حكاية عَمّك حســـن الداير يِسّــوي مَعَاشـــو ...
هي حكاية قديمة كانت تروي في وصف حال البيروقراطية في الخدمة المدنية ايام النميري ... احاول هنا اعادة صياغتها في قالب خفيف ... ( كل الاسماء هنا من صنع الخيال ) ... _______________________________________________________ قالو عمك حسن وصل سن المعاش و الجماعة في المصلحة الشغال فيها ( عُمرو كلو ) عملو ليهو ( فطور ) آخر يوم عمل ليهو ... نفس الفول و نفس السلطة ... حتي ما ( برّوهو ) بي صحن كبده و لا لحمة مقلبة ... و في النهاية ( إنبري ) واحد من الزملاء و قال كلمتين ... و سلموهوا شهادة (حبر علي ورق) ... سندونش ما بتجيب ... وفكوهوا عكس الهواء ...!!!

09-08-2013, 04:50 PM

يحي قباني

يحي قباني
تاريخ التسجيل: 08-20-2012
مجموع المشاركات: 18742

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: حكاية عَمّك حســـن الداير يِسّــوي مَعَاشـــو ... (Re: يحي قباني)
كل العارفو عمك حسن انو لازم يمشي مصلحة المعاشات يسوي معاشو !!! ليه طيب ؟؟ ( وانا جادي ) لي حسي ... ليه الزول بعد ما يطلع معاش ما نفس مصلحته و وزارته هي التسوي اوراقو .. ويطلع من هناك معزز مكرم ... و كمان ليه ما يرسلوا ليهو معاشو بي شيك كل اول شهر ..( إكراما ) لي سِنُّه و سنين خدمته الطويلة !!!! لا ... بدل ما يرتاح ... يبدأ مشوار البهدله ... المهم ...

09-08-2013, 04:51 PM

يحي قباني

يحي قباني
تاريخ التسجيل: 08-20-2012
مجموع المشاركات: 18742

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: حكاية عَمّك حســـن الداير يِسّــوي مَعَاشـــو ... (Re: يحي قباني)
عمك حسن خته وريقاته في كيس نايلون ... وربطوا بي دباره قديمة عشان ما ( يضيع مستقبله ) .. و ركب كم بص علي كم حافله لغاية ما وصل مبني مصلحة المعاشات ... و من شباك لي شباك و من مكتب لي مكتب عمك حسن اول يوم ما وصل لي أيييييي حاجة ... صبح صباح اليوم التالي وطلع عمك حسن في رحلة العذاب الي مصلحة المعاشات نفس الحافلات .. و نفس الباصات ... الي ان وصل الخرطوم و علي طول الرحلة عمك حسن يفكر ... يا ربي ... أسوي المعاش كلو و اقبض لي قرشين ابسط بيهم وليداتي؟ . .. انا حسي 65 سنة ؟ الناس قالو لي سوي نص المعاش و خلي النص التاني تقبضو شهريا !!! هو لكن العمر باقي فوقو كم؟ ... انا لو بي حساب متوسط عمر الرجل في السودان أكون مته لي 16 سنة!!! يعني العقل يقول أسوي المعاش بالكامل... ما أخلي ليهم تعريفة... ووصل عمك حسن الي المصلحة و بدأ في رحلة البحث عن المكتب و الموظف المعنيين بموضوع تسوية المعاش ده ...

09-08-2013, 04:52 PM

يحي قباني

يحي قباني
تاريخ التسجيل: 08-20-2012
مجموع المشاركات: 18742

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: حكاية عَمّك حســـن الداير يِسّــوي مَعَاشـــو ... (Re: يحي قباني)
و أخيرا وصل عمك حسن الي المكتب ووجد تلاته موظفين و اربعة تربيزات ... واحد بيقلب في الجرائد اليومية ... التاني قاعد فوق تربيزة التالت بيخططو للفطور !!! و التربيزتين الباقيات فاضيات الا من شوية أوراق مهملة ... تنحنح عمك حسن ... في أدب ... نحنحته طلعت فشوش ... لا الاولاني نزل جريدته من وشو لا الاتنين التانيين وقفو المفاوضات الفطورية !!! السلام عليكم يا شباب ... قالها عمك حسن ايضاً بأدبه المعهود ... وحيث ان عمك حسن بائن علي سيماه انه من أرباب المعاشات رد عليه المنهمك في قراءة الجريدة قائلاً : لو عندك تسوية معاش ... دفع الله لسه ما جاء هو الموظف المسئول هنا عن المسالة دى ... طيب يا أستاذ دفع الله بيصل متين ؟

09-08-2013, 04:53 PM

يحي قباني

يحي قباني
تاريخ التسجيل: 08-20-2012
مجموع المشاركات: 18742

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: حكاية عَمّك حســـن الداير يِسّــوي مَعَاشـــو ... (Re: يحي قباني)
رد أخينا و مازالت الجريدة هي شغله الشاغل ياخ دفع الله ده ساكن آخر الدنيا ... يجي وكت ما يجي بس العالم دى دايرانا نبيت في المصلحة دي وكأننا بس مسخرين لقضاء احتياجاتهم و بس !؟! انا أسف يا ابني والله مقدر تعبكم وحرصكم ... انا عارف يا ولدي المواصلات صعبه ما انا أظني جار دفع الله لأني برضي ساكن آخر الدنيا ... والغريبة يا وليدي لما كنت موظف زيكم كده كنت بصل المصلحة الشغال فيها الساعة 6 صباحاً !!! نزل صاحبنا الجريدة ... وقال ليهو ... اها وبقيت وزير ؟؟؟ يا عمك اقعد اقعد أرجا دفع الله كلها ساعة و بجي ...

09-08-2013, 04:54 PM

يحي قباني

يحي قباني
تاريخ التسجيل: 08-20-2012
مجموع المشاركات: 18742

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: حكاية عَمّك حســـن الداير يِسّــوي مَعَاشـــو ... (Re: يحي قباني)
جلس عمك حسن متأملا في مكتب دفع الله ( الفاضي ) ... و سارحاً مره أخري في تسوية معاش كامل يا الله و لا نص و نص ... كدي بس يجي دفع الله و بسألو رايو شنو ... مرت الساعة ... و جاء الفطور و لم يحضر دفع الله ... أتفضل معانا يا حاج ... حاج منو انت ... اسمك منو يا عمنا ... كان عمك شبه غافيا في نومه خفيفة سارحاً في ملكوت الله فوقف وقال حسن إبراهيم عبد المطلب ... ضحك المنادي ... يابوي اسمك الثلاثي ده وفرو لغاية ما يظهر دفع الله حسن بس كفاية لي فطورنا ده ... أتفضل معانا ... شكرًا يا ولدى اتفضلو أنتو انا بس يجي دفع الله اقضي شغلتي و اخليكم بي راحتكم ... كان كده الجوع حيكتلك ... دفع الله ده ما مضمون تعال تعال مد أيدك ... وقام العم حسن باستحياء و أكل لقمتين من صحن الفول و حمد الله و شكره ... وعند حضور الشاي سحب احد الموظفين كرسيه و جلس يشرب في شاهيه بالقرب من العم حسن و قال له : والله انت باين عليك زول ظريف و انا حبيتك ... و كنت اتمني انو موضوعك يكون عندى لكن تعرف المسالة هنا تخصصات !!!

09-08-2013, 04:55 PM

يحي قباني

يحي قباني
تاريخ التسجيل: 08-20-2012
مجموع المشاركات: 18742

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: حكاية عَمّك حســـن الداير يِسّــوي مَعَاشـــو ... (Re: يحي قباني)
ايوااا ... تخصصات !! الله يكون في عونك يا ولدى وانت تخصصك شنو؟ قال ليهو ابدا ... انا مسئول من ملفات أرباب المعاشات البيموتو !! هنا شفط عمك حسن شفطة كبيرة من الشاي كادت ان تسلم ملفه لذلك الموظف مباشرة ... و انت اسمك منو يا ولدى ؟ قال لي اسمي الخير يا عم حسن !!! قال عمك حسن في سره ... اظن كان يسموهو نكير مش الخير ... انتهي اليوم بعد ان تناول عمك حسن كبايتين شاهي أخريين و عدد تلاته جبنات !!! ولم يأتي دفع الله في ذلك اليوم و كان الوعد و التأكيد علي اليوم التالي واتي صباح الغد ... و لم يأتي دفع الله ... وفطر عمك حسن و تسامر و شرب الشاي و القهوة و عاد الي نفس الوعد بان غداً سيكون هو الفرج ...

09-08-2013, 04:55 PM

يحي قباني

يحي قباني
تاريخ التسجيل: 08-20-2012
مجموع المشاركات: 18742

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: حكاية عَمّك حســـن الداير يِسّــوي مَعَاشـــو ... (Re: يحي قباني)
استمر الأمر أسبوع ... وهنا أصر عمك حسن علي المشاركة في ميز الفطور ... لان فترة الضيافة انتهت في نظره ... وتوطدت العلاقة بين عمك حسن و الخير ... و اصبح عمك حسن يستقبل المراجعين الخاصين بالخير مبتسما و شارحا ... دى ناقصة دمغة ... لا دى لازم يكون فيها توقيع من جهة معينة ... و دفع الله لم ياتي !!! و استمر عمك حسن ... ياخي الخير ما ممكن ( يأشر ) علي الورق ده لو ما ختمته من القومسيون الطبي ... يا حاجة شهادة الوفاة لازم تكون مرفقة ... وهكذا اصبح عمك حسن خبيرا بكل ما هو يلتف بموضوع المعاشات الخاص بأربابها المتوفين ...

09-08-2013, 04:56 PM

يحي قباني

يحي قباني
تاريخ التسجيل: 08-20-2012
مجموع المشاركات: 18742

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: حكاية عَمّك حســـن الداير يِسّــوي مَعَاشـــو ... (Re: يحي قباني)
و صار عمك حسن حينما ياتي يجلس علي مكتب الخير الي حين وصوله يرتب ملفات المراجعين ... و ينصح و يعدل ... واذا غاب الخير يوم يومين ... يقوم عمك حسن بترتيب الملفات و طمأنة المراجعين و المراجعات لحين ظهور الخير الميمون ... والحق يقال ان الخير كان مثالا للموظف المنضبط لا يغيب اكثر من يوم يومين في كل اسبوع ... وكان اجتهاد العم حسن بائنا للجميع ... حتي ان الخير نفسه اصبح يثق تماماً في عمك حسن و قال له في جلسة فطور ... يا عم حسن رأيك شنو الملفات الانت شايف أوراقها مستوفية بس ختها علي جنبه و ختي لي فيها تأشيرة ... وأنا لما أجي امضي طوالي ...؟

09-08-2013, 04:57 PM

يحي قباني

يحي قباني
تاريخ التسجيل: 08-20-2012
مجموع المشاركات: 18742

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: حكاية عَمّك حســـن الداير يِسّــوي مَعَاشـــو ... (Re: يحي قباني)
وافق عمك حسن و استمر الحال شهورا ... الي ان أتي ذلك الاسبوع الذي لم يظهر لا عمك حسن و لا دفع الله وجاءت الحاجة كلتوم أرملة المرحوم جاد السيد و وقفت قدام مكتب الخير و قالت ليهو يا ولدي ... انا لي أسبوع وورقي ده عندكم ... جاد السيد الله يرحمو مات و هو راجي دفع الله ... وأنا يا ولدى ما دايره أموت قدام تربيزتك دي !!! قال ليها يا ريت و الله يا حاجة اقدر أساعدك ... لكن ورقك ناقص تأشيرة من غيرها ما بيمشي ... و الموظف ( المسئول ) غايب ليهو فترة ... قالت ليهو و أسمو منو الموظف ده يا ولدى ؟؟؟ قال ليها : حسن إبراهيم عبد المطلب .... !!!!!!!!!

09-08-2013, 04:58 PM

يحي قباني

يحي قباني
تاريخ التسجيل: 08-20-2012
مجموع المشاركات: 18742

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: حكاية عَمّك حســـن الداير يِسّــوي مَعَاشـــو ... (Re: يحي قباني)
انتهت و للزهجان من القراء المتقطعة يمكنك قراءتها في نص واحد في صفحة 8 من ( حكايات جدّي التاريخ ) ... ذكريات و خواطر ...

09-08-2013, 06:15 PM

أمير محمد ادريس

أمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: حكاية عَمّك حســـن الداير يِسّــوي مَعَاشـــو ... (Re: يحي قباني)
هو إنت بزهجو من حكايات يا حبيب تحياتي عزيزنا قباني

09-09-2013, 00:56 AM

يحي قباني

يحي قباني
تاريخ التسجيل: 08-20-2012
مجموع المشاركات: 18742

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: حكاية عَمّك حســـن الداير يِسّــوي مَعَاشـــو ... (Re: أمير محمد ادريس)

Quote: هو إنت بزهجو من حكايات يا حبيب

تحياتي عزيزنا قباني

أمير يالأمير ...

الله يجبر بي خاطرك يا جميل ...

الف تحية و الفين سلام يا حبيبنا ...

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]