كتب الكاتب الفاتح جبرا المتوفرة بمعرض الدوحة
|
|
 إستغاثة من مالكي منتديات الترتر ، الله يقطع الفيس بوك . إقتراحاتكم
|
ويقطع معاهو التويتر و ال whatsapp وكل التلفونات الذكية
منتديات الترتر ( الحقوق محفوظة للأخ محمد البشري الخضر علي ما أعتقد ههههههه) ولو غلطان صوبوني
نيابة عن نفسي وأصالة عن مالكي منتديات الترتر ههههه
قبل ظهور الفيس بوك وأخواتة كانت منتدياتنا تضج بالحيوية مشاركات ، المتواجدون بالمئات في اليوم وبعد ظهور الفيس بوك هرب الاعضاء
تدريجيا حتي أصبحت منتدياتنا مهجورة ، كل يوم بمشي الفيس بوك أحنك لي كم مزه وكم من الشباب ويجو ويسجلو يومين بس ويرجعو تاني الفيس
بوك لمن جأتني فلايت من عتالة الناس من الفيس بوك الي المنتدي .
شكلو كدو ركبنا مأسورة بدفع سنويا إستضافة 300 يورو والمنتدي خاوي علي عروشو لم يبقي الا أنا وأخوي الاصغر وأخوي زاتو أنا مهددو في حالة
الزوغان من المنتدي للفيس بوك بقطع منو المصروف ههههههههههههههههه
فكرت كذا مرة أقطع رأس المنتدي وأعملو موقع للأغاني السودانية لكن معي بعض الاخوة من المولانات كانو ومازلو يحركون المنتديات الاسلامية
فخجلان منهم أقول ليهم عاوز أقفل الشغلانية دي وأقلبها موقع أغاني سودانية هههههه
عليكم الله إقترحاتكم الشغلانية دي بتمشي لي قدام نواصل ولا نقفل المنتدي ونأكل باسطة بدل ما كل سنة أقح لي 300 يورو في الفاضي ساي .
|
|
 
|
|
|
|
|
|
|
 Re: إستغاثة من مالكي منتديات الترتر ، الله يقطع الفيس بوك . إقتراحاتكم (Re: Mohammed Sedeq)
|
ع السريع كدا يا عادل قبل ما يجي صبري يستلمك 
متديات الترتر دي للأمانة انا مقتبسها من تمبس لكن حقوق تأصيل وتفعيل المصطلح لي هههههههههه
المهم قريت للزميل صبري طه أكتر من بوست بتكلم عن نفس مخاوفك وقصة عدم قدرة المنتديات على جذب المشاركين بعد ثورة الفيس بووك والتويتر وكدا وافتكر طرح حلول عن نسخ حديثة فيها خصائص الفيس بووك
بس السؤال هنا منتديات زي سودانيزاونلاين وسودانيات - ست الإسم - و الفورأول ليه ما أتأثرت بحكاية الفيس بوك دي و الإقبال عليها و المشاركة إن لم تكن زادت فعلى الأقل بنفس الوتيرة
أفتكر القصة ليها علاقة بالمواضيع المطروحة و تنوّع المشاركين واختلافهم
يعني منتدى لأبناء منطقة معينة أو خريجي جامعة معينة الجديد شنو عندهم و المختلف يخليهم يخشوا كل يوم!! ما ياهم نفس الناس و نفس الذكريات وكدا
بعدين يا عادل تلتمية يورو ما كتيرة, أسي كان وقعت بيها كنتاكي تعشيك كم يوم بالله :)
| |
|
|
|
|
|
|
|
|
Re: إستغاثة من مالكي منتديات الترتر ، الله يقطع الفيس بوك . إقتراحاتكم (Re: Mohammed Sedeq)
|
Quote:
سلامات يا عادل
شخصيا اعتقد ان استمرارية المنتديات بنفس استايلها القديم امر مستحيل
ممكن تصمد لو تطورت واتحدثت
حاليا في اصدارات حديثة للمنتديات فيها الكتير من التطوير و التحديث
انا ما خبير في الموضوع ده بس كم واحد هنا من الاخوان نزلوا بوستات بالخصوص ده ممكن ترجع ليها
بس حابي اقول انو استمرارية المنتديات رهينة بتطويرها وتحديثها للاصدارات الاحداث و المواكبة لثورة الفيس و تويتر |
محمد صديق
حياك الله
والله ياحبيب طورنا المنتدي لآخر إصداره ومافضل لينا الا نلولي الاعضاء وبرضو الجماعة
كبو الزوغة التقول في الفيس بيشتتو ليهم السكر ، تحنك عشرين وتحمد الله علي إقناعهم وتمشي تفتش
لعشرين تاني ترجع تلاقي ثلاثين إتخارجو ههههههه
لكن شكلي كدة بقلب الشغلانية حزب البهجة والمسرة أغاني زي كبريهات شارع محمد علي هههههههه. زهجنا يأخ .
| |
|
|
|
|
|
|
|
|
|
Re: إستغاثة من مالكي منتديات الترتر ، الله يقطع الفيس بوك . إقتراحاتكم (Re: أيمن الفاضل)
|
Quote:
متديات الترتر دي للأمانة انا مقتبسها من تمبس لكن حقوق تأصيل وتفعيل المصطلح لي |
ود البشري حبابك يا حبيب يعني برضو ما مشيت بعيد تمبس برضو دفعة التحية لك ولتمبس .
Quote:
المهم قريت للزميل صبري طه أكتر من بوست بتكلم عن نفس مخاوفك وقصة عدم قدرة المنتديات على جذب المشاركين بعد ثورة الفيس بووك والتويتر وكدا وافتكر طرح حلول عن نسخ حديثة فيها خصائص الفيس بووك
بس السؤال هنا منتديات زي سودانيزاونلاين وسودانيات - ست الإسم - و الفورأول ليه ما أتأثرت بحكاية الفيس بوك دي و الإقبال عليها و المشاركة إن لم تكن زادت فعلى الأقل بنفس الوتيرة
أفتكر القصة ليها علاقة بالمواضيع المطروحة و تنوّع المشاركين واختلافهم
يعني منتدى لأبناء منطقة معينة أو خريجي جامعة معينة الجديد شنو عندهم و المختلف يخليهم يخشوا كل يوم!! ما ياهم نفس الناس و نفس الذكريات وكدا |
مش مخاوف وبس نحن حالنا وقف عديل كدة بسبب الفيس والغيرو ههههههه
لكن عندك حق في المنتديات بأسماء مناطق وخريجي جامعة معينة دائما ما تسبب الملل وتخلي الاعضاء يهربون نواحي الفيس بوك، أما سودانيز أون لاين
وسودانيات والفور أول منتديات عريقة وجزورها متينة لم تعتمد في أساسها علي صلة القرابة ولا الاصدقاء المقربين فكانت وعاء جامع لكل الطبقات
وكل الاحزاب السياسية لذلك لم تتأثر بطوفان الفيس وغيرو لكن نحن أعتمدنا علي الاصدقاء والمقربين وصلة الرحم في أساسنا وأول ما جاء الطوفان أنهد كل
البنيناه طيلة السنين الماضية وأصبحنا قاعدين أمفكو في الصقيعة والناس فرت ماتبقي لي في المنتديات الا المنتدي الاسلامي ومحركنو ناس مولانات ( شيوخ)
فشايفها شينة اقول ليهم عاوز أقلب الشغلانية بما يواكب المرحلة هههههههههه، لكن الاخ صبري طه لو جاء ماري بي هنا وأدنا النجيضة هل لو قلبنا المكنة جاز
موقع للأغاني السودانية الشغلانية بتمشي ولا ما نهدر زمنا في قربة مخرومة .
| Quote: بعدين يا عادل تلتمية يورو ما كتيرة, أسي كان وقعت بيها كنتاكي تعشيك كم يوم بالله |
والله يا ود البشري بقح 300 يورو كل سنة للشركة المستضيفة دا غير تحديث المنتدي وغيرو وغيرو حسابها براهو
واريتو لو جاب مريسة تامزين ههههههههههههه .
| |
|
|
|
|
|
|
|
|
|
Re: إستغاثة من مالكي منتديات الترتر ، الله يقطع الفيس بوك . إقتراحاتكم (Re: عادل الباهي عبدالرازق)
|
Quote:
بدل الفيسبوك وتويتر يكونوا منافسين ليك ممكن تستفيد منهم في نشر المنتدي علي أوسع نطاق
يعني مثلاً تعمل صفحة في ألفيس بوك وتويتر باسم المنتدي
وتخت روابط البوستات والمواضيع فيهو
وتفتح شباك بي تحت زي ما بكري عامل |
العزيز أيمن الفاضل
تحياتي
يا حبيب غيري كان أشطر عندي صديقي أصاب منتداه الهرم وحالو وقف زينا كدة عمل قروب في الفيس بوك شارك فيهو قرابة الالف شاب وشابة
وغير إسم المنتدي بنفس إسم القروب يومين بس الجماعة شردو تاني الفيس ما طال حاجة غير غير البنر وخسر قروش ههههه لكن سوف
أقوم بعمل صفحة في الفيس بوك وتويتر بأسم المنتدي وأضع فيها روابط البوستات زي ما أقترحت عسي ولعل الشغلانية تمشي قدام.
شكري وتقديري .
| |
|
|
|
|
|
|
|
|
|
Re: إستغاثة من مالكي منتديات الترتر ، الله يقطع الفيس بوك . إقتراحاتكم (Re: عادل الباهي عبدالرازق)
|
| Quote: لكن سوف أقوم بعمل صفحة في الفيس بوك وتويتر بأسم المنتدي وأضع فيها روابط البوستات زي ما أقترحت عسي ولعل الشغلانية تمشي قدام. |
اها الصفحة ذاتها لازم تنشرها وتخت الرابط بتاعها في صفحات تانية زي بتاعت سودانيز مثلاً
وتعمل share وكمية من الحركات
صفحات ألفيس بوك عايزة صبر في البداية بس بعد شوية حتكون انتشرت بطريقة واسعة جداً
أسمع إنت خايف من بكري وإلا شنو ؟
جيب الرابط بتاع المنتدي هنا
ولو المسألة قانونياً ممنوعة أعمل نفسك عاوز تجيب خبر أو تناقش قضية وقوم جيب (المصدر) 
| |
|
|
|
|
|
|
|
|
|
Re: إستغاثة من مالكي منتديات الترتر ، الله يقطع الفيس بوك . إقتراحاتكم (Re: أيمن الفاضل)
|
Quote:
اها الصفحة ذاتها لازم تنشرها وتخت الرابط بتاعها في صفحات تانية زي بتاعت سودانيز مثلاً
وتعمل share وكمية من الحركات
صفحات ألفيس بوك عايزة صبر في البداية بس بعد شوية حتكون انتشرت بطريقة واسعة جداً
أسمع إنت خايف من بكري وإلا شنو ؟
جيب الرابط بتاع المنتدي هنا
ولو المسألة قانونياً ممنوعة أعمل نفسك عاوز تجيب خبر أو تناقش قضية وقوم جيب (المصدر) |
أنشاء الله بعمل الصفحة وبعذب بيها الفيس بوك وغيرو عذاب
لو بقت علي بكري هينة بكري زول حبوب مابيقول حاجة ( شفت كسير التلج دا كيف ) ههههههههههههههه
أسع لو ما حسادة من الناس المشاغبين الذين يتم توقيفهم هنا ربع بحالو بدل بعد ما يوقفوهم ويجونا من تحت
مع ناس الفيس بوك ويطقعو بالحجارة ويشوهو سمعة الفيسبكوباب التحت ما يقعو منتديات الترتر لمدة ثلاثة
شهور منها ينشطوها لينا ومنها الواحد يكتسب لياقة هههههههههههههه .
| |
|
|
|
|
|
|
|
|
|
Re: إستغاثة من مالكي منتديات الترتر ، الله يقطع الفيس بوك . إقتراحاتكم (Re: عادل الباهي عبدالرازق)
|
Quote:
Yousif Bashari · الأكثر تعليقا · Stratford Career Institute
ياعادل الباهى .. الآن فهمت لماذا أظهرت لنا وش القباحة عندما إنفتحت لنا نافذة الفيسبوك فى سودانيزأون لاين .. أصحى ياأخوى ..
الزمن وتكنولجيا المعلومات تمضى كالصاروخ وأنت ستجد نفسك وحيدا تقاتل طواحين الهواء بعكازك .. لن أنسى أنك طالبت بقفل هذه النافذة ..! |
يا يوسف وش قباحة شنو الاظهرتو ليكم لا سمح الله أنا في البداية كنت بمزح و اطلقت علي نافذة الفيس بوك ناس المصاطب الشعبية والناس فهمو الهزار
غلط شيء في أنفسهم ولكن مع مرور الوقت أثبت الايام فشل هذة التجربة خاصة في سودانيز أون لاين ليس بسبب الفيسبوكاب أنفسهم ولكن بسبب بعض الاخوة
الاعضاء الذين يدخلون من تحت بأسماء مستعارة وفي رجال بشنباتهم لبسو طرحه وخمار عشان يصفو خلافات مع من يختلفون معهم في الرأي فخليك دقيق فرق
شاسع بين أن أطالب بقفل نافذة الفيس بوك وبين من أطلق تسمية بهزر ولم تروق لبعض الناس .
| |
|
|
|
|
|
|
|
|
|
Re: إستغاثة من مالكي منتديات الترتر ، الله يقطع الفيس بوك . إقتراحاتكم (Re: عادل الباهي عبدالرازق)
|
الاخ عادل تحايا
أستمرارية الموقع بصفة عامة او المنتدى بصفة خاصة يعتمد على ترتيبك في محركات البحث واليكسا والباك لينك ،،
اهتمامات الناس تختلف ، وحقيقة يجب ان تعرفها اضحى أساس الانترنت استخدام محركات البحث لاغير
انا شخصيا بعد التصفح لمواقع معينة ألجاء مباشرة لمحركات البحث في كل شئون حياتي " السفر، العلاج،البيع، الشراء،الخبر،معرفة اخبار شخص ما، ،،،، الخ"
المنتديات التي قيلت عاليه " سودان فور أوول ، وسودانيز " تتمتع بباك لينك قوي وترتيب منخفض في اليكسا ومنخفض في محركات البحث
يعني لو كتبت " السودان" وعملت بحث بأخر ساعة طوالي حتظهر معاك المنتديات المذكورة ،،
يعني المطلوب مش تبديل المنتدى " حتى لو بدلت سوف تكون ذات الاية"
المطلوب الاهتمام السيو والارشفة بالنشر في عدة مواقع والشغلانة بقت أكل عيش بالمناسبة في مصر مثلا تعيش اسرة كاملة من موقع
وهو عمل كغيره من الاعمال
تستيقظ الصبح وتضيف مواضيع متفردة وحصرية " انشاء الله تكتب خارم بارم" وتضع الرابط في ما لايقل عن عشرة مواقع أعطيك منها الاتي " مع ضرورة المداومة "
اضافة رابط في امازون
اضافة رابط في لينكيد أن
اضافة رابط في تاج
اضافة رابط في ديليوكس
اضافة رابط في فريند فيد
بالاضافة للنشر الاتومتيكي " يمكنني مدك بما تريد للنشر في عدة مواقع اتومتيك"
كما ذكرت هو عمل يتطلب منك الاجتهاد حتى تحسن ترتيب الموقع وظهوره في البحث حسب اخر ساعة وبعدها انشاء الله تتبقى المشاركات الجيدو من الاعضاء وامور أدارية وفنية
| |
|
|
|
|
|
|
|
|
|
Re: إستغاثة من مالكي منتديات الترتر ، الله يقطع الفيس بوك . إقتراحاتكم (Re: ناصر حسين محمد)
|
سلام يا ناصر
مسألة تقييم الكسا و الترتيب و الإرتباط بمحركات البحث قد تكون معيار صائب في تقييم نجاح المواقع الإلكترونية بشكل عام لكن لما نتكلّم عن منتديات حوار افتكر الوضع مختلف
البشتكي منه عادل هو قلة نشاط الأعضاء, ممكن يعمل بنصائحك دي ويملى المنتدى بوستات ون مان شو و يربطها بمحركات بحث و يحصل على نقرات زوار كثيرة و يتقدم في الترتيب لكن هل دا النجاح القاصده عادل؟
ما اظن, الفكرة تدور حول دفع الأعضاء للمشاركة الحقيقة الفعّالة ودي يا عادل النديك النجيضة: توفيق من الله ههههههههههه
| |
|
|
|
|
|
|
|
|
|
Re: إستغاثة من مالكي منتديات الترتر ، الله يقطع الفيس بوك . إقتراحاتكم (Re: عادل الباهي عبدالرازق)
|
Quote:
أستمرارية الموقع بصفة عامة او المنتدى بصفة خاصة يعتمد على ترتيبك في محركات البحث واليكسا والباك لينك ،،
اهتمامات الناس تختلف ، وحقيقة يجب ان تعرفها اضحى أساس الانترنت استخدام محركات البحث لاغير
انا شخصيا بعد التصفح لمواقع معينة ألجاء مباشرة لمحركات البحث في كل شئون حياتي " السفر، العلاج،البيع، الشراء،الخبر،معرفة اخبار شخص ما، ،،،، الخ"
المنتديات التي قيلت عاليه " سودان فور أوول ، وسودانيز " تتمتع بباك لينك قوي وترتيب منخفض في اليكسا ومنخفض في محركات البحث
يعني لو كتبت " السودان" وعملت بحث بأخر ساعة طوالي حتظهر معاك المنتديات المذكورة ،،
يعني المطلوب مش تبديل المنتدى " حتى لو بدلت سوف تكون ذات الاية"
المطلوب الاهتمام السيو والارشفة بالنشر في عدة مواقع والشغلانة بقت أكل عيش بالمناسبة في مصر مثلا تعيش اسرة كاملة من موقع
وهو عمل كغيره من الاعمال
تستيقظ الصبح وتضيف مواضيع متفردة وحصرية " انشاء الله تكتب خارم بارم" وتضع الرابط في ما لايقل عن عشرة مواقع أعطيك منها الاتي " مع ضرورة المداومة " |
العزيز ناصر حسين
حياك الله ورمضان كريم
الف شكر للأفادة والشرح الوافي سوف أقوم بتطبيقة علي أرض الواقع عسي ولعل ينصلح الحال ولو إحتجنا ليكم بنرجع تاني
يعني أسع الليلة المنبر دا كلو خلا من مالكي منتديات الترتر أصلو الشينة منكورة هههههه
| |
|
|
|
|
|
|
|
|
|
Re: إستغاثة من مالكي منتديات الترتر ، الله يقطع الفيس بوك . إقتراحاتكم (Re: عادل الباهي عبدالرازق)
|
Quote:
مسألة تقييم الكسا و الترتيب و الإرتباط بمحركات البحث قد تكون معيار صائب في تقييم نجاح المواقع الإلكترونية بشكل عام لكن لما نتكلّم عن منتديات حوار افتكر الوضع مختلف
البشتكي منه عادل هو قلة نشاط الأعضاء, ممكن يعمل بنصائحك دي ويملى المنتدى بوستات ون مان شو و يربطها بمحركات بحث و يحصل على نقرات زوار كثيرة و يتقدم في الترتيب لكن هل دا النجاح القاصده عادل؟
ما اظن, الفكرة تدور حول دفع الأعضاء للمشاركة الحقيقة الفعّالة ودي يا عادل النديك النجيضة: توفيق من الله ههههههههههه |
يا ود البشري أنت كدة فهمتني صاح قبل ساعات حاولت ربط المنتدي بمحركات البحث لكن المشكلة الكبري أين هم الاعضاء البيكتبو حتي يجذبو
الزوار علي الكليكات بالله المنتديات أصبحت زي الجريدة الحائطية بتاعة زمن الابتدائي تجيب ليك ورق مقوي وتكتب كلمة العدد أنت زاتك وترش كل
المواضيع أنت زاتك وتكتب فوق أسمك مكان رئيس التحرير ومحل اعضاء التحرير وتعلقا وتقراءها براك يأخ الاعضاء بقو زي أولاد جحا تجيب دا
ترجع تجيب التاني تلاقي الاول كب الزوغة مافضل لي الا أربطهم هههههههههه.
يا ود البشري عملت لي زي نكتة الزول القال لصاحبو أنا بشرب لي أثنين لتر مابسكر وأنت بتشرب ليك كباية تسكر قال ليهو السكر توفيق
من الله ههههههههههههههههههههه السودانيين بقت مواضيع السياسة والثقافة في منتديات الترتر مابتنفع معاهم عاوزين مواقع هشك بشك مافي
حلل الا أقلب الموقع للأغاني والطرب إتخيل لي سوف يأتون زرافاتا ووحدانا هههههههههههههه
| |
|
|
|
|
|
|
|
|
|
Re: إستغاثة من مالكي منتديات الترتر ، الله يقطع الفيس بوك . إقتراحاتكم (Re: عادل الباهي عبدالرازق)
|
عادل ياحبيب سلامات
ورمضان كريم وتصوم وتفطر علي
خير وربنا يتقبل صيامكم وقيامكم
تعرف مشكلتك دي عامة كل المنتديات
اتاثرت بيها نحن عندنا منتدي باسم
منطقتنا في البداية كان ماش كويس
هسي فضلت انا ومعاي اتنين
وبظهرو من الاسبوع للاسبوع
ومعانا كم وعشرين زائر بزورو
في شنو انا ماعارف تعرف
المنتديات كانت موضة وانتهت
لكن ان شاء الله بترجع تاني
زي الشارلستون مش انتهي
هسي رجع تاني يعني ابشرك
انتظر كم وتلاتين سنة ان شاء
الله المنتدي بيعمر تاني ههههههه
تسلم ياحبيب
| |
|
|
|
|
|
|
|
|
|
Re: إستغاثة من مالكي منتديات الترتر ، الله يقطع الفيس بوك . إقتراحاتكم (Re: عادل الباهي عبدالرازق)
|
ما داير احبطك يا عادل لكن الإعتماد على الأغاني و الطرب براهو ما كفاية, الشعب بحب الآكشن و الجكس النضيف وطالما المنتدى عام وما تخصصي يبقى الناس بتجيبها الونسة وتقضية الوقت
أكتر حاجتين بجيبوا ناس تقضية الوقت شكلة كاربة او جكساية جريئة
تقوم تعمل ليك عدد اتنين تلاتة اسماء مستعارة تدوّر بيهن كم شكلة كاربة النوع الفيها دقديق صفايح وطليع فضايح دي بتجيب الغاشي و الماشي
و في نفس الوقت زي خرتمية يوزر حريمي النوع بتاع الحسس و البنفسج و سولارا وشنو ما عارف النوع البكتب رياحين و الق و زاد وجدي
لكن اهم شي يكون فيهن واحدة شفتة مقرمة ما عندها قشة مرة تكتب و تتونس في اي شي دي بتقش ليك السوق
اها بعد القصة تمشي و المسائل تسلك و البورد يتملي عضوية جد جد تقوم تخارج اليوزرات واحد واحد دا يتوقّف و ديك تختفي وداك مشغول و كدا
وما تنسى تقتل البت المقرّمة وفبرك ليها نعي وبتاع - دي مهمة ما تنساها وإلاّ ح تنكشف وتشرب حينها ولا تروى
جرب خارطة الطريق دي و ادعي لي :)
| |
|
|
|
|
|
|
|
|
|
Re: إستغاثة من مالكي منتديات الترتر ، الله يقطع الفيس بوك . إقتراحاتكم (Re: محمد البشرى الخضر)
|
دي ياتو استضافة دي البي المبلغ الخرافي دا ؟ افضل الاستضافات حاليا بتديك 3 سنوات بي 150 - 200 دولار
عموما نجاح المنتديات بيعتمد علي نوعية المواضيع وتطور الادارة مع وجود البدائل المتاحة للناس .. في رايي مسالة الحوارات دي بقت غير مجدية ..المجدي حاليا الحاجات الممكن يستفيد منها المتصفح في مختلف المجالات يعني حاجه كدا تكون اقرب للارشفة منها للمادة السريعة ودي ممكن تجيب ليك ناس من نفس الاهتمام او المجال ..زمان المنتديات بتعتمد علي الونسه والشلليه والخلط والكلام دا حاليا بقي محلو الفيس بوك والواتس اب ..
| |
|
|
|
|
|
|
| |
عادل الباهي عبدالرازق
Mohammed Sedeq
محمد البشرى الخضر
أيمن الفاضل
ناصر حسين محمد
سليمان القرشي
Maawya Hussein
علي محمد الفكي
فيس بوك
تويتر
انستقرام
يوتيوب
بنتيريست