|
|
|
 Re: إقتراح عملي لجذب andquot; مدخراتنا andquot; يا حيكومـــــة . (Re: عمران حسن صالح)
|
خمستاشر سنة في بلاد نجد دي شوفنا فيها البنغالة والفلبينين آخر الشهر أهم مشوار عندهم بكون للبنكـ ليحول جزء كبير جدا من دخله لحسابه ببلده بعد أن بذلت دولته سنين عددا لتقنعه بأنو حقكـ محفوظ
انتو شغالين تقلعو مما جيتو وبقوة عين غريبة جداً
حللتو لنفسكم ذكاة لأموال لا تعرفون عنها شيئاً وكم بذل فيها صاحبها ليستحقها
وربطو عودته لعمله بأن يدفع لكي يخرج
وموال كل العالم عارفو وبقيتو أصلاً ما خجلانين منو .
عشان كده خلينا نعمل معاكم بزنس مقنع جداً
انتو تستفيدو من " مدخراتنا " ونحن نحل بعض الإشكاليات !!
| |
  
|
|
|
|
|
|
|
|
Re: إقتراح عملي لجذب andquot; مدخراتنا andquot; يا حيكومـــــة . (Re: عمران حسن صالح)
|
مافي طريقة لحكاية من الآخر دي يا الشفيع ، الحاجات حبة حبة عشان التنفيذ ما يكون ما أجل جلب المزيد من التهليل فقط :)
....................
أجزم تماما ان تحاويل مغتربي الوطن لا علاقة لها بمستندات البنوكـ الرسمية لأغلب دول الغربة وخاصة الخليج !!
حينما يستخرج أولي أمر هذه الديار تقاريرهم الدورية - عبر مؤسستهم الرسمية ذات العلاقة - أجزم بأنه لا يشمل كل ما يتم تحويله من قبلنا
والسبب معروف للكل والبون الشاسع بين السعر الرسمي وسعر الحرامية التانين " للأسف هم الحكومة برضو " !!
ولنا ميزة وتميّز مهم جداً عن باقي الشعوب ، نثق في بعضنا ، أو لا زالت بعض طبائعنا الفطرية بخير لدرجة أن التحويل قد يتم قبل أن تصرف راتبكـ أو لظروف أضطرارية وماعندكـ التكتح حسي
تلفون للجانب الآخر وتاني يوم المقابل يكون في جيب أمكـ دون نقصان وبسعر حرامية السوق " التانين " .
بالتالي سيستمر الأمر كما هو
ولن تجد الحيكومة مخرجاً تلم بيهو حق المغتربين
ولن يعطي المغتربين حقهم لحكومة لا يثقو فيها بل ويكرهونها
...
أها ؟؟!!
| |
|
|
|
|
|
|
|
|
|
Re: إقتراح عملي لجذب andquot; مدخراتنا andquot; يا حيكومـــــة . (Re: عمران حسن صالح)
|
من جانب آخـــر
التقنيات ملت الدنيا وبقت الحاجات كمبيوترايز ، بطاقة فيها حسابك البنكي وبطاقة تأمينك وبطاقة حقت المستشفى وبطاقة لتعبئة الجوال - رصيد اتصال أو رصيد نت - وبطاقة لشحن الكهرباء .
بل هنا ربطونا بالمخالفات المرورية وبصمات يد واسمكـ على شريحة الإتصال التي تتعامل بها .
أها حكاية الكهرباء برقم شحن دي جيدة جداً .
وطالما عندكم ألياف ضوئية وفتو الناس بعشرات السنين الضوئية حسبما تروجون فخلونا نتاجر معاكم بهامش ربح صغير يفيدنا كمغتربين مدخراتهم - تكـ -
ويفيدكم كأهل حكم حريصين على مص كل الدم المتوفر حولكم .
خاصة التجار التانين البمصو بره بره " نفترض هنا بحسن نية انهم ما تابعين لكم وانكم فعلاً عايزين دولارات المغتربين للبلد "
........
ده مش من إعلاناتكم :
| |
|
|
|
|
|
|
|
|
|
Re: إقتراح عملي لجذب andquot; مدخراتنا andquot; يا حيكومـــــة . (Re: عمران حسن صالح)
|
ناقص إعلان واحد يوضح إمكانية تحويل مبلغ من حسابكـ المصرفي - إن وجد - ليكون بمثابة كهرباء تحول لعدادكـ بموجب رقم أو هكذا
يا ريت مجتهد يفتشو لينا عشان تعبت من البحت :) :)
_________________
نرجع لموضوعنــا :)
لنفترض انو في مليون مغترب قادرين يدفعو مية دولار شهرياً من ضمن مرسالهم لاهلهم للكهرباء بس
يعني مية مليون دولار شهرياً ممكن تدخل لخزينتكم وبالنقد الأجنبي !!
كيف ؟؟
انسوا انو في فرق في السعر وتعاملو مع تحويل المغترب للكهرباء بسعر السوق الحقيقي
اعملو بطاقات مشفرة برقم لا يظهر إلا بعدد الكشط
يكون متوفر خارج السودان لشراء الكهرباء فقط
نمشي السفارة أو لوكلاء محددين ونكشط ونرسل الرقم للبلاد - رسالة SMS أو واتساب ، الواتساب المخوفكم ده ، ليتم إدخالة باعتبارو كهرباء بالدولار ، ليست صعبة طالما توفر السوفت وير المناسب وسيريال نمبر مختلف عن الشراء بالطريقة العادية أو عن طريق الجوال
ليتم إدخال الكهرباء للبيت بالرقم المرسل لأهل الزول الرسل الرسالة .
أو رقم خاص بتحويل الكهرباء من دول المهجر بواسطة رسالة sms لتقومو انتو باللازم طالما جمرتكم الخبيثة مربوطة بالحاسب الآلي
أو افتحو حسابات بمبالغ بسيطة لا يخاف المغترب من أنكم تاكلوها وتكون بالنقد الأجنبي ويتم التحويل بواسطة المغترب عن طريق جواله - رفض بنكـ الخرطوم فتح حساب بالنقد الأجنبي لي ما لم يكن المبلغ خمسة الآف دولار ، ياريت عندي والله
الكلام ده كلو بالسعر الحقيقي خارج البنكـ المركزي .
كده بكون في دافع انو ما نستكثر عليكم دولاراتنا :)
كمان بنضمن حاجة تانية ـ إنو ناس البيت كهربتم ما تقطع باعتبار اننا ملينا العداد كيلواط بكمية مقدرة لأنهم بستكثروا يمشوا يملو العداد من قروش الأكل
عشرة جنية بس وبالليل يولعو اللمبة للعشاء ويطفوها ...
| |
|
|
|
|
|
|
|
|
|
Re: إقتراح عملي لجذب andquot; مدخراتنا andquot; يا حيكومـــــة . (Re: عمران حسن صالح)
|
قبل سنتين كان الكلام ده :
Quote: وقعت الشركة السودانية لتوزيع الكهرباء المحدودة وشركة زين للاتصالات أمس عقد شراكة لشراء الكهرباء عبر الهاتف النقال اعتباراً من غد الاثنين عبر رسالة (زر الإرسال # رقم العداد * قيمة الكهرباء المراد شرائها * 303 *) ويتم خصم 10% من القيمة للخدمة.
وقال المدير العام للشركة السودانية لتوزيع الكهرباء؛ المهندس علي عبد الرحمن، عقب التوقيع بفندق كورال: إن الإتفاق يأتي في إطار خطة الشركة لتطوير خدماتها وجعلها متميزة يتم تقديمها عبر الربط الشبكي دون حضور الزبون إلى مكاتب بيع الكهرباء، وأضاف أن خدمة الربط الشبكي ستتيح ربط كل المكاتب عبر شركة اتصال موحدة، مشيراً إلى سعي الشركة حالياً لربط ولايات الجزيرة ونهر النيل والشمالية وسنار والنيل الأزرق بالشبكة الذي سيكتمل بنهاية أبريل المقبل.
ومن جانبه قال نائب المدير العام لشركة زين؛ المهندس محمد الحسن، إن ما تم يمثل شراكة ذكية قائمة على الإنجاز وتزواج بين التقنية والإرادة والعزيمة، وأضاف أن شركة الكهرباء سباقة بإدخال تقنية الدفع المقدم وهي الأولى من نوعها في أفريقيا، مضيفاً أن هذه الخدمة تمّت بخبرات سودانية وهي ليست حكراً على زين بل ستشمل شركات أخرى، وقال إن الخدمة تهدف إلى تسهيل شراء الطاقة الكهربائية دون الحاجة إلى التنقل، بالإضافة إلى إزالة معاناة نفاد رصيد كهرباء المشتركين في أوقات تكون فيها منافذ بيع الكهرباء مغلقة، وأضاف أن الخدمة المتاحة للمشتركين عبر حزم زين للدفع المقدم وتتم عن طريق إدخال رمز محدد يحتوي على قيمة الكهرباء المراد شراؤها ولا تشمل القيمة ضريبة القيمة المضافة و10% تخصم قيمة للخدمة. |
الكلام ده : أضغط هنا
بس الله يرضى عليكم الحكاية بزنس بيناتنا ، يعني بدون خصم 10% ده
دي إيرادات بالدولارات والأولو شرط آخرو عدم خصم
| |
|
|
|
|
|
|
|
|
|
Re: إقتراح عملي لجذب andquot; مدخراتنا andquot; يا حيكومـــــة . (Re: صديق الموج)
|
صديق الموج
رديت من غير ما تقرأ ولا سطر
إذا ظروف الناس بتخليهم كل ستة شهور يمشو البلاد لظروف والديهم أو أسرتهم الموجودة هناكـ
بالتالي عشان يرجع مضطر يدفع وغصباً عنو من حق أكل ولادو
أو إذا أصلاً الناس ما قادرة تمشي لأنها حالفة ما تدفع للحكومة ولا ريال لأنه سيرتد لصدور أبناء السودان - ودي حقيقة - فليه ما يتم الدفع وفقاً لمصالح متبادلة والحكومة تحب هذا النوع من العلاقات
أقرا تاني يا موج
....
| |
|
|
|
|
|
|
|
|
|
Re: إقتراح عملي لجذب andquot; مدخراتنا andquot; يا حيكومـــــة . (Re: عمران حسن صالح)
|
....Quote:
صديق الموج
رديت من غير ما تقرأ ولا سطر
إذا ظروف الناس بتخليهم كل ستة شهور يمشو البلاد لظروف والديهم أو أسرتهم الموجودة هناكـ
بالتالي عشان يرجع مضطر يدفع وغصباً عنو من حق أكل ولادو
أو إذا أصلاً الناس ما قادرة تمشي لأنها حالفة ما تدفع للحكومة ولا ريال لأنه سيرتد لصدور أبناء السودان - ودي حقيقة - فليه ما يتم الدفع وفقاً لمصالح متبادلة والحكومة تحب هذا النوع من العلاقات
أقرا تاني يا موج
.... |
عمران عيدك مبارك
وحاتك يا ابو محمد مافطيت سطر لكن انت الما قريت
ياخى جيبهم هنا عمرة لاقيهم فى مصر او اى حته من انحاء المعمورة
او فتش ليهم عن بلد يحترم فيه البنى ادم واذا مضطر بيع قروشك فى سوق
اسود من وجه الحيكومة الكالح الكريه ده ورسل قدر حق الشهر او اليوم كان فى
طريقة وبس..
ياخى فى اى بلد فى الدنيا دى الخدمات بتقدم اولاً وبعد رضاءك عن الخدمة حتى
تدفع ماعدا فى بلد الكيزان تدفع مقدماً والكهرباء تقطع مبرمج وغير مبرمج بمزاجهم
ياخى المطعم بتاكل وترضى عن الاكل والخدمة حتى تدفع لكن فى مطعم الكيزان ده تدفع
مقدماً وياكل اكلك سيد المطعم والجرسون، بلد ما عندها وجيع..
سقطت سقطت يا كيزان،،،
| |
|
|
|
|
|
|
|
|
|
Re: إقتراح عملي لجذب andquot; مدخراتنا andquot; يا حيكومـــــة . (Re: صديق الموج)
|
لا يهمني كيف يسير اقتراحي وكيف ينتهي .
ما يهمني انو الغربة ما قادرة تشيل كل هموم الناس او هموم كل الناس
وحكومة الكيزان ما قادرة تشيل هم المواطنين القعدو ليها في البلد غصباً عنهم
أو ما عايزة
على الأقل نطالب بشي قد يساعد القاعد بره البلد غصباً عنو
للقاعد جوة البلد غصباً عنو .
............................
كمّها القروش هي الببيعوها في السوق الأسود وما كفت يا موج ؟
نبيعه بسعر الأسود للحكومة في شكل ضوء يملأ البيوت وما يكونو خايفين إنو ينطفي .
بدل الفرح بزيادة وهمية لقيمة الألف ريال البنحوله كلما سنحت فرصة دي
!!
| |
|
|
|
|
|
|
|
|
 Re: إقتراح عملي لجذب andquot; مدخراتنا andquot; يا حيكومـــــة . (Re: عمران حسن صالح)
|
عمران ازيك
ما بنتعامل مع الحكومة,,ولا حاجة فى ناس بتقدم خدمات فايقة السرعة وبنتظرك
الى اخر الشهر,,اتصل على بلدياتى,,يازول مك عاوز تحول لاهلك حق الخروف,,قلت ليه الراتب الفات
خلص والجديدالى يوم 25,,قال عاوز كم هنا وهناك نحن جاهزين,
انت عارف ياصديقى دولار الكسر وصل 12جنيه
يعنى لو عندك بضاعة عاوز تلحقها العيد فى جدة,,او كوانزو او مدن شرق اسيا الاخر
هنالك من يفر لك دولار بسعر عالى,,تسدد بعد البيع
والهوامير الكبار ديل كلهم كيزان,,عشان كدا مافى نزول للعملة
بعد العيد باسبوع ,ستتكالب التجار لشراء الدولار,سيزيد الطلب حتى يسددوا
ما عليهم من ديون,,وبعدها سيرتفع السعر,,المتوقع بعد العيد بشهر ان يصل
سعر الريا ل الى 3000 والدولار الى 12 جنية,,وعلى فكرة الناس تركت حفظ المدتخرات
فى الذهب,,لانه مواصل النزول للاسبوع العاشر,,مش شايف نستا بتاع عمارة الدهب,,مختفى
اما انه متدحرج فى الخسارة او عنده كمية من المال قاعد يشترى فى دهب الغلابى الذين طحنتهم
الانقاذ بقراراتها الاخيرة,,
الحل هو ذاك الحل
كما قال الموج
لابد من ذهاب الحكومة,,
(عدل بواسطة abuguta on 10-13-2013, 04:41 AM)
| |
|
|
|
|
|
|
|
|
|
Re: إقتراح عملي لجذب andquot; مدخراتنا andquot; يا حيكومـــــة . (Re: abuguta)
|
ابو قوته يا قنبلة ، متاسف للغياب القسري :) ، ذهاب الحكومة ليس بالأماني والدعاء بل بالعمل الجاد لذلكـ ولا عمل في الأفق " لا جاد ولا بالهظار ساي "
والعمل هنا من وسط الناس القالت الروب دي وما قادرة حتى تهتف يسقط يسقط حكم الكيزان
والتدهور ماشي وبالدفع التمن امي وامك واختي واختك
وكده كده نحن طالبنا بمشاركة منفعة مع الحكومة الجات غصبا وجلست غصبا
صعاليك الأحياء والفاشلين شغالين يخمو من طرف كأن البلد حقتم براهم
خلاص يبيعوا لينا كهرباء بالدولار وبالسعر الحقيقي البياكلو منو الحرامية
| |
|
|
|
|
|
|
|
|
|
Re: إقتراح عملي لجذب andquot; مدخراتنا andquot; يا حيكومـــــة . (Re: أحمد الشايقي)
|
| Quote: كنت أتوقع اقتراح شراكة في أمور اقتصادية أكبر من مجرد توفير الكهرباء |
عزيزنا المستشار أحمد الشايقي
ياخي كدي خلي " الشركـ " يقبض بعدين نقترح ما هو أكبر ههههه
مش لما الحيكومة أصلاً تفكر في شراكة استراتيجية مع بنيها
صدقني محبة ولاد البلد للبلد لا تحدها حدود ولكنهم يكرهون هذا السلب والنهب الطال حياتم ، كهرباء وزراعة ودواجن ومشاريع ألبان وتعبئة خضروات وفواكة وتصنيع متعدد
كلو ممكن ، لكن الحكومة تخاف من ظلها ، فياخي خليها تدينا كهرباء لبيوتنا بالدولار ونحصل نخمش مع الخامشين " بالحلال "
| |
|
|
|
|
|
|
|
|
|
Re: إقتراح عملي لجذب andquot; مدخراتنا andquot; يا حيكومـــــة . (Re: عمران حسن صالح)
|
سلام يابو حمودي
وممكن برضو نقنع ادارة الصيدلة تعمل اسكراتشات لي البندول وحبوب منع الحمل والكندوم..
تمشي الصيدلية وانتا شايل رقم مكشوط ويكون في جهاز بالجنبة كده تخت الرقم يقع ليك البتاع المطلوب..
يابو حمودي
ليك وحشة..فكرتك دي سجلها في حقوق الملكية حار حار لانها اجدر بالتطبيق لو انهم يعقلون..
بس كده قول الحكومة في يوم 1/12 قيمت كيلو الكهربا بي 10 دلاور (مثلا) حسب التكلفة بتاعتا الحقيقية اي مايعادل 80 جنية في يوم 1/12 نفسو ، وقامت شركة الكهرباء عملت كمية من الاسكراتشات على هذا الاساس ..
وصلت الاسكراتشات الرياض يوم 2/12 انا جيت اشتريت منهم اسكراتش يوم5/12 لامن ال 10 دولار حصلت 85 ..
قاموا كل مغتربين السودان اشتروا كل اسكراتشات الكهرباء في كل السفارات بعديها والدولار في 85
هل تتخيل انو ناس الكهرباء حيدوني كهرباء بي 80 ولا بي 85؟ ولا الشركة حتفلس؟
ولو العكس حصل قام الدولار نزل بقى 75
هل حيدوني بي الجديد ولا القديم؟ ولا اسامة حيقلبا؟
بعدين سعر السوق الاسود ده ُمعاير في ياتو دكان يابو حمودي ياخ؟ كل زول في السوق ببيع بي تقدير ذاتي ساذج..
بعدين دي ما مدخراتنا ياعمران ياخ
دي اسمها قروشنا.. قرشونا التي لايحول عليها الحول ولا القوة إلا بالله العلي العظيم..
يعني لي اسكراتش كهرباء بي عشرة دولار يوم 1/12 وكانت العشرة دولار بي 80 جنية ..
انا جيت اشتريت
رسلتها لي ناس البيت
| |
|
|
|
|
|
|
|
|
|
Re: إقتراح عملي لجذب andquot; مدخراتنا andquot; يا حيكومـــــة . (Re: DKEEN)
|
دكين يا حبوب
عساكـ طيّب عشاي
| Quote: وممكن برضو نقنع ادارة الصيدلة تعمل اسكراتشات لي البندول وحبوب منع الحمل والكندوم.. |
ومالو يا عباس :) اذا اخونا المشتركـ زاهر فتش دواء هنا لقاهو بالف خمسمائة ريال
وبقليل من الجهد بالبحث داخل صيدليات البلد لقوهو بستمائة جنيه " بالجديد " .
القصد يا عزيز ان مستخدمي الكهرباء هم كل بيت فيهو كهرباء ، وأكيد فيهو عداد الجمرة الخبيثة ، ولا يحتاج الامر إلا لرقم سري تدخله وينوُّر البيت دون الذهاب لصيدليه واللا بنك
المهم يكون الشراء بسعر يوم التحويل للرقم ، هنالكـ دائماً وسيلة لمعرفة سعر الصرف ، ويمكن للـ expire date للكرت ان يتحكم في مسألة فرق السعر صعوداً أو هبوطاً بان يتم عند الشراء عمل مسح بقارئ بار كود للكرت وبعدها يُعطى الكرت فرصة ثلاثة أيام للتفعيل وإلا سيدأ عداد الكيلواط في الخصم بمعدل كيلو واط واحد كل يوم تأخير .
كده انت بتشتري وتكشط وترسل الرقم طوالي بـ sms بنص ريال " ده نجر حسي بس :)، يعني الناس لامن تقعد وتعمل عصف ذهني مرتّب جداً للموضوع بيطلعو بطريقة أمثل " ده لو لسه فضل ناس يقعدو يرتبو من غير أن يتحسسوا جيبوهم " +| Quote: فكرتك دي سجلها في حقوق الملكية حار حار لانها اجدر بالتطبيق لو انهم يعقلون.. |
يا عزيز هو القلع هناكـ التسجيل بيحرسو ؟ خليهم يسجّلو " وينفخو" هم ، المهم الفايدة للناس . Quote: بعدين دي ما مدخراتنا ياعمران ياخ
دي اسمها قروشنا. |
ههه يا عزيز عشان كده كتبتها بين قوسين لأن الفظ " أو المُسمّى " غير دقيق ، يا هو الراتب آخر الشهر وتمسكـ الورقة والقلم توزع ولا مدخرات ولا يحزنون . نحمد الله انه يوصِل لآخر الشهر .
| |
|
|
|
|
|
|
|
|
|
Re: إقتراح عملي لجذب andquot; مدخراتنا andquot; يا حيكومـــــة . (Re: عمران حسن صالح)
|
الاخ عمران ... وضيوفك الكرام ....
السلام عليكم ...
اقتراحك .. جميل وينبع عن حس وطني غيور ... الاانه غير عملي ...
وكانت هناك دراسه لعمل اسكراتشات للكهرباء يمكن شراؤها من اي بقاله او كشك
الا ان هذه الدراسة نامت لانها تريح المواطن وتكلف الدوله ...
ومعروف ان هذه الحكومه .. حاجه فيها فائده للمواطن .. ما بتعملوا ... ولا بتفكر فيهو ..
واكتر حاجه .. يفرحها .. هو عذاب المواطن .. وعكننته ....
وكما قال ليك الاخ دكين ... سعر الدولار كل يوم متقلب وغير مستقر
لذلك حتكون هناك مشكلة في التحويل ...
لذلك خلينا في فائدة المواطن وسيبك من الحكومه ...
والاحسن يتم تحويل الدولارات نقدا وبالسعر السائد هناك وبعدها يتم شراء الكهرباء ...
تحياتي ,,,,
| |
|
|
|
|
|
|
|
|
|
Re: إقتراح عملي لجذب andquot; مدخراتنا andquot; يا حيكومـــــة . (Re: اسامة عثمان السيد)
|
Quote: اقتراحك عملي جدا ومفيد يا عمران ويستحق الدراسة
المشكلة الوحيدة الح تواجهه انو شحن الكهرباء مرتبط ارتباط وثيق مع رقم العداد
ودي مشكلة تمت مناقشتها قبل كده، الشركة مصرة على الربط ده رغم انو بيعطل كتير من اجراءات الشحن
وده لسبب بسيط هو الكوتة والمديونية
اذا تم تجاوزه واصبح الشحن "Pool" زي شحن الجوالات، اقتراحك يمكن مكننته
لدي اتصالات مع بعض المسؤلين هناك، ساخاطبهم بالمقترح
وعندنا هنا في المنبر الباشمهندس/محمد الشيخ ممكن يجي ويدلي بدلوه
وتحياتي يا عمران
جدو الموج داير الحياة "تتجمد" في انتظار سقوط الحكومة الممكن يحدث نهاية القرن البعد الجايي |
أنا شخصيا موافق على هذا الإقتراح، ومستعد للمشاركة في تمويل دراسته.
بالرغم من قناعتي بأن الباب البجيب الريح سدو وإستريح. للخبز عملنا تنور بالبيت. وللكهرباء إبني م. خالد
شغال لتكملة مشروع طاقة شمسية لنا ولجيراننا. للدقيق الطاحونة جاهزة ومركبة وللموية بحر أبيض فركة كعب
جاهزين موية ونور ..... تاني الناقص شنو؟ الله يديم حكومتنا الرشيدة خليها توفر الأمن والباقي بنتمه.
| |
|
|
|
|
|
|
|
|
|
Re: إقتراح عملي لجذب andquot; مدخراتنا andquot; يا حيكومـــــة . (Re: محمد مجيدو)
|
Quote: ومعروف ان هذه الحكومه .. حاجه فيها فائده للمواطن .. ما بتعملوا ... ولا بتفكر فيهو ..
واكتر حاجه .. يفرحها .. هو عذاب المواطن .. وعكننته .... |
يا ريس باعتبار قناعتي بكلامكـ ده انا هنا بفتش لفايدة الحكومة :) ، تلم مننا دولارات برضانا وتدينا ليها كهرباء
بس بسعر الدولار الحقيقي . هي محتاجة دولارات ونحن محتاجين لشي يقنعنا نحول بسعر غير سعر الحكومة .
كده كده هي زااااته بتشتري من السوق الأخدر ده " مين قال أسود :) ؟ "
| |
|
|
|
|
|
|
| |
عمران حسن صالح
صديق الموج
abuguta
ياسر منصور عثمان
أحمد الشايقي
محمد مجيدو
اسامة عثمان السيد
فيس بوك
تويتر
انستقرام
يوتيوب
بنتيريست