|
|
 صهيل مغناك
|
صهيل مغناك ....
منو لأسعد حياتي بلاك .....
ومين صاغ ليك دموعه درر....
ومبن حباك ....
وغيرك مين ملك دنياي واتربع .....
على صهوة فؤاد مجروح وهوّم بيكي في الأفلاك ....
منو الشاف فيك منابت عمرو إشعاع نور بيتجسد .....
وارتاح في جمال عينيك واتوســد ....
منو الفي ريدتك اتفرد ....
وزي طيراً جميل صداح شال مغناك واتغرد .....
وفي أهداب عيونو الهايمه بي ريدك ...
بشيش ختاك ....
روّض بيك حروفاً شارده في جنح الخيال ....
وموسق من صهيلا غناك ....
منو النمّق قوافي الريده توب من ضي جميل وكساك ....
ومين جواهو هالة نور ....
بتبرق من جميل محياك .....
ومين عاشك جمال يسعد سنينو الجايه شان تحياك ...
وجمّل في خطاوي التيه ...
جداول من وريد فلذة فؤاد موجوع ....
تهيم أشواقا في سقياك ....
ومين ترجم كلام عينيك أحلى غنا ....
سحابة شوق بترشف من رحيق معناك ....
وعاش يا الحلوه شان يهواك ....
يردد في ابتهال مبهور ....
مع التايهين مع الجمهور ....
قسم سبحان من سوّاك ....
قسم سبحان من سوّاك ....
إدريس محمد إبراهيم
|
|
 
|
|
|
|
إدريس محمد إبراهيم
فيس بوك
تويتر
انستقرام
يوتيوب
بنتيريست