|
Re: لا وألـف لا، لـمُـظـاهـرآت يـوم الـجُـمـعـة ... (Re: معاوية المدير)
|
من الجمعة للجمعة، دا إسبوع كامل وكافي لعصابة المؤتمر أن تنظم نفسها وتكون جاهزة لقمع المظاهرات نسبةً لأنّ العصابة علي علم بيوم وزمن المظاهرة. الخروج للميادين والإعتصام سوف يربك العصابة ويجعل الرباطة ينفضون من حولها. علي الجهات المنسقة أن تفطن لذلك وتقود الشعب لإعتصام شامل كامل وهو الحل الأمثل لإسقاط الحكومة...
| |
|
|
|
|
|
|
Re: لا وألـف لا، لـمُـظـاهـرآت يـوم الـجُـمـعـة ... (Re: معاوية المدير)
|
Quote: Emad Alawad · الأكثر تعليقا · Administrative Assistant/Office Manager في Saudi Center for Organ transplantation فعلاً والله لابد من العصيان المدني الكامل حتى النصر .. ان مستغرب في الناس البيمشوا الشغل ديل هم بيمشوا لي شنو و الراتب البيدوهم ليه ده بعد الزيادات دي حايكفيهم كم يوم يعني 5 - 10 والله لو عملوا عصيان مدني المدة دي الحكومة تكون شتت نهائي رد · أعجبني · متابعة المنشور · منذ 12 ساعة |
سلآمات يا عماد. فعلاً السؤال المحيّر، ليه الناس بيمشوا الشغل ؟؟؟.
العصيان التام هو الحل، ولا حل غيره...
| |
|
|
|
|
|
|
Re: لا وألـف لا، لـمُـظـاهـرآت يـوم الـجُـمـعـة ... (Re: معاوية المدير)
|
أسد البرتا الاصلع ... سلام يا رجل و لعلك بخير ... واضح جدا منطلقاتك و حرصك على إستمرارية الثورة و أحسن السبل لانجازها ... لكن كمان نحن ما هناك و ما عارفين الناس الجوه ديل ظروفهم شنو ... أنا زيك كده عايز المظاهرات تكون 24X7 لكن ما ممكن أقول لناس مارقة تظاهر و بتنضرب رصاص و أنا قاعد في النصف الآخر من الكرة الارضية ما تطلعو في اليوم ده ... اطلعو في الايام الباقية ... خلو ناس جوه يحددو يا ود المدير اليوم و الشكل و الطريقة الدايرين يطلعو بيها ... و نحن علينا مؤازرتهم كيفما كانو و باي شكل و أي يوم تظاهرو !
| |
|
|
|
|
|
|
Re: لا وألـف لا، لـمُـظـاهـرآت يـوم الـجُـمـعـة ... (Re: أمين محمد سليمان)
|
هو بالله ود المدير دا من عندينا والله بحماستو دي أنا قلت الزول دا في نص المظاهرات
المهم هو دعم الناس في الداخل بالمال والقنزب، وناس الداخل ديل ماتوا بالجوع عديل كده، وكان مكضبيني اسألوا ناس جبال النوبة والنيل الأزرق والشرق وناس الشمالية
غايتو دا الشيء الوحيد إلانا شايف نحن القاعدتين برة ديل مفروض نعملوا ما دام ما قادرين نطلع مظاهرات وما قادرين نمنع لينا رصاصة من مواطن في دارفور ولا في كرد فان ولا. الجزيرة ولا الشمالية ولا الشرق
كدي نوفر نصائحنا ونحو لها لدعم مالي وانا متأكد ناس جوة بقبلوها مننا
| |
|
|
|
|
|
|
Re: لا وألـف لا، لـمُـظـاهـرآت يـوم الـجُـمـعـة ... (Re: الصادق اسماعيل)
|
اقتراحك دا اهم باب من ابواب نجاح اي حراك ونحن ضد الجمع (جمع جمعة) لانها واضحة وسهلة التصيد لانها مكشوفة من حيث الزمان والمكان الزمان : الجمعة المكان : المسجد بكل سهولة كمية من عربات الامن وابو طيرة وكمية مسيل دموع وطلق مطاطية وخرطوش وذخيرة حية ، وبعدها التفرق والتشتت في انتظار جمعة قادمة وكـلاب الامن يرتاحوا اسبوع كامل مع اخذ حافز مالي يريحهم ويشجعهم لمزيدا من البطش في الجمعة القادمة ،،
بسيطة مستمرة خيرا من انتظار اسبوع كامل --------- تحياتي ود المدير
| |
|
|
|
|
|
|
Re: لا وألـف لا، لـمُـظـاهـرآت يـوم الـجُـمـعـة ... (Re: عبدالمنعم الطيب حسن)
|
Quote: ا اخوانا الناس ديل ما بنفع معاهم لا مظاهرات لا عصيان مدنى ,الناس ديل ادلجو كل مؤسسات الدوله ,الناس ديل عايزين عمل مسلح عديل ونرجو ان بكف الجميع عن دفن الرؤوس فى الرمال. نعم سيكون الثمن باهظ ولكن النتائج بتكون واضحه ولا مجال هنا لتعرض الثوره للسرقه. |
يا السموأل هسّع يجي وآحد يقولك، الرصاص بيقدد الحيط، ودا تخريب...
| |
|
|
|
|
|
|
Re: لا وألـف لا، لـمُـظـاهـرآت يـوم الـجُـمـعـة ... (Re: معاوية المدير)
|
Quote: أسد البرتا الاصلع ... سلام يا رجل و لعلك بخير ... واضح جدا منطلقاتك و حرصك على إستمرارية الثورة و أحسن السبل لانجازها ... لكن كمان نحن ما هناك و ما عارفين الناس الجوه ديل ظروفهم شنو ... أنا زيك كده عايز المظاهرات تكون 24X7 لكن ما ممكن أقول لناس مارقة تظاهر و بتنضرب رصاص و أنا قاعد في النصف الآخر من الكرة الارضية ما تطلعو في اليوم ده ... اطلعو في الايام الباقية ... خلو ناس جوه يحددو يا ود المدير اليوم و الشكل و الطريقة الدايرين يطلعو بيها ... و نحن علينا مؤازرتهم كيفما كانو و باي شكل و أي يوم تظاهرو ! |
عننا، بروف أمين في بلآد الصقيع فاس الماوراها ناس. عاطر التحيا تصلك وتعانق الجميع معك.
كلآم صائب وزين، آخر النهاية الناس في الداخل هم البيحددوا حسب وضعهم والجو المحيط بهم، إضافة إلي إمكانياتهم ونحن ما علينا إلا التحريض، ويجب أن لا نصغى ونستكين لتلك الأصوات المُخذلة المنطلقة من هنا وهناك. ناس قاعدين برّا ومرطبين ومُش عارف ايّه !!!؟؟؟. إسقاط هذه العصابة الظالمة حق في رقبة كل زول، كُلٍ حسب وضعه وإمكانياته من الموقع الذي هو فيه، وزي ما قلت إنت، نحن علينا مؤازرتهم كيفما كانو و باي شكل و أي يوم تظاهرو...
| |
|
|
|
|
|
|
Re: لا وألـف لا، لـمُـظـاهـرآت يـوم الـجُـمـعـة ... (Re: معاوية المدير)
|
Quote: هو بالله ود المدير دا من عندينا والله بحماستو دي أنا قلت الزول دا في نص المظاهرات
المهم هو دعم الناس في الداخل بالمال والقنزب، وناس الداخل ديل ماتوا بالجوع عديل كده، وكان مكضبيني اسألوا ناس جبال النوبة والنيل الأزرق والشرق وناس الشمالية
غايتو دا الشيء الوحيد إلانا شايف نحن القاعدتين برة ديل مفروض نعملوا ما دام ما قادرين نطلع مظاهرات وما قادرين نمنع لينا رصاصة من مواطن في دارفور ولا في كرد فان ولا. الجزيرة ولا الشمالية ولا الشرق
كدي نوفر نصائحنا ونحو لها لدعم مالي وانا متأكد ناس جوة بقبلوها مننا |
الصادق إسماعيل سلآمات.
يا الصادق يا اخ من عنديكم ونُص وخمسة كمان. مرطبين ومنفخين وشبعانين، ندفسا للطيش مما لذّ وطاب من طعامٍ وشراب، ونقوم نطقطق الكيبورد، أو كما يقولون عنا. أوافقك علي مسألة القنزب، وإتفق معاك تماماً إنو دا الشي المفروض نعملو، وامشي معاك لأبعد من كدا وأقول يفترض الدعم دا يستمر مدى الحياة ولا يتوقف حتي لو إنتصرت الثورة. وكمان بقترح يتعمل بنك عديييييل كدا، والقروش تدخل في إستثمارات لحث الناس علي العمل والإنتاج. برضو ندعم بإقتراحاتنا لأننا من الزاوية القاعدين فيها قد نكون أكثر تقييماً للوضع من ناس الداخل، لا أخُص بهذا محتوى هذا البوست.
مودتي...
| |
|
|
|
|
|
|
|