|
|
 العايز قروش استثمر في العرقي بالسودان .....
|
من انجح الاسستثمارات وغير مكلف البنيه التحتيه تشوف ليك مغترب ما قادر اكمل عمارتو تحرسها ليهو اكيد حا تقعد فيها اقل شيء عشرة سنوات تعتبرها الخطه العشريه للاستثمار حتي تبني ليك بيت عشوائي ادوات التقطير غير مكلفه برميلين زائد جردل مويه مبلغ التشغيل للبلح والحطب والخميره لا يتعدي الف دولار حسبناها بالدولار عشان اكون استثمار اجنبي وختينا اعتبارات الرشاوي لي ناس الانضباط العام نقدا مع تخصيص رشاوي عينيه حوالي خمسين زجاجة عرقي عشان تعرف الكشات متين وتعمل حسابك .... ممكن الاستثمار إطور لو دعمته التوزيع برقشه سلفية من البنك.
كده بكون عندك مصنع مع مندوب مبيعات.
اهم شيء الابتعاد من الغش التجاري عشن الشهرة حكاية السفنجات وصفق النيم تلخبتو مع العرقي قبل التقطير ممكن يؤدي لفشل الاستثمار لعدم مطابقة المواصفات الجيدة والزبائن بطيرو.
دراسة الجدوي الاقتصادية المبدئية المشروع ناجح مليون في المئة اما من ناحية دينيه صاح الخمر يضر بالصحة ويذهب العقل لو حسبناها حسبه عاقله افضل تسرق مع الكيزان وتزيد معاناة الناس و ل تشتغل ليك شغله تاكل منها عيش لو قلته شغلة شد العرقي بتضر الناس في ضرر اكثر من القتل من لم يمت من الجوع أو حروب المؤتمر الوطني بلقي المرض وعدم الدواء واقف ليهو بالمرصاد كمقارنه بين شد العرقي والبتعمل فيهو الحكومة بتلقي انت بتعمل في الاقل ضرر واكثر فائدة كونو الناس في حالتهم الصعبه إلقو ليهم شوية ترفيه ليلي ما بطال وعلي الاقل اطلعو من جو الحياة الصعبه والقرف الحاصل حولهم ولا يضير مع نشوة الخمر الناس ترفع كاس للوطن علي صحة صاحب الاستثمار اللهو انت وكده بتجيك انبساطه في شكل دعوة وامنيات بطولة العمر.
نوع الاستثمار البنتكلم عنو الحكومة بطريقة غير مباشرة بتدعمو ما دام انت ممشي امورك مع ناس الانضباط وبتكون حليت ليها مشكله شعب سكران علي طول مافي داعي اصحي وكان صحي عشان شنو !!!
هل يوم سمعنا بمؤتمر مكافحة الكحول ما تقول لي السيول ما عملو ليها مؤتمر لانو ما بتحتاج ليه ؟؟ الحكومة بتعتبرها قدر من الله ... أها صدقتو حكومتنا ما عندها شغله بالعرقي.
والبنشوفو من تخبت وجلد للنسوان من شرطة الانضباط قرفه وزهجه منهم وليها اسبابها المنطقيه ، في حكاية الاستثمار عندنا في السودان ما دام انت بتربح لازم تاكل الحكومة معاك ولو ما مصدقين اسالو المستثمرين العرب الطارو وجرو بعد ما لملمو باقي قريشاتهم ولو ما فكو البيرق وسافرو برضو كان جلدوهم لانهم جلود ما بدفعو تحت التربيزة كمان البستثمرو من الجنس الاخر بعيب عليهم ما بدفعو عشان امشو امورهم ولو دفعو بتكون حاجة تعبانه.
جماعه بتاعين طشه عندهم قزازة عرقي واحده وهم اربعه وما عارفين يشربو كيف !!!!!
لو كل واحد شرب شويه وادى الثاني في واحدين بعملو خيانات.
في واحد قال ليهم انا عندي فكره:
جيبو كيس ، وحفر ليهو حفره في الارض و ختا فيها الكيس وكبا العرقي !!
واحد منهم متابع الموضوع ....
لما شافهم ختو كيس العرقي في الحفره
قال ليهم
ديييييييييييييييييييييييييييييييينك شتلها.
أها لو الزول شتل الاستثمار وعمم الفائده ما بتجيهو عوجه ما قلت ليكم العايز قروش اقع العرقي وده بكون اغترابك داخلي لا ضرائب لا تجديد اقامة لا كشات.
حقوق الفكرة الاستثمارية مسجلة باسمي........
|
|
 
|
|
|
|
|
|
|
|
Re: العايز قروش استثمر في العرقي بالسودان ..... (Re: عباس الدسيس)
|
سلام يا عباس
رغم إنو البوست شكلو كشة كشة كدا
لكن دي حلوة
| Quote: كونو الناس في حالتهم الصعبه إلقو ليهم شوية ترفيه ليلي ما بطال وعلي الاقل اطلعو من جو الحياة الصعبه والقرف الحاصل حولهم ولا يضير مع نشوة الخمر الناس ترفع كاس للوطن علي صحة صاحب الاستثمار اللهو انت وكده بتجيك انبساطه في شكل دعوة وامنيات بطولة العمر. |
قال ليك ناس البريد في الحصاحيصا ومعاهم مجموعة من بريد مدني كانوا قاعدين قعدة كاربة وشرابهم كان جن بس
لما شبعوا وإنبسطوا تمام قالو إلا يرسلوا رسالة لشركة الجن
جابوا القزازة وأخدوا العنوان وعملو برقية كتبوا فيها :
نحن قاعدين هنا في الحصاحيصا ومبسوطين منكم ومن جنكم الله يديكم العافية
شفت الدعوات دي كيف ؟
| |
|
|
|
|
|
|
|
|
|
Re: العايز قروش استثمر في العرقي بالسودان ..... (Re: عباس الدسيس)
|
حبيبنا الاولاني عبس ويييييييييييييييين يا حنين .. اها قلت لي يعني الواحد يتوكل على الحي الدائم ويشرع في التنفيذ .. خلاص المرحلة الاولى للمشروع دي اعفينا من رسوم الإنتاج ورسوم الدمغة ورسوم دراسة الجدوى الإنت عملتها دي ويا ريت لو شفت لي ناس البنك زملائك الزمان في موضوع الركشة عشان التوزيع وكده ..
غايتو يا عبس افكارك دائما تحير الما بتحير ,, غايتو الله يصبر درديري عليك والباقي تمو خيال ...
تحياتي : ياسر العيلفون
| |
|
|
|
|
|
|
|
|
|
Re: العايز قروش استثمر في العرقي بالسودان ..... (Re: ياسر السر)
|
Quote: من انجح الاسستثمارات وغير مكلف البنيه التحتيه تشوف ليك مغترب ما قادر اكمل عمارتو تحرسها ليهو اكيد حا تقعد فيها اقل شيء عشرة سنوات تعتبرها الخطه العشريه للاستثمار حتي تبني ليك بيت عشوائي ادوات التقطير غير مكلفه برميلين زائد جردل مويه مبلغ التشغيل للبلح والحطب والخميره لا يتعدي الف دولار حسبناها بالدولار عشان اكون استثمار اجنبي وختينا اعتبارات الرشاوي لي ناس الانضباط العام نقدا مع تخصيص رشاوي عينيه حوالي خمسين زجاجة عرقي عشان تعرف الكشات متين وتعمل حسابك .... ممكن الاستثمار إطور لو دعمته التوزيع برقشه سلفية من البنك.
كده بكون عندك مصنع مع مندوب مبيعات. |
بس كمان يا عبس الوضع يختلف من مكان لأخر ، يعني إنشاء معمل مصنع عرقي الرياض ، يختلف عنه في أمبدة مثلاً والأدوات المسعملة لازم تكون مختلفة ـ
وبالتالي دراسة الجدوى قابلة لإعادة النظر وفق الظروف الزمانية والمكانية
وكمان في حاجة تانية ، مستحيل تعمل ليك إستثمار في السودان دون ما يكون الكيزان طرف فيه ـ
أها في الحالة دي ممكن تستعين ليك بتمساح أب جاكومة عشان يكون عندك ضهر قوي ، وبكدا العرقي ممكن يتقلب لموية بكل سهولة لما تحصل الكعة
| |
|
|
|
|
|
|
|
|
Re: العايز قروش استثمر في العرقي بالسودان ..... (Re: محمد حمزة الحسين)
|
Quote: Attagi Osman · محرر في صحيفة الصحافة
يا دسيس انت من زمن التقطير والبرميلين وجردل الموية .. اسي القصة بقت وارد كنانة ايثانول وكدا .. تجيب ليك عبوتين وتخلطهم بنكهة جوافة وتوزعوا باعتباروا عرقي جوافة بهايس أو ركشة وكان الله يحب المحسنين صناعتهم وتوزيعهم |
Attagi Osman يا حبيبنا سلام وتحية
ياخ انت زول روعه اهو الافكار المكملة للدراسة بدأت تظهر
الظاهر احنا جيل قديم كده خشت الحداثة في الشغل مع تطور عمليات التصنيع للعرقي
| |
|
|
|
|
|
|
|
|
|
Re: العايز قروش استثمر في العرقي بالسودان ..... (Re: عباس الدسيس)
|
Quote: قال ليك ناس البريد في الحصاحيصا ومعاهم مجموعة من بريد مدني كانوا قاعدين قعدة كاربة وشرابهم كان جن بس
لما شبعوا وإنبسطوا تمام قالو إلا يرسلوا رسالة لشركة الجن
جابوا القزازة وأخدوا العنوان وعملو برقية كتبوا فيها :
نحن قاعدين هنا في الحصاحيصا ومبسوطين منكم ومن جنكم الله يديكم العافية
|
حمد سلام يا حبيبنا
جديدة ما بتكون سمعتها ..........
قالو ليك في شلة بتاعت طشة لما اسالو من بعض الجماعه وين ؟؟؟
بدخلو اضافات في جملة تعريف الجماعه وين ما عايزين اجيهم هواء و ل ناس الانضباط اكشوهم .
مسطول جاء ماشي مع واحد منهم سمعو بسأل الجماعه وين ؟؟؟
قالو ليهو فالن وفلان مشو استعرقو ((من عرقي)) والجماعه البقيه مشو استمرسو ((من مريسه))
قاتل ليهو والله حكايتكم صعبه اخير لينا بنقونا لو سال زول نقول ليهو مشي إستنبق حسي حكايتكم لو فيها مستورد كونياك كان تقولو شنو !!!!!
| |
|
|
|
|
|
|
|
|
|
Re: العايز قروش استثمر في العرقي بالسودان ..... (Re: عباس الدسيس)
|
Quote: حبيبنا الاولاني عبس ويييييييييييييييين يا حنين .. اها قلت لي يعني الواحد يتوكل على الحي الدائم ويشرع في التنفيذ .. خلاص المرحلة الاولى للمشروع دي اعفينا من رسوم الإنتاج ورسوم الدمغة ورسوم دراسة الجدوى الإنت عملتها دي ويا ريت لو شفت لي ناس البنك زملائك الزمان في موضوع الركشة عشان التوزيع وكده ..
غايتو يا عبس افكارك دائما تحير الما بتحير ,, غايتو الله يصبر درديري عليك والباقي تمو خيال ...
تحياتي : ياسر العيلفون |
حبيبنا ياسر الرجل الفنان اخبارك والاسرة الكريمة
لو نونيت قول لي عوك انا بشاركك وعشان تطمئن وعارفك ما بدور سيرة البوليس الادارة بمسكها ليك انا
انت تعال نهاية السنة مع الميزانية شيل الارباح واختفي...
وحكاية الرقشه بي اسمك بتجيب ليك هواء خليها باسم السجل التجاري
خارج النص:
بعد العيد ما تقول مرتبط عايزك في حفلة بتصل عليك
| |
|
|
|
|
|
|
|
|
|
Re: العايز قروش استثمر في العرقي بالسودان ..... (Re: عباس الدسيس)
|
| Quote: أها في الحالة دي ممكن تستعين ليك بتمساح أب جاكومة عشان يكون عندك ضهر قوي ، وبكدا العرقي ممكن يتقلب لموية بكل سهولة لما تحصل الكعة |
حبيبنا محمد علي البصير سلام وتحية
معني كلام استعين بشيخ علي عثمان عديل
ما تقول الراجل ضارب قروش الاقطان امكن اطلع لي بعينة جديدة عرقي بذرة قطن
وصيتك في التنك معناها ما نوزع باكياس نرجع للزجاج زي شامبيون ونعمل الشعار لوزة قطن
وبكده ممكن مشروع الجزيرة اكون عندو امل ارفع راسو تاني.
شيخ علي عثمان قالو مرشح اطير شوف بالله احنا طيبين كيف شالونا الصالح بتاعم ونخلق ليهم في الوظائف
تحياتي يا الحبيب
| |
|
|
|
|
|
|
|
|
|
Re: العايز قروش استثمر في العرقي بالسودان ..... (Re: عباس الدسيس)
|
Quote: ياخى نحنا ما صدقنا القرف البعملوا العرقى ادونا عرض اكتافم
تجى تعملوا لينا استثمار |
محمد حمزه الحسين سلام وتحية
ياخ لما تجي تعمل ليك مداخله ابدأ بالتحية !!!
بعدين كل زول حر في استثماراتو حسي البعملو فيهو ناس المؤتمر اللاوطني هين ....
بستثمرو في البشر وصلو مرحلة الذي حاج إبراهيم في ربه ((إذ قال إبراهيم ربي الذي يحيي ويميت قال أنا أحيي وأميت )) عشان اقعدو في الحكم وانعمو بالخيرات براهم واقعدو في القصور علي اجساد البني ادميين افضل استثمار العرقي و ل استثمارهم.
بيع الوطن وتحويل المشروعات الحكومية لصالهم .... افضل استثمار العرقي و ل استثمارهم..
الاستحواذ علي الوظائف لمنسوبيهم افضل استثمار العرقي و ل استثمارهم.
طباعة العملة بدون تغطيه وفي جيوبهم ادت الي انهيار الاقتصاد افضل استثمار العرقي و ل استثمارهم.
توزرع الاراضي في مجاري الخريف والحصول علي رسوم عالية من المواطنين والسيل جاء شالهم افضل استثمار العرقي و ل استثمارهم.
بيع الاراضي كقطع استثماريه وكبوها في جيوبهم افضل استثمار العرقي و ل استثمارهم.
كثير وكثير لو جينا نحسبها اقتصاديا وماليا افقرو الشعب افضل استثمار العرقي و ل استثمارهم.
| |
|
|
|
|
|
|
|
|
 Re: العايز قروش استثمر في العرقي بالسودان ..... (Re: عباس الدسيس)
|
يا الدسيس انا اصلى بسلم بعد ما اقول العندى
وبعدييييين انتا لمن كتبتا المشاركة الكووولها اسئلة دى
بالله كنتا فى كامل وعيييك يا زول انتا كل ما يسندوك واقع فى الوطة مالك
انا كنتا قايلك بتهظـــــر وعايز ترفهـ على المناضلين
:
:
:
مع التحيات لله الزاكيات
| |
|
|
|
|
|
|
|
|
|
Re: العايز قروش استثمر في العرقي بالسودان ..... (Re: حامد بدري)
|
كتب محمد حمزة الحسين له التحيه
Quote: فى الفترة السابقه يضبط معباء وليس كمصدر لانوا المصادر
باباااى دسقسطنج بيييبُل |
- كان عامل رايح منك الدرب تعالي نوصف ليك
- السعر والنوع مختلف من منطقه الي منطقه علاقه اقتصاديه بحته (عرض وطلب)
- عشان كده في رمضان السعر يهبط وتتحسن النوعيه
- اكياس الجيلاني (حضاره سادت ثم بادت) يعني كلام المثقفاتيه بتاع
الفرح المعبأ في اكياس( اصبح ما شغال ما بقسم الان )
- كلمه قزازه غير مستعمله الان لتحديد الكميه
- الكرستالات الصغيره هي المسيطره علي التعبئه يوجد كمان حجم عائلي (4 قزازات بالقديم)
- الطياره هو الوسيط بين المنتج و المستهلك والاكثر عرضه للمخاطره بدأ نجمه في افول
- الرقعه هي الرشوه التي يحملها الطياره ان صادفه طاره او نظام عام
- الرقشات وثوره الاتصالات سهلت كثير في انسياب التوزيع....
الطلب عن طريق الموبايلات و SMS و Viber
| |
|
|
|
|
|
|
|
|
|
Re: العايز قروش استثمر في العرقي بالسودان ..... (Re: الفاتح علي التوم)
|
سلام يا دسيس و سلامات لضيوفك
كتب محمد حمزة الحسين
Quote:
ياخى نحنا ما صدقنا القرف البعملوا العرقى ادونا عرض اكتافم
تجى تعملوا لينا استثمار لعلمك يا عباس العرقى المضبوط كولوا
فى الفترة السابقه يضبط معباء وليس كمصدر لانوا المصادر
باباااى دسقسطنج بيييبُل |
و الله مافي قرف غير عنصريتك دي
و الـ Disgusting People ديل كانوا سودانيين زيك واحد و انت ما احسن منهم
بل بالعكس هم احسن منك مية مرة لأنه امراض العنصرية و الإستعلاء دي ما عندهم
| |
|
|
|
|
|
|
|
|
|
Re: العايز قروش استثمر في العرقي بالسودان ..... (Re: elsawi)
|
Quote: إجازي محنك يا عبس (خليتني أضحك ذي المجنون)
تحياتي |
عمده اخبارك يا وجيه
صدقني الجماعه ديل ما تشوف الجلد البعملو فيهو ودعاية الكشات لو ظبطه امورك تزرع بنقو في محل حديقة الحيوان القديمه وممكن تبيع لي ناس المؤتمر الوطني.
تحياتي يا الحبيب
| |
|
|
|
|
|
|
|
|
|
Re: العايز قروش استثمر في العرقي بالسودان ..... (Re: عباس الدسيس)
|
عباس سلام كتير بالحيل
خلي بالك يا عباس القصة دي بقت مكلفة عشان كده حيكون في صعوبة في البيع
فقزازة العرقي لها ما قبلها و ما بعدها ما قبلها مثلا ما بتقدر تشرب في الجوع لازم تكون عضيت مظبوط
اما اذا دار محور سؤالك عن اثناء التعاطي و ما بعده اكتب عنك
1- المزة و دي بالشئ الفلاني ما تمشي تجيب ليك كيس فول مدمس و تقول عايز امزبو لانو دا علي المدى البعيد حيعمل
ليك بهق يعني المزة تكون بت ناس شفت كيفن.
2- كيلو لحم لزوم الحلة و دا طبعا لو انتو اتنين اما اذا زاد العدد زادت كمية اللحوم (دجاج/ سجك/كبده و كلاوي و قلوب ....الخ
3- طماطم و معجون طماطم
4- زيت
5- بصل
6- بهارات
7- خبز
8- حلة السنة لازم تتعمل في كانون شان تكون طاعمة و كده عليه احسبلنا فحم
9- باقي السلطة خيار و جرجير و جزر
10 قربت انسى كيس الشطة
اهه يا عباس لما تجي تحسب ديل بتصرف نظر عن القزازة لانو الحسبة مشت كتيرو الاهم من دا ما في زول بيعزملو اتنين و لا تلاتة زي زمان
يعني يا سيد الامنت ليك موضوعك دا مستحمي
| |
|
|
|
|
|
|
|
|
 Re: العايز قروش استثمر في العرقي بالسودان ..... (Re: elsawi)
|
يا حبيبنا elsawi
ياخى تانى عايز ترجعنا للكلام الما بودى ولا بجيب دا
دى حقائق ياخ ومن مشاركة أغلب الاخوة حتى الزول الوصف لينا الدرب باللون اللبنى داااك
ما وصف لينا المصنع بل وصف لينا التوزيع ووكلاء البيع
وكل المشاركات بتقول انو صناعة الخمور اضمحلت بل رحلت برحول اصحابها المقرفين ديلاك
ياخى انتا ما شايف نحنا كنا متضرريين منهم قدر كيف كل المشاركات قدامك بتقول انو الفرح بقى يا ايثانون
مخلوط يا مستورد أنا شخصياً بتكلم عن القرف الكان بصنّعوا ويكشحوا النُشك فى الزقاقات والميادين والكوش
فياخى اسحب كلامك الشين وما تخرب للدسيس بوستيهو بى اسطوانة العنصرية وهلمجرا لانو عباس دا زول بهجة سااااى
:
:
:
مع التحيات لله الزاكيات
| |
|
|
|
|
|
|
|
|
|
Re: العايز قروش استثمر في العرقي بالسودان ..... (Re: محمد حمزة الحسين)
|
الدسيس
سلام ما يغشاك شر ..
زمان ايام الممالك السودانية كان اهلنا فى الشمال يعتقون العنب ويصنعون النبيذ ...
اتى الاسلام والحمد لله على نعمته وجاءت عمتنا (النخلة) ومعها اصحاب العير ..
المفارقة القوية صنع منها الناس العرقى ...
جأنا من يدعى المعرفة وقذف اهل الجنوب بصناعة العرقى ..
اتذكر اهلنا (الجموعية ) فى احد الاعياد ذهبنا بصحبة صديق فى زفافه ..
فاختمرنا بالمريسه بنكهة الزنجبيل ...
فذاك النهار حملنا ما تبقى من اقداحنا حتى انعدم النفس وتسطحنا على مستقيم الفرش بحثا عن سلامة عدم التقيؤ وحفظا لنفيسٍ قد تعاطيناه ..
فشنوو نبحث عن جمال زائف ونضع القبح فى البرىء ..
غايتو يا عباس معليش فى نوعية من البشر الله يعينها ويكافينا شرها وقول فحش لسانها ...
وحليل ايام الرجال بيشربوا وياكلوا ...
مش هذا الزمن ياكل الشرب فيهم ..
وتقبل مرورى يا سمح ..
| |
|
|
|
|
|
|
|
|
|
Re: العايز قروش استثمر في العرقي بالسودان ..... (Re: عبداللطيف شريف على)
|
| Quote: الدسيس كيفك ياخ جيب نوص ياخ اااااهق |
حامد بدري يا حبيبنا سلام وتحية
حكاية نص وبعد شوية تقلب كباية وما بعيد بالحالة الاقتصادية التعبانه زول قول عايز فنجان ((قدر ظروفك)) بتخرب السوق
البتاع ده لا بوظ لا بياكلو السوس بقعد لي حولو غير طلبك لي زجاجة كرع البتقدر عليهو والباقي خزنو وكمان لو الموضوع جره بتكون حكاية الزيادة ومساسقة الليل ارتحت منها.
الكلام الفوق عايزين نعمل ليهو صياغة عشان تسويق الزجاجة دعاية اعلانية
| |
|
|
|
|
|
|
|
|
|
Re: العايز قروش استثمر في العرقي بالسودان ..... (Re: عباس الدسيس)
|
Quote: كان عامل رايح منك الدرب تعالي نوصف ليك
السعر والنوع مختلف من منطقه الي منطقه علاقه اقتصاديه بحته (عرض وطلب)
عشان كده في رمضان السعر يهبط وتتحسن النوعيه
اكياس الجيلاني (حضاره سادت ثم بادت) يعني كلام المثقفاتيه بتاع
الفرح المعبأ في اكياس( اصبح ما شغال ما بقسم الان )
كلمه قزازه غير مستعمله الان لتحديد الكميه
الكرستالات الصغيره هي المسيطره علي التعبئه يوجد كمان حجم عائلي (4 قزازات بالقديم)
الطياره هو الوسيط بين المنتج و المستهلك والاكثر عرضه للمخاطره بدأ نجمه في افول
الرقعه هي الرشوه التي يحملها الطياره ان صادفه طاره او نظام عام
الرقشات وثوره الاتصالات سهلت كثير في انسياب التوزيع....
الطلب عن طريق الموبايلات و SMS و Viber |
الفاتح التوم يا حبيبنا سلام وتحية
اخصائي تكنولجيا تصنيع البلح
خبير تسويق المشروبات الكحوليه وعملياتها اللوجستية ... خطير بجد يا الحبيب
غايتو لو اخنا النقاط الموضحه الحكاية ممكن تمشي لي مصنع بيرة واصناف اخري
تحياتي وتقديري
| |
|
|
|
|
|
|
|
|
|
Re: العايز قروش استثمر في العرقي بالسودان ..... (Re: عباس الدسيس)
|
من استاد الهلال لغايه حدادين الواطه الشارع ده تسعين في الميه من الدكاكين
بتبيع الخمور الصافيه وعلي عينك يا تاجر .... انتاج كنانه (والفاضي منهم كمان)
الفاتح سلام
يعني السودان تقول تعمل اتصالات تلقي الناس سبقتك
تشتري رقشة تلقي الشوارع ملانه
كنت معانا كويس بي وصاياك الهجمة بقت عكسية مالها علي الاستثمار
المداخله فيها احباط شويه بتلزم باعادة الدراسة حسب متطلبات السوق
تحياتي
| |
|
|
|
|
|
|
|
|
|
Re: العايز قروش استثمر في العرقي بالسودان ..... (Re: عبدالحفيظ ابوسن)
|
| Quote: سلام يا دسيس و سلامات لضيوفك |
elsawi سلام وتحية يا وجيه
العنصرية بغيضة
امنياتنا الوطن يحافظ علي ما تبقي من تماسك
في قبائل حتي الان في ثقافتها بفكو الريق او بفطور بي عبار ما معناه الناس تقيف في جانب منهم البلد للجميع لو مشينا بي العقليه بتاعت البلد للجميع السودان واسع بشيلنا كلنا بس تقول شنو الله غالب.
تحياتي وتقديري
| |
|
|
|
|
|
|
|
|
|
Re: العايز قروش استثمر في العرقي بالسودان ..... (Re: عباس الدسيس)
|
Quote: عباس سلام كتير بالحيل
خلي بالك يا عباس القصة دي بقت مكلفة عشان كده حيكون في صعوبة في البيع
فقزازة العرقي لها ما قبلها و ما بعدها ما قبلها مثلا ما بتقدر تشرب في الجوع لازم تكون عضيت مظبوط
اما اذا دار محور سؤالك عن اثناء التعاطي و ما بعده اكتب عنك
1- المزة و دي بالشئ الفلاني ما تمشي تجيب ليك كيس فول مدمس و تقول عايز امزبو لانو دا علي المدى البعيد حيعمل
ليك بهق يعني المزة تكون بت ناس شفت كيفن.
2- كيلو لحم لزوم الحلة و دا طبعا لو انتو اتنين اما اذا زاد العدد زادت كمية اللحوم (دجاج/ سجك/كبده و كلاوي و قلوب ....الخ
3- طماطم و معجون طماطم
4- زيت
5- بصل
6- بهارات
7- خبز
8- حلة السنة لازم تتعمل في كانون شان تكون طاعمة و كده عليه احسبلنا فحم
9- باقي السلطة خيار و جرجير و جزر
10 قربت انسى كيس الشطة
اهه يا عباس لما تجي تحسب ديل بتصرف نظر عن القزازة لانو الحسبة مشت كتيرو الاهم من دا ما في زول بيعزملو اتنين و لا تلاتة زي زمان
يعني يا سيد الامنت ليك موضوعك دا مستحمي |
الجميعابي يا صديق اخبارك يا حبيبنا
نلخص الاضافة بتاعتك الي ان عرقي البلح الاستثمار فيهو ربما تكون هنالك عوائق
نقع عرقي العيش البساعدوهو بي السفه وتخميس السجارة..
عندك المريسه بي مشتقاتها ((بقو - بقنية ...دقه)) تعتبر غذاء خاصة عند تناولها صباحا تخيل كل الناس ضاربين كورة مريسه الصباح ومتوجهين للشغل حا تلقاهم في مود جميل بتساهم في تقليل استهلاك الدقيق والفول المصري في الفطور وكده بتوفر عمله صعبه للبد ومعروف عن المريسه عندما تتناولها معتدله بتزيدك نشاط تلقي دواوين الحكومة خلية نحل وممكن التوسع في العسليه والكانجي مورو .... قلت ليك استثمار حلو رغم عن المحبطين.
تحياتي وتقديري
| |
|
|
|
|
|
|
|
|
|
Re: العايز قروش استثمر في العرقي بالسودان ..... (Re: عباس الدسيس)
|
ذواليد سليمان مصطفى سلام وتحية يا حبيبنا
خطير والله مشيت بينا مرحلة تانية المستورد
رفعته اسكيلنا....
نوع الجبتو شعر ما عندنا ليهو رقبه
ممكن الشغل فيهو تجارة اما تصنيع صعبه مافي ايدي عامله ومواد
بالله يا ذواليد العنب اعالجو بيهو ناس الملاريا و ل اصنعو بيهو
مرحلة المستورد صعبه بتخرب طبع الناس حبوبتي كانت لما تجيها ملاريه بتقول عايزة زجاجة ببسي
شغل المستورد إلي ادخل معاي نافع علي نافع شراكه المشكله عامل وشو المكرفس براهو بكون عايز ليهو يوميا كرتونه
تحياتي وتقديري
| |
|
|
|
|
|
|
|
|
|
Re: العايز قروش استثمر في العرقي بالسودان ..... (Re: عباس الدسيس)
|
Quote: الدسيس
سلام ما يغشاك شر ..
زمان ايام الممالك السودانية كان اهلنا فى الشمال يعتقون العنب ويصنعون النبيذ ...
اتى الاسلام والحمد لله على نعمته وجاءت عمتنا (النخلة) ومعها اصحاب العير ..
المفارقة القوية صنع منها الناس العرقى ...
جأنا من يدعى المعرفة وقذف اهل الجنوب بصناعة العرقى ..
اتذكر اهلنا (الجموعية ) فى احد الاعياد ذهبنا بصحبة صديق فى زفافه ..
فاختمرنا بالمريسه بنكهة الزنجبيل ...
فذاك النهار حملنا ما تبقى من اقداحنا حتى انعدم النفس وتسطحنا على مستقيم الفرش بحثا عن سلامة عدم التقيؤ وحفظا لنفيسٍ قد تعاطيناه ..
فشنوو نبحث عن جمال زائف ونضع القبح فى البرىء ..
غايتو يا عباس معليش فى نوعية من البشر الله يعينها ويكافينا شرها وقول فحش لسانها ...
وحليل ايام الرجال بيشربوا وياكلوا ...
مش هذا الزمن ياكل الشرب فيهم ..
وتقبل مرورى يا سمح .. |
حبيبنا عبداللطيف شريف سلام وتحية
سودانا بي بي الخلطه الفيهو جميل وكان التعايش بين الناس اجمل
تم تشويهه بفعل فاعل اصلو ما كان العادات والتقاليد بتفرق الناس ولا كان الممارسات الخاصة لبعض الناس سبب في نفور البعض عن الاخر
منهم لله ربنا اورينا فيهم يوم
تحياتي وتقديري
| |
|
|
|
|
|
|
|
|
|
Re: العايز قروش استثمر في العرقي بالسودان ..... (Re: عباس الدسيس)
|
Quote: سلام عباس وضيوفه
ده ربيتا يكفي سخانو
كما يقول المثل
تدفع لي منو وتخلي منو
وازيدك علم ما داير راسمال زاتو , البلح بالدين ,, تبيع تجيب القديم وتشيل الجديد
التجارة المثمرة هسه
حبوب و فياجرا و مراهم وش هايدروكورتزون وكده
نيجريا السودان |
ابو سن يا شيخ العرب سلام وتحية يا حبيبنا
قلتا لي فياجرا البلد كلها بقت عايزة دفره ومع زيادة المحروقات تلقي الناس بتحبي حالنا وصل مراحل متاخره
حكاية مراهم الوش هايدروكورتزون... باقي لي البلد كم سنة وكلها تبقي وشوش اصطناعية
برضو استثمار حلو كلو ببيض الوش كان الدفره ولا البيضه
تحياتي وتقديري
| |
|
|
|
|
|
|
| |
عباس الدسيس
حمد عبد الغفار عمر
ياسر السر
محمد علي البصير
محمد حمزة الحسين
Imad Khalifa
حامد بدري
)
الفاتح علي التوم
elsawi
امجد الجميعابى
ذواليد سليمان مصطفى
عبداللطيف شريف على
عبدالحفيظ ابوسن
فيس بوك
تويتر
انستقرام
يوتيوب
بنتيريست