|
Re: ؟ (Re: محمد البشرى الخضر)
|
هههههههههههههه * ــــ يامعلّم مشتاقين يعلم الله ...ومبارك عليكم العيد أنت والأسرة ويحفظكم الله آآآي العيد دا اللحمتوا أبت تتهضم لحدي حسي دا وإن شاء الله تكون السنة دي ماتكون ضبحت ليك أكان خروفة أكان غنماية تاني ... ومادام الكلام جاب الكلام ...كدي النسألك وأكسب فيني أجر أخوك جاي بلياقة تعبانة ومامتابع ...بوست حبيبنا قيقرا بتاع الغنم دا نمشي عادي نناضموا ونبارك ليهو العيد ولاّ ياربي مشترط برضك فيهو نسبة ذكاء؟ خائف أمشي يقوموا يحرجونا ساي أكتر من الإحراج اللي أنحنا فوقوا دا ـــــ * دي قرربت بعدها أقول خمسييين يا سيييك...شكلي لحدي حسي متأثر بكمية الحريق اللعبتوا في العيد آآآآي العيد دا ..اللحمتوا أبت تتهضم دي ..مع كميّة الشربوت اللي شربتوا وعمل لي برضك طاقة سالبة قلت أجي أفرغها هنا دا...:) ــــ كنت عايز أسألك برضك من حبيبنا طلحة ... بس الراجح و..والأرجح وعندي شك متأرجح إنو يكون حردان ... و...كنت عايز أسألك كم سؤال كدا بس خفت أكون كترت عليك الأسئلة ..فقلت على قولك ...أنسى...:)
| |
|
|
|
|
|
|
Re: ؟ (Re: أمير محي الدين محمد)
|
أووووووو حبيبنا يااا كل سنة وانت طيب و الأسرة الكريمة بخير اطمن أبوي السنة دي (سامان) موجود ههههههه, ولك ان تتخيل المنظر كان عرص كيف وأنا أتحرّى (سامانات) الخراف بجدّية شديدة قبل الشراء بمناسبة الخمسييين, إنت قايل البوست دا قصته شنو! في البوست المعني في مداخلة لحبيبنا الفاروق فيها سؤال بالإنجليزي لحمودي لما شفتو طنشو قلت اترجمو ليه رفعا للحرج عنه وكدا فا شنو لقيت المعلّم معطّل الرد بطريقة قردية كدا خالي الزر قاعد لكن بلا فعالية فحا ولت اعمل عملية كدا لكن طلعت فشنك وبيني وبينك كويّس وإلاّ كان لقيتني برد عليك من جوار عزيز بي تحت بمناسبة عزيز دي, يا عزو شنو الحكاية وين البوست بتاعك؟ هي مداخلة امها وابوها تفتح بيها بوست يقوم يتحذف؟ دي ما جلدة الفرمالة زاتها, يعني باختصار كدا من حقك تدكّها, لكن أخشى تكون الطربيزة هنا طربيزة حرفا ما بلعبوها في الحالة دي السيك متحمداك اللهم إلاّ يمرقك زميلك أو تحصل دقسة في مقص ما :) اها عودة لأسئلة أميرنا بالنسبة لبوست قيقرا مندري - الحقوق للسي حسن - أني غايتو باركت وعيّدت وبوشّي ع الباب فما متأكد من قصة الـ IQ minimum requirement دي لكن إحتياطا كدي بارك وعيّد وتعال أسالني نا هنا تنظير الراجح و الأكيد مشغول بكأس العالم للناشئين بكون راجي الرؤية تتضح عشان يجقوم يرشح الأرجنتين غالبا و تأخطبط بيها علينا
ها اي سؤال ؟
| |
|
|
|
|
|
|
Re: ؟ (Re: محمد البشرى الخضر)
|
ماقصرّت تب يامعلّم وما عدمناك ...ومادام أبوك ولدنا موجود كان تطلع من قصّة ال(سامانات) دي مش كفاية عليك موضوع ال(سامانات) المدورّة ها هنا دي .......:) في البوست المعني قدر ما رفست بي يديني وبي كرعيني قلت أحصل المولد دا ليه ماعارف قلبي كان حاسي ..إنشغلت بي موضوع هباب كدا..لمّن رجعت البيت ولقيت سيد الأمانة شال أمانتو قلت آتاريهو الزر المعطل داك إشارة لي من السماء علشان ما أشارك في المزاح الباطل ــ قربت أسمع نصيحتك وأمشي أبارك وأعيّد وبرضك وشّي والباب بس لاوزت قلت يقومو يقفلو علي الباب والقى نفسي مُتيس و...وجها" لوجه مع الغنم .....:) و.. كدي في آكشن حار من نارو مع متابعة النمشي نتابعوا أكان يحرّك ويستعدّل لينا الأدرينالين العكس لينا لفتو حمودي.........:) ــ و...شكرا" لنفيك لشكي المتأرجح الخاص بحبيبنا طلحة ..إنو ما حردان بس كمان "أبوبجيكشن" على وصفك له بالمتخبطط ولاعلشان ما بارك ليك كأس الموز دافنها ليهو ؟ياخ أوقع وأبصم على إنو حبيبنا أخطبوط لدرجة قف تأمل.....:) ـــ آها ...ينوبك ثواب ومادام بقت عندك ترجمة ماعارف تقبل بيها وين .. ما ترفع عننا الحرج و...تترّجم لينا إستبيان الحبشي اللي مفروض يرفعهوا ليهو فوق دا .
| |
|
|
|
|
|
|
Re: ؟ (Re: أمير محي الدين محمد)
|
امير !!
وين يا راجل ووين ايامك تصدق فقدتك قبل كم يوم وقلت اتبينك , للاسف نسيت في وقتها ما عارف الشغلني شنو لكن اكيد الشوق كان لا يعتد به
ــ ود البشرى
الراجل طلب منك ملخص ياخ تختزله ليهو في جرجير ؟ ما وريته عن بشاشا ومحمد سليمان وتراجي ما اديته فكرة عن ملاسي البقي صديق محمد سليمان الانتيم ما جبت ليهو خبر عن البطل وشيل بكري للقفة ما اديتو اي نبزة عن مآل المستنير وهبة وانتهاء اسطورته واقف في السلك يتحرش بالداخل والمارق ما لفت نظره لي بيضة ديك عزو وانتهائه (تقريبا) لمصير عمه وهبة ما نورته عن منبر الهامش وتسليمه لتراجي سفنجاتها في الباب ما لفت نظره الي ان صلاح غريبة تحول الي مفكر ومنظر سياسي تقام علي شرفه الندوات في الجامعات كمتحدث رئيسي ما هببت ليهو ابدا عن عمر الفاروغ واسمارت بتونسوا عن البول بل وبيقولوا نكات في الموضوع ما اشرت مجرد اشارة انه زهير بقي المنافس الاول لهباني في انزال البوستات
| |
|
|
|
|
|
|
Re: ؟ (Re: اساسي)
|
Quote: ههههههههه يسأل منك الخير يا أميرهم وأمير القلوب التانية .. والله فعلا كنت وما زلت مشغول جدا خلال الفترة الماضية والحاضرة .. وما في أي حرد من أيتها حاجة .. لكن بس بصراحة العدة طشت منا ويا دوبك الباشهمندس الليلة دي فقط أداني التحية.. أقصد اداني واحدة جديدة .. العيد مبارك عليك وعلي عبد العزيز حسين .. ولن أرد على ( الحقداء) .. بالمناسبة لغاية هسع أيقونة الرد ما قاعدة تظهر لي في الجهاز الما خاص دا .. ينوبك ثواب يا أميرهم أو أي أمير تاني لو نورتني أو نورني بطريقة يمكن من خلالها أرد في البوست . |
العيد مبارك عليك ياطلحة ياأخوي و...حاضرين أخوي حاضرين ..لغاية عتيل المداخلة ..بس كمان طريقة تنويرك لرد دي شكلو الأ أساسي أبو تناوير دا ياخي دا نورني لمّن عيوني طششّن ..وبالله قلت لي العجب آداك تحية ياخي الأيام دي ما يسحروهو إشي إعتذارات وإشي تحيات وإشي إشات ــ إسئسنا ...كل سنة وإنت والمعاك طيبين ويكفيني بس اللحظة من تبينة دي ولا حولااااااا المآآآآت التنويرية دي بالله كلها حصلت مااااا بصدق ياربي أكون كم لبثت؟ الله يقطع الشربوت اللي بنكهة الشمبانيا القام بي دا وياخي في مآآآآآة من المآآآت الأنتيمية النورتني بيها دي قدّر ما قلبتها يمين شمال نهائي أبت تتبلع لي ..تتبلع شنو ياخي دي وقفت لي دوووود كدا وياها دي عاملة لي غصة وبقرأ في مآآآتك التنويرية دي وبغني .. وبدندن التنوير كدا يابلاش أساسي يامطر الرشاش..:) ــ و...عمر الفاروق دا قدّر ما أقول وأقطع الشك إنو خلاص دخل سن الحكمة ألف وأرجع تاني....:) ألقاهو عامل ليهو تخريمة من تخريماتو قطعت ليك شكي دا زي قطع الرحط. و...ياها دي نتيجة القعاد الكتير في البلي إستيشن.. ـــ أقول قولي هذا وأحذركم ونفسي ...وود الصائم بشكل "شليق" وخاص إنكم تاني ماتعملوا ليكم بوستات على شاكلة سندوتشات نوتيلا راكة فيها نحلة و..شنو ...و...هكذا....:)
| |
|
|
|
|
|
|
|