|
|
|
 Re: إفطار بُـــــورداب جدّة..صٌــــــوّر.. (Re: عبد الوهاب المليك)
|
إعتذار شديد لعدم التمكن من الحضور لظروف إضطرارية ... ونستميح الأعضاء الجدد وكان بودنا التعرف عليهم من قرب
ونعتذر للإخوة الأعضاء القدامى لعدم تمكننا من مطالعة أوجههم السمحة ...
وخيرها في غيرها إن شاء الله ....
يوتيرن : طبعاً من كسلا عندنا ممثلين كتار ،،، أكيد أكتر ناس في بورداب جدة من كسلاب جدة ....
لهم تحية خاصة
ولكم الشكر والتقدير ونلتقي في لمة نتمناها قريبة إن شاء الله ....
| |
 
|
|
|
|
|
|
|
|
Re: إفطار بُـــــورداب جدّة..صٌــــــوّر.. (Re: بشير أحمد)
|
تحية وتقدير لكل من وقف خلف هذا العمل الكبير
بدءا من صاحب المبادرة د. محمد عبد الهادي
مرورا بالزملاء الأفاضل الذين وقفوا خلف اعداد حفل الافطار
الرفاعي حجر
فتح الرحمن قيقراوي
جمال السنوسي
والآخرون من أمام وخلف الكواليس
التحية لبورداب جده برالمة وقدامى
التحية للدكتور بشير احمد على هذا البوست
| |
|
|
|
|
|
|
|
|
Re: إفطار بُـــــورداب جدّة..صٌــــــوّر.. (Re: البشير دفع الله)
|
أكثر ما أسعدني في هذه اللمة ما ساد فيها من روح اخوية حقة تسامى فيه الجميع على تبايناتهم و تناسوا دواسات المنبر و معارك الاسافير ..
و ايضا اسعدني التعرف بأخوة أفاضل كرام من زملاء البورد جدد و قدامى .. و التواصل مع مجلس آباء البورداب ..
لمة حلوة و ناس حلوين و فنانين أحلى و يا ريت تعيدوها في العيد و تنعاد عليكم بالخير و اليمن و البركات ..
تتباركو ما تتشاركو و يا رب دايما تامين و على الخير مجتمعين ..
ـ
** غايتو إذا كاميرات ( ناس الضهاري ) سنينة كدة .. فنصيحتي لـ( أولاد قلبا ) ما تجيبو صور كاميرات ( جلكسياتكم ) .. صدقوني بسحروكم ..سامعني يا اس اس
| |
|
|
|
|
|
|
|
|
|
Re: إفطار بُـــــورداب جدّة..صٌــــــوّر.. (Re: البشير دفع الله)
|
اقتباسات هكذا على التوالي من الفيس بوك للمهندس عبد العزيز حسين
| Quote: مفروض يا بورداب جدة بدل أفطاركم دا تجتعموا وتقبضوا الطوربيد دا تقيموا عليه الحد حد القذف لأمرة مؤمنة مسكينة مع الأسف هي أمه وبرضه زميلتكم الشتمها هنا بلا فطور مع طوربيد كضاب متفتري بقيتو ترقعوا في المجرمين يا خسارة ومع الأسف |
| Quote: ياكل ويشرب معاكم لكن يخونكم ويفشي اسرار بيوتكم ويكضب فيكم وبكرة نقعد ونسع فضايحكم من الطوربيد والله يسترنا ويستركم ويكافيكم شر البلاء المتوسطكم وبترقعوا فيه |
| Quote: شنو يا بشير يا كوز أنت زاتك بقيت في حملة العلاقات العامة والترقيع تبع الشيوعي شاتم أمه دا ولا شنو ؟؟؟ بصراحة يا بشير دا زول ما يشرف مقابلته والتصوير معاه والفطور معاه خربت بوستك بي نفسك |
| Quote: أعوذ بالله يا بشير بديتها لينا بالدجال المنافق شاتم امه بربار الماركسي سديت نفسنا الله يسد نفسه بشير حريقة فيك ياكوز يا سجمان |
من تتحدث عنه بهذه الطريقة هو بشر يصيب ويخطئ ويعتذر وأحيانا لا يعتذر , والناس جميعهم ليسوا على قلب رجل واحد لذا يتفقون ويختلفون معه , وقد تجد من يختلف معه ممن يحمل ذات أفكاره , يكن الاختلاف وقتها في الأسلوب وطريقة الطرح والمعالجة أو المعارضة ان شئت .
عادة يكتب ويرد الزملاء وقت الحدث في سياق الموضوع المعني محل النقاش ومن يقرأون ومن يكتبون يمتلكون من الحصافة ما يجعلهم يميزون ويعرفون صدق وحقيقة ما يكتب .
ملاحقتك للزميل المعني بهذه الطريقة لا تجعلك أنت كبيرا كما لا تجعله هو صغيرا في أعين الناس , بل على العكس تماما مثل هذه الكتابات تأتي خصما عليك أنت , ولو أنك تفرغت للنقد بطريقة موضوعية لكان أجدى لك ولوجدت من يساندك .
أقول ما قلت ولا مصلحه لي مع من تعنيه , بل أنني أختلف معه أكثر مما أتفق .
وختاما
بعض الأشياء الجميلة مثل ( حفلات افطار البورداب ) تفسدها مثل مشاركاتك هذه التي ليست في مكانها
| |
|
|
|
|
|
|
|
|
|
Re: إفطار بُـــــورداب جدّة..صٌــــــوّر.. (Re: اساسي)
|
| Quote: اللابس ازرق وعلي اليسار (فتح الرحمن حمودي – قيقراوي سابقا) واللابس اسود وعلي اليمين (الليندي – ناصر عزالدين شخصياً) |
جهجهتنا يا ليندي، يمين ويسار دي ما بتقسّم مع الناظرين إلى الصورة، لكن ممكن تفرز بالألوان.
دمتم ياخ ملمومين في الخير، لك مودتي ولفتح الرحمن كل الحب، والتحية لكل بورداب جدة
| |
|
|
|
|
|
|
|
|
|
Re: إفطار بُـــــورداب جدّة..صٌــــــوّر.. (Re: اساسي)
|
سلام دكتور الغنم
رمضان كريم
والتحيه لاهل جده الكرام فى اجتماعهم الطيب
جده دي عندي معاها عشق غير , ما عارف اصنفو كيف
بطبعي بحب المدن الساحليه , لانو فيها سحر غريب
بعدين شايف مولانا عصام نضاراتو بقت قعر كبايه
والصلعه وصلت حافة الكرسي
مع الفنيله الزرقا دي مبالغه
والملاحظه التانيه انو باب شريف بقى فيهو قمصان كويسه
 غايتو يا طوربيد البشوفك بتلهط كده يقول صايم
| |
|
|
|
|
|
|
|
|
|
Re: إفطار بُـــــورداب جدّة..صٌــــــوّر.. (Re: أشرف الرحال)
|
الاحباب من بورداب جده الذين لم يتمكنوا من الحضور كانو فعلا حضور وفي مخيلتنا عظمة بورداب جده في ملماتهم وفي هذا الشهر الكريم
اكرمنا الله بالتعرف علي بوردابنا الجدد وهم بحق إضافة حقيقية لمسيرة البورداب ومزيد من الجهد في القادمات من البرامج وحقا بورداب
مبدعين في كل شئ كانت إحتفالية جميلة ولمة أحلي من تحلية الفندق ونشكر كل من اخرج هذا اليوم البهي ولك الشكر د.بشير للتوثيق الاجمل
تحياتي لكل من قابلنا ومن لم نقابله والجايات إن شاء الله أحلي بكم ومعكم مودتي للجميع .
،،،،أبوقصي،،،،
| |
|
|
|
|
|
|
|
|
|
Re: إفطار بُـــــورداب جدّة..صٌــــــوّر.. (Re: مجدي عبدالرحيم فضل)
|
الاحباب من بورداب جده الذين لم يتمكنوا من الحضور كانو فعلا حضور وفي مخيلتنا عظمة بورداب جده في ملماتهم وفي هذا الشهر الكريم اكرمنا الله بالتعرف علي بوردابنا الجدد وهم بحق إضافة حقيقية لمسيرة البورداب ومزيد من الجهد في القادمات من البرامج وحقا بورداب مبدعين في كل شئ كانت إحتفالية جميلة ولمة أحلي من تحلية الفندق ونشكر كل من اخرج هذا اليوم البهي ولك الشكر د.بشير للتوثيق الاجمل تحياتي لكل من قابلنا ومن لم نقابله والجايات إن شاء الله أحلي بكم ومعكم مودتي للجميع . ،،،،أبوقصي،،،،
الجايات أكتر
انشغالات وعدم متابعة للبوست هي التي فوتت عنا هذه اللمة الطيبة
رغم أني من أبها وفي زيارة لجدة فقط وبوردابي جديد لكني كنت حريص وبالجد زعلان ودا وش مكضم زاتو
ربك كريم وبجمع ان شاء الله
| |
|
|
|
|
|
|
|
|
|
Re: إفطار بُـــــورداب جدّة..صٌــــــوّر.. (Re: جمال السنوسي)
|
سلام يا خضر .. و رمضانك كريم ياخي ..
| Quote: بعدين شايف مولانا عصام نضاراتو بقت قعر كبايه |
غايتو في دي قرررربتا يا خضر ..
خاصة أني شاعر لي بأعراض زهايمر و كدا . .
ومع إنو الواحد من غير نضارة بشوف أسحن ..
| Quote: والصلعه وصلت حافة الكرسي |
في دي بالغت .. لأنو الصلعة الشايفها ( دي ) ..
ليست ( سوى ) أكسسوار بتاع ( معتمر ) و كدا ..
أما إن كنت تقصد ( الجلحات الصغيرة ) دييييك ..
فهي .. شوية ( علم ) ساكت ..
يعني الواحد مشروع ( عالم كبير ) و كدة ..
فأسحن ليك تتعرف على واحد عالم كبير من هسة دي ..
| Quote: مع الفنيله الزرقا دي مبالغه |
دة حالتو ( شاديها ) من ( حكومة العدو ) ..
| |
|
|
|
|
|
|
|
|
|
Re: إفطار بُـــــورداب جدّة..صٌــــــوّر.. (Re: عصام دهب)
|
تحية لكل الزملاء
ولكل من أسهم في هذا اليوم الجميل
وبالجد منذ وصولنا لمكان الإفطار وجدنا الإبتسامة تعلوّ كل الوجوه
وكميات من التباشير والترحاب السلام جعلت أريحية اللقاء سائدة طوال اللقاء
فجالسنا كل الزملاء (قدامي المحاربين) والزملاء الجدد (برالمة البورد)
فوجدنا أن الجميع قد حجز مكاناً لهذا اللقاء في باحة القلب
فجاء إحتراماً وتقديراً نتشارك الفرح والحزن والهم
تشكروا بورداب وصحيح جدة غير
| |
|
|
|
|
|
|
|
|
|
Re: إفطار بُـــــورداب جدّة..صٌــــــوّر.. (Re: عصام دهب)
|
استاذنا حجر
تواضعكم اخجلنا
كل اللمه دى كانت بجهودكم الشخصية وخبراتكم
واصل عطائك وتلقانا ورااااك
اقترح ان يتواصل هذا البوست حتى تكتمل ملامح برنامج العيد
يلا ورونا اقتراحاتكم ياسناير
لم اتشرف بالسلام على سعادة المستشار عصام دهب
له العذر
تقديري للجميع
محمد الهادي
| |
|
|
|
|
|
|
|
|
|
Re: إفطار بُـــــورداب جدّة..صٌــــــوّر.. (Re: أشرف الرحال)
|
اقترح ما يلي :
ان يتم استئجار استراحة ثالث ايام عيد الفطر المبارك
ان تبدا الفعالية من العصر للاسر والاطفال ليجدوا براح للعب واللهو في العيد السعيد
وبعدها يبدا برنامج ثقافي بعد صلاة المغرب الي العشاء ( ادب وشعر ومحاضرة ثقافية ونحو ذلك ... الخ)
ان يكون الختام كالعادة بمداحين جمال السنوسي 
هذا والراي لكم
| |
|
|
|
|
|
|
|
|
|
Re: إفطار بُـــــورداب جدّة..صٌــــــوّر.. (Re: محمد حسن عبد القيوم)
|
وكأول لقاء لى مع بورداب جدة
ناس حلوين جدا وزى النسيم بينعشو الزول عديل
شكرا الزول الجميل حجر الذى يدير كل شىء بهدؤ وجمال
شكرا دكتورنا محمد الهادى للدعوة وانعاش الذاكرة
شكرا جمال السنوسى
شكرا ابوقصى
شكرا جدا للجميل جدا البشير دفع الله
منتحتنى وقتا اجمل وافضل واغلى وانضر
شكرا كل الذين اعرفهم من زمن الراكوبة وفى منتديات اخرى
فقط كنا نود ان يطول الزمن اكثر لنعرف الناس اكثر وللبقية التى لم نستطع ان نتعرف عليهم الجايات اكتر باذن الله لو مد الله فى الاعمار
وجدة غير
| |
|
|
|
|
|
|
|
|
|
Re: إفطار بُـــــورداب جدّة..صٌــــــوّر.. (Re: الرفاعي عبدالعاطي حجر)
|
يا سلام يا شباب
الواحد حزين جدا لعدم تمكنه من الحضور والظفر بالنظر لكل هذا الكم من الوجوه الجميلة
لكن ظروف ضيوف رمضان ومشاغل أخرى حرمتنا في اللحظات الأخيرة من الحضور
تحياتي لكل من حضر
وشكرا الصديق / محمد عمر الفكي أن بلغت عذري للأخوة بورداب جدة
الرفاعي حجر يا جميل
Quote: البرنامج في العيد سنقوم بالتنسيق له مع من يرغب او لديه فسحه من وقت من هنا نكلف الاخ بشير احمد وهو من اقاليم وضهاري جدة البحث عن استراحة
مناسبة وتستضيفنا باسرنا في تلك الضهاري تكون مناسبة في كل شيئ وبما انه دكتور غنم سنقوم بالاتصال به والتعاون معه للحصول على مطبخ جميل لاعداد
وجبات ذلك اليوم ولو لدي مقترح بأن يأتي كل شخص ومعه ما يجود به ونزيدها محبة وود ويبقى كمان ملح وملاح |
كما أبارك اختيار بورداب جدة للدكتور محمد رئيسا لهذه الدورة
Quote: والتقدير للاخ الدكتور
محمد الهادي عبدالرحيم على المبادرة الطيبة واذكره بأنه رئيس بورداب هذه الدورة بالاجماع كامل القاعة لذلك تجدنا نحن معك وامامك ومن خلفك فتقدم وسر بالركب |
والشكر موصول للأخ د. بشير أحمد على الصور الجميلة
ولكل من أسهم في التوثيق لهذه اللمة الجميلة جمال بورداب جدة
ويكفي فيهم جمال السنوسي ووليد عبد اللطيف وفايز القاضي وحجر وعصام دهب واللاعب الجديد المتجدد محمد عمر الفكي
وعادل عبد العزيز وبشير دفع الله والهادي وطني وكل القادمين الجدد بألقهم ونشاطهم
| |
|
|
|
|
|
|
|
|
|
Re: إفطار بُـــــورداب جدّة..صٌــــــوّر.. (Re: وضاحة)
|
ههههههههه سهيل وسحويل والله يا وضاحة بالغتي معاهم
( علا طلعتي من جيلنا انا قايلك حنكوشة وصغيرونة كدا )
...............................................................................
وليد عبداللطيف and وابراهيم العبيد بالله واحد منكم يرسل ايميله لارسل له الصور .
بجد لا زمن لا كمبيوتر جيد .
..................................................................................حجر.
| |
|
|
|
|
|
|
|
|
|
Re: إفطار بُـــــورداب جدّة..صٌــــــوّر.. (Re: محمد عبد الله الامين)
|
Quote: يا سلاااااام ياخ كان يوم جميل وتعرفنا فيهو على ناس رائعيين حقا
التحية لك الاخ الرفاعي حجر وانت تشرف على هذا اليوم او كما قال
الفنان الجميل اورفلي ( شوف الرفاعي ذي ام العروس هههههههههههه |
الجميل محمد عبدالله الامين
تسلم يااخي والله اكثر سعادة بمعرفتك من خلال مسبار سودانييز اون لاين فهان اللقاء
ياخذ طابع فكري من خلال قراءتك من وراء الحروف ثم اللقاء بجد كان يوم بهيج وألِق
سلمت سيدي الكريم واورفلي رجل حيي نقي الدواخل وآه من حتى .
........................................................................حجر.
| |
|
|
|
|
|
|
|
|
|
Re: إفطار بُـــــورداب جدّة..صٌــــــوّر.. (Re: الرفاعي عبدالعاطي حجر)
|
Quote: ههههههههه سهيل وسحويل والله يا وضاحة بالغتي معاهم
( علا طلعتي من جيلنا انا قايلك حنكوشة وصغيرونة كدا ) |
هلا حجر كل عام وانت بخير
نحن جيل نهاية الثمانين
ودى مسلسل كان بتاع اطفال كنت بحبوا ومن الحاجات الحلوة البتذكرها
بالغت انا ولا بالغوا هم والله صورة تحفة
غايتوا عندكم المحن يا ناس جده
| |
|
|
|
|
|
|
|
|
|
Re: إفطار بُـــــورداب جدّة..صٌــــــوّر.. (Re: وضاحة)
|
محمد عمر تبارك الرحمن ربنا يحفظك
كما يقولون
سماهم فى وجوهم وقلبك مراة وجهك
تبارك الرحمن ساك في اجمل صورة
ونفسِك بالعفاف مسقِّية خاتية شروره
يا تَرب الكِرام والعزّة فيك موفورة
ملك وسيد أصل لاك هامل لاك محقور
وماك متابع الفارغة وجهل مقدود
ومن قومة الجهل ماسمعنا قالو حسود
ي ساعة الشبك بتحلحل المعقود
وان قالو الكرم عارفنك المقصود
تحياتى يا ود الاصول
ربنا يحفظك
| |
|
|
|
|
|
|
|
|
|
Re: إفطار بُـــــورداب جدّة..صٌــــــوّر.. (Re: وضاحة)
|
كانت ليلة ولا كل الليالى
دوما بورداب جدة مثال للتلقائية والالق الجميل
د محمد الهادى مشكور على المبادرة وترحيب كبير بك فى مجتمع البورداب انت وكل الاعضاء الجدد
اقتراحات حجر دى ما تدوها الواطة امشو فيها وجهزو لبرنامج العيد من الان
يديكم العافية
| |
|
|
|
|
|
|
|
|
 Re: إفطار بُـــــورداب جدّة..صٌــــــوّر.. (Re: عادل عبدالعزيز عبد الرحيم)
|
سهيل وسحويل الحراس في مسلسل الاطفال قمر البر والبحر الذي عرض في السودان عام 1984 وعرض في السعودية والخليج والاردن في عام 1982
يعني المسلسل معروض قبل تلاتين سنة يا وضاحة
صباح الجزائري الاميرة في المسلسل ليها اكتر من عشر سنوات بتمثل دور الحبوبة ولائق عليها
يا مع تعليقك بتاع سهيل وسحويل ممكن عادي يجي قيقاراوي بالقديم يقول ليك سجمي انت من زمن تتي
| |
|
|
|
|
|
|
|
|
|
Re: إفطار بُـــــورداب جدّة..صٌــــــوّر.. (Re: اساسي)
|
Quote: سهيل وسحويل الحراس في مسلسل الاطفال قمر البر والبحر الذي عرض في السودان عام 1984 وعرض في السعودية والخليج والاردن في عام 1982
يعني المسلسل معروض قبل تلاتين سنة يا وضاحة
صباح الجزائري الاميرة في المسلسل ليها اكتر من عشر سنوات بتمثل دور الحبوبة ولائق عليها
يا مع تعليقك بتاع سهيل وسحويل ممكن عادي يجي قيقاراوي بالقديم يقول ليك سجمي انت من زمن تتي |
اساسي كل عام وانت بخير
المسلسلات طبعاً معروف بعيدوها فى قناوات كتثيرة وانا بتذكرها طشاش طشاش
لكن عندى اخوانى تؤم ربنا يحفظن بتشابهوا شديد Identical
يعنى ما بتعرفن الا تكون عشت معاهم
ومشاغبين جدا ودمهم خفيف شديد
ماما مسمياهم سهيل وسحويل
ومرات بتقول ليهم حمبرة وغناية ههههههه
فلما شفت ليك الجوز دا اتذكرت كلام الماما
| |
|
|
|
|
|
|
|
|
|
Re: إفطار بُـــــورداب جدّة..صٌــــــوّر.. (Re: khaleel)
|
كل كلمات الشكر لا تفي حق هؤلاء الناس الرائعين
فقد كانوا كما قال المغني أعظم ناس في أجمل ليلة و يا لها من ليلة
شكراً لهذا المنبر الجميل الذي عرفنّا على أناس في قامة الرائع المتواضع البشوش الرفاعي حجر
و الرائع الأنيق جمال السنوسي و كوكبة الرائعين الهادي وطني و عصام دهب و عوض عكاشة
و القائمة تطول.
الشكر للأخ محمد الحسن على مبادرته بنشر صورتي مع ابنتي أثيل وليد
و الشكر أجزله للأخ قسم الفضيل على إصلاح وضع الصورة
و كل الشكر للأحبة الذين التقيناهم و عرفناهم و جميعهم بلا استثناء أجمل سفراء لبلادي الحبيبة
| |
|
|
|
|
|
|
| |
بشير أحمد
عبدالرحيم أبراهيم العبيد
Mirghani Taitawi
كمال سالم
usama Babiker
ASHRAF ABUELHASSAN
نصر الدين عثمان
عبد الوهاب المليك
Sidig Rahama Elnour
امجد الجميعابى
محمد حمزة الحسين
تاج السر محمد حامد
Ahmed musa
Ahmed Yassin
محمد هاشم ابوزيد
البشير دفع الله
عصام دهب
الليندي
Sulaiman Adam
الامين موسى البشاري
معاوية الزبير
محمد عمر الفكي
خضر الطيب
أشرف الرحال
مجدي عبدالرحيم فضل
مجاهد محمد الهادي
محمد الهادى عبد الرحيم
الرفاعي عبدالعاطي حجر
جمال السنوسي
خلف الله حسين
طارق جبريل
ادم شحوتاي
garjah
احمد حمودى
بدرالدين الطائف
وضاحة
محمد مجيدو
وليد عبد اللطيف
أمير محمد ادريس
قسم الفضيل مضوي محمد
محمد عبد الله حرسم
جعفر محي الدين
عادل عبدالعزيز عبد الرحيم
سيف النصر محي الدين
طارق حرسي
khaleel
Mohammed Haroun
فيس بوك
تويتر
انستقرام
يوتيوب
بنتيريست