كتب الكاتب الفاتح جبرا المتوفرة بمعرض الدوحة
|
|
 ما عارفه له عنوان للاسف
|
كان موقف اليوم فى توزيع المشمعات فى الفتح صعب
وبرغم كان الموقف فى الحله الجديده صعب لكن الفتح فاتوا عدددددددددددددددددددديل
اكتشفت ان ناس شرق النيل التعامل معاهم كان مرن اكتر من ناس امدرمان
والزول بيحاول ما يلومهم ويديهم العذر عشان صعوبة موقفهم وظروفهم
لكن بالجد الحصل اليوم كان قاسى وما قادره القى له تفسير ومعنى واعرف سببه
مشينا فى امان الله ماجرين هايس فيها المشمعات وكراتين بالبسكويت والشباب المتطوع
لمن وصلنا بداية الحله لقينا فى بيوت مهدمه وقفنا ونزلنا ليهم ووزعنا
وكانت البدايه هادئه جدا ومبشره جدا
قولنا نغوص زياده بجوا وقفنا فى حته البيوت المهدمه فيها كتير
انا كنت ماسكه كرتونة بسكويت بوزع لشفع
وسبت الشباب توزع المشمعات
جاتنى حجه كبيره بلا مقدمات دخلت فينى شمال
شى فهمتوا وشى ما فهمتوا
الكررتوا كتير جايين تضحكوا علينا ببسكويت وتصورونا مش عيب عليكم
مع ملاحظة ان مافى زول كان بيصور فى لحظتها اصلا كنا مركزين فى التوزيع كلنا
وبديت تنهر فينى وصوتها يعلى وكان فى كبسه حصلت فى عربيه الهايس وحاوطوها الناس
حاولنا نقول ليهم نحنا حنمر فى البيوت وندى انتظرونا فيها
لكن لا حياه لمن تنادى
النساوين اتجمعوا فينى والست الغضبانه مصر تستمر فى التنهير فينى
وتقول ما شوفنا شى بس نسمع
ونحنا عايزين مشمعات
قولت ليها نحنا جايبين مشمعات ونديكم ان شاء الله
وهى مصره تكورك فينا وتمسح بينا البلاط
انا شخصيا بدى الدم يفور فى راسى واكتم
لكن فاض بزميل جنبى من كواريكها ورد عليها
لمن وصلنا للعربيه الهايس القامت جاريه عشان تخفف الزحمه
مسكت كميه من المشمعات قولت اوزعها على النسوان المحاوطينى
ودايره ادى كل وحده براحه
الحصل شنو ما فهمت لكن لقيت طرحتى فجئه مافى راسى
وحالتى ربطاها بالدبابيس
ولقيت المشمعات ببح
الاستوعبته فى ولد جيه دافر وجر المشمعات ومعاه طرحتى
اظن لكن النسوان برضو مع الجر جروا
غايتو ما لميت فى مشمعات لكن كويس لقيت الطرحه واقعه بهناك
شلتها ولقيت باقى المعركه شغاله كويس فى الهايس
حاولت اقول ليهم بتنظيم
بالترتيب
ولا حياه لمن تنادى
الناس دى بقيت بتضارب عديل
زول الهايس خاف على عربيته
وقام بدا يتحرك
الشباب قالوا لى حاولى اركبى ونحنا بنتصرف
فعلا جريت ولحقتها وتلبت
وقررنا نفن المشمعات والهايس جاريه لناس البنلقاها واقفه قدام بيتها
ولقينا لينا بوكس كبير برضو بيوزع كده وهو متحرك يدى ويجرى
فى حته لقينا اننا مطاردين عديل بحافله ورقشه وناس
ولقينا القسم قدامنا
قولنا نستغيث بيهم
اكيد حينجدونا
وقفنا بره ومع وقفه كانت الناس وصلتنا تانى
بدوا ناس الشرطه يدافروا ويزحوا فيهم وقالوا لينا ادخلوا الحوش
لمن دخلنا جيه زول فيهم شال باكيت مشمعات مقفول ومشى دخله جوا
ما فهمت معنى الحركه اصلا شنو ويشيلوا لشنو
كان اصلا بقى عندنا اعداد بسيطه
جاو كم نفر دخلوا الحوش واديناه ليهم
وبقينا فى اليمرقنا من الحوش
مع الناس السديت البوابه دى
واترجيناهم يمرقونا بالعربيه سليمه ما عايزين منهم اكتر من كده
وبعد مسافه فعلا فتحوا لينا البوابه ومرقونا الزلط وحاشوا الناس بالجنبه
طول السكه وانا بحاول افسر واحلل الحصل
ناس العتيد فى شرق النيل ما عملوا فينا كده وكانوا مسالمين جدا معانا
ناس الحله الجديده فى امدرمان برضو قومنا جاريين منهم لكن اقلها ما حصل خبط زى الشوفناه فى الفتح
قولت لو كان الزول بيقدر يثق فى الشعبيات الفى الحلات كان نسق معاهم
ولا حتى الشرطه كان تتعاون معانا وتوفر لينا الحمايه بدون مقابل
حمدته ربنا طلعنا سليمين ووزعنا الحاجات برغم ما فهمت زاتو اتوزعت كيف
وكلام الست الكبير ما داير يمرق من راسى
اكيد الشريحه المتضرره كبيره ومهما المتطوعين قدموا فى ناس ما بتتغطى وبتزعل ليه ساعدوا ديل وما ساعدونا
وفى ناس للاسف مستغليه الوضع غلط من المحتاجين زاتهم
خسارتك يا حكومه ويا مسئولين
تخليتوا عن شعبكم فى اصعب الظروف
حسبى الله ونعم الوكيل
|
|
 
|
|
|
|
|
|
|
 Re: ما عارفه له عنوان للاسف (Re: ombadda)
|
هذا هو الفقر في اوضح صوره ومعذورين ف
صاحب الحاجة أرعن
عملنا يوم صحي مجانا في حي فقير , وكان ناجح جدا واستمر يومين , ووزعنا فيهو 200 ناموسية
نهاية اليوم الصحي دايرين يدقو الاخت ليميا السر ,, كده بس ,,
| |
|
|
|
|
|
|
|
|
|
Re: ما عارفه له عنوان للاسف (Re: عبدالحفيظ ابوسن)
|
اول حاجة جعل الله ماتقومين به في ميزان حسناتك وربننا يثبت اجرك واجر كل المعاكي
ثانيا الملام اولا واخيرا على ماحدث هو النظام ، الجهد التطوعي مستحيل يغطي تقصير الحكومة وشق تقاعس الحكومة اوسع بكثير من ان ترتقه الجهود الشعبية
ثالثا بالفعل الناس شايلة في قلبها الكثير من الحركة اللي بيعملوها الكيزان بتاعت التصوير مع المنكوبين ويقولوا كم كلمة اما الكاميرات ثم يتركون الضحايا يواجهون ظروفهم الصعبة
| |
|
|
|
|
|
|
|
|
|
Re: ما عارفه له عنوان للاسف (Re: مهدي صلاح)
|
ودا الخلانى اعذرها للحجه وهى بتفرغ فينا غضبها وحالتنا ما معانا كاميرا
الصور الاخدناها فى الاول اكتفيت بيها وقولت خلاص نبدى التوزيع ونركز فيه
مافى زول كان بيصور اصلا فى لحظتها عشان نثير غضبها كده
لكن دى مش سحابه معديه دى قلوب متعبيه
| |
|
|
|
|
|
|
|
|
|
Re: ما عارفه له عنوان للاسف (Re: عبدالحفيظ ابوسن)
|
ربنا يعظم الاجر ...ومايأثر الموضوع دا فيك وقي كل الناس العاوزين يقدمو الخير ...دايما بتحصل حاجات زي دي لكن الهدف هو الاعانه والمساعده ولو ماطلع الموضوع بالنهايه الانتي مخيلاها نسبة لحالة الناس المتأخره الوصو ليها ....فلا تؤاخزيهم الناس تعبانه
ربنا يوفقكم في عمل الخير
| |
|
|
|
|
|
|
|
|
|
Re: ما عارفه له عنوان للاسف (Re: عثمان محمد كرار)
|
والله يا عثمان
اكضب عليك كان فكرت امشى تانى الحته دى بعد الحصل
فى زول ضوافره معلمه فى يدى حسى
فما بجازف تانى ,, ربنا ستر المره دى
والمفروض اى زول يفكر يشوف درب تانى غير الاتبعناه عشان يضمن سلامته
والمفروض الحكومه تفوووووووووووووووووووووووووووووق من الطرشه المركباها دى
انا والله ما زعلت من البهدله والحصل
انا زعلت عليهم وعلينا
| |
|
|
|
|
|
|
|
|
|
Re: ما عارفه له عنوان للاسف (Re: رانيه محمد الشيخ)
|
ربنا يعظم الأجر ويجعله خير مدخر
و شرق النيل حدث بها شيء مشابه
Quote: اعتداء على متطوعين بمناطق السيول بشرق النيل
الثلاثاء, 06 أغسطس 2013 14:35 التحديث الأخير ( الأربعاء, 07 أغسطس 2013 17:00 )
السائق أصيب بعد تعرضه للرشق بالحجارة
رشق متضررون غاضبون بسبب السيول والأمطار التي اجتاحت مناطقهم، تيماً طوعياً يتبع لمنظمتي العون الإنساني والتنمية، وبانكير الطوعيتين بالحجارة، مما أدى إلى إصابة سائق إصابات بليغة، إلى جانب تهشيم زجاج السيارة التي كانت تقلهم.
ووقع الحادث عصر الإثنين في منطقة الكرياب في محلية شرق النيل بولاية الخرطوم عندما خرج الأهالي هناك وأغلقوا الشارع الرئيسي.
ووصف مدير برنامج السودان بمنظمة العون الإنساني والتنمية المهندس سيف النصر حسين في تصريح لشبكة "الشروق" يوم الثلاثاء الحادث بالمؤسف، خاصة وأن من تعرضوا للأذى هم مجموعة طوعية جاءت بهدف التدخل العاجل ومساعدة المتضررين.
وأوضح أن تدخل التيم الطوعي جاء بعد عملية المسح الأولى التي قام بها فريق مشترك ضم المفوضية واسكوفا بهدف تقدير احتياجات الأهالي هناك.
وقال حسين إن الحادث وقع عند عودة السيارة المعنية بعد أن أوصلت فريقاً طبياً يعمل على تقديم الخدمات العلاجية الضرورية هناك.
وأشار إلى أن السيارة المعنية كان مقرراً أن تعود للمنطقة المنكوبة مرة أخرى لتحمل إفطار رمضان للمتأثرين.
وناشد حسين الأهالي بضرورة التعاون مع منظمات المجتمع المدني وغيرها من الجهات الساعية للمساعدة في درء آثار السيول.
وجدد على حرصهم في المنظمة على مواصلة العمل، وقال إن هذا الاعتداء لن يوقف المتطوعين من العمل باعتبار أنهم يؤدون رسالة سامية تعلو على كلِّ المواقف العارضة من البعض.
شبكة الشروق
|
| |
|
|
|
|
|
|
|
|
Re: ما عارفه له عنوان للاسف (Re: Frankly)
|
تمام يارانية ... لأنك ألتمستي لهم عذرا من سبعين عذر...
ثقافة العمل الطوعي عندنا صفر ... الشعب منقسم تارة بين عزة النفس وأخرى بين الحاجة والعوذ وحسن النية وقبول الهدية أو العطية أو المنحة سميها كما تشائين ...
أتفق معكم أن حكومتنا الحالية تتاجر بقضايا وهموم ومشاكل الشعب ... أي مسئول وأن صغر مقامه دون (معتمد) أو (مفوض) تتبعه (هيلمانة) و(جيوش) جرارة لا تبدأ بالكاميرات والمصورين ولا تنتهي بالصحافة والصحفيين ...
كونوا بخير
كونوا كما تحبون وليس كما يحبون .. فهؤلاء أقلية لا تمثل الآخرين ..
عيدكم مبارك
الشفيع إبراهيم
| |
|
|
|
|
|
|
|
|
|
Re: ما عارفه له عنوان للاسف (Re: Alshafea Ibrahim)
|
لازم التمس ليهم العذر وانا شايفه حياتهم وظروفهم
وشايفه المسئولين بيعملوا شنو
وزى ما بيقولوا اولاد الحرام ما خلوش لاولاد الحلال حاجه
والله قدامى هم بين بعض كانوا حيقتلوا بعض
ونسوان مش رجال
بدوا يتناتلوا فى مشمع واحد وقربوا يقعوا الواطه لمن جوا الشباب فصلوهم
شى يحزن
الناس تنهش فى بعض كده والحكومه بتعاين ساى وكإن الامر لا يعنيها
| |
|
|
|
|
|
|
|
|
|
Re: ما عارفه له عنوان للاسف (Re: Alshafea Ibrahim)
|
لازم التمس ليهم العذر وانا شايفه حياتهم وظروفهم
وشايفه المسئولين بيعملوا شنو
وزى ما بيقولوا اولاد الحرام ما خلوش لاولاد الحلال حاجه
والله قدامى هم بين بعض كانوا حيقتلوا بعض
ونسوان مش رجال
بدوا يتناتلوا فى مشمع واحد وقربوا يقعوا الواطه لمن جوا الشباب فصلوهم
شى يحزن
الناس تنهش فى بعض كده والحكومه بتعاين ساى وكإن الامر لا يعنيها
| |
|
|
|
|
|
|
|
|
|
Re: ما عارفه له عنوان للاسف (Re: Frankly)
|
فعلا انا قريت الخبر دا
والمضحك الراجل الاشتريت منو المشمعات قال لى فى ناس ضربوهم
قولت له نحنا مشينا واستقبلونا كويس غايتو
الناس غضبانه شديد وللاسف بيفرغوا فى الاتجاه المالو ذنب
| |
|
|
|
|
|
|
|
|
 Re: ما عارفه له عنوان للاسف (Re: رانيه محمد الشيخ)
|
الله يكون في عونكم ويدهله في ميزان حسناتكم إن شاء الله يا رانيه ..... والله لا يضيع أجرمن أحسن عملا .....
وكل سنه وأنت وجميع من حولك بألف خير يا رانيه....
وكل سنة وأنت الحب وأجمل معاني البذل والعطاء ....
إن شاء الله تسلمي ياخ ..... وبركه اللميتي في طرحتك يا خاله....ههههههههه ......
مع كل الحب الذي تعرفين ؛؛؛؛؛؛
| |
|
|
|
|
|
|
|
|
|
Re: ما عارفه له عنوان للاسف (Re: إدريس محمد إبراهيم)
|
رانية السلام عليكم وكل عام وأنتم بخير،
وربنا يتقبل منا ومنكم إن شاء الله صالح العمل،
وعلى أي حال، هكذا عمل الخير، له ضريبة، ينبغي دفعها والصبر عليها،
واحتساب الأجر عند الله تعالى!
اللي حصل اعتبروكم حكومة، وعبّروا عن بعض الغضب في صدورهم تجاه النظام الظالم!
فلنجد لهم بعض العذر!
لكن ده معناه أننا نحتاج إلى عمل تطوّعي توعوي في البداية، يبين للناس أن هناك شباباً قد بدأ
يتحرك من أجلهم!
| |
|
|
|
|
|
|
|
|
|
Re: ما عارفه له عنوان للاسف (Re: صلاح عباس فقير)
|
رانية كل عام وانت بخير
وان شاء الله في ميزان حسناتك اجر وعافية
هذه حال الدنيا
والناس ما عندها ثقة في الحكومة
عشان كدا اعملي ما يرضي الله ورسوله
وهذه حاجة عادية بما تشاهديه امام عينك
| |
|
|
|
|
|
|
| |
usama Babiker
ombadda
عبدالحفيظ ابوسن
مهدي صلاح
عثمان محمد كرار
Frankly
إدريس محمد إبراهيم
ذواليد سليمان مصطفى
وضاحة
فيس بوك
تويتر
انستقرام
يوتيوب
بنتيريست