|
هوت دوغ بتاع فنيلتك !
|
مما يحكى عن الفرزدق بن جحمة الكبدي .. وهو منقذ اسطورى قاطعو من راسي, مما يحكى عنه أنه أتى قومه - ذات سخانة تلحم - يخطب فيهم فقال: يا وهم, انتو قايلين نفسكم منو ؟! انتو الله ما ليكم ولا شنو ؟! نحنا والله حافظكم واحد واحد .. الكان فيكم جيعان ما لاقي ياكل نحنا عارفنو .. والكان فيكم ببيت القوا نحنا عارفنو .. والكان فيكم مقطع وعريان نحنا عارفنو .. والكان فيكم ######ان ما لاقي صابونة يستحم بيها و .. نحنا جيناكم .. ولميناكم .. ونضفناكم .. وانقذناكم .. اكلناكم مما نزرع .. ولبسناكم مما نصنع .. وبقيتو تتعشوا بيتزا وتفطروا هوت دوغ يا اولاد الهرمة.. هسع حرقكم ؟ّ! عاوزين تتنغنغوا طوااااالى كده ؟! ما دايرين ليكم شوية ابتلاءات نمتحنكم بيها ؟! انتو ما سمعتو ان مع العسر يسرا ؟! نحنا والله مستهدفين في ديننا .. ومستهدفين في عزتنا يا مقطعين .. والذي لا اله الا هو .. لو أني استقبلت ما استدبرت من أمركم ما انقذتكم يا رمم .. كان حياتكم دي .. لي يوم الدين .. تقضوها بال###### والعفن والجوع الكنتو فيهو .. والهوت دوغ ده !! في السينما ما تشوفوهو يا رجرجة يا دهماء .. خلاص بقيتو جنكم بيتزا ؟! والله تاني سجق ساي ما تلمو فوقو .. قال هوت دوغ قال !!
ثم حمد الله واثنى عليه ورقص قليلا ونزل عن منبره .. ولله الامر من قبل ومن بعد .
|
|
|
|
|
|
|
|
Re: هوت دوغ بتاع فنيلتك ! (Re: محمد حيدر المشرف)
|
** ود المشرف **سلام ## هتهتم ياريس ,, وبزبزهم ياوزير ,, الخفير بيفطر لانشون والمارتديلا للتبذير ** وجب جب جب ,, وحت النبق .. ## منعناكم اللحمه وخليناكم فى الزحمه ,, اكلناكم التونا ولم شبعتو نسيتونا . ** وجب جب جب ,, وحت النبق .. ## جيبنا ليكم الكنتاكى والطيورالبتكاكى ولبسانكم الكاكى .. ## عرفناكم السندوتشات وجبنا ليكم مطعم جاد ** وجب جب جب ,, وحت النبق .. ## جبنا ليكم التفاح ونبق فارس اصبح مُتاح .. ** وجب جب جب ,, وحت النبق ..
مشروع قصيده على إيقاع السيره وهاك ياعرضه .. (اللهم أنقذنا مِمن أتوا لإنقذنا)
| |
|
|
|
|
|
|
Re: هوت دوغ بتاع فنيلتك ! (Re: كمال عباس)
|
شكرا كمال .. وكانت الصورة ماثلة في بالى والرجل شديد الانفعال بساندويتشات الهوت دوغ كمقابل للتطور والرخاء والرفاهية الانسانية في خياله المحدود تأريخيا بذاكرات مستجدي النعمة ..
Quote: لم يستفيد البشير من الإيجابي في بلدان الغرب وإنما كانت سدرة منتهاه هو القشور-الهوت دوغ - وحقا علي قدر أهل العزم العزائم! فهذا الشخص " البطيني" لايعنيه من الغرب سوي الهوت دوغ ! وهو بذلك ينمي الإستهلاكية لدي شعبه ويشجع علي اللهث وراء القشور !!
|
| |
|
|
|
|
|
|
Re: هوت دوغ بتاع فنيلتك ! (Re: منتصر صلاح)
|
منتصر صلاح .. كيفك وكيف كيفك يا عزيزي ..
Quote: استفزاز ما بعدو استفزاز
|
لا اعتقد ان الاستفزاز هو المعني الذي اراد ايصاله للناس .. هو لا يعلم وبصورة كارثية جدا ان الموضوع ده اصلا فيهو استفزاز و كاوضح ما يكون الرجل والنظام يمر بمرحلة عزلة تاريخية مر بها العديد من الديكتاتوريين في التاريخ .. الانفصال التام من الواقع العام والتحرك في واقع موازي لا يخرج عن دائرة الحكم الضيقة .. لذلك يفقد امثاله الحساسية العامة .. كما فقدها نميري .. فقدها القذافي .. بن على .. شاوشسكي .. استالين .. الخ ..
| |
|
|
|
|
|
|
Re: هوت دوغ بتاع فنيلتك ! (Re: كمال عباس)
|
اللاخ العزيز والاستاذ كمال عباس .. تحية طيبة ..
Quote: وها نحن أمام حاكم-يموت شعبه من الجوع والفقر والمرض-والتشرد والحروب وأصبح رغيف الخبز وقطعة الكسرة حلما-وأضحي الناس يتسولون لدفع قيمة روشتة العلاج ورسوم الدراسة- في هذا ا لجو البائس والملبد بأخبار زيادة الأسعار-يخرج هذا الشخص الذي - يجثم علي صدر الشعب لما يقارب من نصف قرن من الزمان- يخرج ليحدثنا عن الهوت دو غ |
ليس للجنرال من يكلمه .. ليس للحكام من يكلمونهم يا كمال .. القطيعة البائنة بينه وجماهير الشعب السوداني تفضي لمثل هذا الحال .. وهذه العزلة اختيارية .. لا يرغب القتله في رؤية وجوه من قتلوهم صباح مساء .. يلوذون بالقصور .. يستقبلون الحاشية والارزقية والخدام .. يدلقون في آذانهم ما يدوا ان يسمعوه : يا سعادتك الشعب السوداني ده في عهدك بقى يفطر بالهوت الدوع ويتعشا بالبيتزا فتنتفح اوداج الوهم المزمن .. هكذا يجدون سبيلا لمعايشة آثامهم الكبيرة يا كمال .. وهكذا يصدقونها
صبرا يا كمال فان الموعد قريب !
| |
|
|
|
|
|
|
Re: هوت دوغ بتاع فنيلتك ! (Re: عبدالكريم أحمد الامين)
|
يا لهذه الجبجبات الباذخة يا سعادة المستشار .. حت النبق تحت الشمار وحرض كل الدفوف الراقصة في موسم الغياب الأخير ..
يا لهذا الاسف العميق يا سعادتك .. فالحكم لم يعد مقياسه العدل والسلام حفظ الحقوق وتحمل الامانة الوطنية .. الحكم عاد مقاسه سندويتشات الهوت دوع والبيتزا ..
لعنة الله عليهم .. ولعناتنا .. ولعنات العالمين
| |
|
|
|
|
|
|
Re: هوت دوغ بتاع فنيلتك ! (Re: محمد حيدر المشرف)
|
** ود المشرف **سلام ## هتهتم ياريس ,, وبزبزهم ياوزير ,, الخفير بيفطر لانشون والمارتديلا للتبذير ** وجب جب جب ,, وحت النبق .. ## منعناكم اللحمه وخليناكم فى الزحمه ,, اكلناكم التونا ولم شبعتو نسيتونا . ** وجب جب جب ,, وحت النبق .. ## جيبنا ليكم الكنتاكى والطيورالبتكاكى ولبسانكم الكاكى .. ## عرفناكم السندوتشات وجبنا ليكم مطعم جاد ** وجب جب جب ,, وحت النبق .. ## جبنا ليكم التفاح ونبق فارس اصبح مُتاح .. ** وجب جب جب ,, وحت النبق ..
مشروع قصيده على إيقاع السيره وهاك ياعرضه .. (اللهم أنقذنا مِمن أتوا لإنقذنا)
| |
|
|
|
|
|
|
Re: هوت دوغ بتاع فنيلتك ! (Re: عبدالكريم الامين احمد)
|
الاعزاء .. استاذنا كمال عباس المستشار عبدالكريم .. الاخ العزيز منتصر .. كبيرنا فيصل .. والباشمهندس كيكي .. ياااا أبناء الشتات السوداني العظيم .. شفتو البقت في الشعب السوداني ؟َ!
سأعود غدا اليكم واحدا واحدا يا أصدقاء .. واخليكم مع هاشم صديق ..
| |
|
|
|
|
|
|
Re: هوت دوغ بتاع فنيلتك ! (Re: فيصل محمد خليل)
|
حبيبنا واستاذنا فيصل ..
بيع قميصك واتعشى بتزا .. الكمية محدودة جدا .. لا يوجد هوت دوغ بعد العرض ..
هناك وطن مهزوم غرب القلب .. تجاوزه عزيزي نحو قطع السوبر سوبريم والببروني, انزل قليلا لن تجد الجنوب .. كن كما انت لا تتحرك !!
| |
|
|
|
|
|
|
Re: هوت دوغ بتاع فنيلتك ! (Re: محمد حيدر المشرف)
|
وحتى الغد, طريت لى بوستا مغبووووون كتبتو قبل فتره
إبتسم عزيزي المواطن .. أنت شاذ أفقى!!
هكذا تحدث عنك عمر البشير !.. هكذا يرد إليك رئيس المؤتمر الوطنى جميل الصبر على معاناة امتدت لربع قرن من الزمان .. عاثوا هم فيها فسادا غير مسبوق .. فصبرت شردوا الملايين من أبناء الشعب السودانى حتى طفقوا يجوبون الدنيا سعيا وراء العيش الكريم .. فصبرت إعتقلوا عشرات الآلاف أهل البلاد ومارسوا معهم ابشع صنوف التعذيب .. فصبرت قتلوا وشردوا وإغتصبوا وأحرقوا ودمروا البلاد تدميرا .. فصبرت قادوك لحروب داخلية تمتد على طول خارطة البلاد فى الجنوب وفى الغرب, فصبرت فرطوا فى السيادة الوطنية حتى انتهشت الدول اطراف البلاد السايبه .. فصبرت خجوا صوتك الانتخابى خجا .. فصبرت .. قسموا بلادك .. فصبرت نهبوا وسرقوا مواردك الوطنية .. فصبرت دمروا مشاريعك الزراعية والصناعية .. فصبرت نشروا الكراهية والبغضاء بين أهل السودان .. فصبرت سلبوك اموالك واثقلوا كاهلك بالضرائب والزكاة والعوائد ودمغات الشهيد وغرامات المرور وتصاريح السفر وفواتير الكهرباء والماء والتعليم والصحة ونظافة البيئة .. فصبرت ولا تعليم هناك ولا صحة ولا بيئة .. فصبرت شادوا القصور الشامخة من حر مالك .. فصبرت انشأوا شركاتهم العملاقة لهم ولأبناهم واهليهم على حسابك .. فصبرت سمسروا فى كل قرض استدانوه باسمك .. فصبرت باعوا ملايين الافدنة من أرضك الزراعية للاجانب .. فصبرت دمروا الاقتصاد الوطنى حتى اصبح الجنيه السودانى لا يساوى الورقه التى تحمله .. فضاعفوه أضعافا مضاعفة حتى عاد الجنيه القديم يساوى ألفا مما يسرقون .. فصبرت كان الدولار الامريكى يساوى 8 جنيهات من عملتك الوطنية عندما جاؤوا لانقاذك كما يدعون فاصبح الدولار اليوم يسوى 6 الف جنيه سودانى .. فصبرت هذا وعندما بلغت روحك الحلقوم .. وضاق الخناق عليك حتى لم تعد قادراً على الانفاق على نفسك وأهلك .. وكنت على شفا حفرة او ادنى من الهلاك .. ولم تعد تطيق مع الجوع والمرض والفساد صبرا .. قالوا عنك شاذا افقيا .. فابتسم عزيزي المواطن.. براك جبت الكلام لى نفسك ..
| |
|
|
|
|
|
|
Re: هوت دوغ بتاع فنيلتك ! (Re: معاوية المدير)
|
ههههههه ودالمدير .. مرقتها لا عن ميكي ماوس وشخصيات والت ديزني غير المنتمية .. انت ناس لولو وسوسو ديل ابوهم منو ؟! والجده بطه دي عايشه براها ليه .. اعتقد انو معاهو واحد كسلااااان كده نسيت اسمو ؟؟
دي شخصيات ابدا ما جاده .. وليهم حق كما رئيسنا يغنوا للهوت دوق ؟!!
| |
|
|
|
|
|
|
Re: هوت دوغ بتاع فنيلتك ! (Re: محمد حيدر المشرف)
|
Quote: ههههههه ودالمدير .. مرقتها لا عن ميكي ماوس وشخصيات والت ديزني غير المنتمية .. انت ناس لولو وسوسو ديل ابوهم منو ؟! والجده بطه دي عايشه براها ليه .. اعتقد انو معاهو واحد كسلااااان كده نسيت اسمو ؟؟
دي شخصيات ابدا ما جاده .. وليهم حق كما رئيسنا يغنوا للهوت دوق ؟!! |
هههههههههههه،
اما إذا سألت عن عم دهب، فكلهم عم دهب. والله صحي...
| |
|
|
|
|
|
|
|