|
فاطنة شاش مثالا !
|
لا أعرفها ولا أعرف شيئا عنها سابقا , وما قالته علمت به من السايبر وكما قيل هي صحفية ومذيعة فلا اقرأ الصحف ولا اشاهد التلفزيون
|
|
|
|
|
|
|
|
Re: فاطنة شاش مثالا ! (Re: عبدالحفيظ ابوسن)
|
النيل من المتظاهرين والاساءة إليهم ثقافة إعلامية لم ينج منها انصار الحكومة وبدلا عن النظر إليهم كمواطنين سودانيين خرجوا للتعبير عن مطالب تخصهم بشكل شخصي وحياتي تم وصمهم بكل ماهو قبيح ومقذع وخروجهم كان جديا جدا بدليل تعرضهم للقتل بتصريح الحكومة نفسها
| |
|
|
|
|
|
|
Re: فاطنة شاش مثالا ! (Re: عبدالحفيظ ابوسن)
|
لا تهمني فاطمة الصادق وهي كاتبة مغمورة وصحفية تجيد النسخ واللصق كمعظم من كنت اقرأ لهم , فلم ار صحافيا سودانيا واحد في موقع الحدث عكس ما اراه في صحافي العالم الذين يتعرضون للقتل والسجن خارج اوطانهم حتي وهم يتبعون مهنتهم فهي لم تفعل شيئا سوي اتباع درب القطيع
| |
|
|
|
|
|
|
Re: فاطنة شاش مثالا ! (Re: عبدالحفيظ ابوسن)
|
ولن ادع معرفة بالمخدرات ما ظهر منها وما بطن , ولم ار في حياتي كلها منها سوي البنقو والسليسيون وقرأت ما تيسر لي عن تأثيرها ورسخ منه البعض في ذهني ولكني شاهدت تأثيرها في الشارع بعضها يصيب صاحبها بالخمول وبعضها يصيب بالنشوة والمرح وبعضها بنشاط زائد يخبو سريعا وقطعا وعذرا للكلمة الحاسمة وقطعا لم ار عنفا في متعاطيها , بل يكون مرحا ويجيد النكتة حتي انتشرت بيننا حكاوي المساطيل الضاحكة ملحوظه الشاش دي سمعت بيها منها هل من يزيدني علما متكرما
| |
|
|
|
|
|
|
Re: فاطنة شاش مثالا ! (Re: عبدالحفيظ ابوسن)
|
ومن السذاجة بمكان والجهل استسهال التحليل , فهي دلالة للكسل الذهني الذي ذكرته سابقا , والذي اصاب كل صحفنا , فالصحفي لن يكلف نفسه جهدا سوي فتح الانترنت وإلتقاط الاخبار ونسخها , وبل حتي المقالات دون ان يشير لأسم كاتبها او مصادر , ودونكم الصحف والنت ,فلن تجد سوي بضع مقالات كاتبها اصحابها لا تساوي شيئا كنسبة من بقية الصحيفة مثل هذا الواقع سيفرز صحافة منفصلة عن واقعها , واقعها هو شاشة كمبيوتر فقط , صحافة ترسخ للتلقين والنقل ,, صحافة تتناول الجرائم الغثة والمقيتة وتنقل الدجل ,, صحافة تابلويد وليس سلطة رابعة
| |
|
|
|
|
|
|
Re: فاطنة شاش مثالا ! (Re: عبدالحفيظ ابوسن)
|
القانون لا يقبل وصف شخص بالسكر مالم يجري له فحص السكر , لو ريحتو طاقة عديل ,, والصحافة صدق فكيف يا فاطنة شاش وصلتي لهذه النتيجة فهل كنتي وسط المتظاهرين هل تم اخذ عينات عشوائية وفحصها المظاهرات متفرقة في جميع انحاء السودان هل اخذت جميع العينات من كل انحاء السودان
| |
|
|
|
|
|
|
Re: فاطنة شاش مثالا ! (Re: عبدالحفيظ ابوسن)
|
سميت الصحافة سلطة رابعة , لأنها رقيبا علي السلطة التشريعية والتنفيذية والقضائية , سلطة رابعة وليست تابعة ,, او هكذا يجب ان تكون , ولعلنا نذكر كثير من الحكومات الغربية اسقطتها الصحافة , والآن نقرأ عن تدني شعبية رئيس او ارتفاعها والسبب الصحافة ,, ولعلك تذكيرين اشهر رئيس امريكي وهو نيكسون اسقطه صحفي وحيد وهو الصحفي بوب وود روو , فالصحفي هو ممثل الشعب عند الحكومة يدافع عن مصالحهم , وايضا ممثل الحكومة عند الشعب يشرح سياساتها ,, وهو من يشكل الرأي العام ويوجهه ,, يوجهه بصدقه وثقة الناس فيه ولكن حين يتحول الصحفي لسياسي فقط يكون قد اضر بمهنته ,, فالسياسي يدافع عن خط منهجي وحيد ,, ويتحول لكادر خطابي لا يتورع عن الاثارة والتهريج حديثك حول المتظاهرين يحولك لمتهم ,, ويطعن في اخلاقك المهنية و قيمك الاخلاقية والانسانية بالاساءة للموتي ولو اوتيت الفرصة لرفعت عليك قضية تشهير واشانة سمعة وطالبتك بإثبات تهمة تعاطي المخدرات لكل من مات او قبض علي خلفية التظاهر
| |
|
|
|
|
|
|
Re: فاطنة شاش مثالا ! (Re: عادل البراري)
|
البنيه ما هينه يا عبدالحفيظ
Quote: اجري مكتب مساعد رئيس الجمهوريه اتصالات واسعه مساء امس الاربعاء بغرض حل مشكل الكابتن هيثم مصطفي مع رئيس نادي الهلال,,وقاد مساعد الرئيس مبادره لحل المشكل نهائيا بالاستماع الي كل الاطراف وتم اختيار فاطمه الصادق من جانب الكابتن هيثم مصطفي وعمار الزبير والرشيد علي عمر فيما تم اختيار معتصم محمود وحاتم عثمان ونزار عوض مالك من طرف البرير ومن المتوقع ان يجلس مساعد الرئيس مع كل الاطراف يوم السبت ,,ويختتم اللقاءات بلقاء بين البرنس والبرير بالقصر الجمهوري هذا وقد تم اخطار كل الاطراف بمافيها رئيس الهلال والكابتن والمجموعه التي تم اختيارها.
منقول من مجله الزعيم الاخباريه |
ارزاق يا عالم والمعايش صعبه وانتو يا مناضلين بطلوا حساده
| |
|
|
|
|
|
|
Re: فاطنة شاش مثالا ! (Re: محمد هاشم ابوزيد)
|
مرحبا عادل اسعد بك دوما السليسيون ده هو الصماغ حق رقعة استك العجلة ,, وهو منتشر جدا عندنا هنا ,, بتباع في صباعات زي المعجون ,, وهو سائل شفاف يكبوهو في قطعة قماش ويختوهو في الخشم ,, يخلي الزول حيلو ميت وهايم وبخدر ويخفف العقل الشاش ده اول مره اسمع بيهو والله ,,
| |
|
|
|
|
|
|
Re: فاطنة شاش مثالا ! (Re: عبدالحفيظ ابوسن)
|
مرحبا ود ابوزيد الكورة دي عودي فيها عود مرة ! لكن مكتب مساعد رئيس الجمهورية مخلي الشغل كلو وساكي ليهو ( تيوة ) , هيثم مالو ? داير يقلب نادي الهلال ? حرم ما عارفو مالو ? والمدهش زمان قالو الصحافة مهنة المتاعب والفلس حتي سمعت احمد البلال قال مشيت لندن عشان اعمل قناة فضائية
| |
|
|
|
|
|
|
Re: فاطنة شاش مثالا ! (Re: محمد هاشم ابوزيد)
|
مرحبا ود ابوزيد يا صاحب واحدة من مشاكلنا الرئيسية الوصف الوظيفي ,, يعني أي مسؤول ممكن يتصرف في اي مجال , عندو راي في الكبري القدام الحلة ,, ورأي في الموية القدام البيوت ,, ولجنة الجامع ,, وكلهن ماعندو شغلة معاهن وبرضو رايو هو البمشي الصحافة يفترض فيها الاستقلالية بالقاف وليس الغين ,, صحافة النقل والشف دي ما صحافة , ومعلوم تراجع الصحافة الورقية لحساب الانترنت فحقو يجعلو صحفهم جاذبة بملامسة قضايا الناس وبذل الجهد بالتثقيف الذاتي والسعي نحو الخبر وليس انتظاره ما معقول اي صحيفة مهما كانت رصينة لا تخلو من اخبار الحوادث البشعة او غنماية ولدت تمساح
| |
|
|
|
|
|
|
Re: فاطنة شاش مثالا ! (Re: عبدالحفيظ ابوسن)
|
اذكر اني شاهدت فيلما يقال انه مستوحي من قصة حقيقية صحفية تكتب مقالا عن مسؤول رفيع ,, تدخل بسببه السجن لسنوات وتتعرض للتعذيب والاهانة ويطلقها زوجها وترفض الافصاح عن مصدرها كان مصدرها ابن المسؤول وهو طفل صغير جدا صديق ابنها
| |
|
|
|
|
|
|
Re: فاطنة شاش مثالا ! (Re: عبدالحفيظ ابوسن)
|
Quote: الشاش دي سمعت بيها منها هل من يزيدني علما متكرما |
الواحد كان فاكر نفسو ود امدر و عارف كلو حاجة لكن يا ابوسن فاطنة دي حيرتنا و شكلها شفتة و صغلوكة اكتر مننا و الدليل الشاش الحيرك و حيرنا معاك................
| |
|
|
|
|
|
|
Re: فاطنة شاش مثالا ! (Re: عبدالحفيظ ابوسن)
|
احكي ليك دي يا ود اب كدوك حكي ويحكي أكثر واحد من كوستي القاضي المقيم بكوستي ........ وصار لاحقا وزيرا للعدل ومحاميا مشهورا ,, جابو ليهو واحد سكران سكرة تمام ودق العساكر وعمل عمايل سألو انت سكران كده اصلك شارب شنو قال ليهو شيري ابوترتلين قال ليهو ياخ نحن ترتر واحد غالبني تقول لي ترتلين ,, ترتلين ده مافي قال ليهو في عند بار اب نجمة قال ليهو خلاس اقعد هنا ولو لقيتك كضاب بسجنك وفعلا ركب لاندروفرو ومشي البار ولقي كلامو صاح فكاهو
| |
|
|
|
|
|
|
Re: فاطنة شاش مثالا ! (Re: Elawad Eltayeb)
|
مرحبا العوض حبابك ياخ الإنحطاط ما بفرز بقولو ان البنية الاخلاقية والثقافية والسلوكية ألخ او بما يسمي بالفوقية هي تعكس وتعبر عن الواقع الاقتصادي والسياسي ولكنها تحتفظ بخصوصيتها أي انه انعكاس غير متطابق وليس كالمرآة المستوية هذا زمان الطفابيع كما يقول استاذي بشري الفاضل , وهم اول من اكتشف الثقافية الطفبوعية مستلفا ومتجرأ علي قول استاذي بشري
| |
|
|
|
|
|
|
Re: فاطنة شاش مثالا ! (Re: وضاح عبدالرحمن جابر)
|
مرحبا وضاح هههههه ضحكتني وحات الخوة الما قدر عشانا قالو لاحظ لي قالو دي دون ان اتهم ومن هسعتي دي ما مسعول من الكلام الجاي قالو المرة قالت لي راجلها بالليل كده وليلا غريق ,, امشي مشوار والمشوار لي مكان بعيد وخلا بين حلة وحلة قال ليها امشي اتي ,, المرة ماعندها عدو ! ما تقول لي اشرح بس
| |
|
|
|
|
|
|
Re: فاطنة شاش مثالا ! (Re: Elawad Eltayeb)
|
Quote: هل يمكن أن نناقشها في مقالها دون أن ننحدر إلى الخوض في الأعراض والخصوصيات ؟ |
مرحبا عبد الحفيظ ابوسن وهل ماكتبته فاطنه مقال ول اساءة عديل بالنسبة ليا مقتنع تماما ايو زول يسئ ليو زول مايرجا منو غير الرد الاسوأ منو مافي منيوال او استاند ممكن يعالج القصة دي حتى الناس القالو انو وصفوها بانها مامظبوطه وزعلانييييييين عشان رد فعل الناس وناسين انو هي الجابتو لي روحا وفي ناس كتار ناسيين الحته دي هسع دي كتابة صحفية او مقال هي وصفت وهم وصفو كلو زول يلم نصايحو عليو ياعربي والاحترام في العلاقات حتى السياسية لو مامتبادل بين الطرفين خلينا ننزل ايو منحدر انا شخصيا بعتبر ايو شخص يرجم الناس في الامور الاخلاقية دي بي حجر واحد مامتربي عديل وعندو حاجات نفسية تدفعو للكلام ده كدي شوفو لينا مقالها فيهو شنو برا النبذ والاساءة هي اختارت كده حيردو ليها بنفس المقدار وليد الشفت قال العندو اثبات يجيبو عجبي طييب هي اثباتا وينو بالاوال انو امي الطلعت مظاهرات دي بتاعت شاش وسلسيون حق امي براو بخليني ارفع ليها ايو نوع بتاع كلام فاضي لانو استفزاز ماطبيعي وقفوا الدفاع عن الشخصية دي مهما كان كلام الناس فيها لانو مابتستحق احترام
| |
|
|
|
|
|
|
Re: فاطنة شاش مثالا ! (Re: حامد بدري)
|
مرحبا وحبابك حامد وهل إذا رفسك حمار سترفسة معاملة بالمثل ? نحن نفرض قيمنا ونرفض قيمهم ,, تلك القيم التي تسئ للانسان سنحارب في ارضنا وليس ارضهم سنقول لهم اقذع واقبح مما قالوه وسيفهمونه سنوضح جهلهم وعدم درايتهم وقبحهم وسنتعالي عليهم سلوكا ومنطقا وسيحسون بالضآلة والدونية سيشعرون انهم غير قادرين علي كسرنا واننا لا نتلوث بصدئ القول ولا فاسد اللغة و بعدينك النبذ ده اسهل الحديث ياخ
| |
|
|
|
|
|
|
Re: فاطنة شاش مثالا ! (Re: عبدالحفيظ ابوسن)
|
Quote: وهل إذا رفسك حمار سترفسة معاملة بالمثل ? نحن نفرض قيمنا ونرفض قيمهم ,, تلك القيم التي تسئ للانسان سنحارب في ارضنا وليس ارضهم سنقول لهم اقذع واقبح مما قالوه وسيفهمونه سنوضح جهلهم وعدم درايتهم وقبحهم وسنتعالي عليهم سلوكا ومنطقا وسيحسون بالضآلة والدونية سيشعرون انهم غير قادرين علي كسرنا واننا لا نتلوث بصدئ القول ولا فاسد اللغة و بعدينك النبذ ده اسهل الحديث ياخ |
ده صبر انبياء يااخوي ماعندنا ليهو رقبة نحن سكان مناطق حاره معروف عندنا فوران دم خلقه وايو استفزاز او مهانة مابنرضاها والناس كلها انفعالاتا ماواحده اتا موقفك ده مثالي وراقي الردو ليها ديل هي استفزتوم شديد ووصفتوم بكلام مافي محلو ثم تانيا كدي النسعلك الدولة ماعليها التزام تجاه ناس الشاش والسلس ديل تقوموم هم شموهو من هييين
| |
|
|
|
|
|
|
Re: فاطنة شاش مثالا ! (Re: Nader Abu Kadouk)
|
Quote: الواحد كان فاكر نفسو ود امدر و عارف كلو حاجة لكن يا ابوسن فاطنة دي حيرتنا و شكلها شفتة و صغلوكة اكتر مننا و الدليل الشاش الحيرك و حيرنا معاك................ |
يا نادر أنا قايلك ود أم درمان تفتيحة تطلع لي كيشة! أنا الجاي من أم طرقاً عراض بعرف الشاش .. من زمن نادي الموردة الجنب خور أبو عنجة جنب منزل فرح مفتش وزارة المالية المشهور. تحياتي. كبـّاشي الصـّـافي
| |
|
|
|
|
|
|
Re: فاطنة شاش مثالا ! (Re: عبدالحفيظ ابوسن)
|
ان الحديث عن الورود في زمن الحروب جريمة كما الحديث عن السلاح في زمن السلام ما اهو الانكأ والأمر لمن هو مثلها ? قول العقل? ام مقابلتها بما هو مثله ? لا أدين ابدا ولا يحق لي ذلك لا ادين بمن ردوا عليها بمثل لغتها , فهي اللغة التي يعرفها من كان مثلها , فهي رادعة لها ولغيرها ,, ان الأمر لن يمر دون عقاب وعقاب مرير حتي لا يستسهل البعض الخوض في اعراض الناس آمنين العقاب ومعتمدين علي طيب نفوسهم وترفعهم من سقط القول
| |
|
|
|
|
|
|
Re: فاطنة شاش مثالا ! (Re: عبدالحفيظ ابوسن)
|
لمصلحة من تتم الاساءة للشعب السوداني ? كيف ستستنهض روح الجماهير وانت تقتل في روحها كل يوم ? كيف ستجعلها تحس بالإنتماء وانت تواصل سبها ? يحمد لعبدالناصر انه أزكي روح الوطنية رغما عن بشاعة مراكز القوي وجماعة حمزه بسيوني
| |
|
|
|
|
|
|
Re: فاطنة شاش مثالا ! (Re: عبدالحفيظ ابوسن)
|
اQuote: اجري مكتب مساعد رئيس الجمهوريه اتصالات واسعه مساء امس الاربعاء بغرض حل مشكل الكابتن هيثم مصطفي مع رئيس نادي الهلال,,وقاد مساعد الرئيس مبادره لحل المشكل نهائيا بالاستماع الي كل الاطراف وتم اختيار فاطمه الصادق من جانب الكابتن هيثم مصطفي وعمار الزبير والرشيد علي عمر فيما تم اختيار معتصم محمود وحاتم عثمان ونزار عوض مالك من طرف البرير ومن المتوقع ان يجلس مساعد الرئيس مع كل الاطراف يوم السبت ,,ويختتم اللقاءات بلقاء بين البرنس والبرير بالقصر الجمهوري هذا وقد تم اخطار كل الاطراف بمافيها رئيس الهلال والكابتن والمجموعه التي تم اختيارها.
منقول من مجله الزعيم الاخباريه |
فعلا السودان بلد التناقضات و العجائب التي تبكي مشكلة لاعب كرة مع رئيس ناديه تحل بالقصر الجمهوري و مشكلة شعب يعاني الجوع و المسغبة تحل بالرصاص الحي
اي وطن هذا و اي اناس يحكمون؟؟؟
| |
|
|
|
|
|
|
Re: فاطنة شاش مثالا ! (Re: Zoal Wahid)
|
من الفيس بوك مرحبا ناصر الجعلي ولك التحية والشكر ملاحظتك صحيحة , وحقيقة لم تفت علي وتركتها لفطنة القارئ وحسبتها من فضول القول لا اعرفها سابقا ولم اقرأ لها وأضف ولم اشاهدها في التلفزيون ,, وانا رجلا متابعا للشأن السياسي والثقافي واحسب نفسي متابعا جيدا ,, واعرف كثير من الصحفيين والاعلاميين ولا اعرفها لذا في تقديراتي الشخصية هي كاتبة مغمورة ولا صيت لها , فغير معرفتي لي اصدقاء اناقشهم واتجاذب معهم اطراف الحديث حول جميع المواضيع والكتابات والبرامج فلم يرد اسمها الجعلي في تقديراتك هي تستحق الاعدام إذا انت موافقا علي محاكمة الكتابات بشكل جنائي , كامل الود
| |
|
|
|
|
|
|
Re: فاطنة شاش مثالا ! (Re: عبدالحفيظ ابوسن)
|
مرحبا زول وحيد وحبابك والله صحي قالت زوجة عمرو بن عبدالعزيز لم يغتسل من جنابة منذ أن تولي امر المسلمين حتي مات يعني مافاضي لمرتو الواحدة بس خليك من مثني وثلاث ولا يتفرج في كورة زاتو
| |
|
|
|
|
|
|
Re: فاطنة شاش مثالا ! (Re: عبدالحفيظ ابوسن)
|
Quote: وهل إذا رفسك حمار سترفسة معاملة بالمثل ? |
يا بكري ما تشغل لينا الوشوش الخدرا المددردقة ؟
هي اساءت وبهتت واجرمت ومن يجاريها لا يقل عنها اجراما
خالص التحايا والاحترام للجميع
| |
|
|
|
|
|
|
Re: فاطنة شاش مثالا ! (Re: عبدالحفيظ ابوسن)
|
Quote: هي اساءت وبهتت واجرمت ومن يجاريها لا يقل عنها اجراما |
وليد الشفت مسا الخير في حاجه في القانون اسمها الاستفزاز المفاجئ بعملو بيهو كعنصر مخفف للجرائم ولامن زول يسئ ليك فيك او امك وابوك لو عندك صبر وفي قانون اشتكيهو او رد ليهو بالمثل دي بنلقا ليها مخرج شرعي عديل خلونا من المثاليات المابتاكل عيش لو اعتبرنا موقع سودانييز موقع نخب متعلمه ومستنيره كدي ورونا هنا القصة دي بتبقا بدون سلالم بكري تتطاقش
| |
|
|
|
|
|
|
Re: فاطنة شاش مثالا ! (Re: حامد بدري)
|
مرحبا حامد لا ثورة بدون نظرية ثورية قول قديم اثبت صحته دوما والتقليل من دور الثقافة والعلم الثوري لا يخدم سوي اعداء الثورة وهو قولهم نحن الآن هنا في هذا المنبر نمارس الكتابة والتنظير لا العمل قال جورج اوريل أكثر الناس حديثا عن العنف والدمار هم الذين لا يقاتلون مع اكيد التحايا
| |
|
|
|
|
|
|
Re: فاطنة شاش مثالا ! (Re: عبدالحفيظ ابوسن)
|
عبد حفيظ يا لذيذ ازيك وازي الاولاد ---------------- صحافتهم تشبه م (اقصد اهل النظام) وسياستهم تشبهم واقتصادهم يشبهم ------------ يعني جات على فاطنة شاش منو الما نبز وشتم هذا الشعب الطيب هي نتيجة حتمية لسقوط مدوي 24 سنة في كل شيء ،، --------- تحياتي ابسن
| |
|
|
|
|
|
|
Re: فاطنة شاش مثالا ! (Re: عبدالحفيظ ابوسن)
|
مساك نور حبيبنا حامد
Quote: وليد الشفت مسا الخير في حاجه في القانون اسمها الاستفزاز المفاجئ بعملو بيهو كعنصر مخفف للجرائم ولامن زول يسئ ليك فيك او امك وابوك لو عندك صبر وفي قانون اشتكيهو او رد ليهو بالمثل دي بنلقا ليها مخرج شرعي عديل خلونا من المثاليات المابتاكل عيش لو اعتبرنا موقع سودانييز موقع نخب متعلمه ومستنيره كدي ورونا هنا القصة دي بتبقا بدون سلالم بكري تتطاقش |
ماف زول مسالي هنا ... واتهام فاطمة في شرفها غلط كبير
الاستفزاز المفاجئ حتى لو ادى الى القتل قد لا يعدمة القاتل ... والامر كله بعتمد على المفاجاءة .. يعني لو نبذك وجا زول وقف في النص .. وبعد زح طقيتو كتلتو .. تعدم توشك
اعتماده كله على ردة الفعل لحظة المفاجاءة
بخصوص المثاليات لو خليناها ... بنبقى نحن ومن يفعل الشينة واحد ... هو الناس دايرة تمرق الكيزان ليه ... عشان ما مثالين
المهم يا حبيبنا بدون زعل .. انا عندي فاطمة شاش .. ومن اتهما في شرفها وااااااااحد ناس ختايين
مودتي
| |
|
|
|
|
|
|
Re: فاطنة شاش مثالا ! (Re: وليد محمد المبارك)
|
اووو حبيبنا علي ود دفع الله ازيك يا صاحب ياخي وكثير ود اتفق معك الانهيار شامل ,, حتي في الجمال ! اهو بناتنا كلهن مجلطات ودايرات يبقن بيض قلت مثل قولك عاليه وسميته زمن الطفبايع والصحافة الطفبوعية ولا ينبغي لها غير ذلك فالقيم تتبع الواقع وليس العكس كما يتوهمون سلام للناس عموم والقادم الجديد و اجمل الاطفال قادمون
| |
|
|
|
|
|
|
Re: فاطنة شاش مثالا ! (Re: عبدالحفيظ ابوسن)
|
عطفا علي حديث فاطنة شاش هل يشمل ذلك اعضاء المؤتمر الوطني ,وبحسب حديث السيد الرئيس فإن معظم الشعب مؤتمر وطني وكل الفنانين ام انها اخذت اعضاء المؤتمر الوطني مثالا وقاست عليه ام ان كل إناء بما فيه ينضح
| |
|
|
|
|
|
|
Re: فاطنة شاش مثالا ! (Re: عبدالحفيظ ابوسن)
|
قيل ان احد العلماء سأل اثنين من تلاميذه عن زيارتهم لمصر ابدي الأول امتعاضه من المواخير والفساد والدعارة والخلاعة هناك فقال له صدقت وابدي الثاني اعجابه بالعلم وحلقات الدرس والمكتبات وروح المعرفة فقال له صدقت اندهش الحاضرون لتصديقه المتناقضين فقال لهم كل يري في مصر ما ذهب لرؤيته اي انهم يتحدثون عن الاماكن التي ذهبوا لرؤيتها
| |
|
|
|
|
|
|
|