|
|
 دخري الزمان عرقت خواجية عيونها خودر وبقى بتكلم كتر
|
كان ياماكان في احدى القري النائية من اصقاع السودان اسرى فقيره.الاب يعمل
زي عم عبدالرحيم راجل يحب العمل وكل امل.راجل يعمل باليومية من الصبح لعشية.وام
تحمل التقدة وتقطع العيش وقت الحصادلتساعد عم عبدالرحيم الراجل الهميم وبحب الخير
للجميع وخاصة صاحبو عبدالسميع.بعد فترة من الزمان رزقت هذه الاسرة مولودا.الاب كان فرحان
فسماه دخري الزمان ومن ثم كبر الامل وزاد العمل.................وحانكمل بكره
|
|
 
|
|
|
|
|
|
|
 Re: دخري الزمان عرقت خواجية عيونها خودر وبقى بتكلم كتر (Re: عبد المنعم موسى)
|
طبعا الفرحة كبيرة بدخري الزمان والعائلة غمرها الحب والامان.واصبحت
لاتخف من قدر الزمان.والعائلة عاشت في سبات ونبات وانجبت اولاد وبتات.وكان
كل تركيز الاسرة منصبا على دخري الومان.كبر دخري الزمان ودخل الكتاب واصبح
عندو قلم وكراس وكتاب.وكان قريب من الاب محبوب من الام مع دلع من الحبوبه.لان الكل
شايلو لوقت الحوبة.مع مرور الزمن والحب الكبير والدلع الكتير بدأ بافي الاسرة
يغير وبشكل واضح وكبير.نجح في الشهادة الابتدائية عملولو قراصة وعصيدة وشعيرية
وسكسكانية.بعد الوسطى الاب كان مبسوط ورافع راسو فوق ضبح عمبلوك وخلى الحى كل
يبلع من دون مايلوك.بعد ماخلص ونحح في الشهادة السودانية عم عبدالرحيم عمل عمايل
الجاهلية والام عايزه تخطب ليه بنت خالتو صفية..............وحانكمل بكره
| |
|
|
|
|
|
|
|
|
|
Re: دخري الزمان عرقت خواجية عيونها خودر وبقى بتكلم كتر (Re: عبدالله ود البوش)
|
بعد مانجح دخري الزمان في امتحان الشهادة كل يوم بضبحولو دجاجة.بعد مدة
قال رايح الخرطوم ليقدم للجامعة وحايبقى شخصية لامعه.الاهل باعوا كم دجاجة وديك
وتيس وعتود وادينوا شوية قروش من عمو عبدالودود.في الخرطوم لقى شهاتو ضعيفة ما
خادخلو حوش الخليفة.طبعا مفي جامعة والرجعة صعبة.نصحوه تجار الحللوالنعلات يسافر
معاهم مصر وافق شيلوه شنطتيين وعصروهم عصر وقالولو مافيهم شئ بنكسر.بعد حلفا واسوان
وصل السد العالي باع ليه شوية تسالي.بين العتبة والتحرير ورمسيس صاحب واحد من الجنسية
المصرية اسمه عطية.حكالوالقصة وقفو في نصها.قالو في بلد اسمه الاتحاد السوفيتي.في هذا
بتاكل وتشرب وتتعلم.عرفو على جماعة شيلوه كم شنطة وقالو الله يعطيك العافية.مكس 20 سنة
في الاتحاد السوفيتي.راح الاتحاد وظهرت المافيا وقالتلو الله يعطيك العافية.مامعروف قرى
شنوحتى الساعة ناس بقولو زراعة وناس بتقول توزيع بضاعة.قرر يسافر لمصر البهية ممكن يقابل
صاحبو عطية..................وحانكمل بكره
| |
|
|
|
|
|
|
|
|
|
Re: دخري الزمان عرقت خواجية عيونها خودر وبقى بتكلم كتر (Re: عبد المنعم موسى)
|
وصل دخري الزمان مصر البهية ولم يجد صاحبو عطية.تعرف على واحد اسمو عيسى
الفضيحةوقاليهو عايزلي شغلة خفيفة.قالو اعمل زي سويلك طبلية وافرش في ميدان
رابعة العدوية وبيع علاقات المفاتيح والكريمات والدهان وشغلات الجنس والنسوان.
رفض لان الطبلية غير عصرية.اخيرا وافق وجاءت المخابرات المصرية سجنوهو وصادروا
الطبلية.فكوهو وانذروهوالمرة الجاية حايرحلوه.خاف من الترحيل لان فضيحتو حاتكون
بجلاجل وامكن يقطعوه بالمناجل لانو ماطلع راجل.راح لعيسى الفضية لياخذ نصيحة.قالو
روح اشتغل في الحجر رفض.بقى بفكر في الترحيل ومابنوم الليل في النهاية انجبر وراح
يكسر الحجر.هناك ايدينو بققت وكرعينو اشققت.قرر يسافر سينا ويبقى ود لزينا.لوقعد
هناك البدو حيقتلوه وفي البحر يرموه.رجع لعيسى الفضيحة.شغلو معاهو بالنهار طبلية
وبالليل مع المحششاتية.نصحو يقدم لجؤ قالو صعبة.قالو قول انا جاي من بلد ماركس ولينين.
وبكره الاسلاميين. فتح الملف وقبلوهو.بعد12 سنة من التعب والاكل الكعب وبعد الخوف من
الترحيل وعدم النوم والجري غرب وصباح زي منصور المفتاح حددليهو موعد السفر وكان من نصيب
احدى محافظات البراري الكندية وهي محافظة بترولية وغنية .وكان معاه عيسى الفضيحة والان
ارتاح وبقى بنوم بالليل وكل الصباح..............وحانكمل بكره
| |
|
|
|
|
|
|
|
|
|
Re: دخري الزمان عرقت خواجية عيونها خودر وبقى بتكلم كتر (Re: عبد المنعم موسى)
|
وصل دخري الزمان مصر البهية ولم يجد صاحبو عطية.تعرف على واحد اسمو عيسى
الفضيحةوقاليهو عايزلي شغلة خفيفة.قالو اعمل زي سويلك طبلية وافرش في ميدان
رابعة العدوية وبيع علاقات المفاتيح والكريمات والدهان وشغلات الجنس والنسوان.
رفض لان الطبلية غير عصرية.اخيرا وافق وجاءت المخابرات المصرية سجنوهو وصادروا
الطبلية.فكوهو وانذروهوالمرة الجاية حايرحلوه.خاف من الترحيل لان فضيحتو حاتكون
بجلاجل وامكن يقطعوه بالمناجل لانو ماطلع راجل.راح لعيسى الفضية لياخذ نصيحة.قالو
روح اشتغل في الحجر رفض.بقى بفكر في الترحيل ومابنوم الليل في النهاية انجبر وراح
يكسر الحجر.هناك ايدينو بققت وكرعينو اشققت.قرر يسافر سينا ويبقى ود لزينا.لوقعد
هناك البدو حيقتلوه وفي البحر يرموه.رجع لعيسى الفضيحة.شغلو معاهو بالنهار طبلية
وبالليل مع المحششاتية.نصحو يقدم لجؤ قالو صعبة.قالو قول انا جاي من بلد ماركس ولينين.
وبكره الاسلاميين. فتح الملف وقبلوهو.بعد12 سنة من التعب والاكل الكعب وبعد الخوف من
الترحيل وعدم النوم والجري غرب وصباح زي منصور المفتاح حددليهو موعد السفر وكان من نصيب
احدى محافظات البراري الكندية وهي محافظة بترولية وغنية .وكان معاه عيسى الفضيحة والان
ارتاح وبقى بنوم بالليل وكل الصباح..............وحانكمل بكره
| |
|
|
|
|
|
|
|
|
|
Re: دخري الزمان عرقت خواجية عيونها خودر وبقى بتكلم كتر (Re: عبد المنعم موسى)
|
طبعادخري الزمان طول الغياب وعم عبدالرحيم كبر والكلام كتر.ناس بتقول مات
وناس بقولوا مزوج وعندو ولايدات.وظروف العائلة المادية بقت صعبة كتير مو شوية.
والصغار كبروا وحسو بالمسؤولية.عصام من الهم مابنام خلي المدرسة وركب اللواري
وبقى كمساري عايز اتعلم السواقة ليقدم للاسر شوية مساعدة والبت زكية خلت المدرسة
وقعدت في البيت بالليل بتسوي المقاشيش والهبابات والتبروقات والبروش وبالنهار
بتطبخ وبتعوس.واخوهم التاني قاليهم دخري الزمان طلع اناني وماحيرجع تاني.والام بقت
كبيرة ومريضة شوية وتبكي الصبح وعشية.جربت الكجور وولعت البخور والفقره كتبليها حجاب
وقالوا ليها ختيهو تحت سريرو وبتشوفي خيرو.وواحديين قالوا ليها عرقت خواجية عيونا خدر
وبقى بتكلم كتر وناس قالوا معمولو ليهو عمل والام تعبت وفقدت الامل وماتت من القهر و
الحسرة ....................... وحانكمل بكره
| |
|
|
|
|
|
|
|
|
|
Re: دخري الزمان عرقت خواجية عيونها خودر وبقى بتكلم كتر (Re: عبد المنعم موسى)
|
طبعا الى الان مافي اخبار عن دخري الزمان.وصفيه 30 سنة منتظره لانها مخطوبه
وهذا مزعل الحبوبة.الحبوبة مشت لصفية وقالت ليها انتي صبرتي كتير ودخري الزمان
بقى مافيه خير زهنتي بنت اصول بس لازم تسيبيه ومن راسك تشيليه وتنسيه ولوجاكي اي
عريس ماترفضيه.بكت قالوا ليها السكوت علامة الرضي وانتي لازم تعملي كده. وفي اليوم
اتقدم ليها واحد تاني ميسور الحال وعندو قندراني طلياني. ببيع الشطة والويكة والشوالات.
بياخد من القلابات وبودي امدبيكرات.بحبها وكل مايسافر بجيبلها حاجات.وساعد بنت خالته
زكية وفتح ليها دكان جنب المحطة وعباهو ليها ويكة وشطه.والكل فرحان لزكية وبتمنوا ليها
عيشة هنية.وعم عبدالرحيم الراجل الهميم جاهو السكري والضغط ومرض القلب وحالتو بتبكي
ال###### قاعد بين اربعة حيطان ولمن يتعب بوده مستشفي امدرمان.............وحانكمل بكره
| |
|
|
|
|
|
|
|
|
|
Re: دخري الزمان عرقت خواجية عيونها خودر وبقى بتكلم كتر (Re: عبد المنعم موسى)
|
طبعا دخري الزمان في البراري الكندية وهي منطقة غنية.فيها القمح والبترول
واللحم واللبن والروب. فيها خواجات زي المسلمين بيقدموا للفقراء والمساكين.اخونا
سكنوهو واتعرف على سليمان الكسلان وكمال التفتيحة وجمال اريحا وعيسى الفطيسة بكره
الريحة وريحته بتل الصقر وكأنو قايم من القبر.طبعا طوال اليوم سكر وحشيش ولعب كتشينه
وشغل مافيش.بيلفوا على المؤسسات الخيرية وبجيبوا شوية مأكولات ومرات هدوم قديمة ومرات
شرابات ونعلات.طبعا ناسين الوطن والاهل والاحباب والاصحاب عايشين قبلون وناسين اهلم.وفي
نفس الحي ساكن واحد اسمو عوض الله.راجل جدع وعن الوطن والاهل مابتخلى. رسل لى اهلواخطبوليهو
واحده سودانية سلوى الحمداني قريبة راجل صفية العندو قندراني .طبعا عملوا ليها العرس
وجهزوا ليها وللبراري رسلوها.بعد ماوصلت عوض الله عزم الجميع.وسلوي عرفت دخري الزمان
لانها شافت صورتو زمان...................وحانكمل بكره
| |
|
|
|
|
|
|
|
|
|
Re: دخري الزمان عرقت خواجية عيونها خودر وبقى بتكلم كتر (Re: عبد المنعم موسى)
|
طبعا سلوى الحمداني كانت منتظره انتهاء الحفلة بفارق الصبر. وبمجرد
ما الحفلة انتهت رسلت الشمارات ليصفية بنت خالة دخري الزمان.والاخبار عمت
البلد وبدأ الكلام يكتر وانتشر بين البشر.ناس بتقول بقى بوفسر وناس بتقول
عندو شركات وناس بتقول بتاجر بالدولارات ومزوج وعندو اولاد وبنات.طبعا دخري
الزمان مابعرف انو سلوى المداني زوجة عوض الله وصلت الشمارات للحلة.واولاد عم
فرحوا لان اخوهم عايش.ودخري الزمان مطمئن مافي زول بيعرف عنو شئ ومتابع السكر
والكتشينة والحشيش وشغل مافيش. وطبعا سلوى الحمداني كل مابتعرف اخبار جديدة
عن دخري الزمان بترسلها السودان ودخري الزمان بقى شغلت الرجال والنسوان والرجال
والاولاد والبنات واهل القلابات...............وحانكمل بكره
| |
|
|
|
|
|
|
|
|
|
Re: دخري الزمان عرقت خواجية عيونها خودر وبقى بتكلم كتر (Re: عبد المنعم موسى)
|
طبعا دخري الزمان وشلته متعلمين خريجين جامعات ومعاهم اعلى الشهادات.
وسلوى الحمداني متابعة للموضوع لاكثر من شهر واسبوع وعرفت كل اخبار دخري الزمان
من الاصحاب والجيران.وفي النهاية حصلت على عنوانه ورغم تلفونو ورسلتهم الى
السودان بسرعة شديده.وعصام كلم اخوه دخري الزمان وسأله عن اخباره قاليهو
انا كويس واخباري عال العال.عصام قاليهو ليه خاب امل امك وابوك واختك واخوانك
والناس البحبوك وامك ماتت بسببك وابوك مريض وعايز علاج وبتعرف ظروفنا وظروف البلد.
المهم عرف ان سلوى الحمداني هي الوصلت الاخبار وبعده مافي ليه راحة ولازم يخلو
الساحة.اختفي بعد ان غير المدينة وحاول اسد اذان بيطينة والثانية بعجينة.وبعد
الاهل اتصلوا بسلوى الحمداني وقالوليها شوفيلينا اخباروا وعنوانو تاني وفي
المدينة الثانية عاش في ازمة وعرف انو واطئ وجزمه.............وحانكمل بكره
| |
|
|
|
|
|
|
|
|
|
Re: دخري الزمان عرقت خواجية عيونها خودر وبقى بتكلم كتر (Re: عبد المنعم موسى)
|
الزمان لانه وجدطبعا دخريand#1632;and#1632; الزمان اختفى ليه زمان .والاهل في السودان كل يوم بتصلوا بسلوى الحمداني عسى ولعل تجدليه عنوان.وحتى سليمان الكسلان وكمال التفتيحه وجمال اريحا وعيسى الفضيحة وتنقو وعسيى الفطيسة مالاقين ليهو لا اثر ولاريحة .وفي احدى الليالي شدديدة والبروده وبيينما الشباب محششه وسكرانه وحيرانه يمجون السيجار ويتبادلون الكؤس ويحكون الرؤس واذا بالبوليس يقتحم البيت وىقول الكل يرفع ايديه فوق وال حا اضرب في المليان اذا حاول اي احد الفرار او مقادرة المكان.طبعا في النهاية عرف الجميع ان البوليس اتى ليأخد معلوما عن دخري الزمان لانه وجد منتحرا .........وحانكمل بكره
| |
|
|
|
|
|
|
|
|
|
Re: دخري الزمان عرقت خواجية عيونها خودر وبقى بتكلم كتر (Re: عبد المنعم موسى)
|
طبعا بعد ما سلوى الحمداني وصلت خبر انتحار دخري الزمان لااهله في السودان وانتشر الخبر في البراري الكندية كمان.فالكل كان في حزن واستغراب وذههول حتى التتار والمغول.وبدأ ينتشر الكلام والقيل والقال.ناس بتقول دخري الزمان مات مقتول وناس بتقول اخذ جرعة زايده من المخدرات وناس قالوا قتلتوا المخابرات لانها خافت يرجع بلدو وناس قالوا قتلتو المافيا والله لايديهم العافية وناس قالوا قتلو البراندي نوع من الخمر عليهو صورة واحد بشبه غاندي.واخيرا وصل الخبر لعم عبدالرحيم الرجل الهميم وكان في حالة ذهول رفع ايدهو ليفوق قعد يقول الله يلعن حكام السودان من الاستقلال الى الان لانهم السبب في مصائب السودان وايضا السبب في الذل والمهانة والفشل والاستكانة التي يعيشها الشباب.........وحانكمل بكره
| |
|
|
|
|
|
|
|
|
|
Re: دخري الزمان عرقت خواجية عيونها خودر وبقى بتكلم كتر (Re: عبد المنعم موسى)
|
طبعا بعد القيل والقال .الشرطة اعلنت ان دخري الزمان بعد ما قرر الانتحار وقبل ان يفعل فعلته.كتب
ورقة صغيرة وفيها قال:الايد البتدي احسن من الايد البتاخذ وانه لايعرف يدي ولايفهم في العطاء وبس
بيعرف ياخذ.احذ من اهلوا كثير واعطوه كل الموجود وشال من درب اخته واخوه وماحاسبوه.واخذ من
الاتحاد السوفيتي بلاحدود وان البراري الكندية لانها بلاد زراعية وبترولية وكانت معه سخية.وانه حاول
اكثر من مرة يعمل ويدي ولكنه فشل فشل زريع واصابه الاكتئاب والحرج والضيغ .وبالتالي وصل الى
طريق مسدود معتقدا ان هذه نهاية الحدود ولازم مايكون في هذه الدنيا موجود.مع انه تعلم كثر وسافر كثير
ولكن في الاخير.اصبح يعيش في عذاب والم وهذه اول مرة يستخدم فيها علمه او القلم بعد ما انهى دراسته
واعتقد انو حقق ذاتو.المهم استخدم القلم ليوضح كيف وليه عايز ينهي حياتو.وبعد ظهور الحقيقة المفصلة
والدقيقة ووصلت للاهل والاقارب والكانت خطيبه والاخوان والاخت الشقيقة.واما عن باقي المجموعة فدب
فيهم الرعب والخوف والتصرف بهمجية واتوزعوا على مدن وقرى البراري الكندية بين صبح وعشية........
وحانكمل بكره
| |
|
|
|
|
|
|
|
|
|
Re: دخري الزمان عرقت خواجية عيونها خودر وبقى بتكلم كتر (Re: عبد المنعم موسى)
|
بعدماتوزع الشباب على مدن وقرى البرابي الكندية مافي زول بيعرف عنهم
شئ.يعني لاحس ولاخبر وما معروف ليهم اثر.ولكن هم عارفين مكان بعضهم البعض
واحياننا بيلتقوا في بيت واحد اسهمه سعد.وفي مدينة صغيرة على الحدود
الامريكية الكندية في خواجه اسمه مستر ماجه وزوجته خواجيه اسمها مسس سوزان
بيشبه بعض كأنهم تيمان متزوجين وبحبوا بعض من زمان ومولودين في نفس المكان.
طبعا عرفوا ان جارهم الجديد من السودان وعايش وحيد لابنية ولاوليد.بيطلع من
الصباح وبيرجع بعد منتصف الليل ولما يشوفوه الاكل والشراب بيده واحياننا
بزوره.وفي مرة غاب كثير ففكروه شغال مع السوداني عبدالمتعال وهو السوداني
الساكن في الحي الوراني.وفي يوم الخواجيه مسس سوزان شمت ريحة كريه والريحه
كل يوم بتزيد.وبعد 9 ايام من شدة الريحه ما جاه نوم وقالت للخواجه ماجه قوم
وصحتو من النوم.لفوا حول بيت الجيران وعرفوا ان الريحه جاى من بيت جمال اريحا.
واتصلوا بالبوليس.بعد 5 دقائق حضرت المكافئ والاسعاف ودورية من رجال البوليس
ومعاهم ######ين وكديس وحضر السوداني التاني الساكن في الحي الوراني.رجال البوليس
كسروا الباب وعرفوا ان الريحه جاى من غرفة جمال اريحا وانه ميت وجسمه تحلل والفرش
مبلل.طوالي اخذوه وللمشرحة ودوه لمعرفة سبب الوفاة..........وحانكمل بكره
| |
|
|
|
|
|
|
|
|
|
Re: دخري الزمان عرقت خواجية عيونها خودر وبقى بتكلم كتر (Re: عبد المنعم موسى)
|
وفي اليوم التالي لارسال جثة جمال اريحا للتشريحه اي الى المشرحة لمعرفة
اسباب الوفاة.السوداني التاني الساكن في الحي الوراني واسمه مرسال اخذ زوجته
سكينه ونزل المدينة.وفي المدينة زاع الاخبار بعد ما اضاف ليها الفلفل والبهار
وقال: انو جمال اريحا ناس الشرطة لقوا قدام سريره طربيزه وصفيحه.وفي الطربيزه
صندوق سجاير وشوية حشيشه وقزازه فيها خمر براندي عليها صورة واحد بشبه غاندي.
وفي المدينة تعال شوف الاخبار والقيل والقال.ناس قالوا مات سكران وناس قالوا عيان
.وناس قالوا بالبراندي اتسمم وناس قالوا القزازه فيها موية زمزم.ولكن التقرير
الرسمي قال مات موجوع ومن اكثر من اسبوع.وانو بسكر وبحشش على الجوع.فالشرطة
حست بخطورة الموضوع قررت انها لازم تلغي القبض على باقي المجموعة في خلال اسبوع.
وفعلا هذا ماحصل.فالشرطة اقتحمت احدى المنازل وفيه الشباب مبسوطين وبغنوا اغنتهم
القديمة ومطلعها يابت يا امونه ويعقوب اخونا نزلت شكشاكه جنب الطاحونه هناكا.
فالشرطة اخذتهم وبعد فرار عيسي الفطيسه.عملوا ليهم فحوصات ولقوا عندهم امراض
كثيره تتراوح بين المتفاقمة والخطيره.وزعوهم على المصحات مراكز الامراض النفسية
والعصبية.وبقى عيسي الفطيسه هاربنا ومازال البحث جاريا عنه..................
والى اللقاء في القصة القادمة من البراري الكندية
| |
|
|
|
|
|
|
| |
عبد المنعم موسى
عبدالله ود البوش
فيس بوك
تويتر
انستقرام
يوتيوب
بنتيريست