|
|
 جماهير الهلال..وجماهير الريال..هيثم..و كازياس..!!
|
طالبت جماهير الريال لاعبها المحبوب قائد الفريق والحارس الاساسي كازياس بالرحيل عن فريق الريال والانتقال لي فريق اخر لممارسة وظيفته المحببة كحارس مرمى اساسي..
والسبب انو كازياس من الموسم الفات وهو حبيس دكة البدلاء بامر المدربين المتعاقبين علي تدريب الفريق..
بعيدا عن مقارنة المستويات بين الحارسين -عن نفسي ادعم مستوي الحارس لوبيز- الا انو جمهور ومحبي النادي شافو دي اهانة لي قائدهم ودعموا رحيله بالرغم من انو اللاعب نفسه لم يشتكي ويتزمر..
الوضع مشابه لما تعرض له قائد الهلال هيثم مصطفى وانقسم الجمهور بين مؤيد ورافض لفكرة اعتزال هيثم للكورة ناهيك عن انو يلعب في المريخ..!!!
المناظر هيية زااتا والصوور نفس المشاهد..
هل ممكن يغفر الجمهور لهيثم ؟؟ زالت المسببات فهل يصالح هيثم ام ..!!
جمهور الريال صاح ولت جمهور الهلال صاح؟؟
|
|
  
|
|
|
|
|
|
|
|
Re: جماهير الهلال..وجماهير الريال..هيثم..و كازياس..!! (Re: Al Sunda)
|
يا سوندا..
وانا لي كم مرة بشاهد إعادات لي هلال مريخ في كأس الإنقاذ من التسعينات .. وفي كل مرة أقتنع بي نظريتي ..
إنو هيثم بتاع أسة أحسن من هيثم بتاع زمان ..هيثم معجزة كروية مفادها إنو كل ما كبر وتقدم بيهو العمر كلما بقا أكتر حنكة وحرفنة ودقة ..
ياخ هيثم الفي ريعان شبابو داك كان خواااف وواقف في حتتو وبيلبد من الكورة ..
هيثم الأسة ده بيجري ويتحرك في نص الميدان عشان تجيهو الكورة ..
هيثم على ضمانتي ..بيقدر يلعب تاني سنتين لي قدام بذات المستوى..
| |
|
|
|
|
|
|
|
|
|
Re: جماهير الهلال..وجماهير الريال..هيثم..و كازياس..!! (Re: حمزاوي)
|
هلا يابوعمير ،،
والله بوستاتك في السلك!!
موضوع هيثم اسبانيا دا فعلاً محير !!
في شيء غلط ، مامعروف وين،،
لو كاسياس مستواه كعب ، معناها ديلبوسكي بجامل في المنتخب ، كاسياس أساسي ودييجو ولا في الأحتياطي!!
الأمر يتم بعلم الإدارة ومباركتها بدون شك ، كاسياس يمر بفترة تأديبية وهو عارف كدا تمام ، وأكيد
بفضل وجود زوجته الصحفية بالقرب من مناطق صنع القرار قد أفسد الكثير بإفشاء أسرار النادي وهو
يصرح علانية في ظل الحرب السنة الفاتت مع البارسا يصرح بولائه للكتلان.
أنا مثلك : دييجو ممتاز وأنسب طولاً وعرضا من كاسياس ، وما يمر به كاسياس درس مجاني لك الفرق واللاعبين
ألا كبير على النادي ، خصوصاً إن كان بحجم الريــال ،،
بخصوص الدعوة لزيارة البرنابيو : أعمل الشينقن فيزا وكلمني!!
| |
|
|
|
|
|
|
|
|
|
Re: جماهير الهلال..وجماهير الريال..هيثم..و كازياس..!! (Re: عبد اللطيف بكري أحمد)
|
أستاذنا عبد اللطيف ..
ياخ بوستاتي في السلك لكن النصيييحة مداخلاتك عندما تتعلق تحديداً بالريال بتكون في السما فوووق ..
انا كمشجع عادي صاح محب للريال لكن فعلاً غايبة علي حقايق كتيييرة عن البيحصل بي تحت تحت .. لكن المؤشر العام بيقول إنو كازياس ما لاعب بتاع إثارة مشاكل وما ظنيتو طارح نفسو كلاعب يفرض الرأي بقدر ما هو زول حقاني وصريح .. وفي بالي تصريحه لمن بيبي شات ليهو لاعب في ضهرو قبل كم موسم ..يومها سمعت تصريح لي كازياس إنو دي ما سلوكيات لاعب لابس شعار الريال ومفروض يتشطب..
كازياس تقريباً بحس بيهو عندو حركات السعودة كده .. الأسبنة .. شايف إنو الريال مفروض يلعبو فيهو الأسبان وده إحساس انا بحسو فيهو وفي راموس ..
الدوري الفات يا عبد اللطيف انا بشوف إنو كازياس تسبب في الكتير من الخسائر والأهداف بس الناس ما كانت ملاحظة .. عن نفسي كنت ملاااحظ جداً وحتى بعد الكسر في اليد قلت لو الريال جاب حارس أحسن كازياس مفروض ما يرجع بعد الاصابة ..
المحييرني انا أكتتتر إنو لوبيز ده لييي ما كان ظاهر؟؟؟؟ ومنو الإكتشفو من جديد هل هو مورينهو؟؟ وليي ما بيختاروهو في المنتخب ؟؟؟
لوبيز ده عندو برودة اعصاب انا مااا شوفتها في حياتي .. تكون منفرد بيهو بيكون كووول وفجأة بيعمل ردة فعل لمممن تحييرك..
العجبني فيهو شدييييد جدا شخصيتو.. حتتتى وهو جاي كحارس جديد بيكورك ليك وبيوجه في المدافعين ديل زي الما حصل شي ..ما عاش المسكنة بتاعت انا لاعب جديد وديل نجوم و و و ..
ديلبوسكي يقوم بدور مازدا تماااماً لمن إختار هيثم مصطفى عشان يحرج المدربين الأجانب والإدارة.. ديل بوسكي عايز يحرج انشيلوتي وكالديرون ... لكن ديل ناس شفوووت وأقوياء ..
انا في إنتظار ردة فعل كازياس اللي لحدي اسة ما عارفو بيفكر كيف!!!
| |
|
|
|
|
|
|
|
|
|
Re: جماهير الهلال..وجماهير الريال..هيثم..و كازياس..!! (Re: عمر الفاروق)
|
مسا الخير عمر الفاروق وضيوفو الكرام
لاعب الهلال السعودي يوسف الثنيان عطاءه امتد للسابعه والتلاتين من عمره
بالنسبة للقائد وحارس المرمى ممكن يستثنوهم من قصة العمر وتجربة راين غيغر في المانشيستر
وهيثم في الهلال بالمناسبة مريخابي وماعجبني جيتو للمريخ لان لاعبين بهذا المستوى والعطاء يجب تكريمهم
في انديتهم وبتمناها من الله هيثم يرجع الهلال لي جمهورو ومحبينو وحبنا ليو في محلو ككابتن للفريق القومي
بالنسبة لكاسياس فرايي انو يلعب اساسي في الريال واصلا الحارس الجابوهو عشان اصابة وكسر الاصبع ماتنسا انو دي مصلحة لدولبسكي مدرب المنتخب
| |
|
|
|
|
|
|
| |
عمر الفاروق
Al Sunda
حامد بدري
فيس بوك
تويتر
انستقرام
يوتيوب
بنتيريست