بالله عليكم الله أقروا الخبر دا عشان تضحكوا وتبكوا في وقت واحد

Quote: برافو حكومة الانقاذ عشان ما يجيء واحد ويقول الناس الماتوا ديل دمهم راح هدر اهو قبضوا سواق الحافله المجرم والباقى 220 شهيد فما تستعجلوا يا اخوانا لك الله سا بلد تحياتى محمد على واهدى لك اغنية ابراهيم عوض مره اضحك ومره ابكى ومره اتحمل اسايا

Quote: ياخى ديل قدروا ينجزوا مشروع الهوت دوق كااكبر واضخم مشروع عرفه السودان الحديث .... مايقدروا يمسكوا ليهم كم شبيح كده من الكتلوا المتظاهرين ؟؟؟ اديها صنه وانت حاتشوف العجب واخوانه زاتو ... قال ابكى قال ... ياخى ده فراش عديل ..

Quote: لا حول ولا قوة الا بالله وللشهداء رب يحميهم وشعب يثأر لهم ........................................حجر.

Quote: Khalid Al-Mubarak · الأكثر تعليقا · Economics بوستات فقط للاستهزاء ولا شئ اخر ، سودانيز اونلاين اثبتو لنا مرة واحدة انكم لستم بمرتادي اوكار الامن المنتشرة في السودان و ان ما يحملكم على الكتابة هو الحقد و التشفي ليس الا ؟ كونو واقعيين فالشعب السوداني يعلم اكثر منكم بفساد الحزب الحاكم او عدمه و لا يحتاج "لتكسير تلج" القاصي و الداني يعلم بأن الزمرة الحاكمة سيئة و لكن هي أفضل السيئين الموجودين بالساحة و يعلمون ايضا احتمالية ان يتحول السودان لمعركة عرقية لاتبقي و لا تذر في حال ذهاب هذه الزمرة الحاكمة الحالية و في الوقت الراهن ،اذا كانت امريكا نفسها اعلنت و صراحة بأن لا يوجد على الساحة السياسية في السودان من هو قدر المرحلة اكثر من المؤتمر الوطني يعني لا بالعربي بتفهمو و لا بالانجليزي بتفهمو ؟؟ ولكن الحقيقة هي انكم تجهلون رغم الايحاء الصادر عنكم بأنكم تفهمون أو أته لا يضيركم ذهاب السودان او بقاءه لان كثيرين منكم ليسو بسودانيين ،

Quote: وعشان نوع الاستفزازات دي وتهميش الشهداء ودورهم أو حتي مجرد اعتراف الإنقاذيين بما يحدث في البلاد من ثورة واضحة ومكتملة ,وغير قابلة للإنكار, يجب أن تستمر الثورة كل يوم حتي نتخلص من القتلة السفاحين . وثورة ثورة حتي النصر بإذن الله. وعاش نضال الشعب السوداني البطل. ست البنات.

Quote: يا خي حرام عليك دماء الابرياء لم تبرد بعد دموع الثكالي لم تجف بعد جروح المصابين لم تشف بعد جراح الوطن لم تلتئم بعد وكأن لسان حالك يقول هل من مزيد؟ من الدماء والدموع والجروح والجراح مالكم كيف تحكمون

Quote: يا سلام وكمان سلام أكثر من كثافة البمبان أو لعلعة الرصاص ياسلام علي همة النظام سائق حافه كمان .. يعني بكره كضب القال حيلاقي مواصلات في ربوع السودان أوردت صحيفة الانقاذ النصف قطرية معذره خطأ في الخبر الربع قطرية لا الربع قرنية الحافلات تثار للوطن من عملاء الوطن وتدهس كل من تسول له نفسه المؤامرة بهذا الوطن عجبي في زمن الصفيح برضو دي حافلة دهايس ودي كمان ركشه دم الشهيد في رقبة كل سوداني له ضمير حي يرفض الذل يفرض القهر يرقض تصفية المحتجين وقتل المتظاهرين والدم دم الشعب والهتاف لابد أن يتواصل نرفض كل اشكال القهر

Quote: اصالةً عن نفسي ونيابة عن الهنود العاملين بالشركة أهنيء حكومة المؤتمر الوطني الباسلة بالقبض على سائق الحافلة الذي دهس الطالبة المكلومة أمها وابوها واهلها والتهنئة موصولة إلى السيد رئيس الجمهورية ونائبه الأول ووالي الخرطوم الذي يبزغ بزاغاً صادقاً خليك من كلامو ونحن في انتظار ان تسفر تحقيقات حكوماتنا الباسلة المعطائة التي قدمت للشعب السوداني حياة كريمة وعلمتهم اكل البيتزا والهوت دوغ ومنعت الموت غرقاً , أن تسفر تحقيقاتها في الكشف عن من قتلهم. ونحن واثقون ان الحكومة تقدم للشعب السوداني افضل حياة كريمة وان الاسعار في متناول اليد كما ان الرواتب ودخل الفرد وصل إلى 1800 دولار في الشهر.

Quote: الصادق هوووووي الحكومة بتسوق في أحسن منتج (عالي الجوده ) علي نطاق الشرق الاوسط وعامة الدول الافريقية وقد اصبح يغرق السوق الاروبية الحديثه

Quote: محمد البصير سلام النضال يعنى انتو دايرين حكومتنا الرشيدة تتقطع ما مشغوله بتبحث عن قتلة الثمانية وعشرون ضابط بتاعين رمضان بس تخلص من التحقيقات دى وتشوف ليكم باقى فطايسكم دى الحصل فيها شنو؟ طول عمركم مستعجلين هى الحكومة دى مسكت متين ياها الخمسة وعشرين سنة دى ياداب نفضت يدها من اكبر مشروعات التنمية التى انتظمت البلاد هسه مشره البتزا والهوت دوع ده 7000 الف سنه عمر الشعب السودانى ما خلص كان ما الانقاذ خلصته مش كنتو لسه حا تكونو قاعدين تاكلو فى الويكة والكسرة ويومكم التغيروا تغيروا لى عصيدة بى بنى كربو؟ اصبروا صبركم بلاء يقرفكم،،،

Quote: فلم هندي علي الطريقة الاخوانية او فلم اخواني علي الطريقة الهندية ..... ما فارقة اهو والله الجماعة ديل طلعونا طير ساي