|
بعد سكرك بتطرش فى حُطام ذاتك ! .
|
1
بـتسكر والشمس تضحك على حالك بعد سكرك بتطرش فى حُطام ذاتك ! بين كتبك تدس ألمك وتبكى على الرصيف وطنك بتدفع فى فواتيره منو البدفع تمن كفنك ؟ وتبكى على الرصيف ماشى تدوس الحسكنيت ماشى مُكسر فى عضُم رُكبك كسر عضم الحلم قاسى . شاهين
|
|
|
|
|
|
|
|
Re: بعد سكرك بتطرش فى حُطام ذاتك ! . (Re: زهير عثمان حمد)
|
6
بين (لا) و (نعم) .. اخترتا (لا) ! اخترتا (لا) ؟ .. مبروك عليك , شلتا الوجع كم الف زول مشى فى طريق الـ (لا) وتاه ؟ كم الف زول مشى فى طريق الـ (لا) رجع ؟ (لا) كلمة زى مُوس فى اللحم (لا) صوت كمنجة منشزة فى انغام (نعم) (لا) , (لا) , (لا) , (لا) يا كلمة حبينى , قوينى , دفينى خلى التحدى الفيك , يكبر يكون فينى . شاهين
| |
|
|
|
|
|
|
Re: بعد سكرك بتطرش فى حُطام ذاتك ! . (Re: shaheen shaheen)
|
Quote: لسانك حصانك وشِعرك علاجك .. دوائك من هلاكك فـ أكتب كلامك .. وارسم , وشخبط , وشاغب بحبرك زمان قد يخونك .. وشِعرك حنون , شِعرك يصونك . |
عـزيزي شـاهين ( ســرور ) ,
لســانك حصانـك و في شـان الوطن لا تصونوا و لا تهينــو و لاتمســكو اهتف اهتف
درعــك فكـرك ســـيفك قلمـك , حــرفك و حبـرك اكتب اكتب لمن قتــلوا و للجـــاين
يا زول عملت شــنو في حـزبنا
| |
|
|
|
|
|
|
Re: بعد سكرك بتطرش فى حُطام ذاتك ! . (Re: shaheen shaheen)
|
20
(سلمى) التى انت الذى نحن الذين (سلمى) سلام الفاتحين الامن عند الفتح يُعطى للارامل والصغار اليافعين (سلمى) التى كانت لديها شامة سوداء فى اعلى الجبين انت الذى قد صرت وحدك يا وحيد نحن الذين وراء ذاك النعش كنا سائرين . شاهين
| |
|
|
|
|
|
|
Re: بعد سكرك بتطرش فى حُطام ذاتك ! . (Re: shaheen shaheen)
|
22
وكده .. كده .. يا الترلة ده عامل فيها شاعر ! لكن هو ما شاعر ده زول مُجروح مشاعر زمانو الفيهو داعر .. وعامل ليا طاهر ! تعالوا اتغدوا بكرة .. طهور صاحب مشاعر معاك يا تمرجى ابرة .. وقطنة عشان نزيف اطار الصورة زيف .. وقال انا ود شريف وايه فايدة كتابتو ؟ .. ومين البقرأ مين ؟ وكل الناس بتضحك وماشية الى الجحيم سايقة قندرانى , وسواقاً لئيم تعالوا اتغدوا بكرة . شاهين
| |
|
|
|
|
|
|
Re: بعد سكرك بتطرش فى حُطام ذاتك ! . (Re: shaheen shaheen)
|
40
بطيخة تحت الزير .. اوضة طين .. زوجة بتعوس فى العجين بخور تيمان .. العنقريب مغروس فى رملة مرشوشة شافع قلع عريان .. تحت المخدة السبحة والقرآن فى الراديو القديم صوت نشرة الاخبار .. وبره الباب , الكارو مربوط فى الحمار . شاهين
| |
|
|
|
|
|
|
Re: بعد سكرك بتطرش فى حُطام ذاتك ! . (Re: shaheen shaheen)
|
42
جعلى ... دنقلاوى ... وشايقى شن فايدانى فوراوى او دينكاوى ما الكل فى بلاد النفط عبداً للكفيل القاسى والكل فى بلاد الانجليز زنجى ومواطن ثانى يكفيكم فخار النيل ابوكم والجواز سودانى ... والتهمة فى كل المطارات انتا زول ارهابى . شاهين
| |
|
|
|
|
|
|
Re: بعد سكرك بتطرش فى حُطام ذاتك ! . (Re: shaheen shaheen)
|
Quote: رائع انت يا شاهين كتر من هذا الجمال امسح القبح الفي البورد
كل سنة وانت بالف خير مع من تحب.. |
والله يا دكتورهت لا رايع ولا حاجتين الليلة بالغلط فتح الجراب الخطأ والله لا وراك الجراب الزفر أهاااا شوفي من زي دا ولا وراء
Quote: 36
'طول عمرو كان عايش بيأكل فى خراء والبول شراب لما اتصدم بالبص الموت رفع عنو العذاب ومن الخراء قد صار كوم من لحم مهروس على شارع زلط حوله الذباب .
شاهين |
أهاااا إشنووو ليك : : : : مع التحيات لله الزاكيات
| |
|
|
|
|
|
|
Re: بعد سكرك بتطرش فى حُطام ذاتك ! . (Re: محمد حمزة الحسين)
|
43
شايفك بتمشى على الحبال يا بهلوان سيرك الكلام مبروك شديد يا صديقاً كان صدوق مبروك شديد شايفك بقيت ود كــلب خالص فى السياسة يا من صعدتا على الصديد معقول نسيت ! يرحم زمان البنطلون الكلو زيت ايام كلامنا عن اليسار (ماركيز) و (هارون الرشيد) مبروك عليك دقن التيوس توبتك نصوح ؟ يا بدلتك .. وتبدلك كرشك وصل حد ركبتك كلمات مقالاتك بتنزل زى مطر من صلعتك . شاهين
| |
|
|
|
|
|
|
Re: بعد سكرك بتطرش فى حُطام ذاتك ! . (Re: shaheen shaheen)
|
46
عام جديد .. جرح قديم ذكريات .. غبار كثيف كل عام زى كل عام .. لا جديد عام جديد زى القديم كل عام وانتى بخير وكل عام وانا فى انتظار , فى محطات خالية من ركاب جُداد نفس الملامح والوشوش , نفس الكلام نفس الشوارع والبيوت نفس احتياجى اليكى , نفس الاشتهاء عام جديد والهجر طال .. العمر ضاع , الشعر شاب ضيعنى فيكى سراب لقاء .. و لا لقاء فى كل عام نفس الوداع اتسرسبت قدرة صمودك يا احتمال حتى الهزايم والضياع زى كل عام الفرق ايه ؟ بين بكرة , او بعد بكرة ... وبعد بعده , الفرق ايه ؟ .. تكرار لئيم نفس السؤال السرمدى .. ولا جواب فمتى الرحيل ؟ .. لمتين تأجل فى قرار الانتحار ؟ .. فى اى عام ؟ ود يا جبـان . شاهين
| |
|
|
|
|
|
|
Re: بعد سكرك بتطرش فى حُطام ذاتك ! . (Re: shaheen shaheen)
|
47
سجمك رفسك حصان حظك رماك رِكبك كـ هم نحسك اساك وبراك ابكاك التواجد فى الوطن وبراك ابكاك التشرد فى البعاد (سيزيف) منو البيشيل معاك ؟ سجمك فلا يوجد احد وووب عليك من صخرتك وووبين عليك من صرختك (سيزيف) سجم امك عليك .. فلا احد (سيزيفنا) لم ينجح احد والراحة فى ود اللحد والصخرة قد تدخل معاك مبروك عليك رفسك حصان حظك رماك شاهين
| |
|
|
|
|
|
|
Re: بعد سكرك بتطرش فى حُطام ذاتك ! . (Re: shaheen shaheen)
|
48
فكيف نُفرق بين الخيام ؟ خيام لـ عُرس .. خيام عزاء وجومُ وصمت , هنا وهناك فكيف نُحب الحياة ونسعى ؟ ونحن انهزمنا هُزمنا هرِمنا وعبء الحياة ثقيل علينا فراغُ .. خواء .. عراء فكيف نُفرق بين الخيام خيام لـ عُرس .. خيام عزاء وكيف نُفرق بين الكلام وبين النباح وبين العواء ؟ هُزمنا هرِمنا وكل الخيام خيام عزاء . شاهين
| |
|
|
|
|
|
|
|