشرق ,, شان كده بقولو الشروق وتغرب من ورا الغرب ويقولو غروب
قال ليهو
لا ,, انا متأكد
والابو يعاين ساكت
الفقران قال ليهو
الشمش بتمرق من ورا يوم القيامه بس ,, والوقت داك الكافر كافر والمسلم مسلم
الولد قال ليهو
يعني انا كافر
الفقران قال ليهو
لا لكن
فت الابو اتنفض
حتي كمان وصلت تكفر ولدي وتعلمو الغولات ,, تاني من يوم الليله لا تجينا لا نجيك
| |
|
|
|
|
|
|
|
|
|
Re: بوست هتافي استفزازي (Re: عبدالحفيظ ابوسن)
|
بعض الحوارات هدفها يكون واضحا حين إبتداءها ,, وواضح ذلك في نقاشها لما يكون مسلما به ومثبت بإنكاره ,, او التعرض له بالسخرية المبتذلة
نعم
كل المسلمات خاضعة للجدل ,, لدحضها او تثبيتها ,, ويكون ذلك بلغة رصينة ومنطق جاد موضوعي
| |
|
|
|
|
|
|
|
|
|
Re: بوست هتافي استفزازي (Re: عبدالحفيظ ابوسن)
|
كما قال اخي محمد الهادي
مشفقا وناصحا
الناس احرار فيما يكتبون ,, وهذا المنطق يجري علي انا بذات التقييم
ولكن بإضافة
الناس احرار فيما يكتبون ,, والقراء احرارا في تقيمهم لما يكتب
وهذا التقيم يتخذ عدة اشكال
النقد المباشر بشكل موضوعي
الانجرار وراء السخرية والمهاترة
الصمت والاحجام عن الخوض في الحوار
| |
|
|
|
|
|
|
|
|
|
Re: بوست هتافي استفزازي (Re: عبدالحفيظ ابوسن)
|
لا احد يمتلك مفاتيح المعرفة الانسانية وحده , وفي ذات الوقت لا يمتلك تقيم واقع الحياة بكل تصنيفاتها وحده , تلك الحياة التي تختلط نابل سياستها بحبابل اقتصادها ,, لذا كان الحوار العقلاني والموضوعي ,, حوار الفرقاء ,, لا حوار المتفقين
حوار الفرقاء لإيجاد طريقا آخرا يتم الاتفاق فيه علي ثوابت ذات ارضية مشتركة ,, هذا ان اردنا ان نحيا كأنسان ونجعل الحياة علي هذا الكوكب محتملة رغم قصرها ,, واضيف بل ونجعلها سعيدة
| |
|
|
|
|
|
|
|
|
|
Re: بوست هتافي استفزازي (Re: عبدالحفيظ ابوسن)
|
في الكورة التي لا اعرف سوي اسمها ,, اعرف ان هنالك لعب الكسر
تسمع الجمهور يكورك
أكبرو ,,, أكبرو
فيكبروه ويمرقو بره الملعب
ودايما المكبور بكون لعاب وحريف وبمتع الجمهور وبلعب نضيف ,, اجاده العمل ايا كان نوعه بكون مربوط بحسن السلوك
الطالب الشاطر مؤدب
الطبيب الماهر متواضع ويتبع اخلاق المهنة
وهكذا
سأعود
| |
|
|
|
|
|
|
|
|
|
Re: بوست هتافي استفزازي (Re: عبدالحفيظ ابوسن)
|
عبد الحفيظ ... سلام يغشاك ..
أكيد بسوتيك دا ... وراهو كلام تااني... انا ما خابرووو ..
لاكييين ... الهتاف البعرفو انا ...هو
بالطول بالعرض ... سودانا يهز الارض ....
طبعا دا كان زمان .. ايام الكوره والناس كانت بخيرها ...
اما الان .. بيضربو بينا المثل في الكياشه ... ( من كيشه ما بيعرف يلعب ) ...
تحياتي .. يا ملك ....
| |
|
|
|
|
|
|
|
|
|
Re: بوست هتافي استفزازي (Re: زهير عثمان حمد)
|
الزول الزين / عبدالحفيظ ابو سن
تحياتي ,,,
لعلثي لم اعد من المتابعين إلا قليلاً , ولا اخفيك مرة اخرى اتتبعك وارقب حروفك الانيقة الملئ وجداً وحافز , وكم اخاف عليك من التكالب والشلليات التي تقصم الظهر وإن كان من وصية لك مني اخي الفاضل أن تجنب الردود المباشرة , وخليك على ذات نهج هذا البوست ولا تدخل في خصومات اكتب كلامك وامض ورسالتك تصل للصم الذين يقومون مقام الدفاع والتمترس وقتل اي اشراقة في هذا المنبر , فعليك الحذر واتباع التعميم وعدم الانجراف لمشكلات وصدمات خاصة , فهنا من يترصد لقتل اي امل في حوار عقلاني حتى نفر نفر كثير عن المنبر وانزوووووووووووووا .
مودتي .
................................................................حجر.
| |
|
|
|
|
|
|
|
|
Re: بوست هتافي استفزازي (Re: الرفاعي عبدالعاطي حجر)
|
مرحبا حجر
وحبابك ياخ
شاكر وممتن مرتين ليك
لمتابعتك
ونصيحتك الخالصة والصادقة
وثالثة اخري لحسن ظنك بي
لدي تجارب في اماكن اخر , يعرف بعضها بعض الاصدقاء هنا وبأسماء مختلفة , وهربت حين حوصرت بالشللية وحين شعرت انني اردت الانتصار لنفسي والمهاترة
اتعامل مع كل راد ومتداخل في بوستي كضيف , له حق الاكرام , فكتر خيرو ان كلف نفسه بقراءتي وكلف نفسه مرة اخري بأن رد علي
ولا ينبح في داره إلا الك ل ب
كثير موده وشكر لمساندتك وتشجيعك
| |
|
|
|
|
|
|
|
|
|
Re: بوست هتافي استفزازي (Re: عبدالحفيظ ابوسن)
|
مجيدو يا دفعة ! شفت الكوم ده كيف !
آي ياهو الهتاف حق الكورة زاتو
بالطول ,, بالعرض ,, شنو كدة ما عارف يهز الارض ,, ويقوم كدة مدرب البهز الارض يغير لاعب لأسس فنية ,, ولا امكن في سر هو عارفو ,, يعني اللاعب براهو امبارح مساهر ولا ركبتو كعبه وداسيها وقال للمدرب بقدر ألعب نص لكن غيرني ,, ولا يملصو فوقهم قون
يقوم ذات جمهور يهز الارض ,, يشتر ذات الفريق البهز الارض ,, ويلمو في اللاعبين واحد واحد مايخلو ليهم فرضا ناقص
يا سكران يا حيران
بايعا
يا
يا
ويخشو جوه البيت
اها الهتاف الجنس ده ما بطلعك السرير زاتو
| |
|
|
|
|
|
|
|
|
|
Re: بوست هتافي استفزازي (Re: عبدالحفيظ ابوسن)
|
مرحبا بلة محمد الفاضل
وحبابك
وشاكرا لك تقريظك وحسن ظنك بي
الكتابة مسؤولية اخلاقية وانسانية ووطنية
وخير الكتابة ما تركت في نفس القارئ تساؤلا
او دفعته لإتخاذ خيار انساني افضل
| |
|
|
|
|
|
|
|
|
|
Re: بوست هتافي استفزازي (Re: عبدالحفيظ ابوسن)
|
مرات زي الكورة
ما بتحتاج تكسر عشان تحرم الناس من لاعب
كيف ?
اقول ليكم
زمان جا بيلية للسودان ,, وانا اصلان عودي في الرياضة عود مرة ,من ما قمت ,, فالوالد رحمه الله كان صارما بخصوص لعب الشارع ومشي البحر
اها بيليه ده كان اسطورة , وبنقرا في مجلة سمير وميكي عن تاريخ حياتو ,, فمعروف بالنسبه لكل العالم
جا الخرطوم ولعب لعب استعراضي كتكريم ليهو ,, وحسب قول الناس ,, دار الرياضة الاعمي شايل المكسر , وكل الناس خاشه تشوف بليه شوف عين
خش بيليه وقفلو ليك اللاعب شواطين ,, قفلة نمرة خمسه مع الملف ,, ما اداهو فرصه يهبش كوره ,, مشي علي مدربو مشي معاهو
والناس كرهت شواطين
فالمباراة ما كانت غالب ومغلوب بل مباراة استعراضيه وتاريخيه واقلاها الناس تشوف لعب بيليه عيانا بيانا
شواطين ما غلط حرفيا ,, لكن غاب عنو هدف اللعبه زاتو
| |
|
|
|
|
|
|
|
|
|
Re: بوست هتافي استفزازي (Re: عبدالحفيظ ابوسن)
|
انا شخصيا احذر البوستات التي تناديني
والبوست العنوانو قبل تقراهو يستفزك عقلك ,, ليس ذلك الاستفزاز الذي يخرج اجمل ما عندك ,, بل لأقول الذي يحتقر معرفتك في ثوابتها ,, وقبل ان يأتي احدا وينتقدني بأنني قلت لا يوجد ثوابت بل كل شئ خاضع للجدل , بل اقول ثوابت الحوار
احذر عناوين التابلويد ,, العناوين الصارخة
فالامر ليس الادهاش في بوستات الحوار , بل الحقيقة ,, وليس المنطق الذي قال عنه الرسول (ص) قد يكون احدكم ألحن بحجته من اخيه
بل المنطق الرياضي الصارم والانساني
| |
|
|
|
|
|
|
|
|
|
Re: بوست هتافي استفزازي (Re: عبدالحفيظ ابوسن)
|
قالو
ولا الاصح قريت في كتب التراث العربي
قصة طويلة ودايره صبر ,, والصبر ليكم اولا ,, ولي ثانيا في كتابتها
ومن هسه هي من الذاكرة ,, والدايرها يقتشها في كتب التراث ,, انا غايتو بخم ساي ,, العقد الفريد ,, الامالي ,, الاغاني ,, ألخ
كدي بعد نبداها في حين ميسرة
وهي قصة سيدنا عمر و عمرو بن العاص
| |
|
|
|
|
|
|
|
|
|
Re: بوست هتافي استفزازي (Re: عبدالحفيظ ابوسن)
|
كان عمرو بن العاص واليا علي مصر , وطمع في ارض زراعية ملك إمرأة ,, طلب ان يشتريها فرفضت البيع ,, قام جاب ليهو جلد بقرة , وقال ليها داير قدر الجلد ده بس , ووافقت امام شهود
قام جاب زول عمل ليهو من الجلد ده حبل ,, قص الجلد وعملو خيط طويل ,, ولف بيهو الارض غطتها كلها
واستولي علي ارض المرة
احتجت جاب الشهود
والمنطق واضح ما شال اكتر من الجلد
| |
|
|
|
|
|
|
|
|
|
Re: بوست هتافي استفزازي (Re: عبدالحفيظ ابوسن)
|
والمرة النصرانية غلبت حيلة ,, وهو الوالي وهي اتغشت ,, وبطانته حللت له ذلك ,, واقنعتها بالمنطق ,, المنطق المعتمد علي التلاعب اللفظي وينبغي ! لها ان تسلم بذلك
وغلبت حيلة , حتي هداها احدهم ان تذهب لرئيس عمرو وهو سيدنا عمر بن الخطاب
فوافقت وذهبت من مصر حتي المدينه
| |
|
|
|
|
|
|
|
|
|
Re: بوست هتافي استفزازي (Re: عبدالحفيظ ابوسن)
|
ذهبت وقابلت سيدنا عمر رضي الله عنه وحكت مظلمتها , فطلب عظما كتب فيه , ودفعه لها لتعطيه لعمرو بن العاص
ضجرت المرأة
رأت اعرابيا دون فخامة الملك , يكتب في عظم
ذهبت ديارها وقذفت بالعظم نواحي دارها
واتعوضت الله
| |
|
|
|
|
|
|
|
|
|
Re: بوست هتافي استفزازي (Re: عبدالحفيظ ابوسن)
|
المنطق ,,?
كل يتحدث عن المنطق الذي لا يأتيه بالباطل مابين يديه ولا خلفه , حسب تصوره , وانا علي قناعه , ان البعض يعلم ان منطقه معوج وخاطئ ,, فهو منطق لا يخضع سوي إلي لي الحقائق البادية لكل ذي انسانية سليمة
هو منطق يتبع جلب المصلحة الموغلة في الذاتية
| |
|
|
|
|
|
|
|
|
|
Re: بوست هتافي استفزازي (Re: عبدالحفيظ ابوسن)
|
هو بالله يا عبدالحفيظ ،ناس عمر بن العاص ،الحضرو النبي ،وعايشو زهده في الدنيا،وشافو جبريل طالع نازل بالحق ،كانو برضو بطمعوا،واكان القصة دي صحي وبتحرمنو كمان...
اذن الانسان،ياهو الانسان،،نفسو صغيره...ومكار اكان لقي الدرب...
والحل...
النظم الادارية،والرقابية،والعقابية،،التي تحدد الحقوق والواجبات...
وتصون المجتمع من المتغولين...
اما الطيبين والصالحين،،فهذا ينفعهم،،اذ يردع الابالسة...
والله يا عبدالحفيظ اخوي بوستك ده عميق،،ودايرلو صبر،،عشان كده...
اها،حايمرق لي زول هسع اقول لي كيف تشكك في صحابي...
وانت المسؤول.
| |
|
|
|
|
|
|
|
|
|
Re: بوست هتافي استفزازي (Re: عبدالعزيز عثمان)
|
عبدالعزيز يا دفعة
عمرو بن العاص يقال انه القائل لحظة وفاته
شهدت رسول الله صلي الله عليه وسلم ولو مت لضمنت الجنة
وشهدت عهد ابوبكر وعمر وعثمان ولو مت لضمنت الجنة
ثم جدت امور فعسي ان يغفر الله لي
لا اتحدث في الصحابة فهم الاولون ولو انفق احدهم مقدار جبل احدهم ذهبا لما بلغ صدقة صاع منهم ,, كما جاء في الاثر الشريف
ولكنه التاريخ وموقفه من الفتنة الكبري معروف وامره لله
| |
|
|
|
|
|
|
|
|
|
Re: بوست هتافي استفزازي (Re: عبدالحفيظ ابوسن)
|
اها المرة مرة لاقت الراجل النصحها تمشي لي سيدنا , وسألها
قالت ليهو
مشيت لقيت اعرابي لا يشبه سمت الملوك , واداني عضم كتب فيهو كلام ,, اتعوضت الله في ارضي
قال ليها
العضم وينو
قالت ليهو
جدعتو في البيت
عنفها , وقال ليها
شيلي العضم واديهو لعمرو بن العاص
مشت البيت ,, وشالت العضم ودفعت بيهو لعمرو بن العاص
قرا المكتوب
وبكي
يتبع
| |
|
|
|
|
|
|
|
|
|
Re: بوست هتافي استفزازي (Re: عبدالحفيظ ابوسن)
|
اعاد الارض الزراعية للمرأة , واعتذر لها ,
كان مكتوبا في العظم
من عمر بن الخطاب امير المؤمنين
إلي عمرو بن العاص والي مصر
نحن أولي بالعدل من كسري
وا بس
خمسة كلمات فعلت فعل السحر
وتلك قصة اخري
| |
|
|
|
|
|
|
|
|
|
Re: بوست هتافي استفزازي (Re: عبدالحفيظ ابوسن)
|
من الفيس
اجتماع ادارة التعليم غير المدرسي بمحلية امبدة مع استاذات الرياض ناقش اليوم قضية أغتصاب الأطفال وخرج بتوصية هي : عدم لبس الملابس الشفافة و(السير) والملابس القصيرة لطفلات الروضة!
-احدى أستاذات الرياض علقت: أها بخصوص اغتصاب الاطفال الاولاد..الاجتماع ما ورانا نلبسهم لحدي وين يعني!!
| |
|
|
|
|
|
|
|
|
|
Re: بوست هتافي استفزازي (Re: عبدالحفيظ ابوسن)
|
اها في هتافية أكتر من الرد الفوق ده ولا استفزاز مقيت زيو
واحد اشتكي واحد في خلاص دين , المدين قال هو بلم القروش في سنه وبمشي للزول ما بلقاهو وبياكلها
قرقوش حكم علي الشاكي بالسجن سنة لامن يجي الزول يديهو قروش
الشاكي عفا دينو
| |
|
|
|
|
|
|
|
|
|
Re: بوست هتافي استفزازي (Re: عبدالحفيظ ابوسن)
|
مرة اشتري منهم بضاعتهم كلها وزير ومعاهو ولد كسري ,, استلمو البضاعة وغنجو بالقروش , ما ادوهم ليها
قدر ما سكوهم ما عرفو يخلصو كيف
وكان لكسري مجلس مفتوح كل اسبوع ,, مع الناس دون قيود
اها مشو المجلس , واشتكو لكسري بواسطة المترجم ,, كسري تصدق عليهم ببعض المال
وبقو كل اسبوع يجو يشتكو ويتصدق عليهم كسري
حتي يوم
يتبع
| |
|
|
|
|
|
|
|
|
|
Re: بوست هتافي استفزازي (Re: عبدالحفيظ ابوسن)
|
Quote: عطفا علي النكتة الشهيرة
الناظر قال للاستاذ
تعضيهو ولا اعضي ليك انا
اللهم طولك يا روح |
ههههههههههههههههه
والله فاهمك وخليني بعضيهو ليك انا
---------------------
علي دفع الله
الخبير في شئون العض عن الغير
| |
|
|
|
|
|
|
|
|
|
Re: بوست هتافي استفزازي (Re: عبدالحفيظ ابوسن)
|
ولكسري زوجة عربية ,
قال لها
تقولين ان العرب ذوي أنفة وعزة ,, ولدي متسولين يأتيان كل اسبوع في مجلس فأتصدق عليهما
قالت له زوجته وقد اضمرت شيئا في صدرها , حين يكون مجلسك القادم اجعل لي حجاب بساتر لأسمع قولهما
فأتيا المجلس وشكيا مظلمتهما , وترجم الوزير قولهما فقال
انهما عابرا طريق انقطعا ويطلبان مساعدتك
فقالت زوجة كسري من وراء حجاب
بل قالا انك اي الوزير وابن كسري بإسمه اشتريتما بضاعتهما وماطلتمهما في مالهما
وحكت القصة امام الجمع
دفع كسري لهما المال وامرهما ان يخرج كل واحد منهما بباب مختلف
فوجدا ان الوزير مصلوبا ببوابة وابن كسري بالأخري
انتهت
| |
|
|
|
|
|
|
|
|
|
Re: بوست هتافي استفزازي (Re: عبدالحفيظ ابوسن)
|
يقول اهل التمحيص ان كتب التراث تحكي القصص لا تصلح مصدرا تاريخيا يركن ويعتمد علية , ويعتمدون علي قصص ابن خلدون وتدرس مقدمته في مدارس الفرنجة ! مترجمة
وبالتأكيد قصص نجيب محفوظ لا تحكي وقائعا حقيقة بشخوصها ولكنها تحكي الواقع بشكل مذهل
لا اقطع بصحة القصة او وضعها , ولكن عدل كسري مشهور , وصرامة سيدنا عمر في الحق ونصرة المظلوم معروفة ,, فعمرو بن العاص يعلم علم اليقين ان سيدنا عمر سيلاحقه ان هو رفض ,, وسعزله
فحتي المنطق المعوج ان صادف عدل السلطة سيتكشف للناس
فما بالك ان كان منطق السلطة نفسه معوجا
| |
|
|
|
|
|
|
|
|
|
Re: بوست هتافي استفزازي (Re: عبدالحفيظ ابوسن)
|
تتحول المعلومات العلمية الدقيقة لمعلومات بديهية بإنتشار التعليم والوسائط المعرفية , فمن غير الانترنت تقوم القنوات الفضائية بتقديم البرامج العلمية المتخصصة بشكل أخاذ بين الفينة والاخري ,هذا مع وجود قنوات علمية وتغطي كل دروب المعرفة الانسانية ,
مثلا
مانشر البارحة عن القبض علي طائر يحمل جهاز تعقب مربوط بالاقمار الصناعية بالنيل الابيض , ونشرت ولاية النيل الابيض الخبر كإنتصار مخابراتي , بإعتبار ان الطائر يحمل جهاز تجسس , ونشر الخبر بإستعجال للإنجاز كدأبنا دون تروي او تقصي او مهنية , ضائفيا مجموعة من التفاصيل التي تؤكد فرضيتهم
| |
|
|
|
|
|
|
|
|
|
Re: بوست هتافي استفزازي (Re: عبدالحفيظ ابوسن)
|
اثار الخبر حزني حقيقة , للجهل المدقع والمخجل لمن يملكون امر حكم هذه البلاد , وللوسائط الرسمية التي أعلنت الخبر , جهاز دولة كامل يحكم كامل النيل الابيض , ولاية حدودية معرضة للاختراق والتجسس , يعجز كل افراده عن الاحكام السليمة والمهنية ,, المهنية في ان لا تطلق الاحكام الجزافية المتسرعة ,, وتبحث عن الانجاز الهتافي
وبنفس الوقت مما اثار غبطتي تعليقات الشباب في الانترنت ,, شباب واعي ومتعلم
| |
|
|
|
|
|
|
|
|
|
Re: بوست هتافي استفزازي (Re: عبدالحفيظ ابوسن)
|
اثار الخبر حزني حقيقة , للجهل المدقع والمخجل لمن يملكون امر حكم هذه البلاد , وللوسائط الرسمية التي أعلنت الخبر , جهاز دولة كامل يحكم كامل النيل الابيض , ولاية حدودية معرضة للاختراق والتجسس , يعجز كل افراده عن الاحكام السليمة والمهنية ,, المهنية في ان لا تطلق الاحكام الجزافية المتسرعة ,, وتبحث عن الانجاز الهتافي
وبنفس الوقت مما اثار غبطتي تعليقات الشباب في الانترنت ,, شباب واعي ومتعلم
| |
|
|
|
|
|
|
| |
عبدالحفيظ ابوسن
محمد الهادى عبد الرحيم
محمد مجيدو
Artiga Gilani
بله محمد الفاضل
زهير عثمان حمد
الرفاعي عبدالعاطي حجر
عبدالعزيز عثمان
علي دفع الله
بدرالدين بابكر مصطفى
فيس بوك
تويتر
انستقرام
يوتيوب
بنتيريست