|
بمناسبة محاكمة أميرة عثمان اليوم فى جبل أولياء ( شهد شاهد )
|
منقول من ( حريات )
Quote:
شهادة من الناشط محمد حمد حول انتهاكات النظام العام
September 17, 2013
(محمد حمد – فيسبوك) في الإجازة بعد نهاية الشهادة السودانية وبعد المعسكر مشيت اشتغلت صبي مغلق في السجانة من الصباح للعصر يوم بعد الشغل قررت امشي لي صاحبي محمد عبدالرحمن في شمبات لقيتو جايي من الدافوري بعد السلام والأشواق خش غير هدومو بي كاكي بوليس وقال انا سادي في الكبسولة الجمب مجمع شمبات بين الجامعة وداخلية البنات قال لي يلاكا معاي نتم باقي ونستنا هناك، انا اترددت ياخي بوليس وكبسولة ما حتة ونسة بجيك مرة تأنية، قال ياخ عليك ورح مافي شغل زاتو عطلة ساي وبقي يقدم في إغراءات، الجو هناك ظريف وفي جكس هناك عجيييييب جكس الجامعة طعمو براااااو يا مان المهم مشيت. الكبسولة فيها زي and#1640; أفراد and#1636; منهم ناس وردية الليل والـand#1636; التانين ورديتهم بتاعة الصباح انتهت لكن ماعايزين يمشو إلا بعد الليت بتاع الداخلية ينتهي عشان يتفرجو ويشاغلو الجكس. كل المشاغلات كانت أوامر استعلائية ومحاولات خلق مشكلة من نوع ارفعي طرحتك ياهووي، بطلي ضحك، امشي عديل ، بتتلفتي مالك والله ندخلك جوا نوريك شعاع الموضوع ببساطة كان حقارة والهدف منو المشاغلة إلا إنو البنات بتحاشو المشاكل وبحالو بقدر يتجنبوهم الغريبة بعد ما تمشي البت الأمروها برفع طرحتها بكون التعليق فيما بيناتم شفت الشعر دا ناعم كيف أحيييي انا وتعليقات من اووووب علي انا من السماحة عاين الاسكيرت دا لاصق كيف أبقي اسكيرت انا، أما القال ليها أمشي عديل يا بت بعد ما مشت عديل قال اراهنكم لو جات بت قوامها احسن من دي. في خضم مزاد التعليقات الشهوانية دا جا واحد شكلو حنكوش ( ود ميكي)مُقدّم and#1635; من زميلاتو كلهم انتبهو ليه وشكلو كل يوم بجي واحد قال الود ( الصيص) دا مسيطر علي الجكس النضيف دا أنا شاميهو شمّة لحظة سكوت لحد ما ود ميكي حاذي الكبسولة طوالي قال اسمع يا هوووووي انت ماشي وين ؟؟ طوالي الود اتلفت بي عدائية وقال ليه انت مالك ومالي، طوالي قامو عليك امسكك جُرك دخلوه الكبسولة ودق من طرف لا إجراءات لا يحزنون رغم كترتهم إلا انو الود ضرب مثال للبسالات والشجاعة هم زاتهم يتفاجأو فيه. الخبر وصل داخلية الأولاد وفي اقل من and#1636; دقائق كل الداخلية جات مارقة شايلة بي غضب شديد والعساكر سابو الود وجري علي عربية الدورية سابو جزمهم وغاراتهم وكل متلزماتهم بي رعب شديد وأنا زاتي جريت ركبت معاهم . كلهم كانو برجفو وبحمدو الله علي نجاتهم سالمين. اكتشفت انو الدوافع لأي أوامر هي رغبات زاتيه ما عندها علاقة بالقوانين، وأي معاكسات للبنات من ما يسمون انفسهم برجال القانون ما هي إلا رغبات جنسية ومحاولات اغتصاب برهبة القانون الذين يدّعون حمايته. كل العساكر وأجهزة القمع هي مؤسسات هشة و########ة وضعيفة أمام غضب الشعب لأنهم في أداء واجب ثقيل عليهم. إساءة استعمال القانون هي السمة الملازمة لي عمل المؤسسات دي وما بنكر وجود المنحازين للشعب والأمناء الصادقين كأبوزيد مثلا لكن الغالبية العظمي منهم تماهو في الانتهاكات لعدم وجود الرقابة الداخلية ونحن لو كتفنا يدينا كدا كل يوم حنشوف زولة بجلدو فيها وزولة مغتصبة وليس لنا غير التحسر والسباب
|
|
|
|
|
|
|