|
|
|
 Re: ام ضواًبان تستصرخ الوالى والمعتمد ورئيس المحلية والرئيس زاتو (Re: حسن حماد محمد)
|
هناك مجموعة طيبة من شباب القرية على الفيس بوك
يعملون جاهدين على مساعدة أهلهم ولكن صوتهم غير مسموع
يتحدثون عن تظاهرة للفت النظر لمشكلة المياه
ولكن طبيعة المنطقة والنفوذ الروحى للكبار يحول دون ذلك
ولكن صبر المواطن نفذ وأصبح فى حالة من الاحباط وفقد الأمل فى تجاوب المسئولين
م ضان اتصبري عارف الوجع في الجوق شديد
عارفك كمان مابتقدري
جاهلك شكي وجاهلك بكي في بيتك المرق اتكي
والشي البحير بحيرمابيه يا حاجة الزكاة ...
طلع الصباح لو ليك مراد
يا حاجة ما تطلع شمس
والليلة عندك زى أمس
لسه الرويدى مع الصباح
من مدة ماجاب ليك خبر
كان جوفو زى جوف العيال
من مدة داير ليه حجر
والله على الزمن الحجر
المابى بالصبر اتكرى
سرحتى فى هموم العيال
كيفن يعملوا مع الدروس
وسرحتى فى حق الفطور
باقى الامور البى القروش
واحد زمن داير ردا
واحد خلاص قلموا اتكسر
زى التقول أكلوا الصبر
يا حاجة آمنة اصبرى
مشيتى لى برج الحمام
برجك صفحتين ما بزيد
ومشيتى لى برج الحمام
كان تلقى ليك جوزاً جديد
يمكن بعد طلع الصباح
يغشاكى زولاً يشترى
هبشتى جاى فتشتى جاى
كان تلقى سكر بس محال
باقى الرطيل الفى الكرت
يا حاجة سفوهوا العيال
يا حليل زمان وسنين زمان
يا حاجة لو تذكرى ... يمه
وسمعتى صوت جاك من بعيد
وبعد قليل بابك ضرب
وسمعتى صوت جاك من بعيد
شالك تعب ... ختاك تعب
يا حاجة ناس المويه جوك
أصلو الشهر روح جرى
يا حاجة آمنة اصبرى
بعد صراع وصراع طويل
يا حاجة بينك والمحال
ما لقيتى فى داك النهار
شيتاً ويجو ياكلوا العيال
حبة عدس ما بسوى شيئ
وينو البصل وينو اللحم
حبة عجين ما بسوى شيئ
وينو الدقيق وينو الفحم
من جاى لجاى
هبشتى جاى فتشتى جاى
كان تلقى شيئ
لازمك كتير شان تقدرى
لازمك كتير اتقدري
See Translation
Like · · 18 hours ago ·
Mohammed Alliby and 3 others like this.
Ahmed Hassan بس الصبر زاااتو عطشااان
18 hours ago via mobile · Like
Mohammed Ahmed الا متي نصبر صبر أيوب هذه أهانه للمواطن من يهن يسهل الهوان عليه قلبنا معكم ي أهلي
10 hours ago via mobile · Like · 1
| |
 
|
|
|
|
|
|
|
|
Re: ام ضواًبان تستصرخ الوالى والمعتمد ورئيس المحلية والرئيس زاتو (Re: حسن حماد محمد)
|
ما زال العطش سيد الموقف
وما زال الوالى والمعتمد ورئيس المحلية فى غياب تام
والرئيس حسبما قرات اليوم مشغول هو والإمام فى التوسط بين كيزان مصر والسيسى حتى تحل الأزمة المصرية
لذلك لا أتوقع ان يكون لديه وقت لمشكلة بسيطة تخص مائة ألف أو يزيد قليلا من رعيته
وفى الفيس بوك قرات من شباب القرية بان شاحنات الإغاثة ظهرت فى طرقات القرية
ولكن حتى اللحظة لم يرى اى مواطن اى شئ منها وربما تكون ضلت الطريق وربنا يستر وما تتكرر مأساة 1988 وتباع فى الجزيرة
| |
|
|
|
|
|
|
| |
حسن حماد محمد
منتصر عبد الباسط
فيس بوك
تويتر
انستقرام
يوتيوب
بنتيريست