كلمات : السر عثمان الطيب الحان : السر عثمان الطيب غناء / محمد جبارة
يا نسمة كيف أخبار أهلنا وحيّنا أحكيلي..عاد ما باقي طوّلوا مِنّنا زي ما زمان طارنّهُن طَارنّنا زي ماب نشيلُن في القلوب..شايلنّنا حتي البعاد فتّق جروحُن زيّنا يا نسمه ما تدسّي المكَتّم عنّنا.. تمراتنا كيف يا نسمه عرجونا انتنَى شيلاً.. تقيل..فوقو الدّباس رسّل غُنا.. لمْلَم عويشو مع الصباح للعش بنَى حضن الجنا الساقي كيف .. جدولنا كيف ..البوغة كيف يانسمه..ماشفتي المَتَرْ سايقِنّو صيف عرباً بُعاد.. يانسمة كيف ما قالوا ليك..بيُوضه..رشّاها الخريف يانسمه قولي بدون بُكا..المنقة كيف والبرتكان يانسمة صِح شال وانتَكى يانسمه..مالِك ساكتي ماقلبي اشتكَى.. يانسمه قُولي..فترتَ اْنَا..احكيلي..عن ناس حَيّنا.. شيلي السلام..يا نسمه بالكوم منّنا.. ودّيهو ليهُنْ..في الشمال من عندنا وان شاء الله توصلي..بالسلامة..بدون عَنَا
08-26-2013, 01:28 PM
saidahmed shami
saidahmed shami
تاريخ التسجيل: 01-08-2013
مجموع المشاركات: 2348
كلمات : السر عثمان الطيب الحان : السر عثمان الطيب غناء / محمد جبارة
يا نسمة كيف أخبار أهلنا وحيّنا أحكيلي..عاد ما باقي طوّلوا مِنّنا زي ما زمان طارنّهُن طَارنّنا زي ماب نشيلُن في القلوب..شايلنّنا حتي البعاد فتّق جروحُن زيّنا يا نسمه ما تدسّي المكَتّم عنّنا.. تمراتنا كيف يا نسمه عرجونا انتنَى شيلاً.. تقيل..فوقو الدّباس رسّل غُنا.. لمْلَم عويشو مع الصباح للعش بنَى حضن الجنا الساقي كيف .. جدولنا كيف ..البوغة كيف يانسمه..ماشفتي المَتَرْ سايقِنّو صيف عرباً بُعاد.. يانسمة كيف ما قالوا ليك..بيُوضه..رشّاها الخريف يانسمه قولي بدون بُكا..المنقة كيف والبرتكان يانسمة صِح شال وانتَكى يانسمه..مالِك ساكتي ماقلبي اشتكَى.. يانسمه قُولي..فترتَ اْنَا..احكيلي..عن ناس حَيّنا.. شيلي السلام..يا نسمه بالكوم منّنا.. ودّيهو ليهُنْ..في الشمال من عندنا وان شاء الله توصلي..بالسلامة..بدون عَنَا
سلام وشكراً جزيلاً. الإذن طبعاً عشان الخط داك شين وما واضح.
08-27-2013, 09:01 AM
saidahmed shami
saidahmed shami
تاريخ التسجيل: 01-08-2013
مجموع المشاركات: 2348
غريب .. وحيد في غربتو حيران .. يكفكف دمعتو حزنان.. يغالب لوعتو ويتمنى بس لي أوبتو طال بيه الحنين فاض بيه الشجن واقف يردد .. من زمن
بالله ياالطير المهاجر للوطن زمن الخريف تطير باسراع ماتضيع زمن أوعك تقيف وتواصل الليلة للصباح تحت المطر وسط الرياح وكان تعب منك جناح في السرعة زيد في بلادنا ترتاح ضل الدليب أريح سكن
فوت بلاد وسيب بلاد وإن جيت بلاد وتلقى فيها النيل بيلمع في الظلام زي سيف مجوهر بالنجوم من غير نظام تنزل هناك وتحيي ياطير باحترام وتقول سلام وتعيد سلام على .. نيل بلادنا وشباب بلادنا ونخيل بلادنا بالله يا طير قبل ما تشرب تمر على بيت صغير من بابه ومن شباكه بلمع الف نور وتلقى الحبيبة بتشتغل منديل حرير لحبيب بعيد تقيف لديها وتبوس إيديها وانقل إليها وفاي ليها وحبي الأكيد
وان جيت بلاد تلقى فيها النيل بلمع فى الظلام
زى سيف مجوهر بالنجوم من غير نظام تنزل هناك وتحى يا طير باحترام تقول سلام وتعيد سلام على نيل بلادنا سلام وشباب بلادنا ونخيل بلادنا
08-29-2013, 04:57 AM
saidahmed shami
saidahmed shami
تاريخ التسجيل: 01-08-2013
مجموع المشاركات: 2348
شوفى الزمن يا يمة ساقنى بعيد خلاص دردرنى واتغربت واتبهدلت يا يامة ورينى الخلاص ساقنى القدر منك بعيد جرعنى كاس يا يمه يا فيض الحنان الما كمل يا يمه يا بدرى البشع دايماً يهل يا يمه يا نور الصباح وكتين يطل واشرى يا (زينوبه) ولدك فى دروب الشوق كتل محروم من الحب والمحنة وراك همل
يا يمه يا بحر المودة وكت يفيض يا يمه يا شعلة أمل زادت وميض يا يمه يا عنقود كلام منظوم قريض يا يمه يا نغماً حس بالشوق يرن وافكارى فيهو .. بيرتعن دمعاتى شانو .. بينزلنواتذكرك يا يمه فى الدغش النسايمو يهبهن قايمى الصباح متكفلتى شايلى الحليلى على المراح والساعة ديك يادابو ديكنا بدا فى الصياح والطير صغارو يغردن .جبتى اللبن بانشراح واتذكرك يا يمه ساعة الهجير صالاكى نار الدوكى عُستيلنا الفطيررشيتى قلتى اكلوهو خير واتذكرك يا يمه يا بسمة الطفل الغرير وكت الخلوق ترقد تنوم واسهر براى أرعى النجوم والشوق يرف جنحيهو بى فوق لى يحوم هتف باسمك فى الخيال [طيفك كمان بي فوقى جال واتمنى لو لحظات يدوم [لكنى فجأة القاهوو زال
واتذكرك يا يمه ساعة الناس يجونا من البلد ناعم ترابا على جسيماتن رقد ريحة التمر فوق الهدوم [لون الخدار خانس لّبد والشوق أوارو بيشتعل كان ظنى فيهو يكون خمد واتذكرك يا يمه والناس قالو قايمين البلد رصو الهديمات ..عدلوا ركبوا اللوارى وقبلوا خلونى وحدى بلا أنيس [كيف انفرادى ..اتحملوا شالوا السلام من عندى ليك وان شاء الله عندك يوصلوا
يا يمه ساعة يوصلوا ويقولوا ليك ..شفناه فى بلد الامان مبسوط ورايق فى امان أنبسطى يا نبع الحنلن وانا حالى يشهدبو يايمة رسلى لى عفوك ينجينى من جور الزمان
08-29-2013, 07:07 AM
saidahmed shami
saidahmed shami
تاريخ التسجيل: 01-08-2013
مجموع المشاركات: 2348
كلهم يستاهلوا التكريم يا سيد احمد ... واحد واحد بالمناسبة: شخصيات لي منها زمن ما شفتها .. واخيرا عاد لبورداب الامارات نشاطهم الجميل .. .. التحية لكل الاخوان بطرفكم ..
08-29-2013, 07:43 AM
saidahmed shami
saidahmed shami
تاريخ التسجيل: 01-08-2013
مجموع المشاركات: 2348
يا شامي .. ياخ بوست فوقو ابوبكر سيد احمد وبعض من بورداب الرياض .. ما بيبور بالساهل .. .. بعدين عاين .. الرغيماب ديل ناسنا .. اصلو ما فوقم كلام والقرضابي وبدري الياس والبقية كلهم لكن عصام ابصلعه دا كان قريبك .. كلمني اعمل ليك بدلو واحد تاني .. وابدلو ليك بي عدة كبايتين تلاتة بنفعو في رمضان الجاي
08-29-2013, 09:19 AM
saidahmed shami
saidahmed shami
تاريخ التسجيل: 01-08-2013
مجموع المشاركات: 2348
Quote: لكن عصام ابصلعه دا كان قريبك .. كلمني اعمل ليك بدلو واحد تاني .. وابدلو ليك بي عدة كبايتين تلاتة بنفعو في رمضان الجاي
تمبس ياخ عصام أجمل تسجيلات 2013 بلنسبه لي بورادب الامارات ههههههههه تقول لي كبابي حلومر وما عارف فيك الخير طلعت أحسن من أصحاب الشئ باستثناء abas والدفعه ميرغني سمعت تحت تحت في شمار انو في قروب جاي يعيد في دبي الكلام دا جد ولا إشاعة
08-29-2013, 09:21 AM
tmbis
tmbis
تاريخ التسجيل: 10-19-2002
مجموع المشاركات: 24862
*** شكرا يا شامى ياخ فالرجال ( عثمان الطيب ‘ محمد جبارة ‘ أبوبكر سيد أحمد ) ثلة نادرة قدمت ما تستحق علية التكريم من قبل كافة السودانيين . وعبرك شامى نقول لهم هذا ما استطعنا ولكنكم بالتأكيد تستحقون أكثر .
*** لك مكرر الشكر و التقدير شامي الوفي ونحسد على إنضمامك لنا.
09-01-2013, 10:59 AM
saidahmed shami
saidahmed shami
تاريخ التسجيل: 01-08-2013
مجموع المشاركات: 2348
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة