- يا جبر السيد ياخي بكرة يمكن اتأخر عشان ماشي رويال كير - يا ود حسونة.. تكوس شنو في النصيبي دي - عايزين نطهر تامر ولدي ياخ - نان هو تامر دة بقى علي الطهورة دحين.. الشي موش قبل ستة شهور ولدوهوا ولغفنا الشي السمح داك في سمايتو - هههههه الكنافة،،، ايوة ياخ امه ريماز قالت عايزة تطهره عشان ما يتعب بعدين وهي ما بتقدر تتحمل تشوفه بيتوجع - نان هي الطهورة قاعدي توجع... انتو مالكم شيتكم كله كتور كدي اصلو دي طهورة دي ولا ولادة حمارة ود تميم - هههههههه ياخي حبوبته قالت عايز تحتفل بيهو وتسوي ليه حفلة بي فرفور - حفلة بي فرفور... ما تكتر خيرها فِرِد مرة وتعقدله وتشوفلو عروس من سحاسيحكم ديل تنتظروو لامن نصيبتو دي تبرة ويدخل عليخا - جبربر انت باقيلي جنيت هههههه - انت آجنى الوكرك في النصايب ديل شنو - الحب يا جبربر ياخ - جبربر... سمح.. عليك أمان الله أنا طهروني باقيلي لامن بلغ - ههههههه كيف الكلام دة - يا زول ودوني عند حومدين الحلاق لابس العراقي جديد والسروال ورابطلي خرزة في راسي هجرني ابوي وعمي الطيب تحت ضليل شدرة الخرابة جابلو مقص زي أليل مقص جز الحمير... وقال كدي مسك الخرابة لتاها ومطمطها علي لستك النبلي وانا اكورك واجوعر ومخاخيتي نازلات وقال كدي كررررررررروووج قطع الجلداي علي سعن (العزْ) وحاتك انا من الكواريك كنت ماكلي باقي سبروق كدي باقيلي خرتو كله تحتي... يا زول بعبصها من هني لا هني شويتين رافعني يقولولي ابشر وابوي ماسك السروال وانا بقيت ماشي مفنوس علي علامة الاستفهام ومفشق رجليني واكورك: اووووووو اوووووو شوفولي شيتا يبردها... الخرابة قطعها لي اووووو اووووو،، الناس صاقعلي ابشر وانا ماشي ياااامن الله والرجلين مشتحات اشيل واخت فيهن علي مفرمة الخدرة في صينية الالموني... - ههههههههههههه الله لا كسبك - يا زول ليك أمان الله انطلقت فيني ناريي وبطني كابسي بي هبوب علي أقول كدي أمسك في راس العنقريب وأمد فنانيسي لاااااااورا حتى أتنفس... وتسمع في «الوررررررررررر» التقول شارطلهم دموريي ألت مرتبة - الله ياذاك هههههههههههههههه - قلتلي رويال كير فشان الجني الصغوووووير دة... انت يا ابو سيد كنت كويس من عرست من الناس ديل بقيت دِلِق ههههههههههههههههههه
Quote: كدي أمسك في راس العنقريب وأمد فنانيسي لاااااااورا حتى أتنفس...
استاذنا طلحة طولت الغيبة .. وإشتقنا لحكاوي اهلنا الشايقية .. يا اخي لو سمحت أشرح لي معنى الكلام الفوق ( أمد فنانيسي لا وورا ) استاذي طلحة ذكرتني لمن كنت استاذ في نوري الغويبة في السبعينات جاء طالب يشتكي اخوه وقال .. يا أستاذ ( عطا الفضيل قالي الخفسي ) حتى تاريخ اليوم ما عارف معنى الخفسي رغم اني وبخت عطا الفضيل .. يا سلام على الجمال والذكريات .. تعرف انا إنتظر حكاويك عشان استحضر تلك الايام الجميلة .. زمن حالياً بين دنقلا وكريمي ( ساعتين ) ..
المهم ما طول علينا كثير ..
12-01-2013, 05:53 PM
هشام كمال عبادي
هشام كمال عبادي
تاريخ التسجيل: 10-30-2010
مجموع المشاركات: 2166
استاذنا طلحة طولت الغيبة .. وإشتقنا لحكاوي اهلنا الشايقية .. يا اخي لو سمحت أشرح لي معنى الكلام الفوق ( أمد فنانيسي لا وورا ) استاذي طلحة ذكرتني لمن كنت استاذ في نوري الغويبة في السبعينات جاء طالب يشتكي اخوه وقال .. يا أستاذ ( عطا الفضيل قالي الخفسي ) حتى تاريخ اليوم ما عارف معنى الخفسي رغم اني وبخت عطا الفضيل .. يا سلام على الجمال والذكريات .. تعرف انا إنتظر حكاويك عشان استحضر تلك الايام الجميلة .. زمن حالياً بين دنقلا وكريمي ( ساعتين ) ..
المهم ما طول علينا كثير ..
استاذنا علي ياخي كيفنك ونعلك طيب في عضامك ديل امد فنانيسي لا ورا يهني امد صُلبي لي ورا هههههههه الخفسي يعني المروق او الطلوع وهي بتتقال في الغالب للنسوان مثل يقول ليك فاطمة خفاسة وجنها خفسي ههههه يا حبيب لا عدمناك
على فكرة انا طارق ما طلحة ههههه طلحة اخوي الكبير
12-02-2013, 07:03 AM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12481
تحياتي اخي طارق .. أحب لكنة اهلنا الشايقية .. لأ،ها منغمة ومموسقة .. عشان كده غناهم وشعرهم وحكاويهم محبوبة من كل انثيات الوطن .. حتى الاخوة الجنوبيين غنوا اغاني الشوايقة .. لكن بيني وبينك نحن بنشوفهم كده نوبة مستعربين لأنه نفس أهلنا بس بالعربي .. وشكراً على شرح الخفسي ( بعد اربعين عاماً ) .. شكراً طارق .. وفي انتظار المزيد ..
12-02-2013, 07:27 AM
أيمن محمود
أيمن محمود
تاريخ التسجيل: 01-14-2013
مجموع المشاركات: 4940
هلا يا طلحة ولدي مهاب طهرتو قبل عشرة ايام ، وكان عمرو 16 يوم ... ونيف ! المهم والله طهورة الصغر دي مريحة خلاص وانصح اي زول يطهر (ولدو) وهو أصغر ما يمكن ! والله ما بين دخول الدكتور غرفة العملية وطلوعوا منها ما اخدت دقيقة وتلاتين ثانية - كف ... كرف !! ركب ريهو (الحلقة) !! 4 ايام والحلقة سقطت ... مافي وجع ولا بكي ولا أي حاجة ! ... ساعة الجزة بس ! هسا بجهز في الشنطة !
12-02-2013, 07:34 AM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
سلام تاني ارجو ان يفيدنا اطباء المنبر ختان الاطفال قبل الخمسة سنوات لا يصح , قد يفقد الطفل رجولته لاحقا ده الكلام القالو لي اكتر من طبيب لامن درت اطهر ولدي , وفعلا نفذت نصيحتهم وطهرتو بعد الخمسة ووصلت لي نتيجة احسن تطهروا بعد سبعة سنوات لأنو قبلها بتنجض وبنجضك
12-02-2013, 08:48 AM
أيمن محمود
أيمن محمود
تاريخ التسجيل: 01-14-2013
مجموع المشاركات: 4940
Quote: ارجو ان يفيدنا اطباء المنبر ختان الاطفال قبل الخمسة سنوات لا يصح , قد يفقد الطفل رجولته لاحقا ده الكلام القالو لي اكتر من طبيب لامن درت اطهر ولدي , وفعلا نفذت نصيحتهم وطهرتو بعد الخمسة ووصلت لي نتيجة احسن تطهروا بعد سبعة سنوات لأنو قبلها بتنجض وبنجضك
والله يا عبد الحفيظ الدكتور الطهر ولدي (استشاري) جراحة عديل وقال لي لو جيت يوم الولادة ذاتو ولقينا صحتو تمام كان طهرناهو ليك ! وهو بيقول انو كلما كان الطهور ابكر كلما كان أفضل ! وفعلاً ان سعيد جدا اني طهرتو حار حار، والله قمة السلاسة، الولد ما بحس بحاجة حسب كلام الطبيب وفعلا ما لاحظنا عليهو اي ألم !
الولد بعد ما يكبر طهورتو بتكون عذاب ليهو ولاهلو !!
12-02-2013, 09:41 AM
طارق جبريل
طارق جبريل
تاريخ التسجيل: 10-11-2005
مجموع المشاركات: 22556
Quote: سلام تاني ارجو ان يفيدنا اطباء المنبر ختان الاطفال قبل الخمسة سنوات لا يصح , قد يفقد الطفل رجولته لاحقا ده الكلام القالو لي اكتر من طبيب لامن درت اطهر ولدي , وفعلا نفذت نصيحتهم وطهرتو بعد الخمسة ووصلت لي نتيجة احسن تطهروا بعد سبعة سنوات لأنو قبلها بتنجض وبنجضك
منتظرين معاك اطباء المنبر
12-02-2013, 09:35 AM
طارق جبريل
طارق جبريل
تاريخ التسجيل: 10-11-2005
مجموع المشاركات: 22556
Quote: هلا يا طلحة ولدي مهاب طهرتو قبل عشرة ايام ، وكان عمرو 16 يوم ... ونيف ! المهم والله طهورة الصغر دي مريحة خلاص وانصح اي زول يطهر (ولدو) وهو أصغر ما يمكن ! والله ما بين دخول الدكتور غرفة العملية وطلوعوا منها ما اخدت دقيقة وتلاتين ثانية - كف ... كرف !! ركب ريهو (الحلقة) !! 4 ايام والحلقة سقطت ... مافي وجع ولا بكي ولا أي حاجة ! ... ساعة الجزة بس ! هسا بجهز في الشنطة !
نفس الشي حصل لي مع ولدي محمد يا ايمن والدكتور الطهرو اخصائي جراحة مسالك كبير جدا في المغرب
12-02-2013, 09:28 AM
طارق جبريل
طارق جبريل
تاريخ التسجيل: 10-11-2005
مجموع المشاركات: 22556
Quote: تحياتي اخي طارق .. أحب لكنة اهلنا الشايقية .. لأ،ها منغمة ومموسقة .. عشان كده غناهم وشعرهم وحكاويهم محبوبة من كل انثيات الوطن .. حتى الاخوة الجنوبيين غنوا اغاني الشوايقة .. لكن بيني وبينك نحن بنشوفهم كده نوبة مستعربين لأنه نفس أهلنا بس بالعربي .. وشكراً على شرح الخفسي ( بعد اربعين عاماً ) .. شكراً طارق .. وفي انتظار المزيد ..
في كلام كتير يا حبيب مشترك خصوصا حاجات الزراعة لو لقينا لينا. زول هنا يعمل لينا مقارنةً بتكون دراسة سمحة يا حبيب
12-02-2013, 08:29 AM
Yousuf Taha
Yousuf Taha
تاريخ التسجيل: 05-03-2013
مجموع المشاركات: 1034
استاذي طارق .. لدي كتابات كثيرة عن حميد واسماعيل حسن .. وهذه مقالة عن حاج الماحي ( معجزة من معجزات هذا الكون ) شوف رحمه الله كيف يشبه الاسلام ( بالساقية ) وفيها مفردات نوبية في غابة العمق والرمزية .. طارق اخوي صدقني نحن كده خط واحد ( إنتو بالعربي ونحن بالنوبي ) .. لدي الكثير ولكن سوف انشر لك هذه القطعة عشان ما اغرفك هذا البوست ا لجميل .. وما نال دهشتى واعجابي وبهرني حتى الصرع هو طريقة اختياره للمفردات النوبية وتطويعها الى العربية بصورة مذهلة ..
====================================
أهم ما ميز حاج الماحي عن شعراء المديح وما جعله مرجعية لكل من أراد مدح الرسول صلى الله عليه وسلم ، هو عمق تعبيره والادوات والمفردات التي إستخدمها ببراعة فكل مفردة لها رمزية يمكن ان يتكيء عليها الشاعر ويطلق التشبيهات ويقرب المعاني لمتلقيه من الأشخاص العاديين في ذلك الزمان . ومن فيض حبه للرسول صلى الله عليه وسلم، أراد حاجي الماحي ان يشرح للعامة ، كيف بدأ المسلمون بنشر الدعوة أنطلاقاً من المدينة المنورة حتى الشام والعراق ثم الى العالم ، فجاء بالساقية كنموذج لهذا الوصف البديع والأقرب لفهم التربال البسيط الذي لا يخلو من الذكاء الفطري وإلتقاط الصور اذا كانت من بيئته وكأن حاج الماحي هو المعلم المتمكن ، ومن أبجديات التعليم ان يكون لدى المعلم وسائل ايضاح لسرعة توصيل الرسالة ورسم المعرفة كصورة ذهنيه وتعبيرية مجسدة كما رسمها شاعرنا في هذه الابيات : بسم الله العبيد نظّامّا ربط الساقية فوق اسهاما .. شعبا جابرة مو هدّاما ترتر لي مروقا عظاما رصّاها ودفن بتماما ختخت وعدّل الحوّامه رفع الديّو وسند النّامه دفق بافضل الايّاما ====== فاض ماها ومرق قدّاما جدولا راح مدينة الشّاما الصّمد الحقير ما ناما حاج صالح حرص نجّاما فهو يريد رسم صورة عن معاناة المسلمين الأوائل في نشر الدعوة ، وبدأ بتشبيه انتشار الاسلام من المدينة المنورة الى اصقاع الدنيا بالساقية التي ترسل مياهها وخيراتها في كل الاتجاهات ، وشبه بداية الدعوة بتركيب الساقية في أول الموسم وهي الفترة التي يعاني فيها المزارع من التعب الجسدي والانشغال بأمور لا تجعله ينام بإرتياح وهذه الصورة تقرب للمستمع فهم الوضع الذي كان عليه المسلمين : فبدأ ببسم الله ، ثم تثبيت الاخشاب القاعدية المروق والترتر وبالدنقلاوية تسمى ( ترنتري ) ثم الرصاص ورفع الديو ونامي ( النام ) وهي ركيزة الساقية ويقال ( كوليه نميبو ) إذا حدث خطأ في تركيب هذا الجزء وربما تنهار الساقية بأكملها ولتلافي ذلك يقوم صمد الساقية بربطها بحبل الى شجرة استباقاً لأي حدث، ثم كانت البشارة أن دارت الساقية ونبت الزرع فكان (النجام (وهو تنظيف المحصول من الطفيليات ( وهنا يقصد الكفار) ، ثم إنتشار الخيرات في مناكب الارض بعد أن إمتدت جداول الساقية ( الاسلام ) وهي تحمل الهداية والتقوى في سقياها حتى الشام وما بعدها فكان الازدهار وبلوغ الرسالة الى آفاق بعيدة (فاض ماها ومرق قد ّاما .. جدولا راح مدينة الشّاما) وبهذه المعاني العميقة وصف حاج الماحي معاناة الاوائل في نشر الاسلام وشبهها بالمتاعب التي كان يتكبدها المزراع عند بداية الموسم وكلنا عايشنا تلك المرحلة ورأينا كيف كان يعاني آباؤنا في تركيب الساقية وتوزيع المياه الى كل اجزاء أملاكهم ، هنا الصورة تكون واضحة لذلك التربال ليفهم بالصوت والصورة والرمز معاناة هؤلاء الاوائل في نشر الاسلام وكم قابلهم من عنت وتعب في سبيل نشر الدعوة ، ولا أظن أن هناك طريقة اخرى أجمل وأعمق من هذا التشبيه الذي يقرب المعنى والصورة إلى البسطاء من متلقي شعره ، وهذه هي رسالة الشاعر الحقيقي ، فشاعر الموهبة والسليقة هو الشاعر الحقيقي الذي لا يغيب عن ذاكرة الناس مهما طال الزمن .
12-02-2013, 09:53 AM
عبيد الطيب
عبيد الطيب
تاريخ التسجيل: 08-31-2012
مجموع المشاركات: 1801
سلااام ود جبريل وضيوف الطهورة.......... الخليفة طهَّر سلاطين ..... بعد عُمر الأربعين....! عيل ما بعرف طهورة حكيم والله طهورة قدح.... لكن البعرفو سلاطين نامن مات هو دوَّار و بكووووس لي الش.... ونامن مات زعلاااااااااان عشان كدي طهورة الصغرة أخير وأحسن إنت عارف يا ود جيريل في البادية شاهدت واحد كبير كان شغال مع واحد في البهايم اها الزول عمره حول العشرين وقال لازم يطهروه اها ما عندنا مستشفي وقريبنا إجهَّز عشان يطهِّر عيالو ويطهِّر معاهن راعي بهايمو......... وكنت وقتئذٍ صغير لكن الزول الكبير دي تعّب ليك الممرض تعب... بي عفار وعفار حتَّات قدر يطهرو........!
محبتي
12-02-2013, 10:26 AM
طارق جبريل
طارق جبريل
تاريخ التسجيل: 10-11-2005
مجموع المشاركات: 22556
Quote: سلااام ود جبريل وضيوف الطهورة.......... الخليفة طهَّر سلاطين ..... بعد عُمر الأربعين....! عيل ما بعرف طهورة حكيم والله طهورة قدح.... لكن البعرفو سلاطين نامن مات هو دوَّار و بكووووس لي الش.... ونامن مات زعلاااااااااان عشان كدي طهورة الصغرة أخير وأحسن إنت عارف يا ود جيريل في البادية شاهدت واحد كبير كان شغال مع واحد في البهايم اها الزول عمره حول العشرين وقال لازم يطهروه اها ما عندنا مستشفي وقريبنا إجهَّز عشان يطهِّر عيالو ويطهِّر معاهن راعي بهايمو......... وكنت وقتئذٍ صغير لكن الزول الكبير دي تعّب ليك الممرض تعب... بي عفار وعفار حتَّات قدر يطهرو........!
محبتي
حباب عبيد يا زول طهور الصغرة مريح ما متعب
12-02-2013, 10:27 AM
طارق جبريل
طارق جبريل
تاريخ التسجيل: 10-11-2005
مجموع المشاركات: 22556
Quote: Awad Alhassan والله ياطارق جبريل ..ما ناقصاك ملكة الكتابة .. ما شاء الله.. بس لو تبطل الكسل وتتفرغ ليها حبة .. ممكن تكون ماركيز السودان .. الله يوفقك
يا حبيب الله يجبر بي خاطرك ياخ
12-02-2013, 10:25 AM
طارق جبريل
طارق جبريل
تاريخ التسجيل: 10-11-2005
مجموع المشاركات: 22556
Quote: استاذي طارق .. لدي كتابات كثيرة عن حميد واسماعيل حسن .. وهذه مقالة عن حاج الماحي ( معجزة من معجزات هذا الكون ) شوف رحمه الله كيف يشبه الاسلام ( بالساقية ) وفيها مفردات نوبية في غابة العمق والرمزية .. طارق اخوي صدقني نحن كده خط واحد ( إنتو بالعربي ونحن بالنوبي ) .. لدي الكثير ولكن سوف انشر لك هذه القطعة عشان ما اغرفك هذا البوست ا لجميل .. وما نال دهشتى واعجابي وبهرني حتى الصرع هو طريقة اختياره للمفردات النوبية وتطويعها الى العربية بصورة مذهلة ..
====================================
أهم ما ميز حاج الماحي عن شعراء المديح وما جعله مرجعية لكل من أراد مدح الرسول صلى الله عليه وسلم ، هو عمق تعبيره والادوات والمفردات التي إستخدمها ببراعة فكل مفردة لها رمزية يمكن ان يتكيء عليها الشاعر ويطلق التشبيهات ويقرب المعاني لمتلقيه من الأشخاص العاديين في ذلك الزمان . ومن فيض حبه للرسول صلى الله عليه وسلم، أراد حاجي الماحي ان يشرح للعامة ، كيف بدأ المسلمون بنشر الدعوة أنطلاقاً من المدينة المنورة حتى الشام والعراق ثم الى العالم ، فجاء بالساقية كنموذج لهذا الوصف البديع والأقرب لفهم التربال البسيط الذي لا يخلو من الذكاء الفطري وإلتقاط الصور اذا كانت من بيئته وكأن حاج الماحي هو المعلم المتمكن ، ومن أبجديات التعليم ان يكون لدى المعلم وسائل ايضاح لسرعة توصيل الرسالة ورسم المعرفة كصورة ذهنيه وتعبيرية مجسدة كما رسمها شاعرنا في هذه الابيات : بسم الله العبيد نظّامّا ربط الساقية فوق اسهاما .. شعبا جابرة مو هدّاما ترتر لي مروقا عظاما رصّاها ودفن بتماما ختخت وعدّل الحوّامه رفع الديّو وسند النّامه دفق بافضل الايّاما ====== فاض ماها ومرق قدّاما جدولا راح مدينة الشّاما الصّمد الحقير ما ناما حاج صالح حرص نجّاما فهو يريد رسم صورة عن معاناة المسلمين الأوائل في نشر الدعوة ، وبدأ بتشبيه انتشار الاسلام من المدينة المنورة الى اصقاع الدنيا بالساقية التي ترسل مياهها وخيراتها في كل الاتجاهات ، وشبه بداية الدعوة بتركيب الساقية في أول الموسم وهي الفترة التي يعاني فيها المزارع من التعب الجسدي والانشغال بأمور لا تجعله ينام بإرتياح وهذه الصورة تقرب للمستمع فهم الوضع الذي كان عليه المسلمين : فبدأ ببسم الله ، ثم تثبيت الاخشاب القاعدية المروق والترتر وبالدنقلاوية تسمى ( ترنتري ) ثم الرصاص ورفع الديو ونامي ( النام ) وهي ركيزة الساقية ويقال ( كوليه نميبو ) إذا حدث خطأ في تركيب هذا الجزء وربما تنهار الساقية بأكملها ولتلافي ذلك يقوم صمد الساقية بربطها بحبل الى شجرة استباقاً لأي حدث، ثم كانت البشارة أن دارت الساقية ونبت الزرع فكان (النجام (وهو تنظيف المحصول من الطفيليات ( وهنا يقصد الكفار) ، ثم إنتشار الخيرات في مناكب الارض بعد أن إمتدت جداول الساقية ( الاسلام ) وهي تحمل الهداية والتقوى في سقياها حتى الشام وما بعدها فكان الازدهار وبلوغ الرسالة الى آفاق بعيدة (فاض ماها ومرق قد ّاما .. جدولا راح مدينة الشّاما) وبهذه المعاني العميقة وصف حاج الماحي معاناة الاوائل في نشر الاسلام وشبهها بالمتاعب التي كان يتكبدها المزراع عند بداية الموسم وكلنا عايشنا تلك المرحلة ورأينا كيف كان يعاني آباؤنا في تركيب الساقية وتوزيع المياه الى كل اجزاء أملاكهم ، هنا الصورة تكون واضحة لذلك التربال ليفهم بالصوت والصورة والرمز معاناة هؤلاء الاوائل في نشر الاسلام وكم قابلهم من عنت وتعب في سبيل نشر الدعوة ، ولا أظن أن هناك طريقة اخرى أجمل وأعمق من هذا التشبيه الذي يقرب المعنى والصورة إلى البسطاء من متلقي شعره ، وهذه هي رسالة الشاعر الحقيقي ، فشاعر الموهبة والسليقة هو الشاعر الحقيقي الذي لا يغيب عن ذاكرة الناس مهما طال الزمن .
استاذنا وحبيبنا علي انا متابع توثيقك دة من زمان ياخ يا ريت تجتهد شوية وتنزل الحاجات دي في كتاب مهم الاجيال اللاحقة تعرف الكلام دة
12-02-2013, 10:21 AM
طارق جبريل
طارق جبريل
تاريخ التسجيل: 10-11-2005
مجموع المشاركات: 22556
الاستاذة الأجلاء طارق وحسن .. يا سلام الواحد رجع اربعين سنة لوراء حليل زمان .. إحتمال ذلك التلميذ المشاغب ( عطا الفضيل ربما اصبح اباً او جداً ) حفظه الله .. ولكن أعود واشكركم على هذا الشرح .. يا طارق صدقني حتى الشتائم عندكم منغمة ومموسقة .. بالله شوف لفظ ( خفسي ) كيف .. التحية لكم وانتم تعيدوننا الى ذلك الزمن الجميل ..
12-03-2013, 11:17 AM
طارق جبريل
طارق جبريل
تاريخ التسجيل: 10-11-2005
مجموع المشاركات: 22556
خلي بوست فوق .. يا طارق عشان ما تغيب كثير .. طيب ..
سوف احكي لك قصة ( زول غير ناطق بها ) في منطقة الشايقية .. يا طارق أهلنا في نوري لهم إمكانية دمج ثلاثة كلمات في كلمة واحدة منغمة ومموسقة ..
في طالب في المدرسة قال لي ..
(( استاذ .. ألفوتولي جمع كراسات الحساب )) صدقني لم افهم أي شيء .. وكتبت الجملة وعرضتها على زميلي الاستاذ قمر وهو من ابناء نوري .. فكان في تلك الفترة النميري استثنيى كريمة وعمل التلفزيون في دنقلا .. وأنا كنت اغيظ قمر وأقول ليه نحن شاهدنا كاس العالم في دنقلا .. وبناء عليه : أجابني قمر ساخراً (( إنتو زولكم الاهبل ده بدل ما يعلمكم عربي يجيب ليكم التلفزيون .. يا اخوي ألفوتولي .. يعني .. ألفة سنة اولى ))
رحم الله ذلك الزمان الطيب .. وأهله ..
طارق عشان نرفع البوست
12-05-2013, 09:37 AM
محمد حمزة الحسين
محمد حمزة الحسين
تاريخ التسجيل: 04-22-2013
مجموع المشاركات: 1437
ممكن تنورنا عن النتيجة دي يا عبد الحفيظ منك نستفيد علماً بانني طهرتا اولادي يوم 16 بعد السماية بي يوم ولم أري حدثاً يستدعي الانتباهـ وموعد النتائج لم يحن بعد والله يا ود جبريل الشوفناهو في الخرطوم دي يشيب الصبيان : : : : : : مع التحيات لله الزاكيات
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة