|
|
 (الاستعفان)
|
الشعب السوداني ده بيمر بحالة بتاعة استعفان ليها خمسة وعشرين سنة
الاستعفان بلغ اشده بقتل اكتر من تلتماية الف زول في دارفور والاستعفان بيتمثل في انكي صوره وهو المزاوغة وانكار الجريمة
ولما ناس الخرطوم طلعوا الشارع الاستعفان بلغ اشده وتم استعفان الشعب السوداني بانهم حرامية وبقايا زنوج ومخربين وغيرها من مصطلحات الاستعفان ... ويااريت لو انتهي الاستعفان هنا ... بل بلغ بكل.ب الحر نافع علي نافع ان يقوم باستعفان الشعب السوداني واسرة الشهيد صلاح سنهوري ويكتل حيلو ويمشي يشيل الفاتحة ولسه دم الشهيد ما نشف ... في استعفان اكتر من كده
واخرها في واحد اانجليزي (وهم) عامل فيها باحث قال انو السودانيين اغبياء ... عليكم الله في استعفان اكتر من كده ... هو البريطاني ده ما فايته اضانو انو في تمانية الف طبيب وطبية بيعالجوا المستعفن ده في المستشفيات البريطانية من الاسهال وبيدوه حبوب عشان ما يبزق في هدومو
ياخي في حالة بتاعة استعفان عام كده قاعد تحصل لينا
|
|
 
|
|
|
|
|
|
|
 Re: (الاستعفان) (Re: Elsanosi Badr)
|
برضو في استعفان تاني من الكيزان الايامات دي انهم بصدد ركوب الموجه ... وعملية الاستعفان هنا هي محاولة الترحم علي الشهداء ونكران جريمة كتل الابرياء ونسبها الي مجهوليين ياخي استعفان غريب ومريب
وكمان يتم استعفانا من خلال رؤوس الطائفية عندنا في السودان ... الواحد ولدو جوة القصر ولسه بيمارسوا علينا الاستعفان .... والاستعفان بيقول لينا احنا بنعارض بطريقتنا ... انتو بستعبطوا ولا بتستعفنوا فينا...
| |
|
|
|
|
|
|
|
|
|
Re: (الاستعفان) (Re: الامين موسى البشاري)
|
ولد ابوي البشاري خبك ماك طيب وعقابك ... غيدك امبارك وسعيد وعيد يفدي الزول تامين ماني ناقصين
تعرفي يالبشاري اخوي البيوجع في النوايط هو خالة الاستعفان المستمرة دي
| |
|
|
|
|
|
|
|
|
 Re: (الاستعفان) (Re: الامين موسى البشاري)
|
Quote: برضو في استعفان تاني من الكيزان الايامات دي انهم بصدد ركوب الموجه ...
وعملية الاستعفان هنا هي محاولة الترحم علي الشهداء ونكران جريمة كتل الابرياء ونسبها
الي مجهوليين ياخي استعفان غريب ومريب |
لا وكمان شنو ؟؟؟،،، إستعفن البشير حتي بلغت عفنته عنان السماء
وأزعجت الملائكة في السماوات العُلى عندما ركب للحج، ونسبةً
لأنّ آل سعود لم يطيقوا نتن رائحته سفهوه وهربوا من مكان تواجده،
فرجع مذموماً مدحورا.
ود بدر، نعلّك طيّب، وبركة بالطلة.
العيد يتبارك عليك وعلي الجميع طرفك...
| |
|
|
|
|
|
|
|
|
|
Re: (الاستعفان) (Re: معاوية المدير)
|
ود ابوي المدير عساك طيب ونعل عقابك كلهم بخير ...
(الزويل) البشير ده استحقارو للناس فايت الحد وبيستعفن في الناس يعاين ليهم من فوق من الطياره وهم غرقانين
والله الزويل ده ان لقيت فيهو فرقة (اتدرعو) بسوط قربعوية عنجاوي راسو ملصوق فيهو كبسونة يمين الا (يصب) حتين اخليهو ...
عليك الله الزويل ده بيمارس الاستعفان ويقول لينا انا علمتكم تاكلو الهوت دوق ... بيستعفنا بالاكل الزويل الجرذ دا ... ياكل الحمت رمت بركة جاه النبي ابو فاطمة
والزويل ده بيستعفن الدين كمان بعدما كتل الناس جاري الحرم يغسل ذنوبو ... يغسلو مكتف
| |
|
|
|
|
|
|
| |
Elsanosi Badr
الامين موسى البشاري
معاوية المدير
فيس بوك
تويتر
انستقرام
يوتيوب
بنتيريست