|
|
 الزووووووط الالف !! الباشا كابتن المريخ والبشير رئيس السودان
|
نحنا بنعرف الكوره صاح وزي ما نزلوها ..
وشخصيا كنت بختها في اضاني ..
عشان كده لمن قلنا تيم المريخ ده ما عندو علاقه بالكوره ما قلنا الكلام ده من فراغ ..
قلنا الباشا لا يستحق ان يلعب في تيم درجه تانيه ..
يقوم يجى علينا زمن نلقاهو كابتن المريخ ؟!!
الناس دي بتلعب ولا شنو ؟!
قلنا امير كمال ده ما لاعب كوره .. جانا وليد الشفت قال لا أمير كمال يدوه فرصه ..
فرصه تلاته سنين يا وليد ؟!
قلنا رمضان عجب ما عندو لمسه أخيره وما ممكن يكون مهاجم المريخ ..
وقلنا ضفر عندو فكره خاطئة عن الثقه في النفس ..والثقه امكانات كروية ودي ما عندو فيها التكتح ..
واما مصعب والسعودي وبله وموسى الخ .. فعلاقتهم بالكوره زي علاقتهم بوكالة الفضاء الامريكية ..
المريخ ده الناس العندهم علاقه بالكوره هم لعيبة الهلال هيثم وعلاء .. وديل لعيبه مستهلكين تماما ومنهكين جدا ..
والعجب يا حليلو خلاص ..
وراجي ما ضاق عافيه مما اتكسر ..
اهو رمضان عجب جاب قون .. وجابو غلط .. ثبت الكوره غلط وشاتها وهو خايف ..
لاعب منفرد تماما بالقون يشوت الكوره وهو خايف ؟!
غاندي ده اول لاعب يجيبو المريخ ويكون لاعب كوره بالجد ..
يذكرك بى نميري احمد سعيد ..
بالله تيم كان فيهو نميري وابراهومة وخالد وباكمبا ومحمد موسى والعجب والزين ..
وقبليهم كان عمار وسامي عزالدين وعادل امين وجمال ابوعنجه وعيسى صباح الخير وسكسك وقله ..
وقبليهم كمال عبدالوهاب وبشاره والجيلي والفاضل سانتو و عبدالشيخ ..
تيم كان بلعب فيهو سري وقرعم والقانون ..
تيم زي ده ..
يجي زمن كابتنو يكون الباشا ؟!
زمن !!
معقوله الواحد يظل مسنفك كوره ووطن ؟!
لمتين يا الله ؟!
|
|
  
|
|
|
|
|
|
|
|
Re: الزووووووط الالف !! الباشا كابتن المريخ والبشير رئيس السودان (Re: Mahmoud Mustafa Mahmoud)
|
يا ودالبشرى ياخي انت اصلو ما احترمت تاريخي الكروي ..
والذي لا اله الا هو لو ده مستوى لعيبة المريخ انا مفروض العب في بنفيكا البرتغالى ..
اخوك بفهم كوره صاح ..
ولمن قلت ليك الباشا ده كورتو بالكتير كده تلعبو درجه تانيه كنت بجامل فوقو ..
والله زي ناس الباشا ديل كنا بنقصدهم عدييييل كده عشان نهبل بيهم ..
الزول النافخ نفسو وزايدها حبتين ده كان زبونا تب والله ..
يا ودالبشرى الميدان ده جوه ظروفو مختلفه جدا ..
هناك لاعبين معدنهم الذهب لمن يكونوا جوه الميدان ..
اضرب ليك مثال غريب جدا ..
انا لعبت ضد بدرالدين بخيت في كورتين تلاته ..
ومن سوء حظي كنا قريبين في الميدان ..
والله لمن فهمت حاجه ..
لاعب شخصيتو طاغية جدا في الميدان ..
خت بدرالدين بخيت اللاعب الذي قد لا يذكره الناس الآن والباشا هسع في الميزان ..
والله مافي ادنى مقارنه بيناتم ..
زمااان كنت بدخل كور المريخ جوه الميدان .. على الخط .. وكنت بشوف سامي عزالدين الله يرحمو بكون مخوف اللعيبه كيف ؟!
والله يا ودالبشرى ما شفت لاعب عندو سطوه جوه الميدان زي سامي عزالدين ..
سامي وفي المورده كان عزالدين الصبابي ..
ما كان عندهم كبير كلو كلو ..
يجينا زمن نلقى فيهو الباشا الهزيل ده كابتن المريخ !!!
| |
|
|
|
|
|
|
|
|
|
Re: الزووووووط الالف !! الباشا كابتن المريخ والبشير رئيس السودان (Re: محمد حيدر المشرف)
|
اميننا الذي بامريكا ..
| Quote: البلد مافيها كورة مما ولدونا |
ياخي انت ولدوك في حته فيها قرعم وسري وعزالدين الدحيش الدحيش ..
تقول ما عندنا كوره مما ولدوك ؟!
وبعدين سنة سبعين انت ما قااااعد في الدنيا دي ليك سنين ..
كاس افريقيا داك ما فرحك ولا شنو ؟!
جيلنا نحنا يا امين هو المظلوم والله .. ما زيكم حضرتو ديمقراطيتين وشلتو كاس افريقيا !!
عاوزين شنو تاني ؟!!
| |
|
|
|
|
|
|
|
|
|
Re: الزووووووط الالف !! الباشا كابتن المريخ والبشير رئيس السودان (Re: محمد حيدر المشرف)
|
لا حولاااااا ..
مدثر ازيك ياخي ..
كيفك وكيف كيفك يا صاحبي ..
زمن طويل جدا يا مدثر ..
وها انت جايب لينا سيرة ذلك الوجع الجميل .. الرهد وخور عمر ومنافسات الكوره ..
باذني ما زال الهتاف: اوووو حكصا .. حكصا حكصا حكصا
وكذلك - اثر هزيمة حاره : حكصا الكبسه, سبب النكسه
هههههههههه ..
تذكرت الان كورة هلال مريخ الحضرناها في شعبة الرياضه جنب اولي الف وباء ..
اذكر - وكأنها كانت اللحظة الفائتة - كورة دحدوح في راس خط تمنتاشر !!!
كيفك يا صديقى وكيف كيفك ..
بالله عليك ما مهزله انو الباشا يكون كابتن المريخ ؟!
ياخي مشتاقين وياريت نتواصل ..
سابحث عنك في نواحي الفيس ..
| |
|
|
|
|
|
|
|
|
|
Re: الزووووووط الالف !! الباشا كابتن المريخ والبشير رئيس السودان (Re: محمد حيدر المشرف)
|
محمد ابوبكر سلامات ..
| Quote: الباشا لاعب في خانة ما خانتو |
الباشا يا عزيزي ما لاعب في تيمو الصاح ..
لمن نتكلم عن المريخ الذي ببالنا بنتكلم عن لاعبين مختلفين ومعادنهم الكرويه مختلفه ..
لا نقيس لاعب المريخ الا بالمباريات الكبيره ..
ودي البظهر فيها معدن اللاعب ..
لاعب المريخ بدخل اغلب المباريات وهو غالب اصلا ..
غالب بالتاريخ والفنيله والهيبه والجماهير وقلوب الملايين ..
ده وضع بخلى أي لاعب نصف موهوب يتألق جدا امام لاعبين مهزومين نفسيا قدامو ..
وياهو ده حال الباشا ..
بالتحديد ياهو ده حال الباشا ..
| |
|
|
|
|
|
|
| |
محمد حيدر المشرف
محمد البشرى الخضر
Mahmoud Mustafa Mahmoud
أمين محمد سليمان
اساسي
شهاب الفاتح عثمان
فيس بوك
تويتر
انستقرام
يوتيوب
بنتيريست