|
|
|
 Re: الشفيع وراق .. كمؤيد لود ابراهيم ماهو موقفك من الحراك الإصلاحي (Re: الشفيع وراق عبد الرحمن)
|
مرحب الشفيع
أأسف للتأخر في الرد ، منشغل بمراسم زواجي هذه الأيام ( قريباً إن شاء الله )
ود ابراهيم بعضمة لسانو ما نكر الإنقلاب ، كيف انت تقول ما عمل انقلاب ؟ أها عمل شنو ؟ ولاكلامو الطلع أثناء محاكمتو وقال فيهو تاني كان طلع حيعمل انقلاب ، ده شنو ؟
يعني إنت مع المذكرة إنو جات في الوقت الخطأ .. يعني متين حيكون مناسب عشان يقولوا للحكومة ما تكتلي الناس وما تعملي الإجراءات الإقتصادية ؟ هنا إنت غير منطقي
لأنو المذكرة تحدثت عن سياسات ووقائع قتل متظاهرين عزل .. يعني ممكن تكون متين ؟
بالواضح كده ما أبنت أيي حاجة
| |
 
|
|
|
|
|
|
|
|
Re: الشفيع وراق .. كمؤيد لود ابراهيم ماهو موقفك من الحراك الإصلاحي (Re: أحمد عز الدين)
|
مرحب احمد
ومبروك مقدما وربنا يتمم على خير وبلاقيك:)
انا فتحت بوست بعنوانانقلاب ام استعدال ممكن تراجعه
ولو كان فعلا انقلاب وود ابراهيم قال كان طلع ح يعمل انقلاب تاني
هل ممكن يطلق سراحه بالبساطة دي؟
بخصوص توقيت المذكرة، الوقت الان للم الشمل، البلاد مستهدفة بحروب وتمردات
ثم مفاوضات الوضع النهائي مع الجنوب
ثم الحصار الغربي الامريكي
وبالرغم من كل هذا، اؤكد ليك بما لا يدع ممجال للشك
ود ابراهييم ووغازي والبشير وعلي ونافع، كوووولهم في خندق واحد
فهكذا يتحاورون
| |
|
|
|
|
|
|
|
|
|
Re: الشفيع وراق .. كمؤيد لود ابراهيم ماهو موقفك من الحراك الإصلاحي (Re: الشفيع وراق عبد الرحمن)
|
آمين الشفيع .. تشرف في أيي وقت وإن شاء الله تحضرنا
أقرا اليوم ردة فعل غازي صلاح الدين على توصية فصلو من الحزب .. هل ده الحوار البتقصدو بين الناس ديل ؟
واضح إنك صاحب بالين .. المذكرة جات أصلاً عشان تسجل موقف علني ضد أحداث جارية في اعتقاد موقعيها إنها ما بتشبه حزبهم ولا بتمثلهم ، وغازي الليلة قال إنها ما بتشبه الإسلام عديل كده
ركاب سرجين وقيع ، المواقف واضحة يا مع الإصلاح يا مع عكسو ده المنطق بقى داخل المؤتمر الوطني ، والناس القلتهم ديل إنت لاميهم في راسك براك ما في شي بيلمهم تاني ، وإلا يكونوا ناس
غازي ديل بيلعبوا بي روحم ساي ، وما أظن كده
دحين حدد موقفك .. باين والله أعلم إنو تربيتك التنظيمية فيها شي من منهج التردد البينتج من عدم اليقين من اتجاه الريح
| |
|
|
|
|
|
|
|
|
|
Re: الشفيع وراق .. كمؤيد لود ابراهيم ماهو موقفك من الحراك الإصلاحي (Re: أحمد عز الدين)
|
يا ابو حميد
انا والله بمشي اتجاه مصلحة السودان فقط ولا غير
الجماعة ديل ارى فيهم خير وصلاح
وكلٌ يجتهد بما يرى
المصلحة حالياً بتنادي بوحدة الصف
املنا في عودة حتى ناس الشعبي وخلافهم
الوضع ما عاد يتحمل فرقة وتشتت
حتى المعارضة المفروض بعد ده تستسلم للامر الواقع
فرصة سبتمبر كانت آخر الفرص
الحكومة قدمت ما عندها
والمعارضة قدمت ما عندها
والشعب حكم
تاني شنو؟
المعارضة البتضعف الحكومة ولا تستطيع اسقاطها شر ووبال على البلد
الثورة فشلت ونفست وانتكست
ده كلام الشارع
كلام ناس ود المشرف وحكاية كامنة ومتبلورة ده كلام استهلاك عاطفي
كفاية عطلة وتاخير
راجينا شغل كتييير عشان نلحق الركب
| |
|
|
|
|
|
|
|
|
|
Re: الشفيع وراق .. كمؤيد لود ابراهيم ماهو موقفك من الحراك الإصلاحي (Re: أحمد عز الدين)
|
عن ايي صف تتحدث ؟ أنا ما شايف إنو صفي ممكن يكون مع قوش ولا نافع
أما بخصوص الثورة .. الموضوع ما عندو قانون محدد ... لكن شروط الثورة لأيي بني آدم داير يكون عندو كرامة مكتملة لدرجة غير مسبوقة في التاريخ ربما إلا بنماذج محدودة وكلامك هنا عن إنو انتهت كلام أماني ساكت
Quote: كفاية عطلة وتاخير
راجينا شغل كتييير عشان نلحق الركب |
شغل كتير قبل تصفية التركة الثقيلة ... ما معقول طبعاً نتجاوز ملايين الأرواح .. وآلاف أنواع الإهانات .. والإقصاء الذي دمر حياة ملايين الناس ، والنتائج المدمرة غير المنظورة لكل هذه الأفعال
| |
|
|
|
|
|
|
|
|
|
Re: الشفيع وراق .. كمؤيد لود ابراهيم ماهو موقفك من الحراك الإصلاحي (Re: أحمد عز الدين)
|
الشعب جزو منو مشوش لأسباب خاصة بالأحزاب وهناك تشويش في الوسط والشمال ناتج من ردات الفعل المحتملة لجرائم الإنقاذ ، بس حصلت زحزحة لمواقف المترددين نتيجة للمذبحة الأخيرة
لشباب ثورة سبتمبر ، والشباب الإتكتلوا ديل الفي الخرطوم ومدني بافتراضات عبد الرحيم حمدي الغبية مفروض يكونوا هم من يدافع عن الإنقاذ بعد رشاوى التنمية والوظائف الإقترحا ليكم ، لكن حصل
العكس .. والآن الناس في أيي حتة ، مواصلات ، مناسبات أفراح وأتراح ، في ضل الشجر ، في رواكيب الشاي ، كرهانين الوضع جداً ، والحاجة دي ملموسة لأيي زول بيحوم في الخرطوم الناس بطونم
طامة من الحكومة والصادق المهدي والميرغني ... الناس الإفترضم حمدي كمناصرين للإنقاذ الآن إنتو قاعدين تجوعوا فيهم ، وما عندكم حل قريب إلا الرصاص نتيجة للفساد المقيم وشح الموارد وتدمير الإقتصاد
طبعاً الثوار ما عندهم قوة توازي القوة الباطشة للسلطة ، وضهرم مكشوف كل العالم تقريباً متوافق إنو ما تحصل ثورة في السودان الشمالي ، بما فيهم سلفاكير وديبي وأيي سيد ينط السلطة في مصر وأفورقي
والأثيوبي والليبيين والقرضاوي والجزيرة ، فضلاً عن أميركا وأوربا والأمم المتحدة والصين والعرب بلا إستثناء وكثير من الأفارقة وماليزيا وروسيا وإيران وفنزويلا واحتمال كوبا ...الخ ..آآآه نسيت وأمبيكي
.. ده توافق غريب ومخيف ... ومع ده كلو ممكن تحصل ثورة في أيي لحظة ومؤشراتا ظاهرة : سخط عام + إستعداد للخروج والتضحية - قيادة = غليان موضعي .. نحن هنا يالشفيع
برضو نرجع للإصلاح ، ناس غازي بقوا يقولوا درر وانت الجاي من حزب تاني لسه عندك أمل إنو الدفار البارك ده - بلغة بشاشا - ممكن يتصلح ويمشي ؟ شايف صحبك ود ابراهيم عامل رايح خلى ناس غازي في السهلة
| |
|
|
|
|
|
|
| |
أحمد عز الدين
الشفيع وراق عبد الرحمن
فيس بوك
تويتر
انستقرام
يوتيوب
بنتيريست