|
|
 كنت بداخل بيت الأشبــاح ..
|
كنت قد قمت بالتخلص قبل فترة وجيزة من كل الكتب .. والقصاصات التي كانت تحتوي على كل ما لديـه علاقــة بالاعتقاد في الماركسـية
حتى كتاب الاناشيد الثوريــة لكتاب الحزب الشيوعي حول الوطـن العربي .. وقصاصات لهاشم صديق .. وبعض الكتيبات الصغيرة التي يحتل غلافها لينين والتي كانت تدرس ضمن مناهج علم الاجتماع في احدى الجامعات ..
معظم الكتب التي قمت باعدامها تمت فيه العملية بطريقـة صبيانية جدا وتقليديـة ليس لها علاقة بفكرة التأمين المتبعة لكوادر الحزب الشيوعي الذين لا يتركون اي اثر يذكر من خلف فعلتهم .. حتى الطريقة المتبعة بحيث ظننت انها بمعزل عن يد مفتشي النوايا .. الذين اعتادوا على المداهمـة في ساعات هي الأولى من الصباحات او متأخرة من الليالي التي يغيب فيها القمر عن الظهور ..
كانت عملية الاعدام في اليوم الذي تلى مداهمـة جارنـا الماركسي الشاب واقتياده .. وهو من ضمن اصدقائي المقربين الذين كنت اتناول معهم وجبـة الاستماع لمصطفى سيد أحمد عبر اشرطـة الكاسيت المتداولة وقتها أو عن طريق حفلاته الحيـة ، والتي كنت احرص فيها
بشكل كبير على ان اخبي جهاز التسجيل عالي التقنية تحت الملابس .. واكون في اقرب نقطـة لمكبر الصوت حتى يلتقط اشارات الاوركسترا وصوت الراحل بشكل اوضح ..
|
|
  
|
|
|
|
|
|
|
|
Re: كنت بداخل بيت الأشبــاح .. (Re: tmbis)
|
راودتني فكرة التخلص من الكتب وبسرعة بعد ان علمت بخبر الاعتقال لصديقي وانا بعيد من البيت ..
وقتها انتابتني حمى وخوف شديدين ان يكون صديقي من الذين كانت مرصوده تحركاتهم .. بعنايـة خاصة وانه كان يتردد علي في صالوننا الذي تطل شبابيكه على الشارع الرئيسي والذي يسمح لكل ماري على الطريق ان يستمع لما يدور بداخله دونما حوجة لرفع الصوت ..
اما فكرة الاستماع لاغاني الراحل فكنا لا نقبل إلا ان تتم بصوت مرتفع كاعلان عن مواكبتنا لآخر صيحات الغناء بمعناه المعقد عالي الرمزية وقته ، من حيث طريقة الكتابة لشعراء حداثيين وقوالب موسيقية معقدة التركيب .. ومن ناحية أخرى حتى نعلن عن فكرة مصطفى لابد لها وان تنتشر على نطاق واسع
لايماننا التام انه الزمن المناسب للترويج لها .. ويتناسب هذا الاعتقاد مع التناسب المطابق مع صاحب الفكرة نفسـه الراحل مصطفى الذي اخذ في نشاط عجيب ينشر فكرته الموسيقية ، لكانما كان يعرف انه على موعد قريب مع مصيره المحتوم .
مجرد الاستماع لاغاني مصطفى وقتها كانت كفيلة ان تدمغك بالماركسيــة حتى وان لم تقم بارتداء بنطال الجينز وتبريم شعرك بطريقة متوترة وتتعمد ان تكون متسخ الثياب .. وتلك هي كانت من ضمن العلامات المميزة وقتها لكل من يدعي شيوعيته او جبهته الديمقراطيـة .
ازدادت حدة توتري وارتفع هرمون الخوف عندي بشكل فاق معدلات الارتفاع العادية عندما تذكرت ان احد اشقائي كان من ضمن المشاركين في احدى الكورالات الشيوعية والتي جمعت الراحل مصطفى سيد أحمد والعديد من ابناء الحزب الشيوعي ابان فترة الديمقراطيـة .. وممارسة كافة الاحزاب السياسية
نشاطاتها بسهولة دون اي قمع ..
عندها احسست بتانيب للضمير وتخيلت سيناريو مداهمة المنزل خاصة واني اشارك شقيقي نفس الغرفـة وضف لذلك انه افسح لي مجالا لاستخدام احدى اقسام الدولاب الخشبي بمفتاح مستقل حيث قسمت جزء مقدر لملابسي على قلتها ومقتنياتي الشخصية .. والجزء الآخر خصصته لمكتبة صغيرة جمعت فيها من
عيون الادب العالمي المترجم وبعض الكتب من علم الاجتماع اضافة لبعض الكتاب العرب الذين بدا نجمهم في الظهور امثال حيدر حيدر وابراهيم الكوني والعديد من الكتب التي كنا نتداولها بحرية مفترشـة على الأرض امام بوستة امدرمان الكبيرة وبعض الكتب الانقليزية بالقدر الذي يمكن ان تضيف لزخيرتك اللغويـة
تصورت سيناريو التعذيب لصديقي المعتقل ببيوت الاشباح والذي سوف يقوم بدوره بالارشاد عمن يتحرك في وسطهم من الكفار وعندها ستكون كامل المعروضات موجودة بدولابي وهو تلقائيا دولاب شقيقي الأكبر وعندها سيتم اقتياده بناء على ما تم من تصرفات قديمـة مرصوده بدقة شديدة بناء على تلك القوائم التي كانت
تخرج باسم الطلاب ليتم فصلهم من الجامعات بناء على واقع قديم .. او كشوفات الصالح العام والفصل التعسفي والذي كان قد طفا للسطح .
| |
|
|
|
|
|
|
|
|
|
Re: كنت بداخل بيت الأشبــاح .. (Re: tmbis)
|
لم يكن صديقي المعني هو وحده الذي تمت مداهمته واقتياده إلى مكان غير معلوم بعد ان تم انتزاعه من وسط اهله بالرغم من توسلات والدته التي دخلت في حالة مرضية ذهبت بها إلى الموت بعد فترة ليست بالطويلة .. وذلك بعد ان اقعدها الشلل الرباعي التام ومنعها عن الحركة .
ففي الوقت الذي كانت والدة صديقي تترجى وتتوسل زوار الليل .. كانت هناك والدة اخرى خبرناها .. لاحد الشوعيين التقليديين في مظهرم وفي طريقة تحدثهم حتى في اعتقاداتهم الشخصية تجاه الاشياء .. حتى في داخل اطار اسرته ومعاملته معنا كشباب قد بدأنا نتحسس سبل الحياة .. فكان يمدنا بالكتب القيمة التي تحتوي الكتابات الفكرية ويفتح لنا افاق الاطلاع وذلك من خلال مكتبته الضخمـة التي تعتبر أرث لا يفرط فيه وبالمقابل يمكن ان يفرط حتى في نفسه العزيزة .. توسطت المكتبة صالة ضخمة جدا خصص مقاعدها للقراءة والاطلاع شريطة ان تنهل منها ما تشاء دون ان يغادر اي من كتبها او مجلاتها تلك الصالة تاخذه بعناية وترجعه برعاية ..
فكانت والدته من السيدات اللواتي احتفظن ولفترة طويلة بنضارة واشراق .. وملامح صارمة لا تخلو من جمال طبيعي زانته شلوخ وضعت بعناية .. كثرة حديثها وثرثرتها الشديدة لم يقللا من ادراكها وحاسيتها العالية تجاه الاشياء .. فكانت تتابع كل ما يدور في الواقع السياسسي وتتحدث فيه بحنكة عالية بالرغم من انه كان آخر ما يمكن ان تناقشك فيه من خلال اهتماماتها العجيبة المتنوعة ..
عندما تزداد حدة الاعتقالات .. والمداهمات .. حسب الوصفة المكتوبة في اللستــة ، كانت تعرف تماما ساعة الحضور ، بالثانية .. وكثيرا ما فاجأت زوار الليل بانتظارها لهم .. حتى كانت تذهب باكثر من ذلك فكانت تيقظة عند ساعات النوم .. وهي قد اعدت له مسبقا .. شنطته الصغيرة التي خصصتها للمعتقل وبداخلها كل مستلزماته ومتعلقاته الشخصية .. من ملابس وكتب وادوات صحيـة وبعض العقاقير .. واهم ما في ذلك من الاشياء ، كراسـة ضخمة ليسجل فيها كل خواطره اثناء فترة الاعتقال .. حتى ان فترة بقائه بالداخل عبارة عن رفاهيـة أو احدى الاجازات الطويلة في احدى الجزر النائية كثيقة الاشجار العالية ذات الطبيعة الساحرة .
فكان كلما طال امد اقامته هناك .. كلما انتفخت اوداجــه ، وتكور من كل النواحي ونعمت بشرته من شدة اشعة الشمس التي كانت تلهبـه طيلة فترة تحوامه بالخارج ..
كنا لا نعلم بعودته إلا بعد ان نرى الكرسي البلاستيكي قد عاد مجددا إلى مكانه الطبيعي على الشارع الرئيسي .. وبجانبه الطاولة التي وضع عليها (جك) وبعض الكاسات الصغيرة .. وبجانبها كتاب او صحيفة يصعب فك طلاسمهم للموضوعات الغريبة التي كان يصعب علينا متابعتها لما فيها من اهتمامات لا تصلح لأن نفسح لها مجالا وقتئذ .. كأخبار عن عمال المناجم في بوليفيا .. او انهيار حائط مبنى متحف ما في باريس .. او نفاد تذاكر حفل احد مغنيي الأوبرا قبل شهور من قيامه ..
وبالرغم من كثرة ثرثرة والدته في الكثير من الأمور .. لكن ، ما تحدثت يوما عن ابنها الذي اقتيد ليلا لشهور ولم يعد .. وما وقفت يوما لتعدد مآثر نضال ابنها وتتباهى به امام نساء الحي ولا اظهرت يوما عدم تحليها بالصبر والشجاعة في مواجهة تصاريف الحياة .. فكان ابنها الوحيد الذي تقاسمه الحياة بعد ان فقدت والده ربما في احدى المحاولات الانقلابية او هكذا قد حدثونا .. فاصبح ابنها هو بمثابة الحياة والذي يملا عليها فراغ بيت ضخم جدا بني على الطراز الانقليزي القديم لكأنه سرايا ضخمة جدا في أحدى الارياف الانقليزية .. وتعددت فيه الغرف الواسعة ، التي رصفت ارضياتها بالبلاط الضخم الاسود والابيض وجلدت اسقفها بالمارسيليا وسورت فواصل بلكوناتها باخشاب شجر الزيتون القوي وتوزعت فيه اعمدة خرسانية بنقوش اغريقية حملت بعضها شمعدانات وحلقات حديدية متنوعة الاشكال ، فعندما تدخل البيت من ألبوابة الرئيسية يصعب عليك العودة مجددا حال ان تعمقت في دهاليز البيت وممراته المظلمـة ، ولو لم تنتبه لموطى قدمك لظننت انك في احدى اللحظات قد وطأت جثة هامدة او عظام لهيكل عظمي طال امده .. بعد ان ضل الطريق في حواري البيت الفسيح .. يعمق من ذلك الاحساس .. تلك الروائح الرطبة التي تنبعث في شكل ابخرة تتخلل رئتيك .. يتصبصب بعدها جسمك بعرق ونداوة تحمل نفس الروائح المنبعثة .. العجيب في الأمر لو مارس صديقنا هذا او والدته هواية التخفي الداخلية لفشلت فرق الاعتقال التي كانت تداهم .. من ان تأتي به حتى وان اختلفت وسائل الكشف وتقدمت . فالداخل في دهاليز المكان دون سابق معرفة .. يصعب له الخروج وان تعددت سبله المعرفية .
| |
|
|
|
|
|
|
|
|
 Re: كنت بداخل بيت الأشبــاح .. (Re: درديري كباشي)
|
كيف حالك يا تمبس
كتابة جميلة ورشيقة زيك وتستحق المتابعة
| Quote: بيت ضخم جدا بني على الطراز الانقليزي القديم لكأنه سرايا ضخمة جدا في أحدى الارياف الانقليزية .. وتعددت فيه الغرف الواسعة ، التي رصفت ارضياتها بالبلاط الضخم الاسود والابيض وجلدت اسقفها بالمارسيليا وسورت فواصل بلكوناتها باخشاب شجر الزيتون القوي وتوزعت فيه اعمدة خرسانية بنقوش اغريقية حملت بعضها شمعدانات وحلقات حديدية متنوعة الاشكال ، فعندما تدخل البيت من ألبوابة الرئيسية يصعب عليك العودة مجددا حال ان تعمقت في دهاليز البيت وممراته المظلمـة ، ولو لم تنتبه لموطى قدمك لظننت انك في احدى اللحظات قد وطأت جثة هامدة او عظام لهيكل عظمي طال امده . |
البيت دا قدامو كشك جرائد ؟!
| |
|
|
|
|
|
|
|
|
 Re: كنت بداخل بيت الأشبــاح .. (Re: جعفر محي الدين)
|
| Quote: البيت دا قدامو كشك جرائد ؟! |
شكرا حبيبنا جعفر محي الدين ..
تعرف البيت دا كان جمبو تحديدا ترزي ومزيرة الكلام دا بالقديم طبعا .. لكن بالنسبة للكشك دا ما اعتقد في طريقة ليهو .. خاصة انو قبل سنة أو زيادة مريت على المكان لانعاش الذاكرة .. لم تكن هناك مزيرة .. وشجر النيم الكان جمب البيت اتحول لعيدان يابسـة عديمة الخضرة والجدوى
| |
|
|
|
|
|
|
|
|
 Re: كنت بداخل بيت الأشبــاح .. (Re: سيف اليزل الماحي)
|
Quote: بديت الكتابة بالأحمر وخطك ما شاء الله آخر حلاوة،
من قلبت للرماي خطك اتكلوج ..!
.. متابعين! |
ههههع .. حلوووة يا يزل حلوووة والله يا صاحبي 
لكن فونتات الموقع دا هي البتكلوج الخط .. كدي شوف لينا من خط (الأخوان) القاعد تكتب بيهو اليومين دي عسى ولعل هههههههههه
| |
|
|
|
|
|
|
|
|
|
Re: كنت بداخل بيت الأشبــاح .. (Re: GAAFER ALI)
|
Quote: كتابة سلسة تجبرك علي المواصلة
نرجوك المواصلة
افتراح النشر نثنيه |
سأواصل يا جعفر .. شكررن لتثنية الاقتراح .. لكن يقيني التام ان ما يكتب هنا يكتب للاخوان في موقع بكري ، واكتبه ايضا بغرض المتعة الشخصية والاستمتاع بالحكي والكتابة ومقاسمتها مع الأخوان ..
سأواصل لانه موسم الذكريات .. وايضا داهمتني اشيائي القديمة ويجب التمكن منها اعادة نظمها بشكل جديد ..
شكرا يا ابو الجعافر على كل حال ..
| |
|
|
|
|
|
|
|
|
 Re: كنت بداخل بيت الأشبــاح .. (Re: تبارك شيخ الدين جبريل)
|
| Quote: متابعين بما يستحقه من اهتمام ........... شكراً علاء |
شكرا يا سامي .. للمتابعة .. وبالمناسبة اربط الحزام كويس .. انا يادوبك بديت اتجه مدرج الاقلاع ..
..
| Quote: اقترح نشرها في مجموعة قصصية واحدة مع "حجاب" طه جعفر ... |
لا طبعا ..يا تبارك . وكمان لا يا عزووووز .. ذاتووو
قووول مثلا مع حاتم الياس ، مع شقشقات ياسر عبد الفتاح .. مع عمق حسين ملاسي .. وإلخ إلخ .. هذا لو استطعت اليهم سبيلا
تجي تختني مع الكوز دا في كتاب واحد .. ليييييييه .. هو انا عملت ليك حاجة ولامؤاخذه ؟
| |
|
|
|
|
|
|
|
|
|
Re: كنت بداخل بيت الأشبــاح .. (Re: tmbis)
|
Quote: اقترح نشرها في مجموعة قصصية واحدة مع "حجاب" طه جعفر ...
فالعملين يفلفلان مأساة جيل ... وبمدخل متشابه ...
(الوردة تحاشيًا للـ ... !!! )
... المهم .... |
يا تبارك سلامات
كتابة تمبس في هذا البوست عبارة عن سرد رائع لاحداث واقعية صيغت في قالب جميل اللغة
توصيف المكان و الشخصيات ينم عن مقدرة كبيرة و استعداد لصياغة سرديات و حكاوي مدهشة.
لكن هل اثبت تمبس يوما ما انه بعيد عن رؤية قصة الحجاب للواقع الراهن ؟ فلكل حجابه يا تبارك و اري ان الحجاب قصة تعالج حالة تمبس نفسه
Quote: لا طبعا ..يا تبارك . وكمان لا يا عزووووز .. ذاتووو
قووول مثلا مع حاتم الياس ، مع شقشقات ياسر عبد الفتاح .. مع عمق حسين ملاسي .. وإلخ إلخ .. هذا لو استطعت اليهم سبيلا
تجي تختني مع الكوز دا في كتاب واحد .. ليييييييه .. هو انا عملت ليك حاجة ولامؤاخذه ؟ |
يا تمبس ربنا يهنيكم ببعض
انا ايضا ارفض اقتراح تبارك و ليس لعيب في كتابتك فهي كما اسلفت كتابة محترمة
لكن لأنني اختلف معك اختلاف الليل و النهار من ناحية الموقف المعرفي من العالم
و قضايا الوطن ألسنا علي طرفي نقيض! عشان ما نرجع لموضوع الباتمان و تطلع ليك جنية تخرب عليك البوست بتاعك السمح دا
طه جعفر
| |
|
|
|
|
|
|
|
|
 Re: كنت بداخل بيت الأشبــاح .. (Re: طه جعفر)
|
Quote: كتابة تمبس في هذا البوست عبارة عن سرد رائع لاحداث واقعية صيغت في قالب جميل اللغة
توصيف المكان و الشخصيات ينم عن مقدرة كبيرة و استعداد لصياغة سرديات و حكاوي مدهشة. |
... ايوووووووووي الليلة طـه نازل منو .. Quote: لكن هل اثبت تمبس يوما ما انه بعيد عن رؤية قصة الحجاب للواقع الراهن ؟ فلكل حجابه يا تبارك و اري ان الحجاب قصة تعالج حالة تمبس نفسه
|
... حجاب ناس منو دا البتتكلمو عنو يا طه وعايز تعالج بيهو يا عابدين شرف ..؟
ثق تماما يا طـه ربما اعجب ببعض الكتابات الادبية طرفكم التي لم يحن موعدها بعد .. لكن بنفس القدر من المسؤولية ضع في مخيلتك ان اي رياح تغيير في المفاهيم يمكن ان تعصف بي من تجاه كتاباتك لا اعتقد ذلك لا اعتقد
النصيحة انت محتاج اولا اثبات واقعيتك .. ومعرفة كيف تدار امور المعرفة وامور الكون السياسية والاجتماعية .. وإلخ إلخ حتى بعداك تعال افتي في الاثبات والنفي والتعليل .. فما اقراه عنك هنا كثيرا جدا يذهب بي تجاه ما كتبت حتى تثبت ما هو عكسـه وعلى اقل تقدير .. من يختلفون معك ابحث في نقاط الاختلاف وحاول معالجتها او التسامي معها لكن لا ان تتركها النقاط الجوهرية للاختلاف وتذهب لأن تنال من الشخص في ذاته ..
| Quote: عشان ما نرجع لموضوع الباتمان و تطلع ليك جنية تخرب عليك البوست بتاعك السمح دا |
ابشرك .. البوست دا تحديدا ما بتخرب بي اخوي واخوك . ولا حتى بي خرابه كندية الصنع ..
لكـن
لكل مقام مقال .. فكما دخلت هنا آمـن مرحبا به ستخرج اشد آمــنا.. وذلك حتى اشعار آخر... كما لا يفوتني ان اشكر لك حسن ظنك في كتابتي التي وصفتها باللغة الرفيعة وانت من المهتمين بمثل هذه الكتابات ..
على ان انوه لنقطـة مهمة .. انني واحد من الذين يفتحون صفحة للكتابة في الموقع واقوم بكتابة ما احسـة وذلك دون التقيد بادبيات اللغة ومعاجمها المختلفة وتراني احيانا سوداني كامل الدسم ( زيلا وذالا غافا وقينا) .. لا اعود لتصحيح ما كتبته لغويا ولا املائياَ إلا نادرا لان هناك ما هو متروك لفطرة القارئ الكريم من هنات لكيبورد او نطق لسان سوداني افاخر به واثق تماما في توصيله لاي فكره ..
| |
|
|
|
|
|
|
|
|
|
Re: كنت بداخل بيت الأشبــاح .. (Re: محمد عبدالرحيم)
|
| Quote: مايجيك جادات قبل ما يقرأ اي حاجة بقوم يقلب هوبة هنا |
حوالينا ما علينا يا محمد عبد الرحيم ..
غايتو مراقاتي جاهزة .. تحسبا لاي حالات طواري معلنة او غير ذلك ..
بعدين بوستات زي دي في واحدين .. الواحد فيهم يقرا كلامك دا ويمشي (يقلب هوبا) ويمشي مشية العقرب .. لكن اصلو ما بقدر يجيك بي جاي يعمل اي تلوث بيئى
| |
|
|
|
|
|
|
|
|
|
Re: كنت بداخل بيت الأشبــاح .. (Re: tmbis)
|
من نقل لي الخبر ..خبر اعتقال صديقي في الساعات الأولى من هذا الصباح .. نقله لي هامسا ، وذلك بعد ان اقترب مني مسافة كفيلة بأن تجعله يحشر حباله الصوتية داخل اذني ..
بل وقام بعملية رفع مساحي لم يستثنى فيها حتى ما تبقى من كباية الشاي السادة التي حاولت تناولها بعد ان افرغت فيها كيس الفول المدمس .. كوجبـة ربما تعطيك احساس بالحياة وتوقف هتاف امعائك الداخلية وتهدي من ثورة الانيزمات ..
تفحص جيدا صديقي وتجول ببصره على كل الوجوه المحيطة ، ثم فرقع معلوماته الاكيدة :
صاحبك .. الضعيف الشعرو مفلفل .. عكشو امبارح بالليل ..اعمل حسابك ما يقوم يفتك ..؟
جمل تكتيكية .. معقدة في سهولة .. مربكة مبسطة مختصرة مفيدة وان كانت لا تخلو من احساس التخويف من مصير ما مجهول .. اصبحت الحكاوي عنه مؤخرا بشي من التهويل ..
بعدها انتظمت دقات قلبي في عشوائية مرتفعة منخفة.. بدت متسارعة يمكن سماعها بوضوح .. اذكر ان علق طرف من الشنطة وتعلق في المسافة بين الكرسي والتربيزة مما اعاق حركتي وانا احاول الوقوف والخروج بسرعة متحاشيا نظرات الجميع التي بدأت اشعر بمؤامرتها .. فما كان مني إلا وان رفست الكرسي على التربيزة واحدثت فوضى لثواني محدودة بالرغم من تلقائية رد الفعل فيها إلا انها كانت كفيلة لمعادلة رد الفعل الداخلي للخبر .. وكانت ايضا بمثابة ارسال اشعار لكل الذين بدأت احس بوجودهم حواليني وبدأو في محاولة اصطيادي بعد ان تمكنوا من كامل المعلومات وحددوا مكان تواجدي من خلال المتابعة .. وبناء على ما وصلهم م معلومات .. بدأت ارسال اشعار مدى صعوبتي ومغبة التلاعب معي وبامكانياتي الجسمانية التي اعلنت عنها وانا اقف منفوخ الجسم مستطيل لاعلى ملبيا ندا ما تحرك بداخلي من افرازات غدد خليط من الخوف والدهشة للخبر الذي صقعني به صديقي وغادر ..
خرجت بالاتجاه العكسي للكافتيرا من حيث مخرج العمال لا مدخل المرتادين ، استدرت دورة كاملة حول الكافتيريا وجدتني عند المدخل الرئيسي الذي تحاشيته خارجا .. عدت مرة أخرى لداخل الكافتيريا .. لم يلحظني اي من الحضور الذين انهمكوا في مدى احساسهم بساندوتشات الطعمية ..
خرجت مرة اخرى بدات اتمتم ببعض الكلمات . .. دوميتيلا باريوس دوشنغارا .. . مية عام من العزلة .. الشيخ غومــا
ثم ..
ضربة مباغته .. يا الله .. اخوى ... لابد وانهم سيحملونه جريرة ما ارتكبت .. نعم سيتجاوزونني .. حتى قبل ان اصل المنزل الآن .. كل الكتب التي اوراقها صفراء والكتابات عن الحبيبات ستدون في محاضر الدولة الرسمية تحت بند التأمر منشورات وكتابات معادية للدولة ..
| |
|
|
|
|
|
|
|
|
|
Re: كنت بداخل بيت الأشبــاح .. (Re: عمار عبدالله عبدالرحمن)
|
Quote: بالله انت كنت كده
ولا مهكر ,,
ترمة
ان شاء الله باسورد جادات وفلان وفلان يضيعوا , |
.. لا ما مهكر يا عمار .. وبكتب بكامل قواي العقلية والكيبوردية .. ياخ الحياة دي تجارب يا عمار ولازم تجرب اي حاجة وبعداك بتلقى نفسك في رصيد معرفي من التجارب
لكن اهم ما في ذلك تحاول دائما ان تلتزم جانب الصواب ما استطعت لذلك سبيلا..
..
ناس جادات وفلان وفلان ديل مهمين جدا جدا .. من اهم ما يستفاد منهم انو بخلوك دائما تعمل حساب لي انو ممكن في يوم من الايام تخت نفسك في حتات بايخـه يغلبك تطلع منها
| |
|
|
|
|
|
|
|
|
|
Re: كنت بداخل بيت الأشبــاح .. (Re: tmbis)
|
أخونا الرائع دوما تمبس ...
ما عارف ليه اتذكرت حكاية ... شاب في عمرنا كده قاري شوية وفاهم حبة عن البيركامو وجان جيرداث ومكسيم جوركي ... واصل بلا فواصل ... خاتين بنابرنا ومنتظرين ..
| |
|
|
|
|
|
|
|
|
|
Re: كنت بداخل بيت الأشبــاح .. (Re: Barakat Alsharif)
|
| Quote: والحقيقة أننا كنا نتلقي دروسا مجانية يومية من كلا الطرفين في تكتيكات الجدال والكر والفر واحراج الخصم والزوغان من الأسئلة الصعبة والإنصراف إلى النقاط الجانبية، وغير ذلك من تكتيكات ، وانتهينا إلى أن مسألة البنطلون المقطع والشعر المنكوش ولما الليل الداجي طول، |
العزيز بركات ..
سلامات ..
لخصت ذاك الواقع من زاويــة جميلة جدا .. الغالب فيها التبادل المعرفي .. لكل الأطراف المتساجلة فكريا او ادبيا .. وخلاصة الفائدة العامة للطرف الثالث المتلقي ..
تلك كانت ثمة مميزة للزمن واعتقد انها وحسب وجهة نظري بداية النهاية لهذا الفهم المتبادل .. لو وقفنا في نقطة المقارنة مع الواقع الاني.
هذا حتما يرجع بي إلى السلم التعليمي .. والنضوج الفكري من خلال الحشد الذهني للمناهج من جهة .. وللنضج المعرفي من جهة أخرى .. مقارنة بالمرحلة العمريـة
بصورة اوضح اعني:
ان الطالب او الدارس وقتها تكمل فترة نضوجه فكريا واكاديميا .. حال ان تخطى عتبة الثانوية .. لان في المرحلة الثانوية تبتدي مرحلة السجالات الفكرية التي ستصطحبها للعمل العام أو ترافقك نحو مرحلة اكاديمية عليا هي بمثابة الخلاصة للمراحل التي سبقتها .. وفيها تحدد نوعك السياسي من خلال اركان الجذب التي ذكرتها ووحتما الخيارات المتوفرة في كل الاحوال لا تخيب ظنك
اعود بك لا على سبيل المقارنـة .. في الفترة الحالية انعدام اركان الفكرة .. والسجال المؤدي إلى طرق الخيارات المعرفية ، ربما بسبب عدم الملائمة سنيا لهذه الاهتمامات بطريقة مقصودة وفق دراسة معدة باحكام تستهدف تلك الشريحة العمرية في هذا السن بالذات .. او الانشغال بأمور أخرى تخرجك من منطقة الفهم وما يتناسب مع المرحلة..
هناك حلقة يا بركات مفقودة .. على جميع المستويات الدراسيـة .. والمراحل المختلفة .. زي ما هي مشكلتنا في الكورة عندما تم تعطيل جهاز الاشبال انتهت بالتالي الاندية من المواهب وما اترتب عنه الكثير ..
اجمالا تحس لكأنما تمت سرقة شئ ما .. او تم غزو فكري من خلاله تم تعطيل خلايا محددة في المخ من شانها القيام بالكثير من المفاهيم التي فقدت ..
مقارنتي دائما التي اقف عندها :
الزي المدرسي والفرق الكبير في الهيبة التي تخلق بدورها نمط سلوكي محدد يمكن ان تنتهجه ..
قارن بين اللبني في الثانوي للبنات مقابل .. الابيض وبني في البنين
ما بين المارون او الكبدي لبنات المتوسطـة .. ما يعادله من رداء كاكي او بيجي مع القميص الأبيض
قارن كل هذا وهيبته التي يفرضها عليك .. مع مبرقع الان هذا اذا استثنينا مريولات ويونيفورمات المدارس الخاصة .. والتي حتما اهتماماتها بعيدة كل البعد عن تلكم السجالات التي تتحدث عنها ويمكن ان تخرج بنا نحو التطوير
شكرا يا استاذ بركات .. مداخلتك عميقة جدا ..
| |
|
|
|
|
|
|
|
|
 Re: كنت بداخل بيت الأشبــاح .. (Re: tmbis)
|
Quote: ما .. استغربه في هذا البوست ..
هو الاختفاء الكامل .. لسلسلة مداخلات ناس الحجاب الحاجز .. تلكم الذين يقومون بالشتم والسباب والاذيــة ..
|
الرائع تمبس ....سلام
أصبر .... انت مالك مستعجل بيجو وبي كثافة ......!!!!!!
تحياتي
| |
|
|
|
|
|
|
|
|
 Re: كنت بداخل بيت الأشبــاح .. (Re: Ridhaa)
|
| Quote: أصبر .... انت مالك مستعجل بيجو وبي كثافة ......!!!!!! |
لكن اتاخرو وادونا الليل عديل كدا يا رضا .. ودا في حد زاتووو .. بخلي الواحد يقلق على الجماعة ديل كان حصلت عليهم حاجة كدا واللا كدا ..
| |
|
|
|
|
|
|
|
|
|
Re: كنت بداخل بيت الأشبــاح .. (Re: tmbis)
|
| Quote: وايضا داهمتني اشيائي القديمة ويجب التمكن منها اعادة نظمها بشكل جديد .. |
ياربي الحورية ديك ما من الأشياء القديمة؟ فحاول الله يرضى عليك أعد نظمها معاك
عنيّ* ..وعن أصدقائي الغائبين حسبو عكاشة وأيمن الطيب و..- أأمل أن يكونوا بخير- لسّه منتظرّنها
ـــ
* و..أنا بطني غريقة ولاااايوق وبيني وبين اليرموك إشارة ممكن أقطعها كداري.....:)
| |
|
|
|
|
|
|
|
|
 Re: كنت بداخل بيت الأشبــاح .. (Re: أمير محي الدين محمد)
|
Quote: ياربي الحورية ديك ما من الأشياء القديمة؟ فحاول الله يرضى عليك أعد نظمها معاك
عنيّ* ..وعن أصدقائي الغائبين حسبو عكاشة وأيمن الطيب و..- أأمل أن يكونوا بخير- لسّه منتظرّنها
ـــ
* و..أنا بطني غريقة ولاااايوق وبيني وبين اليرموك إشارة ممكن أقطعها كداري.....:) |
والله انا الليق منك يا امير شفته كيف ...؟
طبعا حسبو وايمن وانت ذاتك قايليني ما بقوله مش كدا ؟؟
انا ما مضمون يا امير ممكن اقوله في اي لحظة
وبالمناسبة مقارنة بي حاجات تانية .. والله الحوريـة دي بت ناس بشكل ..
تابع انت بس
| |
|
|
|
|
|
|
|
|
|
Re: كنت بداخل بيت الأشبــاح .. (Re: معتصم محمد عبدالرحمن)
|
| Quote: شاب في عمرنا كده قاري شوية وفاهم حبة عن البيركامو وجان جيرداث ومكسيم جوركي |
عارف يا معتصم في ناس الظاهر لي بيعجبم اسم الفيلسوف يا الكاتب ويقوم يحفظو ليك صم .. ومرات يكتبو في ورقـة .. ويجي يقشر ليك بيهو
بالاسم بس .. وكان غرقته معاهو لي جوه .. بطلع الطيش عادي .. طبعا دي حركة كانت منتشرة لما ما كان في امكانية فيس بوك وتويتر ومكان تقضي فيهو وقت .. فكنته بتكون تحت رحمة جماعة زي ديل
يفكوها فيك الصباح وبالليل .. وغصبا عنك متضطر .. تتحمل
فياما اتحملنا .. وياما وياما ..
| |
|
|
|
|
|
|
|
|
 Re: كنت بداخل بيت الأشبــاح .. (Re: tmbis)
|
Quote: ما .. استغربه في هذا البوست ..
هو الاختفاء الكامل .. لسلسلة مداخلات ناس الحجاب الحاجز .. تلكم الذين يقومون بالشتم والسباب والاذيــة .. |
بى طلتك البهية دي ... شاتمنك في شنو؟
ياخي انت قربت تبقى في مصاف طه جعفر - البتشتم فيهو - دا ... امشي اقرا جمال الكلام الكتبوا عنك ...
Quote: كتابة تمبس في هذا البوست عبارة عن سرد رائع لاحداث واقعية صيغت في قالب جميل اللغة
توصيف المكان و الشخصيات ينم عن مقدرة كبيرة و استعداد لصياغة سرديات و حكاوي مدهشة. |
تقول ليّ "نازل منو"؟
هسي قوة الراس دي شنو:
| Quote: ثق تماما يا طـه ربما اعجب ببعض الكتابات الادبية طرفكم التي لم يحن موعدها بعد .. لكن بنفس القدر من المسؤولية ضع في مخيلتك ان اي رياح تغيير في المفاهيم يمكن ان تعصف بي من تجاه كتاباتك لا اعتقد ذلك لا اعتقد |
انت مفاهيمك دي منزلة؟ اكتب ساي ... بس كايس للمشاكل والمشاتمة ...
... المهم ....
| |
|
|
|
|
|
|
|
|
|
Re: كنت بداخل بيت الأشبــاح .. (Re: tmbis)
|
Quote:
معاوبة ابو الطاهر القراشي
تمبس يا رائع سرد جميل
رد · · منذ 4 ساعات |
غايتو ما قصرته يا معاوية الطاهر جبرته بي خاطرنا من تحت الحجاب الحاجز الله يجبر بي خاطرك ..
| |
|
|
|
|
|
|
|
|
|
Re: كنت بداخل بيت الأشبــاح .. (Re: طارق عبد اللطيف نقد)
|
Quote: سرد جميل و ممتع يا تمبس
بس ما عارف ليه حاسي انه في شرك
للضمان كده
الله معاك |
..
والله يا طارق بتبالغ عديل .. شرك شنو ياخ .. عليك الله الكلام دا كلو ما لاقاك في الواقع او الفترة البحكي عنها دي ..؟
ياخ صدقني مرة واحدة في حياتك يا ظالم
بعدين وين انت ووين اراضيك ؟؟؟
| |
|
|
|
|
|
|
|
|
|
Re: كنت بداخل بيت الأشبــاح .. (Re: tmbis)
|
Quote:
بلادي بلادي · الأكثر تعليقا · جامعة القاهرة
تمبس يعود ايوه سيبك من ناس ابو حسين هههههه والطوربيد وظعيط ومعيط انت زول كتاب كسرة والله ياتمبس عمار لو شفته فى الفرع زمان زول صاحب صاحب بيعرف الفرع من بوابه لى شوعيتة لى انصار سنة ياخى ده ايام مشكلة قوائم الفرع كان بينوم مع الكيزان فى جامع اداب ويتغدى مع الشوعية ويتعشى مع الانصار ههههه تحياتي عبرك لى عمار وليك
رد · · منذ دقيقة تقريباً |
.. بلادي .. شكرا يا بلد ..
والله زي عمار دا بيتلقي واحد بين كل ميـة .. لا بتعبك في معاملة معاهو .. لا بيورطك في ورطـة ولا بغللط عليك ..
في ناس كدا يا يلادي .. عندهم قبول من الجميع .. وتختو في اي حتة بشرفك
| |
|
|
|
|
|
|
|
|
|
Re: كنت بداخل بيت الأشبــاح .. (Re: tmbis)
|
طبعا دي تجارب مرت بالنص على الشباب المستنير
في تلك الحقبه من الزمن
المهم
ظروف السفر ما بين الخرطوم و الامطار و السيول
و اديس الرزاز و الندى و الراحه و الاستجمام
| |
|
|
|
|
|
|
|
|
|
Re: كنت بداخل بيت الأشبــاح .. (Re: صلاح عباس فقير)
|
المـــر ,, شكرا لمررانك
..
| Quote: طبعا دي تجارب مرت بالنص على الشباب المستنير في تلك الحقبه من الزمن |
.. كان الجميع مستنيرا تلكم الأيام .. قبل ان تتحول البيئة المحيطة إلى ضباب يحجب الرؤى والأفكار ..
مشيت اديس ..؟
في زول بمشي اديس في موسم امطار زي دي ..؟ لو داير المطرة ما كان تمشي السودان وبس .. لكن تمشي اديس في موسم الخريف انت غلطان .. وغلطان جدا ..
..
| Quote: شكراً تمبس! متابعون! |
شكرا للمتابعة يا فقير ..
| |
|
|
|
|
|
|
|
|
|
Re: كنت بداخل بيت الأشبــاح .. (Re: tmbis)
|
درديري كباشي :
عن إذنك شدة في بنبرك المواجه النيل
وتخميسة/ رشفة من فنجانك وقهوتك ال بالجنزبيل
عشان الواحد يتابع بمزاج صاف و روح مهيئة
لا يفوتني بعد هذه المقدمة أن أزجي الشكر للدكتورة داليا
فقد بدأت أثارها تتضح الهامآ و ثقافة
ده لو ما كان إنضم لشركة النقليات العامة لصاحبنا سابقآ ، قريعتي راحت
| |
|
|
|
|
|
|
|
|
|
Re: كنت بداخل بيت الأشبــاح .. (Re: أبو ساندرا)
|
| Quote: ده لو ما كان إنضم لشركة النقليات العامة لصاحبنا سابقآ ، قريعتي راحت |
قلت لي ناس قريعتي منـو ..؟
ناس قريعتك الراحت اهنديل واحد فوقم ظهر .. من تحت ، خاتي ليكم صورة عبد الخالق راسو عديل ..
تعرف يا ابو ساندرا امنقه حاجة في عالم الوهم الحاصل دا .. الاسمو السايبر ناس قريعتم راحت ديل بفترضو انهم ناقشين اي حاجة وانهم بتدسدسو وانهم وانهم ..
صاحبك التحتاني دا فوق .. فاكيها في الناس زي ما قلت ليك في احد الحوارات عن الناس الفاكنها في الناس بي اسم النضال .. وبي تحت اهو بتلبس توب وطرحـة وبتكون اشد نضالا من فوق ..
لذلك ..
لما تلقى ليك فرقه تكش فيها ناس قريعتك .. وتلمهم في كرتونة واحدة الظاهر لي بكون كويس ..
اهـا
انا القدامك دا الكششان .. شغلانيتي .. بشمهم شم قبل الكش ..
بالمناسبة:
مش زمان قاليك وار كل رجل عظيم امراة ..؟
طيب مالك ..؟
| |
|
|
|
|
|
|
|
|
|
Re: كنت بداخل بيت الأشبــاح .. (Re: tmbis)
|
الطريق المؤدي إلى حيث مطعم القراصـة وسط السوق العربي تمدد ... اصبح اوسع ما كنت اتصوره عليه .. في الايام التي سبقت هذا اليوم ..
كنت احس بالضيق عند مدخل الزقاق الذي كان يمتد مثل ثعبان ضخم يبتلع الناس ويلفظهم داخل المطعم .. وتحسبا لأي أمر طارئ قد يحدث من زحام .. كنت احرص على ان احشر في ( أحدى جيوب مصطفى سيد احمد) موارك ملونـة اتفادى بها زحام يوم الغد هذا حال ان توفر لي من الميزانية ما يكفي
لإدارة تصاريف أمر اليوم .. مواصلات مكيفات ، فول مدمس .. واحيانا جيب للأخوان .. غير ان جيب مصطفى سيد أحمد عادة لا يخلو من بقايا مفاجأت لا انتظرها تنتشلني عادة من ورطات الكمساري الذي كنت احيانا انجح في الزوغان منه بأن اقفذ قبل محطتي الرئيسية
اوان تهدينة للسائق عند المنعطف .. على ان انتظر اشارة الكمساري بحركة يده التي يخصني بها ويخفيها عن الركاب ويعبر بها عن امتعاضه لحركتي البايخـه .. وابادله نفس التعبير الحركي الممزوج بنشوة الانتصار.
رافقني مصطفى سيد أحمد لفترة طويلة من الزمن.. احيانا كنت اتحسس جزء من شعره المنكوش في زحمة نهارات مواصلات الخرطوم .. ، على زرار قميصه المفتوح اطيل النظر ، امر بيدي على اطار النظارة السوداء على ان اجعل الابتسامة اكثر اشراقاً وانا ادهنها ببعض (البوليش) لاطفي بريقاً على الجلد وهي المرحلة النهائية التي اقوم بها كجزء من منظومة
فنيي الورشة التي انتظمت صالون بيتنا والتي وزعنا فيها الادوار من تلوين وقص وخطوط باقلام الراوترنق .. لكبسولات تحكم الاطراف مع بعضها البعض وتصل بين السيور الجلدية .. فكنا نبتكر يوميا طرازا نضاهي به ارقى مدارس التصاميم والقالريهات المحترمة ـ على ان نهرب به من ضجر تلكم الايام السحيقة
اتسع الشارع وتفتحت كل الحيطان المحيطـة لتشكل شوارع داخل الشارع .. وذلك لابدا نوع من الهواجس التي اصبحت تصاحب السيناريو ، شارعي الحميم هذا كنت ادخله من كل الجهات مارا من امدرمان ادخله سالكا طريق الجامعة اسلكة مارا بالبرلمان لابد وان اكون فيه احس بحنين دفاق يحتويني
وانا امر بالذقاق يحتلني منظر المارة التي ادمنت هذا الشارع لفترات طويلة.. باعة السجاير والقهوة في قوالبها الصغيرة .. ستات الشاي ، هارموني الاصوات ـ.. جميعهم كانو يشكلون لوحـة حياتية ضخمـة رسمت بألوان طبيعية من سحنات مختلفة لا يضمرون لك غير الحب ..
لو غبت عن الشارع او انقطعت عنه لسبب ما .. لتجد غدا نفس الشبكيات تعاتبك بنظرات حنينة تحتويك . وستجد نفس الشارع ثابت في حالة غليانة نفس الشخوص يتحركون في محيطهم المرسوم لهم بدقة .. واصوات باعة المطعم تنظم سير الطلبات بنظام لو اختل للحظة لاستدارت عقارب الساعة في اتجاهها العكسي.
اذا محاولة استخدام شارع القراصة لتفادي كماشة المراقبة الافتراضية فشلت لفرضية اتساع الطريق ويمكن كشفي بسهولة ضف لذلك المكان هذا اليوم اجتذب شخصيات جديدة حسب رصدي وتحليلي للموقف هناك بائع سجاير لا يبدو عليه اجادة هذه المهنة توسط احدى المداخل ، وآخر يبدو من شكل حلاقته الخفيفة
ونظراته المتوترة من خلف النظارة السودا يبدو انه يخفي شئ ما او يطبق احدى قواعد المتابعة السرية .. ومنذ متى كانت هناك سيدات يحملن الاطفال وتبدو عليهن اثار النعمة يمروا بهذا الشارع ..
وماذا يحمل هذا الرجل الضخم في شنطته الجلدية ..؟
| |
|
|
|
|
|
|
|
|
|
Re: كنت بداخل بيت الأشبــاح .. (Re: tmbis)
|
اها عبد الخالق محجوب جا .. ود القبايل صاحبنا جا ..
ود القبايل دا احسن واحد قاعد يرقص فوق للحجاب الحاجز وبي صراحة هو كمان ارجل واحد لكن لما يرقص تحت الحجاب الحاجز ما قاعد يغطي دقنـو ..
دا الله ودي حكمتو .. ندعو ليك بحسن الخاتمة بس .. قال هو ود القابيل .. وانا مشكلتي جهوية اثنية ..
بعدين اللذ حاجة مكرر (كمبس) ..
ياخ انت جادي
خلينا من صورة عبد الخالق دي .. شنو شابكني كمبس وبتاع .. ما تقول يا تمبوسه بس والبساط احمدي بيناتنا .. ونحن دافننو سوا وصورة بوسان الراس بتاع الجماعة قاعده..
يتوب علينا ربنا
| |
|
|
|
|
|
|
|
|
|
Re: كنت بداخل بيت الأشبــاح .. (Re: tmbis)
|
يا جماعة المتابعين .. ناخد استراحة صغيرة مع ود القبايل دا .. لانو من الشخصيات الارقوزية المحببة لي هنا في عالم الرياض الفسيح دا ..
فشنو .. البوست قاااعد .. وفيهو حكي لسـة .. وياما وياما ..
لكن بس جدو ود القبايل دا عايز اديهو شوية بالحتة الفيها الحديدة ..
الزول دا شكلو معجب .. للدين ، متابع للكتابات وانا عارفو من زمان
بعدين يا صاحب الزول الاحمراني الحلبي القلته فردتك .. انت كنت وووين لما جابوني في التلفزيون ؟؟ ما كلموك ..؟ ما حدثوك ..؟
ياخ ليه كدا .. بعدين يا مسيكن انا لما كانو عايزين يسجلو معاي في الرياض هنا دا ما جيت واتحكحكته وعملته صاحبي لحدت ما مشيت انا وقلت ليهم الزول دا ساكي الشهرة جيبوهو في الشاشة .. انت الزهايمر كبس خلاص انا كنت قايل الضغط بس الانتهى منك وحته شعرك والسكري وقع سنونك
بقيت بي زهايمر كمان ..؟
شايفك مستمتع من القصة دي من طق طق لي السلامو عليكم .. لمن كمان بتقتبس منها ..
اهو طه جعفر بي جلالة قدرو قالي انت كدا  تاني المافي شنو؟؟
لكن اقوليك حاجة ..؟
طه جعفر طلع ارجل منك .. على الاقل بكتب اسمو الحقيقي في كل مداخلة .. انت كان كنوع من الرجالة وانت قاعد بي فوق .. تعال خش واكتب .. ان شاء الله قول زي ما كنت بتقول لي زمان .. يا تمبوسة انت زول خطير وصعب عديل
بعدين اديك ميزة تاني .. انا زي نوعيتك دي بتخليني ابدع ..
ابدع في مجالات كتيرة جدا ..
في الادب وفي ادبيات قلة الادب .. يعني لما سالت منكم .. ما كان ساااي .. نحن اي حاجة عندنا بي نظام ..
اهو عشان الارقوزات الزيكك ديل .. نشيل اي حرف يكتبوهو ونحفظو عندها لانو الحساب ولد ..
وفي الاولاد .. ود شيريــة .. يا بتاع الاثينات وفلان دا عــب وهنايه دي خادم .. يا بتاع المعمل انت
| |
|
|
|
|
|
|
|
|
 Re: كنت بداخل بيت الأشبــاح .. (Re: tmbis)
|
شكراً للرائع جداً تمبس على هذا السرد الادبي الراقي..
واعتقدها فكرة جميلة جداً ان يُنشر هذا العمل الممتاز بمعيــة احد اعمال المبدع حائز جائزة الطيب صالح الاستاذ الاديب طه جعفر..
محبتي ،،،
| |
|
|
|
|
|
|
|
|
 Re: كنت بداخل بيت الأشبــاح .. (Re: HAIDER ALZAIN)
|
| Quote: كمبس الفارة المنفوخ عالفاضي هههههههه صدقني حالتك يرثى لها ، اقول ليك حاجة انا من زمااااااان عندي فيك راي وعرفت سببو الان يا معقد يا ههههههههههه ما تقعد تفنجط براك بقيت تكورك وين ناس الحجاب الحاجز اها جوك بطل بطبطة واصل سردك بتاع القراصة وام فتفت يا رمادي هههههههههه |
انت قايل لما نادينا ناس الحجاب الحاجز ديل لي شنـو ..؟
ما نوعيتك دي .. انا قاعد افتش ليها ..
بس اقوليك حاجة ..؟ والله ما كنت انت بالذات متوقعك تجي .. لكن بعدما جيت .. وحيات ابتسامتك ح ادفعك التمن غالي .. وانت عارف كيفن .. والمرة الفاتت طبعا كانت قرصة شوية في الاضان .. لكن المرة دي نوووووووو وطبعا انت عارف المعقدين الزينا ديل الواحد لما يجي يخلص حقو بخلصو قدر كيف
على الاقل اي عقده او لولوة عندو تروح طوالي بعدما يخلص .. انت قايل حقي خليتو ليك مـش ..؟
والله .. وحيات سيد المساء والارض ديل انا ما بخلي حقي .. يا اما يدخلوك مقابر ام الحمام يا يدخلوني قبالك .. لكن لالالا .. على الاقل كان خليت حقي .. حق امي ما بخليهو ليك وكلو محفوظ زي ما عارف
قلت لي اواصل سردي ..؟
اها انا ما مواصل الا تقولي يا رايع ويا نخلة ويا شنو وشنو القاعد تقوله ديك .. شان بس تعرف حاجة ..
| |
|
|
|
|
|
|
|
|
 Re: كنت بداخل بيت الأشبــاح .. (Re: tmbis)
|
واحب انوه لي انو القرصة رفعت معدل السكر في الدم بالمقدار الذي ذهب بي احدهم للمستشفى
لكن وحيات ابتسامتك المرة دي قرصتي بتودي القبر ما بترفع السكري ..
مش بتودي القبر بس .. يللا اديك ميزة تانية ..
انا القدامك دا ادق ليك ضفيره بتاعت طوب تحت راسك .. يوم القيامة يندهوك غياب .. ما تقوم الا اجي ارفعك انا دا .. شفته كيفن..؟ 
| |
|
|
|
|
|
|
|
|
|
Re: كنت بداخل بيت الأشبــاح .. (Re: tmbis)
|
Quote: شكراً للرائع جداً تمبس على هذا السرد الادبي الراقي..
واعتقدها فكرة جميلة جداً ان يُنشر هذا العمل الممتاز بمعيــة احد اعمال المبدع حائز جائزة الطيب صالح الاستاذ الاديب طه جعفر..
محبتي ،،، |
ااي يا حيدر عليك الله قول لي يا رايع دي ..
انت ما بتخسرك حاجة وانا كمان بتريحني ..
بعدين يا حيدر والله بعد راي طه جعفر .. وود القبايل صاحبك دا في الكتابات انا مفكر جليا جدا .. انو انشر الكلام دا زي ما قلته
شكرا يا رايع
| |
|
|
|
|
|
|
|
|
|
Re: كنت بداخل بيت الأشبــاح .. (Re: tmbis)
|
| Quote: كمبس واصل كتابتك العادية دي ما تكبر راسك ساي |
.. | Quote: واصل سردك بتاع القراصة وام فتفت يا رمادي هههههههههه |
| Quote: (عامل فيها عندك قرين كارد وشيوعي سابق وكاتب لا يشق له غبار ) |
..
بالمناسبة يا جدووو ..
انا والله خايف الربع الفينا دا اطع كاتبك المفضل ..
ما تجي تطلع فوق اعلمك لعبة عسكر وحراميـــة .. انت ما ياكا كويس مضيع زمنك مع ناس الحجاب الحاجز ديل ليييه ..؟
تعال عليك الله بي فوق ادينا كضبة كضبتين كدا على شاكلة عاجل .. وبجيب ليكم الصورة حسع دي .. انتظروني النغسل وشي واجيكم .. ومصدري قالي الزول مات وقام بعاتي .. وإلخ إلخ
نفسيااااااااااات ياخ
| |
|
|
|
|
|
|
|
|
|
Re: كنت بداخل بيت الأشبــاح .. (Re: tmbis)
|
تمبس : يا شفيف ,,,
قرأتك حتى أرتويت ,,, وكلماتك تنبض بذهبيّ الإشراق ,,,
ويبقى للجمال أهله وأنت أولهم ,,,
واصل في هذا الإمتّاع فنحن عطشي لمثل هذا الألق الساحر ,,,,
أعمق الأمنيات ودعوات صادقه من قلب محب لك ,,,
فوووووووووق
| |
|
|
|
|
|
|
|
|
|
Re: كنت بداخل بيت الأشبــاح .. (Re: الحاج عبدالرازق الحاج)
|
| Quote: سلام تمبس حكي جميل وشيق.استوقفني كثيرا ردك على الاخ بركات ففيه اثرت موضوعا يجب الوقوف عنده كثيرا وهو اس البلاء الحاصل الان وانت فحصت وحددت اصل الداء فاين الدواء؟؟ لك التحيه اخي ولفهك العميق لمشاك بلدك. |
شكرا يا رايد .. للمتابعة الايجابية جدا
هناك الكثيرين من يقولون ان الدواء هو بحجب هذه النافذة .. كما حدث في عدة بوستات ناقشت الظاهرة .. لكن انا ضد هذا الراي ..
هناك العديد من الاقلام الجيدة تساهم بشكل ايجابي في تحريك البوست وربما تضيف اضافة عجز صاحب البوست عنها .. وخلاف ذلك يتحلون بادب واحترام بعيدا عن الاسفاف.
بمقابل ذلك .. هناك مجموعة تخصصت في الشتم المبرمج والاستهداف الذي يتم لشخوص محددة باسماء لنفس العضوية .. بمعنى من عجز على ان يكتبه العضو باسمه الحقيقي يقوم به عن طريق الاسم المستعار هو او من ينوب عنه في تبادل الادوار
والاخطر من ذلك ..
ان معاقبة العضو تتم بتوقيفه عن الكتابة من المنبر .. فتجد نفس الشخص يعود يمارس نفس المحظور وبالكتابة بكل اريحية بحسابه في الفيس بوك وبحاسبه الاخر المعد مسبقا للنيل من مخالفيه
ومجموعة اخرى حددت لها العقوبة بتقليص عدد المشاركات .. تأتي لتكلمها من النافذة التحتية .. وبي نفس المشروع وتبقى ملاظمة للبوست المعني ..
اذا على الادارة ان تنتبه بشكل تقني لهذه المعضلة .. حتى وان ادى ذلك إلى ان يتم ايقاف العضو او تكون هناك خاصية ملازمة تمنح الحق بحذف المداخله نهائيا غير المرغوب فيها ..
الحلول عديدة .. اهمها متابعة هذه النافذة التي اسهمت بشكل كبير جدا في افساد منبر الحوار من خلال الكتابات الغير مسؤولة والتي يستخدمها الذين حاولو مرارا تدمير الموقع بالكتابات عنه في منابر اخرى .. وهذه المرة عن طريق تفريغ النقاشات
واستهداف بعض الكتاب بعينهم ..
شكرا يا رايد
| |
|
|
|
|
|
|
|
|
|
Re: كنت بداخل بيت الأشبــاح .. (Re: tmbis)
|
Quote: معاوبة ابو الطاهر القراشي
تمبس يا رائع سرد جميل |
معاوية الفراشي .. شكرا ليك وللمتابعة ..
..
| Quote: أعمق الأمنيات ودعوات صادقه من قلب محب لك ,,, |
تمام يا حاج عبد الرازق ..
وشكرا لكلماتك ولحسن المتابعة
| |
|
|
|
|
|
|
|
|
|
Re: كنت بداخل بيت الأشبــاح .. (Re: تبارك شيخ الدين جبريل)
|
** علاء ..
** سلام وتحايا لك وللدكتوره ..
## ياخوى متفرجخين قدام الشاشه زى أيام السينما المتجوله فى الأحياء ,, والتلفزيون لما كان عزيز ونادر وأحسن حى فى العاصمه بيكون فيهو تلفزيونيين والسبتات ماتديك الدرب ونحنا مكسرين مساء الأربعاء فى إتظار (الهارب "ريتشاردكمبل") ,, وبيتون بليس .............
## ياخوى واصل لينا فى السرد الجميل دا ,, قُعاد الواطه دا مابتقدر عليهو مع الآم الغضروف والكلوسترول العالى ..
(ودام الود بيننا)
(ابو محمد فؤاد) ... قلنا نبدأ الزياره بتحت لمن نصلك بخشم الباب .............
| |
|
|
|
|
|
|
|
|
|
Re: كنت بداخل بيت الأشبــاح .. (Re: عبدالكريم أحمد الامين)
|
Quote: علاء ..
** سلام وتحايا لك وللدكتوره ..
## ياخوى متفرجخين قدام الشاشه زى أيام السينما المتجوله فى الأحياء ,, والتلفزيون لما كان عزيز ونادر وأحسن حى فى العاصمه بيكون فيهو تلفزيونيين والسبتات ماتديك الدرب ونحنا مكسرين مساء الأربعاء فى إتظار (الهارب "ريتشاردكمبل") ,, وبيتون بليس .............
## ياخوى واصل لينا فى السرد الجميل دا ,, قُعاد الواطه دا مابتقدر عليهو مع الآم الغضروف والكلوسترول العالى ..
(ودام الود بيننا)
(ابو محمد فؤاد) ... قلنا نبدأ الزياره بتحت لمن نصلك بخشم الباب ............. |
يا ابو محمد فؤاد دام الود بيننا يا صاحبنا ..
ياخ والله بعد النقل الحي للسينما في ذاك الزمان .. والتلفزيون بتاعك دا حقو ادخلك معاي في المطاردة دي عديل ...
انا عارف المحركة ما بتنفع .. ولا كمان المسالة بتاعت تشويق لكن زي ما عارف الكتابة الزي دي عايزه مزاج واخوك من النوعية البتجي تفتح الصفحة وتكتب .. عشان كدا استحملوني شوية
| |
|
|
|
|
|
|
|
|
|
Re: كنت بداخل بيت الأشبــاح .. (Re: tmbis)
|
| Quote: لآ دي كتيرة منك و كبيرة من الكبائر و افتراء علي رب العالمين و وصف له بالعجز ولك بالقدرة علي فعل يعجز عنه الله .. يا عبد الله اعرض عن هذا و استغفر ربك .. بليز اسحب هذه الجزئية من التعليق.. |
انت ذاتك يا اخونـا بليز .. لانو شايفك مشيت في بوست قيقراوي عامل حفلة في المداخلة حقتي دي ..
علاقتي مع الله انا خابره كويس ما محتاج لي توصيات منك .. ولا محتاج انك تعلمني الاستغفار وإلخ إلخ .. ولو بتعتبر دي نصيحتك وانك جاي عشان تناصح .. فشكرا رسالتك وصلت ..
| |
|
|
|
|
|
|
|
|
|
Re: كنت بداخل بيت الأشبــاح .. (Re: tmbis)
|
فكرة أن أخرج بكاملي مكشوف الوجـه والهيئة فكرة ازعجتني لدقائق وسيطرت وشلةت واحتلت مناطق التفكير ...
بحثت ولمسافة طويلة عن قناع مستعار .. كتلك الاقنعة التي يرتديها الاطفال في مواسم الاعياد ... أو ان اضع بعض الاصباغ التي يستخدمها المحاربون في مهماتهم الخاصة جدا للتمويـه في مواجهة العدو المحتمل ، لكن انا هنا عدوي افتراضي .. صنعته بهواجسي ... فلسرعان ما تتحول الهواجس إلى خرافة ثم إلى حقيقة بل يمكن ان تتحول إلى واقع نعيشه يزاحمنا في تفاصيلنا الحياتية يكدر صفوها .. يقودنا إلى عوالم منسوجــة من خيوط الوهم .. ثم إلى الجنون بدرجاته المختلفة .
أحد اصدقائي المقربين وقتها .. لاحظت عليه علامات عدم النوم .. بعد ان تحول إلى كائن عظمي مسلوب اللحم يمكن ان تتابع كل عظمة في جسده والدور المهم الذي تلعبه تبع المنظومة التشريحية في الجسم ..
ما زاد من قلقي ودهشتي ان صديقي كان قد اختفى ولفترة طويلة لم نعد نراه .. بعده تدريجيا قد اختفى صديقي الآخر فكنا اربعتنا في حلقة وصل واحدة .. نتحرك ضمن مجموعة صغيرة اهتماماتنا واحدة .. مجال تفكيرنا واحد نلبس من نفس الموديلات نسمع الخالدي كلنا باحساس واحد .. والادهش اننا نحب نفس الفتاة وذلك بعد ان اكتشفت تلك الخاصية الاخيرة بالصدفة عندما لاحظت انفعالاتنا الاربعة ونفس المود .. ونفس طقطقت الاصابع عندما مرت تلك الصبية المستهدفـة والتي كنا ننتظرها دفعة واحدة كل منا يحمل نفس الاحساس الواحد بمختلف الاشتهاء .. لكن لم يجرو احدنا على طرح مشاعره فقط اكتفينا بي قصص حب نعيشها في احلام اليقظـة ونوجه التهمة إلى ابعد نقطــة في الصمام والذي كنا نعتقد انه منبع كل هذه الاذيـــة وهو المسؤول الوحيد .
كان صديقنا الرابع قد غادرنا قبل شهور قليلة إلى ما غير رجعـة .. تمكنت منه حمى عجيبة وتحول جسده بعد فترة إلى اللون الأصفر بالكامل بالرغم من السمرة التي كانت تحتل كل جسده ثم بعدها دخل في نوبـة صمت عجيبة بعد نقله للمستشفى اصبح لا يستطع الحديث ولا الاكل كانت علاقته مع العالم الخارجي تلك الاجهزة والإبر والمحاليل .. ثم اخيرا حملناه إلى حيث مثواه الأخير وبعدها اصبحنا ثلاثتنا في صدمـة استمرت لفترة طويلة ، لم نخرج منها إلا بعد ان داهمني ذاك الهيكل العظمي في تلك الليلة ..
كانت صديقي يتصبب عرقا ... ويبدو على هيكله العظمي الهلع والخوف ولكأنما هناك شر وشيك يتربصه واظنه هو السر الذي سلبه الاحساس بالاشياء من حوله .. وادخله في خوف استمر لفترة طويلة خوف ان تشرح حتى ما تحسه لاحد .. خوف ان تعتريك اوهام تخشى المجاهرة بها خشية ان تتحقق ..
داهمني صديقي في غرفتي المعزولة التي كنت قد اسست منها كهف امارس فيه كل هواياتي واستقبل فيها اصدقائي وتحفظ حيطانها كل نوتة ومفردات بوب مارلي وبعض من اغاني الريقي العتيقة وعود أحمد المصطفى وآهات ام كلثوم انصاص الليالي .. التي يستحيل فيها النوم عندما يظهر شبح تلك الصبية التي نالت مننا ثلاثتنا دفعة واحدة وبالضربة الفنية القاضية ..
داهمني صديقي بالغرفـة اغلق الباب من خلفـة وكل منافذ للضوء .. ثم اخذ يبكي بشدة يهتز معها جسده من الخوف .. ما كان لي ان استخلص اي معلومة مفيدة تركته ببعض ما تحليت من حكمة وقوة .. تركته حتى يخلص كل الكوته المفروضة له من البكاء حتما بعدها سينتهي إلى شرح حالته ..
هممت بالخروج لجلب بعض الماء .. رفض بشدة ممسكا بي .. وللحقيقة انها اول مرة ارى فيها صديقي بهذه الحالة الانهزامية هذا الخوف الواضح في عيونه وجسمه المنحول هذا .. ما انتظرته ليشرح قصته وسبب الاختفاء والظهور بهذا الشكل الشبحي .. كان يحتاج إلى من يسمعه بصوت خافض وينتشله من هذا الصراع ..
كان سؤالي ليس بالعمق المناسب وبعدها حسيت بضآلة تفكيري وقتها .. وكيف انني افش بعض اسراري المشرتكة التي ربما تكون احد اسباب خلل علاقتنا الاخوانية:
اسمع انت شكلك لاقيت (........) واتكلمته معاها وقالت ليك بتحب زول تاني .. كان سؤالي يحمل قراءة للواقع بجاسوسية عجيبة حيث انني افترض انني الفتي المرتقب في كل الاحلام .. وحال ان رفضته فهناك متسع للفرصة التي ترجح فرضية ما ذهبت إليه ..
عاد صديقي مجددا للبكاء .. لكأنني وخذته بشكه من دبوس في الصمام ثربت كل الألم .. تركته مرة اخرى ليعيد ترتيبة .. ثم فاجأني بما لا اطيق سماعة على الاقل في الوقــت الحالي ..
((...........)) قاعد يجيني كل يوم .. ويسوقني معاهو بجيني لابس ابيض .. انا من ما مات ما قادر انوم وما قاعد اكلم اي زول .. امبارح طلعته بالليل ماشي اجيب فول .. لقيتو واقف جمب العمود بتاع بيت ناس (.....) اظنو راجيني ..ثم عاود البكاء هذه المرة بصوت متوسل استخدم نوع اخر من النواح بطبقات لحنية مختلفة ..
ضحكته بشدة .. على طريقته اللحنيـة ثم على كامل المشهد الدرامي البرذخي الذي دخل فيه صديقنا حتى تمكن منه هذا الوهم الذي كاد ان يذهب به إلى مستشفى التجاني الماحي .. أو احد المستشفيات الخاصة باعادة التأهيل النفسي والعصبي ..
ضحكتي بصوتها العالي .. اخرجت صديقي من حالة الخوف إلى حالة دهشــة استمرت لثواني انعقد فيها صوته وجحظت عيونه .. وتوقف عن الرعشـة وبدت عليه علامات العودة إلى شكله الطبيعي بعض الشي فأحيانا الدهشــة تكون سبب في ان نخرج من مود مزاجي متعكر إلى مود اكثر ترتيبا .. ثم وجدت له ما كان يبحث عنه :
تعرف .. ((.........)) كان بجيني في اليوم كم مرة بالليل والنهار ..؟
كان بجيني كلما غمضته عيوني عشان انوم لو بالنهار او بي فليل ..
وبالرغم من اني كنت اكثرهم مناكفـة له .. كنت اعتقد انني الوحيد الذي امر بهذه المرحلة من تأنيب الضمير .. في هذا الرحيل المبكر وهذا الحزن والاسي ..
بدأ صديقي في التحول إلى كائن آخر دبت فيه الحياة .. كائن كثير السؤال .. اها عملت شنـو ..؟ ما حصل لاقيتو في الشارع مش احتمال قام بعاتي ..؟
لالا .. أخبرته انني وطيلة فترة غيابه الغير معروفـة ربما كان يحتاجنا جميعا دفعة واحدة .. أخبرت احد العارفين بحقيقة ما يأتيني من صديقي الراحل بشكل مخيف خاصة لمن هم في سننا .. فأخبرني بسر ذلك ومدى حوجته لكل من هو بالقرب منه للتصدق له بقرأة القرآن أو صدقات عينيه للفقراء والمساكين .. فكنت عند كل صلاة اقرا ما تيسر له .. فحال ان انقطعت عاود الظهور مرة أخرى متوسلا ..
طيب اقوليك انا شفتو واقف في العمود زاتووو .. ؟؟؟
خلاص انتظر بكرة احتمال كبير يجي يسوقك من البيت .. لو بتفكر بالطريقة العجيبة دي ..
اخيرا بدأ صديقي في العودة التدريجية .. طلب مني اي عمل للخالدي .. ثم راح في نومـه عميقـــة بحث عنها طويلا ..
تركته ليواصل .. خرجت لصديقنا التالت بعد ان تبين لي جليا سبب الاختفاء .. وجدته في غرفته في انتظار عودة صديقنا الشبح ..
وضع صديقي كرسيــه بجانب الحمام ولبس ما يمكن ان يتعامل معه بسرعة .. وكان صديقي في حوجــة إلى املاح ارواء وجلوكوز اكثر من حوجته للصبر والسلوان والنصيحة..
| |
|
|
|
|
|
|
|
|
 Re: كنت بداخل بيت الأشبــاح .. (Re: tmbis)
|
Quote: تمبس سلام
ياخ واصل في موضوعك و سيبك من المواهيم ...
غايتو صورة عبدالخالق الله إرحمو و إغفر ليه بشتنوها بشتنة شديدة ... |
والله يا عادل الخواذيق ديل كترو شديد ..
وكل مرة عاملين فيها شطار ..
حسع في واحد جديد شايفو عامل لي فيها .. واعظ .. واللذيذة كاردني في اكتر من مكان .. لما عملت ليهو (جس نبض) حسب الطريقة المتبعة .. لقيت القبـة اطلاقا ما تحته فكي ..
..
صورة عبد الخالق بقت الحيطة المايلة .. حسع احتمال كبير انا في نص البوست دا وقبال ما ينتهي انزل ليكم صورة الشفيع أحمد الشيخ .. عشان اعمل موازنــة .. وكدا
| |
|
|
|
|
|
|
|
|
|
Re: كنت بداخل بيت الأشبــاح .. (Re: بله محمد الفاضل)
|
| Quote: س ما توصلنا مرحلة كسر الركب |
يا بلــه ..
الكرب دي عندنا ليك علاجــــــه .. الكوارع لانو فيها مادة جيلاتينية كتيرة هههههههههههههههه ..
بعدين بالمناسبة طالما انو الايامات دي مهرجانات التمور في مملكة الخير .. انا بقترح عليك تخطف رجلك تجيب ليك كرتونة كرتونتين رطــــب
في نوعيـة اسمه برحي ..
والجماعة اهل الخبرة بسموهو البرحي مسمار الركب هههه ..
اها جيب البرحي دا وتعال جربو في البوست دا ..
| |
|
|
|
|
|
|
|
|
|
Re: كنت بداخل بيت الأشبــاح .. (Re: tmbis)
|
تمبس تحياتي
غايتو قصتك ما قريتها جني وجن الشحتافة لكن غايتو
Quote: يا جماعة المتابعين .. ناخد استراحة صغيرة مع ود القبايل دا .. لانو من الشخصيات الارقوزية المحببة لي هنا في عالم الرياض الفسيح دا ..
فشنو .. البوست قاااعد .. وفيهو حكي لسـة .. وياما وياما ..
لكن بس جدو ود القبايل دا عايز اديهو شوية بالحتة الفيها الحديدة ..
الزول دا شكلو معجب .. للدين ، متابع للكتابات وانا عارفو من زمان
بعدين يا صاحب الزول الاحمراني الحلبي القلته فردتك .. انت كنت وووين لما جابوني في التلفزيون ؟؟ ما كلموك ..؟ ما حدثوك ..؟
ياخ ليه كدا .. بعدين يا مسيكن انا لما كانو عايزين يسجلو معاي في الرياض هنا دا ما جيت واتحكحكته وعملته صاحبي لحدت ما مشيت انا وقلت ليهم الزول دا ساكي الشهرة جيبوهو في الشاشة .. انت الزهايمر كبس خلاص انا كنت قايل الضغط بس الانتهى منك وحته شعرك والسكري وقع سنونك
بقيت بي زهايمر كمان ..؟
شايفك مستمتع من القصة دي من طق طق لي السلامو عليكم .. لمن كمان بتقتبس منها ..
اهو طه جعفر بي جلالة قدرو قالي انت كدا تاني المافي شنو؟؟
لكن اقوليك حاجة ..؟
طه جعفر طلع ارجل منك .. على الاقل بكتب اسمو الحقيقي في كل مداخلة .. انت كان كنوع من الرجالة وانت قاعد بي فوق .. تعال خش واكتب .. ان شاء الله قول زي ما كنت بتقول لي زمان .. يا تمبوسة انت زول خطير وصعب عديل
بعدين اديك ميزة تاني .. انا زي نوعيتك دي بتخليني ابدع ..
ابدع في مجالات كتيرة جدا ..
في الادب وفي ادبيات قلة الادب .. يعني لما سالت منكم .. ما كان ساااي .. نحن اي حاجة عندنا بي نظام ..
اهو عشان الارقوزات الزيكك ديل .. نشيل اي حرف يكتبوهو ونحفظو عندها لانو الحساب ولد ..
وفي الاولاد .. ود شيريــة .. يا بتاع الاثينات وفلان دا عــب وهنايه دي خادم .. يا بتاع المعمل انت |
الكلام دا والله أنا شايفه أجمل من القصة زاتها ما معقول الزول دا كل مرة متسيك في قبولة ياخ أيام الدرويشة قالوا الزول الوحيد الشقي الأنقبض بي أيبهو قال ليك جابو البيت كمان
أول مرة أشوف لي زول المطاعنة غالباهو ههههههههه ياخ مش صعنت يوم ياخ صنعت لي عشرين سنة لي قدام أنت عارف يا تمبس كلامك دا بتففت حبه حبه هسع أنا قريته بسرعة وبدون تمحيص عاوز اجي اقراه كل مره بي سرعة اقل وامزز فيها واربط زي الضلع بتاع لحم العتود تاكل اللحم وتمصمص العصب وفي الاخر تنقرش العضام متعة شكراً يا تمبس
ههههههه
مستنير شديد واخد بال حضرتك من الموضوع دا
| |
|
|
|
|
|
|
|
|
|
Re: كنت بداخل بيت الأشبــاح .. (Re: عبدالعزيز حسين عبدالرحيم)
|
| Quote: أول مرة أشوف لي زول المطاعنة غالباهو ههههههههه ياخ مش صعنت يوم ياخ صنعت لي عشرين سنة لي قدام |
والله يا عبد العزيز انا برضو مستغرب ..
لانو زول اساسا المطاعنـة دي شغلتو .. والنميمة وتشويـه السمعة .. والغريبة بيتو من كريستال ..
| |
|
|
|
|
|
|
|
|
|
Re: كنت بداخل بيت الأشبــاح .. (Re: tmbis)
|
يا حليلك يا تمبس
كلها وصفاتك وصفات مسمرة ههههههه
والكوارع ما بتنبي والله
بس البرحي يا عمك
مع السكر بودينا التوج
إتا بالمناسبة ما تواصل يا اخي
يمكن الحديدة دي تصل المحطة
............
| |
|
|
|
|
|
|
|
|
|
Re: كنت بداخل بيت الأشبــاح .. (Re: بله محمد الفاضل)
|
ههههه معليش يا تمبس خلينا ناخد نوري ودالقبايل دا حاجه والمشكلة كل مره نوريه حاجه ما عاوز يتعلم لأنه فات سن التعليم ومافي فايدة بعد دا بس يكون حذر
| Quote: وفي الاولاد .. ود شيريــة .. يا بتاع الاثينات وفلان دا عــب وهنايه دي خادم .. يا بتاع المعمل انت |
الحته دي مهمة واتكيفت منها شديد لأنه ودالقبائل دا دور لي في الاسطوانة وشغال لي نخرينك ديل ما سمحات، راسك كبير ليييه ، دا امشي يا سبعة الاسود مره لبس ليه طرحة بت هارت وجاني قال لي أمشي يا الأمك شيرية طبعاً برضه مدور معاك الفليم دا وفاكيه بالنميمة بالتلفونات تمبس دا تلاته شيرية وعامل فيها جوكر ديناري
شوف يا ودالقبايل البتسوي فيه دا عوارة وعوارة العوارة ما مفرض تصدر من طفل صغير ناهيك عن زول في سنك
بعدين أيوه ياخ أنا عب فرخ عديييييييييييييييييييييل كدا وما عندي أصل يلا وريني الحصل شنو ؟؟؟؟ القيامة قامت
حصل لي شنو ؟؟؟ وحصل ليك أنت شنو ؟
وريني النقص مني شنو ؟؟؟ وزاد فيك شنو ؟؟
يعني هل جنسيتي الخضراء بقى لونها أسود ولا برتقالي ولا الحصل شنو ؟؟؟
ياخ أقول ليك أنا عب وود حرام زي ما قلت اها افرح نطط انا باكد ليك الكلام دا وامسكة دليل للناس البتوصل ليهم النمايم دي قول ليهم براه قال كدا علي نفسه وهم اقروا
هل دا ذنبي أني أتولدت كدا ولا مشيت سعيت لي عبودتي دي براي ولا أنا ود حرام غلطت انا وشايل ذنب غلطتي دي
هل خسرت أهلي؟ هل عادوني اصدقائي ؟؟؟ هل اتكرفس كبريائي ؟؟؟ هل أتهد عزمي ؟؟؟ هل جــبنت بعد شجاعتي ؟؟؟
ماياهو دا أنا في حالي وأنت في حـــالك قــاعد خايف تظهر علي حقيقتك وتقول كلمة
شوف الله أعمل حساب زهجتي ناس تمبس ديل جنبكم وبراعوا الخواطر لي ناس يستاهلوا والله لا بعرفك ولافي زول عنده خاطر عندي وعندي رصيد إجازات مفروض اخلصه والسعودية بدخلها من غير فيزا بس تذكرتي وبدفعها لي سيدي أحمد لله أجيك في الرياض دي أسوي ليك إيدز بدل الضغط والسكري وامشي علي تابعك النكرة الطوربيد داك
أحسن ليك تتلم وتشوف ليك تبروكة وابريق
| |
|
|
|
|
|
|
|
|
|
Re: كنت بداخل بيت الأشبــاح .. (Re: عبدالعزيز حسين عبدالرحيم)
|
كنت هناك وعلى بعد خطوات من المساارت المحددة لتنظيم حركة سير الحافلات المتجهة إلى داخل الخرطوم بحري بتصنيفاتها المختلفة وبألوانها وتعريفتها التي تتحول حسب المسافة والبعد .
المسارات الخرسانية هي تلك التي تمكن ان تتحكم في سير دخول المركبات الواحدة خلف الأخرى ..
لكن اظنها تناولت المسار الخاطي للخروج .. استخدمته بوابة دخول مشرعة دون الالتفات إلى اي من السيارت التي عبرتها ولم تستطع ان تغير في الغدر المحتوم التي وضعت شروطـة بدقـة حتى اذنت لحظة الدخول بتلك الطريقة العكسيـة .. غير ابهه لما يحدث أو ربما وضعت حد لهذا المسلسل الحياتي الدائري
بكل ما فيه من ملل .. صعوبات ، مطبات.
ربما اخر ما رسم على شبكيتها وكتب في سجلات التشريح تلك الاكوام المعلقـة من ارتال اللحم فقط للعرض .. تقابلها اكشاك للخضار واسماك عرضت في مساحة صغيرة اكشاك كانت لاحدي المنظمات او المسميات التي اصبحت تطفو على السطح لتفتح مجالا للكسب الغير مشروع لبيع غير مشروع لا يستطع كل صاحب حاجة ان
يعبي حتى نصف الكيس الورقي ، فقط تكتفي بالمشاهدة واحيانا السؤال كأحد النبلاء محاولا ان يتظاهر عدم اهتمامه بالسعر وكم هو صعب على المرء ان يتناول كل يوم هذه الكمية من اللحوم ..
تلك حقيقة تلاشت تحت اطارات احدى حافلات النقل عندما حاول قائدها بكل ما يحمل من ارتال بشر ان يتفاداها وهي ساهمة هناك .. حدد صاحب الحافلة نهاية هذا كله .. كلـه .. واطاح بآخر لحظات انتظار اسرة واطفال ربما ام وأب ..
كانت في العقد التالت ربما يمكن ان تميز معالمها قبل ان تقوم اطارات الحافلة بتقسم راسها ومحتوياته بحيث لا يمكنك ان تفرز بين حبات العدس المربوطـة في الكيس الذي تدحرج من شنطة اليد وبين العظام التي اختلطت ببقية تراب تلون بالدم ..
كنت على بعد خطوات .. هالني المنظر وانا اهم بالدخول وسط الجوغـة حتى اخفي معالمي تماما .. عبرت السوق وتدحرجت بسرعة عابرا الممرات الخرسانية متابع كل الوجوه حولي والعيون التي كانت ترصدني .. شاهدت اخر لحظات خروج الروح وهي ممسكة بتلابيب شنطتها في منظر ماساوي .. تخلصت من الجزء الاعلى من جسدي ، تجردت من القميص المهتري .. وسرعان ما
بذلته على الجزء الأعلى من جسد الراحلة .. داهمتني دمعة احسست بسخونتها وانا للحظة عبرتني خاطرة تلك (القمريـة) التي اصبتها بأحدى حجار النبله وانا صغير ، انكسر جناحها اصبحت تصرخ وتقوقي في تحنان عجيب ربما من فرط الالم او من موعد وجبة اطفالها تخاطبهم سوف لن اعود .. كانت تلك القمريـة تقيم بيتها على شجرة النيم بمنزلنـا .. اكتشفت ان فروخها لاتستطيع الطيران او الاكل ، حاولت ان اساعدها على الطيران
رفض جناحها .. فما كان مني والذنب يغافلني إلا وان وضعتها على العش .. مع فروخها بجانب حفنة من الذرة كتعويض لما اقترفته من ذنب .. ضمت صغارها بجناحها المكسور .. عدة لاجدها منكفيه عليهم وقد فارقت الحياة ..
عندما هم البقية على معالجة الأمر انتبهت انه الوقت المناسب لعبور الضفة الأخرى .. في رحلة مصارعتي للوقت والاختفاء .. من أجل ان انتخب الوقت المناسب لاتمكن من بصات امدرمان واصل المنزل قبل ان يداهمه احدهم .. ويكشف عن سري ..
اخترقت كل الممرات الخرسانية احتضن شنطتي الجلدية بقسوة .. استر بها ما تبقى من جسدي العاري .. كان مبلغ همي ان اصل تلك المحال التجارية التي تعرض الفنايل والمعدات الرياضية وعندها يمكنني ان اقوم بتجريب حظي في ان احظى بما يسترني ..
في الحقيقة لم تكن لي خطة واضحـة .. يمكن من خلالها ان احصل حتى على منديل كتلك التي كانت تعرض على الفرندات .. ناهيك عن فنلة او قميص .. كما انني احمل من المال ما هو كفيل بأن استثمرة في المواصلات او ان ازوغ من الكمساري لادخره نهاية اليوم واساهم به في مهرجان العشاء لفتت الفول بموية (الجبناء )..
قفذ بذهني صديقي أحدهم .. كنت كلما ادخل هذا الطريق لابد وان امر من خلالـه لابد وان اعبر احساس هذا الرجل الهادي .. ليبتسم امامي في تحنان وطمأنينة عجيبة احتاجها الآن الآن .. كنت اقف امامه وحال ان يسمع وقع اقدامي يمد يده مصافحـا .. انحني له يمسك بيدي لمسافة طويلة كمن يقرا في خطوطها كتاب حياتي ..
كنت عندها اشعر بضالة هذه الدنيا امام ابتسامته .. وهو يخاطبني حتى قبل ان امد يدي مصافحا ..
ازيك يا علاء الله يسهل ليك امورك يا خوي ...
كان يفرز خطواتي من بين كل تلك الخطوات الراجلة والتي تمره يوميا تسلك طريق الفرندات .. كان طيلة وقته يسبح لا يقطع تسبيحه إلا عندما يمر احدهم ليلقي عليه التحية او ان يحشر في جيبه من النقود يبادله بعبارات شكر وثناء عليه ودعاء بصوت منخفض .. كان يرى كل العالم من حوله ..
ويفرز الوان البشر يبصر بالطريقة التي يفرز بها ابيض القلب من اسوده خيارهم من اشرارهم .. يتواصل باللمس حال ان يمد يده ليصافحك فهو قد منحك خاصة المرور لعالمه العجيب كنت اجلس معه لمسافة طويلة نمر احيانا لشراب العصير او ان اعزمه لتناول وجبة حال ان توفر لي ما يكفي
كنا كلما مر بنا احدهم بالسلام .. سرعان ما رد عليه باسمه اعتاد علي ذلك الجميع حتى .. بعد التجارب الكثيرة معه .. عندما عبرت الطريق.. لمحته في آخر الفرنده ، سارعت بخطوات كان الجميع ينظرني عاري تماما من الاعلى ، إلا من فنلة داخلية تسترني .. وقفت عنده ابتسم ابتسامة عجيبة
ابتسم ابتسامته العجيبة ومد يده مصافحـا .., ودس يده الأخرى بكاملها في جيب الشنطة ثم ربت بهدوء على يدي ثم ابتسم .. يا لهذا الرجل العجيب الذي لم اعرف حقيقته ابدا .. ابدا
| |
|
|
|
|
|
|
| |
tmbis
حيدر حسن ميرغني
جعفر محي الدين
saidahmed shami
سامى عبد المطلب
تبارك شيخ الدين جبريل
طه جعفر
محمد عبدالرحيم
عمار عبدالله عبدالرحمن
معتصم محمد عبدالرحمن
Ridhaa
عمران حسن صالح
طارق عبد اللطيف نقد
أبو ساندرا
HAIDER ALZAIN
الحاج عبدالرازق الحاج
عبدالكريم أحمد الامين
ABUHUSSEIN
بله محمد الفاضل
فيس بوك
تويتر
انستقرام
يوتيوب
بنتيريست