الصدفة وحدها قادتني أثناء تجوالي في تعاريج اليوتيوب ومضاربه عندما كنت أتابع فيديوهات الإسقاط النجمي وأحاول جاهدا أن أطبق ما أرى من باقات التمارين التي تساعد على خروج (الجسد من الروح) أثناء النوم .. تمارين مملة لا تحفّز على شيء (حتى الآن ) سوى الإستلقاء والاسترخاء ومحاولة النوم أثناء البحث عن نقطة مركز الطاقة داخل الجسم. في حلم استعصى علي كثيرا بأن أتجول في بلاد الإفرنج نهارا والجلوس على تلال صحراء كلاهاري في رحلة العودة ليلا إلى المنزل
الجدير بالذكر .. والشئ بالشئ يذكر .. أن أكثر من 90% من الفيديو streaming في اليوتيوب يتم في المملكة العربية السعودية – حاولت جاهدا أن أترجم كلمة ستريمينغ إلى اللغة العربية – وأعتقد أن أقرب ترجمة لها هي المشاهدة المباشرة بلا تحميل .. لدرجة أن القائمين على أمر اليوتيوب يفكرون جديا في نقل السيرفرات إلى داخل الممكلة حفظا لباندويث الشركات المخدمة في المملكة.. المهم في الأمر أن عرصات هذا اليوتيوب قادتني إلى مشاهدة فيديو( آيدا ) ..
لم أسمع من قبل صوت فنان أو فنانة مدموج إلى هذه الدرجة مع الموسيقى المصاحبة للأداء .. دائما ما يكون هناك هذا البرزخ الذي يمنع التداخل بين الصوتين .. صوت الفنان وصوت الآلات الموسيقية .. لكن لآيدا صوت .. مدغوم .. مدموج .. ذائب في موسيقاه لدرجة لم تراعي فيها إنسانيتنا ولا هواننا على الناس .. تجلت لي رسالة الفن وعالميته في عدم استيعابي لأي مفردة من مفرداتها في هذا المقطع ولكن وقع هذا الأداء وهذه الأغنية بهذا الوجه الملائكي لآيدا جعلته من أحب المقاطع في اليوتيوب .. فشكرا للبروسترويكا وما قبلها.. فلولاذلك لما كان مقدرا لبرنامج the X factor أن يكون خمسة عشر the X factors بدلا عن X factor وحيد في العاصمة موسكو ..
09-02-2013, 09:13 PM
أمين محمد سليمان أمين محمد سليمان
تاريخ التسجيل: 08-08-2009
مجموع المشاركات: 8437
Quote: والله يا محمد عمر صوتها عاااادي عداوة شديدة ... شكلك كتلتك مسحة الوجه الملائكي و العيون التي في طرفها بتاع !! ثم أنا - علم الله - مشتاقون !!
أمين يا بروفـ .. الوجه الملائكي والعيون لسة ما جيتهم لكن يشهد الله يا أمين .. ما حصل شعرت بهزة وأنا بسمع أي نوع من أنواع الغناء زي ما حصل لي مع هذه الآيدا .. ياخ دا صوت من كوكب وعالم غير العالم العايشين فيهو دا .. ممكن تفتح الفيديو في اليوتيوب طوالي وشوف في كم زول مخلوع زي كدا .. أنا بعتبر دا أمتياز وتوفيق رباني في إنو الزول قدر يلقى الفيديو دا بالصدفة ويصبر لحدي ما الزولة دي تبدا تغني
شفت الزولة دي لمن رفعت يدها في الهواء .. أنا متأكد الرفعة دي عشان بعض الخوافق تظل بين أضلاعها ..
ثم - الشوق بحور والله يا أمين
09-04-2013, 05:38 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: يا ود جبريل يا امنجي هههههه كدي اسمع نفس الزولة في نفس الغنية في الفاينال اعتقد هل بتديك نفس احساس الغنية الأولى
أمنجي صاحبي القبضوهو في الدولة الاسكندنافية داك.. (بالمناسبة .. هو منو زاتو الأتقبض) والله فجأة لقيت سودان بمب وللا شنو كدا ما عارف ختاها لي قال من يوم كشفنا صاحبك الأمنجي في الدولة الاسكندنافية .. :) الزولة دي حضرت ليها أي كليب حايم .. فعلا الفيديو الأول مختلف عنهم كل الباقيين لكن برضو الصوت دا جاي من عالم تاني .. صدقني!
أيمن سلامات ومعليش للتأخير .. لكن يشهد الله الواحد عشان يدخل المنبر بقى بعاني معاناة شديدة جدا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد عمر جبريل
أمين محمد سليمان
بكري عباس علي
أيمن محمود
محمد البشرى الخضر
فيس بوك
تويتر
انستقرام
يوتيوب
بنتيريست