|
|
 اللوتري على الأبواب.. العايزة تقدم ترسل لي صورتا ..!!
|
الأخوات العزيزات ..
سيبدأ التقديم للوتري في شهر أكتوبر بإذن الله .. ونظراً لما تعانيه الفتيات في السودان من معاكسات النظام العام فإنني فكرت في طريقة أقدم بها يد العون لهن من خلال المساعدة في التقديم لي اللوتري مجاااناً قبل وبعد الفوز بمشيئة الله ..
البيانات المطلوبة صورة فوتوغرافية ملونة بي أي مقاس وأهم شي تاريخ الميلاد ومكان الإقامة الحالي والمتوقع في حال الرحول من منطقة لي منطقة حتى يسهل الإتصال بها في حال فوزها باللوتري..
وبعكس المرات السابقة فإن فرص الفوز ستكون أكبر لغير المتزوجات حسب قانون الهجرة المعدّل لعام 2013 والمقترح من عمدة فلادلفيا والمجاز من مجلس الشيوخ الأمريكي منتصف هذا العام..
الحمد لله السنة الفاتت قدمت لي مجموعة من الشابات لي اللوتري وشالو منهم تلاتة ..إتنين منهم أسة والدااات هي قصدي شغالااات في أمااانة الله في شركة محترمة جداً في ديترويت ..
تنويه مهم جداً للناس البتقرا البوست ده (العايزة) دي ما إتكتبت ساي وتاء التأنيث دي ما صدفة ..وعليه ما ح ننظر في طلبات (العايز) ..
تخريمة :
يقرأ هذا البوست بمصاحبة الإعلان الوارد في جريدة الإنتباهة بخصوص مواصفات مقدمة الطلب ..
|
|
  
|
|
|
|
|
|
|
|
Re: اللوتري على الأبواب.. العايزة تقدم ترسل لي صورتا ..!! (Re: زهير عثمان حمد)
|
سلام يا فاروق و سلامات لضيوفك
Quote:
والله يا خالد كان عندنا جارتنا محسية الله يرحمها إسمها شهاوي كانت تاعبا ليك نسوان الحلة تعب شديد بي اللخبتة دي ..
تجي لي ناس أمي تقول ليهم :
هي إل مارا ماتت ..
أمي تمشي تعزي ناس البكا على أساس إنها أمهم يطلع المات أبوهم .. :) :) :) |
Quote:
ما حسع دا زاتووو المحيرني مع صديقنا محمد الصايم ..
..
يتصل علي ونتونس بالساعات الطوال .. في النهاية اكتشف ليك انو ما كان قاصدني |
جارتنا في ابي روف اسمها القانون، حكى لي عمي انه ابوه (جدي) ارسله لبيت ناس القانون عشان يدعيهم لمناسبة، المهم لما مشى البيت لقى
زوجها امام الباب فطوالي دخل فيهو شمال و قال ليهو "يا عمي القانون ابوي قال ليك ...." و قبال ما يتم كلامة الراجل مسكو و خنقو وقال ليهو
"قانون يا كلــب؟ القانون مرة اشتريتها بقروشي" غايتو بعد داك ما مرقوهو الا كرعيهو
خالص امنياتنا للمتقدمات للوتري بحظ سعيد و بالله بعدما يفوزن و يجن امريكا اديهم تلفوني و اخوك بجيهن ليك تب و ما بتجيهن عوجة
| |
|
|
|
|
|
|
| |
عمر الفاروق
خالد عبد الله محمود
ABUHUSSEIN
tmbis
عزالدين عباس الفحل
زهير عثمان حمد
elsawi
فيس بوك
تويتر
انستقرام
يوتيوب
بنتيريست