|
|
 شايف مهاجرين غانا ونيجيريا في أمريكا وأقعين تجارة البالة
|
سوق أبن ود ستين ألف ربحان
وضمنان مرابحو كمان مية المية . تجارة البالة أكتشاف لبناني أنتشر في شمال وجنوب أمريكا
وبعدها أتمدد في كل مكان .
في المجال ده من الأخوان السودانين في نيويورك شغال زول وأحد وهو صديق عزيز ما داير أجيب أسمو والحمد لله عاملو قرشين حلوات .
بس شايف اليومين ديل أخوانا النيجيرين والغانين وأقعين دقش ضفاري .
( تجارة البالة هي تجارة الملابس المستعملة )
|
|
  
|
|
|
|
|
|
|
|
Re: شايف مهاجرين غانا ونيجيريا في أمريكا وأقعين تجارة البالة (Re: Osman Musa)
|
قبل رمضان بي يومين قابلت الصديق عبدالله 6 PLAN ود أسمو من سنة 1996
قابلتو في شارع ال 23 مانهاتن وهو ضاحك وآخر سعادة .
سألتو شنو يازول جليت سوق السبت ولا شنو ؟
قال : في تجارة الملابس المستعملة دي القلبة التالتة .
وقالها وهو ضاحك نفس الضحكة البتشبه ضحكة المرحوم أحمد سعيد .
قال : التالتة دي عملت ربح صافي 37 ألف دولار . وحالتو بس كونتنر وأحد كبير .
هسع أنا مستعجل عشان الكونتنر الداير أشيلو ده يحصل عيد الضحية في غانا .
| |
|
|
|
|
|
|
|
|
|
Re: شايف مهاجرين غانا ونيجيريا في أمريكا وأقعين تجارة البالة (Re: waleed dawash)
|
عزيزنا ود الدوش
سلامات
ورمضان كريم
لا لا في السودان الحبيب ولا ممنوعة ولا حاجة .
بس الناس ما جايبين خبر . والناس الناقشين اللعب ومن سنة 1978 شغالين فيها
عملوا منها لواري و عمارات . .
وعندها في الجمارك قانون رسمي للدخول بعد مرور مندوب من وزارة الصحة بكون أصلو موجود في الجمارك .
عشان يعمل الافراج للبضاعة المستعملة .
وكل مستعمل بي سعرو .
يعني المستعمل البجي من أمريكا سعرو يختلف . علي كل حال تجارة البالة شغالة كويس
| |
|
|
|
|
|
|
|
|
|
Re: شايف مهاجرين غانا ونيجيريا في أمريكا وأقعين تجارة البالة (Re: شهاب الفاتح عثمان)
|
الأخ عثمان موسى
شكراً على أفكارك النيرة في مجالات الهجرة والعمل والبزنس ..
وتسلم يديك وأنت تكتب هذه الكلمات الجميلة عن تجارة البالة:Quote: تجارة البالة أرباح مضمونة
أرباح بهلة .
قروش ساكت كدي في السهلة |
لكن يا أخي تجارة البالة ليست سهلة هكذا ..
والأرباح ليست مضمونة هكذا ..
علينا أن نكون واقعيين ولا نبالغ أكثر من اللازم..
أنا عملت دراسة جدوى في هذه التجارة ..
وجمعت معلومات كثيرة حول هذه التجارة ..
نعم يمكنك أن تجني أرباح طائلة من هذه التجارة .. ولكن هنالك أيضاً مخاطر كثيرة ..
نصيحتي لكل من يفكر في الدخول في هذه التجارة ألا يدخل إلا بالإشتراك مع تاجر ثقة له خبرة سنوات في هذا المجال ..
| |
|
|
|
|
|
|
|
|
|
Re: شايف مهاجرين غانا ونيجيريا في أمريكا وأقعين تجارة البالة (Re: Ali Abdalla Hassan)
|
سلام جميعا
شباب نصحتي خلو الخبز لخبازينو، و التجارة دي ليها ناسها و ليبعد منها الموظفين
و ناس المواهي ما بقدروا عليها و بتجيب ليهم وجع قلب ساكت
قبل عدة سنوات اصدرت الحكومة السودانية اعقاءات على استيراد اللواري
آلاف الناس اشتروا لواري مستعملة و شحنوها السودان، الحصل انهار سعر
ترحيل الطن من بورتسودان للخرطوم، و تبخرت احلام الكثيرين
عشرات الناس ممن اعرفهم اشتروا هذه اللواري بسلفيات و إلى الآن بسددوا
في الارباح،
التجارة عندها ناسها، و دول افريقيا دي ما سايبه، و ناسه خطرين شديد
لو ما عندك شريك موثوق به لا تغامروا ساكت
| |
|
|
|
|
|
|
|
|
|
Re: شايف مهاجرين غانا ونيجيريا في أمريكا وأقعين تجارة البالة (Re: Osman Musa)
|
عزيزنا محمود الدقم
سلامات
طبعن أنت لي هسع قاعد في حبيبتنا لندن .. حليل لندن كرش الفيل
. لندن يا محمود مدينة شبعانة و مسكينة وممكن تعمل فيها فلوس وتعمل فيها الدايرو
لا ربري لا رصاص لا شلاليت .
لو محتاج يا محمود لعنوان أي شركة في لندن ولا مانشستر وفي أي مجال بس قول عوووووك .
وكان برضو لقيت الشركة ومحتاج أي DISCOUNT ما عليك .
ولو داير تجرب تجارة البالة من لندن .
يا أخوي تركب البلو تنزل في فنشلي سنتر بعد الاستيشن تاخد يمين أول يافطة تقابلك دي شركة تجميع بتاعت يهودي
أسمو بنجامين . شوف البحصل شنو .
بس لندن ما مية في المية في تجارة البالة أهلنا الانجليز شوية صعبين في جدع الشيء القديم .
بس أي سلع تانية حبابك ألف .
| |
|
|
|
|
|
|
|
|
|
Re: شايف مهاجرين غانا ونيجيريا في أمريكا وأقعين تجارة البالة (Re: Osman Musa)
|
أخونا عبدالله زول غانا
تخصص ملابس مستعملة فقط وشغال علي خفيف الا أصحابنا النيجيرين الشواطين ديل بتاعين كلو
ورأس المال عندهم كبير لدرجة الخوف .
يعني وأحد منهم دخل في بيعة بتاعت 60 BOAT
60 يخت مستعمل وعمل ليهم صيانة تمام يعني يتشاف زي الجديد ال LIGHTS و ال CARPET و صيانة عامة .
يعني دي حيضرب فيها ضربة العمر .
الناس ديل ما كان عندهم كتير و من 13 سنة كلهم كانو فارشين جمبنا في سوق السبت .
| |
|
|
|
|
|
|
|
|
|
Re: شايف مهاجرين غانا ونيجيريا في أمريكا وأقعين تجارة البالة (Re: Osman Musa)
|
نيويورك
وشيكاغو
وجدة
ودبي
وأبوظبي
ديل أسهل مدن تقدر تجمع فيهن الملابس المستعملة الجيدة .
30 في المية من الشباب والشابات في نيويورك بجدعوا هدوم السنة الفاتت .
وطبعن أي ماركة شكلها يختلف عن شكل السنة القبلها
عشان كدي ما في زول عايز يوري أصحابو أنو هو لابس حاجات السنة الفاتت .
ده السبب البكتر الملابس المستعملة في المدن الامريكية الكبيرة وبتكون بي حالة جيدة وده المطلوب في السوق .
نفس الشيء في دبي
بس في دبي ما عشان قصة ماركة قديمة . في دبي القصة قصة شبع .
وده برضو سبب لوجود البضاعة .
| |
|
|
|
|
|
|
|
|
|
Re: شايف مهاجرين غانا ونيجيريا في أمريكا وأقعين تجارة البالة (Re: Osman Musa)
|
في السعودية برضو النيجيرين وناس غرب افريقيا بالاضافة للصومالين ماسكين السوق بتاع المستعمل
من اشهر اسماء هذه التجارة لو كنت اذكر جيدا في السودان
سوق القانص
دنقر شيل
المرحوم قدرك
سوق القانص دا كان في نواحي السوق الشعبي بالاضافة للملابس المستعملة فيهو قسم معتبر جدا للبضائع المسروقة بخلاف الملابس واسمه الدارج سوق الحرامية الي ان تم استبدالها بسوق القانص
| |
|
|
|
|
|
|
|
|
|
Re: شايف مهاجرين غانا ونيجيريا في أمريكا وأقعين تجارة البالة (Re: اساسي)
|
سلامات يا أساسي
في نيويورك يا أساسي في أسرة سورية يهودية كبيرة جدا أسمها أسرة العجان
العجانيين ديل هم الكامشين نفس ( القمامة ) في الولايات الخمسين يعني مافي منديل وأحد قديم في البلد أتباع
الا و هم عندهم خبر .
أي وأحد من الأسرة دي عندو موبايل 36 شنكل وساكي الدلاقين .
الشغل في مجال جراحة الدلاقين يا أساسي في هادي البلاد دهب أحمر .
تخيل كم كونتنر في السنة بيطلع من ولاية زي ولاية كلفورنيا ؟
| |
|
|
|
|
|
|
|
|
|
Re: شايف مهاجرين غانا ونيجيريا في أمريكا وأقعين تجارة البالة (Re: Osman Musa)
|
لذيذ ومضحك جدا الحديث عن مشاكل تصريف البضاعة مع النيجيري عمورو
عمورو زول نشيط وملحلح وعايز يقلب سريع بس بشتكي من قصة أنو أهلو التجار النيجيرين صعبين في الدفع .
وده السبب الخلاهو يحول الشغل لجنوب أمريكا .
قال : السفرية بتاعت غواتيمالا في 3 أسابيع عملو مية ألف دولار ربح من 3 كونتنر صغير وحالتو جدع البضاعة جدعة .
يعني لو صبر شوية كان جابت مية وعشرين .
وقال هو هسع بحاول يكبر في رأس المال عشان يدخل في شراكة مع زول سوداني كندي وقال : السوداني ده كاتل الدجاجة .
| |
|
|
|
|
|
|
| |
Osman Musa
waleed dawash
شهاب الفاتح عثمان
Ali Abdalla Hassan
Hatim Elmaki
محمود الدقم
اساسي
garjah
فيس بوك
تويتر
انستقرام
يوتيوب
بنتيريست