|
حفل خيري بالنادي السوداني – Hayward, CA لدعم السودانيين بالمعسكرات والتكايا
|
|
 Re: اب جضوم ... معتمد شرق النيل ... مهند الحلة (Re: عباس الدسيس)
|
في منطقه ريفيه نائية دارت هذه الاحداث حيث كان احدهم تعود ان يعاقر الخمر كل ليلة خميس ثم ياتي اواخر الليل الي داره ثملا يترنح وفي احدي الليالي بينما كان عائدا وهو مخمور لاحظ حركه غير عاديه في القريه ووصل الي داره وسال زوجته -
يا وليه الحله دي فيها شنو؟ *
ولد الجيران قالو من العصر مختفي -
عادي ما يختفي ايه يعني؟ *
ياراجل امشي فتش مع رجال الحله -
بلا ولد جيران بلا خمة خلونا ننوم قبل السكره دي ما تطير ثم استدرك وسال زوجته -
اسمه منو الولد ده؟ *
اسمه مهند !!!!!!!!!!!
هنا قفز من سرير مزهولا لان الاسم احس انه غير طبيعي وقام وهو يتمتم -
مهند..مهند..مهند..الحله دي فيها واحد اسمه مهند وكمان راح؟..والله ده فقد للوطن ...
وقام من فوره معلنا انه من الواجب ان يبحث عن مهند هذا لان الاسم بالنسبه لهم شئ غير طبيعي وذهب وبحث ساعات حتي تعب ثم عاد -
بلا مهند بلا وائل اصلا حله زي دي كيف يكون فيها مهند؟ خلونا ننوم قبل السكرة دي ما تتطير .
وقبل ان يغفوا انطلقت الزغاريد في القرية فقام مزعورا -
يا مـــرا فيه شنو؟ *
ياراجل قالوا مهند ولد الجيران لقوه -
طيب واجب علينا نمشي نقول ليهم حمد لله علي السلامه ....
ولبس ملابسه وذهب الي الجماعه ووصل الي دار مهند ودخل وهو يردد -
السلام عليكم..حمد لله علي سلامه مهند بركه والله اللقيتوهو هو وينو مهند ده؟
اشاروا الي صبي منفوش الشعر ملابسه متسخه شين لدرجه (شناة العدو) شكله لا يستحق اسم نهائي عندها اندهش صاحبنا -
دااااااااااااااااااااااااااااااااااااااااااااااااا ااا؟
ده مهند !!!!!!...لا اله الا الله
ثم غادر مسرعا اوقفه احدهم .....
يازول مالك؟
رد عليهو - والله ثم والله لمن كنت افتش معاكم مهند ولدكم ده انا صادفته 10 مرات ...
مهند شنو ده؟
انتو صاحين؟ و ل مجانين ؟
ياخي زح كده طيرتو الفي راسنا
| |
 
|
|
|
|
|
|
|
|
Re: اب جضوم ... معتمد شرق النيل ... مهند الحلة (Re: عباس الدسيس)
|
تصدق يا دسيس!!!!
أول مرة أشوف الزول دا في التلفزيون يوم الأحداث حقت السيول وبالفعل جاني نفس الاحساس (الجضوم الكبار ديل)
ما كنت عارفو دا معتمد شرق النيل لكن جاني احساس انو الزول دا ما من النوع الممكن يهتم بالمواطن البسيط
الزول التريان وسمين وجضومو كبار دا ما زول شغل ولا حاجة دا زول عضة وبس.....
| |
|
|
|
|
|
|
|
|
|
Re: اب جضوم ... معتمد شرق النيل ... مهند الحلة (Re: الصادق صديق سلمان)
|
هههههههههههههههههههههههههههههه
الدسيس ..
والله انت تطيرها في الراس مش من الراس 
غايتو مهند عامل دويتو غريب مع الزول الوراهو ..
نتابعكم انت وتمبس الليلة شغل نهئ
المهم..معتمد السجم دا الاوضة وجالوص خلهن الناس موتها عادي يعني؟؟
دماغو دا ما اداهو صياغة غير كدة يعبر بيها عن انه ما فاهم دوره زاتو شنو..
الولد تور ساقية ساي .
| |
|
|
|
|
|
|
|
|
|
Re: اب جضوم ... معتمد شرق النيل ... مهند الحلة (Re: عباس الدسيس)
|
| Quote: كشفت الجمعية السودانية لحماية المستهلك أنها بصدد التقصي حول ما ورد عن تسرب الإغاثة الخاصة بالمتضررين من كارثة السيول والفيضانات، وقال رئيس الجمعية د. نصر الدين شلقامي بملتقى المستهلك أمس إن الجمعية ستتحرك بالتعاون مع نيابة حماية المستهلك وشرطة حماية المستهلك فوراً لمعرفة الكيفية التي وصلت عبرها الإغاثة للأسواق والجهات التي قامت بتسريبها. ومن جانبه استنكر الأمين العام للجمعية د. ياسر ميرغني ما سماها تدخلات بعض الجهات باسم مفوضية العون الإنساني لمنع أصحاب المبادرات الخاصة «نفير» من العمل الإغاثي للمتضررين من السيول بحجة عدم التسجيل، قائلاً: «ماذا استفاد المتضررون من المنظمات المسجلة؟». |
الرابط:
http://www.sudanyiat.net/news.php?action=showandid=28750
الناس دي ما بتبالغ اقولو ليك تقصي حقائق وعينهم لي الكروش المنفوخة والجضوم المورمه !!!!
| |
|
|
|
|
|
|
|
|
|
Re: اب جضوم ... معتمد شرق النيل ... مهند الحلة (Re: عباس الدسيس)
|
Quote: يا الدسيس
الناس ديل تريانيييييييييييييين
اهو تصريحات يطلقا ولا حد يموت
حرام عليهم يوم يقفوا امام عزيز جبار |
طارق يا حبيبنا سلام واخبارك
ديل نسو في حاجة اسمها جبار امنيتي اشوف لي زول مسؤل وزن الريشة البتلقي وزن الريشة بتكون ضارباهو مرضة من عمايلو .
بالله عاين الزول ده وشو كيف
| |
|
|
|
|
|
|
|
|
|
Re: اب جضوم ... معتمد شرق النيل ... مهند الحلة (Re: عباس الدسيس)
|
Quote: تصدق يا دسيس!!!!
أول مرة أشوف الزول دا في التلفزيون يوم الأحداث حقت السيول وبالفعل جاني نفس الاحساس (الجضوم الكبار ديل)
ما كنت عارفو دا معتمد شرق النيل لكن جاني احساس انو الزول دا ما من النوع الممكن يهتم بالمواطن البسيط
الزول التريان وسمين وجضومو كبار دا ما زول شغل ولا حاجة دا زول عضة وبس..... |
حبيبنا الصادق
سلام وتحية
الزول ده يا اخوي تخصصو اغاثات تعرفو كيف معتمد شرق النيل لو لابت زمنو الفات كلو وما ظهر لا في جهاد ولا في توزيع سلاح بغرب السودان نط مع الاغاثات.
زول عضة وحوليات ((فتة)) وتطور في حياته الانسانية الي اغاثات مبروك ليهو
| |
|
|
|
|
|
|
|
|
|
Re: اب جضوم ... معتمد شرق النيل ... مهند الحلة (Re: هشام المجمر)
|
Quote: هههههههههههههههههههههههههههههه
الدسيس ..
والله انت تطيرها في الراس مش من الراس
غايتو مهند عامل دويتو غريب مع الزول الوراهو ..
نتابعكم انت وتمبس الليلة شغل نهئ
المهم..معتمد السجم دا الاوضة وجالوص خلهن الناس موتها عادي يعني؟؟
دماغو دا ما اداهو صياغة غير كدة يعبر بيها عن انه ما فاهم دوره زاتو شنو..
الولد تور ساقية ساي . |
حيدر الزين ازيك يا وجيه
كل عام وانت بخير
الزول تور ساقيه وشبكوهو في حاجة اسمها لقف الظاهر من طيارة لي طيارة ما فضل ليهو الي اقج ليهو خيمة من خيمات الاغاثة في المطار وانتظر الوفود
زي ده بموت في العقالات الكويتيه والقطريه
الحبش اهلنا وجيرانا قالو جابو طياره زولك اصلو ما شوفناهو معاهم الزول زول جداد كويتي ناس الانجيرا والزقني ما بقسمو معاهم انت قايل الجضوم جات بي الهين.
| |
|
|
|
|
|
|
|
|
|
Re: اب جضوم ... معتمد شرق النيل ... مهند الحلة (Re: عباس الدسيس)
|
Quote: الزول الورا عمار سليمان
على وزن : الراقل اللي ورا عمر سليمان |
مهدي صلاح سلام وتحية
حرامي مسطول تلب بيت ناس مالقي حاجة يسرقها وهو طالع لقي مره سمييينة قاعدة في الكرسي وبتسمع في الرادي
مشي ليها كفتها وجضمها وقال ليها أمانة في زمتك السويتي بيهو جضوم وكرش دا كان دقيتي بيهو دهب ماكان نفعك ....
دي قصة الحرامي اما الزول الوراء المعتمد لسان حالو بقول ليهو أخخخخخخخخخ لو ما خايف ناس الامن ا######شوني كان اكلته جضومك اكل
الراجل الوراء المعتمد تعابير وش نسفت صورة المعتمد المنافق
عمليتو دي في التمنيات مكيفني بصورة غريبه
| |
|
|
|
|
|
|
|
|
|
Re: اب جضوم ... معتمد شرق النيل ... مهند الحلة (Re: عباس الدسيس)
|
Quote: وماهى مؤهلات هذا الفتى؟
هل عمل قبلها فى الحكومات المحلية؟
هل هو من سكان شرق النيل؟
سمعت انه مهندس من ابناء برى.. اسلامى ...بس لماذا تم اختياره لمنصب لا يعرف عنه شيئا و لايمكن ان يكون اهلا له .
الفشل لديه اسباب يا جماعة |
هشام المجمر سلام وتحية
حكومة اللمبي اخوان
في وقت الماسي متصور مع الحاجة المسكينه القاعده في العنقريب وقاشر ومبتسم ...الكرش عندك ولد ده..
| |
|
|
|
|
|
|
|
|
 Re: اب جضوم ... معتمد شرق النيل ... مهند الحلة (Re: عباس الدسيس)
|
عباس الدسيس
تحية وتقدير
انا غايتو شائف البوست ده حقد منكم على سعادة المعتمد وجضوموا
ياجماعه معروف أننا في السودان بنقول للزول البكون فاهم في كل حاجة
(( مجضمه )) ...... معقول تجوا تسألوا الفتي ده مؤهلاتوا شنو كوز وكلوا جضوم
أكيد مجضم كل حاجة ......... ومسئول من ماركة واما بنعمة ربك فحدث ..............
بس انتو شعب ما بعجبكم العجب لو كان العكس كان قلتوا القشه أم روح ده جايبنو من وين !!!!
يعني الرجل المناسب في المكان المناسب
وأصلب العناصر ..... لاغرب المواقف ....... ما زعلان من المعتمد لكين من الزول الجاء
ساى ده واتصور معاهوا ..... بعدين ليه دهشة ....... مش ممكن إعجاب بالدرر البقول فيها
***المواطن ده أكيد طابور خامس نوصي الرسميين بالابتعاد قدر الامكان من المواطنين وتجمعاتهم
حرصا على هيبة الدولة وظهور مواطنين غير مرغوب فيهم في مناسبات زي دي
_ أصلو المواطنين ديل ما جايكم منهم إلا الصداع _
-------------------------------------
* مع توصيه لسعادتو يمشي لفكي كارب يقري ليهوا على جضوموا دي ....... تحوط من العين وكده
تحياتي
| |
|
|
|
|
|
|
|
|
|
Re: اب جضوم ... معتمد شرق النيل ... مهند الحلة (Re: عباس الدسيس)
|
يا عباس الدسيس إنت زول ما عندك مؤهلات معتمد عليه ما تفكر في والي. عليك بتربية الجضوم بأكل مال العموم. وتربية الكروش بالهبر من المال المفروش. وبعدين تجينا نشوف ليك واسطة تكون معتمد لمحلية قابلة للغرق والحريق عشان الإغاثة تجيك هبطرش بس ما تنسانا من صالح الدعاء. يعني دفار دفارين من الحاجات العالمية المعروفة لديكم.
تحياتي.
كبـّاشي الصـّـافي
| |
|
|
|
|
|
|
|
|
Re: اب جضوم ... معتمد شرق النيل ... مهند الحلة (Re: هشام المجمر)
|
Quote: وماهى مؤهلات هذا الفتى؟
هل عمل قبلها فى الحكومات المحلية؟
هل هو من سكان شرق النيل؟
سمعت انه مهندس من ابناء برى.. اسلامى ...بس لماذا تم اختياره لمنصب لا يعرف عنه شيئا و لايمكن ان يكون اهلا له .
الفشل لديه اسباب يا جماعة |
يا هشام المجمر مؤهلات شنو يا زول البتتكلم عنّها دي.
المؤهلات أهمها الجضوم والكرش الكبيرة. وعليه عندما تعمل ليك جضوم وتلاجة كبيرة تعال نتوسط ليك تبقى معتمد بس بشرط تديني قطعة أرض مش في شرق النيل ولا الفتح.
كبـّاشي الصـّـافي
| |
|
|
|
|
|
|
|
|
|
Re: اب جضوم ... معتمد شرق النيل ... مهند الحلة (Re: cantona_1)
|
Quote: عباس الدسيس
تحية وتقدير
انا غايتو شائف البوست ده حقد منكم على سعادة المعتمد وجضوموا
ياجماعه معروف أننا في السودان بنقول للزول البكون فاهم في كل حاجة
(( مجضمه )) ...... معقول تجوا تسألوا الفتي ده مؤهلاتوا شنو كوز وكلوا جضوم
أكيد مجضم كل حاجة ......... ومسئول من ماركة واما بنعمة ربك فحدث ..............
بس انتو شعب ما بعجبكم العجب لو كان العكس كان قلتوا القشه أم روح ده جايبنو من وين !!!!
يعني الرجل المناسب في المكان المناسب
وأصلب العناصر ..... لاغرب المواقف ....... ما زعلان من المعتمد لكين من الزول الجاء
ساى ده واتصور معاهوا ..... بعدين ليه دهشة ....... مش ممكن إعجاب بالدرر البقول فيها
***المواطن ده أكيد طابور خامس نوصي الرسميين بالابتعاد قدر الامكان من المواطنين وتجمعاتهم
حرصا على هيبة الدولة وظهور مواطنين غير مرغوب فيهم في مناسبات زي دي
_ أصلو المواطنين ديل ما جايكم منهم إلا الصداع _
-------------------------------------
* مع توصيه لسعادتو يمشي لفكي كارب يقري ليهوا على جضوموا دي ....... تحوط من العين وكده
|
عبدالناصر الخطيب سلام يا وجيه
الكرت ده فكو من وين الكيزان ما عارف
المصيبه بعد فترة اجيك وزير خارجيه خاصة اهتماماتو المصارعه واقعد جمب اللمبي في اجتماعات مجلس الوزراء
فرحان بي دقيق سيقا انط من عربية شايلو انط من طيارة تلقي طابقو
ذكرني نميري زمن المجاعه قال للجماعه ارجعو للكسره والموص معتقد كيلو الدقيق الشايلو انجاز
| |
|
|
|
|
|
|
|
|
|
Re: اب جضوم ... معتمد شرق النيل ... مهند الحلة (Re: عباس الدسيس)
|
Quote: يا عباس الدسيس إنت زول ما عندك مؤهلات معتمد عليه ما تفكر في والي. عليك بتربية الجضوم بأكل مال العموم. وتربية الكروش بالهبر من المال المفروش. وبعدين تجينا نشوف ليك واسطة تكون معتمد لمحلية قابلة للغرق والحريق عشان الإغاثة تجيك هبطرش بس ما تنسانا من صالح الدعاء. يعني دفار دفارين من الحاجات العالمية المعروفة لديكم.
تحياتي.
كبـّاشي الصـّـافي |
حبينا كباشي الصافي سلام وتحية
كل عام وانت بخير ،،،
كده مشكلة الشغل اتحلت بدون شيل شنطه ....
نسيت حاجة ضيف ليها شوية لتاخه وهبالة لمبيه
معناة كلامك اي زول عملو ليهو خروج نهائي قبل امشي اكثر في الكبسه هنا حتي ارجع السودان
اتخيل لي الجماعه عندهم معسكرات قبل التعيين السياسي
تحياتي وتقديري
| |
|
|
|
|
|
|
|
|
|
Re: اب جضوم ... معتمد شرق النيل ... مهند الحلة (Re: عباس الدسيس)
|
Quote: عمار سليمان
بدا دراسة الطب بجامعة المنصورة، جمهورية مصر العربية ،
ولا ادري ان اكمله ام لا....
كان كوزا متعصبا، وكادرا ضعيفا ضرره اكثر من منافعه...
يرمي الكلام بلا حساب، وبلا اخلاق،
وصفنا ذات ندوة، نحن مجموعة الطلاب المعارضين، وصفنا باننا، ك ل ا ب،
يشهد على ذلك كل من كان في جامعة المنصورة بداية التسعينات،
مما خلق للرجل المكروه اصلا، كراهية بلا حدود في مجتمعنا الطلابي ذاك...
ليس للرجل علاقة ببحري، ولا حتى العاصمة عموما حسب علمى، ولكن الكيزان بلا كوادر
عشان كدة بنط في المنصب امثال هذا الجضم؛ |
منعم يا صديق سلام وتحية
كل عام وانت بخير
قلنا في ايام العيد نشوفكم القولون ما أدانا فرصة نرفع راسنا
تحياتي للاسرة الكريمة
الزول كده وريتنا بدايتو واخرو زول فشوش بي كبرو ده ملان مويه ساكت
الراجل متعوده داييييييييييييما مصائب الانقاذ طلعت لينا مع الامطار
تحياتي وتقديري
| |
|
|
|
|
|
|
|
|
|
Re: اب جضوم ... معتمد شرق النيل ... مهند الحلة (Re: عباس الدسيس)
|
والي الخرطوم كالعادة فى مؤتمره الصحفي يوم امس يحاول وضع ديكور لايخلو من السماجة لتحسين سوأة حكومته وبؤس ادارته .. قد نقدر ان الرجل يعانى من متلازمة الفشل .. وقد نعذره ان المسئولية فوق قدراته الادارية .. وفوق ابداعات خياله .. وقبل عدة سنوات فور تسلمه منصب الوالي من الدكتور المتعافي وكانت الامطار قد ضربت منطقة امبدة اعتذر سيادته الى المواطنين الغاضبين بانه تسلم المنصب حديثاً وانه لايفترض ان يحاسب على مسئولية لايد له فيها .. يومها عذره الناس وتعاطفوا مع انه غير مسئول ولكن (رِجلو ناشفة).. وبعد كل هذه السنوات من صبر المواطنين على سياسات حكومات د.الخضر التى اتت على الأخضر واليابس .. ومافضحه تقرير المراجع القومى لولاية الخرطوم من نهب منظم للمال العام يقف شاهدا غير مكذوب لماعليه حال الولاية .. ونشكر سيادة الوالي وهو يقر ( بأن عدم الثقة فى الحكومة جعل ان اعمالها كلها لاتصدق ) وهل المواطن وجد اعمالاً لحكومة الخضر فى الأساس ؟!واذا كانت السيول والامطار تجتاح الاف الاسر وتتركها فى الفضاء بلا ايواء ولادواء ولا غذاء ووالٍ يتابع مايجري على المنكوبين من خلال مروحية .. وقبل الكارثة يصرح لكل وسائل اعلامه مبشرا بتمام كمال استعداد ولايته للخريف .. وهو يردد بالفم المليان :[بكرت ولاية الخرطوم هذا العام في وضع معالجات للمشاكل التى صاحبت خريف العام الماضي، حيث قامت بإنشاء عدد من المصارف الخرصانية الجديدة بطول 180 كلم ، وتطهير المصارف القديمة بطول 900 كلم والمصارف الفرعية بطول 3600 كلم ، وتهذيب الخيران وتعلية تروسها بطول 60 كلم ، وتعلية التروس النيلية بطول 176 كلم ، وتطهير (120) بئر تصريف بالمناطق المنخفضة ، وحفر 42 بئرا جديدة وشراء (80) طلمبة جديدة ، وتركيب (22) طلمبة على النيل.. ولكن أبرز مايميز إستعدادات هذا العام تنسيق الجهد الشعبي ومساندته للجهد للرسمي. *وفي هذا الإطار رفعت كتيبة قوامها (700) شاب و (250) شابة التمام لوالي الخرطوم كقوة احتياطية للتدخل السريع لطوارئ الخريف. وكشف د.عبدالرحمن الخضر والي الخرطوم عن أنشاء العديد من المصارف الجديدة عبر خطة إستراتيجية يتم تنفيذها بشكل مستمر دون ربطها بفصل الخريف.]كان هذا يوم24/6/2013فباي منطق يريد الوالي الثقة فيه او فى حكومته ؟ الم يثبت الواقع ان هذه الادعاءات لاتقترب من الواقع فى شئ ؟!ان لم نقل انها تتطابق مع الصفة التى اكد النبي الكريم انها تخرج المؤمن من دائرة الايمان ..فباي حق يريد الوالى من الشعب ان يثق فيه او فى حكومته ؟؟ وهو الذى يرى هذه الكارثة ويختزلها على انها ازمة ؟ ثم لايرعوي عن ان يعرف الكارثة بانها موت نصف سكان الولاية.. وببهلوانية لاتخلو من قدرات على التمثيل يعترف(الحكومة مانبهت المواطنين بمخاطر الفيضان وكان من الممكن ان تتفاداه) اذن لماذا ضللت الناس باستعدادكم المبكر للخريف؟؟ (كان من الممكن ان تتفاداه) لماذا لم يتم التفادى اذن؟ وهل يمكن ان نفسر هذا التقاعس على انه رغبة من الحكومة ليهلك نصف السكان ؟ كنت اتمنى ان يختم هذا المؤتمر البائس باستقالته فورا وتقديم نفسه وحكومته للمحاكمة مع اعلان مسئوليته الكاملة عن الارواح التى فقدت والمنازل التى دمرت .. والاطفال الذين فقدوا المدارس والمساكن والبيئة السليمة وصحتهم ..د. الخضر ادعوكم لهذا او لانتحار جماعي تكفيرا لما اخفقتم فى انجازه مما كان يمكن ان يخفف معاناة المنكوبين ..ولانك لن تفعل شيئا مما ندعوك اليه .. فقط اعلم انك جيت تكحلها عميتها.. وسلام ياوطن.. سلام يا.. بروف عثمان ابو سالمة يكشف عن كارثة بيئية خلفتها الامطار والسيول لاتعترف بها الدولة وسمتها ازمة خوفا من تراجع الصادر.. اول مرة نعرف يابروف ان السمسم اغلى من الانسان فى السودان ..وياسمسم القضارف *الزول صغير ماعارف..الحمدلله عرفنا كبار..وسلام يا.. حيدر احمد خيرالله
Quote: مناظير - زهير السراج
عليك نور يا دكتور .. !!
* اخيرا اعترف احد (أهل البيت) بعدم ثقة المواطن فى حكومتهم وعدم ثقتهم فى المواطن !!
* جاء ذلك فى تصريحات والى الخرطوم الدكتور عبدالرحمن الخضر عن السيول والأمطار والفيضانات لصحف الخرطوم الصادرة امس ومن بينها صحيفة (الجريدة) التى ابدعت فى اختيار عنوان لهذه التصريحات ووضعته (مانشيتا) رئيسيا لصفحتها الاولى أمس، وكلى ثقة فيها وفى الزميلة النابهة (نعيمة بيلو) التى نقلت التصريح الذى لا سبيل للوالى لتكذيبه حيث صدر عنه فى مؤتمر صحفى مشهود .. وبما ان الكلمة رصاصة لا سبيل لرجوعها بعد خروجها خاصة من شخص فى مثل تاريخ وموقع شخص مثل الدكتور له باع وتاريخ طويل فى العمل السياسى والجهادى فليس هنالك من سبيل لرجوع رصاصته القاتلة للانقاذ الى حلقه مرة اخرى .. دعونا نقرأ مرة أخرى ما قاله السيد الوالى الذى أغرق مواطنيه وهدم منازلهم، وليقرأ معنا باشكتبة السلطان الذين لا هم لهم سوى التطبيل لحكومتهم وتمزيع ناقديها بتهمة الكفر والإلحاد ..!!
* قال الوالى لا فض فوه، ومات حاسدوه بغرض تبرير خيبة الحكومة الثقيلة فى درء خطر الفيضان وعدم تحذيرالمواطنين فى الوقت المناسب من هطول الامطار :" الحكومة ما نبهت المواطنين من مخاطر الفيضان وكان من الممكن أن تتفاداه" .. لاحظوا .. "كان من الممكن ان تتفاداه"، طيب سيدى الوالى لماذا لم تتفاداه الحكومة؟! دعونا نسمع الرد الحصيف من الوالى صاحب الخبرة الجهادية والسياسية الطولية :
" عدم الثقة فى الحكومة جعل اعمالها كلها لا تُصدق " .. هذا ما قاله الوالى، ولست انا العبد الفقير الى الله العلمانى اليبرالى الكافر (حسب قول البعض) .
* الوالى يقول ان الناس لا يصدقون ما تعمله الحكومة، (وبما ان الناس لا يصدقون ما تعمله الحكومة ايها الوالى الهمام، فهم بالضرورة لا يصدقون ما تقوله، اليس كذلك ؟!) ..!!
* اسمح لى إذن سيدى الوالى أن اسألك سؤالا وارجو ان تجيبنى عليه بصراحة بنفس صراحتك اول امس .. لماذا لا يصدقكم الناس؟!
* هل لانهم كفار، حسب القول المعروف "المؤمن صديق" .. ام لأن الناس فى بلادنا جبلوا على عدم التصديق لاعتيادهم على الكذب على بعضهم البعض وبالتالى فهم لا يصدقون ما يروه (وبالضرورة ما يسمعوه) من بعضهم البعض او حتى من الحكومة التى لا تكذب ولا يأتيها الباطل من بين يديها او من خلفها، ام لانهم يسمعون شيئا ويرون غيره من الحكومة .. أم ماذا سيدى الوالى ؟!
* وهب ان الناس (كفار) سيدى الوالى، او لا يصدقونكم لانهم فقدوا الثقة فيكم، فهل هذا عذر كاف لكى تمتنع حكومتكم عن اخطارهم بمقدم الامطار والفيضانات وتتركونهم للعذاب والموت حتى ولو كنتم على قناعة بانهم لن يصدقونكم .. ام انكم بالمثل فقدتم الثقة فيهم لدرجة انك تعترف وعلى رؤوس الاشهاد بان الناس لا يصدقونكم مهما عملتم ؟!
* اذا كان هذا هو الحال سيدى الوالى .. فما الذى يبقيكم جاثمين على صدور من لا تثقون بهم ولا يثقون بكم كل هذا الوقت؟! |
| |
|
|
|
|
|
|
|
|
|
Re: اب جضوم ... معتمد شرق النيل ... مهند الحلة (Re: عباس الدسيس)
|
الأخ الكريم عباس الدسيس بعد السلام. ما زلت في إنتظار (البيزا). أرجو أن تسمح لي بنقل الفقرة أدناه من كلامك المفيد لأكتبها بالبنط العريض لأن البعض هنا لا يحبون قراءة الحروف الصغيرة، وذلك لأن ما أوردت كلام مهم جداً يدحض أقاويل والي الخرطوم الكثيرة وغير مفيدة.
(وقبل الكارثة يصرح لكل وسائل اعلامه مبشرا بتمام كمال استعداد ولايته للخريف .. وهو يردد بالفم المليان :[بكرت ولاية الخرطوم هذا العام في وضع معالجات للمشاكل التى صاحبت خريف العام الماضي، حيث قامت بإنشاء عدد من المصارف الخرصانية الجديدة بطول 180 كلم ، وتطهير المصارف القديمة بطول 900 كلم والمصارف الفرعية بطول 3600 كلم ، وتهذيب الخيران وتعلية تروسها بطول 60 كلم ، وتعلية التروس النيلية بطول 176 كلم ، وتطهير (120) بئر تصريف بالمناطق المنخفضة ، وحفر 42 بئرا جديدة وشراء (80) طلمبة جديدة ، وتركيب (22) طلمبة على النيل.. ولكن أبرز مايميز إستعدادات هذا العام تنسيق الجهد الشعبي ومساندته للجهد للرسمي. *وفي هذا الإطار رفعت كتيبة قوامها (700) شاب و (250) شابة التمام لوالي الخرطوم كقوة احتياطية للتدخل السريع لطوارئ الخريف. وكشف د.عبدالرحمن الخضر والي الخرطوم عن أنشاء العديد من المصارف الجديدة عبر خطة إستراتيجية يتم تنفيذها بشكل مستمر دون ربطها بفصل الخريف.]كان هذا يوم24/6/2013فباي منطق يريد الوالي الثقة فيه او فى حكومته ؟ )
تحياتي.
كبـّاشي الصـّـافي
| |
|
|
|
|
|
|
|
|
|
Re: اب جضوم ... معتمد شرق النيل ... مهند الحلة (Re: عباس الدسيس)
|
| Quote: فباي حق يريد الوالى من الشعب ان يثق فيه او فى حكومته ؟؟ وهو الذى يرى هذه الكارثة ويختزلها على انها ازمة ؟ ثم لايرعوي عن ان يعرف الكارثة بانها موت نصف سكان الولاية.. وببهلوانية لاتخلو من قدرات على التمثيل يعترف(الحكومة مانبهت المواطنين بمخاطر الفيضان وكان من الممكن ان تتفاداه) اذن لماذا ضللت الناس باستعدادكم المبكر للخريف؟؟ (كان من الممكن ان تتفاداه) لماذا لم يتم التفادى اذن؟ وهل يمكن ان نفسر هذا التقاعس على انه رغبة من الحكومة ليهلك نصف السكان ؟ كنت اتمنى ان يختم هذا المؤتمر البائس باستقالته فورا وتقديم نفسه وحكومته للمحاكمة مع اعلان مسئوليته الكاملة عن الارواح التى فقدت والمنازل التى دمرت .. والاطفال الذين فقدوا المدارس والمساكن والبيئة السليمة وصحتهم ..د. الخضر ادعوكم لهذا او لانتحار جماعي تكفيرا لما اخفقتم فى انجازه مما كان يمكن ان يخفف معاناة المنكوبين ..ولانك لن تفعل شيئا مما ندعوك اليه .. فقط اعلم انك جيت تكحلها عميتها.. وسلام ياوطن.. سلام يا.. بروف عثمان ابو سالمة يكشف عن كارثة بيئية خلفتها الامطار والسيول لاتعترف بها الدولة وسمتها ازمة خوفا من تراجع الصادر.. اول مرة نعرف يابروف ان السمسم اغلى من الانسان فى السودان ..وياسمسم القضارف *الزول صغير ماعارف..الحمدلله عرفنا كبار..وسلام يا.. حيدر احمد خيرالله |
الأخ الكريم عباس الدسيس بعد السلام. ما زلت في إنتظار (البيزا). أرجو أن تسمح لي بنقل الفقرة أدناه من الأستاذ حيدر أحمد خير الله والتعليق عليها دفاعاً!! عن الوالي المسكين المجاهد في سبيل الله.
((فباي حق يريد الوالى من الشعب ان يثق فيه او فى حكومته ؟؟ وهو الذى يرى هذه الكارثة ويختزلها على انها ازمة ؟ ثم لايرعوي عن ان يعرف الكارثة بانها موت نصف سكان الولاية.. وببهلوانية لاتخلو من قدرات على التمثيل يعترف(الحكومة مانبهت المواطنين بمخاطر الفيضان وكان من الممكن ان تتفاداه) اذن لماذا ضللت الناس باستعدادكم المبكر للخريف؟؟ (كان من الممكن ان تتفاداه) لماذا لم يتم التفادى اذن؟ وهل يمكن ان نفسر هذا التقاعس على انه رغبة من الحكومة ليهلك نصف السكان ؟ كنت اتمنى ان يختم هذا المؤتمر البائس باستقالته فورا وتقديم نفسه وحكومته للمحاكمة مع اعلان مسئوليته الكاملة عن الارواح التى فقدت والمنازل التى دمرت .. والاطفال الذين فقدوا المدارس والمساكن والبيئة السليمة وصحتهم ..د. الخضر ادعوكم لهذا او لانتحار جماعي تكفيرا لما اخفقتم فى انجازه مما كان يمكن ان يخفف معاناة المنكوبين ..ولانك لن تفعل شيئا مما ندعوك اليه .. فقط اعلم انك جيت تكحلها عميتها.. وسلام ياوطن.. سلام يا.. بروف عثمان ابو سالمة يكشف عن كارثة بيئية خلفتها الامطار والسيول لاتعترف بها الدولة وسمتها ازمة خوفا من تراجع الصادر.. اول مرة نعرف يابروف ان السمسم اغلى من الانسان فى السودان ..وياسمسم القضارف *الزول صغير ماعارف..الحمدلله عرفنا كبار..وسلام يا.. حيدر احمد خيرالله))
1- يريد الوالي أن يثق الشعب في حكومته بالحق الإلاهي لحكومته على الشعب.
2- ولماذا تنبه الحيكومة المواطن والكارثة لم تحدث بعد؟ عندما يموت 20 مليون نسمة بعدين تعالوا نتحدث عن الكارثة. عارفين الكارثة هي الزول البقى والي دا.
3- هذا ليس تضليل فالتضليل حرام ولكن هذا ذر للرماد في العيون. وعليك يا حيدر ويا عباس الدسيس تغطية عيونكم من الرماد المذرور في الهواء الطلق بتاع ربنا.
4- الإستقالة يا أستاذ حيدر أدب غربي كفراني، فلا يجوز للوالي المسلم أن يتشبّه بالفرنجة الكفرة. ولهذا حرام عليه الإستقالة من منصب أعطاه الله إياه. (تعطي الملك من تشاء).
5- الأرواح التي فقدت جاء أجلها لو كنتم تعلمون. والمنازل التي دُمِّرت كتب الله عليها ذلك، فلا راد لقضاء الله وقدره الذي به الحكومة مؤمنة.
6- الإنتحار حرام في الإسلام وعليه سينتظر الوالي ومعتمده أبو جضوم يوم لا ظل إلا ظلِّه.
7- طبعاً الصادر بجيب دورار مش دولار، عشان الناس ما تسأل الدولار مشى وين. لكن الدورار ما في زول بيعرف عنه شئ بسبب أنهم يدورونه بينهم لما يرضي الله ورسوله! فاهم حاجة؟
علي اليمين إنتو شعب طيب أوي. ممرضة طعنت حقنة لمريض في مستشفى (عنقليزي) بالغلط، كان المقصود هو المريض الذي بجانبه. أكدت لجنة التحقيق أن الحقنة لم تضر المريض ولن تؤثر على علاجه. تصوّر وزير الصحة البريطاني استقال من منصبه عشان غلطة الممرضة المهببة دي. ولهذا نقول أدب الإستقالة أدب كفراني استعماري استكباري لا يجوز للحاكم المسلم أن يقتدي به وبالفرنجة.
ولهذا وبناء على ما تقدّم نطلب من الأخوين عباس الدسيس وحيدر أحمد خير الله ألا يطالبان حكامنا المسلمين المجاهدين في سبيل الله بالإستقالة حتى لا يكونوا من زمرة الإستعماريين الإستكباريين.
تحياتي.
كبـّاشي الصـّـافي
| |
|
|
|
|
|
|
|
|
|
Re: اب جضوم ... معتمد شرق النيل ... مهند الحلة (Re: cantona_1)
|
Quote: علي اليمين إنتو شعب طيب أوي. ممرضة طعنت حقنة لمريض في مستشفى (عنقليزي) بالغلط، كان المقصود هو المريض الذي بجانبه. أكدت لجنة التحقيق أن الحقنة لم تضر المريض ولن تؤثر على علاجه. تصوّر وزير الصحة البريطاني استقال من منصبه عشان غلطة الممرضة المهببة دي. ولهذا نقول أدب الإستقالة أدب كفراني استعماري استكباري لا يجوز للحاكم المسلم أن يقتدي به وبالفرنجة.
ولهذا وبناء على ما تقدّم نطلب من الأخوين عباس الدسيس وحيدر أحمد خير الله ألا يطالبان حكامنا المسلمين المجاهدين في سبيل الله بالإستقالة حتى لا يكونوا من زمرة الإستعماريين الإستكباريين. |
حبيبنا كباشي الصافي سلام وتحايا
يازول خليها علي الله حالنا ميؤس منو.
فتشت ليك كاركتير بتاع طبيب بسأل في طبيب زميلو بعد العملية عن جوالو وين وجماعه راقدين في العنبر زي ثلاثة مرضاء عملو ليهم عمليات الطبيب الاخر بقول ليهو اعمل ليك مس كول تشوفو في ياتو بطن ما لقيتو والله وهاك ده بدل عنو طبيب نسي محفظة في بطن مريض.الناس مجهجه بين والي الخرطوم البعترف بي فشل الدولة في التحضير لموسم الامطار ووزير الصحة حميده الما حا يقدر اعمل اي حاجة لمكافحة الامراض نتيجة السيول والمياه الراكده.
امس كان في تقرير في التلفزيون قالو العقارب والثعابين قرضت الناس في الولاية الشمالية ووزيرة الصحة للولاية قالت ما قادرين علي توفير الامصال
| |
|
|
|
|
|
|
| |
عباس الدسيس
ناصر حسين محمد
الصادق صديق سلمان
HAIDER ALZAIN
مهدي صلاح
هشام المجمر
cantona_1
عبدالمنعم الطيب حسن
فيس بوك
تويتر
انستقرام
يوتيوب
بنتيريست