شوفوا الملطشة الضقتها في اول بوست في هذا البورد (توجد كفوف و ورود)

Quote: العشرة الاكثر نفوذا ،، العشرة الاكثر انبطاحا ،، العشرة الاكثر وسامة ،، العشرة الاكثر بورة ،، العشرة ،،، والعشرة ،،، وانا والعشرة والزمن طويل ،، نواصل ،،،

Quote: عرفنا كل النشطاء في الاسافير طرشوا مداد يغطي عين الشمس عن الفساد والمفسدين في عهد الانقاذ،، يعني من كثرة ترديد هذه الكلمة والصاقها بكل من هو منتمي لهذا الكيان الرخو المترهل اصبح هذا المصطلح عاااااااااادي،، لا بل اصبح المفسدون نجوم مجتمع ،، ولهم حضور ، وذلك منذ فترة التأسيس والتسويق لهؤلاء المفسدون اثناء مرحلة التمكين ،، يعني فساد مؤصل ،،، ما دام هذا هو الحال عن الفساد الذي اصبح لا تخطيه عين ومعروف عن الاشخاص والمؤسسات ،، اذن ما فائدة تناوله والكتابة عنه ،، عشان كدى لجئا كثير من اعضاء البورد للهروب الى لوائح العشرة ،،كسرا للجمود وهروبا عن الاحباط في الساحة السياسية،، ونواصل رحلة الهروب الى العشرات

Quote: في بداية شهر يونيو مرورا بيوليو بدأت بشائر ثورة ،، والكل في حالة ترقب وانتظار لما هو اتي ،، تفاءل المتافئلون بعشم التغيير وقفل صفحة السنين العجاف تحت نيران تتار العصر كيزان العدم ،، واصاب النظام الرعب وظهر رئيس نظام المؤتمر يهزوا ويشتم في خطابه البائس المعروف اعلاميا بخطاب شذاذ الافاق ،، فرحنا بصحوة ابو الشعوب ، كتبنا و دعمنا وتابعنا باحترام كل من خرج ومن سيخرج ،، وفجاءة اصابهم الخفوت ،، برغم الجوع وهدر الكرامة الساكن سنين ،، دا الشعب السوداني المعلم قاهر الطغاة ؟؟؟ في حاجة غلط ،،، وبداء الاحباط يغشى الاشراف الاحرار والتفاؤل يعم لصوص الزمن الاغبر،، وكان لابد للهروب للوائح العشرة ،،، ونواصل رحلة الهروب الى العشرات ،،،

Quote: في البدء مرحب بك ايها الثائر علي دفع الله ...........مرحب بك وانت تنتقد هذه الهزائم ، وهذا الهروب نحو عالم التسلية والذي جعل المخربون الفاسدون يستحلون توهاننا في عالم الجن والسحر وتهافت التشجيع الكروى الباهت ......والتدين الكروي الجديد ..... ثم تتالت الهزائم والنكسات لتصيبنا حمي الهوس العشري الماثل . شكرا لك واتابع وساتابع رغم المشاغل

Quote: المناصير يعتصمون ،،، اعتصام سلمي ولكنه انتشر عبر الميديا والاسافير،، وقلنا دي البداية وحلمنا بميادين التحرير سوف تنتشر في الشرق والغرب والوسط والجنوب،، لانو وجعة المناصير اقل وقعا وألما من وجع الباقيين،، وامكانية تعويض نخيلهم واراضيهم مقدرو عليها لان نزوحهم ما خارج الحدود،، وايضا ارقام شهداؤهم في كجبار بسيطة ولو اننا بنؤمن بأن تعذيب الانسان من الكبائر،، فما بالك بقتله ، ولكن في عهد التتار الاف من الموتى لا تساوي عندهم شيء ،، وكما اعترف رأس النظام في قناة الجزيرة (بأن شهداء دارفور عشرة الف بس) ، انفض السامر في خيم المناصير ،، بعد الترضيات والتعويضات ،، وبلعنا لساننا وكسرنا قلمنا ،،نسينا حلمنا الذي سوف يقاد من تلكم الميادين،، وهربنا تاني الى لوائح العشرات ،،، ونسينا ان تراكم الاحداث ممكن يقود الى الانفجار،، لكن بخجل وهروب لابد ان نتسلى ونهرب الى تلك القوائم العشرية ،، ونواصل ،،،

Quote: يعني ما ننوم؟ نغيب من البورد ونجي نلقى الأخ سجل ورحب بي روحو وعمل 13 مداخلة قايم فيهم بي نمرة "عشرة" هو شنو هو؟ يا برلوم إنت ما كلموك؟ 13 مداخلة دي عملناها في قريب سنة 13*365*7= 33215 مداخلة بعد تتم ليك سبعة سنين يا النبي حجز

Quote: Quote: تيسير مرحب بيك او بيكي لان ماشي مع الجندرين،، اقوم بنمرة عشرة ولا بنمرة خمسمية انا حر ،،،،،،،،،، (1) ومن حقي امارس تواجدي بقدر ما استطيع من المشاركات ،،،(2) واصلي ما ختيت في راسي القى اي تجاوب لاني برلوم ،،، ومن حقك تقول لي برلوم او تتريق علي دي اصلها ما مشكلة ،، في النهاية انا جيت هنا عشان اوصل حاجات انا حاسة بيها ومهموم بيه ومؤمن بيها ،،، تلقى تجاوب اهلا وسهلا ما تلقى مية اهلا وسهلا ،، وماشين في السكة ،، وفي كل ركن بنقيف وبنرمي شمعة عشان نتش عين الضلام بالضؤ لاني شعاري في الحياة (ان توقد شمعة خير ان تلعن الظلام) (3) و(4) وفوق لي دا يا سنير يا معتق سعيد بمداخلتك الخشنة ----------------------------------------------------------------- --------------------------------------------------------------------- 1. لا ما حر تصدق ! لما في غمرة قومتك بي نمرة عشرة دي تكون شايل قلمك الأحمر وقاعد تصحح في البوستات دا هروب ودا فقاعية تبقى نهائي ما حر .. 2. من حقك تمارس تواجدك بقدر ما تستطيع من المشاركات على ألا يكون نصف مشاركاتك دي "أو يزيد" تريقة وتنظير من قولة زي ما قاعد تعمل في البوست دا .. 3. عين الضلام دي ممكن جداً تتشا بدون ما نطقش لينا ناس تانيين أو نعفص ليهم رجلينهم بحجة "الظلام" ! 4. بالمناسبة، أنت حالياً تلعن الظلام وتلعن من تعتقد أنهم قد تسببوا فيه (وبي حالتك دي الله العليم تكون من واقدي الشموع ) تنويه: مداخلتي السابقة ليست خشنة والحالية برضو أظن! دي مجرد فرامل لكبح قيادتك الهوجاء هذه .. ومرحب يا زميل

Quote: ههههههه كل سنة وانت طيب يا ابوعلوة وعقبال الذكرى المية دخلة حماسية جدا كانت رغم الإحباط الظاهر الفيها, وزي ما قلت ابراهومة اداها كوزين تلاتة حماس كمان أها بعد سنة بورد لقيت الوضع كيف؟ وهل بستاهل القومة بنمرة خمس

Quote: للموقع وقد أثبتت الأيام ذلك . والسناير الذين جادلوك حينها شعرت بانهم يُناكفونك فقط وهم فى قرارة أنفسهم أعجبتهم جُرأتك فى النقد من قولة تيت . هنالك بعض البدريين من السناير كانوا يتمنوا أن يغلق بكرى باب الهجرة الى المنبر ليكون مقصورا عليهم وعلى ما يطرحونه من أفكار وينظرون الى البرالمة بإذدراء من برجهم العاجى فأمثال هؤلاء لن ينزلوا لمستوى مجادلة ومحاورة برلوم وإذا طرقت باب أى من بوستاتهم فلن يُرحبوا بك مجرد ترحيب وإذا أخطأ واحد من القادمين الجدد شملت اللعنة الجميع كأن يتساءل أحدهم بكرى بجيب البلاوى ديل من وين وهكذا. على ود دفع الله الى الأمام دوما فقد رفعت رأسنا عاليا نحن معشر المهاجرين الجدد الى الموق

Quote: Quote: تنويه: مداخلتي السابقة ليست خشنة والحالية برضو أظن! دي مجرد فرامل لكبح قيادتك الهوجاء هذه .. علي بي جملة الإيمان كنت قايل الزميل دفعتنا :) يا النبي حجز

Quote: فرح ابو روضة · الأكثر تعليقا هههههههه والله لكن بوست في الصميم يا على دفع الله وكانت ايام والله شهد لك فيها الجميع بالثبات احتراماتي يا وهييط تخريمة كدي عليك الله يا على دفع الله فتش كفوفي ارفعه معااااااااااااااااااااااك ههههههههههههههههههههه

Quote: نفس المرحله دى بمر بيها انا بس بهدوء و رويه ... كل سنه وانت طيب ياعلى احترامى

Quote: Quote: علي بي جملة الإيمان كنت قايل الزميل دفعتنا :) يسألني الله أنا قايلاهو سينيرنا خشم الباب فتحو النبي

Quote: ؛ مر عام على مداخلة تيسير عووضة و ما زلت تفسر المداخلة في غير سياقها و بطريقة متعسفة!

Quote: كل عام وإنت بخير أخي علي

Quote: لكن الحماس زاد وواصلت ولا هاميني شيء نسيت اقول لي روحي كل سنة وانا طيب

Quote: والله التجاهل والنظرة بكبرياء من الاعضاء القدام الى الاتيين الجدد وكلمة ( بكري بجيب الناس دي من وين ) تتصور اصلها ما بتأثر بقدر ما بتدي احساس بان من يقول هذا السخـــــف زي الزول البجيه ضيف ويتأفف من وجودو ونحن سودانيون دايما باشين بمقدم الضيف و غير ذلك يجب يراجع قيمو

فى مداخلة عادية مع واحد فى بوست ليهو والزول دا بقرأ ليهو من فترة قبل ما أحصل على العضوية
كلام (كورة لا بيودي لا بيجيب ( و كلو فى اتجاه واحد رديت علي كلام هو ذاتو ما مقتنع بيهو
وكاتبو .. قال: بكري بيجيب التُحف ديل من وين.. والغريبة هو ذاتو دفعتك موديل 2012 يعني
لسي بيقول يا هادي.. والغريبة أكتر إنو (د.).
الغريبة جداً جداً القُدام خالص خالص (لو طلعنا واحد إثنين) ما بينظروا للحتة دي نهائي حتى كتاباتهم الواحد يبحث عنها.
على كل حال المنبر عبارة عن سوق فيهو كل أنواع البضاعة الواحد يشتري العايزو.. وأسهل حاجة ترصيص الحروف
وتركيب الجُمل والشتائم والنيل من الآخر فى الأعراض .. هي ساهلة بس مُقرفة وأسلوب عاجز.
حقيقةً بوستيك روعة دا والدخلت بيهو طووووش للمنبر قبل عام.
تحـــــــــــياتي.

Quote: ومعاك برضو يا عميق الاخاء . والله السناير ديل ما عرفوا قيمتك ... وبكره تبقى سينير .. ونحصد معاك حصادنا العشم ... ليتنى كنت معك .. وكل امالك تتحقق .. وتفرد روحك واحفادك وعيالنا يتشربوا الحرية .

Quote: أخونا علي .. لك التحية .. ونوّرت ... وشكلك لم تتوقع أن تكون المُخاشنة (كما وصفتها) من أنثى ... الأخت تيسير أنثى وليست ذكر ... ــــــــ وليس الذكر كالأنثي

Quote: أحلق شنبي نص لو الزول دا ماكان هنا قبال كدا!! يازول قول بسم الله!! ههههههه

Quote: نورتنا يا على ونورت البورد ,,,

Quote: تحياتي للذين مروا ،، رحبوا او اضافوا او هاتروا وبجيكم واحد واحد لكن اكثر ما المني مداخلة ود الباوقة البائسة لكن ليس بعد الكوزنة عيب اما البقية لهم الشكر ولو عندي حبة دهشةمن كلام حافظ انقابو العامل فيها انطون اسافير وعامل فيها دمو خفيف برجع ليك وتاكدوا لا زال البوست يحبو ومصيرو يكتمل ويمشي ، لان فكرة البوست ضد الهروب فلابد من المواصلة ، فلا تشفقوا علي سأواصل برغم المتاريس احترامي ومودتي

Quote: هههههههههههههاهههاهاا على دفع الله ذكرتنى عادل امام :-بققى هم يضرب والسواق يضرب والركاب بيضربو وجرجرونى ف الشارع(قرقرونى)ف الشارع اللى بالشومة يضرب واللى باعصاية يضرب بقى اللى رايح يضرب واللى جاى يضرب والنسوان تزغرط والرجالة تقول الله اكبر والعيال الصغيرة يجى وراى تعمل ايه انا موش عارف هههههههههههههاهاهاههاا انا من سجلت خايف انزل بوست بس اتاوق وشايل سفنجاتى فى يدينى عشان زى حالتك دى

Quote: بس مش حا اعتصم اوي

Quote: انا حزين حزين ،، زعلان زعلان ،، عارفين من منو ؟؟؟ من السيد سيد الحوش بكري ابو بكر لانو انا الان بحتفل بحولييتي واحتفالي بأكمال سنة --------- يا بكري يا اخي كل ما تكون في مناسبة عيد ميلاد نجاح مولود لاي عضو على على طول تجي تجدع بوكيه ورد اش معنى انا ما رميت لي انشاء الله ولا وردة انا حا اعتصم واضرب عن الطعام لحين رؤية بوكيه الورد -------------- بس مش حا اعتصم اوي

Quote: تعليق على ثيمة البوست - وهي كما فهمتها - مسالة حقارة السناير بالعضو الجديد و وصايتهم عليه,

Quote: انا بقرا في البوست دا .. طوالي اتخيلت .. عارفين اتخيلت شنو؟؟؟ اتخيلت انو لمن يجيك ضيف في البيت .. تقعدوا في الصالون وتجيب ليهو موية .. وتتتونس معاهو حبة حبتين .. وتقوم تمشي عشان تجيب ليهو بارد او قهوة.. تجي تلقاهو شغل التلفزيون وولع كل اللمبات وشغل المسجل وقلع هدوموا وراقد في الكنبة وبقلب في القنوات بالريموت .. ومرات تلقاه استغل التلفون الثابت في مكالمة طويلة يمكن دوليه ولمن تجي يقول ليك خفض صوت التلفزيون .. ____________ مع انو لي نصف عام او زيادة شوية هنا برحب بيك ايما ترحيب وابقى داخل يا عمك لكن براحتك لانك خشيت وفكيت الباب ضرب ضربة شديدة صحت ليك تايسا وحبيب كل الجكس غايتو انشاء الله يكون مهداوي وقيقراوي مافشين اتمنى لك بوست موفق وامنياتي لك بعدم البلع حاول تكسب الناس وخليك ناعم شوية معاهم صدقني الناس الخشو ليك ديل اجدع ناس في البورد دا ما تلاويهم

Quote: تحياتي ... قرأت البوست وضحكت حتى بانت نواجزي عارف كونك برلوم وتواجه بكل هذا الهجوم وتصمد من غير ما توجه اساءة لي زول دا ادى الناس اشارات ممتازة عنك ... وإنك زول صاحب قلم وصاحب قضية وفوق دا سوداني صميم يستحق كل الاحترام اختنا تيسير انسانه فاضلة اتمنى ان يجود عليكم الزمان بلقاء للتعارف حينها فقط ستضحك مثلي ... لا عليك يا ابو علوة وزمان لو متذكر انا قلته ناس البورد ديل زي كرنقو التعلمجي بتاع الدفاع الشعبي حقنا في القطينة بكرهوا حاجتين هما المستجد والكـــلـــــب

Quote: ( سنة حلوةى ياجميل ) الأخ ود ( دفع الله ) المحترم .. أنحنا طبعا قاعدين هنا فى ( المساطب) الشعبية وبنتفرج بمزاج وطبعا مافى زول بقدر يقول لينا بغم وبنقدر نشتم ( الحكم ) بمزاجنا ومرات بنفك طوبة طوبتين حتى بعض ناس ( اللوج ) لمايخرم للشتيمة فتراه يتسلل للمساطب ويشتم ويحرق ( عمته ) كمان .. عن نفسى سأقول لك رأيى فى بوست ( عشرات البورد ،، وانا حالف ألأ اشوف اخرتا ،،،) كان طرحك فى غاية الأحترافية ونظرتك للعشرات ( الغبية ) ومقارنتها بهموم ( الوطن ) كانت نظرة راقية وسط أمخاخ متحجرة وبغباء يكررون ( سنير ) أنا و( برلوم ) أنت وليس لك الحق تتكلم كلام سناير .. تكالبت عليك ( المتردية ) والنطيحة وكانت الأكثر سقوطا ( الفقاعة ) تيسير فكانت لهجتها متعالية وفاكرة نفسها سنير فى ( الهيرالد تربيون ) .. لكنك أعجبتنى فلقد كنت دائما تفحمها بأدب ( الضيف ) الذى وجد أهل الدار يقولون لأمهم ( بولى على النار ) .. ولا أعرف هل فهمت رد ( البشارى ) عندما قال لها( إنتى زعلتى ولاشنو ) إستنادا للنكتة المعروفة ..! أما المدعو ( أنقابو ) فينطبق عليه المثل ( الطيرة المبارية السمبر ) يعنى لافهم ولا لغة ولا فكرة وإن كانت هنالك عضوية يسأل عنها ( بكرى ) فهى عضوية المذكور .. أما حبيب نورة فما كنا نتوقع منه ذلك ويبدو - على مأظن - قرأ بوستيك فى الوقت ( الخطأ ) وقد يكون كتب ماكتبه ( مجاملة ) لأحد ما .. أما ( الكوز ) الهمبول ودالباوقة وطبعا ليس بعد الكوزنة والأنتماء لتنظيم الأخوان المسلمين الرهيب إثم أكبر من ذلك .. دائما فى آخر النفق يوجد ضؤ فهناك بعض ( النشامى ) فى المنبر تجدهم يخففون عنك ( حرج ) الوقوف عند الباب ويؤكدون لك أنه دارك والحالة واحدة فأنهم أناس إختصهم الله بقضاء حوائج الناس .. لاتلتفت لسنير ولابطيخ ففيهم ناس معتتين فى المنبر وغير الشمارات وهيع وكع لم نقرأ لهم شيئا مفيدا .. سيبك منهم وواصل كتابتك فحروفك رشيقة وزى ماقلتليك نحن قاعدين نرمى الحجارة على مالايعجبنا وسجن سجن غرامة غرامة ..!

Quote: أنحنا طبعا قاعدين هنا فى ( المساطب) الشعبية وبنتفرج بمزاج وطبعا مافى زول بقدر يقول لينا بغم وبنقدر نشتم ( الحكم ) بمزاجنا ومرات بنفك طوبة طوبتين حتى بعض ناس ( اللوج ) لمايخرم للشتيمة فتراه يتسلل للمساطب ويشتم ويحرق ( عمته ) كمان

Quote: انا من سجلت خايف انزل بوست بس اتاوق وشايل سفنجاتى فى يدينى عشان زى حالتك دى

Quote: البوست السابق "عشرات البورد ،، وانا حالف ألأ اشوف اخرتا ،،،" بصراحة أنت غلبت السناير 3 صفر, بس فى حينه انا اعتبرت كثير من المداخلات أنها "مداخلات دمها خفيف" لكن ردة فعلك كانت بتجي قوية ... ومناكفاتك للسناير من أول بوست جابت نتائج جميلة جداً ... لكن حكاية أن العضو القديم بيعتبر نفسه سنير دي حتى اللحظة دي أنا ما مقتنع بيها

Quote: المؤسف لغاية الآن إنك متصور بل وحاولت تصور للناس إنو كلامنا معاك في البوست داك كان عبارة عن تعنت سناير ضد برالمة !

Quote: Galal E Omar استاذنا علي .. هناك الله في احتفاليتك دي و مزيد من النجاح ان شاء الله و ربنا يبعد عنك شلاليت المنبر ياخ .. وبعدين نحنا التحت ديل البنتاوق مرة مرة ادونا بالحتة الفيها الحديدة .و ارجو ان تسمح لي بي <عشرة> ونسة مع استاذنا ود البشري استاذنا ود البشري .. حياك الله و بياك ياخ اولا... اتفق معك تماما في ردك علي مداخلة اخونا ود باشري و ذلك من باب مستولية الكاتب تجاه كلمته فقط لا عير ثانيا .. لا شك لدي في ان الكتابة وسيلة ناقلة لي افكار و رؤي الكاتب الا انها تحمل في طياتها و تعكس صورة من طبيعة شخصية الكاتب و اثرها علي المكتوب.. و انتا زول كتاب و حتما تدرك انه قد تضيف بعدا لما هو مطروح او تذهب به الي اسفل سافلين .. ثالثا .. ما يكتب من تحت هو نتاج لما هو مطروح فوق .. و ناس فوق منهم من .. يتعامل بكل مسئولية مع مشاركات ناس تحت ومنهم من لا يعيرها اهتماما من الاصل و منهم من ذهب الي الدعوة لآغلاق النافذة و منهم من استغلها الاستغلال الاسوأ و نهياتو ... الواحد فينا بيجتهد يكتب في اطار فكرة الموضوع والابتعاد بقدر الامكان عن الجانب الشخصي و التهاتر و احيانا نخلي نعلاتنا ونقوم صوف خاصة وفيكم من الكتاب الذين يعتبرون انفسهم نجوم مجتمع و لا يحق لآحد الاقتراب من ذواتهم المقدسة و بالمناسبة دي .. افتقد كثيرا الاستاذ الطيب رخمة قريمان لعل الامر خير ولك و لعلي كل الود

Quote: الأخ / محمد البشرى تحياتى( بعد إذن أبو علوة أيضا ) .. بالنسبة لردك بخصوصى أود أن أبين لك حقيقة قد تكون غائبة عنك وعن كثير من أعضاء المنبر وهى أننا من الفيس البوك أو البعض مما تسموهم ( البرالمة ) لهم سنوات طوال متابعين مايكتب فى المنبر ومثلما لكم تصنيفكم الخاص لبعض الشخصيات هنا فكريا وثقافيا وإثنيا وحزبيا لنا تصنيفنا الخاص أيضا .. وسأرد على ماأثرته هنا أولا بخصوص أعتقادك بأننا نصبنا أنفسنا نقادا أو حكاما فالموضوع أبسط من ذلك فنحن ليس هذا ولاذاك ولكننا نجلس فى زاوية نرى منها مالم تروه أنتم وماأظنك ستعترض على تقييمنا وإنطباعنا الخاص لكل مايكتب هنا ومن يكتب أيضا - وهذا حق أكتسبه وإكتشفه كل من رحل من السودان - ولو رجعت لتعليقى ستجد أنك من الذين وضعناهم فى خانة ( أناس إختصهم الله بقضاء حوائج الناس ) وتأكد بأننا قرأنا مداخلتك مع الأخ على دفع الله فى البوست ( المشكلة ) والتى صنفها ب( الورود ) وليس الكفوف .. أما قصدى بموضع ( بغم ) فهو أن الغالبية منكم - وأقصد الأعضاء- فى أثناء الحوار لموضوع ما يميل للمجاملة وإن قال للأعور أعور , يتكالب عليه العشرات من نفس الفصيلة وتأكد أننا نعرف بأن لهم وسائل إتصالاتهم الخاصة فى ( النفرة ) وفى إغتيال الشخصية - ألم أقل لك بأننا نعرف خبايا المنبر - أما نحن فلا يهمنا ريد أو عبيد وعن نفسى لاأنتمى لحزب ما أو أى تنظيم ولايخيفنى التهديد فالذى لايعجبنى أقول له مباشرة وأهم شيئ عند الضرورة أفك الطوبة حتى ولو رجعت لى عشرة طوبات ودرابتين ..عشان كده مافى زول بقول لينا ( بغم ) لأننا أصلا ماخسرانين شيئ ..! أقول لك سرا تعرف نحن عندما نود التعليق على كلام أحدهم نزور صفحة بروفايله فنجد العجب العجاب كمثال أحداهن تضع حرف ( د) قبل إسمها وعندما تقرأ لها تجدها تكتب كلام الطير فى الباقير فنقوم نديها طوبة , وأحدهم مثلا تجد فى بروفايله بأنه كاتب صحفى وخريج اعلام ولكن عندما تقرأ له تجد أن لغته العربية ركيكة وكلماته غير متماسكة وفكرته باهته فنقوم نديهو طوبتين - وللذكر مثل حظ الأنثيين - .. وأنت مثلا هاتفك أرقامه متنافرة ولاتوحى بأنك تعمل فى إتصالات أو حتى ( دو ) هههه..!

Quote: لست ادري لماذا تاخذ الناس هذا الموقع كانو صالون خاصتهم "انقابو" هذا الموقع له لوائح وله قوانين تحكمه ....وربما ولجه شخص له تجارب جمة في الحوار كحالة اخونا علي دفع ، وقد يلجه شخص اكثر خبراته في النت هي تصفح الايميل .......ولو بالغ خالص بيكون عندو شوية اصحاب كروين في الفيس بوك . الاخ علي واضح انو زول مكرب جداً لغوياً وموضوعياً وكمان تتسم كل مداخلته بالثقة العالية في نفسه "self awareness and self actualization وتبدو هذه العلامات واضحة في اصراره علي معرفة ماذا يود ان يقول .......فلماذا التطاول بخاصية التواجد السابق له في المنتدى ."السنيرة"......فحسب ما اعتقد انه كاتب في سودانيز اون لاين ولكن في صفحة المقالات .......فهونو علي انفسكم شوية والرجل ابدى استعداد لمناقشة افكاره ورؤاه ........فالرجاء ان تتركو حكاية برلمته هذه جانباً .............وتصوبو اقلامكم نحو افكاره فهذا اجدى لكم ولنا وله ولجميع القراء

Quote: Quote: المواطن على دفع الله مرحب بيك ...يا دغرى ....وتحياتى برلوم السرور معاوية عبيد بواسطة المواطن قاسم المهداوى.... رسالة عبر الاسكاى ــــــ ولكن حتى نعود قاسم المهداوى

Quote: الاخ على مرتب جدا و اعتقد انه يعرف خطواته (فى البوست) جيدا فدعوه يكمل . . اتفقنا ام اختلفنا ده موضوع تانى اما مسألة سينير و برلوم دى فيها استاذية غير مبررة .......... يا على حبابك رايك شنو فى ابو العباس و العشرة الكرام اظن اصحاب العشرات نسوه