|
|
 أسماء سودانية مدهشة
|
ادناه قائمة باسماء سودانية نادرة جدا لكنها موجودة
معظم الاسماء ادناه لأناس أعرفهم و أحترمهم جداً
ست الجيل
ست النفر
نفورة
ست البنات
ست النساء
الخصيصة
الجاز
المتن
ستهم
ست ابوها
الست
ستنا
مسك
مسيكة
ام خيرين
ام حقين
ام النصر
النِمْرَة
حرم أسدها ( حرم أسدا)
|
|
  
|
|
|
|
|
|
|
|
Re: أسماء سودانية مدهشة (Re: طه جعفر)
|
العجب
عجبنا
عجوبة
عجيب
المخا
قسمة
بشرية
الرتينة
فهمو زايد
طاهرة المجالس
ست فضيل
جيب الله
الله جاب
الله جاد
جاد الله
جاد كريم
جار الله
جار النبي
جيب الفارس
عين سيدا
عبد الستار
عبد المقصود
عبد التام
عبد المحمود
قسم الخالق
قسم الله
قسم السيد
قسم الباري
قسم
حواية الله
حوي النبي
دفع الله
تاي الله
الرَضِيّة
حُميدة
حميد
محيميد
الله جابو
بت العمدة
بت الستية
الرسن ( الرزن)
بت درندة
رستم
دنبلاب
أُمامة
عطرون
سورج
جيلة ( جيلا و ربما جيلها)
فرجو
مرسال
جاويش
ابو الشول
مناويشي
اورتشي
السبّال
تبارك
ابو الكل
سمهن
سمساعة
الساعوري
عجب سيدو
عجب سيدا
حسب الله
حسب الرسول
حسبو
سعد الله
عجب الدور
عجب الفِيا
عوض الله
عووضة
شجرابي
النوراني
نور الهدي
ابو قطاطي
تاي الكريم
الإزيرق
الأزرق
حفظ الله
| |
|
|
|
|
|
|
|
|
|
Re: أسماء سودانية مدهشة (Re: محمد داؤد محمد)
|
هي أسماء سودانية, إستلت حروفها ومعانيها من صميم المجتمع,
كما لها دلالاتها المستغرقة في جبنا الثقافي وحياضنا الإجتماعية
السودانية. وحين نحيل تلك {الدهشة} إلى لب الواقع, فسوف تختلف
مدخلات ومخرجات هذا الموضوع ... وباكرا قال نزار قباني ... أسخف
ما نحمل يا سادتي الأسماء.
عزيزي ... طه ... تسلم,
يعني الزول إلا إكون إسمو طه جعفر ... ههههه
... وتمسي على خير
| |
|
|
|
|
|
|
|
|
|
Re: أسماء سودانية مدهشة (Re: ولياب)
|
سلام طه ياخى الاسامى السودانيه دى فيها حنيه مبالغه , كل ما نطرا لينا اسماء بنجى نسطرا هنا علها توثق لبعض من ثقافتنا
الشباك
شباك المدينه
سوق المدينه
الفولى
جاد السيد
عشمانه
الحرم
البتول
| |
|
|
|
|
|
|
|
|
|
Re: أسماء سودانية مدهشة (Re: محمد المرتضى حامد)
|
Quote: عارف يا ولياب،
شركة British telecom في بريطانيا بتوزع الغاز وشركة British Gas توفر الإتصالات ... |
شكراً يا مولانا على الاضافة ، بالنسبة (للسليمانين) أنهم من قرية واحدة بحلفا (أشكيت شمال) وهي قرية شيخنا المرحوم محمد سيد وشيخ أبوزيد الزميل شاهين شاهين .
| |
|
|
|
|
|
|
|
|
|
Re: أسماء سودانية مدهشة (Re: MOHAMMED ELSHEIKH)
|
اخي طه وضيوفو الأكارم
هذا موضوع يطول الحديث فيه
لذا كنت أتمنى لو صغته بطريقة بحثية
وصنفت الأسماء حسب القبائل والجهات .. فعندها يسهل فهم مدلولاتها ...
وليس من قبيل القبلية والجهوية ....
فبعضها يعود لأصله النوبي ... شمالاً وغرباً ...
وبعضها لأصله البجاوي ...
وبعضها لقبائل أهلنا البقارة في كردفان ودارفور ...
وبعضها لأهلنا الفور والزغاوة وغيرهم من قبائل دارفور ...
ولبعضها تصنيف طائفي أو عشائري كأسماء الختمية والعركيين والسمانية ...
وبعضها أسماء سماها بعضهم قديماً لجواريهم ورقيقهم .... رغم مقتي في الأصل لهذا التصنيف ...
وهي بالمناسبة أجمل الأسماء في مدلولاتها ...
دمتم بعافية ....
| |
|
|
|
|
|
|
|
|
|
Re: أسماء سودانية مدهشة (Re: عبد الباقي الجيلي)
|
شرفولة (حبوبتي لأمي) عليها رحمة من الله ومغفره
الشول (حبوبتي لأبي) عليها رحمة من الله ومغفره
عجب القافل (اصلها عجب القوافل ) منتشر في منطقة الحلاوبن
نخل المدينة
أرض الشام
سوق الحجاز
عبد النصيح
ام بلينة
| |
|
|
|
|
|
|
|
|
|
Re: أسماء سودانية مدهشة (Re: MOHAMMED ELSHEIKH)
|
الاحباب الاعزاء رمضان كريم
شكرا جزيلا
معاوية عبيد
محمد داؤد
شكرا حيدر الزين و بالمناسبة في دفعتي بجامعة الخرطوم كنا طه النور،طه محمد احمد و طه جعفر .. فقط ثلاثة و سرعان ما تعارفنا و تصاحبنا
شكرا
هشام عثمان .. ليشقيق اسمه تاج السر و هو طبيب اسنان
و يقال ان اسم الشول يعني العوض
شكرا
ولياب و كا تعلم حلفا الجدية منطقة تمازج و بها قفافات سودانية مختلفة و الاسماءتعكس ذلك التنوع الفريد
شكرا عبد الله عثمان
سامي عبد المطلب و شكرا جزيلا مولانا محمد المرتضيو تحياتي للمدام و الاولاد و سلام خاص لوليدو اولاده
ومن الفيسبوك كتب
طارق ابو محمد و الفاتح موسي و ديقول و هيثم تكة
فلهم الشكر.
طه جعفر
| |
|
|
|
|
|
|
|
|
|
Re: أسماء سودانية مدهشة (Re: طه جعفر)
|
الشكر للاعزاء
هشام عثمان
عبد الماجد عبد الماجد
محمد الشيخ
عبد الباقي الجيلي
و يجب ألا ننسي اخونا
الطيب شيقوق .. لأن الاسم شيقوق نادر جدا
| |
|
|
|
|
|
|
|
|
|
Re: أسماء سودانية مدهشة (Re: طه جعفر)
|
اخ طه جعفر وزوار البوست تحية طيبة ورمضان كريم. هذا موضوع شيق، واستراحة رمضانية خفيفة الدم والظل معا. من اسماء النساء من ريفنا الحبيب:
1. حَد الزِين
2. التاية
3. الزِينة
4. بريدوية (بَريدويِي عند من ينطقون الأسم بالأمالة كالشايقية والجوامعة)
5. غاية المني
6. نَفّرين (من اللغة النوبية القديمة والنَفَر هو الحسن ومنها نفرتيتي ونفرتاري)
7. عَنوَة
8. عًنّاب
9. مجيليلة
10. نسيم
11. الجِرِتليّة
12. زمزم
13. ام رادِس (الرادس هو الشعر الطويل علي ما اظن)
14. ام رَخا
15. بريدوها
16. بًرّة
17. ام عزّين
18. كًوشِي ( تنطق علي وزن أًوشي، لا اعرف المعني وليتني عرفت)
19. ام فَضَالي
20. ام دَخَارِي (الدخري هو الكنز)
21. ام خِيلة (الخيلة هي القدلة)
22. فردوس
23. ام بَخَت (البخت تعني السعادة)
24. الجَفَل (وتعني الغزال مشارا اليها بالصفة)
25. ام دِيش (وتعني من لها جيش، من العزّة)
26. دار النعيم
27. دارمَقَام (تأمل روعة هذا المعني)!
28. الستيّة
29. الجلالة
30. شيخة ( تعني الزعيمة)
31. ام رُشُوم
32. ام سَلَب (صاحبة النَعّم الكثير)
33. ام حقّين (الحق هو المهر وتعني الغالية)
34. ام طُبُول (وتعني سلطانة صاحبة طبل يدق)
35. شمش الدَرَت (الدرت فصل الحصاد حيث الشمس ساطعة ودافئة)!
| |
|
|
|
|
|
|
|
|
|
Re: أسماء سودانية مدهشة (Re: BALLAH EL BAKRY)
|
كان في حلقة ممتعة في التلفزيون بعنوان - سيد الاسم -
تم تقديمها قبل 3 شهور في تلفزيون السودان القومي
تقديم الاستاذ حسن عبد الوهاب - دورت عليها في اليوتوب ما حصلتها
الضيوف كان من ضمنهم عبد المحمود الكرنكي
يا ريت لو في واحد مسجلها ينزلها هنا وهي بتصب في موضوع البوست
---------
ارجو إضافة اسمي للقوائم الفوق دي 
| |
|
|
|
|
|
|
|
|
|
Re: أسماء سودانية مدهشة (Re: قسم الفضيل مضوي محمد)
|
بالحيل يا قسم الفضيل يا خوي اسمك مميز. ومن اسماء الرجال المميزة:
1. ضوالبيت (وشهادتي مجروحة هنا يا طه، فلتعتمد شهادة الطيب صالح)!
2. قسم الفضيل
3. مضوي
4. ارباب
5. عَرَكي
6. سوار الدهب
7. التلب
8. حُموده
9. علم الهدي (.. صلي عليك الله يا علم الهدي ما غاب نجمٌ او ترنم شادي)
10. عُشاري
11. تمساح
12. كَبَلّو
13. الدُخري
14. الدسيس
15. الخزين
16. الدقير
17. مريود
18. دريفون
19. صغيرون
20. جلغام
21. اب قَدَم
22. اب كَرِيق (...ما بنشنق ود اب كريق في السوق)
23. مادِبّو
24. عكّام
25. كزّام
26. اب جِويلي (.. عيال اب جويلي الكمنبلو وعرضو..)
27. اكرت
28. الدود (من اسماء الأسد)
29. الكلس
30. النقر
31. دوليب
32. شدّاد
33. دلدوم
34. تكتوك
35. نورالدائم
| |
|
|
|
|
|
|
|
|
|
Re: أسماء سودانية مدهشة (Re: طه جعفر)
|
| Quote: هشام عثمان .. ليشقيق اسمه تاج السر و هو طبيب اسنان |
عزيزنا طه....سلامات
دكتور تاج السر قابلته مرتين...مرة في القضارف في نادي المصارف
قدمني له صديقنا وجارنا جمال فارح والمرة التانية والاخيرة كانت
في مستشفي امدرمان عن طريق الصديق اشرف محجوب, انا
متاكد انه لن يتذكر اي من اللقائين ..
| |
|
|
|
|
|
|
|
|
|
Re: أسماء سودانية مدهشة (Re: محمد نور عودو)
|
صنقور
كورينا
دابيق
وعندنا في شندي اخوات
اسمائهنَّ
ست النفر
ستنا
ستونة
ست النفور
ستهم
ديل بنات عمران من الحضور وعلى جدهم تسمى مقابر شندي أولاد عمران وهم أول من دفنو فيها عمران ابنوه
| |
|
|
|
|
|
|
|
|
|
Re: أسماء سودانية مدهشة (Re: خالد علي محجوب المنسي)
|
الشكر الجزيل اعزائي الكرام
علي المساهمات
و الشكر علي اغناءالبوست
شكرا
بلة البكري ( مساهمات جميلة و متنوعة)
قسم الفضيل
احمد حامد
محمد نور عودو
خالد علي محجوب
اسماء السودانيين مميزة و لها مدلولات عادة ما تكون جميلة
لاحظاسماء الخواجات مثلا
ٍStraw قشة
Beck منقار طائر
Coke فحم
Jack رافعة
Pen قلم
| |
|
|
|
|
|
|
|
|
|
Re: أسماء سودانية مدهشة (Re: خالد علي محجوب المنسي)
|
االخواجات عندهم حاجه اسمها الcorruption بتاع الكلمات وده السودانيين حرفا جدا فيهو يعنى عُثمان تتحول الى عِتمان ودياب تتحول الى ضِياب وفاطمه الى فاطنه وخضر الى خِدر كما فى حالة صديقنا طارق ابوعبيده والقائمه تطول..لصاحب البوست وضيوفه كل عام وانتم بخير..
| |
|
|
|
|
|
|
|
|
|
Re: أسماء سودانية مدهشة (Re: د.محمد بابكر)
|
الاعزاء
عمر السلمة
مولانا محمد المرتضي
و دكتور محمد بابكر
اسم الريح بجهجه العرب جهجهة شديدة و كذلك اسم بابكر
حيث يقول العمامنيون بابَكَر
و الشوام يقولون بابَكْر
عملت بمدرسة في مسقط كمدرس احتياط وكان لي زميل اسمه عبد المحمود ابدي المدير العماني (الاستاذ فريد اللواتي متعه الله بالصحة)
من الاسم عبد المحمود فقلت له حاجة كدا زي عبد الزهراء
و ضحكنا كثيرا من ذلك فالرجل شيعي له من كثير الاحترام
يا جماعة نورتو البوست كلكم بدون فرز
| |
|
|
|
|
|
|
|
|
|
Re: أسماء سودانية مدهشة (Re: خالد علي محجوب المنسي)
|
كرفاس
المنشتح
البهمو
ابـــ تافورة
السكينجو ( وهذا اسم جد حاتم السر السكينجو ) كان مرشح الحزب الإتحادي لرئاسة الجمهور في الانتخابات الاخرة ونزل في منطقة شندي لكن تزوير الانتخابات اقصاه )
بليلو ( اسم عمدة حجر العسل عليه رحمة الله )
البدّع (اسم عمدة ودرملي )
ود ضبعة اسم ( عمدة الجوير ) وامه اسمها ضبعة
كلياني وهذا اسم جدنا ابو حبوبتي وتنسب له الاسرة في البسابير الكلاين
| |
|
|
|
|
|
|
|
|
|
Re: أسماء سودانية مدهشة (Re: خالد علي محجوب المنسي)
|
رمضان كريم علي الجميع,
مواصلة لحديث د.محمد بابكر :
كان عندنا في تنقاسي رجل الناس كلها تنطق اسمو ابزيت!
ولما كبرت استدركت ان اسمه ابوزيد!
وبرضو اهلنا الشايقية يقولون : عبدأرحمان (عبدالرحمن).واحمد (يحمد)
واضيف للاسماء الغريبة:
كمبال , في السودان في الشمال وفي جبال النوية, وفي كثير من الدول الأوربية وأمريكا وأستلراليا (وبالمناسبة جوار مسكني هنا شركة كمبال واولاده) , يعني لو أفلست حاتلبط فيهم في الورثة !!
ومن اسماء الشايقية:
كاكا,
كاشنا,
كروم,
الهميم,
فتيحابي
كرفس
ود مليني,
ود دفيقة,
ودقبيس,
شلوك,
حمادية,
زينبية,
زامكية,
قبورة,
ود العجل.
وبفكر ليكم في اسماء تاني واصدلكون.
ست البنات.
| |
|
|
|
|
|
|
|
|
|
Re: أسماء سودانية مدهشة (Re: محمد حيدر المشرف)
|
الاستاذة ست البنات
شكرا جزيلا
المك كمبال علي ما اظن عليحسب ما اورددكتور محمد عمر بشير (تاريخ الحركة الوطنية)
كان من مقاتلي الشايقية الذين تم تنفيذ حكم الإعدام عليهم عن طريق الجيش التركي الغازي
و شكر يا ود المشرف
علي المرور و كتابة اسم حلتكم ( حليتي)
و فاتني ان اذكر اسم المعنية الشهيرة
قطّاعة الخشوم
و المغنية الأخري
خشم الموس
| |
|
|
|
|
|
|
|
|
|
طلحة (Re: محمد حيدر المشرف)
|
سلام طه وضيوفه الكرام
إنت بتكتب في رواية عن عذابات الاسم في السودان ولا شنو؟
مرة كان معانا ود عمتاً لينا في البيت عصاري كدا وكان ضارب ليهو
سيجارة فالباب دق قام هو قريب مشى فتح الباب. الزائر سأل
من شخص محدد قريبنا قال ليه مافي. قام الزاير قال ليهو خلاص
لما يجي قول ليهو طلحة جاك! قريبنا دا ما قدر يمسك ضحكته
فقال للراجل طلحة كيف يعني!
وعشان يتشاف جاد أضاف ليها: يا زول طلحة كيف!
| |
|
|
|
|
|
|
|
|
|
Re: أسماء سودانية مدهشة (Re: محمد حيدر المشرف)
|
اتفق معك يا مشرّف بوست لطيف جدا.
في مثل شعبي يقول: "الزول بونِّسو غَرَدو"
بمعني ان الأنسان يستأنس بما يليه ويهمه
من أغراض (والمفرد غرض،
( تنطق غرد في بعض مناطق الريف)).
وحلاوة هذا البوست لأنه يذكرنا بالبلد
(السودان - غرضنا الأساسي)
ويحلب الذاكرة باسماء اناس ربما عزّ علينا
فراقهم الوقتي او الأبدي.
ولا ابالغ اذا قلت ان نٌص الأسماء التي ذكرتها
انا هي لأناس اعرفهم في الحياة.
ويكفي ان فيها اسم امي وجزء من بنات الأسرة
وجدي لأبي وجزء من عماتي وخالاتي
وعميدة اسرتنا من ناحية الأب - حبوبة
"رابحة الجِرِتليّة" والتي لم احضر زمانها
ولكني وثقت لبعض من دورها التاريخي
في حياة الأسرة بالتسجيل عمن حضروا وقتها.
ولولا ان هذا منبر عام لحدثتكم عنها الكثير!
| |
|
|
|
|
|
|
|
|
|
Re: أسماء سودانية مدهشة (Re: BALLAH EL BAKRY)
|
بله البكري سلامات وكيف الحال ..
Quote: حبوبة
"رابحة الجِرِتليّة" والتي لم احضر زمانها
ولكني وثقت لبعض من دورها التاريخي
في حياة الأسرة بالتسجيل عمن حضروا وقتها.
ولولا ان هذا منبر عام لحدثتكم عنها الكثير! |
التوثيق لاي تجربة حياتية جدير بالنشر ..
فما بالك بتجربة حياتية ذات دور دور تأريخي يا عزيزي ..
| |
|
|
|
|
|
|
|
|
|
Re: أسماء سودانية مدهشة (Re: محمد حيدر المشرف)
|
الاستاذ بلة البكري
سعداء معاك بهذه الذكريات المليانة حنين
و يا ود المشرف بقينا زي المتحيل الواحد فينا تكبيهو الريشة
و يا مصطفي مدثر
كويس انو قريبك ما قاليهو طلحة بتاع الساعة كم
شكرا لكم ايها الاحباب
تذكر عمنا حمّالي من وجوه القضارف الجميلة و كذلك عمنا ريقل سعيد
و العم حسن سِلُو
و الشاعر خليل عجب الدور
و الشاعر الاستاذ ميرغني تاي الكريم و هو القائل في حفل افتتاح مركز صحي " عبد القادر الخبير" في البرزخ بين حي الميدان و حي النصر
و الشفخانة ست الاسم هي شفخانة حي الميدان
يا شفخانة زحي
و ادي الفرصة
للمركز الصحي
| |
|
|
|
|
|
|
|
|
|
Re: أسماء سودانية مدهشة (Re: طه جعفر)
|
الاستاذ طه جعفر تحياتي
بوست جميل وسوداني اصيل
واسف لم اشاهد البوست الا هذه اللحظة لأنني فتحت بوست بنفس الفهم
ولكن من اللحظة دي دا طرفي منو ياخ!
استوقفني اسم خوجلي حيث لم اجده الا عند السودانيين
فهل من اضافات على الاسم لسبر غوره
كن بخير
| |
|
|
|
|
|
|
|
|
|
Re: أسماء سودانية مدهشة (Re: الامين موسى البشاري)
|
شكرا جزيلا
معتز الصادق
و شكرا جزيلا يا استاذ
الامين موسي البشاري
و زيادة الخير خيرين
ارجو ان تراعي البوست داك برضو و ليكن خيطه مدلولات الاسماء السودانية الخاصة بنا دون غيرنا من اهل الجوار الافريقي او الجوار العربي
لقد استلف احدهم مني كتاب المسيد للراحل المقيم الطيب محمد الطيب و فيه ربما نجد اشارة لفهم معني الاسم
لكنني اظن ان الاخوة النوبيين سيكونون مفيدين في تفسير الاسم
و لا اظن ان الاسم له صلة بمادة "خجل" في القواميس العربية
| |
|
|
|
|
|
|
|
|
|
Re: أسماء سودانية مدهشة (Re: طه جعفر)
|
(QUOTE ): "------- بلة البكري سعداء معاك بهذه الذكريات المليانة حنين"
كلو منك يا طه يا خوي. هبشتنا في الأيد البتوجع! .
والشكر لك مرة اخري. الذكريات المليانة حنين لابد من
كتمها للأسف. المسبّل تبكيه الريشة.
| |
|
|
|
|
|
|
|
|
|
Re: أسماء سودانية مدهشة (Re: محمد حيدر المشرف)
|
شكرا يا د. مشرف، حالك خير ؤزين
تكون دفعة قريبي د. فتح الرحمن دوليب
في الصيدلة جامعة الخرطوم؟ بالرغم من
انه يبدو اكبر منك سنا بسنوات (من الصورة بالطبع)
التوثيق مطلوب لا شك. خاصة وقد سهلت
الأسافير عملية النشر. لكن الوقت نلقاهو كيفن
مع المعايش الجبارة وهموم الدنيا التانيات.
قال ممكون آخر:
الخلاني فرض الخمسة ما اقضيهن
رزق الدنيا والمحن البدودر فيهن
ولك معزتي.
| |
|
|
|
|
|
|
|
|
|
Re: أسماء سودانية مدهشة (Re: ست البنات)
|
| Quote: يا خالد على محجوب المنسي .. البدع ليس عمدة ودرملى ولا حتى من سكان ودرملى وانما مجرد مواطن عادى ويسكن فى قرية واوسي .. وعمدة ودرملى هو العمدة جيب الله سليمان خالد .. والناظر سرور رملي هو ناظر نظار السودان وعموم الجعليين .. ارجو الانتباه حتى لا نخلط الامور كما نرجو التصحيح |
اخي الفاضل محمد احمد
نأسف للخطأ
لكن برضو انت صحح ان ناظر عموم الجعليين هو الشيخ محمد ابراهيم فرح
ولا نعرف ناظر عمومي للجعليين غيره
وهذا ايضاً حتى لا تختلط الامور
وكان الهدف من ذكر الاسم ( الاسم ... البدع وهو من الاسماء الغريبة ولاتجدها في منطقة اخرى من العالم وليس موقعه عمدة او غيره
ولك الشكر على التصحيح )
| |
|
|
|
|
|
|
|
|
 Re: أسماء سودانية مدهشة (Re: ست البنات)
|
مرحبا بكم في السودان ارض النيلين, كلها تمازج ولكن الفكر لا يجمعنا. ذاك مرج البحريين بلا برزخ بين حردلو والشول بين ملييك ومليك ومالك وملوك. هنا السودان عربا سود وسود عرب. وها قد فرقنا الكيزان. وصرنا وطنان وبقي العنوان حزنان. هنا السودان وطنان لا جنبا يشمل ولا شمالا يجنب.
| |
|
|
|
|
|
|
|
|
|
Re: أسماء سودانية مدهشة (Re: Albino Akoon Ibrahim Akoon)
|
| Quote: مرحبا بكم في السودان ارض النيلين, كلها تمازج ولكن الفكر لا يجمعنا. ذاك مرج البحريين بلا برزخ بين حردلو والشول بين ملييك ومليك ومالك وملوك. هنا السودان عربا سود وسود عرب. وها قد فرقنا الكيزان. وصرنا وطنان وبقي العنوان حزنان. هنا السودان وطنان لا جنبا يشمل ولا شمالا يجنب. |
الاخ الحبيب
البينو اكون
بالفعل نجح الكيزان في تمزيق السودان
و انهوا بحروبهم العبثية سنوات و عهود من التعايش بين الثقافات السودانية
شكرا
البينو
علي المرو و التعليق بكلمات رقيقة و جميلة
طه جعفر
| |
|
|
|
|
|
|
|
|
|
Re: أسماء سودانية مدهشة (Re: ست البنات)
|
الأخ طه جعفر :
السلام عليكم
هذا بوست مهم جداً ولكن ينقصه شئ واحد هو شرح رمزية ودلالة هذه
الأسماء السودانية مقارنة بالجهات والقبائل ومناطق عيش وسكن حامليها داخل السودان
وعلاقة هذه الأسماء بالبيئة المحلية والجغرافيا خاصة وأن بعض السكان يسمون أبناءهم
وبناتهم على بعض الحيوانات الأليفة أو الكاسرة تأثراً وبعضهم على النباتات والجبال والتلال
( تورالدبة ) (جدية ) ( قطة ) ( ياسمين ) ( تمر البقيع ) ( النخيل ) ( تمساح الكدرو ) ( نمر )
( سعدة ) ( الغصين ) (زهرة ) ..الخ . أرجو أن لا ينبرى أحدهم وينعت المسألة بالعنصرية .
من الأشياء التى أتذكرها جيداً هى أنَّ اسم المواطن السودانى ( ثلاثياً) كان يساهم بنسبة كبيرة جداً فى منحه
الجنسية السودانية بالميلاد اضافة للملامح العامة واللهجة والسحنة والشهود وذلك حتى أواخر سبعينات القرن
الماضى ..( تاج السر - طه - سرالختم -محمد عثمان ) أسماء شوايقة ( كوكو - كافى - كاكا ) نوبة ( أدروب
فقراى - ايلا ) هدندوة ( قنجارى - لطفى ) مواليد .. الخ وكل ذلك قبل أن يقوم الناس بتغيير ثقافاتهم المحلية
بتغيير أسماء آبائهم وأجدادهم ذوات الدلالات العميقة والرمزية المعبرة الى أسماء من شاكلة ( هيثم - سونا - توحة
ميادة - أماندا - جوليا - سامى - رامى - رهف - ديانا ) ..الخ ولعل المتابع لأسماء بعض الزملاء فى هذا المنبر
يلاحظ ذلك ... رجاء خاص أن يتطوع الأخوة الكرام بايراد أسماء من الواقع الجغرافى القديم مع توضيح معانى
الأسماء ذات الدلالة والرمزية المعبرة فهذا تراث عظيم حرام أن يضيع وسط الزحام السياسى والاقتصادى والهرج
والمرج .. وعاشت الأسامى .
| |
|
|
|
|
|
|
|
|
|
Re: أسماء سودانية مدهشة (Re: خالد علي محجوب المنسي)
|
اخ خالد تحية طيبة ورمضان كريم
ست النفر وست النفور من اجمل الأسماء. والنفر في
اللغة النوبية القديمة هو الحسن (نفرتيتي ونفرتاري).
وقد وردت ابيات الشاعر الشعبي ادناه في رواية
الطيب صالح الأشهر: موسم الهجرة الي الشمال
دركسونك مخرطة وقايم علي بولاد
ؤغير ست النفور الليلي ما في رُقاد
ورود الأسم هنا كصفة (وليس اسما) علمأ كما
هو واضح من السياق. وكلمة (الليلة) و(الليلي) تعني
نفس الشي. وطلما ان البيت لشاعر مجهول انا
زعيم انه ورد هكذا لأسباب ربما سنحت فرصة
اخري لشرحتها.
| |
|
|
|
|
|
|
|
|
|
Re: أسماء سودانية مدهشة (Re: BALLAH EL BAKRY)
|
سلام يا طه وضيوفه
بمناسبة طه نحكي ليك لطيفتين من لطائف طه ... وطه كله لطائف يا طه
من لطائف الحجازيين مع اسمائنا
يقرأ في جواز أحدهم ويلتفت لزميله الشرطي قائلا (ترى السوادنة يسمون الشرطة)
كان الإسم - زمن الجوازات القديمة بخط اليد سين بدون سنون وفوقها شرطتان ممكن تقرأ شين براحة
كان الإسم
السر طه
===
في مطار القاهرة العسكري يقرأ من جواز لأحد تجار الإبل السودانيين: كراريس المقمرطة ... كراريس المقمرطة ولا أحد يجيب
فضل زول واحد
انت اسمك مين؟
اسمي: كرار ياسين المجمّر طه
===
صديقة لنا قالت درست مع زميلة أخرى بعد زمن طويل أكتشفت ان اسم والد تلك الزميلة موسى
الزميلة اسمها مي
وكانو ينطقونها (ميموسة) مثل (ميمونة)
| |
|
|
|
|
|
|
|
|
|
Re: أسماء سودانية مدهشة (Re: Yousuf Taha)
|
حباب الجميع هنا..
كتر خيرك يا طه على هذا الخيط..
كوشي اسم نوبي و يعني كوش..
حليتي.. أي صارت حلوة..
و هنا بعض الأسماء الشائعة في مناطق المسيرية و الحوازمة..
من مناطق الحوازمة..
ام علج..
ام قماش..
النــّمة..
زرع النيل
الرسالة
ضيين..
نوار..
تاور..
الضو..
ضو البيت..
حاشي..
خراشي..
مراهد (ذكر من قبل)..
دبوكة..
دبة
غبوش..
قيدوم
البهرة
كرشوم
حجاجو
العشا
النو
زُمام
دمدوم
الغايب
ماشا
الدود
بريمة
بقادي (ذكر من قبل ، و كان ناظر الحوازمة)
من مناطق المسيرية..
دُوّه (حبوبتي ام ابي)
ام سماح (حبوبتي ام امي)
ام جديان..
امخيان
ام بخت (ذكر من قبل)
عزيلة..
هيف النيل
جردة..
عياشة
ام عبيسة
عليه
حبابة
حامده
حمده
شقرة
مقبولة
ام عزين
جبلين
مستورة
ام حقين (ذكر من قبل)
ام كلام
فضة
البهيجة
عسكرية
هنيه
بهتينا (بهاء التينة/خلعتينا)
ام هدوم
الصورة
الزالفة
امباي
العابايا
العــُجالة
النماية
سالمه
الحــّلــّولة
ماهلة
نصر
حماد
حمدية (الجزء الأول ينطق كما حمد )
أب دبــّالة
برغوت
الدرنقاس
حميدان
حمدين
حامدين
محمداني
حمدان
حمدون
اللكيب
المعلي
السليك
جميل الله
كـــّبر(فعل ماضي من التكبير للصلاة)
عــُجال
مسار
جاكربوه
حـــُرقاص
علوي
معلا
الصبيح
حديبة
الســُلكاب
ماهل
جبرو
الناير
المنزول
الرحيمة
النعيمة
العمار
شقيفة
عجــّك
الطالب
بــرّام
العردبوس
كليم الله
شايب
جبير
عميرة
حارن
بطران
جبران
جقدول
جادكريم
بخات
الحوش
سرير
قادم
جمعون
(تسعين في المئة من الأسماء المذكورة موجودة في فريقنا ، و اغرب اسمين في فريقنا:بدوي و خضر)
من مناطق النمانج:
سكرتير مالية
لواء
سرير
سوريا (اسم زولة)
لبنان (اسم زولة)
حكومة (اسم زولة)
خرطوم
فاشر
كربوس
باشا
هجانة
كليس
حملون
ودمتم..
كبر
| |
|
|
|
|
|
|
|
|
|
Re: أسماء سودانية مدهشة (Re: Kabar)
|
شكرا اخ كبر.
"كوشي" التي اقصدها اسم لسيدة تنطق مثل نطق "اوشي" عند الهدندوة
ولآن لأسرتها جزور في النيل الأبيض وربما الشرق ايضا
ظننت ان هناك صلة. طبعا الصلة ب"كوش" اول ما تبادر
الي ذهني غير ان نسبتها ل كوش بالياء "كوشي" تضع الأسم
في صورة المذكر اذا كانت القواعد اللغوية هي هي كما
في العربية. فاستبعدت تلك الصلة.
اسم أمخيان ايضا مميز. هل هو أم خيّان (بمعني من لها اخوة)؟
ودمت
| |
|
|
|
|
|
|
|
|
|
Re: أسماء سودانية مدهشة (Re: Yousuf Taha)
|
معظم أهل بلاد العرب لا يستطيعون نقط الأسماء السودانية ، وعلى سبيل المثال في بغداد حينما كنا نذهب لاستخراج بطاقة الاقامة (الهوية) من مكتب شئون الأخوة العرب ، وحينما ينادوا الأسماء تجد أن إسم (الرَيِّحْ) ينطقونه الرِّيح (wind) كما نجد في إسم (مُزِّمِّل) ينطقونه مُزمِل وبنفس النسق لإسم (مُدِّثِرْ)
| |
|
|
|
|
|
|
|
|
|
Re: أسماء سودانية مدهشة (Re: ولياب)
|
الأخ طه جعفر وناس المُسيال جميعا
سلااااام ومحبة ورمضان كريم
أم عزين
معزّة
عِز الحي
صافي الوزنة
وزنو قاسي
أم شوايل
أم عروض
ام نفل
وزينة الدّقون
الفنجري
درب العوج
ود الصّرة
جدي أم شور
خريف الرّازة
الفزرهن
الكيك
الكاكليت
عصّار
المهيل
المُر
ست الفريق
أم أبوها
| |
|
|
|
|
|
|
|
|
|
Re: أسماء سودانية مدهشة (Re: عبدالله عثمان)
|
أخي طه كنت قد أشرت في مداخلة سابقة إلى أن البوست كان سيكون أكثر فائدة ومتعة
لو أنه صيغ بطريقة بحثية ... ردت الأسماء لمدلولاتها القبلية والجهوية ...
عموماً بشكله الحالي أضحى بوستاً ترفيهياً ... رغم أن فيه من المادة البحثية الكثير لكن دون ترتيب ...
من الأسماء التي لفتت نظري عندنا ...
العرس عومو
العز كتر
الصبر نعمة
وكلها أسماء مؤنثة ...
إن كنت شقيق الأخ الدكتور تاج السر جعفر فتحياتي الصادقة له ولأسرته الكريمة ...
فقد ربطتني بهما أخوة جميلة ... فقط كان ذلك منذ أيام الدراسة ...
| |
|
|
|
|
|
|
|
|
|
Re: أسماء سودانية مدهشة (Re: عبد الباقي الجيلي)
|
الاحباب الأعزاء
يوسف طه
كبر (شكرا علي الاسماءمن بادية المسيرية الأماجد)
بلة البكري
ولياب
عبيد الطيب
عبد الله عثمان و لقد اراح اخونا تاج السر نفسه من العناء في عمان و سمي نفسه الدكتور تاج
عبد الباقي الجيلي
شكرا لكم و لقد نورتم البوست باشراق الثقافات السودانية و اظننا جميعا قد نعلمنا مالم نكن نعلم
حول انفسنا واهلنا فليدم هذا التعاون و لتظل جذوة البوست متقدة
و فعلا يا عبيد الطيب و من ينسي آل الله جابو و آل كرجوس في حي الميدان
طه جعفر
| |
|
|
|
|
|
|
|
|
|
Re: أسماء سودانية مدهشة (Re: ابو جهينة)
|
شكرا استاذنا الكبير ابو جهينة
نورت البوست يا غالي
و يا استاذ عبد الباقي ليه لا ما نقوم بالتصنيف و البحث
اليومين ديل صاحبك مريض شوية لولا ذلك لفعلتها
طه جعفر
| |
|
|
|
|
|
|
|
|
|
Re: أسماء سودانية مدهشة (Re: طه جعفر)
|
بعض الأسماء التي أو رتموها ضمن الأسماء الغريبة أو العجيبة فهي ليست كذلك ولكنها أسماء نوبية
وبعضها أسماء ذات دلالات معلومة مثل نقد الله فهي تعني بالعربية عبد الله وهي من اللغة النوبية لهجة أوشكرين والآنداندي التي يتحدث بها الناس في دنقلا وبلاد الكنوز في مصر
وعندنا ايضا لذات الاسم عبد الله اسم أوشي وتعني عبدة اي عبد الله في اللغة النوبية لهجة الفدجة التي يتحدث بها النوبين في حلفا والسكود والمحس وجنوبي أسوان
| |
|
|
|
|
|
|
|
|
|
Re: أسماء سودانية مدهشة (Re: محمد داؤد محمد)
|
Quote: هي أسماء سودانية, إستلت حروفها ومعانيها من صميم المجتمع,
كما لها دلالاتها المستغرقة في جبنا الثقافي وحياضنا الإجتماعية
السودانية. وحين نحيل تلك {الدهشة} إلى لب الواقع, فسوف تختلف
مدخلات ومخرجات هذا الموضوع ... وباكرا قال نزار قباني ... أسخف
ما نحمل يا سادتي الأسماء.
عزيزي ... طه ... تسلم,
يعني الزول إلا إكون إسمو طه جعفر ... ههههه
... وتمسي على خير |
عزيزي ... طه جعفر وضيوك الكرام ... تسلموا,
كنت أعتقد أن عندما تقول بأن إسم فلان {مدهش}
فهذا ينطوي على سخرية أو نزعة هجومية. وفي
بالي الإحتقانات التاريخية ذات الوشج بموضوع
الهوية السودانية, والذي له حساسيته البالغة هذه
الإيام. فحبيت أعمل دروة أو خط رجعة إن تشعب
الأمر. لكن يبدو أن ما يزال غمار الناس طبيعيين
وأن الموضوع ليس أكثر من أسماء , ومن دوال
على رحى خاطر طيب. فأعتذر بهذا عن مداخلتي
عاليه ... وتقبلوا عرفاني ومودتي
| |
|
|
|
|
|
|
|
|
|
Re: أسماء سودانية مدهشة (Re: HAYDER GASIM)
|
Quote: عزيزي ... طه جعفر وضيوك الكرام ... تسلموا,
كنت أعتقد أن عندما تقول بأن إسم فلان {مدهش}
فهذا ينطوي على سخرية أو نزعة هجومية. وفي
بالي الإحتقانات التاريخية ذات الوشج بموضوع
الهوية السودانية, والذي له حساسيته البالغة هذه
الإيام. فحبيت أعمل دروة أو خط رجعة إن تشعب
الأمر. لكن يبدو أن ما يزال غمار الناس طبيعيين
وأن الموضوع ليس أكثر من أسماء , ومن دوال
على رحى خاطر طيب. فأعتذر بهذا عن مداخلتي
عاليه ... وتقبلوا عرفاني ومودتي |
عزيزي حيدر قاسم
مرورك علي البوست بالدنيا
الفكرة انو هنالك اسماء سودانية ذات دلالات مدهشة
و بلا شك لبعض الاسماء حمولة ثقافية محددة
الجمال كله في ان هذه الاسماء و اصحابها يتعايشون في الجوار المديني
و بالتكرار يصير الاسم المدهش عاديا يعني مثلا الاستاذ الراحل احمد الجابري
يحمل اسما مدهشا و لكنه في القضارف عادي جدا
ود كُر مِنُو
نحن نطق الاسم كأنه ما فيش حاجة خاصة اهلنا الكبار و لقد جربت قول الاسم امام اصدقاء من مدن أخري فكانت دهشتهم كبيرة من الاسم
| |
|
|
|
|
|
|
|
|
|
Re: أسماء سودانية مدهشة (Re: طه جعفر)
|
ساتي وشمد (شمت) من الاسماء المنتشرة عند النوبة في الشمالية بس هي اسماء قديمة وحتى لو في شاب يحمل واحدة من الاسماء دي بيكونوا سموهوا على جده
ملاك وعبدالعاطي وعبدالرسول اسماء شائعة في السودان لكنها ممنوعة في السعودية بالقانون لأنها (تخالف الشرع)
| |
|
|
|
|
|
|
|
|
|
Re: أسماء سودانية مدهشة (Re: طه جعفر)
|
العزيز طه
لاول مرة اشوف البوست دا
لما دخلت طوالى حسيت انك عايز تتطرق لمدلولات الاسماء
عند السودانيين .. ذى ما قالوا كتير من الزملاء ,,,
فى اسماء كدا مجرد نطقها بديك صورة فوتغرافية كاملة
لشكل الزول واثنيتو ودينو وقبيلتو امكن ...
الاسماء الغريبة وال هى صفات وليست اسماء
كما ذكر واحد من المتداخلين دايما ما كانت تطلق
فى الشمال النيلى والوسط .. على الاسر المسترقة
من رجال ونساء وحتى ابناءهم فهل الكلام دا صحيح ؟
هل الاسماء ساهمت فى ضرب حصار اجتماعى على اسر
عريقة هى جزء صميم ومهم من نسيجنا الاجتماعى ؟
هل كانت تلك الاسماء اجبارية على تلك الاسر ؟
هل حملت الاسماء جزء من غيبوبتنا الثقافية على مر حقب متواليه ؟
ــــــــــــــــــــــــــ
وعشان ما نتحامل على الوسط والشمال النيلى
هذه العادة القبيحة اى الرق مورست فى كل انحاء السودان ..
اهلنا فى الغرب وفى الشرق وفى الجنوب عرفوها وكانت لكل
منهم طبقات مسترقة .... بس انا اتكلمت عن العرفناهو ...
| |
|
|
|
|
|
|
|
|
|
Re: أسماء سودانية مدهشة (Re: دينا خالد)
|
Quote: العزيز طه
لاول مرة اشوف البوست دا
لما دخلت طوالى حسيت انك عايز تتطرق لمدلولات الاسماء
عند السودانيين .. ذى ما قالوا كتير من الزملاء ,,,
فى اسماء كدا مجرد نطقها بديك صورة فوتغرافية كاملة
لشكل الزول واثنيتو ودينو وقبيلتو امكن ...
الاسماء الغريبة وال هى صفات وليست اسماء
كما ذكر واحد من المتداخلين دايما ما كانت تطلق
فى الشمال النيلى والوسط .. على الاسر المسترقة
من رجال ونساء وحتى ابناءهم فهل الكلام دا صحيح ؟
هل الاسماء ساهمت فى ضرب حصار اجتماعى على اسر
عريقة هى جزء صميم ومهم من نسيجنا الاجتماعى ؟
هل كانت تلك الاسماء اجبارية على تلك الاسر ؟
هل حملت الاسماء جزء من غيبوبتنا الثقافية على مر حقب متواليه ؟
|
كلامك سليم تماما
و نضيف إليه كانت عائلات السودانيين ممن يتكلمون العربية كلغة أم
تطلق اسماء مخصصة بالاساس للارقاء علي اولادهم و بناتهم لدرء خطر ما مثلا وفيات المواليد
هذا التقليد يعكس بجلاء التحيزات العرقية حتي علي مستوي الاسماء
بمعني ان للاسم حمولة ثقافية كاملة طبقية، عرقية و دينية لان الاسم جزءاصيل من الثقافة
في السودان اليوم تبدل الحال قليلا و انفك الحصار المضروب اصلا علي المهمشين نتيجة لنضالات المهمشين من اجل التحرير و الحقوق
انعكس ذلك علي الاسماء نتيجة لارتفاع الوعي بموضوع الحقوق الاجتماعية و قضايا التهميش
| |
|
|
|
|
|
|
| |
طه جعفر
معاوية عبيد الصائم
HAYDER GASIM
Hisham Osman
ولياب
عبدالله عثمان
سامى عبد المطلب
محمد المرتضى حامد
MOHAMMED ELSHEIKH
عبد الباقي الجيلي
عمر السلمة
BALLAH EL BAKRY
قسم الفضيل مضوي محمد
مجاهد محمد الهادي
محمد نور عودو
خالد علي محجوب المنسي
د.محمد بابكر
ست البنات
محمد حيدر المشرف
معتز الصادق
mustafa mudathir
الامين موسى البشاري
Albino Akoon Ibrahim Akoon
عباس فوراوى
Kabar
عبيد الطيب
ابو جهينة
مهدي صلاح
دينا خالد
عبدالحفيظ حسن
حبيب نورة
فيس بوك
تويتر
انستقرام
يوتيوب
بنتيريست