|
Re: الأحباش طاروا السما، ونحن لسع جنحينا مقصقصة (صور) (Re: سيف اليزل سعد عمر)
|
وقفة الأستاذ الفاتح جبرا فى موضوع بيع خط هيثرو لها معناً كبير، كبير جداً
فهى اولاً وقفة ضد الفساد ممثل فى الفساد على مستوى أجهزة الدولة والخطوط السودانية.
ثانياً هى وقفة ضد الدمار الذي لحق بطائرات الخطوط الجوية السودانية وإنهيارها وعجزها التام عن تقديم خدمات للمسافر السودانى كناقل وطنى.
ثالثاً هى مؤشر كبير لإنهيار الدولة السودانية بعد طرد السودان من التحليق فى اجواء كثيرة نسبة لعدم إستيفاء السودانيين لإجرات السلامة.
لكن قضية بيع خط هيثرو وإنهيار الخطوط السودانية قد لايعنى كثيراً للغبش الذين لايستطيعون الحصول على حق اللوري لترحيل مريض لأقرب شفخانة ما فيها دواء. لذلك وجدت حملة الفاتح جبرا لمساعدت شباب شارع الحوادث قبولاً وأسعاً مقارنة [بواواات] الفاتح لفتح ملف هيثرو ناهيك عن إستعادة الخط. هذا طبعاً غير بلاوى رفع الدعم عن المحروقات التى على الأبواب.
تحت هذه الظروف يتم دمير الناقل الوطنى وبأيادٍ سودانية ملطخة بالفساد والدماء فى حين نهضت دولٌ كانت خلف السودان بكثير مثل إثيوبيا.
من هنا أعلن كامل تضامنى مع الأستاذ الفاتح جبرا فى وقفته لفتح ملف خط هيثرو. أما إعادة تأهيل الخطوط السودانية فهو متروك لحكومة ما بعد الإنقاذ.
| |
|
|
|
|
|
|
Re: الأحباش طاروا السما، ونحن لسع جنحينا مقصقصة (صور) (Re: سيف اليزل سعد عمر)
|
مجموعة الصور أدناه قد لاتعبر بالضرورة عن حالة تردي وإنهيار هيئة الطيران المدنى فى السودان. لكنها فى الحقيقة واحدة من مؤشرات إنهيار مشروع الجزيرة. هذه الصور التقطها عام 2009 وهى لخردة طائرات جنوب مدينة مايرنو، على ماأذكر، وهى لطائرات رش المبيدات فى مشاريع السودان الزراعية. أتيت بهذه الصور فى محاولة لشرح الأوضاع الماسأوية لإنهيار هيئة الطيران المدنى والتانية المسمية سودانير.
| |
|
|
|
|
|
|
Re: الأحباش طاروا السما، ونحن لسع جنحينا مقصقصة (صور) (Re: محمد داؤد محمد)
|
Quote: ولماذا الذهاب حتي مايرنو جنوب سنار ودونك مطار الخرطوم وقد أصبحت المنطقة شرق مبني الركاب. وكأنها . ساحة لتخزين خردة الطائرات. . ( Scrap yard |
اخونا محمد بقيت ليك زي الزول القالوا ليهو اضانك وينا ختا يدو اليمين فوق راسو وهبش اضانوا الشمال وقال يها دي..
كلامك صاح تب، ما كوشة مطار الخرطوم اقرب مثال المودينى مايرنو شنو..والله حاولت كتير أخد صورة من الذبالة دي الا ما لقيت طريقة.
فى 2011 سافرت من صالة ناس اليوناميد البتقع قريب من الكوشة دي فى الجهة الشرقية من المطار. كان معاي واحد خبير سويدي التفت على وكان مستاء جداً.
سالتو مالك؟
قال ليك بلدكم ######انة واهلك ما عندهم اية إحساس بأهمية إجراءات السلامة فى المطار.
انا طبعاً بديت اضاير من الهجوم ده، قلتا ليه كيف؟
قال لى ده شنو ده عاملين ليكم مقبرة طائرات فى بداية المخرج، ياخ المنظر ده جاب لى نفسيات
أخير مايرنو
تحياتى
| |
|
|
|
|
|
|
Re: الأحباش طاروا السما، ونحن لسع جنحينا مقصقصة (صور) (Re: يوسف محمود)
|
Quote: نحنا حقتا محتاجينها توصلنا بدون جوائز بس نرفع كراعنا |
المشكلة وين لكن يا يوسف؟ المشكلة انو رفع الكراع ده بقى معاه كسر رقبة بسبب تدنى إجراءات السلامة فى سودانير وناس الطيران المدنى.
تعرف فى مرة الأولاد مسافرين بورسودان لحضور مناسبة والوقت كان ضيق. أديتم القروش واتوكلت على الله وقلت ليهم اركبوا الطيارة. شالوا القروش وركبوا البص. قالو لى انت جنيت، واطة بس.
تحياتى
| |
|
|
|
|
|
|
Re: الأحباش طاروا السما، ونحن لسع جنحينا مقصقصة (صور) (Re: سيف اليزل سعد عمر)
|
الخطوط الجوية السودانية أفضل ناقل.. يسقط على الارض.. ويودى بحياة الركاب...
وأفضل نآقل .. يتأخر عن زمن الرحلة عشرة سآعات... أو أكتر..
والخطوط الجوية السودانية... أفضل ناقل فضيحة.. بين الخطوط الجوية الآفريقية.... اضافة الى فضآئحنا التى تتفنن فيها الآنقاذ.. فلا تستطيع أى حكومة فى العالم.. أن تجآريها فى ذلك..
| |
|
|
|
|
|
|
Re: الأحباش طاروا السما، ونحن لسع جنحينا مقصقصة (صور) (Re: nour tawir)
|
Quote: الخطوط الجوية السودانية أفضل ناقل.. يسقط على الارض.. ويودى بحياة الركاب...
وأفضل نآقل .. يتأخر عن زمن الرحلة عشرة سآعات... أو أكتر..
والخطوط الجوية السودانية... أفضل ناقل فضيحة.. بين الخطوط الجوية الآفريقية.... اضافة الى فضآئحنا التى تتفنن فيها الآنقاذ.. فلا تستطيع أى حكومة فى العالم.. أن تجآريها فى ذلك.. |
الأستاذة نور السودان اصبح أكثر دول المنطقة تخلفاً بسبب ربع قرن من الحكم الفاشل تحت ما يسمى بالانقاذ والذي "غتس" حجر السودان.
تعرفى يا نور انو دولة زي الصومال لا فيها حكومة لا فيها مطارات زي الناس لا فيها أجهزة مراقبة جوية متطورة ، لا فيها إجراءات سلامة يعتمد عليها. تعرفى بعد ده كله انو عدد حوادث الطيران فى السودان أكبر بكتير من حوادث الطيران فى الصومال؟؟
غايتو ربنا يستر على الاهل فى السودان والناس المجبورين على سودانير ، لكن ده ما طيران ده عدم مسؤولية وعدم اهتمام بسلامة المسافرين ..
تحياتى
| |
|
|
|
|
|
|
Re: الأحباش طاروا السما، ونحن لسع جنحينا مقصقصة (صور) (Re: سيف اليزل سعد عمر)
|
Quote: Haytham Suleiman نعم يوجد فساد وفشل إداري تسببا في إنهيار الخطوط الجوية السودانية ولكن يجب الا ننسى دور الإمبريالية العالمية التي تسعى لتركيع الشعوب وأشير بذلك الى الحصار والمقاطعة الإقتصادية الظالمة التي ظلت تفرضها الولايات المتحدة على السودان منذ مطلع التسعينات اليوم في 02:23 صباحاً |
Quote: Khalid Al-Mubarak حصار و مقاطعة امريكية من فراغ يعني ؟ و لا الامريكان كمان زي الشعب السوداني ما بيفهمو بيعملو في شنو ؟ جهل القيادات و السياسيين في حزب المؤتمر الوطني بمفهوم القوى الدولية و الامن القومي للدول و العك السياسي الذي بذل في الفترة السابقة كان لابد وان يأتي بحصار ، لماذا نتبنى القضايا العربية اكثر من العرب و نشيل وش القباحة مع الامريكان و الاسرائيليين ؟ هل نحن اكثر عروبة من العرب ؟ ام اكثر اسلام من المسلمين ؟ يعني العرب كلهم طردو حماس و خالد مشعل من دولهم الا السودان و المؤتمر الوطني يرحب بي حماس و يدعم حماس و قايل انو ماف زول بيعرف يعني ، و الكثير الكثير من التصرفات الصبيانية و التي اودت بحياة العلاقات السودانية مع الغرب ، لكن و بعد الضربة في مصنع اليرموك و التي بمثابة قرصة في الاذن عرف المؤتمرجية… متابعة القراءة منذ 9 ساعات |
هيثم سليمان وخالد المبارك كلما ذكرت سودانير كلما ذكرت المقاطعة الامريكية وتأثيرها السلبي على اداء الشركة وسلامة طائراتها . انتو فتحتوا موضوع مهم جداً جدا ويجب مناقشته بموضوعية وحيادية.
انا اقترح فتح بوست منفصل لمناقشة المقاطعة الامريكية على السودان. وهى دعوة لمن يريد القيام بهذه الخطوة. لدي رأيى الشخصى حول هذا الموضوع وكم اود مناقشته فى هذا البورد وعمل خطوة تجاه المقاطعة الامريكية على السودان. حاليا الموضوع تحت الدراسة ويحتاج لزمن من جانبي.
شكرا جزيلا على المشاركة
| |
|
|
|
|
|
|
Re: الأحباش طاروا السما، ونحن لسع جنحينا مقصقصة (صور) (Re: مدثر صديق)
|
Quote: اعتقد ان مقارنة الحبش معانا (مقارنة المتعوس على خائب الرجا ) زي ما بقولوا فالالف الاثيوبين ينزحون يوميا شطر السودان ليضايقوا السودانيين في مواردهم الشحيحة اصلا ......... |
الأخ مدثر صديق تحية طيبة
نعم يهاجر الأحباش بالمئات يومياً بحثاً عن اوضاع اقتصادية افضل خارج الحدود. ولقد طرحت هذا الموضوع فى بوست فى المنبر قبل شهرين يناقش هجرة الاثويبيات الى المملكة العربية السعودية على وجه الخصوص. هجرة الفتيات الاثويبيات تمثل حوالى 70 بالمائة من الهجرة الاثيوبية المنظمة خلال العامين الماضيين. هذه النسبة نسبة تقريبية وهى من عندي بناء على متابعة متابعة الهجرة الاثيوبية. . قد يكون الإثيوبيون تعساء او خائبي رجاء لكنهم فى تقدم وتطور مقارنة بتعاسة او خيابة السودانيين. فمؤشرات الاقتصاد الاثيوبى افضل حالا من السودانى اما هجرة الإثيوبيون فهى هجرة تساهم فى نمو الاقتصاد الاثيوبى مقارنة بهجرة السودانيين. افترض ان هناك دولة تستورد ملح وأخري تستورد دهب. السودان يستورد ملح من هجرة الإثيوبيون والذين يعملون فى مجالات خدمية كثيرة لا يقبل بعض الشباب السودانيين قبولها. هنا تستحضرنى قصة طريفة حدثت لى عندما ذهبت لصالون حلاقة فى شارع الطيب عبدالله فى العمارات بعد غياب طويل من السودان. كان جميع الحلاقين فى هذا الصالون من العمال الإثيوبيون . جلست فى مقعد الحلاقة وقلت ليهو خفف لى شعري. الإثيوبي شكله عايز يطلع بقروش زيادة قال لى اعمل ليك "سنفرة" . قلت ليهو "صنفرة" دي شنو كمان الفى صالون الحلاقة؟ قال لي معناتو غسيل وش. قلت دي برضو نقلة نوعية فى الحلاقة بدخول الأحباش واهو بالمرة نشوف الصنفرة دي شنو. قال لى ادخل جوه. دخلتو معاه غرفة تانية فى حوض غسيل ومقد. المهم الرجل قعد يدعك فى وشي ويلطخ فى الكريمات ويحك بالبشكير لمن الأدمة بتاعة وشى قربت تنسلخ. بعداك جاب ختا قطعة عجورة فى كل عين. المهم بعد نص ساعة وشي كان عامل زي قشرة البتيخة ، أملاااس ومشود ولامع. زمان الواحد كان يحلق عند عمك العركى فى ودمدنى وبدون قطعية، حسي الحبش دخلو معاها صنفرة. ما أريد ان أقوله هنا ان هجرة الأحباش للسودان هى هجرة وجدت سوقاً ورواجا كبيرا فى القطاع الخدمى بعد عزوف بعض من العمالة السودانية للعمل فى هذا القطاع. هذه الهجرة تساهم فى بناء الاقتصاد الاثيوبى نتيجة استقرار الاقتصاد الاثيوبى مقارنة بالاقتصاد السودانى. نقطة مهمة يجب ذكرها هنا وهى ان المهاجرين الإثيوبيون لهم مؤهلات أكاديمية متدنية لا تتعدي المرحلة الثانوية اما الدول الأخري فهى تستورد دهب ممثل فى هجرة سودانية ذات كفاءة ومهارات أكاديمية عالية فى مجالات مختلفة. لنأخذ مثالاً هجرة الأطباء السودانيين لدول الخليج. مع ازدياد هجرة السودانيين يخسر الاقتصاد السودانين بسبب الاستثمار المفقود فى تمنية موارده البشرية. ويفقد أيضاً جذب اموال المغتربين بسبب تدهور الاقتصاد السودان وعدم استقرارا الجنيه السودانى مقابل العملات الأجنبية أتمنى ان تكون الفكرة وصلت تحياتى
| |
|
|
|
|
|
|
Re: الأحباش طاروا السما، ونحن لسع جنحينا مقصقصة (صور) (Re: د.ماجدة ميرغني)
|
تنقصنا أشياء كثيرة حتى نكون دولة محترمة أول شيء تنقصنا الشجاعة (رضيتو ولا أبيتو) ما تقول لي الشجاعة تمسك فلان وتدقوا وتحمر ليه يخاف منك .. لا دي ما الشجاعة القاصدة أنا ثاني شيء تنقصنا الاحترافية (في أي شي) تالت شي تنقصنا النزاهة رابع شي تنقصنا ثقافة التيم ويرك لكن في حاجة ما ناقصانا (البلادة) فياخي ما تفرفروا ساكت، الناس الحولينا ديل كلهم ممكن يتطوروا إلا نحن لا نجيد سوى القتل والسرقة
ورحم الله أمرئ عرف قدر نفسه
| |
|
|
|
|
|
|
Re: الأحباش طاروا السما، ونحن لسع جنحينا مقصقصة (صور) (Re: محمد هاشم ابوزيد)
|
سيف اليزل سلام فعلاً الأحباش طاروا في السماء طيراناً وعملاً ، في الشهر الماضي شاءت الظروف والأقدار على أن أكون في موعد مع الأثيوبية للخرطوم عن طريق أديس ، قمة الانضباط وأسطول وسرب من المحلقات في الأجواء ، غادرت الرياض وأمني النفس برحلة جميلة وأن اشاهد أديس الجميلة ، وقدبل أن تحط الطائرة شاهدت من الجو مناظر خلابة ومنازل ومجمعات سكنية في غاية الروعة . ما ان هبطت الطائرة وجدنا المطار كأنه مرجل يغلي من كثرة الحركة ، أرض المطار بها طائرات لا تحصى ولا تعد ، حركة العمال وهم ينقلون العفش من طائرة لأخرى لا تهدأ ، دخلنا الصالة ووجدنا آلاف من البشر بعضهم حط الرحال وبعضهم مغادر ، وجدنا الأحباش يعملون بهمة وجدية ويوجهون الناس ولا سيما ركاب ( الترانسيت) . وقفنا عند موظفة وأخذت الجواز وما هي إلا لحظات سلمتني ورقة للفندق الذي سوف أنزل فيه ( كونكشن 8 ساعات) قضينا منها أربعة ساعات في الفندق وسرعان ما تجاوزنا نقطة الدخول وذهبنا للمواقف الخارجية ، حافلات خاصة بالفنادق متراصة تقف في إنتظار ركاب الترانسيت وما هي إلا لحظات تقل بك الحافلة للفندق ، يقدم لك غرفة مريحة ولديك وجبة في المطعم ( بوفيه مفتوح) وذلك حسب جدول وصولك . قبل مغادرتك بثلاثة ساعات الحافلة تنتظرك لإعادتك للمطار حيث وجهتك ، موظف المكتب الامامي يتصل بك ليذكرك بأن موعد ( الشك أوت) قد حان وأن الحافلة في إنتظارك ، وقد يكون معك مجموعة في نفس الفندق وهم متوجهون معك للمطار ثم لوجهتك . تغادر بك الأثيوبية في موعدها لمحطتك النهائية . الأثيوبية تقدم خدمات راقية وفعلا يستاهلوا أي جائزة وبالمناسبة مطار أديس أصبح قبلة كافة الدول الأفريقية منها ينطلقون لأرجاء العالم . ومن الخرطوم عدت لأديس ثم الرياض في رحلة أكثر من روعة ، أروع من الذهاب .
| |
|
|
|
|
|
|
Re: الأحباش طاروا السما، ونحن لسع جنحينا مقصقصة (صور) (Re: ولياب)
|
Quote: سيف اليزل سلام فعلاً الأحباش طاروا في السماء طيراناً وعملاً ، في الشهر الماضي شاءت الظروف والأقدار على أن أكون في موعد مع الأثيوبية للخرطوم عن طريق أديس ، قمة الانضباط وأسطول وسرب من المحلقات في الأجواء ، غادرت الرياض وأمني النفس برحلة جميلة وأن اشاهد أديس الجميلة ، وقدبل أن تحط الطائرة شاهدت من الجو مناظر خلابة ومنازل ومجمعات سكنية في غاية الروعة . ما ان هبطت الطائرة وجدنا المطار كأنه مرجل يغلي من كثرة الحركة ، أرض المطار بها طائرات لا تحصى ولا تعد ، حركة العمال وهم ينقلون العفش من طائرة لأخرى لا تهدأ ، دخلنا الصالة ووجدنا آلاف من البشر بعضهم حط الرحال وبعضهم مغادر ، وجدنا الأحباش يعملون بهمة وجدية ويوجهون الناس ولا سيما ركاب ( الترانسيت) . وقفنا عند موظفة وأخذت الجواز وما هي إلا لحظات سلمتني ورقة للفندق الذي سوف أنزل فيه ( كونكشن 8 ساعات) قضينا منها أربعة ساعات في الفندق وسرعان ما تجاوزنا نقطة الدخول وذهبنا للمواقف الخارجية ، حافلات خاصة بالفنادق متراصة تقف في إنتظار ركاب الترانسيت وما هي إلا لحظات تقل بك الحافلة للفندق ، يقدم لك غرفة مريحة ولديك وجبة في المطعم ( بوفيه مفتوح) وذلك حسب جدول وصولك . قبل مغادرتك بثلاثة ساعات الحافلة تنتظرك لإعادتك للمطار حيث وجهتك ، موظف المكتب الامامي يتصل بك ليذكرك بأن موعد ( الشك أوت) قد حان وأن الحافلة في إنتظارك ، وقد يكون معك مجموعة في نفس الفندق وهم متوجهون معك للمطار ثم لوجهتك . تغادر بك الأثيوبية في موعدها لمحطتك النهائية . الأثيوبية تقدم خدمات راقية وفعلا يستاهلوا أي جائزة وبالمناسبة مطار أديس أصبح قبلة كافة الدول الأفريقية منها ينطلقون لأرجاء العالم . ومن الخرطوم عدت لأديس ثم الرياض في رحلة أكثر من روعة ، أروع من الذهاب . |
الاخ ولياب لو كان فى طريقة كان رفعت المداخلة بتاعتك دي فى راس البوست ده. لانها كانت كافية فى وصف طيران الأحباش . مطار بولى يُدار بكفاءة بشرية عالية مقارنة بمطار الخرطوم. موظفين إثنين بالكتير بيقوموا بعملية شحن أكثر من طائرة خلال وردية العمل الواحدة. انحنا تلقى عدد الموظفين والعمال اكتر من عدد المسافرين. دي فيها مبالغة شوية لكن داير أوصل الفكرة. الكلام القلتو انت دا كله يمكن تحويله الى معادلة اقتصادية بسيطة وهى: عندك طيران كويس يعنى عندك اقتصاد كويس.
داير أضيف ليك حاجة بسيطة جدا وهى متعة الاستماع لمقطوعتين سودانيتين على قناة الموسيقى فى الطيران الاثيوبى. الأولى هى مقطوعة "عازة فى هواك" والتانية "الحنين يا فؤادي" ونهديك عازة فى هواك بصوت الفنان الاثيوبى الراحل العملاق طيلاهون قيسيسى فى حفلة قدمها التليفزيون السودانى عام 1978. تحياتى وسلامى
| |
|
|
|
|
|
|
Re: الأحباش طاروا السما، ونحن لسع جنحينا مقصقصة (صور) (Re: محمد هاشم ابوزيد)
|
Quote: أتيت بهذه الصور فى محاولة لشرح الأوضاع الماسأوية لإنهيار هيئة الطيران المدنى والتانية المسمية سودانير. |
الأخ سيف اليزل ـ لك التحية صور الطائرات أو بقايا الطائرات أن صحت التسمية التي نزلتها في إستهلالية البوست ، أعتقد أنها تتبع لشركة سودان بيزيتل ـ وهى الشركة التي كانت تفوز دائماً بعطاءات رش المشاريع الزراعية بالسودان بما في ذلك مشروع الجزيرة ولا صلة لها بالمرحومة سودانير والله أعلم
| |
|
|
|
|
|
|
Re: الأحباش طاروا السما، ونحن لسع جنحينا مقصقصة (صور) (Re: محمد علي البصير)
|
الأخ محمد على البصير عليييك نوووور فعلاً
Quote: صور الطائرات أو بقايا الطائرات أن صحت التسمية التي نزلتها في إستهلالية البوست ، أعتقد أنها تتبع لشركة سودان بيزيتل |
أخونا محمد داؤد فى المداخلة الأولى كان إقتراحو عملى جداً. هو أنحنا ماشين مايرنو ليييه ما خردة الطيارات موجودة جوة المطار. حاولت أجيب صور من الخردة بتاعة مطار الخرطوم لكن مالقيت حاجة. لقيت مجموعة بتاعة صور فى منبر عربى وآخر تريقة على مطار الخرطوم. لو عايز تعرف الموضوع أكتب "جوجل فضحكم يا مطار الخرطوم". الصورة الأولى صورة حديثة من قوقل اختها اليوم وبتوضح بقايا الخردة وهى الطيارة الموجودة على اليمين أعلى الصورة. الصورة الثانية من المنتدى العربى وتوضح خردة الطيارات سنة 2006. وزي ما أنا كتبت أيضاً إنو الصور بتاعة شركة الرش أعلاه ما عندها علاقة بسودانيير. لكن لو بحتنا تحت تحت بنلقى إنو عندها علاقة بسلطات الطيران المدنى.
بقية الضيف المتداخلين مرحب بيكم وبرجع ليكم قريب بإذن االله
| |
|
|
|
|
|
|
Re: الأحباش طاروا السما، ونحن لسع جنحينا مقصقصة (صور) (Re: سيف اليزل سعد عمر)
|
موضوع سودانير موضوع متشعب فالطيران اليوم اصبح صناعة
وكوادر مدربة وخطط استراتيجية وما حدث بسودانير هو ما نتج
عن كل قطاعات الخدمة المدنية بالسودان من تدهور و سقوط
في هاوية سحيقة جدا فكل المرافق الخدمية كان مصيرها الانهيار
ونعود لسودانير وقد استبشرنا خيرا غندما تحولت لشركة برأس مال
وطني و حكومي و اجنبي متمثلا بشركة عارف الكويتية والوطني
متمثلا بشركة الفيحاء وكانت الكذبة الدولية وهي في الاصل تتبع
لمنظومة عارف انشئت خصيصا لهذه المكيدة و الخدعة
واستمر الحال ولكن تدهور الوضع بصورة اسرع من ما توقعه
اكثر المتشائمين وانفض السامر وكونت لجان للتحقيق
كان مصيرها الادراج و ذلك لعبورها مناطق النفوذ
يقال ان شركة عارف لم توفي بألتزاماتها وهي تلقي باللوم على
الحكومة بتدخلها في ادارة الشركة
السؤال لماذا فشلت عارف ؟؟؟؟؟؟؟؟؟؟؟؟
وهي كما نعلم لا ينقصها المال
| |
|
|
|
|
|
|
Re: الأحباش طاروا السما، ونحن لسع جنحينا مقصقصة (صور) (Re: طارق ابراهيم ابوالفضل)
|
Quote: السؤال لماذا فشلت عارف ؟؟؟؟؟؟؟؟؟؟؟؟ |
الاخ طارق ابراهيم الفضل
سؤال مشروع جداً وداير ليهو زول "عارف" بكل فايلات ناس شركة عارف. لكن اللوم الكبير يقع علينا وعلى إدارة سودانير والحكومة والناس الباعو شركة سودانير لشركة عارف. الحكومة بتبرر انهيار سودانير بشماعة المقاطعة الامريكية. وفى آراء كويسة جدا فى الفيسبوك تحت حول الموضوع ده. يعنى الحكومة لحدي حسع ما دايرة تلبي رجاء الاستاذ الفاتح جبرة بفتح ملف هثرو. لانها مشاركة فى هذا الانهيار ومتسترة على كل الفضائح التى أدت لوقعت سودانير .
ناس عارف كمان لزم يفتحوا الملف، بس النفتح حققنا اول.
تحياتى
| |
|
|
|
|
|
|
Re: الأحباش طاروا السما، ونحن لسع جنحينا مقصقصة (صور) (Re: سيف اليزل سعد عمر)
|
السودان ييشتري طائرات عشان يدمر
Quote: Sudan orders more Russian aircraft after breaking pledge on their use Special to WorldTribune.com Thursday, August 29th, 2013 MOSCOW — Sudan has ordered advanced military aircraft from Russia despite a UN report in March that said Sudan violated a Security Council resolution and written pledges to Belarus and Russia to not use aircraft purchased from them in Darfour by carrying out “aerial bombardments and intimidating flights.” Officials said Sudan has signed contracts for up to 38 military helicopters from Russia. They said Moscow already delivered the first aircraft in 2012, with additional shipments expected this year.
Source: http://www.worldtribune.com/2013/08/29/darfou...pledge-on-their-use/
|
واثيوبيا تشتري طائرات عشان تعمر
Quote: An additional eight Boeing 787s has now been ordered by Ethiopian Airlines Tue, 09/17/2013 - 11:43 by Kuda Muzaradope An additional eight Boeing 787s has now been ordered by Ethiopian Airlines. A total of five B787s are already there in the company's fleet. The number of dreamliners has touched 13. However, five extra dreamliners were only on order earlier, the report said. According to the report, Ethiopian Airlines is the fastest developing African carriers and is one of the biggest as well. The Airlines, which was the first to run the ultra-modern aircraft, has 35 aircraft in order, which include 14 Airbus 350-900. The same is being hoped to arrive by the year 2016. Source: http://newspoint.co.za/story/413/4239-eight-e...iopian-airlines-list
|
| |
|
|
|
|
|
|
| |