|
|
 أوراق مبعثرة
|
أوراق مبعثرة
خَودِكْ دفتر
سجلي فيهو
أيام ما كنا عزاز بلحيل
أفتحي صدر الصفحة الأولى
حتلقي سطور
كانت مكتوبة بلون الحب
كانت ممهورة بريحة العافية
ولمان هرب الود الكان
صبحنا صباح
لقينا سمانا ملونة حزن
وجف رحيق الورد
الكان مزروع في ركن البيت
وبكت اللحظة بحرقة
ضياع أتنين حلوين بلحيل
الخلوا الفرحة
توري الحب طريق البيت
وفضل البيت الفاضي ينوح
أيام ما كان الفرح الطاغي
الكان عنوان لى بيت الحب
ولو مش متأكد
كدي أختف رجلك
أمشي وشوف
حتلقى البيت الكان متهني
غير الريح ما ساكن زول
|
|
 
|
|
|
|
معتصم مكاوي
فيس بوك
تويتر
انستقرام
يوتيوب
بنتيريست