|
نسرين النمر تمعن في طاؤوسيتها مع ودبادي وأمير جبير مذيع كسلا يفوقها
|
قدمت قناة النيل الأزرق سهرة الأمس بعنوان (عودة شاعر) مع الشاعر الضخم الفخيم الدكتور/محمد بادي، السهرة كانت من تقديم المذيعة الطاؤوس/نسرين النمر،: بداية طلتها كانت صادمة للمشاهد العادي إذ عمدت على إبراز زينتها (إبراز عنقها كاااااااااااااملاً بصورة متعمدة فيها الكثير من العجب والخيلاء الأمر الذي يشعرك بشيئ من التقزز ويدفعك للسؤال لماذا تصر نسرين النمر على أن ننظر إليها كأيقونة جمالية تصرفنا عن محتوى ماتود طرحه؟ ثانياً لديها مفهوم مغلوط عن التلقائية والتبسط مع الضيف فأكثرت من الكلام حتى أثناء كلام الشاعر الفخيم ودبادي بل وأثناء إلقاء قصيدة (هوي ياوليد) فتجدها تقفز لعبارة (أي والله) قبل أن يصل إليها ودبادي إضافة لتكرارها لعبارة دارجية بصورة شائنة أوه اوه اوه - او ماشابه ذلك فهي عبارة تنطق ويصعب كتابتها لكنها تفيد أنني متابع حديثك و أن عليك أن تواصل.. والحالة هذه دخل علينا فاصل إعلاني طويل وسمج فأنتقلت لقناة كسلا لأجد حوار جميل وبسيط وتلقائي مع الفنان الكبير كمال ترباس والمذيع الشاب(أمير جبير حسن) الذي عرف ماذا يريد وكيف ومتى يسأل ومتى يصمت ومتى يبستم فقاد حواراً جميلاً عائشنا من خلاله رحلة كمال ترباس مع الغناء رغم رداءة صورة قناة كسلا الفضائية إلا أن المحتوى كان جميلاً وشائقاً عكس تلك الصورة الزاهية والجميلة لقناة النيل الأزرق والمذيعة نسرين النمر تصر على تقديم نفسها ولاعزاء للمشاهد المسكين.
|
|
|
|
|
|
|
|
Re: نسرين النمر تمعن في طاؤوسيتها مع ودبادي وأمير جبير مذيع كسلا يفوقه (Re: عبد اللطيف السيدح)
|
من باب حرية الرأى , ليسمح لى الاخوة أن اخالفهم الرأى, فقد اجادت نسرين ادارة الحوار مع الشــاعر محمد بادى. الشــاهد على كلامى أن ود بادى لم يبد أى امتعاض من تدخل نســرين (المزعوم) بل قد وصل به الأمر حدا أن صافحها فى ختام اللقاء.
ثم سبقها لود بادى (أى والله) ألا يدل ذلك على انها تحفظ القصيدة و فى هذا تقدير لود بادى أن ما يلقى من شعر ينال اســتحســان محاورته؟
شىء آخر, ما ذنب نســرين ان حباها الله بشىء من الجمال ؟
| |
|
|
|
|
|
|
Re: نسرين النمر تمعن في طاؤوسيتها مع ودبادي وأمير جبير مذيع كسلا يفوقه (Re: Osama Siddig)
|
الأخ أسامة صديق
Quote: من باب حرية الرأى , ليسمح لى الاخوة أن اخالفهم الرأى, فقد اجادت نسرين ادارة الحوار مع الشــاعر محمد بادى. الشــاهد على كلامى أن ود بادى لم يبد أى امتعاض من تدخل نســرين (المزعوم) بل قد وصل به الأمر حدا أن صافحها فى ختام اللقاء.
ثم سبقها لود بادى (أى والله) ألا يدل ذلك على انها تحفظ القصيدة و فى هذا تقدير لود بادى أن ما يلقى من شعر ينال اســتحســان محاورته؟ |
نقدر الرأي الآخر ونحترمهQuote: شىء آخر, ما ذنب نســرين ان حباها الله بشىء من الجمال ؟ |
لم نقل بذلك أخي أسامة ولكن نعتب عليها تعويلها على هذه الجزئية كجواز لتخطي الأسس العلمية. وشكراً لمرورك.
| |
|
|
|
|
|
|
Re: نسرين النمر تمعن في طاؤوسيتها مع ودبادي وأمير جبير مذيع كسلا يفوقه (Re: عبد اللطيف السيدح)
|
الأخ/عبداللطيف السيدح السلام عليكم ورحمة الله الغيبة حاصلة إن شاء الله أموركم تمام
Quote: قالت نسرين بأن المرحوم حميد قال لها بأن ود بادي نازل السودان نهائي ولابد من عمل حوار معه في النيل الازرق
وكمان الحوار مشروط بأن تجريه نسرين فقط وليس احد سواها في النيل الازرق الكلام ده سمع أضاني دي مو قول قالوا |
رحمة الله تغشى حميد وتكفينا شر النسر المتنمر والطاؤوس المزركش.
| |
|
|
|
|
|
|
Re: نسرين النمر تمعن في طاؤوسيتها مع ودبادي وأمير جبير مذيع كسلا يفوقه (Re: على احمد النعيم)
|
الأخ/علي أحمد النعيم
Quote: [ومن هنا ارسل عاطر التحايا للشاعر الدكتور ود بادى الذى ابدع وأجاد واقسم صادقاً ان الشاعر الدكتور ود بادى لن يفوقه شئ طالما هو من تلك الضفاف وطالما العوتيب عنيف يجرى ويشيلك وانت ما بتدرى وجمال غرقانة بى حاله
هوى آى وليد |
أخي علي لم نتطرق لتقييم الرقم الفخيم ودبادي ولكن حديثنا عن المذيعة ومقارنتها بمذيع قناة كسلا الفضائية أمير جبير حسن، وهذا واضح جدا في العنوان الرئيسي (مذيع كسلا يفوقها) وليس كما يظهر في العناوين الفرعية بحسب النظام في المنبر حيث تشاهد(مذيع كسلا يفوقه وكأن المعني ودبادي) وحاشا أن نكون عنينا ذلك.
| |
|
|
|
|
|
|
Re: نسرين النمر تمعن في طاؤوسيتها مع ودبادي وأمير جبير مذيع كسلا يفوقه (Re: عزالدين عباس الفحل)
|
الأخ/عزالدين عباس الفحل
Quote: نـسـريـن الـنـمـر ، ،،
...
نــادراً الـجـلـوس ، أمـام الـشـاشـة الـبـلـوريــة ، لـكـن بـوجـد الـقـامـة ، الدكـتـور ود بـادي ، يـطـيـب الـمَــقــام ، أبـدعـت الـمـذيـعـة ، نـسـريـن الـنـمـر ، بإدارة الـحـوار الـجـيـد ، وأجـادت فـن ، شـد الـجـمـهـور ، والـحـديـث الـمُـنـمـق ، الـعـذب ، ونـثـرت الــدُرر ، و لا يُـقــدح مـلـك الـطـيـور ، ولـو كـان مُــذيـعـاً ، ،،، ...
|
نقدر رأيكم ويكفينا أن وافقتمونا في طاؤوسيتها
| |
|
|
|
|
|
|
Re: نسرين النمر تمعن في طاؤوسيتها مع ودبادي وأمير جبير مذيع كسلا يفوقها (Re: أبوعبيدة محمد الأمين)
|
تحياتى لك ولضيوفك الكرام فعلا نضم صوتى للقائل ماذنبها ان حباها الله بمسحة من الجمال؟وماذنب المشاهد الايشاهد هذا الالق زمان الطلاب البقعدو فى الصف الاخير من الفصل كانو يغارو من الطلاب المبحبحين بتوعين الصفوف الاولى ويداقروهم وقت الجرس يدق ويشكل ولزليز وقطيع زراير ناس الكنبة الاخيرة من سنة خامسه يجو بالكياسهم وهم سبب الجلد لما يبدر منهم من افعال تجنن الاستاذ اصلى ماشفت زول قاعد الكنبة الاخيرة واهلو ملبسينو شراب ياشدة ياتموت تخلى يا يا يا سفنجة ماعارف الخلانى اتذكرهم شنو؟ومذيع كسلا نحبو لانو كسلاوى بس برضو انت بالغت شوية فى الاطرا ء والمزعلنى الزول المقعدينو فى الطربيضة الورا ترباس نظام كومبارس انا بالجد حنيت عليهو كسر خاطرى ساعتين مااتحرك وخاتين ليهو عصير ماهبشو اكرر ودى وتحياتى
| |
|
|
|
|
|
|
Re: نسرين النمر تمعن في طاؤوسيتها مع ودبادي وأمير جبير مذيع كسلا يفوقها (Re: Osama Siddig)
|
ههههههههه يا أبوعبيدة عشاق الجمال جازفوا منك البوست .. الغريبة يا حبيب البنية كشكل عادية وهناك مذيعات في قنوات النيل الأزرق وأم درمان والسودان يفقنها حلاة وطلاوة وبعضهن ممسكات بناصية الكلام ومتبحرات في الثقافة ولهن نباهة وحضور مما يتوجنهن كأميرات للشاشة ولا شك .. لكن حتي ولو إفترضنا انو الأخت نسرين النمر هي جميلة جميلات الشاشة فهل هذا كل المطلوب في المذيعة ؟؟ حتما حاشا وكلا والله . كمتلقي لا يبهره الجمال ولا يلتفت كثيرا للشكل بقدر إهتمامه بالمضمون والحضور المسرحي للمذيع أو المذيعة من المؤكد إنني سأصاب بالملل وطمام البطن إذا وجدت مذيعة هي مجرد (جمل طين) لا حول لها ولا قوة كاعلامية يفترض أن تضيف لي المعلومة وتثري ثقافتي وتخبرني مالم أعرفه من قبل فهل نسرين النمر تملك هذه الأدوات المهمة والمطلوبة بشدة في المذيع التلفزيوني بغض النظر عن شكلها ؟؟ هذا هو السؤال والذي إذا كانت إجابته بلا فعلي نسرين أن تبل جمالها في موية باردة وتشرب منو مرتين في اليوم وبعد كدا تمشي ترشح نفسها كملكة جمال بعيدا عن الاعلام .
| |
|
|
|
|
|
|
Re: نسرين النمر تمعن في طاؤوسيتها مع ودبادي وأمير جبير مذيع كسلا يفوقها (Re: طلحة عبدالله)
|
تحياتى للجميع
أنا ارى ان يوجة النقد عموما الى ادارة المؤسسة الاعلامية (بغض النظر ) عن نسرين او النيل الازرق . فمن واجب الادارة المهنية هى التى تضع المقياس والثقافة والجمال فى فى اطار قانون علمى تنتهجة ,يمعنى (ما يجيبو مقدم برامج ثقافية او حوارية تهتم بثقافة المشاهد ويكون مثقف ومحاور لاكين شين او يكون جميل لاكن (دمافو فاضى ) وهنا بجى النقد يعنى لو كان مقدم البرنامج شين برضو كنا بنقول (شين وما بفهم ) الحل فى الادارة فهى المسؤول الاول فى وجود المشاهد خلف برامجها فى (اختيار الكوادر العلمية والجميلة ) وما اكثرهم
| |
|
|
|
|
|
|
Re: نسرين النمر تمعن في طاؤوسيتها مع ودبادي وأمير جبير مذيع كسلا يفوقها (Re: Ayman Khalifa)
|
الأخ/أيمن خليفة
Quote: أنا ارى ان يوجة النقد عموما الى ادارة المؤسسة الاعلامية (بغض النظر ) عن نسرين او النيل الازرق . فمن واجب الادارة المهنية هى التى تضع المقياس والثقافة والجمال فى فى اطار قانون علمى تنتهجة ,يمعنى (ما يجيبو مقدم برامج ثقافية او حوارية تهتم بثقافة المشاهد ويكون مثقف ومحاور لاكين شين او يكون جميل لاكن (دمافو فاضى ) وهنا بجى النقد يعنى لو كان مقدم البرنامج شين برضو كنا بنقول (شين وما بفهم ) الحل فى الادارة فهى المسؤول الاول فى وجود المشاهد خلف برامجها فى (اختيار الكوادر العلمية والجميلة ) وما اكثرهم |
نعم ونحن نوجه خطابنا لإدارة قناة النيل الأزرق في العموم ومخرج الحلقة تحديداً فالمخرج هو المسئول الأول والأخير عن الصورة النهائية ويتحمل ماينتج ويصدر ويظهر عن المذيع سيما في البرامج المسجلة .
*الشكل يأتي كعامل مساعد متى ما امتلك المذيع ناصية العلمية في الطرح والتناول للمادة المقدمة.
| |
|
|
|
|
|
|
Re: نسرين النمر تمعن في طاؤوسيتها مع ودبادي وأمير جبير مذيع كسلا يفوقها (Re: طلحة عبدالله)
|
الأخ الحبيب الأستاذ/طلحة عبدالله
Quote: ههههههههه يا أبوعبيدة عشاق الجمال جازفوا منك البوست .. |
قمة الإنتهازية فقد شكلوا جمعية رابطة للمعجبين فهؤلاء لم يأتوا لحوار هههههو إن شاء الله تضوي ليهم Quote: ا الغريبة يا حبيب البنية كشكل عادية وهناك مذيعات في قنوات النيل الأزرق وأم درمان والسودان يفقنها حلاة وطلاوة وبعضهن ممسكات بناصية الكلام ومتبحرات في الثقافة ولهن نباهة وحضور مما يتوجنهن كأميرات للشاشة ولا شك .. لكن حتي ولو إفترضنا انو الأخت نسرين النمر هي جميلة جميلات الشاشة فهل هذا كل المطلوب في المذيعة ؟؟ حتما حاشا وكلا والله . |
والقول ما قال طلحة(حاشا وكلا والله)Quote: كمتلقي لا يبهره الجمال ولا يلتفت كثيرا للشكل بقدر إهتمامه بالمضمون والحضور المسرحي للمذيع أو المذيعة من المؤكد إنني سأصاب بالملل وطمام البطن إذا وجدت مذيعة هي مجرد (جمل طين) لا حول لها ولا قوة كاعلامية يفترض أن تضيف لي المعلومة وتثري ثقافتي وتخبرني مالم أعرفه من قبل فهل نسرين النمر تملك هذه الأدوات المهمة والمطلوبة بشدة في المذيع التلفزيوني بغض النظر عن شكلها ؟؟ هذا هو السؤال والذي إذا كانت إجابته بلا فعلي نسرين أن تبل جمالها في موية باردة وتشرب منو مرتين في اليوم وبعد كدا تمشي ترشح نفسها كملكة جمال بعيدا عن الاعلام . |
لا فض فوك يا أستاذ وهذا ما عنيناه أن الشكل لايلهينا عن محتوى المادة المقدمة ولذلك أنتقدنا نسرين وأنها تعنى بالمظهر على حساب مسائل فنية وعلمية كثيرة فقامت قيامتنا كما كادت تقوم طيارتنا في كادقلي بالأمس هههه.
| |
|
|
|
|
|
|
Re: نسرين النمر تمعن في طاؤوسيتها مع ودبادي وأمير جبير مذيع كسلا يفوقها (Re: Osama Siddig)
|
أسأمة صديق
Quote: جمال الســنوسى , عبدالعاطى حجر , تعالوا نعمل رابطة معجبين, |
هههه حالتكم دي ماعاملين؟ نحيا ونشوف كان كدي وأوصيكم بالإستعانة بخبرات الأستاذ/صديق الموج والأديب حبيب نورة وفي رواية حسين ملاسي ههههه Quote: أما صاحبنا هارون دياب دا حانديهو عضوية سرية , شكلوا عايز يبقى معانا بس متردد. |
ما متردد بس هو بشجع اللعبة الحلوة دون تعصب.Quote: على فكرة الناس الزى صاحبنا هارون دياب دا كتار , بس عايزين ليهم شــوية تشجيع عشــان يطلعوا الجواهم. |
يا أسامة رأيك شنو تفتح بوست بالفكرة بتاعتك دي؟ عشان الناس تلقى براح شوية بالذات زي أخونا ابوجلمبو بتاعة نافذة الفيس بوك ده ياخد راحتو شوية.
| |
|
|
|
|
|
|
Re: نسرين النمر تمعن في طاؤوسيتها مع ودبادي وأمير جبير مذيع كسلا يفوقها (Re: الرفاعي عبدالعاطي حجر)
|
الحبيب/الرفاعي
Quote: انت البوديك تعاين في رقبتها شنو يااخي ؟؟؟؟ تابع حوارها وبس خليك من جمالها ....؟؟؟ |
والله يالرفاعي جبتو آخر، كيف يعني الكلام ده؟ عاوزني أبقى زي واحد قريبنا اللي كان انصار سنة ويجي يدي التلفزيون ضهره ويقعد يسمع بس ههههه. لكن بالجد طريقتها ماحلوة في إستعراض جمالها وزهوها بذلك فكما قال إخوة هذه التصرفات الطاؤوسية مكانها برامج عروض الأزياء وملكات الجمال Quote: ابو عبيده محمد الامين تباً لك من صديق ممعن في حرماننا حتى جمال بت النمر . |
يالرفاعي ياحبيبي والله ماعندي كلام فيها كأيقونة جمالية لكن هي مفروض تخاطب عقولنا في هكذا برامج.
* سؤال بالجنبة كده: إنت مذيعاتنا ديل ماشافن (أوبرا)؟
| |
|
|
|
|
|
|
Re: نسرين النمر تمعن في طاؤوسيتها مع ودبادي وأمير جبير مذيع كسلا يفوقها (Re: يوسف محمود)
|
الأخ/يوسف محمود
Quote: فعلا نضم صوتى للقائل ماذنبها ان حباها الله بمسحة من الجمال؟وماذنب المشاهد الايشاهد هذا الالق زمان الطلاب البقعدو فى الصف الاخير من الفصل كانو يغارو من الطلاب المبحبحين بتوعين الصفوف الاولى ويداقروهم وقت الجرس يدق ويشكل ولزليز وقطيع زراير ناس الكنبة الاخيرة من سنة خامسه يجو بالكياسهم وهم سبب الجلد لما يبدر منهم من افعال تجنن الاستاذ اصلى ماشفت زول قاعد الكنبة الاخيرة واهلو ملبسينو شراب ياشدة ياتموت تخلى يا يا يا سفنجة ماعارف الخلانى اتذكرهم شنو؟ |
والله ياجماعة أنا ماعندي قول في خلقة ربنا كونها جميلة وكده لكن المشكلة في أن نعتبر الشكل هو جواز المرور ونقفز به على الحقائق العلمية في إدارة الحوار ويايوسف ياخ حرام عليك تختني مع ناس الكنبة الوراء هههه عمري ماجلست فيها وهسي لما اجي أشاهد زي ناس نسرين دي بخت الكرسي قداااااام ههههه Quote: ومذيع كسلا نحبو لانو كسلاوى بس برضو انت بالغت شوية فى الاطراء |
مذيع كسلا مالو يا يوسف؟ عليك الله وريني هل حاجة واحدة تاخدا عليهو في إدارته للحوار؟ أما إذا عاوز تقارنه من ناحية شكل وهيئة مع نسرين النمر فلا مجال للمقارنة وقبل ذلك الشكل لا مجال له في نجاح المذيع ومقدرته على إدارة الحوار الصورة العلمية.Quote: والمزعلنى الزول المقعدينو فى الطربيضة الورا ترباس نظام كومبارس انا بالجد حنيت عليهو كسر خاطرى ساعتين مااتحرك وخاتين ليهو عصير ماهبشو |
هههه ده زي الراجل اللي واقف وراء عمر سليمان ودي مسئولية المخرج يايوسف .
| |
|
|
|
|
|
|
Re: نسرين النمر تمعن في طاؤوسيتها مع ودبادي وأمير جبير مذيع كسلا يفوقها (Re: الرفاعي عبدالعاطي حجر)
|
Quote: خي علي لم نتطرق لتقييم الرقم الفخيم ودبادي ولكن حديثنا عن المذيعة ومقارنتها بمذيع قناة كسلا الفضائية أمير جبير حسن، وهذا واضح جدا في العنوان الرئيسي (مذيع كسلا يفوقها) وليس كما يظهر في العناوين الفرعية بحسب النظام في المنبر حيث تشاهد(مذيع كسلا يفوقه وكأن المعني ودبادي) وحاشا أن نكون عنينا ذلك. |
اخى الكريم ابو عبيدة
لك العتبى حتى ترضى صدقنى والله لقد صدمت بالعنوان الفرعى وانا والله اعانى من مشاكل عويصة جداً فى هذا المنبر والآن الآن وقبل ان ارد عليك ارسلت رسالة الى الباشمهندس بكرى لحل تلك المشاكل.
شكرى لك بلا حدود على ردك الكريم وروحك الطيبة
| |
|
|
|
|
|
|
Re: نسرين النمر تمعن في طاؤوسيتها مع ودبادي وأمير جبير مذيع كسلا يفوقها (Re: وليد عبد اللطيف)
|
الأخ/خالد المبارك - نافذة الفيسك بوك
Quote: ات الوداك تعاين لي قناة خاوية المضمون زي النيل الازرق شنو ؟ قناة النيل الازرق قناة لاستعراض اجساد و الوان المذيعات و عرف الاداريون في هذه القناة كيف يجذبون كما هائلا من المشاهدين الدايشين بانتقاء فتيات من مظهرهن غض انظر عما يحملن من فهم عشان كده كلها مذيعات و لا تكاد ترى مذيع ضكر الا لماما !! قناة استعراض و هشك بشك انا شخصيا لا اطيق النظر لهؤلاء المستعرضات لاجسادهن و زينتهن و كدي شوفو القنوات الاميركية او الاوربية كان تلقو ليكم مذيعة ملخبطة وشها و لابسة دهبها و بي حنتها و لا اي نوع من المناظر السريرية دي ؟ و العايز الفهم و الثقافة و الاخبار يفتح قناة امدرمان و قناة الشروق و العايز العلم يفتح قناة ناشيونال جيوغرافيك و الجزيرة الوثائقية و الاخبار معروف قنواتها و الاغاني قناة انغام السودانية ،، نمر شنو كديس شنو ؟ انتو ناس عايزين تكشفو لي حاجات تانية حامياني لانو العايز قناة فضائية ما بيضع الريموت على النيل الازرق اطلاقا الا كان عايز حاجة تانية |
بعاين عشان لقيت الشاعر الفخيم ودبادي وعشان أقدر أغير وأجمل الصورة في إحدى القنوات التي تحمل إسم بلادي يا أخ خالدQuote: هسي بالله عليكم الله مش عيب و جهل و انحطاط ثقافي و معرفي غريب المستوى لما يكون اهم مايلفت النظر في المذيعة هي ان كانت جميلة ام لا او لابسة شنو و شعرها مصبغ و لا لا ؟ و الادهى و الامر انو اهم مايشغل المذيعات انفسهن هو المظهر و هن لا يدرين انهن بهذا الاهتمام جعلن من من معجبيهن مراهقين فقط لا اكثر ؟ بعدين الاستعراض ده عندو مكانو بان تكون الواحده مغنية راقصة و لا عارضة ازياء زي بنات عمك كارديشيان لاكن تستعرض في وظيفة مذيعة ؟؟؟ تبا و سحقا !! اكثر ما فقع مرارتي هو الشعر المصبوغ بلون شعر الخواجيات ده - قمة الاستفزاز ،، و العبط ، واحدة سمراء سودانية شنو البخلي شعرها يحلم بانو يكون اشقر غير المراهقة ؟؟؟ تقول لي اشاهد اشكال زي ديل ؟؟؟ |
وهذا البوست ما افترعناه إلا لتغيير هذه العقلية المتخلفة التي تعني بالمظهر ليس إلا حتى بما لايتماشى والذوق السوداني في المظهر.
شكراً خالد على المشاركة بس ارفع كراعك من البنزين شوية.
| |
|
|
|
|
|
|
Re: نسرين النمر تمعن في طاؤوسيتها مع ودبادي وأمير جبير مذيع كسلا يفوقها (Re: وليد عبد اللطيف)
|
الكوتش الحبيب/وليد عبداللطيف وينك ياخ لين زمن نفتش ليك
قلت ليQuote: صحي انت البوديك تعاين شنو ماتقبل وتسمع بس |
هههه ياخ دي يحلوها كيف يعني أسمع بدون ما أعائن، ولا يعني ابقى زي قريبي الانصار سنة داك، أو نقترح على ناس اليابان يضيفوا خاصية سماع الصوت بدون صورة زي ناس طيور الجنة شابكننا الأيامات دي تسمع الأغنية بدون موسيقى هههه Quote: ياخي دي كانت حلقة روعة كنا نريدها ان لاتنتهي ود بادي خطير خطير |
هو نحن بلا خطورة ودبادي دي الفقع مرارتنا من بت النمر دي شنو؟ الواحد ريموتو في يده نحمد ربنا لكن مجبرين عشان خاطر ناس ودبادي نقعد رغم فقع المرارة الحاصل.
*بالجد والله مشتاقين، وشائف الدوري بدأ يسخن.
| |
|
|
|
|
|
|
Re: نسرين النمر تمعن في طاؤوسيتها مع ودبادي وأمير جبير مذيع كسلا يفوقها (Re: على احمد النعيم)
|
الأخ الكريم/علي أحمد النعيم
Quote: [اخى الكريم ابو عبيدة
لك العتبى حتى ترضى صدقنى والله لقد صدمت بالعنوان الفرعى وانا والله اعانى من مشاكل عويصة جداً فى هذا المنبر والآن الآن وقبل ان ارد عليك ارسلت رسالة الى الباشمهندس بكرى لحل تلك المشاكل.
شكرى لك بلا حدود على ردك الكريم وروحك الطيبة |
أشكر لكم هذه الروح وهذا منا نريد أن نجيه من هكذا منابر فنحن إخوة يجمعنا الوطن الكبير.
| |
|
|
|
|
|
|
Re: نسرين النمر تمعن في طاؤوسيتها مع ودبادي وأمير جبير مذيع كسلا يفوقها (Re: أبوعبيدة محمد الأمين)
|
Quote: هههه حالتكم دي ماعاملين؟ نحيا ونشوف كان كدي وأوصيكم بالإستعانة بخبرات الأستاذ/صديق الموج والأديب حبيب نورة وفي رواية حسين ملاسي ههههه |
ابو عبيدة يا صفوة انت بقيت هلالابى واللا شنو؟ ياخى نسرين النمر دى دى اجرت حوار مع الراحل المقيم حميد و حوار د. ودبادى ومشوار قصيدة مع الشاعرة نضال حسن الحاج ولو لم تنجز غيرهم لكفاها.... يازول ثقافة و حضور نسرين ديل لو وزعوهن لمذيعات الارض لكفاهن ... خلى الحسادة ياخى...
| |
|
|
|
|
|
|
Re: نسرين النمر تمعن في طاؤوسيتها مع ودبادي وأمير جبير مذيع كسلا يفوقها (Re: يوسف محمود)
|
حبيبنا الكبكابة/يوسف محمود
Quote: اصالة عن نفسى ونيابة عن كتيبة الكبكابية نطالب صاحب البوست بان يمدنا بصورتين متلاصقتين للمذيعة والمذيع المذكورين اعلاه حتى نمنح القارئ حرية الاستشفاف والانتقاء وكل يميل الى صورته وشكرا ومنها نخدم المذيع ان يجد حظه فى الظهور فى حوش السيد بكرى وهى بحد ذاتها مكسب له |
يايوسف ياخي أنا ماقارنت بينهما من ناحية الشكل حيث لامجال ياخ لكن أنا عارف قصدك شنو هههه إنت عاوز تزداد من صور بت النمر ليس إلا هههه خلي جمال السنوسي ولا ابوجلمبو التحت ده يجيب ليك، وعندي اقتراح ليكم في الجمعية بتاعة كبكابية دي هههه تكون رسوم العضوية هي صورة حديثة لبت النمر بشكل مختلف وعشان ودالموج يقبلكم فيها مفروض تنظموا ليهم نت كونفيرنس مع بت النمر دي.
* بعدين الظروف مامعروفة. فما تنسى أخوك.
| |
|
|
|
|
|
|
Re: نسرين النمر تمعن في طاؤوسيتها مع ودبادي وأمير جبير مذيع كسلا يفوقها (Re: صديق الموج)
|
الأستاذ الحبيب وملك الإمتاع والمؤانسة الصفوة/صديق الموج
Quote: ابو عبيدة يا صفوة انت بقيت هلالابى واللا شنو؟. |
أبوك يا آمنة؟ لكن أنا عارف إنت ليه رميتني بهذه الجريرة الكبرى عصرنا عليك في حتة حنينة فيما يبدو ههههههQuote: [ياخى نسرين النمر دى دى اجرت حوار مع الراحل المقيم حميد و حوار د. ودبادى ومشوار قصيدة مع الشاعرة نضال حسن الحاج ولو لم تنجز غيرهم لكفاها |
دي شهادة كبيرة من زول ذواق. Quote: .يازول ثقافة و حضور نسرين ديل لو وزعوهن لمذيعات الارض لكفاهن . |
أبشر بالخير حقو ندور بطان هنا ده هههه ما حاسد ولا بغران لكن توبة ياحبوبة من نكش عش النسر المتنمر.
*أها جمعية معجبي بت النمر دي فيها فرقت ولا قفلتوها؟.
| |
|
|
|
|
|
|
Re: نسرين النمر تمعن في طاؤوسيتها مع ودبادي وأمير جبير مذيع كسلا يفوقها (Re: باسط المكي)
|
الحبيب/باسط المكي
Quote: لتحية لنسرين النمر اجادت الحوار مع ودباادي |
حبابك وحباب رأيكQuote: ابوعبيدة الزولة دي مكجنها مالك |
لا والله ما مكجنها لكن دائرين منها أكتر من كده Quote: اوافقك الراي بان مذيعات النيل الازرق طااااااؤسيات لدرجة بعيدة ويخيل لي دائما بيستعرضن بالثيااب موضة ورا موضة |
ماعندنا زيادة على كلامك ده ياباسط.
* ألحق شوف ناس جمعية كبكابية المنبرشين كان يدوك فرقة معاهم.
| |
|
|
|
|
|
|
|