|
|
 لا تضرب الطفل على مؤخرته ابدا ..والسبب !
|
| Quote: التأديب الجسدي يزيد المشاكل الصحية في المستقبل أظهرت دراسة أن الأشخاص الذين ضربوا على مؤخرتهم في فترة الطفولة معرضون أكثر من غيرهم للإصابة بمشاكل نفسية في الكبر، كاضطرابات سلوكية أو إدمان للكحول أو المخدرات، بحسب ما ذكرته “فرانس برس”. وهدفت الدراسة التي أجراها فريق من الباحثين الكنديين على 653 راشدا إلى تقييم الآثار النفسية التي يخلفها الضرب على المؤخرة والتأديب الجسدي البسيط، مع استثناء طرق التأديب القاسية (التي تسبب كدمات أو جروحا) أو تلك التي تحمل طابعا سيئاً في منطقة غير مرغوبة. وبينت النتائج أن الأشخاص الذين ضربوا على مؤخرتهم معرضون بنسبة تتراوح بين 2 و7% للإصابة بأمراض نفسية في الكبر. ومع أن هذه النسبة غير مرتفعة، إلا أنها تظهر أن التأديب الجسدي يزيد خطر الاصابة بمشاكل في المستقبل، ولا سيما أن نصف الأمريكيين يتذكرون أنهم ضربوا على المؤخرة في طفولتهم. واعتبر فيكتور فورناري مدير قسم علم نفس الأطفال في “نورث شور لونغ آيلاند جويش هيلث سيستم” بنيويورك أن هذه الدراسة مهمة، لأنها تفتح جدلا حول تربية الأطفال. وكانت الأبحاث السابقة حول هذا الموضوع قد بينت أن الأطفال الذين تعرضوا لتأديب جسدي يعانون مشاكل نفسية عندما يكبرون ويميلون إلى التصرف بعدائية أكثر من غيرهم. لكن تلك الأبحاث ركزت على الحالات التي تلقى فيها الأشخاص عقابا جسديا قاسيا، على عكس الدراسة الحالية. يذكر أن 32 بلدا في العالم حظر معاقبة الأطفال جسديا، لكن اللائحة لا تشمل الولايات المتحدة وكندا. |
الخواجات عندهم دراسات عجيبه وغريبه..
من هواياتي المفضله متابعة الدراسات التي تنشر علي الصحف والمجلات الاكترونيه جميعها تجد فيها الغرابه ، لو تابعتها بتنفيذ ما جاء بها واطاتك اصبحت.
بالله منو الكان صغير في مجتمعنا السوداني زمان وما دقوهو في مؤخرتو كان في المدرسة بي سوط النيم او في البيت بالخرطوش بتاع الموية حكاية دق المؤخره نخليهو ياخ في ابوات واعمام افكو فيك المركوب لو ما كنت حريف بتاع زواقه المركوب افتح راسك ضلفتين اها ديل اطلعو شنو ؟؟؟ .....اعتقد سماسرة بتاعين زوقانات أو المهنة التانية ليهم اعضاء في مؤتمر وطني أو وزراء الملانه بيهم البلد شيء بالمعاش ونوع اخر وزير سابق وهلم جرا ، نازلين فينا كضب وتنظير.
لو مشينا بالنظرية او التحليل العلمي بتاع الخواجات معناها 90% من الشعب السوداني عندو مشاكل نفسيه يعني ما نافع علي نافع براهو لو ختينا احتمالية النظرية صاح الريس ليهو حق شايل عصايتو وانقز واقول للناس ((أنا حصل كذبته عليكم))
الجماعه كلهم بصوت واحد .. لا..
إقول ليهم خلاس زرعنا ليكم النخل عشان تاكلو تمر بس وقفوا شراب القهوة وسف التمباك .... الظاهر الريس كان بنضرب علي قفاهو برضو.
نرجع للدراسات والهوس بيها....
واحد كل ما اقابالو القاهو شايل رمان اللفت نظري لي حكاية شيلتو للرمان قابلتو في اسانسير العمارة والكيس ملان بي الحاجات المدردمة كنت مفتكرها دوم متعودين احنا في بلد الاغتراب لما تلقي سوداني شايل ليهو حاجات مرسله من السودان تدخل لسانك...
يا زول كيف الجماعه في السودان تمام ماشاءالله جايبين ليك دوم ؟؟؟؟
رد الراجل : دوم شنو ده رمان ....
الموضوع مشي علي رمان بعد كم يوم برضو شايل رمان .. يا راجل شنو شايل ليك ربع شوال رمان حكايتك معاهو شنو ؟؟؟
اقول ليك فوائد الرمان قابلتني في دراسة قالو بزيد الخصوبة واحسن من الفياقرا
اتذكرته حكاية السوداني العريس المسكين ماشي اقابل العروس لاول مرة وهو ماشي المطار وقف في الصيدلية واشتري ليهو فياقرا بلع منها كم حبة قبل ما اصل المطار المسكين فارق الحياة.
بعد فترة كم يوم صاحبنا بتاع الرمان إختفي سأت عنو قالو الراجل عندو مشاكل في المعده وقرحة اكل الرمان كثير اثر عليهو ومحجوز في المستشفي برضو اقولو ليك خصوبة وفياقرا معني كده عندو مشكله في عضم الاكل عشان اقوي كرعيهو وامشي بقت عليهو حكاية التمتام والعريس...
قالو في واحد عرس ومستعجل علي الولادة قعد مع العروس سنتين مافي حاجة يوم راكب ليهو في بص جاء واحد ركب معاهم عندو 12 شافع العروس قالت ليهو عليك الله براحه اسألو بجيب الشفع ديل كيف ؟؟؟
اخذو التمتام بالجنبه وقال ليهو ياخ لو سمحته ماشاءالله شفعك كثار جبتهم كيف ؟؟؟
التمتام: للللللللللليه بتتتتتتتتسأل
الراجل: عايز أجيب لي واحد
التمتام: خلااااااااااااااس ششششششششششيل من ديل
الراجل: اقصد من زوجتي
التمتام: ططيب أقول ليك الطريييقه بعد تتتكونو انت والمدام لاااااااااازم تكونو في ججججو روماااااانسي إإإإإإإإإإإإضاءة خخافته وهي لابسه للللبس جزاب مممممممثلا لون احمر يبرز المفاتن.
الراجل: هينه اكثر شيء عندنا ما يبرز المفاتن والجو مقدور عليهو
التمتام: تظظظظظظظبط العشششششاء كللللللو مشويات وقبليها تكون في محححححححححدقات.
الراجل: ساهله لو بتجيب نفع نكثرالمشويات والمحدقات
التمتام: الااااااااااااااكل والجللللللسة الرومانسسسسسسسيه عععععايزة دعم بييييييييييييره او اي حاجة.
الراجل: ما مشكله لو الكحول ليها دور بدل البيرة بنجيب وسكي عديل
التمتام: أأأأأأأأأأأأيواه كده جيتني في محل ما أأأنا عايز بعد إإإإإإإإإإإإنت تضرب ليك ككككككككككككاسين والمدام كككككككككككككككككاسين وتنومها في السرير أأأأأأأأأأأأأها بعد داك ناديني أأأأأأأأأأأأأنا.
خليجي مجنني في راسي كل مرة اقابلني ...
يا زول طالبك في خدمة قالو عندكم حاجة انتو السودانيين بتخلي الرجال حصان تكفي جيبا لي بشتريها بي اي مبلغ...
سالتو اسمها شنو ؟؟؟ الراجل ما عرف قعدته اتذكر ليهو
كوارع .. لا
كمونيه ...لا ...
كول ...لا.
الراجل واقف لي في حلقي كل ما اقابلني تكفي يا زول ما شوفتا لي الموضوع اخر مرة كنا في اجتماع الناس تناقش في المواضيع البتخص العمل وهو ارسل لي في قصاصات الورق ((تكفي يا زول الحقني بالموضوع)) قلتا اتفكه من الزول العبيط .
عملته ليهو عصير شطة بالمقادير التالية:
اربعة معالق كبيرة شطة ((دنقابة)) الحارة جاية من السودان ، كباية كركدي ، كباية عرديب ، ليمونتين ، اربعو معالق جردقة ، اربعة معالق كركم عشان اديك لون قريب لي الوردي مخلوطه مع اربعة كباية مويه كبيرة في جركانه.
اديتها ليهو وقلت ليهو جاياك مخصوص من السودان تكلفتها 500 ريال لو قلت ليهو 100 ريال ممكن صاحبنا اشك في مقدرات الخلطه السحريه واهم شيء تشربا منها كباية علي الريق.
الراجل راقبتو بقي اتاخر في مواعيد الشغل الصباح ... بعد كم يوم من استعمال الوصفه جاء اشكر فيني..
يا زول الموضوع قوي مرة مافي طريقه نغير علي الريق من صباحا الي ليلا من اشربا ابقي زي الحصان ولازم افرق الطاقة العيب الفيها بعد ساعة لازم تحرس الحمام البطن تمشي مويه .
قلته ليهو: الظاهر عندك مشكله في البطن عايزه وصفة تاني
|
|
 
|
|
|
|
|
|
|
|
Re: لا تضرب الطفل على مؤخرته ابدا ..والسبب ! (Re: منتصر عبد الباسط)
|
Spanking is currently the only option available for parent to punish their children without getting into trouble with the law.
Any other methods of beating a child is against the low and will result in loosing the child to the government.
Even spanking is only by hand
الدراسة دي يتقول انو حتي الاسبانكينغ برضو بسبب شئ نفسي يعني بعد شوية بطلعو قانون ممنوع ضرب الاطفال فل ستوب
___________
في الواقع الاسبانكينغ ظاتو ما مسموح بيهو بصريح العبارة. فقط هي في منطقة رمادية و ممكن تحاجج بيهو القاضي لا قدر الله اذا حدث ان ضربت اطفالك و انتهي بك المطاف في هذا الموقف!
| |
|
|
|
|
|
|
|
|
|
Re: لا تضرب الطفل على مؤخرته ابدا ..والسبب ! (Re: عبداللطيف شريف على)
|
الأخ عباس الدسيس والضيوف الكرام،
السلام عليكم،
تشكر أخي على إثارة هذا الموضوع الهام. فتربية الأطفال تحدٍ كبير في كل المجتمعات وخاصةً في الغرب. أظن أن مسألة العقاب البدني المعتدل من غير تشفي (لا ضرب على الوجه والظهر وعدم تسبيب جراح) مشروعة وضرورية لتقويم سلوك بعض الأطفال الأشقياء بعد فشل كل الوسائل الأخرى معهم، كما يقولون آخر الدواء الكي.
كما تفضلت، لقد ضُربنا ضرب غرائب الأبل في البيت و المدارس أما بسبب الهرجلة في الفصل أو التسميع أو حتي لأرتكابك أخطاء خارج المدرسة، مثل الذهاب الى السينما أو دار الرياضة. ولكن أظن أننا نشأنا أسويا، ونذكر معلمينا الذين ضربونا بالخير لجرعات التقويم والتأديب التي منحونا أياها وجعلت منا رجالاً.
تخريمة: أنت بخلطاتك دي يوم بتكتل ليك زول.
لكم الود جميعاً
عثمان دُنقس
| |
|
|
|
|
|
|
|
|
|
Re: لا تضرب الطفل على مؤخرته ابدا ..والسبب ! (Re: أيمن محمود)
|
| Quote: فالدراسة نفسها تثبت هذا إذ هناك من أضر بهم الضرب وهناك من لم يضر بهم |
حبيبنا منتصر سلام وتحية
يقول الرسول صلى الله عليه وسلم: علموهم على سبع واضربوهم على عشر. انطلاقا من هذا الحديث، هل يجب تعليم الأطفال ابتداء من السن السابعة أمور دينهم ودنياهم، لأن هناك مقولة أخرى تقول (لاعبه سبعا وعلمه سبعا وصاحبه سبعا)، فهل هي حديث أم مقولة لأحد الصحابة أو التابعين ؟؟؟؟
وللحديث بقية !!!!
| |
|
|
|
|
|
|
|
|
|
Re: لا تضرب الطفل على مؤخرته ابدا ..والسبب ! (Re: عباس الدسيس)
|
| Quote: في الواقع الاسبانكينغ ظاتو ما مسموح بيهو بصريح العبارة. فقط هي في منطقة رمادية و ممكن تحاجج بيهو القاضي لا قدر الله اذا حدث ان ضربت اطفالك و انتهي بك المطاف في هذا الموقف! |
هبيبنا Mahjob Abdalla
سلام وتحية تصدق يا الهبيب سعيد جدا بي مداخلتك
عشان كده اعرج خارج الموضوع اجمل الايام القضيتها في حياتي كانت في غرب السودان
وكانت ايام بجمال افس كون ... وافلا كموا.
الحياة بطبيعتها دون تفاصيل للمستحدثات والتكلنلوجيا.
علاقة قوية بين البرتقان ابو صرة واطفال الجبل ابوصرة كنا في جلدو مع شيخ الحلة اتذكر لي اليوم مع الصباح قمنا واكلنا الكول مع فكةالريق والاطفال حايمين بي التمبله والصره لي بره بعد فكة الريق واهو لمة الصرتين للبرتكان والاطفال.
نميري لما اعلن الشريعة في سبتمبر 83 كانت كارثة ليس للشريعة الممنهجة في ايقاف شراب الخمور وما يتبعها من الحدود الاخري بل محاربة عادات وتقاليد وقفو عليها الناس لما النميري جاء جبل مرة الناس شكت ليهو من تسلط العسكر عليهم والقهر الذي يمارسه اصحاب السلطه لايقاف شراب ((البقو)).
نميري بي عوارتو ديك قال ليهم ... البقو ما حرام اصدرت امر جمهوري بعدم التعرض لكل من يشرب ويصنع البقو!!!!
اها طلعت اغنيه متوازنه مع الفرنقبيه بتقول علي ما اذكر
نسي نسي نسي
نميري صرح لي
........... البا بلي
يا الهبيب احنا خلقنا طواغيتنا زي ما بقولو الجماعه.
تحياتي وتقديري
| |
|
|
|
|
|
|
|
|
|
Re: لا تضرب الطفل على مؤخرته ابدا ..والسبب ! (Re: عباس الدسيس)
|
يا عباس الضرب الليلنا زمان،كان اشتر ومخالف،في تانية اولية عمري 8سنوات،اتلاويت لي في ماعون شراب في ميزرة المدرسة، الشراب حقي الزول هارش العيال ،انا اتلايقته ،انخلعت يد الاناء في الملاوة،الجماعة جري علي الناظر،سوا لي طابور 12 صوت عنج ذي السم،كل واحد منها ترك جرحا دامي،وحتي هذه اللحظة باينة للعيان،تقيحت،شهر كامل انام علي بطني عامين اصحو من النوم مبللا نفسي،ولم ارجع للمدرسة لعام كامل،الغريبة كنت شاطر ومهذب جدا،ترقي الناظر بعدها مديرا للتعليم،واورثني رعبا لازمنة طويلة حتي اني لاعزو اصابتي بقرحة حادة وعمري يمكن 13 سنة نتاج لتلك المرارة.
لا ادري ولكني اظن ان سلوكنا غيرالديمقراطي،نتاج قهر وتعسف في سنينا الاولي، تعطي ولي امرك كل لحمك لمعلمك لانك عجزت انت تضبط سورة الكافرون بحيث سرحت في لا اعبد ماتعبدون حتي اكل السوط لحمك واعادك لمنزلك مكسور الخاطر مجروح الروح.... تبا للقهر وعقاب الصغار البدني.
| |
|
|
|
|
|
|
|
|
 Re: لا تضرب الطفل على مؤخرته ابدا ..والسبب ! (Re: عبدالعزيز عثمان)
|
| Quote: حتي اكل السوط لحمك واعادك لمنزلك مكسور الخاطر مجروح الروح.... تبا للقهر وعقاب الصغار البدني. |
صدقت .. وحمدلله على السلامة , وشكرا لشراكنا الشجاع في الحدث.
التربية الحديثة تقوم على عدم الضرب تماما ! ,
ونشئنا في مجتمعات تبيح الضرب وتتفاوت في تطبيق ذلك ,
الكثير من المدارس في العالم الثالث تعليم بدون تربية , وضرب بدون وعي , واحيانا اصابات دائمة صمم قلع عين اعاقة
والاسوء الاصابة والظلم والاجحاف النفسي ..
الحضارة الحالية ستكون مفصل تفاوت اخر
محورها هل تضرب اولادك او نصف ضرب او عقاب فاحش
ومابينهم ! ..
______________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور
| |
|
|
|
|
|
|
|
|
Re: لا تضرب الطفل على مؤخرته ابدا ..والسبب ! (Re: عباس الدسيس)
|
Quote: لأخ عباس الدسيس والضيوف الكرام،
السلام عليكم،
تشكر أخي على إثارة هذا الموضوع الهام. فتربية الأطفال تحدٍ كبير في كل المجتمعات وخاصةً في الغرب. أظن أن مسألة العقاب البدني المعتدل من غير تشفي (لا ضرب على الوجه والظهر وعدم تسبيب جراح) مشروعة وضرورية لتقويم سلوك بعض الأطفال الأشقياء بعد فشل كل الوسائل الأخرى معهم، كما يقولون آخر الدواء الكي.
كما تفضلت، لقد ضُربنا ضرب غرائب الأبل في البيت و المدارس أما بسبب الهرجلة في الفصل أو التسميع أو حتي لأرتكابك أخطاء خارج المدرسة، مثل الذهاب الى السينما أو دار الرياضة. ولكن أظن أننا نشأنا أسويا، ونذكر معلمينا الذين ضربونا بالخير لجرعات التقويم والتأديب التي منحونا أياها وجعلت منا رجالاً.
تخريمة: أنت بخلطاتك دي يوم بتكتل ليك زول.
لكم الود جميعاً
عثمان دُنقس |
حبيبنا عثمان دنقس سلام وتحية
سعيد جدا بمداخلتك
وكما قلت زمان اضربنا ،،، ضرب غرائب الابل،، الجملة بتكون متذكرا علي ما اعتقد
من كثرة الضرب اصبحنا ملطشه ممكن واحد من اعمامك ناس الفريق لو شاف حاجة صغيرة فيك ما عجبتو اقع فيك تخبت في واحد كان في الحي معانا عندو دكان الظاهر الراجل بستمتع بي ضرب الشفع لو جيت الدكان واتكلت ليهو في التربيز العاملها بي بال وسلك وملانة ###### ملبك بالزيت ادنقر تحت اجر صوت العنج براحة وطااااااااخ اديك في ضهرك عايز اتذكر يوم ما محطني بسوط في ضهري استحيل الواحد كان ممكن امشي دكان تاني واختي شرو بس الراجل عندو كراس الدين بمسك الناس بالجروره وبفش غتستو في البرسلوهو ليهو.
تحياتي وتقديري
| |
|
|
|
|
|
|
|
|
|
Re: لا تضرب الطفل على مؤخرته ابدا ..والسبب ! (Re: عادل البراري)
|
Quote: سلام يا دسيس
موضوع جميل والله
وحقو كمان عشان نشوف صحة الدراسة دى نحكى تجاربنا مع الجلد .. سواء كنا مجلودين او جالدين
ولا شنو ؟ |
حبيبنا وضاح سلام وتحية
مجلودين بالكوم اما جالدين ما اعتقد
زمان كنا ادقونا وبعد عشرة دقايق تلقي الواحد اكابس في المطبخ للغذاء حسي الولد لو نهرتو امد ليك بوزو اليوم كلو
لو عملته شكله جماعية مع الشفع في البيت تكلفك مبلغ من المال عشان تراضيهم عشاء بره و ل حاجات تانية
تحياتي وتقديري
| |
|
|
|
|
|
|
|
|
|
Re: لا تضرب الطفل على مؤخرته ابدا ..والسبب ! (Re: عباس الدسيس)
|
| Quote: غايتو مديرى محتاج لى عبوة 20 ليتر من برنامجك دع عشان يتاخر الصباح ههههههههااااا |
يوسف يا حبيبنا سلام
لو زولكم مغلبك كثير اديك وصفة لما اجي المكتب القاهو مقفل بس حول لينا الرسوم يا حبيبنا
يوسف يا حبيب وقت كنا بنفتش للشغل ((الكلام ده بدري)) واحد صاحبي بداقش معاي قال عندو فكي نمشي ليهو.....
الفكي طلع عندو مسواك اولا قال عايز البياض مبلغ من المال وبعد نشتغل عايز راتب الشهر الاول (( فكي مكتب توظيف)).
الوصفه بتاعتو قال تسوك قبل نص ساعة من المقابله وما تكل حاجة الي ان تنتهي المقابله ،، يعني علي الريق ،،
اتوكلنا وشلنا المساويك لسؤ حظنا المقابله طلعت الساعة 2 ظهرا والدنيا صيف...
دخلنا المقابله الواحد ما قعد خمسة دقائق من السؤال الاول والتاني الجماعه قالو لينا خلاس شكرا بنتصل عليكم.
لي يوم الليلة لا اتصال لا خبر.
اتضح من عدم الاكل والمسواك من نبات ما عارف شجر العوير و ل غيرو بخلي ريحة الفم سيئة الغريبه تاني يوم مسكنا التهاب لثة وحلق وعدم المقدره علي الكلام الظاهر الوصفة جاتنا مقلوبه.
| |
|
|
|
|
|
|
|
|
|
Re: لا تضرب الطفل على مؤخرته ابدا ..والسبب ! (Re: عباس الدسيس)
|
| Quote: غايتو مديرى محتاج لى عبوة 20 ليتر من برنامجك دع عشان يتاخر الصباح ههههههههااااا |
يوسف يا حبيبنا سلام
لو زولكم مغلبك كثير اديك وصفة لما اجي المكتب القاهو مقفل بس حول لينا الرسوم يا حبيبنا
يوسف يا حبيب وقت كنا بنفتش للشغل ((الكلام ده بدري)) واحد صاحبي بداقش معاي قال عندو فكي نمشي ليهو.....
الفكي طلع عندو مسواك اولا قال عايز البياض مبلغ من المال وبعد نشتغل عايز راتب الشهر الاول (( فكي مكتب توظيف)).
الوصفه بتاعتو قال تسوك قبل نص ساعة من المقابله وما تكل حاجة الي ان تنتهي المقابله ،، يعني علي الريق ،،
اتوكلنا وشلنا المساويك لسؤ حظنا المقابله طلعت الساعة 2 ظهرا والدنيا صيف...
دخلنا المقابله الواحد ما قعد خمسة دقائق من السؤال الاول والتاني الجماعه قالو لينا خلاس شكرا بنتصل عليكم.
لي يوم الليلة لا اتصال لا خبر.
اتضح من عدم الاكل والمسواك من نبات ما عارف شجر العوير و ل غيرو بخلي ريحة الفم سيئة الغريبه تاني يوم مسكنا التهاب لثة وحلق وعدم المقدره علي الكلام الظاهر الوصفة جاتنا مقلوبه.
| |
|
|
|
|
|
|
|
|
|
Re: لا تضرب الطفل على مؤخرته ابدا ..والسبب ! (Re: عباس الدسيس)
|
| Quote: هههههههههههههه ود الدسيس يا وجيه .... شكرا علي الطرح يا حبيب ... غايتو معناها إنتا بقيت شيخ عديل .. ههههههه كان تشوف لي زولك بتاع الاسانسير دا كبايه ان شاء الله .. الرمان دمغ معدتو دمغ |
عثمان جاد الله يا حبيبنا سلام وتحية
الوصفات العلاجيه ظهرت شركات نصب متخصصة فيها لو متابع قناة TOP MOVIES وحكاية اللصقة البعملوها في الكرعين تطلع السموم وقعتها فيها كل مرة اجيب لي اثنين واتعنقل في السرير بالله اطلعها لونها اسود سكن المسألة ماشة معاي باللون الاسود الراجل الباعها لي قال لما تبقي بيضاء السموم بتكون طلعت.
وهاك يا تلصق يوم كان معاي واحد من اصحابنا الاطباء لقاني محنن باللصقة الراجل اندهش.... يا عباس انت ما عاقل شنو الملصقو في كرعينك البتاعه دي عاملين فيها مادة بعد تلتصق بالجسم لمدة بتديك اللون الاسود لو قعدته تباريها قروشك تكمل واللون ما اتغيير.
قلته ليهو : ياخ قالو دي كلها سموم...
قال لي لو دي سموم في جسمك فرقك من الدبيب شنو معناها لو عضيت ليك زول بتجيب اجلو.
| |
|
|
|
|
|
|
|
|
|
Re: لا تضرب الطفل على مؤخرته ابدا ..والسبب ! (Re: عباس الدسيس)
|
| Quote: التربية الحديثة تقوم على عدم الضرب تماما ! , |
حبيبنا شهاب سلام وتحية
احنا فاقدين حاجات كثرة في الوطن الناس تمشي لي قدام واحنا لي ورا شوف حسي قانون الانضباط القاطعنو ناس ديل من راسهم اضيف لي كده القرف ومعاناة المواطن في الحياة سبب رئيسي لما الواحد ارجع البيت مزاجو اتكون متغيير والظروف الاقتصادية ليها افرازات منها ضيق الخلق.
تحياتي وتقديري
| |
|
|
|
|
|
|
|
|
|
Re: لا تضرب الطفل على مؤخرته ابدا ..والسبب ! (Re: عباس الدسيس)
|
| Quote: التمتام: أأأأأأأأأأأأيواه كده جيتني في محل ما أأأنا عايز بعد إإإإإإإإإإإإنت تضرب ليك ككككككككككككاسين والمدام كككككككككككككككككاسين وتنومها في السرير أأأأأأأأأأأأأها بعد داك ناديني أأأأأأأأأأأأأنا. |
دي فظيعة يا عباس.. ههههههههههههه
لكن دي أفظع!
Quote: عملته ليهو عصير شطة بالمقادير التالية:
اربعة معالق كبيرة شطة ((دنقابة)) الحارة جاية من السودان ، كباية كركدي ، كباية عرديب ، ليمونتين ، اربعو معالق جردقة ، اربعة معالق كركم عشان اديك لون قريب لي الوردي مخلوطه مع اربعة كباية مويه كبيرة في جركانه. |
| |
|
|
|
|
|
|
|
|
|
Re: لا تضرب الطفل على مؤخرته ابدا ..والسبب ! (Re: Mandingoo)
|
Quote: ا عباس الضرب الليلنا زمان،كان اشتر ومخالف،في تانية اولية عمري 8سنوات،اتلاويت لي في ماعون شراب في ميزرة المدرسة، الشراب حقي الزول هارش العيال ،انا اتلايقته ،انخلعت يد الاناء في الملاوة،الجماعة جري علي الناظر،سوا لي طابور 12 صوت عنج ذي السم،كل واحد منها ترك جرحا دامي،وحتي هذه اللحظة باينة للعيان،تقيحت،شهر كامل انام علي بطني عامين اصحو من النوم مبللا نفسي،ولم ارجع للمدرسة لعام كامل،الغريبة كنت شاطر ومهذب جدا،ترقي الناظر بعدها مديرا للتعليم،واورثني رعبا لازمنة طويلة حتي اني لاعزو اصابتي بقرحة حادة وعمري يمكن 13 سنة نتاج لتلك المرارة.
لا ادري ولكني اظن ان سلوكنا غيرالديمقراطي،نتاج قهر وتعسف في سنينا الاولي، تعطي ولي امرك كل لحمك لمعلمك لانك عجزت انت تضبط سورة الكافرون بحيث سرحت في لا اعبد ماتعبدون حتي اكل السوط لحمك واعادك لمنزلك مكسور الخاطر مجروح الروح.... تبا للقهر وعقاب الصغار البدني. |
العزيز عبد العزيز عثمان
تألمت لألمك الذي ما زال يتمترس في عقلك الباطن وذاكرتك التي أبت أن تنساه.. تماماً مثلي حينما جلدني الصول في مدني الثانوية عشر جلدات مبرحات حتى اصابني الغثيان وكنت على وشك أن أفرغ ما في معدتي.. كل ذلك لأنني جئت الحصة بالبنطلون- وكان وقتها الزي المدرسي هو الرداء- وكانت الحصة في المعمل وكان اليوم إضراب الطلاب عن الدارسة، وجئت من البيت استطلع الخبر، وفعلاً لم يكن الطلاب في الفصول- عدا هؤلاء الذين حضرت معهم حصة الكيمياء في المعمل- حينما وجدت نفراً قليلاً يحضرون تلك الحصة فحضرتها.. وعلى شلاقتي بعد الحصة سألت الأستاذ عن شئ في المادة، حيث التففنا مجموعة الطلاب التي كانت بالحصة لنتداول ما جاء في الحصة، وبعد أن أجابني على سؤالي سألني لماذا ألبس بنطلون، فأجبته أن السبب الإضراب وأنني لم آت لدخول الحصة وإنما أتيت لاستطلع الخبر حول الإضراب، ولما وجدت الحصة في المعمل دخلتها..
فقادني الى مكتبه حيث امر الصول أن يجلدني 10 جلدات كاملات غير منقوصات.. وما زالت في حلقي غصة الى يوم الناس هذا.. أي منذ أربعة عقود!
تبا للقهر وعقاب الصغار البدني!
| |
|
|
|
|
|
|
| |
عباس الدسيس
منتصر عبد الباسط
Mahjob Abdalla
عبداللطيف شريف على
Osman Dongos
وضاح عبدالرحمن جابر
عثمان جاد الله بخيت
أيمن محمود
عبدالعزيز عثمان
شهاب الفاتح عثمان
عادل البراري
Mandingoo
فيس بوك
تويتر
انستقرام
يوتيوب
بنتيريست