|
أقتراح عملي بشأن أسقاط الانقاذ .. شكراً الصديق ( ايسو )
|
Quote: لا للغلاء .. والغالى متروك .. مقاطعة اورنيك 15 المشهد القادم : المحروقات ح تزيد .. الناس كالعادة ح تسكت .. المعارضة ح تجعجع .. الحكومة حتاخدا العزة بالاثم .. والفجور الاخلاقى .. والعالم الخارجى ما شغال بينا .. طيب والحل شنو ؟؟؟ الحل ببساطة .. قالوا سيدنا عمر رضى الله عنه قبل 1400 سنة أو يزيد .. الغالى متروك .. هل نقاطع الوقود والخبز .. لا .. ما ديل .. نحنا ح نقاطع التعامل المالى مع الحكومة .. ح نقاطع اورنيك 15 و ح نقاطع خدمات الحكومة البقت غالية .. اضافة الى رداءتها .. ومحسوبيتها .. ما ح نقالعا .. ولا حناكل حقها .. اللى هو اكيد ما حقنا بحكم القوى على الضعيف .. وما ح نطلع الشارع .. ولا ح نعمل جوطة .. ولا عصيان مدنى .. نحنا ببساطة ح نستغنى عن خدمات الحكومة لمدة شهر واحد .. .. ما ح نشترى كهربا .. بس ح نشترى 200 كيلو الدعم الاولى ونقتسط ما ح نعمل معاملات مالية ونستخرج ارانيك مالية .. ح ناجلا شهر اجل ترخيص عربيتك الشهر الجاى .. اجل تخليص الجمارك الشهرى الجاى .. اجل معاملاتك فى الاراضى او اى وزارة حكومية للشهر الجاى ما ح ندفع رسوم نفايات .. ولمن تجى العربية نقول ليها شكراً جزيلا الشهر دا ما عندنا نفايات .. الشهر دا نحنا نضاف .. ح نعلن رفضنا بكل ذوق .. وأدب .. وقانونية .. ومافى زول ح يجبرنا ياخ ما دايرين .. بطلنا .. مش حُرين .. وح نعمل حركة جديدة .. على العالم .. اهى ثورة من نوع جديد ما اصلا نحن شعب الابتكار .. نثور فى وقت العالم ما عارف معنى انتفاضة ونركع فى وقت العالم كلو جاب حقو بضراعو .. بس المرة دى جبناها كبيرة جد .. كدى فكرو فى كلامى دا .. عارفين ح يحصل شنو ؟؟ ح نرّكع وزارة المالية .. لمدة شهر وبدل ما نحنسا نقول ليها ما ترفعى الدعم .. ح تجى تحنسنا وتقول عليكم الله خلاص غلبنى كتر علي .. يا سادتى الاعزاء المالية ح تخسر تلاتة ارباع دخلها لمدة شهر .. ولو كبرت راسا نزيد شهر تانى .. لمن راسا يجى .. بس نستحمل .. لمدة تلاتين يوم صعبة دى ؟؟ كدى فكرو فى كلامى وقرروا ..!! |
منقول من صفحة الصديق ايسو بالفيس بوك
|
|
|
|
|
|
|
|
Re: أقتراح عملي بشأن أسقاط الانقاذ .. شكراً الصديق ( ايسو ) (Re: محمد البشرى الخضر)
|
Quote: يا بخاري زول قاعد في السودان جاب الرومانسية دي من وين؟ ما عارف لو ما رخّص عربيته ح يدفع غرامات في الشهر دا أكتر من حق الترخيص ولو ما خلّص بضاعته حتتحسب عليها ارضيات لمدة شهرقد تفوق قيمة البضاعة نفسها دا كلو كوم وقصة يقتسط او يقتصد في الكهرباء دي كوم تاني واعتقد النفايات دفعها ما اختياري ولاّ ما كدا |
ود البشري والله لا رومانسية ولا حاجة
الغالبية لا تستخدم عربات يعني العدد الفضل دا يتحمل مع الباقين
الكهرباء في تجارب حية اتعملت والكلام دا حصل في الديم مع بداية الجمرة الخبيثة ولحدي هسه في بيوت
بتعمل كده .
النفايات تحصيلها اصلا ما بتم باورنيك 15 وهي شركة تابعة لمتنفيذين في الحكومة ..
عموما جوهر الدعوة دي ان الشعب كيف يقدر يضغط علي الوزارة بتاعت المالية بتقليل
ايراد المال ليها ..
| |
|
|
|
|
|
|
Re: أقتراح عملي بشأن أسقاط الانقاذ .. شكراً الصديق ( ايسو ) (Re: Frankly)
|
Quote: . قالوا سيدنا عمر رضى الله عنه قبل 1400 سنة أو يزيد .. الغالى متروك .. هل نقاطع الوقود والخبز .. لا .. ما ديل .. نحنا ح نقاطع التعامل المالى مع الحكومة .. |
سلام يا بخارى ... عساك طيب
بالنسبه لكلام صديقك ايسو ...
لا نظريا لا عمليا ما مبلوع .... الدوله عندها فجوه ماليه .... ببساطه قامت اتخدت من سلع اساسيه طوق نجاه
ودا فعليا بوفر للجماعه ديل قروش عشان يقدرو يلحقو يوفروا البند الاول من الميزانيه اللى هو المرتبات على الاقل.
وكلام الشاب دا فعليا الناس حتنفذوا ،، ما عشان تسقط الحكومه ، لكن عشان تلحق روحا هى زاتا من السقوط ...
لانو صدقنى بعداك الحاله حتصعب على الغالبيه ، فمافى زول حيستهلك كهربا او حيرخص عربيتوا .
التحيات
| |
|
|
|
|
|
|
|