|
Re: هها ها ها .. او في هجاء صحبي الصادق اسماعيل! (Re: فتح الرحمن حمودي)
|
ما عارف لو كنت انا الوحيد الشايف مشكلة في نشر واعادة نشر (مادة) مشينة لسمعة مواطن .. وفيها قذف راسو عديل .. ام هي فعلاً عمل مجرم بالقانون؟
افتونا يا أهل المعرفة القانونية
---------
حسب معرفتي القليلة يحق للمتضرر مقاضاة أي شخص يشارك في جريمة (القذف) دي بالنشر واعادة النشر .. مش بس المبتدر
حتى ولو ما كانت مجرّمة قانونياً .. اعتقد انها معيبة اخلاقياً يا شباب ول غلطان انا!؟
بكري داك انا قنعت من طايوقاً في راسو الاصلع دا .. يعتذر وينشر ويعلق كمان!!
لو بتسمع كلامي امسح البوست الاساسي يا صادق يا صديق .. اكتفي فقط بالاشارة للكتابة لمن نقبل في مقام الامهات ... لا خير فينا والله
| |
|
|
|
|
|
|
Re: هها ها ها .. او في هجاء صحبي الصادق اسماعيل! (Re: فتح الرحمن حمودي)
|
قيقا يا حبيب
أنا أعدت نشره، لو الموضوع فيه أي عواقب جنائية فسأتحملها، ولو أن سحبه هو الشئ الصحيح سأسحبه فوراً وبلا تردد.
بعدين الحسد في شنو، الصاح صاح وانا مشكلتي إنو شايف (إبن زنا) ما شتيمة من اساسو، مع تأكدي إنو البطل استعملها كشتيمة، وضد صاحبي (مصطفى سري)، حقيقة أنا ما بعرف عمرانن لكن مصطفى سري زول فردتي عديل.
بعدين الطريق للجنة مفروش بالثغرات القانونية (شايف كيف؟)
على العموم أتمنى أن ياتي اليوم الذي تتساوي فيه كلمة (إبن الزنا) وكلمة (ود الحلال)، ولا نستعملها كشتيمة، مراعاة لمشاعر (أولاد الحرام).
ترونه بعيداً، وأراه كذلك، لكن لازم نبدأ من مكان ما.
| |
|
|
|
|
|
|
Re: هها ها ها .. او في هجاء صحبي الصادق اسماعيل! (Re: الصادق اسماعيل)
|
Quote:
أنا أعدت نشره، لو الموضوع فيه أي عواقب جنائية فسأتحملها، ولو أن سحبه هو الشئ الصحيح سأسحبه فوراً وبلا تردد.
|
السحب هو الصحيح .. ما اعتقد زول يحملك عواقب جنائية لكن انا دا غايتو لن اعفيك من المسئولية الاخلاقية فكر فيها تاني كدي .. شنو المقصود بنشر كلام بذئ!؟
------
لسة ما وقع ليك انو الموضوع الشابك فيو دا الضبانة .. وناسي (عضم ) السندوتش!؟
| |
|
|
|
|
|
|
Re: هها ها ها .. او في هجاء صحبي الصادق اسماعيل! (Re: فتح الرحمن حمودي)
|
Quote: حسب معرفتي القليلة يحق للمتضرر مقاضاة أي شخص يشارك في جريمة (القذف) دي بالنشر واعادة النشر .. مش بس المبتدر
حتى ولو ما كانت مجرّمة قانونياً .. اعتقد انها معيبة اخلاقياً يا شباب ول غلطان انا!؟ |
حاشاك الغلط يا قيقرا زمان قلنا ناقل الزبالة ليس بزبّال لكنه يبقى ناقل زبالة وتحت الفهم دا كثيرين - بقصد او بدون - بعيدو تدوير الإفك و يستخدموا قصة ناقل الكفر ليس بكافر للتقية و الهروب من العواقب
لكن بنظرة عامة للامر يا قيقرا الماساة و القضية ليست في البورد او بكري أو الأسافير عموما ما قام به البطل الآن و سابقا كان في صحف ورقية تعمل تحت قانون معلوم - غير العرف العام - ولها إدارة تحرير ومراجعين يجب ان يتحملوا نصيبهم من المسؤولية لذا مقاضاة الصحيفة و البطل متضامنين لها الأولوية في رأيي
| |
|
|
|
|
|
|
Re: هها ها ها .. او في هجاء صحبي الصادق اسماعيل! (Re: محمد البشرى الخضر)
|
Quote: لسة ما وقع ليك انو الموضوع الشابك فيو دا الضبانة .. وناسي (عضم ) السندوتش! |
لانو السندوتش له الف صاحب، والضبانة هي العدو
الموضوع واضح وما داير ليه اجتهاد، لكن موضع (اولاد الزنا) موضوع عامل لي (غاغة) من بدري، ومأجلوا لي مدة طويلة، فاحتطبت فيه ولو أصابني أي رشاش من خلاله (مستعد لدفع التمن)، يبقى المافي شنو؟
غايتو، مصطفى سري ما بيرفع فيني قضية، وعمران بالكلام القالوه عنه دا (أريته يبقى صاحبي) نتبرك بمعرفته.
والمافي شنو؟ نمشي هسه للبوست داك ونقول لي بكري يسحب البوست؟
الغريبة هو ختاهو في (الرج) لمدة بسيطة، واطلق سراحه مع إطلاق سراح المعتقلين (يكون البوست يا ربي كان مشارك في المظاهرات من غير ما أعرف؟)
| |
|
|
|
|
|
|
Re: هها ها ها .. او في هجاء صحبي الصادق اسماعيل! (Re: محمد البشرى الخضر)
|
Quote:
لكن بنظرة عامة للامر يا قيقرا الماساة و القضية ليست في البورد او بكري أو الأسافير عموما
|
من جهة شوفي المشكلة هنا بالضبط .. او على الاقل الزول الصادق زي الصادق ..
البطل بالنسبة لي زول افاك .. ويرجم بالغيب والجهالة .. وباقيه مبذول هنا .. ما هاميني كتير ولا بكري .. كتير من المواقف اكدت لي سوء تقديرو .. وقلة حيلتو الفكرية والقانونية معاً .. زماااان رميت طوبتو انا
لكن الصادق دا مالو!؟
---------
يا صادق ويا ود البشرى ما كل الناس بعرفوا عمران وسري .. اها انا شخصياً ما بعرف سري .. وعرفت عمران هنا صدق قربت اصدق الافك -حتة الشتيمة- عن سري .. لكن ابداً ما داخلني شك انو البطل لخبت بين من ادعى عليه وعمران ..
طيب الما بعرف ولا واحد فيهم مش امكن الافك دا يقسم فيو!؟
بتمشي وين يا صادق لو كنت انت من (تبرع) بتوصيل الافك دا لمستخدميه!
يا زول امسح .. واستغفر ربك .. فهو غفورْ رحيم دي اعراض ناس كرماء
| |
|
|
|
|
|
|
Re: هها ها ها .. او في هجاء صحبي الصادق اسماعيل! (Re: فتح الرحمن حمودي)
|
( مصطفى البطل ..ينوي شتم الصادق إسماعيل وفتح الرحمن حمودي ) .................:)
Quote: يا زول انت ما محتاج بس تغير العنوان .. الموضوع كلو مجلبط!!
سأعود بالعربي .. آي هاف نو اربيك كيبورد رايت ناو
ربي اشرح لي صدري ويسر لي امري واحلل عقدةً من لساني يفقهوا قولي“ |
لوووووول@ قيقا ..
الصادق إسماعيل كان جاى فرحان بمقال البطل .. وما شبكنا دفاع عن أبناء السرير أو ( جنى الرضا ) ..إلا بعدما لقى نفسه فى حتة ضيقة شديد ..:)
يستاهل أى عضو وللا عضوة يلصق لينا مقالات البطل تاني هنا .
| |
|
|
|
|
|
|
Re: هها ها ها .. او في هجاء صحبي الصادق اسماعيل! (Re: AMNA MUKHTAR)
|
الأستاذة امنة
كيف حالك
أوضحت انني اتفق مع البطل في بعض ما يكتبه واختلف معه في بعض ما يكتبه، وقد أوردت المقال لأناقش موضوع أبناء الزنا
بالطبع هذا التوضيح ليس معناه ان تصدقيني. ولكني أقوله للتوضيح ولك كامل الحرية ان تعتقدي ما تشاءين
وأود ان أشكرك كونك اول من نبهني للخطل في عنوان البوست
شكرًا لك على نقدك البناء، وأتمنى دائماً ان تنبهيني او تنتقدي ما ترينه خطا أو يجافي الحقيقة في كتابتي في هذا المنبر
دمت بألف خير
| |
|
|
|
|
|
|
Re: هها ها ها .. او في هجاء صحبي الصادق اسماعيل! (Re: حمد عبد الغفار عمر)
|
يا حمد يعني برضو سبت (مادة) البوست (اقرا السندوتش) الاساسية وقمت على هش الضبان انا دا ذاتي؟
حليلو قبلو :)
------
امونة مشتاقين يا حديقة قيقا البطل شتمو قبل دا .. باقي الصادق يشرب من الكاس دا
الذ حاجة ما لقى لي غير اني كافر (النصيحة ما قالا عديييل قال ممالي ساي .. ممالي الملحدين)
لم احر جواب طفولي مكافئ للزعم الفطير دا غير كلامنا زماااان:
"كان على قولك، اشرب بولك .. ؤ كان على قول الله، استغغغغغغغغغفر الله" او كما كان
| |
|
|
|
|
|
|
Re: هها ها ها .. او في هجاء صحبي الصادق اسماعيل! (Re: الصادق اسماعيل)
|
Quote: راي البطل خلُّو، إتَّا رايك شنو في الملحدين؟ نقيم عليهم الحد ولا ندافع عن حقهم في الالحاد؟
|
البطل اخلي كيف .. دا باب بطلع ليو جنازة اسي؟ اذا اردنا ان نجاوب على محور سؤالك .. لابد من الحديث عن رأيي في رأي البطل فيني
Quote: نصح سعادة السفير(السابق) د.علي حمد، البطل بطلب العلم .. ما حتى لو كان في الصين .. في ي ي ي محلو، وهو متكئ من عمنا قوقل، نفعنا الله بعلمه، ومدنا بنيتن منه متصل
لو انتصح البطل، لما بانت سوءة جهله، ولحاز على مركز ارفع شوية من [حمار ابي جهل] (وكويس انو نسب الجهل للحمار ما لأبي الحكم (احد العمرين) همسلف)
امس بندردش مع عمك قوقل في ليلة انس حول زعمي انو البطل ما فاهم العبارة القرآنية [الذين يشيعون الفاحشة] ولا سبب النزول .. واعتقد -آثماُ- ولا حتى الآية والسورة ذاتو! وتش إز في وييييييرد من زول طالع مداعي للشريعة الاسلامية (النسخة السوداءنية) في ي الكويت الما قريبة ديك [والعهدة على الاستاذ/ فتحي الضو] انت يا بطل ما عارف انو حسب الشريعة كلامك دا يعتبر قذف، وتجلد عليو؟
حكى لي عمنا قوقل -قدس الله سره- انو سيدنا عمر الفاروق شاف -واخد بال سعادتك؟- شوف عين عديييل اتنين يمارسوا الزنا، فكلم سيدنا وامامنا الكرار -وكان قاضياً، وعمر امير المؤمنين- بالواقعة.. فبادره الامام علي بالسؤال، هل لديك اربع شهود؟ رد الفاروق: لا فجاءه الحكم العدل من باب مدينة العلم: لو صرحت بالاسماء لجلدناك 80 جلدة زي الما حاصل شي .. يا امير المؤمنين!
رواه قوقل
شايف كيف؟
ما تابى نصيحة الدكتور .. الحكمة ضالة المؤمن ما تغرك سلطة متوكي عصاتها، او جاه .. او أيٍ مما تتوهمون ديل رجال الشريعة الجد .. العارفين بالله حق العرفان القاضي يهدد أمير المؤمنين بالجلد .. وينصحه لكي لا يغترف الاثم .. مش يتربص بيو أين نحن منهم؟
----------
كان ممكن تدير المعركة دي بدون ابتذال .. لو كنت ناصراً لله لنصرك لكنك متبع شهوة الورجغة .. وستهزمك
عن عبد الله بن مسعود رضي الله عنه قال: قال رسول الله صلى الله عليه وآله وسلم: ” ليسَ المؤمِنُ بِطَعّان ولا لعّان ولا فاحِش ولا بَذيء ” (رواه البخاري في الأدب وأحمد وإبن حبان والحاكم) |
----------
كدي باللول وريني
Quote: موضوع الشريعة وفتحي الضو والكويت والبطل، ليس كما تظن
|
وماذا تظن انني اظن .. بعد كلامي الواااضح اعلاه!
| |
|
|
|
|
|
|
Re: هها ها ها .. او في هجاء صحبي الصادق اسماعيل! (Re: فتح الرحمن حمودي)
|
قيقا
الموضوع بسيط، الوفد البتكلم عنه فتحي الضو، رافقه البطل كاتب محضر بصفته موظف في الدولة، وليس بصفته (سياسي)، ولا يَخفى عليكم ان موظفي الحكومة في مايو او في هذا النظام ليسوا بالضرورة مؤيدين او اعضاء في الحزب او موافقين للتوجهات السياسية للدولة. يعنى ما ممكن تقول لي انه حسن كدايس بتاع الحافلة صاحب ناذر خليفة داك، عضو في فرقة نجاة غُرْزَة الموسيقية.
واخد بال سيادة حضرتك
| |
|
|
|
|
|
|
Re: هها ها ها .. او في هجاء صحبي الصادق اسماعيل! (Re: الصادق اسماعيل)
|
Quote: محمد عثمان يا صديقنا الاسترالي
اريتك طيب
مسالة مقدرة كل زول على الشتم دي بنوافقك فيها تبن الأنا خايف منو هو إنك تكون قريت مقال البطل قبل ما ينزلوا وأأأأأأأأأأأأأأأأأأأتو عدد واحد (لايك)، والمقال نفسوا لو كان في شتم (تُقرأ هجاء) قيقراروي لوجدتنى اول الشامتين في صديقي قيقا، لكن ( ولكن بتاعتي دي ما عندها أي علاقة بالجندر) الكلام الكتبو عن تيسير وعن دينا ما عندو اي علاقة ولا تبرير بالكتبوهو في البوست المعنى.
وحكاية (جماعة) الجبتها فوق دي ما عندها أي تبرير.
الأسافير هي ما تعلم ونعلم ويعلم البطل. هناك إساءات نعم، لكن أن يكون رد الفعل هو الإساءة نفسها فهذا ما لا أفهمه، خصوصاً من كاتب صحفي (تعجبني الكثير من مقالاتو لما فيها من تحقق وبحث وجهد لا يُخفى).
يعنى شنو زول يقول ليك (يا ود الحرام) إفتراءاً وكذباً، تقوم ترد عليه (يا ود الحرام) افتراءاً وكذباً أيضاً.
المقال إيحاءته اوضح من الشمس، وقد وصلتني (واضحة لا لبس فيها)، وإذا كان غرض البطل أن يوصل الرسالة الآتية:
ألاّ يعول البعض على (سماحتنا) حينما يوجهون لنا الإساءة.
فقل للبطل رسالتك تلك لم تصل سوى لمحمد عثماننا صديقنا وصديقكم، أما بعض الرهط من الإسفيريين وقراءك (واحدهم كنت كاتبه المفضل)، فقد وصلتهم رسالة اخرى وهي
أن مكانك الطبيعي معنا هنا في اسافير الله دي، تشتم وتنشتم لحدي ما(الخور يتملي) وفي رواية اخرى لحدي ما تري شاتمك مرتدياً جلبابه الابيض (رافعاً يديه بالفاتحة) لعزيزً لك قد مات، او مبتسماً وهو يهنئك بترقية او نجاحٍ ما، كأنه وليك الحميم.
وكلمة اخيرة يا ادروب
الصحافة ما هي الاسافير ولغة الصحافة تحتاج لكثير من الحصافة (شفت الفرق في تبديل الحروف)، ولعمري فقد كنت احسب أن البطل يمكنه ان ينال من احدهم بقلمه اضعاف ما ينال بلسانهن ولكن خاب ظني فوجدته يلجأ للسانه ليكتب به وخسارته ستكون اكبر من كل الذين (شتهم في مقاله) وإذا كان مرادهم هو أن يشتموا البطل الصحفي فقد كفاهم بهذا المقال وأبلغهم مرادهم. |
الإهداء لآمنة مختار (حصرياً) لأني في هذا التعليق تحديداً إستعملت (ود الحرام) ووصفتها بأنها شتيمة، لذلك حاولت أن أنصفهم، وهذا ما حاولته في البوست المعنى، يعنى مراجعة ومحاولة إتساق وانصاف لهذه الفئة.
وباقي البوست في هذا الرابط
توجيه الإساءات والتعويل على سماحة الخصوم
| |
|
|
|
|
|
|
Re: هها ها ها .. او في هجاء صحبي الصادق اسماعيل! (Re: الصادق اسماعيل)
|
برضو ما وريتنيما تظن انت انو (ما اظن) انا!؟
بتشرح لي في كلام ما غالطتك فيو
--------
انت قايل الاستاذ قال كلمتو الاشهر في قضاة محكمة الردة لي شنو!؟
"غير مؤهلين فنياً .. وضعفوا اخلاقياً“
زول بالمؤهلات المتواضعة دي جايي يعمل لينا فيها صاحب (رأي) ودين كمان!!
يا صادق فهم السؤال نصف الاجابة .. والنصف الثاني انا عارفو سلفاً
| |
|
|
|
|
|
|
Re: هها ها ها .. او في هجاء صحبي الصادق اسماعيل! (Re: الصادق اسماعيل)
|
هههههههه الله يجازي محنك يا قيقا لى ساعتين بقرا فى الرابط الجبتو والروابط المتفرعة عنه ..
غايتو كيفتني كيف بجرعة (الفلسفة الشعبية ) الكبيتها فى البوست داك ، وكمان حالة السأم الواضحة المافى بندول وللا كافينول بيعالجها .
فكل مرض وعنده علاج إلا ( السأم) كما تعرف .. والعياذ بالله .
وعلى قولك هناك /
Quote: الا ليت الشباب يعود يوماً .. فنخبره اننا هرمنا اوانطة سااااي!
|
وأهو غايتو لسه صامدين كصمود المجالدين فى الحلبات المتربصة لحتوفهم ..
___________
الصادق إسماعيل : غايتو ختيتني فى حتة ضيقة جدا .. بمحاولتك الحثيثة لإقناعي بأمر لست مقتنعة به ...وللا حتى إنت ذاتك مقتنع به ..كما أرى أديني حرية وحق إنو أكون رأي سلبي عنك .. دون أن تحاول إبتزازي بطيبة ومسكنة مصطنعة ! فالأيام دى بالذات ما عندي مزاج للمجاملة .
بعدين شايفاك مهتم برأي الناس فيك لدرجة غريبة !! هون على نفسك يا زول..
| |
|
|
|
|
|
|
Re: هها ها ها .. او في هجاء صحبي الصادق اسماعيل! (Re: AMNA MUKHTAR)
|
آمنة مختار
والله نهائيا ما فكرت أقنعك، وزي ما قلت ليك أبدا ما تجامليني وما تجامليني اي زول، أنا وريتك السياق فقط
على العموم أنا لا اهتم بآراء الناس عني، وما يقولونه عنى، اكتب فقط قناعتي، واعترف باخطاءي، ولا ادعي اي مسكنة او كتلان حيل
تذكرت الموضوع عندما أورد قيقا الخيط الاخر، وقلت ان أورده لك حصريا ليس لتغير رأيك، ولكن لتوضيح كل الصورة لك ولتتخذي موقفك عن بينة
زمان ايام الأركان كان نبدأ اركاننا بهذه المقولة
ان تقلها تمت وان لم تقلها تمت إذا قلها ومت
| |
|
|
|
|
|
|
|