*** إلى شاعرنا الشفيف ،، محجوب شريف ***

Quote: يا أخي تسلمي يا سومة تسلمي وربنا يسلم لينا الحبيب الشفيف الشريف ود المحجوب يغطي عليه ويجعله كما نحب تسلمي وحباب إيابك حبابك

Quote: يسلم من كل بلاء الانسان محجوب شريف سلامات يا اسماء طولةجد جد الحكاية شنو؟ ولا حتي البيت القديم (النافذة) تحيات لك وللفاتح وناس البيت حمدلله علي سلامة الطلة بعد غيبة

Quote: التحية لشاعرنا العظيم والإنسان النبيل محجوب شريف متعه الله بالصحة والعافية وإجلال مقدر لك شاعرتنا الجليلة أسماء

Quote: ا سلام يا سومة ....قصيده جميله..يديك العافيه انتي وشاعر الشعب الاستاذ محجوب شريف . بلغي كثير من التحايا لخالده ..ساره وسكينه والاخ حسان. بشاير

Quote: الشعب حبيبك وإنت حبيبو إنت الطب وياكا طبيبو

Quote: شفي الله شاعرنا وحبيبنا محجوب التحية لكي اختنا اسماء

Quote: كلمات كخارطة تبيان من خاصرة الوطن سلمتْ قريحتك

Quote: عاجل الشفاء شاعر الشعب محجوب شريف والتحية والتقدير لــ أسماء الجنيد !!

Quote: شامخة مبادئك ما بتتبدل اصلو شعارك ما بتحول من الأول خيرك فال مع التربال عمة وشال ترعة ومنجل ومع الأطفال ديمة تذاكر قلم ودفاتر خرطة وبرجل

Quote: ورده فيها ريحة العافيه ليهو... والتانيه فيها ريحة البلد ليك الاولى تحجب مرضك يا محجوب والتانيه تفتح قلبِك للأطفال جنه تسعد كل زول عشمان فى بلدو وتبهج والديك ملهم كردفان خالص أمنياتى القلبيه للعملاق الإنسان محجوب شريف بعاجل الشفاء ولك يدى بيضاء ترافقها نية بيضاء ياأسماء احترامى

Quote: God bless you Asma This is Mahjoub This is The man Great poem,Asma, written by an honest and enlightened self Salutations and respect for other contributors

Quote: Dardiri Satti ومن سوى عظماء الشعراء يمكنه أن يعبر عن مشاعر الناس تجاه عظماء الشعراء؟ الأستاذة الشاعرة أسماء الجنيد، شكراً لك. تحياتي

Quote: إلي شاعر الشعب الإنسان الشفيف محجوب شريف الشعب حبيبك وإنت حبيبو إنت الطب وياكا طبيبو البشفي السقم الوكر وجعو جوه ضلوعو وحت سبيبو وإنت الفضل من الضو الفج العتمة وضوا دريبو وإنت الفضل من الغيم الطقطق حرفك مطر أشوقنا برد جوفنا وطفى لهيبو مد شعاعك جوة مسامنا نفض الغبن الطابق عيبو مين الغيرك شايل الهم ومين الغيرك واجعو الدم وحاس بالضيم الفرا جناحو حتحت خيرنا ونفض جيبو ومين الغيرك عاصر الجمرة وضي اشعارك زي القمرة باقي دليل في الزمن الشاخ بالع الحسرة وطابق شيبو يا كا السمح الزين الفضل وياكا الباهي وسطنا بتقدل شامخة مبادئك ما بتتبدل اصلو شعارك ما بتحول من الأول خيرك فال مع التربال عمة وشال ترعة ومنجل ومع الأطفال ديمة تذاكر قلم ودفاتر خرطة وبرجل وطن محموم قسموا العسكر مسخ ريقو الطاعم سكر زرع المرة وطبق الحنضل مهيرة العز الخيرا ينز بين كلماتك جرتق وصندل وفي طيات الود البينكم كوم حنية صافية ندية وطلة عزة الديسها مهدل تراث اجدادنا باقي تكية في قعداتك وفي غنواتك معتق منو صوتك رتل يا محجوبنا وياهيبتنا يا نيمتنا الشارا ضراها لا بتتغابا ولا بتتململ ندعو الباري يحفظك لينا ياكا بحرنا البسقي عروقنا وياكا النيل المنو بننهل وفي حوباتنا سند ابواتنا صوتك عالي وديمة بجلجل أسماء الجنيد