قامت مبادرة نفير بجهود فردية و استجابة لكارثة حالة امام الجميع ، و هذه الإستجابة كان الأولى بها ان تظهر من الحكومة سواءا كانت محلية أو ولائية او فيدرالية ، لأن هذا هو واجب الحكومة..و لكن الحكومة منفصلة تماما عن واقع شعوبها في السودان ، ولا تحس بهم الإ حينما ترغب ان تذبحهم بالضرائب الباهظة لتمويل مشاريع وهمية يظهر وهمها في المحكات الحقيقية مثل هذه الكارثة.. و الآن تريد الحكومة أن تقوم بتسيس مبادرة نفير..بحجة انها خرجت من رحم جهات معارضة لنظام الحكم في السودان ، كانما الجهات المعارضة مقطوعة من شجرة و ليس من حقها ان تنفعل بالام مواطنيها و تسعى لتقديم البسيط الذي عجزت الحكومة عن تقديمه ، و في حقيقة الأمر ليس هناك عجز و انما هناك استمتاع و سادية بتعذيب هؤلاء البسطاء من قبل الحكومة و حركتها الإسلامية الفاجرة.. صحيح نجحت مبادرة نفير في استقطاب احترام السودانيين و السودانيات قبل استقطاب اموالهم و دعمهم..و صحيح انها في فترة اقل من اسبوع نجحت في دخول قلوب السودانيين و السودانيات في داخل السودان و خارجه..و لكن هذا لا يعجب الحكومات السودانية بكل مستوياتها..و هي التي فشلت في استقطاب احترام الناس.. و اكتفت بقلة الولاء الغامضة..
كبر
08-14-2013, 07:09 AM
Kabar Kabar
تاريخ التسجيل: 11-26-2002
مجموع المشاركات: 18537
المضايقات بمطالبة مبادرة نفير بتسجيل نفسها بصورة رسمية و اعتقال بعض من افرادها و حرمانهم من الوصول الى اهلهم البسطاء.. ان دل على شئ انما يدل على لؤم الحركة الإسلامية في السودان و بؤسها و ضيق افقها..و هي تقف خلف نظام و تدعمه و تفرضه على الناس و تضرب بعرض الحائط قيم السوداني العادي البسيط..تلك التي تظهر في مثل هذه النوائب..
الإصرار على تسجيل مبادرة نفير ليس اصرار على تنظيم عملها..و انما هو اصرار على السيطرة على المال و المعينات التي استقطبتها المبادرة بصورة تلقائية و جريئة للغاية..و لأن اهل السودان فقدوا الثقة في الحكومات و مسئوليها فهم يعلمون جيدا ان الإصرار على تسجيل المبادرة يعني وضع اليد على مال تدفق بغتة بصورة تثير شهوة الفاسدين من اهل الحكم..و هذا الأصرار لا يخرج من امرين اثنين: فتح ابواب المفسدة للفاسدين من اهل النظام و حركتهم الإسلامية و استخدام العنصرية و التمييز في توزيع الغوث الإنساني ، لأن النظام يريد ان يغيث من يرغب في اغاثته و يتجاهل من يغضب عنه..هذه واحدة.. و الأخرى.. أن التسجيل يكون بغرض السيطرة على الدعومات القادمة لمبادرة نفير..و تجييرها في بنود صرف اخرى اهمها تمويل الحروب المشتعلة في السودان..!!
كبر
08-14-2013, 07:10 AM
Kabar Kabar
تاريخ التسجيل: 11-26-2002
مجموع المشاركات: 18537
مثل هذه الكوارث لم تحدث فقط على اهل السودان ، و انما دول كثيرة تعرضت لنفس الكارثة و تعاملت معها بحكمة.. في مدينة كالقري بغرب كندا ، حدثت نفسها الكارثة قبل شهر من الآن ، فكيف تصرفت السلطات؟..فتحت كل العقارات المملوكة للحكومة المحلية كمراكز لعمل المتطوعين و المتطوعات..و كان دور الحكومة في حماية هؤلاء المتطوعين و المتطوعات بالحرص على استقطاب اكبر عدد منهم حتى لا يكون العمل محصور في قلة قليلة..تم التنسيق بين المتطوعيين و المتطوعات من جهة و الحكومة المحلية من جهة اخرى في كيفية تحديد الإحتياجات الملحة و توجيه مناشدة لبقية المواطنين و المواطنات بالتبرع اللازم..و حددت مراكز استلام الدعم..و ترك الأمر للمتطوعيين و المتطوعات الإشراف على توزيعه.. فلماذا لا تعمل السلطات في السودان بهذه الكيفية حتى يتجاوز الجميع الكارثة؟؟!!..
كبر
08-14-2013, 07:11 AM
Kabar Kabar
تاريخ التسجيل: 11-26-2002
مجموع المشاركات: 18537
لماذا لا تمنح الولايات (بما فيها ولاية الخرطوم) عقاراتها لتأوى شباب و شابات نفير..و بقية المنظمات التي تبرعت بالتصدي للكارثة..؟.. لماذا لا تفرغ الآليات لخدمة المتطوعين و المتطوعات (حكت الصديقة رانيه الشيخ انها تستأجر بوكس من مالها الخاص لكي تقوم بتوصيل المعينات للمحتاجين و المحتاجات و مثلها كثيرون و كثيرات يواجهون نفس المشكلة)..؟..لماذا لا تمنح الولايات (بما فيها ولاية الخرطوم) اجازة لمدة اسبوع لكل عمالها و موظفيها حتى يكونوا جزء من فريق المتطوعين و المتطوعات؟..لماذا لا تعمل الولايات (بما فيها الخرطوم) غرف عمليات للسهر على صحة المتطوعين و المتطوعات حتى يقوموا بواجبهم على اكمل وجه في عمليات الغوث؟..لماذا لا يفرغ جهاز الأمن الوطني ، و هو اغنى مؤسسة رسمية في السودان ، بعض من الياته و منسوبيه ليكون في مقدمة اهل الغوث؟..و لو فعل محمد عطا رئيس الجهاز مثل هذا الأمر و فرغ عشرة عربات ساكت ، سيغير وجهة نظر المواطن السوداني في جهاز الأمن الوطني و الى الأبد ..!!
كنت منذ عشرات السنين اصر تماما بان اهل الحركة الإسلامية في السودان ، هم اجانب عن السودان في سلوكهم و طريقة تفكيرهم و تدبيرهم للأمور..و ان جلب صديقنا جني (احد اعضاء هذا المنبر) حديث عن كون محمد مرسي عميل للسي آي ايه ..و ان اسمه جرليم.. فاني اجزم و بكل صدق أن الموساد حينما نفذ عمليته الجريئة في نقل الفلاشا عبر السودان ، تحدث بكل وضوح عن العميل جوشوا في السودان ، و اليوم اقو ل أن هذا العميل هو احد كودار الحركة الإسلامية الراسخة..و ان هذه الحركة ليست ماسونية و فقط..و انما هي عميلة لمخابرات اجنبية تبيع عهرها لمن يدفع..و يا ليته دفع يستاهل..!!!
لأ لتسجيل مبادرة نفير..و نقطوها بالسكات و الموية الباردة.. فالمبادرة لم تعلن انها سوف تستغل دعم الخيرين و الخيرات لشراء روؤس نووية لتضرب بها البشير و زبانيته من اهل الحركة الإسلامية في السودان ، و يا ليتها فعلت..!!!
تسلم عزيزي كبر تسجيل نفير تم ... نعم تم و لكن في قلوب الناس و وجدانهم الجموع التي انضمت لنفير هي التي سجلتها في قلوبهم و ليس في اروقة و دفاتر الحكومة و سجلت في صفحات تاريخنا شيءهام هو عدم ثقة المواطنين في الحكومة و برامجها و شعارتها و كذبها هو اعتراف حقيقي بكذبهم و سرقتهم لاموالهم و لكن لا و لا لسرقة جهدهم ... و قيمهم الحميدة
ـــــــــــــــــــــــــــــ حاشية: لا داعي للمقارنة بين مقارنة فيضانات مدينتنا كالقري قبل اكثر من شهر تقريباً و ما حدث في السودان . فقد اهتمت المدينة بالحيوانات التي تعيش في المناطق المتضررة ووفرت لها المسكن و المأكل و المشرب و العلاج و هناك اعلان نزلته في بوست سابق فيه توثيق لما حدث. و ان كان لا بد من المقارنة الجدير بذلك هو ال مير بتاع المدينة و هو مسلم و كسب احترام الجميع بسلوكة و مواقفة و انفعاله مع الحدث فكيف يكون هو مسلم و حكامنا مسلمين هذه النقطة جديرة بالملاحظة و المقارنة و التحليل حتي نعرف عن اى دين يتحدث حكامنا
Quote: المضايقات بمطالبة مبادرة نفير بتسجيل نفسها بصورة رسمية و اعتقال بعض من افرادها و حرمانهم من الوصول الى اهلهم البسطاء.. ان دل على شئ انما يدل على لؤم الحركة الإسلامية في السودان و بؤسها و ضيق افقها..و هي تقف خلف نظام و تدعمه و تفرضه على الناس و تضرب بعرض الحائط قيم السوداني العادي البسيط..تلك التي تظهر في مثل هذه النوائب..
الإصرار على تسجيل مبادرة نفير ليس اصرار على تنظيم عملها..و انما هو اصرار على السيطرة على المال و المعينات التي استقطبتها المبادرة بصورة تلقائية و جريئة للغاية..و لأن اهل السودان فقدوا الثقة في الحكومات و مسئوليها فهم يعلمون جيدا ان الإصرار على تسجيل المبادرة يعني وضع اليد على مال تدفق بغتة بصورة تثير شهوة الفاسدين من اهل الحكم..و هذا الأصرار لا يخرج من امرين اثنين: فتح ابواب المفسدة للفاسدين من اهل النظام و حركتهم الإسلامية و استخدام العنصرية و التمييز في توزيع الغوث الإنساني ، لأن النظام يريد ان يغيث من يرغب في اغاثته و يتجاهل من يغضب عنه..هذه واحدة.. و الأخرى.. أن التسجيل يكون بغرض السيطرة على الدعومات القادمة لمبادرة نفير..و تجييرها في بنود صرف اخرى اهمها تمويل الحروب المشتعلة في السودان..!
شكرا كبر وكل سنة وانت طيب ده الساعدوه في حفر قبر ابوه ودس المحافير .
08-14-2013, 07:51 AM
خضر الطيب خضر الطيب
تاريخ التسجيل: 06-24-2004
مجموع المشاركات: 10346
Quote: و الآن تريد الحكومة أن تقوم بتسيس مبادرة نفير..بحجة انها خرجت من رحم جهات معارضة لنظام الحكم في السودان ،
الأستاذ خضر الطيب بعد السلام قلت ما بتحبني لكن أنا بحبك لأن طبزاتك عندنا مغفورة .. ما قاله كبر يعني أن الحكومة تحججت بحجة داحضة مدعية أن حركة نفير ولدت من رحم المعارضة وهي ليست كذلك. دا كلام كبر الذي يقصده، ويبدو أنك فهمت الحكاية غير كدا. أنا عارف كلام مندور المهدي عجبك.. لكن برضو دي ما الحقيقة.. الناس ديل بتكلموا كلام الطير في الباقير وإن كنت لا أعرف كلام الطير في الباقير يعني شنو غير أنه كلام فارغ ومقدود. تحياتي.
كبـّاشي الصـّـافي
08-14-2013, 07:53 AM
عبد الحميد حسين عبد الحميد حسين
تاريخ التسجيل: 11-05-2006
مجموع المشاركات: 456
الأستاذ كبر ..كل عام وانتم بخير .. الهاجس الأعظم لهذا النظام هو الأمن ..وأذا كان فى االطريق فوائد فخير وبركة .. فهمي لما تتعرض له هذه المبادرة وهؤلاء الشبان أن الحكومة راهنت من قبل ونجحت حتي الآن فى الرهان بعدم أمكانية أنتظام معارضة ضدها تقوم عبر الأنترنت ..ونامت على هذا النجاح ..واعتبرت أن سلاح التجمع فى المواقع الأسفيرية غير صالح للأستخدام بواسطة الشباب السودانيين كما فعل غيرهم فى غمرة ما سمي بالربيع العربي .. وما حدث أنها تفاجأت بنجاح هذه المبادرة التي قامت عبر ( الفيس بوك) فى ظرف ساعات قليلة..وتفأجات بقدرة وأمكانية أنتظام الناس فى صعيد واحد فى الأسافير ثم فى الأرض بهذا السرعة .ودق لديها جرس الأنذار المبكر .فهذه حرب أستباقية لأجهاض أي محاولات مستقبلية من هذا النوع الخطر فكما تجمع الناس للأمطار والسيول يمكنهم التجمع ضدها وبنفس السرعة متي ما نجحت مبادرة نفير فى ان تكون نموذج أمام السودانيين .. النظام حتي الآن يعتبر الأنترنت خارج قائمة مهدداته .ويترك للناس يشتمون ويسخرون ماداموا لا يتعدون هذا .. تحياتي
08-14-2013, 08:06 AM
حامد بدوي بشير حامد بدوي بشير
تاريخ التسجيل: 07-04-2005
مجموع المشاركات: 3669
الحكومة تريد تسجيل نفير حتى تستطيع ان توقف نشاطها و تغلقها كما تغلق بصفة مستمرة المنظمات الخيرية وطنية كانت ام اجنبية.
الحكومة و بعد ان فاجأها النجاح الكبير لعمل جماهيرى لا علاقة له بها تريد اعمال السيطرة ووضع نظام الكوابح. بدون ان تسجل نفير لا يمكن على الحكومة السيطرة عليها
08-14-2013, 08:22 AM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
كلامك صاح 100% نفبرطلعت رحم المعاناة من رحم الالم من رحم الاحساس بالآخر نفير تجاوزت الحكومة و المعارضة معاً نفير انضم لها كل وطني غيور و انسان نبيل
الاولوية الان لنجدة المواطن المغلوب علي امره
الجماهير عندها الكثير يمكن ان تقدمة اذا و جدت القيادة الرشيدة فماذا قدمت حكومتنا للمواطنين غير الاعتقال و البمبان و القتل و بيع المؤسسات التعليمية و الصحية و المشاريع الزراعية و خلافة
لماذا لم تتحول قوات مكافحة الشغب ل قوات مساعدة الشعب ايهما اسهل ان نقدم للناس زجاجة بها ماء للشرب ام زجاجة بها غاز مسيل للدموع (بمبان) تعرف سعر زجاجة الماء سعرها 1% من سعر عبوة البمبان و يمكن اقل في بلد فيها النيل؟ و لماذا نستورد هذة السموم اصلاً و من هو الستفيد منها اصلاً؟ و ح تنفعنا بي شنو؟
و خلينا نستفيد من المنبر دة و نتعارف و نتناقش بهدوء حتي نفيد بلدنا و ندعم الصالح و ننسف الطالح و سعيد بمعرفتك و طرحك الراقي ... و كبر لم يربط نفير بأي مكون سياسي و لا يمكن يقول كلام زي ده و ربطها بالمعارضة لانها تجاوزت الحكومة و حظيت بشعبية و دعم و ثقة لم تستطيع الحكومة ان تلقي مثلها بالرغم من امتلاكها للسلطة و المال و القوة العسكرية و الاعلام و لكنها انهزمت امام ارادة هؤلاء الشباب لانو عندهم ما ليس عند الحكومة ........................... و هو الثقة الصدق الامانة الجدية و الخوف من رب العالمين فلا تنزعج ان وصفهم كبر أو غيره بانهم معارضة ..... فهم فعلاً عارضو الشكل الذي تدير به الحكومة حالات الطوارئ لان الطوارئ عندهم ليها فهم آخر و قوات جاهزة و سلاح لا يشمل الادوية بل يشمل السموم ... و الجماهير قدمت نموزج اخر و فهم اخر للطوارئ و تعامل آخر معارض لفهم الحكومة و هذه حقيقة .......
(عدل بواسطة Hamid Elsawi on 08-14-2013, 08:24 AM) (عدل بواسطة Hamid Elsawi on 08-14-2013, 08:44 AM) (عدل بواسطة Hamid Elsawi on 08-14-2013, 08:53 AM)
شكراً يا كبر، كل عام وأنت بخير كلام في الصميم، وتحليل منطقي لمآلات الحال وتداعياته بعد ما حل بأهلنا المساكين. وأضيف لما تفضلت، بأن محاولة السيطرة على نفير من قبل الحكومة دافعة كذلك الخوف من استمرار تكتل هؤلاء الشباب مع بعضهم البعض لتحقيق منجز سياسي ضد الحكم القائم، بعد أن تنتهي معركة نفير في إغاثة المنكوبين، خاصة وهم الآن الأقرب إلى قلوب هؤلاء البسطاء الذين تم انقاذهم من هذه الكارثة في وجود الحكومة في مقاعد المتفرجين. تحياتي يا كبر
08-14-2013, 09:11 AM
Kabar Kabar
تاريخ التسجيل: 11-26-2002
مجموع المشاركات: 18537
صديقي حامد الصاوي..حبابك كتر خيرك على الحضور هنا.. التركيز هنا يجب ان يكون على امرين اثنين: دعم شابات و شباب نفير في الإستمرار فيما يفعلون.. و الثاني .. الدفاع عن مبادرة نفير و حمايتها من تغولات نظام الحركة الإسلامية في السودان.. فاهل هذه الحركة عاثوا فسادا لمدة ربع قرن في البلد ، و في المطبات الحقيقية ظهروا على حقيقتهم انهم اجانب عن السودان ووجدان السودان و انسان السودان الذي يعرف الواجب في اللحظات الصعبة..!!
كبر
08-14-2013, 09:13 AM
Kabar Kabar
تاريخ التسجيل: 11-26-2002
مجموع المشاركات: 18537
عمر محمد ابراهيم..حبابك يا صديق الحركة الإسلامية في السودان و نظام حكمها البائس.. تكشفت لها الأمور على اوضح ما يكون.. انهم و طيلة ربع القرن الذي اضاعوه في البطش و التنكيل بالناس في السودان..انهم لازالوا غرباء..و سيظلون هكذا.. مبادرة نفير مبادرة نقية و ليست لها اجندة خفية..و على الجميع دعمها و الدفاع عنها بقدر المستطاع..و على الحيكومة ان ترعى بقيدها..
كبر
08-14-2013, 09:15 AM
Kabar Kabar
تاريخ التسجيل: 11-26-2002
مجموع المشاركات: 18537
خضر الطيب.. سلامات.. و انا اقول ليك الكوز كوز و لو طالت عمامته..و ان الحركة الإسلامية في السودان فاجرة و عميلة للمخابرات الأجنبية و على رأسها الموساد..و انها غريبة على اهل السودان ووجدان انسان السودان بعد مرور ربع قرن..و ستظل هكذا حتى لو بقيت في الحكم لربع قرن اخر..!!
انتا يا قريبي الجابك مش محاججة انو مبادرة نفير معارضة ولا بطيخ ..و انما جابك الردحي في الحركة الإسلامية..و المرة دي لن نكتفي بالردحي و الثكلي..و و انما سنفعل و نطالب بتجاوز الحركة الإسلامية و جندها الخفية من امثالك و شيخ الترابي السبابي..و و كن لقينا فيكم فرقة ، صدقني ح نلقاها قريب جدا ، نوريكم المكشن بلا بصل ..و نجوم القايلة..!!! كن شجاعا و طالب مثلنا بحماية مبادرة نفير و ضرورة استمرارها فيما تعمل .. تبقى معارضة ولا حكومة ولا بطيخ.. مش مهم.. المهم انها تواصل شغلها في اغاثة المنكوبين و المنكوبات.. لأنها مبادرة اشجع من وهم السياسة الحايمة في بلد منكوب اسمو السودان..
كبر
08-14-2013, 09:17 AM
Kabar Kabar
تاريخ التسجيل: 11-26-2002
مجموع المشاركات: 18537
عبد الحميد..حبابك يا صديقي كتر خيرك على المرور من هنا.. المطلوب الآن دعم و حماية مبادرة نفير حتى تستمر في المبادرة.. و اقولها لك بكل صدق ، المعارضة التي اعرفها لا تحتاج الإختباء وراء مبادرة نفير..و شغلها ماشي بطريقتو..قبل مبادرة نفير و بعد مبادرة نفير..
كبر
08-14-2013, 09:18 AM
Kabar Kabar
تاريخ التسجيل: 11-26-2002
مجموع المشاركات: 18537
صديقنا و استاذنا ..حامد بدوي بشير..حبابك و كل سنة و انت طيب.. كتر خيرك على قول النصيح في هذا الزمن السوداني الصعب.. اخونا خضر الطيب.. اتهبش وتر حساس في جواهو.. و هو وتر لعنة الحركة الإسلامية في السودان.. عشان كده وقع بي طولو.. وده مش مهم.. المهم الآن مواصلة دعم مبادرة نفير و حمايتها بقدر المستطاع.. نحن ضقنا التشرد من قبل في ذاتنا و في اهلنا..و عشان كده ما بنرضي انو يكون مصير سوداني تاني مهما كان و كيف كان..
كبر
08-14-2013, 09:22 AM
Kabar Kabar
تاريخ التسجيل: 11-26-2002
مجموع المشاركات: 18537
صديقي هشام المجمر..حبابك كل سنة و انت طيب.. كتر خيرك على المرور من هنا.. نعم هو نفس الخلاصة..و عشان الحيكومة ما تستحمرنا زي ما فعلت في طيلة ربع القرن الماضي.. علينا ان نقف بي صلابة..و نحمي مبادرة نفير..و ندعمها في الإستمرار في عملها..!! بالنسبة لي الأمر واضح أي مضايقة أو محاولة تسجيل لمبادرة نفير هو اعلان حرب واضحة ضد الحركة الإسلامية في السودان ، و لن نعجز ان نخوض هذه الحرب بكل ادوات القذارة التي لا تخطر على بال هذه الحركة اللئيمة..!!
كبر
08-14-2013, 09:23 AM
Kabar Kabar
تاريخ التسجيل: 11-26-2002
مجموع المشاركات: 18537
نادر..حبابك يا صديقي كتر خيرك على المرور من هنا.. نعم الحكومة مرعوبة..و لو دايرة تخط الأمور على بلاطها ، فح نقول ليها مشكلتنا مش نظام حكم..و انما مشكلتنا مع الحركة الإسلامية ، الغول الواقف خلف نظام الحكم..و لكن لو لسه الواهمين فيها قاعدين يقارنوا بحكاية الجنرال عبد الفتاح السيسي.. فبنقول ليها نحن سودانيين و بنعرف كيف نمشي امورنا و نسكلها من غير حاجة لجنرال باشبوزك لا يقل عن طبقة الحكام طيلة ربع القرن الماضي..!! المهم الآن ان تستمر مبادرة نفير بنفس الكيفية التي بدأت بها..و ان نقول لكل السلطات في السودان ارعي بي قيدك..و خلي الشباب يواصل عمل الخير في اغاثة المنكوبين.. أي شنكبة و عنكبة..نحن ما عندنا شريعة بمحكمة لاهاي.. نخليهم لمن يتمنوا حالهم تبقى.. زي البقت في سئ الذكر معمر القذافي..!!
كبر
08-14-2013, 09:35 AM
خضر الطيب خضر الطيب
تاريخ التسجيل: 06-24-2004
مجموع المشاركات: 10346
شيخ خضر.. بطل حركات الكيزان...و اصلا الكوزنة زي ركوب العجلة .. ما بتتنسي بسهولة.. الجابك هنا.. الدشمان المدور في الحركة الأسلامية.. و ما ح يقيف.. تطلعنا انتباهيين ، على قول السلطان دينق ..مخلب السي آي ايه.. ا و زنج كارهة لذاتها .. على قول النبي الكوشي بشاشا قدس الله سره.. مافي مشكلة تب..
لكن.. هل ح تبقى شجاع و تقيف معانا في حماية مبادرة نفير من تغولات حكومة الحركة الإسلامية الفاجرة..ولا ح تقعد تباري بي فوق ساكت؟.. ده المحك يا خدر.. حتى لو مارست فقه التقية.. و ادعيت انك معارضة و مسلحة كمان.. انت مثلهم يا قريبي.. حركة اسلامية فاجرة.. و نحن بعد ده تاني ما بنتغش باخوي و اخوك.. ح ترجع هنا تاني..و تعمل فيها داير تميع الصراع.. والصراع يا يابا واضح.. حملة نفير دي بتقدر تدعمها و تحميها من تغولات حكومتك بتاعة الحركة الإسلامية الفاجرة و عرابها الترابي السبابي.. حبابك عشرة.. ما بتقدر.. كمان قول لينا الرووب...و الرأي العام ح يعرف حاجة..
كبر
08-14-2013, 10:41 AM
خضر الطيب خضر الطيب
تاريخ التسجيل: 06-24-2004
مجموع المشاركات: 10346
Quote: شيخ خضر.. بطل حركات الكيزان...و اصلا الكوزنة زي ركوب العجلة .. ما بتتنسي بسهولة.. الجابك هنا.. الدشمان المدور في الحركة الأسلامية.. و ما ح يقيف.. تطلعنا انتباهيين ، على قول السلطان دينق ..مخلب السي آي ايه.. ا و زنج كارهة لذاتها .. على قول النبي الكوشي بشاشا قدس الله سره.. مافي مشكلة تب..
لكن.. هل ح تبقى شجاع و تقيف معانا في حماية مبادرة نفير من تغولات حكومة الحركة الإسلامية الفاجرة..ولا ح تقعد تباري بي فوق ساكت؟.. ده المحك يا خدر.. حتى لو مارست فقه التقية.. و ادعيت انك معارضة و مسلحة كمان.. انت مثلهم يا قريبي.. حركة اسلامية فاجرة.. و نحن بعد ده تاني ما بنتغش باخوي و اخوك.. ح ترجع هنا تاني..و تعمل فيها داير تميع الصراع.. والصراع يا يابا واضح.. حملة نفير دي بتقدر تدعمها و تحميها من تغولات حكومتك بتاعة الحركة الإسلامية الفاجرة و عرابها الترابي السبابي.. حبابك عشرة.. ما بتقدر.. كمان قول لينا الرووب...و الرأي العام ح يعرف حاجة..
كبر
صنعتا يومي وباقي الاسبوع لحدي الويكند يا شيخ كبر
قلت لي ركوب العجله ؟ انت لسه فاكر ؟ مبالغه ياخ
قالوا الفيك بدّربو
والعيب اقدلّبو
يا خوي انا لو كوز انت تكون حسن البنا
تعرف يا كبر وانت سيد العارفين
لما الواحد يغلبو بسوي جنس سواتك دي
حركة نفير حركه طلعت من رحم الشعب
ورغم انتباهتكم وسعيها لضرب النسيج الاجتماعي
لكن سبحان الله طلع من تحت الحطام شباب ذي الورد
السودان دا يا كبر ما حق الطيب مصطفى ولا حق اي عنصري
وانتا يا كبر مهما تعنصرتا برضو بترجع واملنا فيك كبير
رغم الكتير من التجاوزات
خلو نفير فى حالا وشوفو حالكم
يا كبر مشاكل السودان دي ما بتتعالج حته واحده
بتتعالج واحده واحده
هسي انتو اهلكم البتكاتلو ديل عملتو ليهم شنو غير انكم بتاججو فى النيران
والنظام مابهمو البموت منو وانت عارف سياسة النظام
اضرب العب بالعب
وهم عارفين مهما اتعلمتو ياكم فى سجمكم دا
انتو بتثبتو ليهم الحاجه دي
فا يا اخوي ركزو فى ورقكم وخلينا من خضر كوز ولا جردل
دي ما حتفيد عزيزي القارئ فى شئ
ولا حتحل قضايا الوطن
08-14-2013, 11:04 AM
Kabar Kabar
تاريخ التسجيل: 11-26-2002
مجموع المشاركات: 18537
شيخ خضر.. كلمة و غطايتها.. بغلبك تقول كلام واضح انك بتدعم حركة نفير و انك تقف بي صلابة ضد تغولات حكومة الحركة الإسلامية عليها؟.. حكاية عبيد و انتباهة و بطيخ.. الكلام ده سمعناهو قبال سنين و لم يغير فينا حاجة.. يعني يا ابوي ما جبت حاجة من عندك..
اهو قدام الملأ ده.. اعلن حالة تبرؤ واضحة و تامة من الحركة الإسلامية..و الأهم اكتب كلام واضح (من غير الملاواة البتسوي فيها دي) انك بتدعم حركة نفير في عملها الإنساني و انك تقف بصلابة ضد تغول الحكومة عليها.. الكلام ده داير ليهو درس عصر يا خدر الطيب؟.. أي لولوة.. معناتو انت قاعد تمارس فقه التقية.. و انو الكلام الدخل عليك مش الكلام عن نفير و انما الكلام عن الحركة الإسلامية في السودان.. و نقول ليك من تاني ... و بالواضح.. أي تغول من الحيكومة على المبادرة دي.. نحن ح نتفاهم مباشرة مع الحركة الإسلامية الفاجرة في السودان..و ح نستخدم ادوات قذرة لمن الحركة الإسلامية تعرف حاجة..!! انتو قاليننا زي الشيوعيين المساكين ديل تشيلوا و تمعطوا فيهم على كيفكم؟.. و لو فاكر السلاح عند الحكومة بتاعتك دي ولا الجبهة الثورية.. تكون غلطان يا قريبي..البلد مليان جبخانة على قفا من يشيل..و الناس الشايلاها بتعرف كيف تدورها و ضد منو بالضبط.. الموضوع.. موضوع حماية مبادرة انسانية من تغولات حركة اسلامية شيطانية.. بتقدر تدعم.. حبابك عشرة.. ما بتقدر.. اهو كلامنا بنقولو عدييل مش عشان انت.. عشان الوهم الدافرنك ديل...!! كلام قصير يا خدر الطيب.. البوست ده رفض قاطع لأي محاولة تسجيل أو احتواء لمبادرة نفير.. اها انت رايك شنو بالضبط؟..
كبر
08-15-2013, 05:44 AM
خضر الطيب خضر الطيب
تاريخ التسجيل: 06-24-2004
مجموع المشاركات: 10346
انت يا ديــك ما تبطل لولوة وتقول عديييل انا ما بعرف اقرا وإذا قرات لا افهم .. ودي اخير ليك مما تعترف بإنك بتتداخل بخلفية مسبقة مبنية على اقوال وشمارات بتقراها في البورد دا بدون وعي لبعض المدعيين والكاذبين من مطبالتية عرمان وبعض تجار الحروب وارزقية السياسية الاغرقوا البورد دا بتهافتات كوزنة وامنجة كبر خدمة لأهدافهم الخاصة ..
صدقني يا خال خضر احسن والله تعترف بتواضع استيعابك من انك تلبس طربوش التابعين والاذيال .. كبر كتب :
Quote: و الآن تريد الحكومة أن تقوم بتسيس مبادرة نفير.. بحجة انها خرجت من رحم جهات معارضة لنظام الحكم في السودان ، كانما الجهات المعارضة مقطوعة من شجرة و ليس من حقها ان تنفعل بالام مواطنيها و تسعى لتقديم البسيط الذي عجزت الحكومة عن تقديمه
وانت اقتبست البالحمر براهو ؟ لييييه يا سوداني يآخ ؟!
ــــــــــــــــــــــــــــــــ.. برة موضوع البوست طمنا على اخبار الملك الكاذب الرجل اختفي مرة واحدة
08-15-2013, 06:38 AM
خضر الطيب خضر الطيب
تاريخ التسجيل: 06-24-2004
مجموع المشاركات: 10346
كلامك مافي شئ مهم فيه الا شئ واحد - بعد ان ارتضيت انك تأخد بنصيحتي وتدعي الغباء وضعف الاستيعاب - لكن اشكرني على الادفايز يآخي :) .. اها المهم في كل هراءك اعلاه ..
Quote: وبعدين منو الملك الكذاب دا وانا علاقتي شنو بالموضوع اصلاً ؟
الملك الكاذب هو الأمنجي كينج لير المعروف لديكم والموصوف بالإحترام من قبلكم .. والذي اعترفتم بعلاقتكم به .. والذي قام بتهكير حساب المناضل الشرس مرتضي عبد الجليل ..
أها حا تجي من الاخر والا عاوز جرجرة ؟!
ــــــــــــــــ ما تنسي تشكرني .. من لا يشكر الناس لا يشكر ربه
08-15-2013, 11:02 AM
خضر الطيب خضر الطيب
تاريخ التسجيل: 06-24-2004
مجموع المشاركات: 10346
Quote: شيخ خضر.. كلمة و غطايتها.. بغلبك تقول كلام واضح انك بتدعم حركة نفير و انك تقف بي صلابة ضد تغولات حكومة الحركة الإسلامية عليها؟.. حكاية عبيد و انتباهة و بطيخ.. الكلام ده سمعناهو قبال سنين و لم يغير فينا حاجة.. يعني يا ابوي ما جبت حاجة من عندك..
اهو قدام الملأ ده.. اعلن حالة تبرؤ واضحة و تامة من الحركة الإسلامية..و الأهم اكتب كلام واضح (من غير الملاواة البتسوي فيها دي) انك بتدعم حركة نفير في عملها الإنساني و انك تقف بصلابة ضد تغول الحكومة عليها.. الكلام ده داير ليهو درس عصر يا خدر الطيب؟.. أي لولوة.. معناتو انت قاعد تمارس فقه التقية.. و انو الكلام الدخل عليك مش الكلام عن نفير و انما الكلام عن الحركة الإسلامية في السودان.. و نقول ليك من تاني ... و بالواضح.. أي تغول من الحيكومة على المبادرة دي.. نحن ح نتفاهم مباشرة مع الحركة الإسلامية الفاجرة في السودان..و ح نستخدم ادوات قذرة لمن الحركة الإسلامية تعرف حاجة..!! انتو قاليننا زي الشيوعيين المساكين ديل تشيلوا و تمعطوا فيهم على كيفكم؟.. و لو فاكر السلاح عند الحكومة بتاعتك دي ولا الجبهة الثورية.. تكون غلطان يا قريبي..البلد مليان جبخانة على قفا من يشيل..و الناس الشايلاها بتعرف كيف تدورها و ضد منو بالضبط.. الموضوع.. موضوع حماية مبادرة انسانية من تغولات حركة اسلامية شيطانية.. بتقدر تدعم.. حبابك عشرة.. ما بتقدر.. اهو كلامنا بنقولو عدييل مش عشان انت.. عشان الوهم الدافرنك ديل...!! كلام قصير يا خدر الطيب.. البوست ده رفض قاطع لأي محاولة تسجيل أو احتواء لمبادرة نفير.. اها انت رايك شنو بالضبط؟..
كبر
نعم يا شيخ كبر بدعم نفير دعم لا محدود وكتبتا عنها فى عدد من البوستات
وسعيد بيها جداً انها طلعت من رحم هذا الشعب المعطاء
وزرعت الامل فى نفوسنا رغم سعى النظام لضرب النسيج الاجتماعي
واتمنى انها تفضل تؤدي دورها كحركة مجتمع مدني طوعيه
يتم استنفارها متى ما دعت الضروره
وعدم السعي لتسيسها او تسجيلها
لان هؤلاء الشباب عندما تصدوا لهذا العمل لم يكونوا منظمين من قبل
ولا ينتمون الى اي جهه وقد قاموا بماتعاهدوا عليه خير قيام
فلهم التحيه والتقدير
اما اذا دار محور سؤالك المؤرق لشخصكم الكريم
والذي هو عباره عن فريه اطلقها عبد الوهاب مين الحاج
الشهير بوهمه حول انتمائي لجماعة الترابي فهذه تدعو الى السخريه
وحتى الرد على هكذا اتهام هو مجرد تضييع وقت لا اكثر
فانا لم انتمي الجهه ولن يحدث
اتمنى ان اكون قد وضحت ما هو واضح منذ البدء
بالمناسبه الشئ الاسمو حيضر الزين دا جاي معاك صحبة راكب
ولا لقيتو واقع هنا ؟
08-15-2013, 11:08 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
Quote: الإصرار على تسجيل مبادرة نفير ليس اصرار على تنظيم عملها..و انما هو اصرار على السيطرة على المال و المعينات التي استقطبتها المبادرة بصورة تلقائية و جريئة للغاية..و لأن اهل السودان فقدوا الثقة في الحكومات و مسئوليها فهم يعلمون جيدا ان الإصرار على تسجيل المبادرة يعني وضع اليد على مال تدفق بغتة بصورة تثير شهوة الفاسدين من اهل الحكم..و هذا الأصرار لا يخرج من امرين اثنين: فتح ابواب المفسدة للفاسدين من اهل النظام و حركتهم الإسلامية و استخدام العنصرية و التمييز في توزيع الغوث الإنساني ، لأن النظام يريد ان يغيث من يرغب في اغاثته و يتجاهل من يغضب عنه..هذه واحدة.. و الأخرى.. أن التسجيل يكون بغرض السيطرة على الدعومات القادمة لمبادرة نفير..و تجييرها في بنود صرف اخرى اهمها تمويل الحروب المشتعلة في السودان..!!
Like
08-15-2013, 05:12 PM
cantona_1 cantona_1
تاريخ التسجيل: 01-04-2003
مجموع المشاركات: 6837
الأخ بخاري عثمان الأمين سلام مربع وكل عام وأنتم بخير. كيف حال العيال وأمهم المناضلة متعكم الله بالصحة والعافية. لكن ردّك بكلمة LIKE ينطبق القول المصري: كلمة وردِّ غطاها. تحياتي.
كبـّاشي الصـّـافي
08-15-2013, 11:52 AM
محمد عبدالرحيم محمد عبدالرحيم
تاريخ التسجيل: 05-29-2013
مجموع المشاركات: 64
ول أبا كبر بعد السلام. كلامك حلو حلا شينة دمّ فايتا.. جاء في الأثر: (أنت ومالك لأبيك). وقد تمّ تحوير العبارة لتتناسب مع فقه الضرورة وصارت: (أنت ومالك لحيكومتك السنية). يعني ما فوقا حاجة لمن الحيكومة تشيل القريشات اللموهن العيال دول وتاكلها هي أكلت شوية بقت على قريشات نفير دي كم مليون دولار وكم مليار سوداني قديم؟ عزيزي قالوا: (الإختشوا ماتوا) وهذا هو حال حيكومتنا الرشيدة. يقتلوا الكتيل ويمشوا في جنازتو وياكلوا قروش الكشف كمان. الله حي. تحياتي.
كبـّاشي الصـّـافي
08-15-2013, 12:00 PM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
يا العجوز المتصابي خضر اركز نحن عارفين ان الشينة منكورة لكن كمان ما تبقى نكريبة قدر دا ههههههههه قلت لي مفروض تكون رئيس الحزب ؟ بأمارة ايه يا اخ الكيزان ؟ انت مشكلتك وعقدتك في الحياة دي يا خضورة إنك ما متعلم.. انت لي يوم الليلة بتتخلع لما تلقى زول دفعتك قاري جامعة ... الكيزان ديل ناس فاسدين لاكين متعلمين ... وانت يا حبة عيني اهلك بعد الثانوي جدعوك في ورشة النجارة في التلفزيون كــ(مساعد نجار) ا يشق له غبار ثم ندرجت الى (مساعد) مونتير ومشيت السعودية تصور حفلات الكيزان (مساعد)مصور وجيت المنبر هنا وبقيت (مساعد) كوزة ثم (مساعد) مناضل واحاليا (مساعد) طوربيد ... كدي عليك وريني انت كنت رئيس وين ومتين وانت قضيت الـ 48 سنة العشتهم في الدنيا دي مساااااااعد ... ياخ مساعد الياي عمرو ما ببقى ياي خخخخخخخخخخخ اخنشي
ـــــــــــــــــــ يا استاذ كبر كل سنة وانت طيب.. اعفى لينا يآخ ما عيدنا عليك اولاً.. شغلنا المساعد دا عن الواجب.. وبعد ده كله ما ورانا علاقتو بحفلات السفارة ولا علاقته بالملك الكاذب..
08-15-2013, 01:47 PM
هشام كمال عبادي هشام كمال عبادي
تاريخ التسجيل: 10-30-2010
مجموع المشاركات: 2166
ول أبا كبر سلامات يا راجل يا محترم .. الذي لا يرى من خلال الغربال فهو اعمي يا ود عمي .. في اول بوست كتب هنا عن نفير حذرت عن محاولة الحكومة احتواءها او تسييسها .. شباب نفير هم خرجوا من رحم هذا الوطن الجريح .. احسوا بمعاناة اهلهم وسمعوا أستغاثة المتضررين .. واجبنا يحتم علينا ان نحمي ظهروهم ونثمن عملهم وننشر فكرتهم .. واجبنا وهو اضعف الإمام نصرتهم بكل ما نلمك ولو بالكلمة كما قعلت انت هنا .. التحية لك اخي كبر وكل المتداخلين الذي قالو كلمة حق في حق شباب نفير ..
مودتي التي تعرف ..
08-15-2013, 02:40 PM
بثينة تروس بثينة تروس
تاريخ التسجيل: 08-17-2012
مجموع المشاركات: 696
شكرا الصديق كبر وعيدك سعيد (العيد الجاب الناس لينا ماجابك) سائلين عنك وكلنا نفير لوطن يصبح كل يوم بجراحات واحزان جديده وانسان السودان مغلوب على امره بين فقر وعوز وغلاء وحكومة اخوان مسلمين يفسدون ويفقرون كل يوم جديد،لذلك اتمنى ان لا نكون معاول لهدم الخير المرجو لمنكوبى الامطار،فهدم مثل هذه المبادرات والتشكيك فيها لايوجد مستفيد من وراءه غير حكومة الهوس الدينى ويظل اهلنا الطيبين يتجرعون طول العناء ويسألون الناس الحافا وهم الأعزاء.. وقلبى على وطنى.. وطني لو شغلت بالخلد عنه نازعتني إليه في الخلد نفسي ...
بثينة تروس
08-15-2013, 05:31 PM
cantona_1 cantona_1
تاريخ التسجيل: 01-04-2003
مجموع المشاركات: 6837
Quote: مستنير شديد · الأكثر تعليقا · Khartoum, Sudan العجوز المتصابي خضر اركز نحن عارفين ان الشينة منكورة لكن كمان ما تبقى نكريبة قدر دا ههههههههه قلت لي مفروض تكون رئيس الحزب ؟ بأمارة ايه يا اخ الكيزان ؟ انت مشكلتك وعقدتك في الحياة دي يا خضورة إنك ما متعلم.. انت لي يوم الليلة بتتخلع لما تلقى زول دفعتك قاري جامعة ... الكيزان ديل ناس فاسدين لاكين متعلمين ... وانت يا حبة عيني اهلك بعد الثانوي جدعوك في ورشة النجارة في التلفزيون القومي كــ(مساعد نجار) لا يشق له غبار ثم ندرجت الى (مساعد) مونتير ومشيت السعودية تصور حفلات الكيزان (مساعد) مصور وجيت المنبر هنا وبقيت (مساعد) كوزة ثم (مساعد) مناضل واحاليا (مساعد) طوربيد ... كدي عليك وريني انت كنت رئيس وين ومتين وانت قضيت الـ 48 سنة العشتهم في الدنيا دي مساااااااعد ... ياخ مساعد الياي عمرو ما ببقى ياي خخخخخخخخخخخ اخنشي يا جلك !! رد · 1 · أعجبني · متابعة المنشور · منذ 5 ساعات
مستنير شديد · الأكثر تعليقا · Khartoum, Sudan العجوز المتصابي خضورة ثلت لي "فرية اطلقها عبدالوهاب" ... احيييييي يا عوضية اجيك بفوق هسي انجضك واجيب ليك مداخلاتك ورابط بوستيك بعنوان (نحو بورد خالي من النساء) يا اخوي الكوز بفضحو كيبوردو ما داير ليهو افتراءات ولا تلفيق ... يا كبر راجع مكتبة الجندر بالبورد وستجد البوست اقرا وسلّي نفسك .. الزي ناس خضر ديل ربنا خلقهم مخصوص لتسليتنا هههههههههههه رد · أعجبني · متابعة المنشور · منذ 5 ساعات
Abdalaziz Hussain · ههههه خضر بوبار الكضاب هسع يلبس ليك توب كوريا تري ولا مونتي ويجي ينبذ ويقول كلام كعب عشان فضيحته ما تظهر والله اكعب مصيبة وبلوه يبتليها للزول يكون كضاب وغبي ونساي ههههههه
يا خضر الطيب كلام ناس الفيسبوك دا كله فيك؟ يا مهانة الدنيا عليك! وبرضو بتكهرني؟ الحمد لله علمت نعمة زائدة من رب العالمين في حقي أن يكرهني مثلك! فحب مثلك لشخص ما داء يصعب شفاؤه. خليك على الكراهية دي. تحياتي.
كبـّاشي الصـّـافي
08-16-2013, 06:06 AM
Kabar Kabar
تاريخ التسجيل: 11-26-2002
مجموع المشاركات: 18537
صديقي حيدر الزين.. حبابك كل سنة و انت طيب يا حيدر و كتر خيرك على المرور من هنا.. سودانيز اونلاين علمنا الكتير يا صديقي.. لكن حكاية اخونا شيخ خدر دي حيرتني.. فالرجل جاي طاير جوز بصورة تحرجه هو اكتر من الذين يودون التعاطف معه..يعني ما خلي ليهم فرقة كلو كلو..و الأدهي القراءة الفط سطرية.. يعني الواحد بمزاجو يقرأ ليك على غرار (ولا تقربوا الصلاة)..و يقوم طاير صوف.. احترت في تفسير امر اخونا شيخ خدر..و لكن يبدو ان الشروط الجديدة للقبول في دار ام سودانيز اونلاين.. ان تلحق تدبج سيرتك الذاتية بانك في اليوم الفلاني طرت جوز في المسكين كبر..و هذا رصيد يجب ان يضاف لسيرتك.. عشان كده اخونا شيخ خدر داير يلحق السوق..و يغالط مع المناضلين و المناضلات انو في يوم طار جوز في وش كبر لمن رمي ليهو سنة من سنونو..!! كتر خيرك يا حيدر..و النصيحة هنا بقت قاسية خلاص..
كبر
08-17-2013, 04:48 AM
Kabar Kabar
تاريخ التسجيل: 11-26-2002
مجموع المشاركات: 18537
ول ابا كانتونا ون..حبابك كل سنة و انت طيب.. كتر خيرك على المرور من هنا.. قوة العين مفروض بعد ده تقيف في حدها... احد الخبثاء قال: الحكومة قامت مخلوعة من مبادرة نفير..و بعد يومين الحركة الإسلامية عملت ليها جضيمات و مرقت مسيرة لدعم اخوان مصر.. شفت المحن..زول بيتو واقع و المواطن بتاعو بيواجه اضرار اكتر من تلك التي يواجهها اخوان مصر..و مع ذلك بيمرق مظاهرات و بوسترات بالشي الفلاني..عشان كده نحن بنقول انو الحركة الإسلامية و اهلها اجانب على السودان..
محمد عبد الرحيم..حبابك يا صديق كل سنة و انت طيب.. كتر خيرك على المرور من هنا.. الحتة الفيها الحديدة يا محمد هي في ذات نفسها مقامات..و اخونا شيخ خدر داير ليهو سنوات ضوئية عشان يصلها..
اما ما يخص جوهر الموضوع هنا..هذه مبادرة تلقائية و توضح معدن الشعب السودان و بعد مرور ربع قرن من النكبات و العقبات.. و الحكومة مخلوعة..مش لأنو في ناس اتبرعت تشتغل الشغل المفروض تشتغلوا الحكومة..و لكن سرعة التجاوب تجاه المبادرة و الحكومة عرفت انو طيلة السنين الماضية ما قادرة تخلق تجاوب مثل هذا التجاوب في مثل هذا الوقت الوجيز.. عشان كده بتحاول تحارب الفكرة..و اخر اوجه المحاربة انو يمرق واحد من المؤتمر الوطني و يقول للناس انو المبادرة بتاعة شباب المؤتمر الوطني..و الفكرة هي ان تنزعج بعض الناس و ترفض الإستمرار في دعم المبادرة..! و يظل هناك انسان بسيط منكوب يحتاج وقوف الجميع معه في محنته..
كبر
08-17-2013, 04:51 AM
Kabar Kabar
تاريخ التسجيل: 11-26-2002
مجموع المشاركات: 18537
ول ابا هشام عبادي..حبابك يا صديق كل سنة و انت طيب.. كتر خيرك على المرور من هنا..
الحكومة عندها حسابات صبيانية للغاية..و ضيف افق يحير الما بتحير.. عمليا ما تفعله مبادرة نفير هو ما يجب ان تفعله الحكومة من كل مستوياتها.. لكن الحكومة صابتها نار الحسد و الغيرة على سرعة التجاوب.. عشان كده بتحاول تكسر مجاديف المبادرة و تقعدها عن القيام بدورها.. و الأخطر من الحكومة هي الحركة الإسلامية التي تقف من خلفها.. الحركة التي لم تخرج مليم احمر لدعم المنكوبين و لم تسير مسيرة واحدة ضد المسئولين و تقصيرهم..و في نفس الوكت عندها القدرة على تسيير مظاهرات لدعم اخوان مرسي.. يعني بالحساب العملي الناس الذين تم تجيشهم للخروج للمظاهرات في دعم اخوان مصر.. كان ممكن تجييشهم لمساعدة اهل حي واحد من الأحياء المنكوبة أو ارسالهم للولايات الأخرى التي نكب اهلها بالسيول و الفيضانات..لكن الحركة الإسلامية لا تعرف معاناة اهل السودان..و يهمها تبييض وشها امام التنظيم العالمي اكثر من تبييض نفس الوجه امام مواطنيها في السودان..!!
كبر
08-17-2013, 04:53 AM
Kabar Kabar
تاريخ التسجيل: 11-26-2002
مجموع المشاركات: 18537
صديقتي بثينة..حبابك كل سنة و انت طيبة.. يسأل منك الخير يا صديقتي..و العيد ياهو زي بعضو.. الواحد جاري التقول رابط سير مرفعين..اللوم حاصل يا بثينة..و بعد ناس الحركة الإسلامية اصلا لا يعرفون معدن الإنسان السوداني ، و هم و حكومتهم مثل الأطفال الصغار.. الواحد يشوف ليهو أي حاجة سمحة.. طوالي داير يحدكها و يقلعها عنوة و اذا ما قدر يقوم يكسرها و يطربقها..! الإنسان السوداني و رغم النوائب التي المت عليه بسبب الحركة الإسلامية و حكومتها الظالمة.. لازال يملك البصيرة النافذة و يعرف التمييز بين الأمور..و الأهم يعرف متى و كيف يقوم بواجبه...لكن الحكومة أي تجاوب شعبي تجاه مبادرة صادقة طوالي بيعمل ليها ام هلا هلا..!! و لن يصح الإ الصحيح..و التحية لمبادرة نفير و اهلها..
كبر
08-17-2013, 04:53 AM
Kabar Kabar
تاريخ التسجيل: 11-26-2002
مجموع المشاركات: 18537
ول ابا عبد العزيز حسين ..حبابك يا صديق كل سنة و انت طيب.. زي ما قلنا لصديقنا حيدر.. اخونا شيخ خدر داير يلحق ياخد ليهو دبورة نضال يلصقها في سيرتو الذاتية.. لأنو حكاية تطير ليك جوز (لو بالكضب و السلبطة) في ناس كبر ديل.. اكيد بتجيب حقها في جردة النضال.. كل سنة و انت طيب يا عبد العزيز..
كبر
08-17-2013, 04:54 AM
Kabar Kabar
تاريخ التسجيل: 11-26-2002
مجموع المشاركات: 18537
الأصدقاء ..مستنير شديد و الحاسمون.. كتر خيركم على المرور من هنا.. و يا مستنير..عندنا مثل كردفاني بيقول (الجمل ما بيشوف رقبتو عوجة)..و هو مثل ينطبق على اخونا شيخ خدر..!!
كبر
08-17-2013, 05:53 AM
خضر الطيب خضر الطيب
تاريخ التسجيل: 06-24-2004
مجموع المشاركات: 10346
سلمت يا كبر، ويا زوراره السمحين. شعبنا استلم مصيره بهذا النفير ولن يسمح بأن يسطو علي هذا المصير أحد، لا حكومة ولا معارضة. شعبنا لن يسمح لصناع الحرب والأوهام من المعارضة والحكومة أن يستعيدوا زمام المبادرة!
وقد اقترحت في مداخلة لي في هذا المنبر أن تتحول الحركة الشعبية -التي أنتمي إلي مشروعها الكبير، مشروع السودان الجديد- أن تلقي السلاح وأن تتحول فوراً إلي العمل الإغاثي التنموي بإسم جديد ورسم جديد وروح جديدة.
"هذا، أو الطوفان!"
إن لم تلق الحركة السلاح فوراً فسيجرفها الطوفان كما يجرف الآن زبد الهوس الديني.
الطوفان الراهن أثبت أن شعبنا بخير، يا حبيب.
والشعب اليوم يتسآل أين الحركة الشعبية من مجموعات نفير المنتشرة في كافة أنحاء السودان والعالم؟
قد يقول قائل أنها تحمي الثقور في الأراضي المهمشة. ولكن السؤال هو أين المكون السلمي للحركة الشعبية؟
ماذا يفعل العزيز ياسر عرمان خلال هذه الأيام مثلاً؟ ولماذا لا نسمع صوت ولا أثر للعزيز عبد العزيز الحلو؟ وأين ررئيس الحركة الشعبية-شمال، الأستاذ مالك عقار؟
إن لم تتحول الحركة الشعبية إلى قوة سلمية ضاربة بتغيير جلدها، مع الحفاظ على جوهرها، فلا حاجة لنا بها، لا حاجة لنا بها، ولا حاجة لنا بها.
وليجرفها الطوفان!!!!!!
08-17-2013, 10:49 AM
خضر الطيب خضر الطيب
تاريخ التسجيل: 06-24-2004
مجموع المشاركات: 10346
خضر .. بطل بيضنة ضاريناها ليك في قلة الفهم وضعف الاستيعاب والمكنة مشت .. حتى كبر ما دقق معاك كتير ورخى الموضوع فما تتلول وتبيض بنفسك بكلام مخرم.. انا بشوف انه ممكن تقوم بدور كويس ومفيد هنا اذا ونستنا بقصة كينج لير .. على الأقل وجودك هنا يكون عنده نكهة بدل لافي ملطشة شبح في الظلال الخلفية :)
ـــــــــــــــــــــــــــــ.. قضاااااااااااارف
08-17-2013, 11:10 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22434
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Kabar
Hamid Elsawi
خضر الطيب
cantona_1
حامد بدوي بشير
هشام المجمر
HAIDER ALZAIN
بخاري عثمان الامين
محمد عبدالرحيم
هشام كمال عبادي
بثينة تروس
قاسم المهداوى
الشيخ سيد أحمد
Haydar Badawi Sadig
فيس بوك
تويتر
انستقرام
يوتيوب
بنتيريست