|
|
 من بركات عدم نزول الأمطار!
|
وحيث أن أمر المؤمن كلو خير؛ فسوف يتسبب عدم هطول الأمطار في جفاف المراعي
الأمر الذي سيرغم الرعاة على عدم الاحتفاظ بالبهائم؛ ما سيؤدي لانخفاض أسعار اللحوم التي
ارتفع سعرها - جنونياً - خلال السنتين الفاتو من نحو 12 جنيه لكم وخمسين جنيه للكيلو جرام الواحد!
|
|
  
|
|
|
|
|
|
|
|
Re: من بركات عدم نزول الأمطار! (Re: Hussein Mallasi)
|
أو ربما تموت البهائم جوعاً فيتقلص المعروض منها فيصبح سعر الكيلو 75 ألف جنيه ..
تخريمة :
الأمطار في السعودية بقا إسمها كاشف الفساد .. وصنّفت بأنها أفضل لجنة يتم تكوينها للكشف عن الفساد وما أن تشييل السحابة ساااي إلا وتلقى رؤوساء البلديات شالوا هم من قرار ملكي يصدر غدا بتشكيل لجان المحاسبة..
| |
|
|
|
|
|
|
|
|
|
Re: من بركات عدم نزول الأمطار! (Re: Hussein Mallasi)
|
ومافكرت في الرعاة المساكين الحايضطروا يبيعو بهائهم بالرخيص عشان تأكلها انت في وجبة الغداء ؟
طيب سيبك من دي
مافكرت انت في روحك دي لمن تأكل انت نصف البهائم ويأكل الجفاف النصف الآخر، السنة الجاية حاتاكل شنو ؟!!
| |
|
|
|
|
|
|
|
|
|
Re: من بركات عدم نزول الأمطار! (Re: Hussein Mallasi)
|
ملاسي رمضان كريم ياخ
زكرتني بي زميلنا في المدرسة الابتدائية مدرس العربي قال اكتبو انشاء عن فصل الخريف قام كتب:
"جاء الخريف وهطل المطر وبرد الجو ونبت العشب واكلت البهائم وامتلئت نهودها باللبن وشبعت الحملان ونطتت وشقشقت العصافير وطارت من غصن الي غصن كأنما زرقت لها ملحة"
ههههههههههه
باقيلك تاني الكيلو بينزل من الخمسين دي؟
دي خمسين واتجرت خلاس يا مان
| |
|
|
|
|
|
|
|
|
|
Re: من بركات عدم نزول الأمطار! (Re: Hussein Mallasi)
|
Quote: حيث أن أمر المؤمن كلو خير؛ فسوف يتسبب عدم هطول الأمطار في جفاف المراعي
الأمر الذي سيرغم الرعاة على عدم الاحتفاظ بالبهائم؛ ما سيؤدي لانخفاض أسعار اللحوم التي
ارتفع سعرها - جنونياً - خلال السنتين الفاتو من نحو 12 جنيه لكم وخمسين جنيه للكيلو جرام الواحد! |
مجرد سؤال :أنت جادى ولا بتمزح؟؟.
| |
|
|
|
|
|
|
|
|
 Re: من بركات عدم نزول الأمطار! (Re: Hussein Mallasi)
|
Quote: جادي طبعاً .. فحين توفرت الأمطار واخضرت المراعي احتفظ
الرعاة بما لديهم فتضاعفت أسعار (الثروة الحيوانية) أربعة أضعاف! |
يعني عايز تعمل لينا المسعلة سبع بقرات سمان، وسبع بقرات عجاف،
واللآ عايز تمز مِز ؟؟؟.
ملاسي عليك الله ما تخجل وورينا، بتحبها شيّة واللآ بالفرن،
واللآ بالحجر ؟؟؟...
| |
|
|
|
|
|
|
|
|
|
Re: من بركات عدم نزول الأمطار! (Re: anwar abu gaidaa)
|
يااخي ملاس،من رفع سعر البهائم الدولة،قطعان،وخممان،وجبوان،وتصدير، ياخي سيد السعية احاحي في السماء محاحي،شالت ختت،تمرقا انت بندق في مطر،اللهم انزل القيس،اللهم انزل القيس. ارجو ايقاف صلات الشكر لعدم نزول المطر،قبال اجيكم ناس البوست البحاحو في المطر،وتبقي ميداني رابعة والتحرير.
| |
|
|
|
|
|
|
|
|
|
Re: من بركات عدم نزول الأمطار! (Re: طاهر بدر)
|
| Quote: من بركات عدم نزول الأمطار! |
ان اعترف الرئيس اخيرا بظلم العباد
واقر لاول مرة ان اياديهم ملطخة بالدماء .....
ــــــــــــــــــــــــــــــ
الخرفان هينة !
انت بتشترى من وين ب 50 ؟؟ الشامى من زمااااان الكيلو ب 60 ...
| |
|
|
|
|
|
|
|
|
 Re: من بركات عدم نزول الأمطار! (Re: دينا خالد)
|
| Quote: جاء الخريف وهطل المطر وبرد الجو ونبت العشب واكلت البهائم وامتلئت نهودها باللبن وشبعت الحملان ونطتت وشقشقت العصافير وطارت من غصن الي غصن كأنما زرقت لها ملحة |
هههههههههههه بحتفظ بي حق التعليق بعد الفطور
| |
|
|
|
|
|
|
|
|
|
Re: من بركات عدم نزول الأمطار! (Re: الامين موسى البشاري)
|
طيب سمح
تفكر في امر الرعاة المساكين الخ الخ
طيب خليني اشرح ليك
عدم نزول الامطار مامقصود بيهو عدم نزولها تماما لانو لو مانزلت كلو كلو ما اللحم براهو البيرخص، البني آدم ذاتو بيرخص والموت كان مادقشك في حلتكم حاتجيك ريحتو
يبقى عدم نزول الامطار البيفشل موسم الزراعة ده من مصلحة الرعاة اكتر شي، لانو المساحات الكانت مخصصة للزراعة حاتبقى مراعي، بالتالي العلف حايكون راقد ورخيص وحايتحكم فيك الرعاة الداير تنتهي منهم ديل ويمنعو عنك شيّة الغداء الا تدفع فيها دم قلبك
مش كده وبس لا كمان كل المنتجات الزراعية حاتبقى غالية بي سبب الشح، طبعا ده غير التأثير بتاع انو كل المزارعين الفي الهامش حايغزو المدن بحثا عن العمل وده البيضايقك ذاااتو :)
ياخوي داير نصيحتي؟ امش شوف ليك تبروقة واقعد ابكي واتنخج وادعو ربنا ينزل المطر :)
نصيحة تانية
في بوست كاتبو الطيب شيقوق امشي اقراهو بتلقى فيهو ونسة لطيفة ومعلومات مهمة عن الجزء الصغير الباقي من السودان خارج ولاية الخرطوم
| |
|
|
|
|
|
|
|
|
|
Re: من بركات عدم نزول الأمطار! (Re: خالد عبدالوهاب)
|
Quote: جادي طبعاً .. فحين توفرت الأمطار واخضرت المراعي احتفظ
الرعاة بما لديهم فتضاعفت أسعار (الثروة الحيوانية) أربعة أضعاف! |
اذا امطرت وربت ...
كانت سنة طيبة تكثر فيها الزكاة ,فاهلنا الرعاة يعرفون زكاتهم كما يعرفون صلاتهم ...
رحمة المطر تسع الجميع ويعم الخير الكل ...
عدم هطول المطر يعبر عن فساد الحاكم وعدم اخراج الزكاة..
كان امير المومنين هارون الرشيد ينظر الى غمام السماء ويقول امطرى حثما شئتى فخراجك يصلنى .....!!!!
الاستاذ ملاسى الفيل الفيل اطعن الفيل وخلى التفاكر لو سمحت فنحن نعيل على امثالك كثيرا ....
| |
|
|
|
|
|
|
|
|
|
Re: من بركات عدم نزول الأمطار! (Re: الامين موسى البشاري)
|
Quote: جادي طبعاً .. فحين توفرت الأمطار واخضرت المراعي احتفظ
الرعاة بما لديهم فتضاعفت أسعار (الثروة الحيوانية) أربعة أضعاف! |
طالما قلت جادى نحن كمان نكون جادين معاك:يا عزيزى اولا اذا قل المطر وجفت المراعى كما تمنيت وباع الناس لك اللحم بالرخيص
وجزء منها مات بسبب الجاف يعنى بالكتير سنتين فأنك تتمنى اللحم بالغالى ولا تجده لانه سوف يكون مستورد مثل السيارات وقطع الغيار
فهمت ولا لسع ؟
ثم يا اخى فى نظريه اقتصاديه اسمها نظريه العرض والطلب ببساطه كلما زاد الطلب قل العرض والعكس صحيح ..جفاف المراعى تموت معظم الحيوانات
بالتالى المعروض فى السوق حيكون قليل بالتالى الطلب عليها حيكون كبير وبديهيا حتغلى ربما الكيلو بدل 50 يصل 100
معليش طولنا لك الشرح يا ريت تكون فهمت.
| |
|
|
|
|
|
|
|
|
|
Re: من بركات عدم نزول الأمطار! (Re: Hafiz Bashir)
|
Quote: وحيث أن أمر المؤمن كلو خير؛ فسوف يتسبب عدم هطول الأمطار في جفاف المراعي
الأمر الذي سيرغم الرعاة على عدم الاحتفاظ بالبهائم؛ ما سيؤدي لانخفاض أسعار اللحوم التي
ارتفع سعرها - جنونياً - خلال السنتين الفاتو من نحو 12 جنيه لكم وخمسين جنيه للكيلو جرام الواحد! |
أنك لا تدري ولا تدري انك هكذا
| |
|
|
|
|
|
|
| |
Hussein Mallasi
عمر الفاروق
بكري الخير
صديق عيسى صالح
معاوية المدير
محمد حمزة الحسين
عبدالعزيز عثمان
سامى عبد المطلب
طاهر بدر
دينا خالد
مرتضى احمد عبد القادر
الامين موسى البشاري
عبداللطيف شريف على
أحمد الشايقي
Hafiz Bashir
الطيب شيقوق
فيس بوك
تويتر
انستقرام
يوتيوب
بنتيريست