عمر عشاري الحكي الجميل .. احتفائية خروجه من جحر "الصبرة "ا

Quote: and#199;and#225;and#210;and#227;and#199;and#228;صباح السبت الثامن من يناير سودانير الناقل الوطني أو أياً كان إسمها الآن الطائرة المُتجهة إلى جوبا قبل يوم واحد من الإستفتاء على حق تقرير المصير كنت هناك شاهدا على هذا الحدث التاريخي الآن أشارككم أحاسيسي ومُشاهداتي والصور التي قمت بإلتقاطها and#218;and#199;and#225;and#237;and#199;and#240; and#204;and#207;and#199;and#240;

Quote: في وسط هذه الأحزان العجيبة ...قررنا عدد من أصدقاء الجامعة ان نلتقي كان ذلك مفيدا ... ضحكنا كما لم نضحك من قبل لم نتحدث عن الإنفصال ...تحدثنا عن ذكريات الجامعة ...وطرائفها كما قال شاعرنا القدال ( وانا مابجيب سيرة الجنوب ) الآن فقط عدت أحزاني أقل ما أجمل الأصدقاء...فرحت أن عدد منهم يتابع هذا البوست بإهتمام وسعدت حقا أن أجدكم في بيتي هذا ...هذاالبوست الذي يحكي خيبتنا أصدقاء الرحلة ...وشركائي في الهم احييكم فردا فردا وأشكركم على مداخلاتكم المشجعة كما أشكر محمد معتصم وأيمن على الصور ...صور جوبا والجنوبيين ...ما اجملها والفيلم ياهدير يشبه جو هذا البوست ...تعالوا نزيد الأحزان ماوسعنا ذلك ...قد نشفى ...قد نُدرك الألم مُعلم جيد أهيلوا الأحزان على هذه النافذه احزان ناضجة ...أحزان واعدة ... E]

Quote: بعدين أخوك كان خاشي في دور قشرات وريح تركيب كدة كبرلوم فرحان بالجامعة وبقعد في بينش قصاد الكلية بجي محمد عبد السلام يقول لي يابرلوم دي بنشات السناير من بكرة شوف ليك محل أقعد فيهو وأنا كزول من كردفان قلبي حار ومابرضي الحقارة كنت بشتبك معاهو في نقاشات حادة وهو ببتسم لأنو ماخد الموضوع نوع من الدعابة المهم سلوكوا معاي كان بضايقني جداًلحدي مابقي واحد من الناس البتذكرهم حتي وأنا في بيتنا في ظل هذه المشاعر السالبة بس يوم جيت الجامعة الصباح لقيت الناس كأن وعلي رؤوسهم الطير مصطفين علي الأرض في المين رود من بدايته حتي النهاية والجامعة يخيم عليها صمت مخيف الحزن في كل مكان ...حتي قردة جامعة الخرطوم كفت عن الحركة وكانهاتحترم حزن الطلاب أخبروني أن محمد عبد السلام أغتيل حينها دون أن أشعر إنتحبت بشدة وشعرت بمحبة قديمة تجاهه ولم أشك للحظة أنه مات ميتة الأبطال ،، نعم مات ميتة الابطال E]

Quote: عمر عشارى ، كل سنة وانت طيب ، يا مولود فى برج الحب ومغسول بماء النيل ومعطون فى قلب الوطن الابت جراخه تفوت ، يا عمر ابن القطعة من الروح قمر ، قمر القمر ، عرفت تربى الزول ، طالع قمر عالى ، نازل حبيب للكل ، عايش فى تبروقة ممدودة زى النيل ، داخل حناجرنا ، متوسد الشريان ، يا عمر ، يا طويل ، ياقامة مين يقدر ،يحنى الجبل يا زول ؟ مين يقدر يحنى الصحارى ويطول قمر نا العالى ومين يعدل المقلوب سواك انت ؟ يا نيلنا والصحرا ، يا غابة والايام تعرف تبر بيك ، والقومة ليك يا نبيل ، يا احلى نسماتنا ، واحلى ابتساماتنا ، يا ود يا طول النيل ، باكر حتفرح بيك كل بقعة فى السودان ، باكر تغنيك كل الحسان وتقول " قمرا حلوومعدول ، وجه القمر شايل ، من لونا متلامع ، من روحنا متجامع ، من السهل والنيل " يا قامة مين يحنيك . يا فجة الضلمة ، يا مرت الغيمة ، ياعابرة المطرة ، تنزل تبللنا من قيدنا ليهو تحل ، يا عمر كل يوم ، كل ثانية وانت اعظم واكبر وانبل ، لك القومة والمحبة ... امك سلمى الشيخ سلامة .

Quote: الشباب الواعيين الزي ناس عشاري ديل ( يكونوا مسيسين ولا مستقلين لا يهم) هم المفروض يحكموا السودان ناس ذو إنتقريتي عالية وهاي كواليتي كبشر جادين وعادلين .. صدوقين .. مثقفين شديد .. وفاهمين واقع حالنا المبشتن وعنصريتنا الضاربة بأطنانها باطن الأرض حمدالله ألف على السلامة صديقي وصديق الكل عشاري ويا عشاري أدها وإدود ..

Quote: التحيه لك اخي حافظ و مثلها للزول الجميل عمر عشاري ربنا يفك اسر جميع المعتقلين و يرجع عمر عشاري سالما لاهله وسيخرج اكثر صلابه و نضج فقد اضاف لتجربته هذا الاعتقال كثيرا. وكلمات هدير الزين عبرتنا عنا.

Quote: عقبال حرية الوطن الكبير من الأسر الطويل حمداً لله على السلامة يا عمر

Quote: يستحق الاحتفاء يا حافظ هذا العمر المشحون حب ورُقّي وثقافة وادب وعلم واخلاق. بس لم افهم هل اطلق سراحه كما فهمت من البوست ام بعده بايدي زبانية الانقاذ فما قال حجر؟ التحية والحرية لهذا الرجل الجميل..

Quote: أقول ليك شنو عن عمر يا حافظ أخوي حتى أوفيه قدره من الحب الذي يستحق .... أمثاله من الصعب أن يعيشوا في هدوء وأمن واستقرار في ظل هذه الطغمة التي استشرى الفساد في جذورها وراتوت منه حتى الثماله ..... وقبل ما أنسى ...هاك طلبك يازول يا جميل :