|
|
|
 Re: تأجيل رفع الدعم للعام المقبل ...... (Re: ود الباوقة)
|
ود الباوقة
تحياتى
ربع قرن من الوعود الكاذبة والبرامج البراقة الخادعة وكثرة كلام بدون أرقام .
برنامج الانقاذ الاقتصادي للفترة 1989م- 1992م
ثم جاءت (الاستراتيجية القومية الشاملة 1992 - 2002
وأخيراً ظهرت (الاستراتيجية القومية ربع القرنية 2002 - 2027 م
وكلها خزعبلات ودجل وبلطجة وفساد وعنتريات فارغة وجعجعة بدون طحين
كان نتاجها إنفصال جزء عزيز من الوطن وإشتعال نيران الحرب الأهلية فى أجزاء شاسعة
ودمار كيزانى شامل قضى على الزراعة والصناعة والخطوط الجوية السودانية والخطوط البحرية
والسكك الحديدية وصحب ذلك إستهداف الراسمالية الوطنية الحقيقية الذين أسهموا إسهامات بارزة فى
تشغيل مئلت الآلاف فى إستثمارات زراعية وصناعية وتجارية هادفة فأحالوا أولئك الى التقاعد الإجبارى
وأتوا بأصحاب الأيدى المتوضئة والأفواه المتمضمضة والجباه المغرورة الأقوياء الأمناء فقضوا على الأخضر
واليابس . البلد يا ود الباوقة فى محنة حقيقية والناس فى قمة المعاناة .
نسأل الله تعالى أن يخلص السودان وإنسان السودان من حكومة الفساد والإفساد ونستقبل العام الجديد بأمل أن يسخر
لنا المولى عز وجل من يخشاه ويخافه ويعمل بإخلاص من أجل السودان وإنسان السودان الذى عانى كثيرا وآن له أن
يرتاح .
| |
 
|
|
|
|
|
|
|
|
Re: تأجيل رفع الدعم للعام المقبل ...... (Re: ود الباوقة)
|
اكان السنة دى ولا الجاية انت رايك شنو مع الرفع ولا ضد الرفع
لا يليق بك وانت الكوز المبجل ان تكون مجرد ناقل خبر لازم يكونعندك راى مهما كان سلبى ولا ايجابى همنا نعرفه
اركز وقيل اركزو ما تركزوها فى الشعب كل مرة يا عمر
| |
|
|
|
|
|
|
|
|
|
Re: تأجيل رفع الدعم للعام المقبل ...... (Re: عادل عبدالعزيز عبد الرحيم)
|
| Quote: وستخرج الأرض بترولها وقمحها وذهبها.. |
الارض قد اخرجت بترولها و بقلها و قثائها و فومها و عدسها و بصلها و ذهبها فسرقها رهطك و تطاولوا في
البنيان و امعنوا في تعدد الزيجات و صاروا يتندرون على الشعب المغلوب المكلوم و انت منهم حيث سخرت و
استهزأت بالمتضررين من كارثة السيول و الامطار و حكمة الله سخريتك كانت بعين قوية.
عمر الحياء شعبة من شعب الايمان و ان لم تستح فاصنع ما شئت او كما قال سيدي رسول الله عليه افضل الصلوات
و اتم التسليم.
فلترفع شرذمتك الدعم و لتمنع الدواء و التعليم و لتبعثر السودان تهين عباده و تمزق بلاده و هم في غيهم يعمهون.
| |
|
|
|
|
|
|
|
|
|
Re: تأجيل رفع الدعم للعام المقبل ...... (Re: امجد الجميعابى)
|
| Quote: باذن الله العام المقبل نسترجع البيع على نظام الهوبلي |
سلامات يا ود الباوقة ,,
دا كان حكومة الانقاذ حية للعام المقبل ,,,,,
ما قالوا ليك التأجيل دا سببو شنو؟ وهل ليهو علاقة بجمع لساتك العربات القديمة من كل الشوارع ؟,
يا أخوي المثل بقول الخواف شنو كدا ماعارفه ,,,
| |
|
|
|
|
|
|
|
|
|
Re: تأجيل رفع الدعم للعام المقبل ...... (Re: Nagat Sid Ahmed Elshiekh)
|
الحزب الشيوعي السوداني
إفادة صحفية
قرر الحزب الشيوعي السوداني عدم مقابلة وفد الحكومة المكون من مساعد رئيس الجمهورية السيد عبد الرحمن الصادق المهدي والسيد وزير المالية والاقتصاد الوطني
والذي كان من المفترض أن يتم مساء الجمعة 13/ 9/ 2013م
علماً بأن هذه المقابلة حددت بناءاً على طلبهم للإستماع للمبررات التي تسوقها الحكومة لزيادة أسعار المحروقات وغيرها من السلع والوقوف على وجهة نظر الحزب الشيوعي السوداني الرافضة لها.
قرار الحزب الشيوعي بإلغاء المقابلة جاء بعد قرار المجلس القيادي للمؤتمر الوطني برئاسة البشير فجر 13/9/ 2013م بإجازة قرار زيادة أسعار المحروقات والسلع الأخرى.
سكرتارية اللجنة المركزية للحزب الشيوعي السوداني
13/9/2013م
| |
|
|
|
|
|
|
|
|
Re: تأجيل رفع الدعم للعام المقبل ...... (Re: امجد الجميعابى)
|
ود الباوقة ولا يهمكم قول لى جماعتك يعجلوا برفع الدعم فيجب أن يعى الشعب السودانى
أن رفع الدعم واجب وطنى فيكفيهم ما عاشوه من رخاء ودعة ونعيم طوال ال25 عاما الماضية
أرفعوا الدعم عن جميع السلع وضيقوا الخناق على الشعب حتى يشعر بمعاناة الشعوب الأخرى .
| |
|
|
|
|
|
|
|
|
|
Re: تأجيل رفع الدعم للعام المقبل ...... (Re: ود الباوقة)
|
باوقيشن
سلام
اها وعلى محمود قال شنو ؟
و .. ح .. يدفع من وين ؟ مش عندو عجز فى المدفوعات ؟
لا افهم فى الاقتصاد و لكنى على قناعة تامة بأن الوطن فى حالة انهيار اقتصادى لن تجدى معها سياسة الترقيع .. بل ستعجل بالرحيل .
الحل فى ظل هذا الوضع هو .. أن تمطر السماء ذهبا !!
يا حبيبى نحن فى حوجة الى عقول تفكر و تخطط و تنفذ .. كفاية تنظير و هبر و لبع و بلع
تحياتى
| |
|
|
|
|
|
|
|
|
|
Re: تأجيل رفع الدعم للعام المقبل ...... (Re: isam elzein)
|
| Quote: تأجيل رفع الدعم للعام المقبل |
معنى ذلك تأجيل نهاية النظام لذاك الوقت
بختهم فليفسدوا لشهور أخرى .
يملوا الجيوب قروش
و يكبروا الكُروش .
الأخ ود الباوقة
قارن بين الحال عند مجيئهم فى 89 والحال الآن و حلل .....
و تعليقك مهم .
| |
|
|
|
|
|
|
|
|
|
Re: تأجيل رفع الدعم للعام المقبل ...... (Re: محمد الرفاعى)
|
| Quote: تأجيل رفع الدعم للعام المقبل |
السنة الجاية ياها البعد 3 شهور دي ولا سنة تانية ؟؟
بالمناسبة ، بعد رفع ما يسمى بالدعم الجنيه السوداني حيجيب رغيفتين فقط ، طبعاً كلمة رغيف هنا يراد بها (شبه الرغيف) وهو نوع مسخوت من الرغيف ، أكبر من الكعك بتاع العيد شوية.
عموماً عندي احساس قوي بإنو الجماعة ديل ما حيكونوا موجودين السنة الجاية .. وربنا قادر ..
(قُلِ اللَّهُمَّ مَالِكَ الْمُلْكِ تُؤْتِي الْمُلْكَ مَنْ تَشَاءُ وَتَنْزِعُ الْمُلْكَ مِمَّنْ تَشَاءُ وَتُعِزُّ مَنْ تَشَاءُ وَتُذِلُّ مَنْ تَشَاءُ بِيَدِكَ الْخَيْرُ إِنَّكَ عَلَى كُلِّ شَيْءٍ قَدِيرٌ).
| |
|
|
|
|
|
|
|
|
|
Re: تأجيل رفع الدعم للعام المقبل ...... (Re: Deng)
|
.
| Quote: اين ذهب نافخ الكير دينق؟؟؟ |
ياخي إنت حقو تبوس يد دينق وش وقفا، لانو لحم أكتافك في الحاضر والمستقبل من خير شعب الجنوب،
نحنا يمكننا أن نتقاسم القليل والقليل جدا مع أخوتنا في الجنوب بكل كرامة وشرف،
لكن موائد اللئام من جماعتك لن تجد فيها غير الحصرم،
موائد مستجدي النعمة لايأكل من أطرافها إلا الذباب وأصحاب النفوس الدنيئة!
.
| |
|
|
|
|
|
|
|
|
|
Re: تأجيل رفع الدعم للعام المقبل ...... (Re: سيف اليزل الماحي)
|
Quote: .
ياخي إنت حقو تبوس يد دينق وش وقفا، لانو لحم أكتافك في الحاضر والمستقبل من خير شعب الجنوب، |
المدعو سيف اليزل
انت هارب من الخدمة الالزامية ولا واقع ليك من جمل
دينق نفسو ما معترف بي دولة الجنوب
قاعد في امريكا وضارب الهمبريب والمطايب
وانت تجقلب
قال تبوس ايدو
نسال الله السلامة
حالتك متاخرة شديد
| |
|
|
|
|
|
|
| |
Deng
العوض المسلمي
خال فاطمة
جمال خضر
عادل عبدالعزيز عبد الرحيم
امجد الجميعابى
Nagat Sid Ahmed Elshiekh
خالد العبيد
يوسف محمد يوسف
isam elzein
محمد الرفاعى
محمد عبدالله مختار
محمد علي البصير
عمر الصافي
HAIDER ALZAIN
فيس بوك
تويتر
انستقرام
يوتيوب
بنتيريست