دائما" كنت إحتار في ياتو نهاية أجمل كانت في الفيلمين الكلاسكيين من أجل حفة دولارات ..ولاّ.. الطيّب.. و..الشرس و..القبيح وياربي إي موسيقى تصويرية مصاحبة كانت أحلى فيهم؟ آها لو في زول سألني طيب شنو لزوم الكلام دا حسي؟ وح تستفيد منو شنو؟ ونحن في منعطف تأريخي خطير بيمر بيهو الوطن وبيمر بيهو برنامج أغاني وأغاني وفي منعطف ديمقراطي أحرج بتمر بيهو المنطقة..ومنعطفات ومنحرجات كتيرة مًحرجة طبعا" وأوف كورس إجابتي ح تكون مافي لزوم ليهو..بس كمان كعادتي البليّدة اللي إتعودت عليها دائما" أقرأ المشاهد بأبعادها الثلاثية يعني أنا قارئ "ثري دايمينشناوي" ودائما القراءة الثري دايمنشنية دي ماقاعدة تخذّلني ودا برجعنا لسؤال الطيّب..والشرس..والفبيح.. وأسبابو فـــ ح تلقو القصة دي متوفرة وبكثرة وكميات نحمد الله عليها.. مثال توضيحي لأفكاري التايهة دي ليس الأ : في حالة مصر: الطيّب كان عمك مرسي ..الشرس هو السيسي و..الآبيح هو الشعب المصري المثال التوضيحي دا ما موضوعنا..لأنو في إعتقادي قتل بحثا" وسيقتل بحثا" طوال الألفية القادمة ــــ موضوعنا البوستات اللي في برارّي أريزونا وقراءتها بشخوصها..الطيّب و..الشرس و..القبيح والفبيح دي علشان نخفف مولاريتها تقرأ "الشليق" باقي ناس البرارّي ديل فيهم واحدين حساسيّن وفيهم القارشين ملحة بعض ساي كدا وفيهم من لايستحمل المزاح بشقّيه الباطل منه..والتاني داك ـــ أها كمان لو إتعولق على سيرفر أريزونا وما جيت راجع هنا أدونا خاطركم...
وينك يا أسئس ورمضانك مبارك وتصوم وتفطر على خير عارفوا البوست وقع ليك تـــــــــب ..فخليك حضور إنت حاضر في موضوع البوست كــطيب أحيانا" وشرس أحيانات
Quote: أمير ممكن تنزل لينا صورتك ؟
ههههههههه شنو يا السماااااني بديت تصرح تااااااني ما إتفقنا إني أكون حكومة الظل وكادر سري في حزبكم حزب الشتات ومبادرتكم اللي ما بيجمع بينهم الأ باسويرد برارّي أريزونا دي على قولة الشرس منتقدا" مبادرتكم..ولاّ ياربي هو كان قبيح ساعتها دا من جهة ومن جهة تانية أنا قاعد في السعودية وإنت عارف زول الجنادرية دااك سفروهو وأبعدوهوا وقالو دا زي سيدنا يوسف عليه السلام بيعمل فتنة لي نساءهم.فيقوم الكلام دا يبقى لي بخروج نهائي ــــ و..جدا" ياحبيب وأصلا" بكرة لو ربنا سهل ماشي مدلدل يديني لفطور بورداب الرياض وقافل على ملاح روب ديقول النصيحة كنت قافل على سي فود من تمبس.. ..بس ياااحسرة شايفوا قال جايب بطيخة أها لو في زول عندو وعلى شرط كاميرا ديجتال تخفى تجاعيد الزمن الأغبر ح إتصور ليك مخصوص..وأعمل ليك بورتريه وضااااحك عسى ولعل الصورة تطلّع أحلى هههههههه رغم إنو المسألة دي يامؤسس مبادرتنا .. في برارّي أريزونا ما محبذة لدواعي أمنية وشيل حالية و..هكذا
07-19-2013, 03:37 PM
حسبو عكاشة حسبو عكاشة
تاريخ التسجيل: 04-25-2010
مجموع المشاركات: 1305
أميرنا يا سيد الظرافة و فايت الناس مسافة اي اكتب لينا و خلينا نقراك يا وصاف بس خلي حساسيتك الزايده دي, عايز الدنيا تبقى المدينة الفاضلة !!؟ ده في زمنك يا حبيب :)
بعدين طلعت في صحراء نجد الكبرى !! و انا القايلك في نواحي اسكندنافيا !! :)
ابقى ظاهر يا عمك شغال تكتب لينا من شهر لي شهر
07-19-2013, 03:44 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: بعدين طلعت في صحراء نجد الكبرى !! و انا القايلك في نواحي اسكندنافيا !! :)
اسكندنافيا مييين يا حسبو ياخ أميرنا دا قاليك بقرا ثري دايمنشن دا غير انو بقرا البوستات كلها بي ملحق الفيس بووك. أمير دا انا متاكد انو كوتات الحبشي الفروم نو وير ديك بكون عارف مصادرها :) الفياقة دي غير عند ناس التعوسية ح تكون عند منو يعني :)
07-19-2013, 03:53 PM
محمد إبراهيم علي محمد إبراهيم علي
تاريخ التسجيل: 08-10-2009
مجموع المشاركات: 10032
إنتو في دا وصورتي الخائف عليها ولاّ الليلة ما لاقيت ليكم عمر الفاروق في ركن الشيشاب بتاع لمّة الرياض قااااعد أكركر ليكم في شيشة ود الصائم سامعوا فاتح موضوع مع محمد إبراهيم علي للأمانة زول تقسيمتوا هااادئة وكان بيحكي عن قصة الترزي الهندي اللي من جاء السعودية لحدي ما رجع ما خيط فستان واااحد..الخ إنتهى من القصّة دي فأجاتو ليكم وبعد ما كركرت لي نفس طوووويل من الشيشة بسؤال واااضح ومبااااشر : يا عمر الفاروق أ ن شاء الله خلصت موضوع السيرة الذاتية عااااين لي كدا في البداية شذرا" ومن عيونو المغرودة القالو عليها ديك جرا لي نور طويل...وبعد ما وقعت ليهو أنا منو وأمير ومدني ياااااا... و..."الدنيا رمضان ياحسبو الله يهدينا ويهديك" إتوقعتو يعمل لي فيها مشهور ويقول لي أوووووووو أمير... ويديني ضهروا بس جاوبني وردّ عليّ بتقسيمتوا الهادئة ورجع سلم عليّ بشكل جنتل ولبق ولذيذ بس من ضمن الأجابة برضوا جاب سيرة طلحة و..قال لي رموش أبو الناس في سري قلت ليهو حليييييييلو هو...وللأماتة برضو حسيت بيهو مامفروض يكون كاسر كرونة معانا في التعوسية بنين دي ..شكلوا إسكندناف..إسكندناف.. بقية القصة طبعا" الحاجات اللي بتحصل في الاستراحات إستي في اللإستراحات ولو جاء هو قال ذيع ...فااااا ح أذيع..... ــــــ ياأساسي الله بسألني إجتهدت ليك في موضوع الصورة دا شديد ومن جيت داخل لقيت تمبس حاضن كمرتو ياتمبس تعال صورني لأساسي قال البطارية بتاعت كمرتوا الديجتال ال800 سي سي ولاّ شنو كدا ماعارف نزلت فأحبطني فااا غايتو معتصم الشفيف كان بصور فـ ماعارف إتصورت ولاّ ما إتصورت أها طيب يا تمبس أقلوا تم لي قصة الحورية .. وأنا ماطالبك سي فود أخو الحورية الأكلتو بالشوكة داك فمد لي من بسبوسة كدا كان بوزعوها هو وزميلة البورد وشكلوا كدا كان بقول لي أحمد سيدك علي دي الظاهر الواحد لو ماعمل ثورة فرنسية زي بتاعت ديقول ما بطلع بشئ. وديقول دا زاتو كنت عايز أواجب نسيبتو ـــــــ ود البشرى يا معلّم يشهد الله مشتاقين ليك وبركة يا أبوي الطلعت من تحليلات مرسي والسيسي وبقيت تناضمنا ..وينعاد عليك الشهر إنت وأحبابك بخير ماااا ماقلت ليك لاقيت ليك ود الصائم وسألتو ليك سؤال أوضح من سؤال عمر الفاروق ..شنو يا ود الصائم قافل مننا بلفك كدا طبعا" عزى الموضوع لإنو مدروش ..قلت ليهو لا لا لا غير الدرشة في شئ تاااااني حسيت ليك إنو فعلا" في شئ تاني ....سكسكتو بالسؤال بس كان ما فاضي لي عندو آخر خمس نسخ من كتاب حبيب نورة بصرف فيهم وبقالع وبجرجر في الخمسينات من أبو حسين وطارق ميرغني و...سبتو وسؤالي معلق وعلى قول الست أم كلثوم للزمـــــن لا عتاااااب لا ندم ..وحاكم إنت ثقافتك الأيام دي مصرية بحتة . ــــــ ياحسبو جايك بي مهلة وأحكي ليك ..ويا محمد إبراهيم يا هندسة رغم تنويهك لي بإنو ما أضرب التأمين بس في صورة بفتش ليها كانت في بيتكم العامر لو لقيتها ومركز تحميل الصور اللي في أريزونا ساعدني ح ألخها والحي الله والكاتل الله. ـــــــ الكتابة اللي بالمتر أعلاه بعيدة عن موضوع البوست وما علشان أنا لاقيت تمبس الليلة ...فقط وليس الأ ..لدواعي عدم ظهور إضف رد..:)
إتفضل يا إسئس صورة شخصنا المتواضع في منزل الهندسة محمد إبراهيم علي وهو ذاتو بيكون لمن جاء قال كلامو بتاع الغموض والتأمين ما ينضرب ما حاسب الدنيا صغيرة قدر كدا وأنو أنا عندي صورة في منزلهم العامر .. آها ياهندسة طبعا" الصورة دي إنت ولا ع بالك لمن قلت كلام الغموض أعلاه وأكاد أجزم إنك ما متذكرها ولا متذكرني ...هههههه والله دي مصادفة من أمها وبالله عليك مافيني شبه من حسبو عكاشة...حسبو عكاشة كدا ولا ما اتسلبط ساااي ــ مالزم توضيحه أن ما في الكباية اللي في الصورة قهوة ...آآآي قهوة دا علشان الرؤس ما تؤدي وتجيب بس كما ن النصيحة ناس ود إبراهيم ديل يشهد الله عندهم قهوة ممكن تخليك تتوفق..وأبصم بالعشرة إنو أفضل قهوة شربتها في حياتي عند ناس ود إبراهيم ..وأنا زول بعرف قهوة كويس ولمن الهندسة محمد ابراهيم وهو رجل موسوعة جد جد دا يفتح بوست ويتجلى في قراءة الراهن السياسي يا كمان هههههههه يرفع الحرج عن المهندسين....بقول ليهو في سري آآآآي ما متوفق من قهوتكم العجيبة وعني لو بشرب قهوة زيها كان كلامي ح يكون كلو من اللاهوت وأنت طالع ...:)
07-20-2013, 12:02 PM
حسبو عكاشة حسبو عكاشة
تاريخ التسجيل: 04-25-2010
مجموع المشاركات: 1305
ههههههه اللي ما لقى شبهو المولى قبحو...بس خلّي بالك حاجز النسخة الطيّبة
Quote: وبالله عليك مافيني شبه من حسبو عكاشة
ــــ ياحسبو ..ود البشرى قال أحبطتك إحباط السواد كوني ما من الإسكندناف ...والله لو كنت من الجهات ديك كان تعبتو معاي تعب السنين...وماعلشان نحنا في صحراء نجد دي ماسكين خشومنا علينا ومربعين يدينا إتا ما سمعت بالنظرية الكانت مدوّرة هنا ..عن تأثير البيئة على سلوكيات الفرد وتفاكيرو...يعني لو الموضوع المطروح ديمقراطية أكان حقوق إنسان ..الخ آخر ناس تتكلم نحنا...أها كان موضوع جندر وسواقة سيدات عربات ..الخ الخ فنبكي بس ولا نفتح خشومنا من أساسو ...فـ أها قمت لقيت ليك أي موضوع بيطرح هنا ...تلقى الناس الهاي هاااي ردهم جااااهز يااارجل أراك تهرف بما لا تدري وتعي....فأحسن حاجة تقرأ من سكات...بس مرات بيغلبني بيكتر علي ..:) ـــ ياخي تصدق وتآمن شدّة ماكنت مهاتي بالأسكندناف وتحديدأ بالسويد قررربت أتزوج حبشية قالت أبوها هناك غايتو تقول شنو غير ..قدر الله وماشاء فعل ...بس دا ما بمنع إني مرات ..مرات بحن للأسكندناف و..بطنطن زي مورتا صاحبك بــ أنا الزول الصاح في البلد الغلط أنا الشافو خلوهو ...أنا اللي دخلت التاريخ من أوســــخ أبوابو ....و...هكذا...:)
07-20-2013, 02:36 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
Quote: إنتو في دا وصورتي الخائف عليها ولاّ الليلة ما لاقيت ليكم عمر الفاروق في ركن الشيشاب بتاع لمّة الرياض
أوووول شي يا أمير دي من الحاجات اللي ما بيجوز فيها الوقف ..مفروض توضح أكتر..لأنو كده الناس دي ح تفتكر إنو نا اكنت بكركر معاااكم ..وانا يا قول حمزة سليمان بمشي أصلي الصبح في المسجد فمااا تقعد تبووظ سمعتي ساي بي ركن الشيشة دي..انا جابني شاي الغزالتين الجايبو معاهو هندسة محمد ابراهيم .. :):):):) نرجع لي موضوع الصورة ..غايتو جيت أرشك لكن ورطتني بي إنو الصورة في بيت محمد ابراهيم ..وعليه الرشة خفت شوية لكن برررضو حارقاني.. غايتو يا محمد ابراهيم انا جنننني وجن السرير البيختوهو مع طقم الجلوس ده :):):):):):):) الرسووول فيك كان ما رميتو :):):):)
Quote: بمشي أصلي الصبح في المسجد فمااا تقعد تبووظ سمعتي ساي
ياود الفاروق أول شئ يشهد الله سعدنا بشوفتك وشوفت كل الوجوه الطيّبة القابلناها آها أنا جيت اللمّة متأخر وبعد المغرب لقيت مجموعة من البورداب بصلوا قلت ليهم خير يا ناس مالكم بتصلوا متأخرين كدا قالوا لي ..لا لا لا صليّنا بس بعد ما إنتهينا إكتشفنا إنو صلى بينا عمر الفاروق وشكلهم كدا قالو أحسن يعيدوا صلاتهم ولو ما مصدقني أسأل البورداب الإنت صليت بيهم كانو منو ومنو ..وللأمانة إنت ما كنت بتكركر الشيشة معانا بس كمان لابس ليك قميص نهائي ما متناسق مع البنطلون و..القميص ضاغط على كرشك لمن حنيت عليها واللبسة كلها ما متناسقة مع صلعتك....:) أديتني إنطباع إنك عجوز متصابي..متصابي كدا ـــــــــ وههههه خلاص خلصّت من شنافاتك كلها وبديت على سراير وطقم جلوس ود إبراهيم ياخي السراير والطقم ديل من إيكيا وباين عليهم مكلفين الياش ثروة وما أقل من راتب شهر غايتو لو الهندسة إتحسس زي تحسس الناس البتشنفهم ديل وفكر يرمي السراير والطقم ياني المؤجر لي ديانا ومشيت شلتهم ياخي ديل سراير زي الورد ..ولو محتج على فكرة إنو الطقم مع السراير ياخي دي من لوازم كرم الضيافة...وقدر مامشيت لي ود إبراهيم دا الأ ولقيت نص فداسي معاهو ــــ ـوبالله عليك ياود الفاروق وبما إنك وعلى قولك قارئ نفسية أساسي تماما" ممكن تقرأ لي نفسيتو في اللحظة القال لي ممكن تنزل صورتك؟؟ ...أنا بي الله وااحد غلبني وما أنا بقارئ للنفسيات و...أهو براك أنت شائف ضربت تأميني ورميت بياضي وجازفت بصورتي اللي ممكن يًبشع بيها لو لا قدر الله الزول شاكل ليهو زول ...وأساسي ما جاء راجع وهببو لي.....:)
Quote: كدا باقي لينا نشوف دينا خالد وتوفيق عيسى مكي هههههههههه
تشوف النبي ياأبوحتوت..تشوف النبي...تعرف بفياقة التعوسية دي ومن ما يوم قالوا في صورة جواز نزلت أنا ماسك ليك الأرشيف دا من الكبري قلت يمكن القى صورة الجواز القالوها دي ..وعني نفسي ومنى عيني أشوف الحبشي قال بشبهه اليمنيين قال .. و..ما برضو مااا ما قلت ليك لا قيت ليك فائز ود القاضي وكفرت ليهو لوزو بس عمل رايح وكان مشغول بموضوع من مواضبع المركز والهامش الشرقي...وقال قضيتو مع وزير الداخلية قريبو ما لأنو إنو منتمي للهباب المنتمي ليهو دا دفاعو عنو دفاع هوية ليس الأ...وهكذا خرابيط...:)
Quote: حسه نكون في دي قسمة شنو المهببة دي . وكل سنة وانت واحبابك بالف خير .
تصوموا وتفطروا على خير يا أم مؤيد..قبل كم يوم كنا جايبن سيرتك أنا والمدام المناسبة إنها عملت ليها ملاح سلج للأمانة هو كان طاعم ومافيهو إإإإي كلام...بس أنا كنت محنبك من شنو كدا ماعارف فشنفتوا ليها زي تشنفت بتك وقلت ليها عاملة ملاح سلجك دا الزي ملاح خدرة أم مؤيد ...فدخلت في إنفستقيشن جامد عن منو أم مؤيد دي وأها من اليوم داك إي حاجة تترزع في وشئ ..وبي صرصرة كدا.... أها الحاجة دي كويسة ولا زي خدرة أم مؤيد....وهكذا..:) أها حسي مش كان أحسن أكون في أمانة الله صائم ال 24 ساعة في السويد....دا طبعا" غير مشوار أم درمان البمشيهو في الإجازات علشان أودي " بت قلبها" دي أهلها....وماااا تقولي لي ما حننتك....:)
07-20-2013, 10:12 PM
محمد إبراهيم علي محمد إبراهيم علي
تاريخ التسجيل: 08-10-2009
مجموع المشاركات: 10032
غايتو يا امير نقول بس سبحان الله تعرف انا من كم مداخلة كده حسيت انك بتعرفني وانا اشيل واودي فيك مرة على حنتوب ومرة على الجامعة ومرة على ناس ساي كده انا دلوقت داير اسجل اسماء الناس البعرفهم او العرفتهم في حياتي دي واشوف طريقة لصور (لازم تكون حديثة) لوووووول غايتو الحمد لله في فطور البورداب الامس ده حتى ربطت لي المقطوع ياخي مشكلة بكري بتاعة رسل الاقامة ويسجل ليك الزول بالاسم الرباعي بتجهجه باكات الناس الكبار الزينا ديل ختو صوركم ياخي او كما قال اساسي :) اما تشنيف عمر الفاروق ده حدو قريب لما يجيني في البيت واديهو كباية شاي من بتاع الغزالتين ولمن يعرق براهو بيتمدد في السرير ده :)
07-20-2013, 10:24 PM
حسبو عكاشة حسبو عكاشة
تاريخ التسجيل: 04-25-2010
مجموع المشاركات: 1305
هههه الله يمتعك فى الدارين يا امير ، ياخى انا من امس ادخل وامرق من بوستك ده زى الزول الشادى ليهو حله باخر ما تبقى من الماهيه ، فحقو كلام ام مؤيد ده ما تديهو الواطه
Quote: سلم لي على صحبتي وقول ليها طالباني زيارة لو جيتكم الرياض . انت الناس ديل غاشيهم بصورة اخوك مالك ..
التحيه ليها وللمدام ....
07-20-2013, 10:34 PM
محمد إبراهيم علي محمد إبراهيم علي
تاريخ التسجيل: 08-10-2009
مجموع المشاركات: 10032
Quote: محمد ابراهيم لمن قال ليك ما تدقس و تنزل صورتك شكله كان ملاوز من فرتيق عمر للطقم :)
حسبو يا حسبو انا لمن كتبت التعليق ده كنت بفتش في الداتا بيز بتاعتي لامير ده منو المفروض انا اكون بعرفو (وخاصة مسالة الاسم الرباعي جهجهت باكات عمك ) مرات بمشي ادق فتاشة في الفيس ومرات بمشي اسال ناس حنتوب وناس وين وناس وين لكن اصلو ما حصل يوم قربت من الرياض دي لووووول لكن الفاول بتاع عمر الفاروق ده لو كنت عارفو كنت حذرتهم الاتنين تحذير شديد اللهجة هههههههههههههه كلو شي ولا شيلة الحال بتاعة عمر الفاروق دي تباريك لجنا الجنا
Quote: كلو شي ولا شيلة الحال بتاعة عمر الفاروق دي تباريك لجنا الجنا
هههههه جاتك شنافة سلاخية ياباش دا حالتو شنفوك وجرحوا سمعتك قبل ما الفاروق ينزل سيرتو الذاتية غايتو بعد تنزيلة سيرتوا الذاتية المعاطة بتاعتو دي كامل تضامني المسبق الدفع مع المشنف الجديد... لمن يجيك ماتديهو شاي الغزالتين أديهو من قهوتكم أكييد ح يغرود زيادة على الغرودة العليهوا...:) ــــــــ ياحسبو شنو شبيهي دي ماقسمت معاك؟ وجات كدا صدفة سراير ود ابراهيم ووقعت تحت شناف وتقاطع نيران صديقة كنت مركز على تصاوير بورداب الرياض..وهم ولا هببو لي زي تهبيبة أساسي دي ـــــــ سامي طلب سلام وشوق شديد عليم الله ...شايفك بتكبشر وبتحضر الملعب لآكشنات ما بعد رمضان وشكلها كلها ح تندرج تحت مسمى الطيّب والشرس والقبيح .. وياهندسة لو جيت ماري بالرياض تشرفنا وتآنسنا ـــ يا أم مؤيد بالله عليكم إنتي وأبو مؤيد لو جيتوا شاقين الرياض دي لعمرة ولا ساااي كدا تجونا..أختك المدام لمن كهربتها تكون رائقة زولة لطيفة ..ولذيذة بس كمان لمن بحرها يزيد ...ولاّ ماياهو كلكن لمن بحركن يزيد نسأل الله السلامة و..كمان لي عليكم .. أوديكم تشوفو السراير بتاعت ناس محمد إبراهيم المشنفة دي لذيذة كيف وتستاهل يختوا تحتها الباركيه بتاعكم ــــــ و..ياربي أساسي دا ح يجي ماري تاني بي هنا ويشوف الصورة دي؟؟ يا أسئس شنو ياخ ما جهجهتنا وجهجة البوست ياخي براك شائف في كمية بوستات فيها شغل طيّب وشرس وقبيح .. حاااارة من نارها محصلنها وإنتو البتاعة بتاعة رد البردو منها دي أنا براي الماظاهرة وقاطعة عندي؟
07-20-2013, 11:55 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
المحييرني إنو الصورة المنزلا أمير طلعت في بيت ناس محمد ابراهيم ..ومحمد ابراهيم امبارح اليوم كللو قاعد مع الزول ويتونسو وهو مااا بيعرفو .. غايتو يا أمير شكلك النوع اللمن تمشي لي ناس زيارة بيقولوا ليك أسمع معليش نحن طالعين مشوار بتقوم تقول ليهم ماااا مشكلة بمشي معاكم ..أها الجماعة يجو لي ناس محمد ابراهيم وانت تجي وتتوهههط .. لأ وكمان تتصوور.. أما بالنسبة لي نفسيات أساسي فخليني قبل نفسيات أساسي أووول شي أشكرك على شجاعتك منقطعة النظير دي وإنت بتنزل صووورتك دي بي كللل أرييحية وبدووون أييي خجل ..لأ وكمان بي جلابية .. ودي يا حبيب تحسب ليك والله وبعد كده كتلت لينا الدش في يدنا الزووول تاني يشنفك بي شنو ما يعرف..لأنو انت طلعت زوول متصالح مع نفسك وقصة الشكل دي ما عاملة ليك هاجس .. إنت شكلك النوع الكان لمن يدي الصورة بتاعتو لي جكساية بيككتب ليها فيها بي ورا عسى أن تكرهوا شيئاً وهو خير لكم ..صاااح؟؟ أمير ياخ انا إحترمتك والله .. وأتوقع أساسي بي نفسياتو البعرفا ديك ح يحترمك أكككتر .. :):):):):):)
07-21-2013, 00:04 AM
حسبو عكاشة حسبو عكاشة
تاريخ التسجيل: 04-25-2010
مجموع المشاركات: 1305
هوي يا اميرنا ما تحنكني ساي عشان لابس طاقية زيي يعني !! احتمال تحت الطواقي سواهي, صلع و ما الى ذلك من اتحاد الجلحات الصغيرة بعدين انت مقبل وين !!, جيب صورة اللوتري عشان نحكم :)
بعدين متعتني في موضوع انا الرجل الصاح في المكان الغلط :)
صاحبك اول ايامو بهناك سامع ليك طريق الملك فهد, طريق الملك عبدالله و طريق مين و مين و طريق خريص مرة واحد ضرب ليه وين انت يا مورتا ؟ قال لي انا في طريق "الملك خريص " ههههههههههه اخوك قبل تلات سنوات كنت في نفس المكان الغلط و هسي رجعنا للكمين ذاااتو :) غايتو ربك يجيب العواقب مناسبة
07-21-2013, 09:07 AM
محمد عبد الماجد الصايم محمد عبد الماجد الصايم
تاريخ التسجيل: 10-16-2005
مجموع المشاركات: 35312
قاعدين نتناقر في أمانة الله .. تخيلو قعدة فيها أرباب النقة .. شتات وعمر الفاروق وود إبراهيم (على مضض) وتمبس وداش والشفيف أها قووم واحد جا متأخر (يعني ما فطر معانا) قال السلام عليكم وقعد وجرّ اللي ^_^ يا زول إنت منو؟ بكل بساطة: نائب رئيس لجنة المنشطات بالبورض!!
ياخ إنت براكـ مكمّل منشطات اليوم داكـ!!
ثم اختفى فجأة!!
07-21-2013, 09:22 AM
اساسي اساسي
تاريخ التسجيل: 07-20-2002
مجموع المشاركات: 16468
ههههههههههههههههههههههههههههه والله يا امير ياخ معليش , تصدق بعد سألتك نسيت الموضوع دا نهائي وانغمست في سؤال عمر لي ملاسي , وشكرا ياخ لي شجاعتك الادبية زي ما قال الفاروغ وعشان اكون واضح معاك واوريك انا طلبت الصورة لي شنو , يسألني الله لمن بقرأ في البوست حسيت انه الزول البيكتب دا يا عبقري ولا مسطول وبيني وبينك قلت لو عبقري اهو نتشرف والواحد يكون بيعرف زول عبقري , ولو مسطول كمان الواحد ليهو زمن ما شاف مساطيل لايف , فعشان كدا طلبت الصورة النصيحة لله وبعد مداخلاتك اللاحقة ودخول حسبو عكاشا ما عارف ليه عندي احساس انه مفروض حسبو دا ينادوهو بي ( فيسبا) المهم بعد دخوله ومروقه الكتير دا ومداخلاتك زي ما قلت علي يقين بانك عبقري بس بتلفها , يقرأ الكلام دا في سياق بحثك الملهوف في فعالية بورداب الرياض لشيشة ود الصايم
أها كدا كيف ياحسبو يافيسبا وضحت إن شاء الله إمور الشبه اللي بينا دي صورة بي كرتين ومابتاعت لوتري ويامحاسن الصدف برضو عن ناس الهندسة بالله حاسي بي بنفسي بقيت زي وليد الشفت ما صدق جابو سيرة تنزيل صور .. نزل صور لندن وصور دبي تيوبليس .. إنت ياعمر الفاروق وكت الصور بي جلابية بتخجل مالك ما خجلت في الصور التيولبيس علشان صاحبك وآآآي ممكن أكتب ورا الصور للجكس كدا ..ياخي أنا بعد دا ممكن أكتب سيرة ذاتية والإهداء يكون للتفاحة الجوووه قلبي مرتااحة ..يابتاع التفاحة إنت. ـــــــ ياود الصايم سعدنا بشوفتك عليم الله ...شكلوا المسألة دايرة ليها قعدة طويلة و..ما ما جاوبتني لحدي حسي قفلة بلفك ؟؟ يعني ح تخليني على قول إسئس في سياق وبحث ملهوف لأجابة عن سؤالي دا؟ ... سؤال هو ولاّ حجر شيشة أصلي؟ ـــــ ياأساسي مالها معليش دي وقعها بقى لي زي معليش إعتذار الفاروق الشهير داك ....إنت كدا النسألك... ومن ملاسي طلع ليك مبادرتك إي كلام شايفك بقيت شرس معاهو وعوليهو جامد..يعني زمان كان الون تو بينكم..رائع كعادتك يا أساسي ..إنت كاتبي المفضل ياملاسي...وكدا ياحليلكم سحروكم ..ولا دي ياربي بركاااتك يا عادل أمين... لا أكان كدا عاشت إتفاقية نافع - عقار ...ونيفاشا خارطة طريق..والأحزاب الأمة والاتحادي والشيوعي إتجاوزتهم حركة التاريخ ...ومنصور خالد قائدنا الخالد للأبد .. الخ الخ ــــ وبعدين أحبطتني ياخ إسبوعين ليه؟؟ كان تخليني كاتبك أقلاهو للعيد...ياخي أنا مفروض أكون الصندوق الأسود لمبادرتك القهموك فيها دي...تصدق وتآمن بعد خليت قصص السياسة بي وجع قلبها مبادرتك دي صحت في نفسي الوجود ورجعت لعيوني النهار....وبقت لي زي ركوب (لا مؤاخذة) العجلة الما بتنسي ..و..هكذا...:)
07-24-2013, 09:28 PM
سامى عبد المطلب سامى عبد المطلب
تاريخ التسجيل: 01-11-2013
مجموع المشاركات: 1814
يا جماعة أمير ده ألحقوووهو ..شكلو تاني مااا ح يقييييف في موضوع الصور ده .. مداخلة وصورة مداخلة وصورة .. أها المرة دي الصورة ح تخلع بيها ياتو بوردابي؟؟؟ قال هندسة قال.. أسة تلقاها الصورة دي في بيت ناس سامي .. والله أمير شكلك كده طعلت زول بطيني .. حااايم سااااي ما عندك هدف واضح في الحياة :):):):):):) بعدين ياخ الصور التيوب ليس مااا فووكككا حاجة ..ده وليد يعني لو ليس سااااي بدون تيوب ما بتفرق :):):) أها وبما إنك مندهش بي قصة الصور دي وشااايفا راقت ليك فخليني أفتح ليك المجال تحت الأاااتو .. ما عندك صورة بي البنطلون والقميص؟
ياسامي ماينوم وساااي هو أنا خلقة كدا سًقد.. والليل... الليل ذاتوا ما بنوموا ..كأني حارس نجوموا ــ ياعمر بن الخطاب ولاّ هو جدك قال يسموّك منو هو؟...طبعا" سؤالك البقى لينا سهر دا عنّي قاعد ومتوفر فيهو وبطوع نفسي وأروضها بإنو أكبح شهوة الكتابة فيهو وهو لو تعلمون أمر شاق...صاحبي حسبو حلفتو في سري بأنو ما يفت "الجواز" القال عليها ديك لحدي العيد..وفي بالي من إرتكب معصّية في العيد كأنما أرتكبها يوم الوعيد...وكدا النحدثك ونقول ليك: أجبرت صديقتي الطبيبة النفسية وهي من أثق في قراءتها وتخصصها في علوم النفس بأن تحلل سيكلوجية وبالأحرى "السيكودراما الإسئسية" العدائية الحاصلة الأيام دي..تصدق وتأمن راقت ليها الحالة وحتى قلت ليها سيبك من هنا وخليتها تقرأ بوست المبادرة والكيان التحت التأسيس الدكتورة كانت بتقول لحدي لحظتها..ممتااااز..آكسيلنت..جميل.. وتستحسن وقربت تقدم طلب إنتساب للمبادرة أها بعد مشينا للمداخلات الأخيرة وأخدت جولة في البوستات الشارك فيها إسئس بعدائية ..و..الله يهدي النفوس وشوفي هنا الناس بتقول نكت جاء داخل عليهم زي القضاء المستعجل وقال ليهم: هوووهااا الضاحكين ليها شنو؟؟ إنتو رايح ليكم ضحك ..وقهمهم لمن آمنوا وأها تعالي شوفيهو هنا قال على ضيف بورداب الرياض السلفى شنو؟ وبعدها رش نفسوا وقال هو الأيام دي ذاتو سلفى...والطامة لمن فتحنا اللينك بتاع سودان هوم وقال للجماعة مساعدة "ياموازير"...الدكتورة قالت سجمي ...وشيتا" كدا بالانجليزي عن الأنا.. أنا لمن اتخلعت خير يادكتورة قالت لي صاحبكم دا حالتوا بعد دا مامفروض مااااينسكت عليها قلت ليها أها دي شراسة ولاّ شيتا" تاني فـقالت عايزة صورة حديثة لإسئس علشان تقدر تشخص الحالة بمزاج...قلتل ليها العارفو إنو عندو صور قديمة لمن كان رومانسي وطارح نفسوا في السوق السماني بجلابية سمنية كدا .. وبعدها نزل ليهو صور بكرش السواد واحدة كدا..والناس كانو شايلين حسو فيها يا أبوكرش يادباب يابتاع... آهااااااا ياعمر الفاروق أخوي الدبارة؟ و..قبل ما أنسي صورة البنطلون والقميص دي ضروري خالص؟ـ ـــــــ حسبو ياهتيييف وينك ياااخ ..."آر يو آروند"..بعد ما قلت سيبو يا أمير البوست دا سيبو يغطس جيت لقيتو مقنطر فوووق ..وأهو إتمغيت فيهو....ومااااتجي الله يرضى عليك تهتف معاي شوية.
07-25-2013, 00:38 AM
اساسي اساسي
تاريخ التسجيل: 07-20-2002
مجموع المشاركات: 16468
اراوند ساي !!, اراوند بالدكوة كمان :) انا لله ياخ ده كان وين البوست ده !! بعدين يا عمك شبه للدين, عشان كده قلت ليك شااااااااايفك هسي عليك الله من الاول لو نزلت الصورة التانية دي موش كان كفيت هندسة شنافة عمر الفاروق :) جنك تلبد, اقعد البد كده لمن العيد يثبتو :) بعدين يا عمك طلبنا منك كل تلاتة اسابيع كده تفتح لينا بوست تلخص لينا الحاصل , لانك بصاااااار :)
07-25-2013, 02:29 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
أساسي والله لو كان وصفت لي حالتو دي قبال ما يكتب مداخلتو لي وليد فيما يتعلق بالجيب الخلفي وقبال ما يكتب مداخلة جدودنا زمان ..كنت أديتك وصف حقييقي لي حالتو .. لكن والله بعد المداخلتين ديل ف أساسي في كااامل أناقته العقلية والله .. والمداخلتين ديل حا يكفوهو سنتين لي قدام ولو إنو كضب في قصة ما بيغير مني دي وقال دكين بس..
07-25-2013, 02:52 AM
usama Babiker usama Babiker
تاريخ التسجيل: 01-07-2013
مجموع المشاركات: 2285
Quote: المحييرني إنو الصورة المنزلا أمير طلعت في بيت ناس محمد ابراهيم ..ومحمد ابراهيم امبارح اليوم كللو قاعد مع الزول ويتونسو وهو مااا بيعرفو .. غايتو يا أمير شكلك النوع اللمن تمشي لي ناس زيارة بيقولوا ليك أسمع معليش نحن طالعين مشوار بتقوم تقول ليهم ماااا مشكلة بمشي معاكم ..أها الجماعة يجو لي ناس محمد ابراهيم وانت تجي وتتوهههط .. لأ وكمان تتصوور.. أما بالنسبة لي نفسيات أساسي فخليني قبل نفسيات أساسي أووول شي أشكرك على شجاعتك منقطعة النظير دي وإنت بتنزل صووورتك دي بي كللل أرييحية وبدووون أييي خجل ..لأ وكمان بي جلابية .. ودي يا حبيب تحسب ليك والله وبعد كده كتلت لينا الدش في يدنا الزووول تاني يشنفك بي شنو ما يعرف..لأنو انت طلعت زوول متصالح مع نفسك وقصة الشكل دي ما عاملة ليك هاجس .. إنت شكلك النوع الكان لمن يدي الصورة بتاعتو لي جكساية بيككتب ليها فيها بي ورا عسى أن تكرهوا شيئاً وهو خير لكم ..صاااح؟؟ أمير ياخ انا إحترمتك والله .. وأتوقع أساسي بي نفسياتو البعرفا ديك ح يحترمك أكككتر .. :):):):):):)
غايتو مداخلة عمر الفاروق دي خلتني اضحك زي المجنون ... والله يا عمر الفاروق انت مصيبة ...
07-27-2013, 12:36 PM
حسبو عكاشة حسبو عكاشة
تاريخ التسجيل: 04-25-2010
مجموع المشاركات: 1305
ياحسبو يا فردة متوفر ..متوفر بس كمان في موجة الفقدان الحاصلة لقيت نفسي برضك: - فاقد إتجاهات - فاقد توازن - فاقد سؤائل - فاقد حنان ..الحنان العااادي دا ما حنان ست الأسم واليومين دي طواالي متذكرك وعلى باالي ..معاي واحد قريبي فاقد " جواز" سفرو وإقامتو وقروشو وقااااعد مييييطي يمشي السفارة يرجعوهو للجوازات اللي ترجعو لكفيلو اللي يرجعو للجوازات ودي ما المشكلة .. المشكلة في الناس اللي بتجي تكفر ليهو تجي الدفعة الأولى يحكي ليهم القصّة يطلعوا يجوا التانين يحكي ليهم تاااني القصّة يجوا البعدهم ..آها أنا لحدي السحور بواجب في الناس قهاوي وشايات وعشاء وبسمع في قصّة الجواز دي وبتاوق محل الفقد داك اللي شكلو حصل فيهو إنسحاب تكتيكي و..منتظرك ترّش قصّة جوازك كان تبرّد لي بطني شوية وترجع الأمور لنصابها و..جادتها الأولى. ــــــ
Quote: يا عمر الفاروق انت مصيبة
يا أسامة بابكر دي مابقولوا عليها مصيبة دا شناف رأسوا عديل مخلوط ومرشوشة فوقو جلافة وآها مادام جيت والله جابك موضوع تمرد دا ما ممكن يتغير مسماهو ويتسودن نسميّها مثلا ..مثلا".. "عصينا" ويكون شعارها عصينا ..عصينا وشلّنا عصينا على الحرية ..منو بوصيّنا.. وستجدّنا بإذن الله حضور في الصفوف الأمامية. ــــ يا إسئس كلمت الدكتورة بإنك مرتبط ...قالت لي أقول ليك .."أجيييييييي ياااابري" ..الصورة لدواعي التشخيص
07-27-2013, 10:32 PM
usama Babiker usama Babiker
تاريخ التسجيل: 01-07-2013
مجموع المشاركات: 2285
Quote: يا أسامة بابكر دي مابقولوا عليها مصيبة دا شناف رأسوا عديل مخلوط ومرشوشة فوقو جلافة وآها مادام جيت والله جابك موضوع تمرد دا ما ممكن يتغير مسماهو ويتسودن نسميّها مثلا ..مثلا".. "عصينا" ويكون شعارها عصينا ..عصينا وشلّنا عصينا على الحرية ..منو بوصيّنا.. وستجدّنا بإذن الله حضور في الصفوف الأمامية. ــــ
يا امير صدقني انت اظرف من قرات لهم في هذا المنبر ... واللوم على نفسي انني لم اقرا لك من زمان ... اما موضوع تمرد فياخي لاسامة اجر المناولة ويحلم باي وسيلة تزيل منا هذا الكابوس ... وياريت تدخل الصفحة وكل اقتراحاتكم مجابة باذن الله ...
Quote: أها المرة دي الصورة ح تخلع بيها ياتو بوردابي؟؟؟
ياود الفاروق قبيل أتذكرت كلامك دا وقاعدين أنا وقريبي القاعد مييييطي دا وبقول ليهو يلاااكا التراويح ونحن في أيام مباركة ومتحريين فيها ليلة القدر عسى ربنا يسهلها ليك ولينا .. لقيتو ليك مقهي في دهب حنان بلوبلو في أمنا حواء وبقول لي عليك الله عاين الدهب دا ...طواااالي نط لي في بالي تمبس وجدو بتاع الدهب..وبالمناسبة دي تمبس قال جدو دفن الدهب وين؟ ما تابعت للنهاية وهو ذاتو الجدود الزمان ديل مامضمونين وكلهم بتاعين حركات..جدو شكلو يكون بدأ يوزّع وينقط في دهبو من الموردة. وياربي بكرة نمشي نخلع تمبس أنا وقريبي دا أهو منها نتصور ومنها نغني ليهو نحن المأساتنا ما بتتقال كان نلقى لينا منو كعكعول دهب ولاّ تمويل أصغر ..أكان قرض حسن. ــــــــ اليومين الفاتو ديل ما رصدت لي إي حالات شراسة لا قبح فايتة الحد..كلو نورمال وفي الريينج العادي ولاّ.ياربي رمضان دخل العضم؟.. كمية طيبة نازلة على الناس تحيير.. وأأمل إنها تستمر لحدي العيد.
07-27-2013, 11:35 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
يا إسئس تـأملت الدكتورة لمدّة طويلة في " البورترية" بتاعك وتجاهلت شفقتي بتاعت الآها..أهـــــا السكسكتها بيها وحاولت إستدراجها من باب الشمار لتتكلّم وصراحة كنت على أعصابي وطلعتها من الجو "النفسي _عرافي " الغرقت فوقو بكم كدا : خير يادكتورة ..خير قالت لي البورترية مُختار بعناية ذكية ..و"بوكر فيس" وعلشان ما يبين الدواخل بشكل واضح و..فأجاتني ليك بسؤال: هو عمرو كم؟ قلت ليها حسب بعض القراءات هو زائغ من الأربعين زوغة شديدة لـأنو مرة وبحسابات ربح وخسارة قال أنا بكتب في البورد دا لي 12 سنة وقام نقص عمرو علشان يزوغ من إنو يطلع بالواحد ويبقى في الأربعينات.. قاااامت كدا الدكتورة خبتت ليك جبهتها خبطة جامدة وقالت لي بس..بس..بــس ياها.. شنو هي الياها يادوك؟ قالت لي : أزمة منتصف العمر ...وكلام كتير كدا ...عن كامل التضامن مع أساسية و....عن الحوجة الماسة والعاجلة لجلسات من النوع البرقدوا ليهو في الكنبة دااااك...:) ـــــــ ود البشرى ..يا أبو حتوت ياصديقى يسعدني أن أبلغك بأنو الدكتورة حللتك وهبشتك برضو في صورك الآخيرة وكونك متألق فيها بس شكلو كان التحليل النفسي بتاع إسئس ملقي بظلاله على التحاليل قالت لي آها شوف صاحبك ود البشرى متصالح ومتعايش كيف مع سن الحكمة الدخل فيهو دا... و..أبسط ياعم تحليلك النفسي طلع "نقتييف"..:) حاولت أحاججها قلت ليها ياربي دا يكون من رمضان وروحانياتو؟... وكدي يادوك شوفي الصورة دي وركزي في حركة اليد دي لو ماأخاف الكضب وقطع شك نهايتها زوووووط ...:) دا طبعا" زائد كلامات كدا قالتها عن الوجاهة والماعارف شنو...المافي داعي لذكرهم..:) ــــــ و...طمنونا على عمر الفاروق ياربي إعتكاف الله ورسولو ولاّ شنافو في "الري جارج"؟؟؟ إعتقد والله أعلم لو مشى إعكتف ومسك أستار الكعبة في العشرة الآوخر دي زيو وزي إي باكستاني متجرس ماكفاية تشفع ليه على الشناف الشنفو والجلافة الإتجلفنها مؤخرا"...:)
07-30-2013, 08:33 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
ياأسئس لي كم يوم منتظرك تفك لي شفرة الهينت بتاع الإستعاذة دا .. عنيّ صراحة وبي الله واحد إستغلق عليّ ...شكلو إنطقشت عين في فياقة التعوسية . ــــ يا أبو حتوت لو إستمريت تنزل تحت يؤسفني إنو أقول ليك الدكتورة دي قالت ح تجردّك من حكمة سن الحكمة القالتوا عنك دا ...تحت دي مرات ما عندها حدوّد وبتغرّق. و..ماعايز أقول عميقة ـــ أحب أن أنوه إنو الدكتورة دي من شحم ولحم وصديقة وتربطني بها آصرة دم مازيها وزي الزول القاعد جنب طلحة فشاكرين لو أديتوها " يور فل أتينشن" وأخدتو كلامها "صيرياصلي" وإني لكم من الناصحين..العلاج النفسي دا ما تدوهوا الوآطة كدا....:)
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
اساسي
حسبو عكاشة
محمد البشرى الخضر
محمد إبراهيم علي
عمر الفاروق
سامى عبد المطلب
محمد عبد الماجد الصايم
usama Babiker
فيس بوك
تويتر
انستقرام
يوتيوب
بنتيريست