كلامات هنا وهناك .. حول مفاهيم أساسية جدا

Quote: و نكون بالميت كده واعين جدا للنصوصية واللصوصية وشهود يهوه وديمقراطية اليوم السابع !!

(عدل بواسطة طه جعفر on 10-08-2013, 09:52 PM)

(عدل بواسطة كمال عباس on 10-09-2013, 03:38 AM)

Quote: الناس عايشة رزق اليوم باليوم، سواق الرقشة، والامجاد، والحافلة... العتالي، والبنا، وناس المونة والبشيلوا الطوب، والطُلب، الكماسرة... والبدقو الطوب،التشاشة، وبائعى الخضار، ستات الشاي، منقبي الذهب، ديل تقطعت بهم السبل، الفي التنقيب ما قادر يرجع. والعند اهلو ما قادر يمشي.... المدرسين، والمدرسات؛ في المدرسة في فطور وونسة وختة... المدارس قفلوها.... والمزارع اه من المزارع اراضي اهلنا بعد ان كانت خضراء من البرسيم، حمراء من الطماطم، سوداء من الباذنجان بيضاء من الفاصوليا وقلوب اهلها الطيبين، الان الاراضي عن بكرة ابيها غطاها المحل، العُشر، والعوير ياخ كانت رائحة التوغل في الحقول ترد لنا الروح... .... صديقي خلف المزارع المثقف كانت له ارض وبابور وطين ووزين... لبيسا وشايل شنطة كمثقف محترم تجد فيها الجرائد والروايات، ومجلة روز اليوسف، هجر المزاعون مزارعهم، يعمل الان صديقي خلف في التنقيب، يحفروا بالايام ولا دهب في الافق... يررجعوا بحسرتهم وصمة خشمن... تعطلت دورة الحياة تماما، الحافلة من واوسي لبحري(50كم) كانت ب3 الف هسع ب 10الف وتصل الى 12 الف بعد المغرب، العجورة ب5 الف، الرغيفة ب500 جنيه؛ بالمناسبة الرغيفة لقمتين،يعني لو عاوز تفطر مجدة محتاج ل 10عيشات، شوال الذرة بتاع الكسرة ب150الف ... الكهرباء، الدواء العلاج؛ غايتو الزول لو مِرِض اليومين ديل ياهو الميت من الغلاء القهر،