|
|
 نداء للقوات النظامية .. أبناؤكم يموتون على الطرقات
|
القتلة مدنيون يرفعون سلاح الغدر والخيانة بأسمكم .. دم الأطفال والنساء والشباب يلتصق بشرفكم .. هبوا لنجدة هذا الشعب الأبى .. هبوا لنداء الوطن
الثورة وصلت لحافة اللا رجوع .. ولا بديل لهذا الشعب إلا الموت أو الخنوع .. وهذا ما يسعى له رصاص القتلة والمجرمون .. لا سبيل لحفظ الكرامة إلا أن تهبوا لكرامتنا التى هى من كرامتكم وثقتنا فيكم
هذا هو نفس العدو الذى حطم ثقافتنا وأقلق أماننا وسفهنا فى إذلالكم وشرد شبابنا وكوادرنا وفصل جزء عزيز من الوطن
هبوا لقتالهم .. تمردوا عليهم أنتفضوا من أجل شرف هذا الوطن
القوات المسلحة وقوات الشرطة والأمن هم الحارس والأمل
العزة للوطن والدمار للظالم المعتدى
|
|
  
|
|
|
|
|
|
|
|
Re: نداء للقوات النظامية .. أبناؤكم يموتون على الطرقات (Re: فتحي الصديق)
|
قاتل الشهيد صلاح سنهوري صورة
Quote: حملة تمرد السودانية
قاتل الشهيد صلاح الدين مدثر السنهوري هو : ملازم جهاز أمن/ مصطفى نظمي مصطفى كمال كادر طبي بمستشفى الأمل خريج كلية علوم الأشعة الطبية جامعة السودان 2010 و كان من كلاب حركة الطلاب الإسلاميين الوطنيين بالجامعة.. تخرج ثم التحق بجهاز الأمن.. يسكن بري قريبا من منزل الشهيد . |
هؤلاء مسلحون ويقتلون بأسمكم
هل نرضى مليشيات الخونة تجوب الشوارع وتسيطر على الدولة وتظل القوات المسلحة والشرطة على هامش الأحداث .. هذا أنتهاك لشرف الجندية وشرفنا هو من شرفكم وعزتكم
هبوا لأنقاذ أبنائنا والمجد للوطن
| |
|
|
|
|
|
|
|
|
|
Re: نداء للقوات النظامية .. أبناؤكم يموتون على الطرقات (Re: رأفت ميلاد)
|
رسالة للدخري ود الضو
( الدخري و د الضو يعمل جنديا في الاحتياطي المركزي)
يا الضو أخوي
يا مجند
من زمن جهلك
ولي عز الشباب
يا مدجج بالدروع الواقية ...
و بالقنابل والحراب
يا مستف في الكوامر – بالأوامر
ومستني في كل شارع – وكل زاوية وكل باب
يا معكز يا مركز ..
يا معمر بالرصاص
كلامي ليك يا الضو أخوي
قولاً عديل
ما فيهو ميل
وفيهو يا ود عبدالفضيل
ليك للوطن الخلاص
..
وين هم الأعداء
الليهم اتمترست
ورفاقتك باتوا سهرانين
هل هم أخوانك الطلبة؟؟
الفي شان علوماً ترقع الحال الملتق..
مرق يا الضو إنت من الفصول ؟
هل هن البنوت؟
الوصوك أبواتك... قبيل
بالستره ليهن
والقومة ليهن
والموت دون الذل... يجيهن
والبهدلاب والمسخرة ؟
هل معقول اكون آ الضو اخوى ..
تبقى الرجالة مساككة بنوت
وهتك بيوت
واغتيال أطفال ؟
أفتح لي – آ الضو –
درب قلبك....
وأسأل لي ضميرك صاح
شوف الحرشوك على ولادك
متوهطين في العز ..
وات آ الضو حالك حال
شوفو كيف وطنك صبح وطنين...
وكيفن القسموهو فرحانين
شوفا مسخرة الرقيص بالكاكي
وشوفا ثرواتك كيفن ملوها بناكي
وإت آ الضو .. واقف تحرس الباب !
وان جوا طلاب حق
تدوس إنت على التتك
إموتوا شباب على ايديك
عشان يرقص بشير الشوم
على الفارغة
وتلمع أيادي وداد !!
تعال آ الضو – تعال نتمشى في الخرتوم
يا هم ديل رواكيبك والدنيا ممطورة
وديلااااك الطوابق – تتشابى في قصورا
إنت درت العلاج..
.حليل يا الضو اسبتالياتك
وانت درت السفر..
.كم يا الضو جنيهاتك؟؟
وان ساكت قعدت –
ما بخلوك وليداتك
دحين – آ – الضو –
أقيف دغري
ووجه سلاحك صاح
أقلو – لا تاذي أخوانك
أوامر مين بتتلقى ؟؟
أوامر من حرامية دم أطفالك؟؟
عساكر مين إحاسبوك..؟؟
حساب الله ثم الشعب أطول باع
حكومة ايه ؟؟
حكومة قهر
حكومة فقر
حكومة شوم حكومة عار
و حكام ايه ؟؟
لصوص العصر ...تجار الدين ؟؟
دمار ليك و عمار ليهم ....دة حكم الله ؟؟
قصور ليهم جحور لينا....
....دة قول الحق ؟؟
وحاة الحق و اسم الله
وحاة خوتك آلضو
مكانك فاضي بيناتنا
دحين ارفع سلاحك فوووووق
و اقيف بيناتنا يا الدخرى
دحين ارفع سلاحك فوووووق
و اقيف بيناتنا يا الدخرى
دحين ارفع سلاحك فوووووق
و اقيف بيناتنا يا الدخرى
| |
|
|
|
|
|
|
| |
رأفت ميلاد
alsngaq
فتحي الصديق
mohamed karib
طاهر بدر
فيس بوك
تويتر
انستقرام
يوتيوب
بنتيريست