|
|
|
 Re: الإفطــار السـنوي لبورداب الرياض.. رمضان 1434هـ (Re: أيمن دياب)
|
حضور :
الاقتراحات :
ما عايزين اي زول يجيب اكل من بيتهم يدفع الشير وتوزع المهام :
الاكل :
تمبس ود الموردة عليه السمك .
الارباب ود عطبرة عليه الطعمية والمناديل ويا حبذا فول زي فول اليمانية الفي عطبرة ..
وزير الري ادريس خليفة واحمد الشايقي اولاد الدويم بجانب الموية عليهم الجبنة البيضاء والفسيخ .
حميدة ود امدرمان عليه العصيدة الجيرية
ابو جهينة وطارق نقد رطانة عليهم التركين والبلح
ود الباوقة وابو حسين ديل ما تخلوهم يعملو اي حاجة
عمل العصائر خلوه لصديق الموج عشان بحب الصواطة ..
وكل سنة وانتو طيبين
| |
  
|
|
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: النعمان خوجلى)
|
جاهزين،
اقترح استراحة ؛
لان الاستراحة فيها راحة اكتر، وخصوصية، واطفال ...
وكعادة السودانيين احتمال مط الفطور لقريب السحور،
فلا جناح اذن من غنوة غنوتين، تروح عنا قليلا .............
.....................................
لاباس ايضا من الافطار الجماعي (اذا كان دقة مغربية سريعة)*
لاباس به ان يكون في صالة في اي فندق وهو امرا ميسورا، ومجربا، وتكلفته عادية؛
....................................
* العبارة مستوحاة من بوست الاخ عبدالله ودالبوش-الباب المتركش-
| |
|
|
|
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: welyab)
|
ايمن دياب اخبارك يا وجيه
بسرعه بالله لو حاولت تتاخر مع تصاعد السخانه سوف تتبدل المواقف
حديقة النهضة كويسه يا ايمن وخاصة الناس بتفرتق لصلاة التراويح.
لو فيها ياسر العيلفون امشو مع رأي عبدالمنعم الطيب في هذه الحالة بتجر لي عشاء وسحور واعتقد صعبة
| |
|
|
|
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: عباس الدسيس)
|
Quote: جاهزين،
اقترح استراحة ؛
لان الاستراحة فيها راحة اكتر، وخصوصية، واطفال ...
وكعادة السودانيين احتمال مط الفطور لقريب السحور،
فلا جناح اذن من غنوة غنوتين، تروح عنا قليلا ............. |
أخي عبدالمنعم.. رمضان كريم وتصوم وتفطر على خير..
نحنا متعودين ـ دائماً ـ أن يكون الافطار في استراحة..
وزي ما قلت فيها راحة وخصوصية ومساحة كبيرة جدا..
إفطار الفنادق ده مقيد جدا جدا.. وفيهو رسميات كتيرة..
اسه لو عملنا في فندق أقل حاجة ود الصايم ما بقدر يشرب الشيشة..
وما بنقدر نعمل طرب ومديح..
| |
|
|
|
|
|
|
|
|
 Re: الإفطــار السـنوي لبورداب الرياض.. رمضان 1434هـ (Re: أيمن دياب)
|
Quote: Mohamed Jamal · الأكثر تعليقا · ENSA Oujda
انتا كمان يا طارق ميرغني ما تبالغ انت والموج كبرتو ابو حسين الجابو ليكم شنو لساتو شباب
رد · · منذ 2 ساعتين |
الله إديك العافية يا محمد جمال ياخ و إسعدك دنيا و آخرة....
الجلكين دا ياخ كرهني حياتي زاتا و الله ..... كبير قدر جدي (الله إرحمو) و عايز إلمني معاو في أي حاجة ...
| |
|
|
|
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: ABUHUSSEIN)
|
Quote: حسين عثمان ديقول · اداب جامعة الخرطوم
شكرا يا أيمن على الدعوة ، وبرضوا الفي بورداب الرياض اتعرفت ، أهم حاجة تكون يوم جمعة عشان نقدر نجي
رد · أعجبني · متابعة المنشور · منذ 56 دقيقة |
الدعوة مؤكد يوم جمعة.. نحنا والله مفكرين نضبح ليك عديييل عشان نرضيك يا سحس.. باين رضاك صعب بالحيل..
| |
|
|
|
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: حمد عبد الغفار عمر)
|
Quote: ايمن دياب اخبارك يا وجيه
بسرعه بالله لو حاولت تتاخر مع تصاعد السخانه سوف تتبدل المواقف
حديقة النهضة كويسه يا ايمن وخاصة الناس بتفرتق لصلاة التراويح.
لو فيها ياسر العيلفون امشو مع رأي عبدالمنعم الطيب في هذه الحالة بتجر لي عشاء وسحور واعتقد صعبة |
عباس يا دسيس يا سيدا.. (ما مدني وكده)..!
رمضان جمعنا والحمد لله.. وربنا يديك العافية..
غالباً ـ والله أعلم ـ يكون الإفطار في استراحات مخرج 18
حديقة النهضة دي مفتوحة للجميع وما فيها خصوصية.. ويوم الجمعة حتكون زحمة..
وما بنفرز عباس الدسيس من أولاد النيل وعيال الشام إلا بالجلابية والطاقية الملونة..
عشان كده أحسن لينا الاستراحات..
وياسر السر بنجيبو..
| |
|
|
|
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: أيمن دياب)
|
Quote: الاخوة الكرام كل عام وانتم بخير تصوموا وتفطروا على خير
اخوكم من جده وفى مأمورية عمل حتى 17 رمضان بأذن الله حضور معكم اذا تم قبل هذا الموعد للتعرف مع الالتزام بدفع الشير
النعمان يوسف خوجلى |
مرحبا النعمان.. ومشرفنا ومنورنا..
وفرصة طيبة نلتقيك بإذن الله..
خياراتنا في الإفطار ـ على ما يبدو ـ
محصورة في إحدى الجمعتين 11 رمضان
أو 18رمضان (حسب تقويم أم القرى)..
وقبل ما تسافر بإذن الله نشوفك..
| |
|
|
|
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: الهادي ابوبكر)
|
Quote:
مرحبا النعمان.. ومشرفنا ومنورنا..
وفرصة طيبة نلتقيك بإذن الله..
خياراتنا في الإفطار ـ على ما يبدو ـ
محصورة في إحدى الجمعتين 11 رمضان
أو 18رمضان (حسب تقويم أم القرى)..
وقبل ما تسافر بإذن الله نشوفك.. |
اديك العافية اخى ايمن شرف لنا ان نكون حضورا بينكم والتعرف عليكم.
وكل عام والجميع بخير
| |
|
|
|
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: امجد محمد الأمين)
|
العزيز أيمن دياب
وكل الأخوة الزملاء
شهر مبارك وكل عام وانتم بخير
أنا شخصيا بقود تمرد بورداب الرياض المستجدين
وبنكون حضور حول الاستراحة من كل الجوانب
مدججين بالدارريب والحجار
وسنقود ثورة حتى النصر
نهاتي بيكم تحتفلو بينا عملتو أضان الحامل طرشا
والفيكم اتعرفت
غايتو التمرد قايم قايم
وجاهزين بزدواي دراريب
وانا قريب من مخرج 17 وو18 وعندنا مصانع للحجر في الحتة ديك
ويا ويلكم لو استراحتكم بقت بي هناك تلفون واحد لي كومار السواق :
أنا : كومار صديق
كومار : ايوه مودير
أنا : شوف تريلا هادا اللي يجي من جدة اليوم حمل حجارة اسكراب ودي مخرج 18
كومار : ما في موشكل مودير ( هادر )
وعينكم تاني ما تشوف النور
لا تقولوا لي ود الباوقة جاي لا صديق الموج جاي لا عباس الدسيس جاي
والله البشاري زاتو لو جاء انا ما بغير رأيي
فهي ثورة
حتى النصر
| |
|
|
|
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: جمال عبد الناصر محمد)
|
Quote: العزيز أيمن دياب
وكل الأخوة الزملاء
شهر مبارك وكل عام وانتم بخير
أنا شخصيا بقود تمرد بورداب الرياض المستجدين
وبنكون حضور حول الاستراحة من كل الجوانب
مدججين بالدارريب والحجار
وسنقود ثورة حتى النصر
نهاتي بيكم تحتفلو بينا عملتو أضان الحامل طرشا
والفيكم اتعرفت
غايتو التمرد قايم قايم
وجاهزين بزدواي دراريب
وانا قريب من مخرج 17 وو18 وعندنا مصانع للحجر في الحتة ديك
ويا ويلكم لو استراحتكم بقت بي هناك تلفون واحد لي كومار السواق :
أنا : كومار صديق
كومار : ايوه مودير
أنا : شوف تريلا هادا اللي يجي من جدة اليوم حمل حجارة اسكراب ودي مخرج 18
كومار : ما في موشكل مودير ( هادر )
وعينكم تاني ما تشوف النور
لا تقولوا لي ود الباوقة جاي لا صديق الموج جاي لا عباس الدسيس جاي
والله البشاري زاتو لو جاء انا ما بغير رأيي
فهي ثورة
حتى النصر |
يا جمال يا فقيري..
روق المنقة والدنيا رمضان وتسامح..
اول حاجة جيب معاك (هكيم فقيري تود),,
وان شاء الله نرضيكم انت وكل المتمردين..
| |
|
|
|
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: امجد محمد الأمين)
|
Quote: تسلم يا أيمن والله يديك العافية..إن شاء الله متلمين فى الخير..ومعنا أخوانا ألأعضاء الجدد مشرفين...
كل عام والجميع بخير إن شاء الله...
نسأل الله فى هذا الشهر الكريم أن يرحم موتانا وموت جميع المسلمين وخاصة من فقدناهم من ألأخوان وألأخوات فى هذا المنبر..... |
الريس اسماعيل كيفنك وعساك طيب وكل سنة وانت طيب وربنا يتقبل منا ومنك صالح الأعمال..
منتظرين توجيهاتكم واقتراحاتكم بالنسبة للإفطار..
| |
|
|
|
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: حسن مهدي)
|
كل عام والجميع بالف خير ورمضان كريم عليكم وتصومو وتفطرو على خير ونسال الله ان يبلغنا رمضان وان يتقبل منا ومنكم الصيام والقيام ..
ولك الشكر الحبيب ايمن دياب على الاقتراح الجميل ده
وشايف اسمي بتوارد هنا يا ايمن إن شاء الله خير .. على العموم حضور باذن الله لكن نحن يا جماعة السبت دوام ما بنقدر على السهر والصنقير في رمضان ده علشان كده خلوها من دغيشا بدري ,,,
ويا ايمن ما تنسى تغشا شارع الفرزدق وتجيب المعلوم لي عباس الدسيس ده علشان يقتنع ..
تحياتي : ياسر العيلفون
| |
|
|
|
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: عزالدين عباس الفحل)
|
الأمنيات الطيبة
والتهاني الخالصة بمناسبة الشهر الكريم ،،
للجميع في الرياض وكل ربوع البورد في العالم أجمع كل تحياتنا داعين الله لنا ولكم القبول
والرضاء من رب العرش العظيم ، وأن يجعلنا وإياكم من عتقاء هذا الشهر المبارك ،
ودعواتنا للوطن الحبيب أن يعمه الخير والسلام وأن يعود وطناً عظيماً كما كان!!
أيمن ياحبيب أزيك ، وقفل على كدا : الجمعة دور بكرة عشان الناس يخشو السوق من بعد صلاة
الجمعة ويظبطو الموائد : مافي واحد يجي شايل لينا كبسة ولا بروستد ولا فووووووووول
عايزين أكل بيووووووت ياناس : المطاعم ذبحتنا هههههههههه،،
العزابة زينا والبرالمة : يجيبو الحلويات والعصاير ،،
ودايما في الأفراح يارب!!
| |
|
|
|
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: أيمن دياب)
|
Quote: للجميع في الرياض وكل ربوع البورد في العالم أجمع كل تحياتنا داعين الله لنا ولكم القبول
والرضاء من رب العرش العظيم ، وأن يجعلنا وإياكم من عتقاء هذا الشهر المبارك ،
ودعواتنا للوطن الحبيب أن يعمه الخير والسلام وأن يعود وطناً عظيماً كما كان!!
أيمن ياحبيب أزيك ، وقفل على كدا : الجمعة دور بكرة عشان الناس يخشو السوق من بعد صلاة
الجمعة ويظبطو الموائد : مافي واحد يجي شايل لينا كبسة ولا بروستد ولا فووووووووول |
الحبيب أبوخالد.. رمضانك كريم وتصوم وتفطر على خير..
نتوقع لهذا الاجتماع أن يكون حاشداً وجامعاً ولاماً بإذن الله..
عدد كبير من الضيوف والحضور متوقع..
بالنسبة للتوقيت منتظرين مداخلات الناس وحجز الاستراحة والاتفاق على تاريخ محدد
وكل عام وأنتم بخير وعافية..
| |
|
|
|
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: أيمن دياب)
|
نرحب ترحيب حار ببورداب الرياض الجدد وانتو بصراحه الساس والراس
واؤيد ثورة الحجاره يا ناصر بس اللوري خليهو قريب في مخرج سبعطاشر
ههههههههههههههههههههههههههههههههه
____________________________
يا ايمن شايفك سفهت اقتراحي
علي كيفكم وتاني ما حاكررو
اجمل برنامج حيكون اللقاء مع البرالمه
| |
|
|
|
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: أيمن دياب)
|
سلام يا شباب(عمو طارق وجدو صديق بره من الشباب ديل )
كل سنة وانتوا طيبين ورمضان كريم ينعاد عليكم باليمن والخير والبركات
اول حاجة نرحب ترحيب شديد ببورداب الرياض الجدد واكيد ها تنورونا وتشرفونا
ومن حقكم تزعلوا والله بالجد قصرنا في حقكم وتستاهلوا تكريم وترحيب كارب بس الحياة مشاغل
ونحن فيها وإن شاء الله لمتنا بيكم ها تكون لمة خير ومحبة
وطبعا يا ايمن نحن حضور وبقوة وفعالية تامة بس منتظرين التعليمات ونحن تحت الخدمة
| |
|
|
|
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: امير طمبل)
|
الاخ ايمن والمتدخلون .....
تصوموا وتفطروا على خير ... وان شاء الله مجتمعين في الحرم ....
اها نحنا ناس الشرقية .... معزومين .. ولا كيف ....يااخ كلها 3 ساعات ونكون في نصكم ....
انا علي القنقليز .... المثلج .... وممكن اجيب ليكم ربياان ... للناس البرجوزايه... زي ود الصايم كدا ...
تحياتي ,,,
| |
|
|
|
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: الهادي ابوبكر)
|
العزيز الغالي / أيمن
تحياتي ورمضان كريم ،
غريبة السنة دي موقع الافطار بقى فيهو (خيارات) ،
ومشاورات .. إمكن يا ربي عشان الريس مافي واللا شنو ؟!
على العموم جاهزين .. وين ما بقى نحن حاضرين بإذن الله
وبناءاً على رغبة أخونا طارق ميرغني وصحبه الكرام ممن
(كجنوا) قعاد الواطه (ود الحسين / يمتنع/ عيني باردة لسه شباب) ،
أقترح الافطار يكون في استراحة(مخرج 18 كالعادة) بس مع كراسي وترابيز ،
عشان يبقى زي فطور الفنادق .. بس مع الفارق في الخصوصية ومساحة
الاستيعاب .. وعشان كمان ناس ود العيلفون ومكاوي ونورين وغيرهم
ممن جرت العادة السنوية أن يشاركونا البهجة ، يقدروا ياخدوا راحتهم
بالكامل (لو هفت ليهم يسعدونا ويطربونابغناهم السمح بالحيل) .
واللا شنو الراي ؟؟!!
مودتي ،
( ليمو )
| |
|
|
|
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: ABUHUSSEIN)
|
Quote: الاخ ايمن والمتدخلون .....
تصوموا وتفطروا على خير ... وان شاء الله مجتمعين في الحرم ....
اها نحنا ناس الشرقية .... معزومين .. ولا كيف ....يااخ كلها 3 ساعات ونكون في نصكم ....
انا علي القنقليز .... المثلج .... وممكن اجيب ليكم ربياان ... للناس البرجوزايه... زي ود الصايم كدا ...
تحياتي ,,, |
أها عاين دا كمان .....
داير إجي من الشرقية عشان إحصل المولد دا .....
ياخ ما تعملو الدخول بي تذاكر على الأقل نطلع مصاريف العيد...
| |
|
|
|
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: ABUHUSSEIN)
|
نأمل أن يكون الإفطار معبراً عن الحديث الشريف ............
عن النبي صلى الله عليه وسلم أنه قال: " مَثَلُ المؤمنين في تَوَادِّهم وتراحُمهم وتعاطُفهم: مثلُ الجسد، إِذا اشتكى منه عضو: تَدَاعَى له سائرُ الجسد بالسَّهَرِ والحُمِّى "
------------
اللهم أجعلنا من عتقاء هذا الشهر الكريم ......
| |
|
|
|
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: طارق ميرغني)
|
Quote:
يللا يا ابوحسين الحساب ولد
أي بوردابي جيديد الكرسي بتاعو علي حسابي
وبالله يا ايمن من النوع الفخم
......................الجلاكين يمتنعون
هههههههههههههههههههههههههههههههه |
الاخوة طارق وابوحسين , ايمن وبقية بورداب الرياض لكم التحية الواحد بيستمتع بالمناكفه بينكم وانتم بعيدين عن السياسة ربنا يديم المحبه
نأمل الاتفاق على الموقع ونتمنى ان يكون الزمان يوم الجمعة القادمة قبل رجوعنا الى جده ان امكن ذلك ............... مع خرطة للموقع لعدم معرفتنا بالرياض ,,,,,
السكن بودل الملز تقاطع شارع الاحساء مع فاطمة الزهراء.
| |
|
|
|
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: النعمان خوجلى)
|
Quote: يللا يا ابوحسين الحساب ولد
أي بوردابي جيديد الكرسي بتاعو علي حسابي
وبالله يا ايمن من النوع الفخم
......................الجلاكين يمتنعون
هههههههههههههههههههههههههههههههه |
بالله يا أيمن شوف ليك سرير للجلكين دا و شوف شحرفان لو جايي خليهم سريرين .....
و بالمرة شوف ليك واحد إمشي إجيبهم من البيت و إرجعهم علشان ما إطشو كمان ....
| |
|
|
|
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: عادل البراري)
|
Quote: الكرسي بتاعي دافعو عمو طارق ميرغني
وكان طشينا وسقط عنا اليوم سهواً اتصلوا علينا
صفر خمسة تلاته سته اربعة واحد اربعة تلاته واحد واحد كمان مظبوط |
و تاعب نفسك ليه .....؟؟؟؟
كان طشيت بنرسل ليك الكرسي في مكانك أقعد فيه و لم تتعب أرجع البيت ... و شيلو معاك كمان ....
| |
|
|
|
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: ABUHUSSEIN)
|
Quote: نأمل الاتفاق على الموقع ونتمنى ان يكون الزمان يوم الجمعة القادمة قبل رجوعنا الى جده ان امكن ذلك ............... مع خرطة للموقع لعدم معرفتنا بالرياض ,,,,,
|
دا من جده و شوفو كمية الطلبات في السطرين ديل .....
غايتو يا بورداب الرياض مفروض أبو صلعة دا إدفع ليكم حاجة كويسة ....
| |
|
|
|
|
|
|
|
|
|
Re: الإفطــار السـنوي لبورداب الرياض.. رمضان 1434هـ (Re: abdulhalim altilib)
|
Quote: الاخوة طارق وابوحسين , ايمن وبقية بورداب الرياض لكم التحية الواحد بيستمتع بالمناكفه بينكم وانتم بعيدين عن السياسة ربنا يديم المحبه
نأمل الاتفاق على الموقع ونتمنى ان يكون الزمان يوم الجمعة القادمة قبل رجوعنا الى جده ان امكن ذلك ............... مع خرطة للموقع لعدم معرفتنا بالرياض ,,,,,
السكن بودل الملز تقاطع شارع الاحساء مع فاطمة الزهراء. |
أخونا النعمان خوجلي..
غالباً ما يكون الإفطار يوم الجمعة القادم بإذن الله..
ولكن.. بعد تحديد الاستراحة مساء اليوم..
حيث لم يسعفنا الزمن بالأمس بسبب الزحام المروري في الذهاب لمنطقة الاستراحات..
كن على تواصل.. وليمو سيتولى أمر توصيلك مشكوراً..
| |
|
|
|
|
|
|
| |
omer osman
ABUHUSSEIN
امير طمبل
علاء الدين حيموره
مصعب محمد عثمان
عبداللطيف شريف على
عبدالله ود البوش
النعمان خوجلى
عبدالمنعم الطيب حسن
الامين موسى البشاري
صلاح غريبة
welyab
عباس الدسيس
حمد عبد الغفار عمر
الهادي ابوبكر
علي محمد الفكي
طارق عبد اللطيف نقد
ismeil abbas
جمال عبد الناصر محمد
أمير محمد ادريس
حسن مهدي
ياسر السر
عزالدين عباس الفحل
محمد عبد الماجد الصايم
ساميه حامد
saidahmed shami
محمد شيخ الدين ابراهيم
محمد مجيدو
abdulhalim altilib
ahmedona
عمر عبد الله فضل المولى
عادل البراري
أيمن محمود
فيس بوك
تويتر
انستقرام
يوتيوب
بنتيريست