|
Re: إفطار بورداب الامارات يوم السبت 18 رمضان بدار النادي السوداني دبي (Re: محمد البشرى الخضر)
|
شكرا الزنجي الاخوان معروف وابوحتوت تقبل الله منكم الصيام والقيام طبعا زي ما قال الزنجي كانت مشاورات مضنية و مارثونية عبر ثلالث قارات ( الفحل) المهم كان الاتفاق ان يكون الفطرو السنوي السنة تواصل مع الجالية والمكان النادي لكن لتقصير مننا تم حجز الجمعة بالنادي لفطور جهة ما . وكان انامنا خيارين اما السبت 18 رمضان او الجمعة 25 رمضان المهم بعد شيل خت و شيل وخت اجمعن الاغلبية علي السبت
لكن ما عندنا مانع ويسر بالنا لو ناس العين قالوا الجمعة 25 رمضان عندهم
| |
|
|
|
|
|
|
Re: إفطار بورداب الامارات يوم السبت 18 رمضان بدار النادي السوداني دبي (Re: الشيخ سيد أحمد)
|
مرحب بيكم يا ابو رغيم في العين وفي اي مكان بس ما عصرتوا علينا بي (اتفقنا) و (اتشاورنا) و (ما عندنا مانع) وهلم الضمير (نا) الذي ليس لنا فيه نصيب!! ثم يا ابورغيم ما المعني بالتواصل مع الجالية هل دا افطار بورداب سودانيز السنوي المعتاد و الذي هدفه الرئيس احياء التواصل بين البورداب أم شيئ آخر, دخلونا معاكم في الصورة يا اخوانا
يا الشيخ كيفك, ماكابي جرسة من المشوار بل كابيها من الموعد فالمشوار الكنت ح اقطعه يوم الجمعة التي كان الإتفاق عليها في البوست السابق وبسببه أجلت ارتباطات أخرى ليوم السبت هو نفس المشوار المفروض اقطعه يوم السبت المعني والذي لن اسعد للاسف بلقائكم فيه
| |
|
|
|
|
|
|
Re: إفطار بورداب الامارات يوم السبت 18 رمضان بدار النادي السوداني دبي (Re: محمد البشرى الخضر)
|
تحياتي يا شباب وتصوموا وتفطروا على خير يا الزنجي في البوست السابق كانت في اقتراحات من الناس عن زمان ومكان الإفطار ولكن للاسف تم تجاهلها وعدم الرد عليها من قبلك انت صاحب البوست لتخرج علينا بهذا البوست الذي ينسف كل الاقتراحات المقدمة من قبل البورداب... اول موضوع ، المفروض الافطار يكون يوم جمعة وبالفعل تم تحديد يوم الجمعة 17 رمضان ولما كان النادي السوداني محجوز يوم 17 رمضان تم الاتفاق خارج البوست بان يكون الافطار يوم السبت 18 رمضان حتى يفرض علينا النادي السوداني بدبي ... طالما الامور تفرض بهذه الطريقة ما كان في داعي للتشاور من اصلو... للاسف هناك ناس عاوزين يفرضوا علينا النادي السوداني دبي ليكون هو مكان لجميع المناسبات التي يقيمها بورداب الامارات ضاربين عرض الحائط باقتراحات بقية الاعضاء...
| |
|
|
|
|
|
|
Re: إفطار بورداب الامارات يوم السبت 18 رمضان بدار النادي السوداني دبي (Re: Nasruddin Al Basheer)
|
مرحب يا شباب
كتبت قبيل كلامي في الفيس بوك وهسع حا اكتبه بي فوق وياريت الناس يفهمونا بصورة صحيحة من غير اي حساسية وليكم الحب جميعاً
معليش يا أخوانا نحنا ظروفنا ما بتسمح لينا لأنه بصراحة نحنا بنجي الفطور وبنطلع متأخرين وما بنمشي ابوظبي بنقعد نضهب ونتم باقي شماراتنا وونستنا في فريج المرر وناخد لينا لفه في خجانين دبي وبرجع وش الصباح لي أبوظبي
المشكلة يوم الأحد الصباح دوام وأساساً الفطور دا أنا بجيه عشان ابل شوقي بالشباب ونفت الشمارات والقطيعة وباقي المساخر فلو جيت يوم السبت ما حا القى وكت للشمارات والقطيعة فمافي فايدة
الشيئ التاني كلام المشاورة في البوست الأول نحنا قلنا كلام لكن مع الأسف تم تجاهلنا وعادي مافيها حاجة لكن بالنسبة ليوم السبت دا مافي زول شاورنا وياريت تختونا تاني في الشورة ولو ما ختيتونا عادي برضه ما فيها حاجه بس راعو ظروفنا لو بتحبونا وبتهمكم جيتنا
والله اقتراحي الأول كان يوم 10 الفات وكان مناسب وجميل وكان حايكون فيه حضور كويس مافي زول ناقشه ولا اهتم بيه برضه عادي ياريت تسمعونا وتدونا فرصة برضه
هسع أنا مع راي ودالبشرى يوم الجمعة في دانيال او اللوتس أو أي مكان تاني ويكون احسن مكان جميل ومناسب ومرضي للجميع
بالنسبة للأفطار بتاع العين الأفطار دا قائم قائم بس كنا منتظرنكم تبتو لينا في موضوع الأفطار لكن لو الراي بقى على يوم السبت ممكن نعمل افطار يوم الجمعة عشان يحضروه الناس الما بقدروا يحضروا حق السبت في دبي
بصراحة تاني حكاية النادي السوداني دي ثقيلة وبايخة (وجهة نظري) اللوتس جميل ومناسب وفيه خصوصية اكتر ولو بقيتوا عليه عليكم الله ما تشغلوا المايكرفون وكان شغلتوه النبي فيكم الطيب عثمان يوسف ما يمسكوا
| |
|
|
|
|
|
|
Re: إفطار بورداب الامارات يوم السبت 18 رمضان بدار النادي السوداني دبي (Re: saidahmed shami)
|
Quote: للاسف الشديد ما حنقدر نحضر الافطارين السبت صعب لانو الاحد دوام والجمعه صعبة لانو السبت برضو شغالين
أقترح الافطار يكون يوم الجمعة 17 رمضان وان شاء الله نكون معاكم
|
ابوايمن جننت المعلقة جن يوم السبت ماب تقدر عشان شغال الاحد ويوم الجمعة ماب تقدر عشان شغال السبت طيب مقترج الجمعة لي شنو طالما السبت والجمعة معاك واحد ؟؟؟؟؟؟؟
اسمع السماية متين ؟؟؟؟؟؟؟
| |
|
|
|
|
|
|
Re: إفطار بورداب الامارات يوم السبت 18 رمضان بدار النادي السوداني دبي (Re: Nasruddin Al Basheer)
|
الاخ الحبيب والصديف نصرالدين البشير
Quote: تحياتي يا شباب وتصوموا وتفطروا على خير يا الزنجي في البوست السابق كانت في اقتراحات من الناس عن زمان ومكان الإفطار ولكن للاسف تم تجاهلها وعدم الرد عليها من قبلك انت صاحب البوست لتخرج علينا بهذا البوست الذي ينسف كل الاقتراحات المقدمة من قبل البورداب... اول موضوع ، المفروض الافطار يكون يوم جمعة وبالفعل تم تحديد يوم الجمعة 17 رمضان ولما كان النادي السوداني محجوز يوم 17 رمضان تم الاتفاق خارج البوست بان يكون الافطار يوم السبت 18 رمضان حتى يفرض علينا النادي السوداني بدبي ... طالما الامور تفرض بهذه الطريقة ما كان في داعي للتشاور من اصلو... للاسف هناك ناس عاوزين يفرضوا علينا النادي السوداني دبي ليكون هو مكان لجميع المناسبات التي يقيمها بورداب الامارات ضاربين عرض الحائط باقتراحات بقية الاعضاء... |
صحيح ما ذكرتة باننا اتفقنا علي يوم الجمعه ولكن هنالك ملابسات حدث كان من المفترض اعلامكم بها لعدم وجود امكانية الافطار فى اليوم الذى اتفقنا علية سابقا وبعد ان تشاورنا وصلنا الي تحديد اليوم والمكان حتى تنتهي المساجلات والتنظيرات بالنسبة للنادي العربي بالشارقة قت بالتواصل معهم ووجدنا الصالات محجوزة فلم يكن لدينا خيار سوي النادي السوداني بدبي المحجوز يوم الجمعه لجهه ما
| |
|
|
|
|
|
|
Re: إفطار بورداب الامارات يوم السبت 18 رمضان بدار النادي السوداني دبي (Re: محمد البشرى الخضر)
|
Quote: بعد مشاورات مضنية توصلنا الي ان يكون السبت 18 رمضان إفطار بورداب الامارات بدار النادي السوداني بدبي الدعوة لكل البورداب واسرهم وقراء سودانيز اون لاين والمنبر العام لحضور للمشاركة فى الافطار
طبعا زي ما قال الزنجي كانت مشاورات مضنية و مارثونية عبر ثلالث قارات
بس ما عصرتوا علينا بي (اتفقنا) و (اتشاورنا) و (ما عندنا مانع) وهلم الضمير (نا) الذي ليس لنا فيه نصيب!! ثم يا ابورغيم ما المعني بالتواصل مع الجالية هل دا افطار بورداب سودانيز السنوي المعتاد و الذي هدفه الرئيس احياء التواصل بين البورداب أم شيئ آخر, دخلونا معاكم في الصورة يا اخوانا
تحياتي يا شباب وتصوموا وتفطروا على خير يا الزنجي في البوست السابق كانت في اقتراحات من الناس عن زمان ومكان الإفطار ولكن للاسف تم تجاهلها وعدم الرد عليها من قبلك انت صاحب البوست لتخرج علينا بهذا البوست الذي ينسف كل الاقتراحات المقدمة من قبل البورداب... اول موضوع ، المفروض الافطار يكون يوم جمعة وبالفعل تم تحديد يوم الجمعة 17 رمضان ولما كان النادي السوداني محجوز يوم 17 رمضان تم الاتفاق خارج البوست بان يكون الافطار يوم السبت 18 رمضان حتى يفرض علينا النادي السوداني بدبي ... طالما الامور تفرض بهذه الطريقة ما كان في داعي للتشاور من اصلو... للاسف هناك ناس عاوزين يفرضوا علينا النادي السوداني دبي ليكون هو مكان لجميع المناسبات التي يقيمها بورداب الامارات ضاربين عرض الحائط باقتراحات بقية الاعضاء...
يا الزنجي في البوست السابق كانت في اقتراحات من الناس عن زمان ومكان الإفطار ولكن للاسف تم تجاهلها وعدم الرد عليها من قبلك انت صاحب البوست لتخرج علينا بهذا البوست الذي ينسف كل الاقتراحات المقدمة من قبل البورداب... اول موضوع ، المفروض الافطار يكون يوم جمعة وبالفعل تم تحديد يوم الجمعة 17 رمضان ولما كان النادي السوداني محجوز يوم 17 رمضان تم الاتفاق خارج البوست بان يكون الافطار يوم السبت 18 رمضان حتى يفرض علينا النادي السوداني بدبي ... طالما الامور تفرض بهذه الطريقة ما كان في داعي للتشاور من اصلو... للاسف هناك ناس عاوزين يفرضوا علينا النادي السوداني دبي ليكون هو مكان لجميع المناسبات التي يقيمها بورداب الامارات ضاربين عرض الحائط باقتراحات بقية الاعضاء...
|
كل عام والكل بخير
| |
|
|
|
|
|
|
Re: إفطار بورداب الامارات يوم السبت 18 رمضان بدار النادي السوداني دبي (Re: معروف حمدين)
|
الحبيب معروف حمدين
Quote: حبيبنا الزنجي سلامات ورمضان كريم يعني يازنجي لو كان يوم الجمعة بيكون تمام بالنسبة لنا نحن أولاد ( قلبا ) أبوظبي وعارف المشوار ويوم الأحد ورانا مشاغل .. اقترح التعديل حتى يتسني لنا الحضور وأخوتنا فى العين ايضاً ـــــــــــــــــــــــــــــــــــــــــــــــــــــــ الأمر متروك لكم لأتخاذ ماترونه مناسباً ... |
لقد حاولنا ان يكون الافطار الجمعه لكن لارتباطات النادي حالت دون ذلك نتمني حضوركم البهي
| |
|
|
|
|
|
|
Re: إفطار بورداب الامارات يوم السبت 18 رمضان بدار النادي السوداني دبي (Re: الزنجي)
|
Quote: الموضوع كالعادة عدم الاتفاق |
عن اي عادة تتحدث!! العادة الانا بعرفها غايتو انو الغرض من تقليد إفطار البورداب هو تواصل البورداب و العادة كانت مراعاة ظروفهم و الحرص على تواجد أكبر عدد منهم و العادة كانت ان المواضيع تناقش في البوستات وعلى الملأ و الناس بتصل لإتفاق لكن قصة تفضيل التواصل مع الجالية على التواصل مع البورداب و قصة مشاورات وقرارات برة البوستات دي العادة الجديدة علينا
| |
|
|
|
|
|
|
Re: إفطار بورداب الامارات يوم السبت 18 رمضان بدار النادي السوداني دبي (Re: معروف حمدين)
|
سلام أبو حتوت
Quote: يا الشيخ كيفك, ماكابي جرسة من المشوار بل كابيها من الموعد فالمشوار الكنت ح اقطعه يوم الجمعة التي كان الإتفاق عليها في البوست السابق وبسببه أجلت ارتباطات أخرى ليوم السبت هو نفس المشوار المفروض اقطعه يوم السبت المعني والذي لن اسعد للاسف بلقائكم فيه |
مقدر حرصك على مقابلة الأخوان ونحن بدورنا حريصون أيضآ....المهم انو يوم 25 رمضان في العين ...الموعد قائم أم لا؟؟
| |
|
|
|
|
|
|
Re: إفطار بورداب الامارات يوم السبت 18 رمضان بدار النادي السوداني دبي (Re: الشيخ سيد أحمد)
|
معروف يا شقيق
سلامات
Quote: لم أتصور أبداً أن تكون المسألة فرض أمر يمكن أن يكون له معالجات أخري ولم يكن أبداً النادي السوداني هو الخيار الأوحد. ولكن نحترم لكم خيار بدون شورتنا .. عنى أعتذر ونتمني لكم افطاراً هنيئاً .. |
ياخي اللهجه دي فيها زعل ولوم...وما أجمل لوم الأعزاء....مقدر حرصك على مقابلة الشباب وعلى رأسهم الشاب "أبورغيم"....المهم يا معروف إنو إذا ما لاقيناك يوم السبت نتقابل بإذن الله تعالى يوم 25 رمضان في العين بعد تأكيد الموعد من "أبوحتوت".
تحياتي.
| |
|
|
|
|
|
|
Re: إفطار بورداب الامارات يوم السبت 18 رمضان بدار النادي السوداني دبي (Re: عصام علي أحمد)
|
يا شباب من خلى عادتو قلت سعادتو الرجاء الابتعاد عن النادي السوداني نسبة لعدم وجود الخصوصية و الزحمة الشديدة وقت الافطار حيث أن هناك افطارات يومية و موائد رمضانية في النادي من حيث التكلفة النادي السوداني أغلى من الفندق (عن تجربة افطار رابطة الهلال العام قبل الماضى) رغم أن المنيو كان فول و طعمية و سجك...(مقارنةً مع منيو الفندق ) ده لو كان الموضوع موضوع منطق و تكلفة و خصوصية لو كان هناك عوامل أخري تدخلت في تحديد المكان يرجى توضيحها ، لانو النتيجة حتى الآن عشرة صفر لصالح الفندق
عمر غريبة خبير وطني واستراتيجي في تنظيم الافطارات الرمضانية و حبوباتي تعيشو انتو
| |
|
|
|
|
|
|
Re: إفطار بورداب الامارات يوم السبت 18 رمضان بدار النادي السوداني دبي (Re: عبد الله كسلا)
|
مرحباً
الحمد لله الموضوع جاب ليه ناس ما بتجاهلونا يحسسونا إننا غير مرغوب فينا رغم إننا قلنا الافطار دا بنجي عشان الشمارات والونسة ومقابلة بعض الناس البتهمنا مقابلتهم
كتر خيرك يا عصام والله أنت زول محترم وتتحب شديد لكن ياخ ما دايرين نبقى سبب في إلغاء أفطار أخوانا القرروا يفطروا في النادي وهم ممكن عادي يمشوا يفطروا في النادي
بالنسبة للأفطار بتاع العين دا بصراحة هو كان اتفاق دكاكيني بتاع عزابة لأنه الجو بتاع العين الأيام دي ما بسمح بالافطار بالخارج زي الحدائق وكدا وكمان العين ما فيها مطاعم وفنادق زي ما هي متوفرة في دبي ورغم كدا ناس العين مرحبين بينا وعاوزننا
مدام جا أخونا القرضابي الراي شنو نرجع لي فكرتنا الأولى ونعمل الأفطار يوم الجمعة الجايةأو الخميس في فندق اللوتس أو اي فندق مناسب في دبي وبناخد راحتنا ونقدر نرجع مرتاحين لي أبوظبي والعين والأمر دا
بعدين يوم 25 دا بعيد وفي ناس حا تسافر ورمضان زاته حلاوته في أيامه الأولى وأحتمال كبير افطار العين ما يلم ناس زي ما حايلمهم أفطار الخميس أو الجمعة الجاي في الفندق أو مكان خاص
--------
أخواني عثمان رغيم والزنجي والله ماشايف أي سبب تتجاهلوني وتتعاملوا معاي بالطريقة الغريبة دي ولو عندكم أنتو وغيركم أي ملاحظة علي ياريت تتقال عديل بدل التجاهل دا وليكم الاحترام
| |
|
|
|
|
|
|
Re: إفطار بورداب الامارات يوم السبت 18 رمضان بدار النادي السوداني دبي (Re: عفاف الصادق بابكر)
|
Quote: كتر خيرك يا عصام والله أنت زول محترم وتتحب شديد لكن ياخ ما دايرين نبقى سبب في إلغاء أفطار أخوانا القرروا يفطروا في النادي وهم ممكن عادي يمشوا يفطروا في النادي
بالنسبة للأفطار بتاع العين دا بصراحة هو كان اتفاق دكاكيني بتاع عزابة لأنه الجو بتاع العين الأيام دي ما بسمح بالافطار بالخارج زي الحدائق وكدا وكمان العين ما فيها مطاعم وفنادق زي ما هي متوفرة في دبي ورغم كدا ناس العين مرحبين بينا وعاوزننا
مدام جا أخونا القرضابي الراي شنو نرجع لي فكرتنا الأولى ونعمل الأفطار يوم الجمعة الجايةأو الخميس في فندق اللوتس أو اي فندق مناسب في دبي وبناخد راحتنا ونقدر نرجع مرتاحين لي أبوظبي والعين والأمر دا
بعدين يوم 25 دا بعيد وفي ناس حا تسافر ورمضان زاته حلاوته في أيامه الأولى وأحتمال كبير افطار العين ما يلم ناس زي ما حايلمهم أفطار الخميس أو الجمعة الجاي في الفندق أو مكان خاص |
عبدالعزيز اللذيذ تحياتي
اتكلمت مع فندق لوتس قبل شوية وقالوا ممكن يوم الجمعة بشرط اكثر من 30 شخص حتى نتحصل على خصم جيد ولازم التاكيد اليوم اها قلتوا شنو؟
| |
|
|
|
|
|
|
Re: إفطار بورداب الامارات يوم السبت 18 رمضان بدار النادي السوداني دبي (Re: عفاف الصادق بابكر)
|
Quote: أخواني عثمان رغيم والزنجي والله ماشايف أي سبب تتجاهلوني وتتعاملوا معاي بالطريقة الغريبة دي ولو عندكم أنتو وغيركم أي ملاحظة علي ياريت تتقال عديل بدل التجاهل دا وليكم الاحترام |
*** الزنجى ، عثمان رغيم ، للتكرم باجراء اللازم و(شكرن) . لقد وعدت الرجل بمناصرته ظالما أومظلوما ومناصرتكم ظالمين .
*** الافطار فى رمضان دعوة للتآخى و المحبة وازالة ما علق بالنفوس من غبار أم بنايا قش .
*** معروف ، ابو حتحوت ، عبدالعزيز ، عباس ، سألتكم بالله سألتكم بالله سألتكم بالله الفطور دا وين ما كان ومتين ما كان لازم تجو .
صوتكم وصل وفات الحد و الحق معاكم بين وواضح ...
الفطور بي بساطة جدا ممكن يكون يوم الجمعة فى أى فندق دى ما عايزة ليها فهم .
واضح أن هناك من لدية التزام يوم الجمعة من الإخوة المنظمين ... بس نقول شنو ؟ الزنجى أخونا وحبيبنا
وعثمان أخونا وحبيبنا ... واحد فيهم غلطان ما فى شك .
بعد دا كلو وجودكم ضرورى وبتتبلور أهميتو فى وجودكم مع الناس رغم عدم رضاكم (دليل تسامح وسمو).
*** لن أكون متواجد بسسب سفرى للعمرة . استودعكم الله وبالله عليكم ما تحرجونى .
| |
|
|
|
|
|
|
Re: إفطار بورداب الامارات يوم السبت 18 رمضان بدار النادي السوداني دبي (Re: طارق جبريل)
|
Quote: اتكلمت مع فندق لوتس قبل شوية وقالوا ممكن يوم الجمعة بشرط اكثر من 30 شخص حتى نتحصل على خصم جيد ولازم التاكيد اليوم اها قلتوا شنو |
الحبيب / عصام اشكرك جزيل الشكر على حرصك وسعيك لجعل ذلك ممكناً .. والجمعة أقتراح مقبول بالنسبة لمن هم خارج الأمارات الشمالية .. وعن نفسي موافق وربنا ييسر الأمر ـــــــــــــــــــــــــــــــــــــــــــــــــ الطيب السائح تقبل الله مقدماً ولا تنسانا من صالح الدعاء وشكراً للنصيحة الغالية ـــــــــــــــــــــــــــــــــــــــــــــــــ عثمان رغيم المثل ليس فلسطينياً للتصحييح ولكنه ( هندي ) ـــــــــــــــــــــــــــــــــــــــــــــــ طارق جبيريل سيظل بورداب الامارات ( لكوم ) بس هنالك سوء تخطيط لاغير وخليك من الشماته دى !!!!
| |
|
|
|
|
|
|
Re: إفطار بورداب الامارات يوم السبت 18 رمضان بدار النادي السوداني دبي (Re: عصام علي أحمد)
|
مرحب يا عصام
Quote: لم يرد على مداخلتى سوى معروف حمدين فقط كنت محتاج لتاكيد الجميع اليوم واضح انه افطاركم السنه دى مخستك فى دبي ابقوا على افطار 25 رمضان بالعين |
والله ياهو واجبك وما قصرت فيه وأنت ماراجي فيه شكر ولا عرفان والله يحفظ ليك أجرك وياها دي الحتات البنعرف فيها قيمة الزيك وكتر خيرك
أظن ناس أبوظبي والعين سكتوا إلا حياء وخجل ومخلين الكورة في معلب أخوانا الأعزاء في دبي والشارقة والله حاسين بالذنب إننا بقينا سبب في لخبطة افطار السنة والاخوان والله ما قصروا وياريت يعذرونا ويسامحونا
عن نفسي جاهز والله أجيكم من بعد صلاة الجمعة وضامن كمان ناس كتار حا يجوا
ماشاء الله عددنا كتير يفوق التلاتين الوكت ضيق نستغل الفرصة ونأكد يلا يا أخوانا نأكد على الحضور عشان عصام يباشر إجراءات الحجز والترتيب ونسعد بي لقياءكم والله يخليكم
----
بالنسبة لي أفطار العين دا ياهو المجهجه العين دي في الشتاء والرحلات والحدائق لكن الايام دي جهنم وزي ما قلنا ليكم مافيها المطاعم والفنادق الممكن يتعمل فيها افطار بسعر ممتاز ولعدد كبير والناس تاخد راحتها
فياريت الناس تأكد على الحضور عشان نستغل الوكت في الحجز ونعمل افطارنا
في الاخر العفو يا أخوانا والعافية وسامحونا وطلب العفو للأخوان عثمان رغيم والزنجي والله ما القصد وغصب عننا وفطور النادي لو كان يوم تاني غير السبت كنا حضرنا وشرفناكم
| |
|
|
|
|
|
|
|