|
|
 امى قالت لى عربيتك فدى الشعب وثوره ثوره حتى النصر
|
انا طلعت امشى تمرين الرياضه واول ما وصلت الزلط لقيت كميه بشريه ماشيه ما طبيعيه
ما استوعبت وكملت مشوارى برغم كان مفروض ارجع البيت
لكن شمارى خلانى اواصل ومع اول مطب فى شارع البيت رموا عجلة عربيه وولعوا فيها
كنت تجاوزتها وواصلت المسيره اتفرج فى الحاصل
لمن وصلت لان النادى قريب منا لقيت الناس بتتخارج وقالت حيقفلوا الاوضاع مزريه
قومت طوالى اتخارجت واصلا ما كان مريت ثوانى من شارع بيتنا الولعوا فيه العجله
قولت الحكايه نيران وكواريك
الفليق دا لا من بعيد لا من قريب فكرت فيه انه ممكن يحصل
وكنت مستعجبه مافى عربات كتيره
وفى عربيه قدامى لقيتها فجئه سرعت وبتزاوغ وبتجرى
لحظتها بلا وعى بديت اخدت مسارها ودست البنزييييييييييييييييييييين على الاخر
وما فهمت فى شنو كنت بس حسيت بالرزع العربيه بتترزعه
وصوت الزجاج لمن اتفشفش
واحمد ربنا كنت تجاوزتهم سريع
بالجد ربنا لطف ورحمنى
وما مفروض الثوره تكون بالشغب داااااااا
حسى انا ذنبى شنووووووووووووووووووووووووووووووووو كان حتونى مع زجاج العربيه وروحت فطيس 
|
|
 
|
|
|
|
|
|
|
 Re: امى قالت لى عربيتك فدى الشعب وثوره ثوره حتى النصر (Re: إحسان عبد العزيز)
|
Quote: دخلت البوست لعنوانه، فقديما كنا نقول (الجواب من عنوانه)..
ولكن للاسف لا علاقة بين عنوان البوست وما بداخل البوست..
جد الناس فى شنو والحسانية فى شنو!!!!!!!! |
جد والله اليومين دي في موضة حقت انو تحددو للناس يكتبو شنو ويخلو شنو ..
يعني تاني الواحد يجيب الكيبورد حقو .. ويفتح ليكم بوست فاضي .. ويقوليكم تعالو اكتبو لي البنفع معاكم والبنفع مع الحسانية والما بنفع مع الما حسانية .,.
...
| |
|
|
|
|
|
|
|
 Re: امى قالت لى عربيتك فدى الشعب وثوره ثوره حتى النصر (Re: رانيه محمد الشيخ)
|
Quote: جد والله اليومين دي في موضة حقت انو تحددو للناس يكتبو شنو ويخلو شنو ..
يعني تاني الواحد يجيب الكيبورد حقو .. ويفتح ليكم بوست فاضي .. ويقوليكم تعالو اكتبو لي البنفع معاكم والبنفع مع الحسانية والما بنفع مع الما حسانية .,. |
ناس (المديدة حرقتنى )وصلوا..
ما تنسى تدق الجرس وتنادى البقية!!!!
| |
|
|
|
|
|
|
|
|
|
Re: امى قالت لى عربيتك فدى الشعب وثوره ثوره حتى النصر (Re: tmbis)
|
مافى زول ما طايله السوط ومضايق وزيته طالع
لكن اين المنطق انى ماشيه فى امانة الله واتفلق
تهمتى شنووووووووووووووو
ومنو اصلا الاستفاد من فلقتى زاتوووووووووو
غير انى براى الحدبس فى تصليحها وهى اصلا ما ناقصه كانت
,,,
عايزين نصلح الحال يبقى نتخير نفلق منو
حسى الرجعوا بيوتهم برجولهم ديل ذنبهم شنو
مش زيتهم طالع برضو
,,,
الحكايه ما هوليله وجوطه
المفروض عندنا قضيه بنحارب عشانها
مش بنحارب ساى وزى ما تجى تجى
| |
|
|
|
|
|
|
| |
إحسان عبد العزيز
tmbis
سفيان بشير نابرى
فيس بوك
تويتر
انستقرام
يوتيوب
بنتيريست