|
|
 شيخي ونبي الله الخضر (محاولة شعرية ) اهديها للشهداء والثوار
|
وانا بين نائم وصاحي
اشوف زي جاني نبي الله الخضر
شائل عصاية وسوط ودوشكا
ااااااااااااااااااااي زي جاني نبي الله الخضر
لابسلو بدلة ودبلتين
وتحتو مركوب من نمر
مش ياهو نبي الله الخضر ؟؟؟
في رأسو شدرة وكم شهيد
وفي عيونو نظارات نظر
والجلاكسي موبائلو الجديد
ماياهو نبي الله الخضر ؟؟؟
قالي عصايتو من ال######
وصوتو لي فتح الدرب
والدوشكا للكافر العنيد
مش ياهو يا ناس الخضر ؟؟؟
ف
وجريت عليه بي كم حباب
وفتحت حوش لا ليه طوب لا ليه باب
استقبلتو بي كمين حباب
وجريت علي زريبة المواشي
اشوف لي حاشي
او خروف او عنبلوق
كرامة لي سيدي الخضر
ما لقيت لي شي
ما لاقاني شي
ودخلت مكسور القلب
كترت من كلمة حباب
رشيتو بي كمين حباب
يجيني نبي الله الخضر
وما القالو غير كلمة حباب ؟؟؟
وبديت اشك في زولي دااب؟؟؟
سمعت صوت شيخي الكبير
جاني زي زولا قرييييييييييييييب :
يا ولدي نبي الله الخضر
لا عندو مركوب من نمر
لا عندو موبائل جديد
لا في راسو بكون شدر
لا يوم تلاحقو روح شهيد
لاعندو نظارات نظر
سيدي الخضر بنظر بعيييييييييييييييد
ياولدي اصحي وقوم اقيف
الجاك بكون والي سموهو الخضر
والشدرة شدرة ناس ال مؤتمر
والدوشكا للموت المطر
والصوت في ضهر الشعب ضرب
ياولدي قوم اتوضا قوم
وألحق هتافات البلد
المرقت تشيع كم شهيد
28/9/2013
|
|
 
|
|
|
|
فيس بوك
تويتر
انستقرام
يوتيوب
بنتيريست